Search

1  Röyal (19-03-2010). Salam. 2000-ci ilə qədər torpaq əldə etmiş(sərəncamla) Azərbaycan respublikası vətəndaşları, həmin torpaqlar üçün-yeni qanuna əsasən mülkiyyət şəhadətnaməsi almaq üçün müəyyən haqq odəməlidirmi? ümumiyyətlə bu prosedur haqqinda məlumat verərdiniz, zəhmət olmazsa.

 

Salam.

Daşınmaz əmlak üzərində mövcud olan hüquqlar dövlət reyestrində qeydiyyata alınmalıdır.

Daşınmaz əmlak üzərində hüquqların əmələ gəlməsinin dövlət qeydiyyatı üçün aşağıdakılar əsas hesab olunur:

• qanunvericiliklə müəyyən edilmiş qaydada icra hakimiyyəti və bələdiyyə orqanları tərəfindən müvafiq olaraq dövlətə və ya bələdiyyələrə məxsus olan daşınmaz əmlakın özgəninkiləşdirilməsinə, icarəsinə, istifadəsinə, ipoteka qoyulmasına dair qəbul olunmuş aktlar;
• daşınmaz əmlak barəsində notariat qaydasında təsdiq edilmiş müqavilələr, vərəsəlik hüququ haqqında şəhadətnamələr və qanunvericiliklə müəyyən edilmiş digər sənədlər;
• qanuni qüvvəyə minmiş məhkəmə qərarları;
• Qanun qüvvəyə minənədək müvafiq icra hakimiyyəti orqanları tərəfindən verilmiş daşınmaz əmlak üzərində, o cümlədən torpaq sahələri, binalar və qurğular, yaşayış və qeyri-yaşayış sahələri, fərdi yaşayış və bağ evləri, yer təki sahələri, sututarları, meşələr və çoxillik əkmələr, əmlak kompleksi kimi müəssisələr üzərində hüquqları təsdiq edən aktlar, şəhadətnamələr və qeydiyyat vəsiqələri;
• qanunvericilikdə nəzərdə tutulan digər əsaslar.

Hüquqların dövlət qeydiyyatı aşağıdakı qaydada aparılır:

• Qanuna uyğun olaraq hüquqların dövlət qeydiyyatı haqqında ərizənin və ərizəyə əlavə olunan sənədlərin, o cümlədən dövlət rüsumunun ödənilməsi haqqında qəbzin qəbul edilməsi;
• daxil edilmiş sənədlərdə göstərilən məlumatın dövlət reyestrində saxlanılan məlumata uyğunluğunun yoxlanılması;
• bəyan olunan hüquqlarla qeydiyyata alınmış hüquqlar arasında ziddiyyətlərin, habelə hüquqların dövlət qeydiyyatından imtina edilməsi və ya hüquqların dövlət qeydiyyatının dayandırılması üçün digər əsasların olub-olmamasının müəyyən edilməsi;
• hüquqların dövlət qeydiyyatından imtina edilməsi və ya qeydiyyatın dayandırılması üçün əsas olmadığı halda təsdiqləyici sənədlər üzərində qeydlərin yazılması və dövlət reyestrinə müvafiq məlumatın daxil edilməsi.
• Qeydiyyat orqanı ərizənin və ona əlavə edilən sənədlərin təqdim edildiyi gündən 20 gündən gec olmayaraq daşınmaz əmlak üzərində hüquqları dövlət qeydiyyatına alır.
• Hüquqların dövlət qeydiyyatı ərizələrin qəbul edilmə ardıcıllığı ilə aparılır.
• Daşınmaz əmlak üzərində hüquqların məhdudlaşdırılmasının (yüklülüyünün), dövlət qeydiyyatı həmin daşınmaz əmlak üzərində əvvəl yaranmış hüquqların dövlət reyestrində qeydiyyata alındığı təqdirdə aparılır.

Torpaq sahəsi üzrə Daşınmaz Əmlakın Dövlər Reyestri Xidməti ərazi idarəsi tərəfindən Daşınmaz Əmlakın pasportu verilir. Bu sənəddə həmin torpağa aid məlumatla yanaşı torpağın mülkiyyət hüququn forması əks olunur.

Sualınıza görə təşəkkür.

Rüsumlar barədə məlumat portalın Digər normativ aktlar bölməsində Azərbaycan Respublikası Əmlak Məsələləri Dövlət Komitəsi yanında Daşınmaz Əmlakın Dövlət Reyestri Xidmətinin ərazi idarələri tərəfindən göstərilən xidmətlərin tariflərinin tənzimlənməsi barədə Tarif Şurasının Qərarında tapacaqsınız.

 

2  Zəhra (19-03-2010)Salam. Xahiş ediərm aydınlıq gətirəsiniz: Hər hansı bir KİV-in, məsələn, radio kanalın "İnformasiya əldə etmək haqqında Qanuna" əsaslanaraq, kommersiya fəaliyyəti göstərən özəl şirkətdən informasiya tələb etmək hüququ varmı? (həmin şirkətə aid olan məlumatlardan söhbət gedir). Əvvəlcədən minnətdarlığımı bildirirəm.

 

Salam

ilk öncə bildirim ki, Kütləvi informasiya vasitələri haqqında Qanunun 8-ci maddəsinə əsasən "Kütləvi informasiya vasitələri cəmiyyətdəki iqtisadi, siyasi, ictimai və sosial durum haqqında, dövlət orqanlarının, bələdiyyələrin, idarə, müəssisə və təşkilatların, ictimai birliklərin, siyasi partiyaların, vəzifəli şəxslərin fəaliyyəti barədə operativ və doğru-dürüst məlumatlar almaq hüququna malikdirlər. Bu hüquq Azərbaycan Respublikasının qanunvericiliyində göstərilən hallardan başqa, məhdudlaşdırıla bilməz".

İnformasiya azadlığına gəldikdə isə, nəzərinizə çatdırım ki, Informasiya əldə etmək haqqında Qanunun 2-ci maddəsinə əsasən "Azərbaycan Respublikasında informasiyanın əldə olunması azaddır" və "Hər kəs özü birbaşa və ya nümayəndəsi vasitəsilə informasiya sahibinə müraciət etmək, informasiyanın növünü və əldə etmə formasını seçmək hüququna malikdir".

Həmin Qanunun 9-cu maddəsinə əsasən infprmasiya sahibləri aşağıdakılar hesab olunur: dövlət orqanları və bələdiyyələr; ictimai funksiyaları yerinə yetirən hüquqi şəxslər, həmçinin normativ hüquqi aktlarla və ya müqavilə əsasında təhsil, səhiyyə, mədəniyyət və sosial sahələrdə xidmət göstərən özəl hüquqi şəxslər və fiziki şəxslər (Bu hüquqi və fiziki şəxslərə informasiya sahiblərinin bu Qanunla müəyyənləşdirilmiş vəzifələri yalnız ictimai funksiyaların yerinə yetirilməsi, yaxud normativ hüquqi aktlarla və ya müqavilə əsasında təhsil, səhiyyə, mədəniyyət və sosial sahələrdə göstərilən xidmət nəticəsində yaranan və ya əldə edilən informasiyalar üzrə şamil olunur); əmtəə bazarında hökmran mövqe tutan, xüsusi və ya müstəsna hüquqa, yaxud təbii inhisara malik olan hüquqi şəxslər—malların və xidmətlərin təklif edilməsi şərtlərinə və onların qiymətlərinə, həmin şərtlərdə və qiymətlərdə dəyişikliklərə aid informasiyalar üzrə; tamamilə və ya qismən dövlət mülkiyyətində, yaxud asılılığında olan qeyri-kommersiya təşkilatları, büdcədənkənar fondlar, həmçinin dövlətin üzvü olduğu və ya iştirak etdiyi kommersiya birlikləri—dövlət büdcəsindən verilmiş vəsaitdən və ya onlara ayrılmış əmlakdan istifadəyə aid informasiyalar üzrə.

Bundan başqa həmin Qanunun 34-cü maddəsinə uyğun olaraq Qanun ilə əldə olunması məhdudlaşdırılmayan informasiyalar açıq informasiyalar sayılır. Məhdudlaşma - dövlət sirri, istintaq və məhkəmə sirləri, kommersiya sirri və s. Sizin məsələnizə gəldikdə isə məhdudlaşma kommersiya sirri ilə bağlı ola bilər.

Lakın kommersiya sirri hesab edilən məlumat Kommersiya sirri haqqında Qanunun 4-cü maddəsində əks oluub. Və əgər Siz kommersiya şirkətindən əldə etmək istədiyiniz informasiya kommersiya sirrinə aid deyilsə onlardan məlumat almq hüququnuz var.

Sualınıza görə təşəkkür.

 

3  Afgan (2010-04-06) Bir sual verim! Mehkeme 2 ovladi sikest qadini qohumunun evinden (Ev quhumunun adinadir ve mehkemeye muraciet edib ki sikest ovladi olan qadini menim ustumden cixarin!) qeydiyyatdan cixarda bilermi? Ve diger eve (Evi var amma hec bir huquqi sendedi yoxdur , serencam, evin cixarsihi) qeydiyyata sala bilermi? Evvelceden minnetdaram

 

Salam!

Əgər Mülki Məcəllənin 228-ci maddəsinə uyğun olaraq həmin iki uşağı olan qadının mülkiyyətçi ilə razılaşma varsa (notariat qaydada təsdiqlənmiş) onda mülkiyyətçi ilə birlikdə həmin daşınmaz əmlakdan istifadə etmək hüququ var. Həmçinin məhkəmə qaydasında mülkiyyətçinin tələbinə əsasən həmin razılaşma ləğv edildikdə bazar qiyməti ilə müvafiq kompensasiya verməsi yolu ilə xitam verilə bilər. Məhkəmənin vəzifəsi mülkiyyətçinin hüquqlarını qorumaqdır. Çünki Mülki Məcəllənin əsas prinsiplərindən biri mülkiyyətin toxunulmazlığıdır (maddə 6.1.4).

Əgər başqa bir daşınmaz əmlaka mülkiyyət hüququ varsa həmin əmlaka aidiyyəti sənədlər olmalıdır (çıxarış olmasa da, order və s.). Bu sənədlərlə müvafiq dövlət qurumuna müraciət etməklə (Əmlak Məsələləri Dövlət Komitəsinin yanında Daşınmaz Əmlakın Dövlət Reyestri Xidməti) öz hüququnu qeydiyyata ala bilər.

Sualınıza görə təşəkkür edirik.

2010-04-07

 

4  Durdane (2010-04-13). Menim qardasim (istifadəçinin maraqlarını qorumaq məqsədilə ...FAA gizlənildi) SERHED QOSUNLARI akademyasindan imtahandan kesiri oldugu ucun xaric oedilib. 2008 ci ilin noyabirida (... ad gizlənildi) kendine herbi xidmete gonderilib. artiq 19 aydir ki ordadir buraxilmasi haqda hec 1 qerar verilmeyib. Men kime muraciet edim

 

Salam!

Bununla bağlı hökmən Müdafiə Nazirliyinə müraciət etməlisiniz və sürətini Azərbaycan Prezidentinə göndərməlisiniz.

Əgər Siz dediyiniz kimidir sə, onda bu kobud pozuntudur. Çünki ali təhsil alanlar üçün 1 il (12 ay) və digərləri üçün 18 aydır. Əgər apreldə çağırılıbsa, onda gəlmək vaxtına hələ ayın 20-nə qədər vaxt var. Aprelin 20 qədər evə qayıtmasa şikayət verə bilərsiniz.

