Kannabis əmtəə nişanı ola bilər mi?

KANNABİS əmtəə nişanı ola bilər mi?

Əmtəə nişanları və fərqləndirici nişanlar ümumi ifadələrdən və işarələrdən olmamalıdır. Hansı ki, bu işarələr və ifadələr ümumi cəmiyyətin mülkiyyətinə/ istifadəsinə aiddir (res communis). Həmçinin dini işarələr, simvollar, sözlər də əmtəə nişanının və sənaye nümunəsinin patentləşmə obyekti ola bilməz. "CANNABİS" ifadəsi dedikdə hamının yadına ilk olaraq marixuana düşür. Hansı ki, bir çox ölkələrdə dövriyyəsinə qadağa qoyulub və ya məhdudlaşdırılıb. 1999-cu il tarixində İsveçrəli bir vətəndaş CANNABİS ibarəsini Avropada daxilimi marketdə qorunmaq üçün patentləşdirmək Avropa Patent Ofisinə müraciət edir. 2003-cü il tərifində həmin ifadə həmin şəxsin adına patentləşir. Patent Nista klassifikasiyasının 32-ci sinfinə əsasən, yəni spirtli içkilər başlığı altında qeydiyyata alınır. Elə 2003-cü ildə dərhal həmin qeydiyyata dair Alman Şirkəti tərəfindən Patent Ofisinə etiraz daxil olur. 2005-ci ildə Patent Ofisinin Ləğvedici Diviziyası "CANNABİS" əmtəə nişanını ləğv edir. İsveçrəli fiziki şəxs məsələni Avropa Ədalət Məhkəməsinə daşıyır. Məhkəmə aşağıdakı səbəblərə görə qeydiyyatın ləğvini haqlı bulur və şikayəti təmin etmir:

1) Orta müştəri kütləsində "Cannabis" dedikdə narkotik bitki başa düşülür və bu ifadənin markada olması, məhsulun narkotiklə bağlı olması ehtimalını doğurur.
2) İfadə tək sözdən ibarət olmaqla "ayıredici" xüsusiyyətə malik deyil və marka özlüyündə təbliğ etdiyi istehsalat sahəsinin ayıredici xüsusiyyətləri əks etdirməlidir və müştərilərdə məhsul barədə ön məlumat formalaşdırmaldır.
3) Həmçinin "CANNABİS"in ibarəsinin 3 müxtəlif mənası olduğu üçün, əmtəə nişanının hansı mənada olan məhsulu nəzərdə tutduğu da bəlli olmalıdır".

Həqiqətən da ədəbiyyatda və gündəlik ifadə tərzlərində "CANNABİS"in 3 fəqli mənası vardır:

A) "CANNABİS"- tekstil istehsalatında istifadə olunan bitkidir,

 B) "CANNABİS"- Bir çox ölkələrdə qadağan olunmuş narkotik bitkisidir, hansı ki, onun kultivasiyası, əkilməsi və istifadəsi qadağandır/məhdudlaşdırılıb,

C) "CANNABİS" müalicə preparatıdır. 

P.S. Məlumat üçün deyim ki, enerji içkisi olan "CANNABİS ENERGY DRİNK" dünya əqli mülkiyyət ofisində 2011-2021-ci illər arasında mühafizə sənədi ilə Hollandiyadan bir şirkətin adına qeydiyyatdan keçib. Nista təsnifatına əsasən "alkoqollu və alkoqolsuz içki kimi" qeydiyyatdadır. Ona görə "CANNABİS" adı məhsula daxil edilib ki, içkidə çətənə toxumunun qatqıları vardır. Deməli ayırdedici ibarə, məhsulun tərkibi haqqında məlumat verir

müəllif: Aqil Layıc

https://www.facebook.com/groups/254738361345933