İrma İda İlza Qreze

İrma İda İlza Qreze (alman. Irma Ida Ilse Grese) (1923 — 1945) - Ravensbruk, Auşvis (Osvensim) və Berqen-Belzen nasist ölüm düşərgələrin nəzarətçisi. Ləqəbləri: "Sarışın şeytan", "Ölüm mələyi", "Gözəl yırtıcı"

Ailələrində 4 uşaq var idi. 1936-cı ildə anası intihar edir. İrma lazımi təhsil almamışdır, 15 yaşında məktəbi atır. Amma özünü Alman qızları ittifaqında göstərmişdir (oğlanlar üçün hitleryuqendin analoqu). 1943-cü ildə Auşvisə keçirilmişdir. Həmin ilin axırında baş nəzarətçi vəzifəsinə təyin edilmişdir. Belə ki, 20-yaşlı qız düşərgə personalında komendantdan sonra ikinci adama çevrilmişdir. Lakın həmişəlik nəzarətçi işləmək fikrində deyildi, o kinoulduz olmaq istəyirdi.
Sağ qalmış düşərgə məhbusları İrma Qrezenin qəddarlığını təsdiq edirdi. Məhbuslara zülüm vermək üçün müxtəlif fiziki və emosional üsullardan istifadə edirdi; qadınları döyə-döyə öldürürdü, ixtiyari güllə atmaqla məhbusları öldürürdü. Öz itlərini ac saxlayırdı ki, sonradan öz qurbanlarına qısqırırdı. Şəxsən özü yüzlərlə insanı seçib qaz kameralarına yollayırdı.
Qreze hər zaman ağır çəkmələr geyinirdi. Tapança və qamçını həmişə özündə saxlayardı. 1945-ci ildə Berqen-Belzen düşərgəsinə keçirilmişdir. 17 aprel 1945-ci il tarixində ingilislər tərəfindən əsir götürülmüşdür.

Edam gənəndən bir gün qabaq öz həmkarı Elizabet Folkenrat ilə gülüb mahnı oxuyurdular. Hətta onun boynuna ilgək keçiriləndə üzünü çox təmkinli aparırdı. Onun sonuncu sözü "tez ol" olmuşdur, həmin sözü öz cəlladına Albert Pirpoynta demişdir.