2010-04-13

 

5  Elşən (2010-04-20). Salam, Mənım Qaradaq ray-da həyət evım var, Ancaq yalnız bələdıyyə sənədı var, Mən evımı sənədləşdırmək ıstəyırəm, Mən hara müraciyyət etməliyəm və bu ardicilligi xahiş edirəm yazardınız

 

Salam

Mülkiyyət hüquqlarınızı rəsmliləşdirmək üçün aşağıdakılar etmək lazımdır:

İlk növbədə Daşınmaz əmlak üzərində hüquqların əmələ gəlməsi üçün əsas olmalıdır. Sizdə bu - bələdiyyə orqanları tərəfindən müvafiq olaraq dövlətə və ya bələdiyyələrə məxsus olan daşınmaz əmlakın özgəninkiləşdirilməsinə, icarəsinə, istifadəsinə, ipoteka qoyulmasına dair qəbul olunmuş aktlar¹ (Daşınmaz əmlakın dövlət reyestri haqqında Qanunun 8-ci maddəsi)

Sonra bələdiyyə tərəfindən verilən sənədlərlə aşağıda qeyd edilən² orqana müraciət edirsiniz və aşağıdakıları təqdim edirsiniz (həmin Qanunun 10-cu maddəsi):

- Ərizə (fiziki şəxsin soyadı, adı, atasının adı, ünvanı, şəxsiyyətini təsdiq edən sənəd, icra hakimiyyəti orqanının tam adı və ünvanı, xahişin məzmunu və əlavə olunan sənədlər göstərilməlidir)

Ərizəyə isə əlavə olunur: 

• Bələdiyyə tərəfindən verilmiş sənədlər;
• torpaq sahəsinin planı və ölçüsü;
• torpaq sahəsində yerləşən bina, qurğu, tikililərin və digər daşınmaz əmlakının (onların tərkib hissələrinin) texniki pasportu, plan-cizgisi;
• dövlət rüsumunun ödənilməsi barədə qəbz³.

Hüquq əldə edənin adından başqa şəxs ərizəni verirsə, müvafiq etibarnamə notariat qaydasında təsdiqlənməlidir.

Əgər hər şey qaydasında olsa Qeydiyyat orqanı ərizənin və ona əlavə edilən sənədlərin təqdim edildiyi gündən 20 gündən gec olmayaraq daşınmaz əmlak üzərində hüquqları dövlət qeydiyyatına alır və sizə Çıxarış təqdim olunur. Çıxarışda daşınmaz əmlakın reyestr nömrəsi göstərilməlidir.

Onu da qeyd etməliyik ki, Bələdiyyə torpaqlarının idarə edilməsi haqqında Qanunun 6-cı maddəsinə əsasən bələdiyyədən torpaq sahəsini əldə edərək ərizə ilə müraciətiniz nəzərdə tutulur və orda torpağın ölçüsü, yeri və məqsədli təyinatı göstərilməli idi. Bu sənədlər sizə lazım olacaq.

Qeyd¹: Fərdi yaşayış evlərinin, həyətyanı sahələrin və bağların altında olan torpaqlar üzərində vətəndaşların mülkiyyət hüququ yerquruluşu işlərinin tərtibi ilə torpaq ayırma qaydasında hazırlanan sənədlər əsasında daşınmaz əmlakın dövlət reyestrindən çıxarışla rəsmiləşdirilir (Torpaq islahatı haqqında Qanun maddə 10).

Qeyd²: Rəsmiləşdirilməni keçirdən orqan - Azərbaycan Respublikası Əmlak Məsələləri Dövlət Komitəsinin yanında Daşınmaz Əmlakın Dövlət Reyestri Xidməti (Azərbaycan Respublikası Prezidentinin 2009-cu il 24 iyun tarixli Fərmanı № 116)

Qeyd³: Dövlət rüsumları (Dövlət rüsumu haqqında Qanununun 26-cı maddəsi)

• Daşınmaz əmlak üzərində mülkiyyət hüquqlarının dövlət qeydiyyatına alınması barədə çıxarışın verilməsi - 30 manat;
• Daşınmaz əmlaka dair texniki sənədlərin (pasport və plan ölçü) verilməsi - 50 manat;
• Tikintisi başa çatdırılmamış daşınmaz əmlak üzərində hüquqların qabaqcadan dövlət qeydiyyatı, məhv olmuş daşınmaz əmlakın və onun üzərindəki hüquqların dövlət qeydiyyatının ləğvi və dövlət reyestrindən məlumatın verilməsi - 20 manat.

Sizə lazım ola biləcək sənədlərin nümunələri bu cürdür:

• Mülkiyyətə verilmiş torpaq sahəsinin planı
• Torpaq sahəsinin planı və sərhədlərinin ölçüsü
• Torpaq sahəsinin yerləşdiyi yerin SXEMİ

Sualınıza görə təşəkkür edirik. Ümidvarıq ki, Sizə kömək edə bildik.

 

2010-04-21

 

6  Ramal (21-04-2010) Salam. Mən yardımlı rayon sakini Əsgərov Ramal Nəbi oğlu sizi torpaq sənədi ilə bağlı narahat edirəm.Mən yaşadığım rayonda bələdiyyənin ssərəncamı ilə 3 sot torpaq almışam.Torpaq şöbəsinin mütəxəsisləri gəlib əraziyə baxış keçiriblər və ərazinin kordinatlarını götürüblər.Mən bələdiyyə və torpaq şöbəsinin bütün sənədlərini almışam.Lakin Daşınmaz əmlakım Reyster xidməti bu sənədləri qəbul etmir.Onlar deyir ki,bələdiyyə sənə birbaşa alqı-satqı edə bilməz.Gərək bələdiyyə əvəlcə öz adına çıxarış ala sonra sənə sata ondan sonra mən çıxarış ala bilərəm.Xahiş edirəm mənə bu barədə məlumat verəsiniz.Təşəkkür edirəm.

 

Salam.

Dövlət əmlakının özəlləşdirilməsi haqqında Qanununu 9-cu maddəsinə əsasən bələdiyyələr dövlət əmlakının özəlləşdirilməsi zamanı alıcılar kimi çıxış edirlər. Ola bilsin ki, həmin torpaq dövlət əmlakı olduğundan bələdiyyəyə ayrılmamışdır və ya satılmamışdır. Onda bələbiyyə onu sizə qeyri-qanuni satmışdır. Bu təqdirdə siz məhkəmə vasitəsilə bələdiyyədən zərərin ödənilməsini tələb edə bilərsiniz və həmçinin hüquq mühafizə orqanlarına müraciət edərək bələdiyyənin səlahiyyətli nümayəndələrini məsuliyyətə cəlb edilməsi məsələsini qaldıra bilərsiniz. Amma qabaqcadan bələdiyyə ilə məsələni aydınlaşdırın ola bilsin ki, həmin sənədlər olarda var. Onu da qeyd etməliyik ki, Daşınmaz əmlakım Reyster xidmətində Sizdən nahsı bir sənədi tələb edərək əsası göstərməlidir (əsas isə normativ akt: Qanun, Fərman və s.). Əsassız ə və lazımsız sənədlərin tələb edilməsi yolverilməzdir.

Sualınıza görə təşəkkür edirik.

2010-04-21

7  Elşən (25-04-2010). İpoteka müqaviləsi imzalazanıb, notarial təsdiq edilib, lakin yüklülük dövlət qeydiyyatından sona kimi keçirilməmişdir. Həmin andan 1(bir) il müddət keçibdir. Həmin ipoteka müqaviləsi üzrə ipotekanın yüklülüyünü DƏDRX qeydiyyatdan keçirib yüklülük çıxarışını almaq olarmı?

 

 Salam.

Bəli olar. Qanun bu müddəti məhdudlaşdırmır. Yalnız həmin ipoteka müqaviləsində göstərilən müddətlə məhdudlaşa bilər. İpotekanın dövlət qeydiyyatı İpoteka haqqında Qanunun 12-ci maddəsinə və Daşınmaz əmlakın dövlət reyestri haqqında Qanuna uyğun olaraq keçirilir.

Sualınıza görə təşəkkür edirik.

2010-04-25

 

8  Afət (27-04-2010) Hörmətli...Xüsusi tipli internat məktəbində müəllimə-tərbiyəçi işləyirəm. 15-il staj, 13-cü dərəcəli,ali təhsilliyəm.Dörd saat əmək dərsi, 1,25 stavka tərbiyəçiliyim var. Əmək dərsindən bir saata 16man.62qəpik, dörd saata isə 64man.50qəpik alıram.Tərbiyəçilikdə isə 1,25 stavkanın bir saatına 6man.98qəpik alıram.Əmək dərsim normativə uyğun alıram.Amma tərbiyəçilik iş saatım başlayir(həftənin altı günü)13-00-da,qurtarır 19-00-da.Bu da eyləyir 36-saat. Mənim tərbiyəçilikdə(15-il staj, 13-cü dərəcə,ali təhsilli)bir saatıma 6man.98qəpik düşür. Təhsil Nazirliyinə ərizə ilə İqtisadiyyat şöbəsinə müraciət etsəm də,təhsil Naziri ərizənin üstünü korrupsiyaya qarşı mübarizə şöbəsinə yazmısdı.Korrupsiyaya qarşı mübarizə şöbəsi heç bir yoxlama aparmadan mənə belə cavab verir:-Nazirlər kabinetinin 12-ki avqust 2003-ci il, 106 saylı qərarına əsasən tərbiyəçinin bir stavkası otuz(30)saatdır. Təhsil Qanunun 36-cı maddədə yazılsa da ali təhsil və staj nəzərə alınır, maaş ödənilir. Amma Nazirlər kabinetinin qərarı ilə tərbiyəçiliyin bir stavkası otuz (30)ödənilir.Sualım belədir:-niyə müəllimənin bir stavkası 12-ki saatdır, tərbiyəçinin bir stavkası 30 saatdır.Xahiş edirəm bunu aydınlaşdırasınız!!!

 

Salam.

İlk növbıdə fikirləşirik ki, sualınızı daha dəqiq formalaşdırmaq lazımdır, xüsusilə Təhsil Nazirliyinə müraciət edərlkən. Çünki onların cavablarından görünür ki, onlar məsələni araşdırmaqdan və vətəndaşa kömək etməkdən vaz keçiblər.

Qoyulmuş suala (-niyə müəllimənin bir stavkası 12-ki saatdır, tərbiyəçinin bir stavkası 30 saatdır), yalnız bu cür cavab verə bilərik:

Azərbaycan Respublikası Nazirlər Kabinetinin 2003-cü il 12 avqust tarixli 106 nömrəli qərarı ilə təsdiq edilmiş "İşçilərə həftə ərzində 36 saatdan çox olmayan, qısaldılmış iş vaxtı müəyyən edilən yüksək həssaslıq, həyəcan, zehni, fiziki və əsəb gərginliyi, habelə insanın səhhətinə mənfi təsir göstərən digər amillər olan əmək şəraitli iş yerləri üzrə iş vaxtının konkret müddəti göstərilməklə peşələrin, vəzifələrin SİYAHISI"na uyğun olaraq:

 

Sıra №-si	İş yerləri üzrə peşə və vəzifələrin adları	Qısaldılmış iş vaxtının həftəlik müddəti (saatla)
15.	Bütün tip və növdən olan ümumtəhsil və internat məktəbləri, uşaq evləri, məktəb nəzdində internat və internat məktəbləri, günüuzadılmış məktəblər (qruplar), fərqli tərbiyə şəraitinə ehtiyacı olan uşaq və yeniyetmələr üçün xüsusi məktəblər, həddi-buluğa çatmamış uşaqlar üçün qəbul-bölüşdürmə məntəqələri, uşaq sanatoriyaları və xəstəxanaları və yetkinlik yaşına çatmayan məhkumlar üçün cəzaçəkmə müəssisələrində baş tərbiyəçi və tərbiyəçi, bədən tərbiyəsi rəhbəri (təlimatçı) və eşitmə kabinetlərinin təlimatçısı	30
16.	Məktəbəqədər və məktəbdənkənar təlim-tərbiyə və tədris müəssisələrində baş tərbiyəçi və tərbiyəçi	36

Bundan başqa 12 sentyabr 2008-ci il 209 №-li Azərbaycan Respublikası Nazirlər Kabinetinin Dövlət büdcəsindən maliyyələşdirilən sahələrdə çalışan işçilərin Vahid Tarif cədvəli ilə müəyyən edilmiş aylıq tarif (vəzifə) maaşlarının tənzimlənməsi haqqında Qərarının 1 nömrəli Əlavəsinə əsasən:

- 13-cü əməyin ödənilməsi dərəcəsinə uyğun olaraq aylıq tarif (vəzifə) maaşı 133 manat təşkil edir.

Və qanunvericiliyin bu müddəalarına istinad edərək sizin əmək haqqınız hesablanmalıdır (o cümlədən iş stajınızı nəzərə almaqla).

Stavkanın məbləğinin dəqiqləşdirmək üçün isə Azərbaycan Respublikası dövlət ümumtəhsil məktəblərinin, litseylərin və gimnaziyaların nümunəvi ştatları haqqında Azərbaycan Respublikası Nazirlər Kabinetinin 1996-cı il 26 may tarixli 59 №-li Qərarının 14-cü maddəsinə baxa bilərsiniz.

Lakın qeyd edək ki, "niyə müəllimənin bir stavkası" belədir və ya başqa cürdür sualı düzgün deyil. Çünki bu sahədə münasibətlərin tənzimlənməsi Naz. Kab. səlahiyyətlərinə aiddir.

Sualınıza görə təşəkkür edirik

9  Rufat (29-04-2010). Shexsi mulku, qaz xetti ve saygaci olmaqla, huquqi sexs icareye goturub otel kimi istifade etdiyi erefede dovlet qaz nezareti idaresinden yasayis sahesini yoxlama zamani qaz layihesini olmadigi askarlanir ve 3000 AZN cerime yazilir.Bu ne qeder qanuna uygundur? eger duzgun deyilse huquqlarimizi mehkemede ne esasla qoruya bilerik?

 

Salam.

Azərbaycan Respublikasının İnzibati Xətalar Məcəlləsinin 322.1-ci maddəsinə əsasən: əməyin qüvvədə olan mühafizəsi standartlarının, qaydalarının və normalarının, təhlükəsizlik texnikasının tələblərinə uyğun gəlməyən istehsalat binalarının və qurğularının layihələşdirilməsinə, tikintisinə və yenidən qurulmasına və ya istehsalat vasitələrinin hazırlanmasına, buraxılmasına, texnologiyaların tətbiqinə yol verilməsinə görə vəzifəli şəxslər min iki yüz manatdan iki min manatadək miqdarda, hüquqi şəxslər iki min manatdan üç min manatadək miqdarda cərimə edilir

Əgər yuxarıda qeyd olunan mövcuddursa, onda səlahiyyətli orqan haqlıdır. Lakın obyektiv olaraq səlahiyyətli qurum nümayəndəsinin aktında və qərarında qeyri-qanunilik varsa onda siz həmin qurumun rəhbərliyinə vəvə ya məhkəməyə müraciət edə bilərsiniz. Bununla bağlı ilk növbədə həmin dövlət aktının surətini tələb etməlisiniz və onunla tanış olduqdan müvafiq hərəkətlərin edib-edilməməsini müəyyən etmək lazım olacaq.

Sualınıza görə təşəkkür edirik.

2010-04-29

 

10  Rufat (29-04-2010). Cavabiniza gore tesekkur edirem.Sualima biraz aydinliq getirmek isterdim.Huquqi sexs olaraq fiziki sexsden ona mexsus yasayis sahesini icareye goturmusuk.Hemin yasayis sahesinin qaz xettinin qosulmasi ve saygacin yerlesdirilmesi Sebail r., qaz idaresi terefinden biz icareye goturmemisden 1 il evvel temin olunmusdur Novbeti iller terefimizden Sebail r., qaz idaresi ile muqavileler baglanmis ve saygac esasinda istifade haqqi odenilmisdir.kecen ay Dovlet qaz nezaret idaresinden yoxlama gelmis ve aydin olmusdur ki layihe-smetasi olmadan bu yasayis sahesi qazla sebail r, qaz ideresi terefinden temin olunmusdur.Cerime ise, eslinde fiziki sexse mexsus hemin binani muveqqeti icareye goturmus huquqi sexse tetbiq olunmusdur. Bunun ne qeder qanuna uygunlugunu bilmek isterdim.

 

Salam.

Ilk növbədə xahiş edirik ki, bir məsələyə aid bir dəfə sual verəsiniz.

Məsələyə ilə əlaqədar: - əgər Səbail r-nun qaz idarəsinin müqavilə ilə məsuliyyəti nəzərdə tutulubsa bununla bağlı yuxaradıkalı instansiyalara şikayət verə bilərsiniz. Müqavilənin müddəalarına diqqət yetirin, çünki orda sizin və qaz idarəsinin hüquq və vəzifələri, məsuliyyəti əks olunmalıdır.

Bundan başqa 10 avqust 1999-cu il 178 №-li «Qaz təchizatı haqqında» Azərbaycan Respublikası Qanununun tətbiq edilməsi ilə əlaqədar əlavə tədbirlər haqqında Prezidentinin Fərmanına əsasən cəriməni yalnız aşağıdakı qurumlar tətbiq edə bilər (ona görə də yoxlayan vəzifəli şəxslərdən sənədlərini təqdim etməyə tələb etməlisiniz): Azərbaycan Respublikasının Sənaye və Energetika Nazirliyi, Azərbaycan Respublikasının Fövqəladə Hallar Nazirliyi və Azərbaycan Respublikasının Ekologiya və Təbii Sərvətlər Nazirliyi.

Azərbaycan Respublikası Nazirlər Kabinetinin 1999-cu il 31 may tarixli 87 nömrəli qərarı ilə təsdiq edilmiş “Qaz paylayıcıları tərəfindən qaz təchizatının ümumi şərtlərini təyin edən Qaydalar”ın 3-cü maddəsinə əsasən: - Qaz paylayıcısından alınan texniki şərtlərə əsasən qaz təchizatının layihə sənədlərini tərtib etmək və layihəyə uyğun tikinti işlərini yerinə yetirmək qaz istehlakçının vəzifəsidir. Həmin Qaydaların 6-cı maddəsinə əsasən Qaydaların tələblərini pozan hüquqi və fiziki şəxslər Azərbaycan Respublikasının qanunvericiliyinə uyğun olaraq məsuliyyət daşıyırlar. Məsuliyyət isə Azərbaycan Respublikasının İnzibati Xətalar Məcəlləsinin 322.1-ci maddəsində bundan əvvəl göstərilmişdir.

Sualınıza görə təşəkkür edirik.

2010-04-30

 

11  Irana (30-04-2010). Salam. men mutemmadi olaraq kecmiş nişanlım terefnden teqib edilirem. bunun qarşısın ala bilmemeyimin sebebi onun qohumlarının,dostlarının yuxarı verzifelerde çalışmasıdır. menim telefon,internet xettime nezaret edir,qapıma adamlar qoyur, meni güddürür, daimi zengleri, tehqirleri, hedeleri ile rahat yaşamağıma maneçilik töredir. bu ne qeder qanuna uygundur ki, adi şexse menim icazem olmadan menim heyatıma bu qeder müdaxile icaze verilir. Nizami rayon telefon qovşagina bu barede şikayet etsem de qohumlarının orada yuxarı vezife tutması ile elaqedar menim xettim yene de keçmiş nişanlım terefinden nezaret altında saxlanılır.

 

Salam.

Azərbaycan Respublikası Cinayət Məcəlləsinin aşağıdakı maddələrinə əsaslanıb hüquqmühafizə (rayon üzrə polis, prokurorluq) orqanlarına ərizə ilə müraciət edə bilərsiniz.

Maddə 155. Yazışma, telefon danışıqları, poçt, teleqraf və digər məlumatların sirrini pozma

Yazışma, telefon danışıqları, poçt, teleqraf və digər məlumatların sirrini pozma—
yüz manatdan beş yüz manatadək miqdarda cərimə və ya bir ilədək müddətə islah işləri ilə cəzalandırılır.

Maddə 156. Şəxsi həyatın toxunulmazlığını pozma

156.1. Şəxsi və ailə həyatının sirri olan məlumatların, belə məlumatları əks etdirən sənədlərin yayılması, habelə satılması və ya başqasına verilməsi qanunsuz toplanılması—
yüz manatdan beş yüz manatadək miqdarda cərimə və ya iki yüz qırx saatadək ictimai işlər və ya bir ilədək müddətə islah işləri ilə cəzalandırılır.
156.2. Eyni əməllər vəzifəli şəxs tərəfindən öz qulluq mövqeyindən istifadə etməklə törədildikdə—
üç ilədək müddətə müəyyən vəzifə tutma və ya müəyyən fəaliyyətlə məşğul olma hüququndan məhrum edilməklə və ya edilməməklə iki ilədək müddətə azadlıqdan məhrum etmə ilə cəzalandırılır.

Sualınıza görə təşəkkür edirik.

2010-04-30

12  Ramil (30-04-2010). Salam. Sualım sənədləşdirmə ilə bağlıdır. 1998-ci ildə Qaradağ rayon İcra Hakimiyyəti Başçısı tərəfindən atama mağaza tikintisi üçün sərəncam verilib. Mağaza indiyədək fəaliyyət göstərib. Lakin atam 2004-cü ildə rəhmətə getdiyindən mən mağazanı nə özüm işlədə, nə də ki başqa şəxsə icarəyə verə bilirəm. İcarəyə götürən şəxsdən kassa aparatını mağazaya qeydiyyata salmaq üçün müvafiq vergi orqanı tərəfindən mağaza sahibi tərəfindən verilmiş etibarnamə tələb edilir. Notarius isə sərəncamın verildiyi şəxs öldüyünə görə ölmüş şəxsin adından etibarnamə vermək səlahiyyətinin olmadığını bildirir. Hal-hazırda mağazanın olan sənədləri sərəncam və çertyojudur. Ümumiyyətlə mən mağazanin öz adıma sənədləşdirilməsi və konkret bu halda fəaliyyət göstərə bilməsi üçün hansı prosedurları keçməliyəm? Xahiş edirəm mənə bu barədə ətraflı məlumat verəsiniz.

 

Salam.

Azərbaycan Respublikasının Mülki Məcəlləsinin onuncu bölməsinə (Vərəsəlik hüququ) əsasən vərəsəlik hüququnuzdan istifadə edib həmin daşınmaz obyektini özəlləşdirə bilərsiniz (əgər müvafiq sənədləriniz varsa və başqa vərəsələr yoxdursa). Daşınmaz obyektə mülkiyyət hüququnu əldə etdikdən sonra bu cür problemlər aradan qalxacaq. Bunun üçün vərəsəlik hüququnuzun tanınması üçün ilk növbədə notariusa müraciət edin (onlar müvafiq şəhadətnamə ilə sizin vərəsəlik hüququnuzu tanıyacaq). Sonra isə bütün sənədlərlə (həm vərəsəliklə bağlı, həm daşınmaz əmlakla bağlı sənədlərlə) Daşınmaz əmlakın dövlət reyestri Xidmətinə müraciət etməlisiniz.

Sualınıza görə təşəkkür edirik.

2010-04-30

 

15  Letife (02-05-2010) Mən 3 ildir ailə qurmyşam.1 oğlum var.Qaynanam bizi yaşamağa qoymadı. Dəfələrlə məni döydü.Əvvəllər yoldaşım məni müdafiə edirdi.Sonra isə o da döndü.Evdən uzaqlaşmağa çalışdı.1 dəfə qaynanam vurub sifətimi zədələdikdən sonra nənəm Polisə müraciət etdi.6 aydan sonra yennə gəldilər barışdıq.Amma bu dəfə yoldaşım döyməyə başladı. əvvəllər də döymüşdü,amma qaynanamın elediklərinin yanında bu heç nə idi.İndi yoldaşım boşanmaq üçün ərizə verib. Nigah müqaviləsi imzalamamışıq. Əmlak bölgüsü necə olmalıdır? Mənim yaşamağa yerim yoxdur.anamın evi 9 kvm-dir.Qeydiyyatım anamgilədir.məni qeydiyyata salmaq istəmədilər özləri.Yoldaşımın evi genişdir.Kommunal evdir, atasının adına.Atası isə rəhmətə gedib.Uşağım xəstədir. men onlardan nə tələb edə bilərəm?

 

Salam.

İlk növbədə nəzərinizə çatdıraq ki, Ailə Məcəlləsinin 29-cu maddəsinə əsasən Azərbaycan Respublikası Konstitusiyasında təsbit edilmiş qadın və kişinin hüquq bərabərliyinə uyğun olaraq ər və arvad ailə münasibətlərində bərabər şəxsi və əmlak hüquqlarına malikdirlər. Həmin Məcəllənin 32.1-ci maddəsinə əsasən nikah müddətində ər-arvadın əldə etdikləri əmlak onların ümumi birgə mülkiyyəti sayılır.

Bundan başqa Ailə Məcəlləsinin 76-cı maddəsinə əsasən aliment ödənilməsi barədə razılıq olmadıqda uşaqlar üçün onların valideynlərindən məhkəmə tərəfindən hər ay 1 uşağa görə — qazancın və (və ya) valideynlərin başqa gəlirlərinin dörddə bir hissəsi miqdarında aliment tutulur. Əgər ərinizlə razılığa gələ bilməsəniz məhkəməyə müraciət edib məcburi qaydada aliment ala bilərsiniz. Həmçinin nikah pozulduqdan sonra keçmiş ərin (arvadın) aliment almaq hüququ var (ətraflı Alimentlər blokunda) tanış ola bilərsiniz.

Daşınmaz əmlaka (həmin kommunal ev) isə çatdıqda əgər daşınmaz əmlaka mülkiyyət hüququ ərinizinə keçibsə onda siz həmin əmlaka iddia edə bilərsiniz. Lakın Azərbaycan Respublikasının Mülki Məcəlləsinə əsasən ərinizin vəfat etmiş atasının mülkiyyətinin əsas hissəsi onun həyat yoldaşına keçir (yəni qaynananıza). Əgər həmin mənzildə müvafiq qaydada qeydiyyata alınsaydınız (Mülki Məcəllənin 228.2-ci maddə) onda müəyyən kompensasiya ala bilərdiniz, lakın qeydiyyat olmadığından bu hüquq sizə verilməyəcək. Çünki, mülki hüququn əsas prinsiplərinin biri – mülkiyyət toxunulmazlığıdır (Mülki Məcəlləni 6.1.4) və bir şəxs başqa şəxsin mülkiyyətinə iddia edə bilməz.

Suallınıza görə təşəkkür edirik.

2010-05-02

14  Emin (01-05-2010) Salam. Mən dövlət işinə girmək istəyirəm.İşə daxil olarkən müəyyən bir blank var ki,onu doldurmalıyam.Bildiyiniz kimi bele işlərdə məhkum olanın olmamalıdir.Atam 1988-ci ildə Sovet qanunları əsasında mağazada işləyərkən tutulub.Atama icbari iş kəsilib.Yəni türmədə yatmayıb.işləyərək maaşının bir qismini dövlətə kecirib.Bilmək istəyirəm bu məhkumluq sayılır və işə düzəlməyimə mane olacaq?

 

 

Salam.

Azərbaycan Respublikası Prezidentinin 2006-cı il 5 fevral tarixli 522 nömrəli Fərmanı ilə təsdiq edilmiş "Dövlət qulluqçusunun şəxsi işinin aparılması Qaydaları"nın 2-ci Əlavəsinə əsasən dövlət qurumunu yalnız sizin cinayət məsuliyyətinə cəlb edilib-edilməməsi maraqlandırılmalıdır.

 

Bundan başqa qeyd etməliyik ki, Azərbaycan Respublikası Konstitusiyasının 100-cü maddəsinə əsasən yalnız ağır cinayətə görə məhkum olan şəxs Prezident ola bilməz. Prezident isə Azərbaycanda ən yüksək vəzifəli şəxsdir. Ona görə də dövlət qulluğuna qəbul olunmaq üçün sizin valideyinizin cinayət məsuliyyətinə cəlb olub-olunmaması maneə ola bilməz.

Məhkümluq barədə isə məlumat maraqlandırırsa Azərbaycan Respublikasının Cinayət Məcəlləsinin 83-cü maddəsinə baxa bilərsiniz.

Maddə 83. Məhkumluq
83.1. Cinayət törətməyə görə məhkum edilmiş şəxs məhkəmənin ittiham hökmü qanuni qüvvəyə mindiyi gündən məhkumluğun götürüldüyü və ya ödənildiyi günə qədər məhkum olunmuş hesab edilir. Cinayətlərin residivi zamanı və cəza təyin edilərkən bu Məcəlləyə uyğun olaraq məhkumluq nəzərə alınır.
83.2. Cəzadan azad edilmiş şəxs məhkumluğu olmayan hesab edilir.
83.3. Aşağıdakı hallarda:
83.3.1. şərti məhkum edilmiş şəxslər barəsində — sınaq müddəti başa çatdıqda;
83.3.2. azadlıqdan məhrum etməyə nisbətən daha yüngül cəzaya məhkum edilmiş şəxslər barəsində — onlar cəzanı çəkib qurtardıqları gündən bir il keçdikdə;
83.3.3. böyük ictimai təhlükə törətməyən və ya az ağır cinayət törətməyə görə azadlıqdan məhrum etməyə məhkum edilmiş şəxslər barəsində — onlar cəzanı çəkib qurtardıqları gündən üç il keçdikdə;
83.3.4. ağır cinayət törətməyə görə azadlıqdan məhrum etməyə məhkum edilmiş şəxslər barəsində — onlar cəzanı çəkib qurtardıqları gündən altı il keçdikdə;
83.3.5. xüsusilə ağır cinayət törətməyə görə məhkum edilmiş şəxslər barəsində — onlar cəzanı çəkib qurtardıqları gündən səkkiz il keçdikdə məhkumluq ödənilmiş hesab olunur.
83.4. Məhkum edilmiş şəxs qanunla müəyyən edilmiş qaydada vaxtından əvvəl cəza çəkməkdən azad edildikdə və yaxud cəzanın çəkilməmiş hissəsi daha yüngül cəza növü ilə əvəz edildikdə, məhkumluğun ödənilməsi müddəti əsas və əlavə cəzanı çəkməkdən azad edildiyi vaxtdan hesablanır.
83.5. Şəxs cəzanı çəkib qurtardıqdan sonra nümunəvi davranışı ilə islah olunduğunu sübut edərsə, məhkəmə həmin şəxsin vəsatəti əsasında məhkumluğu vaxtından əvvəl onun üzərindən götürə bilər.
83.6. Məhkumluğun ödənilməsi və ya götürülməsi məhkumluqla bağlı olan bütün hüquqi nəticələri ləğv edir.

Sualınıza görə təşəkkür edirik.

2010-05-01

17  Elfan (03-05-2010). Salam size muracietim sebebebi budurki,2007-ci ilde Sumqayitda yerlesen 1 sayili peshe liseyini bitirmisem kompyuter operatorlugunu hemde ozum proqramciyam. Bilmek isterdim (men bu diplomla seher mekteblerinde ve yaxutda bolgelerde ders deye bilerem)? cox xais edirem mene cavab yazasiniz. Tesekgur edirem

 

Salam.

"İlk peşə-ixtisas təhsili pilləsinin dövlət standartı və proqramı (kurikulum)"nın təsdiq edilməsi haqqında Azərbaycan Respublikasının Nazirlər Kabinetinin 23 aprel 2010-cu il tarixli 77 №-li Qərarına əsasən (1.2-ci bənd) ilk peşə-ixtisas təhsilinin məqsədi əmək bazarının tələbatına uyğun olaraq, ümumi orta təhsil və tam orta təhsil bazasında müxtəlif sənətlər və kütləvi peşələr üzrə ixtisaslı işçi kadrların hazırlanmasını təmin etməkdir (həmin təhsil orta təhsil hesab olunur).

Bundan başqa, Azərbaycan Respublikası Nazirlər Kabinetinin 2007-ci il 25 iyun tarixli 102 nömrəli qərarı ilə təsdiq edilmiş "Azərbaycan Respublikasında fasiləsiz pedaqoji təhsil və müəllim hazırlığının Konsepsiya və Strategiyası"nın 1.1 bəndinə əsasən respublikada pedaqoji kadrların fasiləsiz hazırlığı 22 ali (10 dövlət, 12 qeyri-dövlət), 26 orta ixtisas (23 dövlət və 3 qeyri-dövlət) və 1 ixtisasartırma təhsili müəssisəsində aparılır. Gördüyünüz kimi, peşə liseyləri bura daxil edilməyib. Bundan irəli gələrək pedaqoji fəaliyyətlə məşğul olmaq üçün pedaqoji profilli ixtisaslar üzrə ali və orta ixtisas təhsili müəssisələrin biribi bitirmək lazımdır.

Təhsilinizi davam etdikdən sonra qeyd etdiyiniz müəssisələrdə çalışa bilərsiniz, həmçinin bu cür istəklər dövlət tərəfindən dəstəklənir. Misal üçün, Pedaqoji profilli ixtisaslar üzrə ali və orta ixtisas təhsili müəssisələrini bitirmiş və ümumi təhsil müəssisələrində işə başlamış gənc mütəxəssislər üçün əlavə güzəştlər və stimullaşdırıcı tədbirlərin müəyyən edilməsi haqqında Azərbaycan Respublikasının Nazirlər Kabinetinin qərarı.

Suallınıza görə təşəkkür edirik.

2010-05-03

18  Azər (04-05-2010) Salam! Bir neçə sualnan müraciyət etmək istəyirəm. 1.Bələdiyyənin icarəyə verdiyi yararsız torpaqlar uçün nə güzəştlər olmalıdır, hər hektar torpağa nə qədər dövlət rüsumu ödənilir(yararlı və yararsız torpaqlar üçün)?2.Kadastr planı üçün 6 sot olan həyətyanı torpağa və həmçinin daşınmaz əmlakın qeydiyyatı üçün nə qədər rüsum odənilməlidir?3.2005-ci ildə bələdiyyə tərəfindən satılan həyətyanı torpaqların şəhadətnaməsinin alınmasına təzədən rüsum odənilməlidirmi( ödənilməlidirsə nə qədər, ödənilməli deyilsə yolunu izah edərdiz)?Əvvəlcədən təşəkür edirəm!

 

Salam.

"Kadastr qiymət rayonları və ora daxil olan inzibati rayonlar üzrə kənd təsərrüfatı torpaqlarının təyinatı, coğrafi yerləşməsi və keyfiyyəti nəzərə alınmaqla şərti balların müəyyənləşdirilməsi haqqında Azərbaycan Respublikasının Nazirlər Kabinetinin 29 dekabr 2000-ci il tarixli 230 №-li Qərarına uyğun olaraq torpaqlar müvafiq keyfiyyət qruplarına bölünüb, həmin qruplar üçün müəyyən ballar nəzərdə tutulub. Bu balları Azərbaycan Respublikasının Vergi Məcəlləsinin 206-cı maddəsində göstərilən dərəcələrlə hesablama aparıb sizi maraqlandıran məbləği müəyyən edə bilərsiniz.

Misal üçün Abşeron-Qobustan rayonları IV-cü keyfiyyət qrupuna 25 bal aid edilir. 25x0,06=1,5 manat (1 hektar üzrə). Bu torpağın keyfiyyəti ilə bağlı idi.

Torpağın dövlət qeydiyyatı ilə bağlı rüsumlar barədə bu normativ aktlarda Rüsumlar barədə məlumat portalın Digər normativ aktlar bölməsində Azərbaycan Respublikası Əmlak Məsələləri Dövlət Komitəsi yanında Daşınmaz Əmlakın Dövlət Reyestri Xidmətinin ərazi idarələri tərəfindən göstərilən xidmətlərin tariflərinin tənzimlənməsi barədə Tarif Şurasının Qərarında tapacaqsınız. və Dövlət rüsumu haqqında Qanununun 26-cı maddəsində tapa bilərsiniz (onların həcmi böyük olduğundan bu aktların burda yerləşdirilməsi məqsədəuyğun deyil, həm də sual geniş dairəni əhatə edir).

Həmçinin Bələdiyyə torpaqlarının torpaq hərracları və ya müsabiqələri vasitəsilə verilməsinin tənzimlənməsi məqsədilə Azərbaycan Respublikasının bəzi qanunvericilik aktlarına dəyişikliklər və əlavələr edilməsi barədə Qanun qüvvəyə minənədək hüquqi və fiziki şəxslərin istifadəsinə verilmiş bələdiyyə torpaqları üzərində istifadə müddəti bitdikdən sonra, həmin torpaqlar yalnız açıq torpaq hərracı və ya müsabiqəsi vasitəsilə icarəyə verilə bilər ( 10-cu maddə).

Azərbaycan Respublikasının Vergi Məcəlləsi

Maddə 203. Torpaq vergisi
203.1. Torpaq vergisi torpaq mülkiyyətçilərinin və ya istifadəçilərinin təsərrüfat fəaliyyətinin nəticələrindən asılı olmayaraq torpaq sahəsinə görə hər il sabit tədiyə şəklində hesablanır.
203.2. Rezident və qeyri-rezident fiziki şəxslər, habelə rezident və qeyri-rezident müəssisələr torpaq sahələri barədə özlərinin mülkiyyət və istifadə hüquqlarını təsdiq edən sənədləri aldıqdan sonra fiziki şəxslər və bələdiyyə müəssisələri bələdiyyələrdə, digər müəssisələr isə vergi orqanında 1 ay ərzində uçota durmalıdırlar.

Maddə 206. Vergi dərəcələri
206.1. Torpaq vergisinin dərəcəsi kənd təsərrüfatı torpaqları üzrə 1 şərti bal üçün 0,06 manat müəyyən edilir.
206.2. Müvafiq icra hakimiyyəti orqanı tərəfindən kadastr qiymət rayonları və ora daxil olan inzibati rayonlar üzrə kənd təsərrüfatı torpaqlarının təyinatı, coğrafi yerləşməsi və keyfiyyəti nəzərə alınmaqla şərti balları müəyyənləşdirilir.
206.3. Sənaye, tikinti, nəqliyyat, rabitə, ticarət-məişət xidməti və digər xüsusi təyinatlı yaşayış fondlarının həyətyanı sahələri və vətəndaşların bağ sahələrinin tutduğu torpaqlar üzrə torpaq sahəsinin hər 100 kvadratmetrinə görə aşağıdakı cədvəldə göstərilən dərəcələr tətbiq olunur:

 

Yaşayış məntəqələri	Sənaye, tikinti, nəqliyyat, rabitə, ticarət-məişət xidməti və digər xüsusi təyinatlı torpaqlar(manatla)	Yaşayış fondlarının, həyətyanı sahələrin torpaqları və vətəndaşların bağ sahələrinin tutduğu torpaqlar(manatla)
Bakı	10	0,6
Gəncə, Sumqayıt şəhərləri və Abşeron rayonu	8	0,5
Digər şəhərlər (rayon tabeliyində olan şəhərlər istisna olmaqla), rayon mərkəzləri	4	0,3
Rayon tabeliyində olan şəhərlərdə, qəsəbələrdə və kəndlərdə (Bakı və Sumqayıt şəhərlərinin, habelə Abşeron rayonunun qəsəbə və kəndləri istisna olmaqla)	2	0,1

Sualınıza görə təşəkkür edirik.

2010-05-04

21  Vahid (05-05-2010). Salam.Mən Şəmkir rayon sakini sizi torpaq sənədi ilə bağlı narahat edirəm. Nəzərinizə catdırım ki hal-hazırda yaşadığım ev 1977-ci ildə 18 sot həyət yanı sahədə tikilibdir. 2005-ci ildə torpaq şöbəsinin mütəxəsisləri yenidən yerin kordinatlarını ölçməklə 18sot əvəzinə, biz onlara olduğu kimi yazılmasını desəkdə onlar, şəhadətnaməni 7 sota çıxartmışdılar. Yenidən şəhadətnaməni 18 sota dəyişmək üçün Bələdiyyənin hərraclarından adına torpaq olmayan ailə üzvlərindən birinin adina almalıyıq deyirlər.Bu nə kimi düzdür və ya başqa yolu varmı,varsa xahiş edirəm izah edəsiniz. Sağolun

 

Salam.

Əgər qeyd etdiyiniz 18 sot torpaq sahəsinə dair sizin müvafiq sənədləriniz varsa siz bununla bağlı məhkəməyə şikayət verə bilərsiniz. Şəxsin mülkiyyətində olan daşınmaz əmlakın qeyri-qanuni yolla alınması qadağandır.

Sualınıza görə təşəkkür edirik.

2010-05-05

22  Rufat (06-05-2010) Salam. Huquqi shexs öz fəaliyyətində istifade etmək ucun Rusuya Federasiyasindan "Yalancı dedektor" adlandirilan cihazi Azərbaycan Respublikasina idxal etdikdə hansi sened ve rusumlarin teleb olundugunu bildirmeyinizi xahis edirem.

 

Salam.

Qeyd edək ki, Azərbaycan qanunvericiliyində mülki dövriyyədə olmasına yol verilməyən (mülki dövriyyədən çıxarılmış) və mülki dövriyyəsi məhdudlaşdırılmış əşyalar nəzərdə tutulub (23 dekabr 2003-cü il tarixli 564-IIQ №-li Qanun və 12 sentyabr 2005-ci il tarixli № 292 Fərman).

“Yalan detektoru” adlandıran avadanlığı (cihazı) nəzərdə tutursunuzsa, bu avadanlıq öz xassələrinə görə bu əşyalara aid edilmir. Lakın özünüzü sığortalamaq məqsədilə aidiyyəti dövlət qurumuna (Milli Təhlükəsizlik Nazirliyi) ekspertizanın keçirilməsi üçün müraciət edə bilərsiniz (onların rəyi olduğu təqdirdə gömrük orqanları ilə o qədər, problemlər olmayacaq).

Elə ola bilər ki, gömrük sərhədindən keçirərkən "Mülki dövriyyəsi məhdudlaşdırılmış əşyaların dövriyyəsinin tənzimlənməsi sahəsində əlavə tədbirlər haqqında" Azərbaycan Respublikası Prezidentinin Fərmanına əsaslanaraq səlahiyyətli şəxslər qeyd edilən avadanlığın keçirilməsi üçün müvafiq icazəni tələb edə bilərlər. Bilməlisiniz ki, bu Fərmanda yalnız gizli qaydada informasiya alınması üçün nəzərdə tutulmuş texniki vasitələr (2-ci Əlavənin 12-ci bəndi) qeyd edilib və “Yalan detektoru” öz xassələrinə görə bu vasitələrə aid edilə bilməz.

Qeyd: Bu cür xüsusi icazələrin verilməsi Azərbaycan Respublikasının Milli Təhlükəsizlik Nazirliyi tərəfindən keçirilir. Həmin xüsusi icazənin qiyməti – 2200 manatdır (29 dekabr 2006-cı il tarixli 510 №-li Fərman).

Əgər icazəyə ehtiyac olmasa gömrük rüsumları ödəməklə adıçəkilən avadanlığı gətirə bilərsiniz.
18% (ƏDV) +
15%(gömrük tarif dərəcəsi) +
gömrük rəsmiləşdirilməsi (gömrük dəyəri 1000 manata qədər olduqda 10,0 manat; gömrük dəyəri 1001 manatdan 10000 manata qədər olduqda 50 manat; gömrük dəyəri 10001 manatdan 100000 manata qədər olduqda 100 manat; gömrük dəyəri 100001 manatdan yuxarı olduqda isə 275 manat).

Sualınıza görə təşəkkür edirik.

23  Qalasi (10-05-2010). Men 10 il muddetine etibarname ile torpaq sahesi almisamki hemin sahede hazir ev tikilmisdir.Hemin ev 0.75 sotun icerisindedir.Men hemin eve qeydiyyat vesiqesi almaq ucun ilk olaraq ne etmeliyem? Evvelceden tesekkurumu bildirrirem!

 

Salam.

Oxşar suala artıq cavab verilmişdir. Xahiş edirik bu bölmənin (On-layn (canlı) hüquq məsləhətxanası) Elşən (2010-04-20) cavablandırmasına baxasınız. Lakın əlavə olaraq aşağıdakıları da nəzərə ala biləsiniz.

Fərdi-yaşayış və bağ evləri üzərində mülkiyyət hüquqlarının qeydiyyatı üçün:

 

• bələdiyyənin torpaq sahəsinin ayrılması (satılması, icarəyə verilməsi) barədə qərarı;
• yerli icra hakimiyyətinin torpaq sahəsinə dair rəyi;
• bələdiyyə torpağının satılmasına dair alqı-satqı aktı;
• evin tikintisi üçün yerli icra hakimiyyəti orqanının sərəncamı;
• təsdiq edilmiş layihə-smeta sənədləri;
• müvafiq ekspertiza rəyi;
• torpağın mülkiyyətə verilməsinə dair şəhadətnamə;
• poçt ünvanı barədə müvafiq sənəd;
• 2 nömrəli Forma üzrə arayış;
• həddi-bulüğa çatmış ailə üzvlərinin notariat qaydasında təsdiq edilmiş razılıq ərizələri;
• müvafiq icra hakimiyyəti orqanının evin hüquqi qeydiyyata alınması barədə sərəncamı;
• torpaq sahəsinin təsdiq edilmiş plan-cizgisi;
• dövlət rüsumunun ödənilməsi barədə qəbz.

Sualınıza görə təşəkkür edirik.

 

24  Rasim (10-05-2010). Mənim atamın rayonda evi var. Atam evi mənə bağışlamaq istəyir. Notariusda deyirlər ki atan mütləq evi sənin adiva keçirmək üçün rayona getməlidir. Atam xəstə olduğu üçün bu mümkün deyil. Bakıda yəni rayona getmədən bu işi qanuni olaraq necə həyata keçirmək olar? Xahiş edirəm dövlət rüsumlarınıda qeyd edəsiniz.

 

Salam.

Azərbaycan Respublikası Nazirlər Kabinetinin Qərarı ilə təsdiq edilmiş “Notariat hərəkətlərinin aparılması qaydaları haqqında Təlimat”ının 45-ci maddəsinə əsasən daşınmaz əmlakın özgəninkiləşdirilməsi və ya girov qoyulması haqqında müqavilə həmin əmlakın yerləşdiyi yerin notariusu tərəfindən təsdiq edilir. Həmin Təlimatın 15-ci maddəsinə uyğun olaraq notariat hərəkətləri dövlət notariat kontoru yerləşən və ya xüsusi notarius işləyən binada (otaqda) aparılmalıdır.

Lakın, xəstəlik nəticəsində, əlilliklə, sağlamlıq imkanlarının məhdudluğu ilə əlaqədar olaraq və ya Azərbaycan Respublikasının qanunvericiliyi ilə nəzərdə tutulmuş digər hallarda şəxsin dövlət notariat kontoruna və ya xüsusi notariusun işlədiyi binaya (otağa) gələ bilmədiyi hallarda əvvəlcədən verilmiş bildiriş üzrə dövlət rüsumu və müəyyən edilmiş hallarda haqq ödənildikdən və nəqliyyat vasitəsi ilə təmin edildikdən və ya maraqlı şəxs tərəfindən faktiki nəqliyyat xərcləri ödənildikdən sonra notariat hərəkətləri bu binalardan (otaqlardan) kənarda da aparıla bilər. Notariat hərəkətləri notariat kontorunun binasından kənarda aparılarsa, təsdiq qeydində və notariat reyestrində notariat hərəkətinin aparıldığı yer və ünvan qeyd olunur.

Rüsumlar barədə:

Vergi Məcəlləsinin 102.1.3.2. maddəsinə uyğun olaraq hədiyyə, maddi yardım və miras vergi ödəyicisinin ailə üzvlərindən alındığı halda, onun tam dəyəri gəlir vergisindən azaddır. Yəni siz yalnız notariat hərəkətlərinə görə dövlət rüsumunu ödəyəcəksiniz.

Dövlət rüsumu haqqında Qanunun 10.1.1. maddəsinə əsasən notariat hərəkətlərinin aparılmasına görə müqavilə üzrə əmlakın ərə (arvada), uşaqlara, valideynlərə, babaya, nənəyə, nəvəyə, qardaşa, bacıya keçirməsi üçün dövlət rüsumu – 7 manatdır.

Sualınıza görə təşəkkür edirik.

 

25  Gulay (13-05-2010) salam. menim 1 ushaqim var, yoldashimla hələ boşanmamışıq. 2 ildi ayrı yaşayırıq. 6 aydir yoldaşımın ümumiyyətlə uşağın heç nəyindən xəbəri yoxdur, maraqlanmır. bizimlə bağlı bütün xərcləri mənim atam qarşılayır. mən boşanmaq üçün ərizə vermək istəyirəm, təbii ki aliment tələbi ilə, çünki yoldaşımın imkanı çox yaxşıdır və o, kəsilən alimenti rahatlıqla ödəyə bilər. sualım belədir ki, mən aliment tələbi ilə müraciət etdikdə qarşı tərəfin məndən uşaqla bağlı nə kimi tələbi ola bilər?

 

Salam.

O məhkəmə qaydasında uşağın onunla qalmasını tələb edə bilər və s (ər-ərvad eyni hüquqlara malikdirlər). Lakın nəzərə almaq lazımdır ki, adətən məhkəmələr anaların tərəfiini tutur. Bundan başqa əgər maddi vəziyyətiniz zəifdirsə siz həm uşaq üçün, həm özünüz üçün aliment tələb edə bilərsiniz.

Məhkəməyə müraciət etmə formalarını aşağıda göstərilib:

• Uşaqların saxlanması üçün alimentin tutulması barədə İddia Ərizəsi
• Nikahın pozulması və əmlakın bölünməsi barədə İddia Ərizəsi

Sualınıza görə təşəkkür edirik.

2010-05-13

 

26  Fuad (16-05-2010). Manim az biznesim var. Arendaya yer goturdyum iştiyirəm.Huseyn bala Əliyev kücəsinin sahə inspektoru İslam və cevik polisi məndən hər ay reklamcun pul istəyir.Bunun garşısını almagcun nə etməy lazımdır.

 

 

Salam

Obyektiniz Bakı şəhərində yerləşdiyi üçün küçə reklamının yerləşdirilməsinə verilən icazə üçün birdəfəlik ödəniş tarifi 70 manat təşkil edir. Bundan sonra hər ay 1 m² küçə reklamının yayımı üçün 7 manat ödəməlisiniz (ehtimal kimi, küçənin yerləşməsi B zonasına aiddir). Ətraflı Küçə reklamlarının yerləşdirilməsi və yayımı üçün reklam tariflərinin tənzimlənməsi barədə Azərbaycan Respublikası Tarif (Qiymət) Şurasının Qərarında (30 iyul 2008-ci il tarixli 7 №-li) göstərilib.

“Küçə reklamının, yayımı və reklam tarifi zonalarının müəyyən edilməsi Qaydaları”nın və “Küçə reklamı lövhəsinin yerləşdirilməsinə verilən icazə sənədinin forması”nın təsdiq edilməsi haqqında Azərbaycan Respublikası Nazirlər Kabinetinin Qərarına (23 aprel 2008-ci il tarixli 92 №-li) uyğun olaraq müvafiq yerli icra hakimiyyətinin başçısı küçə reklamlarının yaymasına görə reklam tarifi zonalarını müəyyən etmək üçün aidiyyəti yerli qurumların nümayəndələrinin daxil olduğu 5 nəfərdən ibarət olan komissiya yaradır

Küçə reklamın yerləşdirilməsi üçün icazənin alınması ilə bağlı Bakı Şəhər İcra Hakimiyyəti Başçısı Aparatının Memarlıq və Şəhərsalma Baş idarəsi yanında Bakı şəhər Reklam və İnformasiya idarəsinə müraciət edə bilərsiniz.

Lakın yadınızda saxlamalısınız ki, "Reklam yayımına icazə (razılıq) verilməsi Qaydaları"nın təsdiq edilməsi barədə Azərbaycan Respublikası Prezidentinin Fərmanına (3 noyabr 2001-ci il tarixli 596 №-li) əsasən obyektlərin giriş hissəsində, divarında, önündə yerləşdirilmiş, həmin obyektlərin mənsubiyyətini, adını, ticarət markasını, iş rejimini, firma nişanını göstərən lövhələr, fəaliyyət növünü istehlakçıya çatdıran vasitələr, şəhər informasiya stendlərində qeyri-kommersiya məqsədi ilə yerləşdirilən plakat və digər informasiya vasitələri reklam daşıyıcıları hesab edilmir.

Reklam fəaliyyətinə nəzarəti isə Azərbaycan Respublikasının İqtisadi İnkişaf Nazirliyi və onun yerli qurumları həyata keçirirlər («Reklam haqqında» Azərbaycan Respublikası Qanununun tətbiq edilməsi barədə Azərbaycan Respublikası Prezidentinin Fərmanı). Və sahə inspektorunun, xüsusilə də çevik polis əməkdaşlarının bu cür səlahiyyətləri yoxdur. Bu hüquq pozuntularla əlaqədar Azərbaycan Respublikasının Korrupsiyaya qarşı mübarizə üzrə Komissiyasına müraciət etməyinizə məsləhət görürük. Əlaqə: (994 12) 492-29-82

Həmçinin Şəffaflıq Azərbaycan İctimai Birliyinə müraciət edə bilərsiniz. Əlaqə (+994 12) 418 11 09.

Sualınıza görə təşəkkür edirik.

2010-05-16

 

27  Aygun (16-05-2010) Salam. Məhkəmə qaydasında tutmanın girov qoyulmuş əmlaka yönəldilməsi üçün girovsaxlayan şəxsə bu barədə bildirişi təqdim etdikdən sonra həmin bildirişin ipotekanın dövlət qeydiyyatı orqanında qeydə alınması necə həyata keçirilir? Və girovsaxlayanın məhkəməyə tutmanın yönəldilməsi üçün iddia ərizəsini göndərmək hüququ nə vaxtdan yaranır? Girovsaxlayan iddia ərizəsini məhkəməyə göndərmək üçün 21 gün gözləməlidir yoxsa bildirişin qeydə alınması anından məhkəməyə müraciət etmək hüququnu həyata keçirə bilər? Xahiş edirəm mənə bu barədə məlumat verəsiniz. Əvvəlcədən təşəkkür edirəm....

 

Salam.

İpoteka haqqında Qanununa əsasən ipoteka müvafiq dövlət orqanı tərəfindən qeydiyyata alınmalıdır (adətən Daşınmaz Əmlakın Dövlət Reyestr Xidmətinin müvafiq rayon ərazi idarəsində, əgər daşınmaz əmlakdırsa). İpoteka predmetinə tutmanın yönəldilməsi barədə bildiriş həmin idarəyə göndərilir və surəti ipoteka qoyana (borcluya) göndərilir.

Nəzərə alınmalıdır ki, adıçəkilən bildiriş ərizə formasında təqdim edilir (iki nüsxədə) və dövlət orqanı tərəfindən qeydə alınmalıdır. Bir nüsxəsi onlarda qalır, o biri nüsxəsini imzalayıb və möhür vurub sizə qaytarmalıdırlar (mütləq).

Eyni zamanda sizin üçün məlum olmalıdır ki, İpoteka predmetinə tutmanın yönəldilməsi barədə bildiriş İpoteka qoyana çatıb (xəbərnamə ilə məktub göndərməklə özünüzü sığortalaya bilərsiniz).

- həmin bildiriş qeydə alınır (dövlət orqanında)

- ipoteka qoyan tərəfindən bildirişin alınması barədə sübut əldə edilir (sizdə xəbərnamə olmalıdır və ya poçtdan digər təsdiq edici sənəd).

Bundan sonra digər sənədləri toplayıb 21 gün ərzində ipotekaya tutmanın yönəldilməsi barədə məhkəməyə müraciət edə bilərsiniz.

Sənədlər toplusu adətən aşağıdakı şəkildə formalaşır:

1. İddia ərizəsi - 2 nüsxə;
2. Müvafiq lisenziya
3. Kredit müqaviləsinin surəti;
4. İpoteka müqaviləsi
5. İpoteka predmetinə tutmanın yönəldilməsi barədə borcluya verilən bildirişi təsdiq edən sənədin surəti;
6. Mülkiyyət Hüquqlarının Qeydiyyatı İdarəsi (DƏDRX)-nə ünvanlanan ərizənin (ipoteka qoyana məxsus daşınmaz əmlaka tutmanın yönəldilməsi barədə) surəti;
7. İpoteka əmlakının yüklülüyünün qeydiyyata alınması barədə Çıxarışın surəti;
8. İpotekaya qoyulmuş əmlakın Mülkiyyət Hüququnu təsdiq edən Çıxarışın surəti;
9. İpotekaya qoyulmuş əmlakın yüklülüyü barədə DƏDRX-ti tərəfindən verilmiş arayışın (Forma-1) surəti;
10. İpotekaya qoyulması barədə razılıq ərizələrinin surətləri;
11. İpotekaya qoyulmuş evdə qeydiyyatda olanlar barədə arayışın (Forma-2) surəti;
12. Xəbərdarlıqların surəti;
13. Borclunun və ipoteka qoyanların şəxsiyyətini təsdiq edən sənədin surəti;
14. etibarnamə (lazım olduğu təqdirdə)
15. Dövlət rüsumunun ödənilməsi haqqında qəbz.

Onu da nəzərə almalısınız ki, baxmayaraq İpoteka haqqında Qanunda göstərilib ki, bu cür işlər 1 ay müddətində baxılmalıdır. Adətən iş 3 ay ərzində baxılır (MPM-nin müddəalarını əsas tuturlar), ən azı.

Sualınıza görə təşəkkür edirik.

2010-05-16

28  Fuad (16-05-2010). Mənim sualıma cavab verməyə cox saol.Sizin cavaba bir sualım da var.Cölə bir maniken və səs kalonka goymag ücun 70 manat ödəməliyəm?Hər ayda 7 manat?

 

Birdə salam.

Reklam haqqında Qanunda reklam daşıyıcısı anlayışı verilib.

“reklam daşıyıcısı” — mülkiyyət formasından asılı olmayaraq, reklamın istehlakçıya bilavasitə çatdırılması üçün istifadə olunan (kütləvi informasiya vasitələri, kino, audio, video və nəşr məhsulları, stasionar, mobil və digər texniki qurğu və avadanlıqlar) istənilən vasitədir.

Qeyd etdiyiniz maneken və kolonkalar vasitəsilə müştəriləri cəlb etmək məqsədilə qoyulursa onları reklam daşıyıcıları kimi qəbul etmək olar. Buna görə də iqtisadi marağınızdan irəli gələrək və əgər bu reklam daşıyıcıları sizin ticarətinizə müsbət təsir göstərirsə müvafiq qaydada icazə alıb müntəzəm olaraq rüsum ödəməlisiniz. Əgər müsbət təsiri yoxdursa həmin reklam daşıyıcılarının bayıra çıxarılması əbəsdir.

Sualınıza görə təşəkkür edirik.

2010-05-16

29  Ferid (17-05-2010) salam. narahat etdiyim ucun uzr isteyirem. 11 sentyabr 2009-cu ilde Kredobank terefinden verilen fondan ayrilmis kreditler nece fazle hesablanmisdir. yeni ehaliye hansi faizle verilmisdir. cavab verdiyiniz ucun evvelceden tesekkur edirem.

 

 

Salam.

Banklar bazar iqtisadiyyətinə, Bankların fəaliyyətini tənzimləyən qanunlara və Mərkəzi Bank tərəfindən müəyyən edilmiş prudensial qaydala uyğun olaraq öz kredir vermə siyasətini müəyyənləşdirir (mvafiq lisenziya verildikdən sonra). Sual aidiyyəti üzrə ünvanlanmayıb. Çünki De Jure təşəbbüs qrupu adıçəkilən Kredobankın səlahiyyətli nümayəndələri deyil.

Lakın müraciət etdiyiniz üçün. Məsləhət görərdik ki, http:]]]www.kredobank.az saytına daxil olasınız. Və bu saytda qeyd edilən əlaqə vasitələrindən istifadə edib bu banka suallarınızı ünvanlayasınız.

 

30  Zaur (17-05-2010). Salam! Üzr istəyirəm mənim qayınatam öz həyətində hərəkətə mane olduğu üçün bir ağacın əyilmiş bir budağını kəsmişdir. Bundan xəbər tutan sahə müvəkkili tərəfindən müəyyən tədbir görülmüşdür. İki ay sonra məhkəmədən icra vərəqəsi gəlmişdir ki, 5(beş)gün müddətində 2200(iki min iki yüz) manat ödəməsəniz əmlakınıza həbs qoyulacaq.("maddə 259.Qanunsuz ağac kəsmə" əsas götürulmüşdür)Həm də ki,guya cavabdeh şəxs məhkəməyə çağırılmış lakin üzürsüz səbəbdən məhkəməyə gəlməmişdir... Halbuki,heç bir çağiriş vərəqəsi və ya bununla bağlı cavabdeh tərəfə heç bir məlumat verilməyib. Əməlin 259-cu maddəyə(Qanunsuz ağac kəsmə)əsasən qiymətləndirilməsi nə qədər ədalətlidir.Məncə əməl həddən artıq şişrdilib və qanun pozuntularına yol verilib. Buna aydınlıq gətirmənizi xahiş edirəm. Vaxtınızı aldəğım üçün bağışlayın. Sağ olun. Bərxudarov Zaur

 

Salam.

Əvvələr qeyd etmək istəyərdik ki, 259-cu maddə Cinayət Məcəlləsinin maddəsidir. Bu isə o dəməkdir ki, sizi cinayət məsuliyyətinə cəlb ediblər. Xahiş edirik bunu aydınlaşdırasınız. Çünki bu maddənin sanksiyası belədir:

- iki min beş yüz manatdan üç min beş yüz manatadək miqdarda cərimə və ya iki ilədək müddətə azadlıqdan məhrumetmə

Lakın qeyd etdiyiniz əməllərinizə görə Siz ancaq inzibati məsuliyyətinə cəlb edilə bilərdiniz (cinayət tərkibi olması üçün xeyli miqdarda ziyan vurulması sübut olunmalıdır). "Bir ağacın əyilmiş bir budağının" kəsilməsi xeyli ziyan vura bilməz.

Onu da qeyd etməliyik ki, Azərbaycanda ağacların kəsilməsinə görə qanunvericilik sərtləşib və sizi inzibati məsuliyyətinə cəlb olunması mümkündür. Və lazımi sübutlar olduğu təqdirdə Sizi Inzibati Xətalar Məcəlləsinin 92.2 maddəyə əsasən məsuliyyətə cəlb edə bilərlər.

92.2. Meşə fonduna aid olmayan ağac və ya kol əkililərinin zədələnməsinə, kəsilməsinə və ya məhv edilməsinə görə

- fiziki şəxslər iki min iki yüz manatdan iki min beş yüz manatadək miqdarda, vəzifəli şəxslər doqquz yüz manatdan on min manatadək miqdarda, hüquqi şəxslər qırx min manatdan əlli min manatadək miqdarda cərimə edilir.

Məsləhət görərdik ki, məhkəmə qərarına apellyasiya qaydasında şikayət verəsiniz. Sübutların nə qədər əsaslı olduğunu yoxlayasınız (ağac kəsmisinizsə bu barədə akt yazılmışdır, ya yox; yeni əkilmiş ağac olmuşdur və ya artıq "ölü" ağac olmuşdur və s). Həmçinin budağın kəsilməsi ümumiyyətlə ağacın məhv olunmasına gətirib çıxartmayıbsa, bu cür hərəkətin ağacın cavanlanmasına yönəldilmiş hərəkət kimi əsaslandıra bilərsiniz.

Sualınıza görə təşəkkür edirik.

31  Ramin (17-05-2010) Menim rayonda shosse yoldan 10-15 m mesafede magazam var. Bu yaxinda bashqa vetendash duz yolun kenarinda seki yolunda menim magazamin qarshisinda magaza tikib. Menim magazam hem yoldan gorunmur hem de magazaya gelmek ucun yol yoxdur. Men kime muraciet edim?

 

 

Salam.

Təkcə sizin iqtisadi maraqlarınız baxımından bu məsələnin həlli mürəkkəbdir və məhkəmə qaydasında həll oluna bilər. Lakın İnzibati Xətalar Məcəlləsinin 164-cü maddəsinə əsasən (Avtomobil yollarında yol hərəkəti təhlükəsizliyi qaydalarının pozulması), xususilə 164.0.8.maddəsinə uyğun olaraq (təhkim zolağında nəqliyyat vasitələrinin durması və yuyulması üçün meydançaların, servis obyektlərinin, köşklərin, pavilyonların, digər qurğuların yerləşdirilməsinə və ticarətin aparılmasına) siz hüquq mühafizə orqanlarına müraciət edə bilərsiniz.

 

Sualınıza görə təşəkkür edirik.

2010-05-18

 

32  Dinara (18-05-2010) Salam.Men xaricde yachayiram.Bakida muvafiq senedlerin alinmasi ucun etibarname numunesi sizden almaq mumkundurmu?Onceden techekkurumu bildirirem.

 

Salam

Sənədlərin nümunələri bölməsində kifayət qədər Etibarnamə nümunələri var.
Misal üçün:

• ÜMUMİ ETİBARNAMƏ (xaricdə yaşayanlar üçün)
• Etibarnamə (təşkilatın adından)

2010-05-18

 

33  Aygün (18-05-2010). Salam. İşçinin əmək məzuniyyətinin bitdiyi gün istirahət gününə düşdükdə işçinin işə qayıtması haqqında əmrin verilməsi necə həyata keçirilir? Konkret olaraq mühafizəçilərlə bağlı, onların istirahət günü də işlədiklərini nəzərə alsaq bu məsələnin necə tənzimləndiyini bilmək istərdirm. Əvvəlcədən təşəkkürlər.

 

 

Salam.

Adətən mühafizəçilərdə iş vaxtı növbəlidir. Bu o deməkdir ki, iş günü istirahət gününə düşüb-düşməməsinə asılı deyil və növbəli iş vaxtı rejimində işçilərin istirahət vaxtının müddəti müvafiq növbə cədvəlləri ilə tənzimlənir (Əmək Məcəlləsinin 103.4-cü maddəsi).

Lakın əgər işçi məzuniyyətdən geri çağırıblarsa (həmin Məcəllənin 137-ci maddəsinə əsasən), bu təqdirdə mütləq işçinin razılığı olmalıdır. Əmək məzuniyyətindən geriçağırma əmrlə (sərəncamla, qərarla) rəsmiləşdirməlidir. Əmək məzuniyyətindən geri çağırılan işçiyə tərəflərin razılığı ilə ya işə başladığı gündən etibarən əməkhaqqı hesablanır və işləndiyi məzuniyyət günlərinin əvəzində ödənişsiz əlavə istirahət günləri (əvəzgün) verilir, ya da işə başladığı gündən etibarən işçiyə əmək haqqı hesablanır.

İstirahət günü görülən işə görə əməkhaqqı aşağıdakı kimi ödənilir:

• əməyin vaxtamuzd ödənilmə sistemində gündəlik tarif maaşının iki mislindən aşağı olmamaqla;
• əməyin işəmuzd ödənilmə sistemində ikiqat işəmuzd qiymətlərindən aşağı olmamaqla;
• aylıq maaş alan işçilərə iş aylıq iş vaxtı norması çərçivəsində görülmüşsə, maaşdan əlavə gündəlik vəzifə maaşı məbləğindən aşağı olmamaqla, əgər iş aylıq iş vaxtı normasından artıq vaxtda görülmüşsə, maaşdan əlavə gündəlik vəzifə maaşının ikiqat məbləğindən aşağı olmamaqla.

İstirahət, səsvermə, iş günü hesab edilməyən bayram günləri və ümumxalq hüzn günü işləmiş işçinin arzusu ilə ona əməkhaqqı əvəzinə başqa istirahət günü verilə bilər(Əmək Məcəlləsinin 164-cü maddəsi).

Sualınıza görə təşəkkür edirik.

2010-05-19

 

34  Elshad (20-05-10). Salam! Mən ailəmlə və anamla həyət evində yashayiram.Evimin arxasinda 15-20 metrliyində hündür mərtəbəli bina inşa edilərkən mənim evimin divarlari çatlar emele gelerek qəzalı vəziyyətə düşüb. Hündür mertebeli bina artıq istismara verildikden sonra Men öz heyetimdeki 1 mertebeli 2 otaqlı menzilimi tezeden söküb temir ve yaxud yeniden inşa ede bileremmi.Bunun ücün kimin raziliqini almaliyam ve hansi senedler elde etmeliyem ki,men öz menzilimin divarlarinda olan catlari aradan qaldira bilim. Evvelceden teşekkür edirem.

 

Salam.

Yeni Mənzil Məcəlləyə əsasən (23-25-ci maddələri) yaşayış sahəsinin yenidən qurulması və (və ya) yenidən planlaşdırılması tikinti norma və qaydalarına riayət etməklə müvafiq icra hakimiyyəti orqanının qərarı əsasında aparılır.

Bunun üçün yaşayış sahəsinin mülkiyyətçisi (və ya onun səlahiyyətli nümayəndəsi) yenidən qurulması və (və ya) yenidən planlaşdırılması nəzərdə tutulan yaşayış sahəsinin yerləşdiyi yer üzrə razılaşdırmanı həyata keçirən orqana aşağıdakıları təqdim edir:

• yaşayış sahəsinin yenidən qurulması və (və ya) yenidən planlaşdırılmasına dair ərizə;
• yenidən qurulması və (və ya) yenidən planlaşdırılması nəzərdə tutulan yaşayış sahəsinə dair hüquq müəyyənedici sənədlər (sənədlərin əsli və ya notariat qaydasında təsdiq olunmuş surətləri);
• yenidən qurulması və (və ya) yenidən planlaşdırılması nəzərdə tutulan yaşayış sahəsinin müəyyən edilmiş qaydada tərtib edilərək hazırlanmış yenidən qurulması və (və ya) yenidən planlaşdırılması layihəsi;
• yenidən qurulması və (və ya) yenidən planlaşdırılması nəzərdə tutulan yaşayış sahəsinin texniki pasportu;
• yenidən qurulması və (və ya) yenidən planlaşdırılması nəzərdə tutulan yaşayış sahəsi və ya onun yerləşdiyi bina (ev) memarlıq, tarix və mədəniyyət abidəsi olduqda, həmin yaşayış sahəsinin yenidən qurulmasının və (və ya) yenidən planlaşdırılmasının aparılmasının mümkünlüyü barədə müvafiq icra hakimiyyəti orqanının rəyi.

Ərizəçiyə sənədlərin siyahısı və razılaşdırmanı həyata keçirən orqan tərəfindən qəbuletmə tarixi göstərilməklə qəbz verilir. Razılaşdırma və ya razılaşdırmadan imtina haqqında Qərar orqan göstərilən sənədlərin həmin orqana təqdim edildiyi gündən otuz gündən gec olmayaraq qəbul edilməlidir (yaşayış binası qəza vəziyyətində olduğu təqdirdə 10 gün ).

Qərar qəbul etdiyi gündən üç iş günündən gec olmayaraq belə qərarın qəbul edilməsini təsdiqləyən sənədi ərizəçiyə təqdim edir. Bu Qərar yaşayış sahəsinin yenidən qurulmasının və (və ya) yenidən planlaşdırılmasının aparılması üçün əsasdır.

Sualınıza görə təşəkkür edirik.

2010-05-20

 

35  Şahin (20-05-2010). İcra vərəqini cavabdeh tərəf nə vaxta icra etməlidir?Konkret: Daşınmaz Əmlakın Dövlət Reyestr Xidməti vərəsəliyin təsdiq edilməsi ilə əlaqədar qətnamənin icra vərəqəni nə vaxta icra etməyə borcludur?

 

Salam.

Məhkəmə qərarlarının icrası haqqında Qanunun 13-cü maddəsinə əsasən məhkəmə qərarı qanuni qüvvəyə (şikayət verilməmişdirsə, qəbul edildiyi gündən 1 ay keçdikdən sonra qanuni qüvvəyə minir - MPM-nin 233.1-ci maddəsi) mindikdən sonra 1 ay ərzində icraya yönəldilməlidir.

Notariat orqanlarının icra qeydləri on gün ərzində icraya yönəldilməlidir.
 

Sualınıza görə təşəkkür edirik.

2010-05-20

36  Fidan (20-05-2010). Salam. Men ABS-na ishlemek meqsedi ile miqrasiya qaydalari ile maraqlaniram. Bunun uchun istelinen vekile, yoxsa bu sahede xususi tecrubesi olan vekile muraciet etmeliyem? Eqer beledirse, miqrasiya meseleleri ile meshqul olan vekillerle nece elaqe yaratmaq olar. Evvelceden oz teshekkurumu bildirirem.

 

Salam.

Təəssüflə qeyd etmək istəyərdik ki, bu sahədə ixtisaslanmış vəkillər Azərbaycanda hələ də fəaliyyət göstərmir. Lakın vəkil olmayan şəxslər bu sahədə müxtəlif xidmətlər göstərirlər (misal üçün, http:]]]workandtravel.az). Effektiv yollarından biri ABŞ-nın Azərbaycanda səfirliyinə müraciət edib, onlardan ətraflı məlumat alasınız (http:]]]azeri.azerbaijan.usembassy.gov).

2010-05-20

37  Adalat (21-05-2010) Biz 1996 cı ildə 1-cı Alatava ev40 ünvanın qeydiyyat yolu ilə satın almışıq və 1997-ci ildən həmin ünvanda 3 nəfər qeydiyyatdayıq.evin köhnə sahibləri hələdə bu ünvanda qeydiyyatdadılar.Onların qeydiyyatdan çıxarılması haqda məhkəməyə müraciət etddik iddia təmin olunmadı.qətnamə çıxardı ki.mütləq onlarda məhkəmədə iştirak etməlidi.Məhkəməyə MİS-in,Qonşuların imzası ilə akt təqdim etdikki evın kohnə sahibi 1996-cı ildən bu ünvanda yaşamır və bilmirik hardadı. xahiş edirəm mənə izahlı cavab verin.

 

Salam.

İlk öncə siz Yaşayış yeri və olduğu yer üzrə qeydiyyat haqqında Qanunun 9-cu maddəsinin 1-ci hissəsini əsas tutaraq müvafiq icra hakimiyyəti orqanlarına (Azərbaycan Respublikasının Daxili İşlər Nazirliyi və Azərbaycan Respublikasının Dövlət Miqrasiya Xidməti) müraciət edib daşınmaz əmlakı sizə satan şəxsləri adı çəkilən yaşayış yeri üzrə qeydiyyatdan çıxarılmasını xahiş etməli idiniz. Çünki yaşayış yerini dəyişdikdə, başqa ölkəyə getdikdə və digər hallarda şəxs yuxarıda göstərilən orqanları tərəfindən yaşayış yeri üzrə qeydiyyatdan çıxarılır.

Daşınmaz əmlakın alqı-satqısı keçirilibsə, güman edilir ki, əmlakı satan şəxs əvəzinə başqa daşınmaz əmlak əldə edəcək (Azərbaycanda və ya onun kənarında), buna görə də yaşayış üzrə başqa yerdə qeydiyyata alınmalıdır (xaricə gedibsə DİN-nə öz şəxsiyyət vəsiqəsini təqdim edir). Əmlakın alqı-satqı müqaviləsinə nəzər salsanız (notariat qaydada təsdiq edilmiş müqavilə), görərsiniz ki, satıcı 1 ay ərzində mənzildən (yaşayış yerindən) qeydiyyatdan çıxması barədə öz üzərinə öhdəlik götürür (bunları dövlət orqanlarına sorğunuzda və ya ərizənizdə qeyd etməlisiniz).

Qeyd edilən orqanlarına müraciət etdikdən sonra onlar sizə müvafiq şəxsl(ər)in qeydiyyatdan çıxarılması barədə məlumat verəcəklər. Əgər bu barədə məlumat verilməsə artıq məhkəməyə müraciət edib şəxsl(ər)in qeydiyyatdan çıxarılmasını tələb edə bilərsiniz (bu təqdirdə sizdə kifayət qədər sübut olacaq, sizin məktublarınız, dövlət orqanların cavabları, xəbərnamələr və s.).

Cavabdehin olduğu yeri məlum olmadıqda Mülki Prosessual Məcəlləsinin 149-cu maddəsini əsas tutmalısınız: "Cavabdehin faktiki olduğu yer məlum olmadıqda, məhkəmə cavabdehin məlum olan axırıncı yaşayış yeri üzrə yerli özünüidarə orqanının, müvafiq icra hakimiyyəti orqanının və ya cavabdehin məlum olan axırıncı iş yeri üzrə müdiriyyətin məhkəmə bildirişini aldığını təsdiq edən qeyd yazılmış məhkəmə bildirişi məhkəməyə daxil olduqdan sonra işə baxmağa başlayır".

Həmçinin cavabdehin yerini müəyyən etmək üçün Daxili İşlər Nazirliyinin Baş Pasport, Qeydiyyat və Miqrasiya İdarəsinin Milli Avtomatlaşdırılmış Pasport Sistemi (MAPS) üzrə məlumat şöbəsinə müraciət edə bilərsiniz.

Hal-hazırda siz apellyasiya şikayəti (Apellyasiya şikayəti məhkəmə qətnaməsi rəsmi qaydada verildiyi gündən 1 ay müddətində verilə bilər – MPM maddə 360) verməklə yanaşı, yuxarıda qeyd edilən hərəkətlərin etməsi məqsədəuyğundur. Apellyasiya instansiyası məhkəməsi tam hüquqlu məhkəmə kimi işə, işdə olan və əlavə təqdim olunmuş sübutlar əsasında mahiyyəti üzrə baxır (MPM maddə 372.1.).

Sualınıza görə təşəkkür edirik.

38  Kifayət (21-05-2010). Bilmək istəyirəm Qaimə-Fakturanın kötüyü kimdə olmalıdır? Malı təqdim edəndə ya alıcıda? Əvvəlcədən təşəkkür edirəm.

 

 

Salam.

“Qaimə-faktura”nın (forma № kf-1) forma və rekvizitləri və onlardan istifadə qaydalarının 6-cı bəndinə əsasən hər sifariş üçün ayrıca tərtib edilməklə “Qaimə -faktura” hissəsi mal alan müştəridə, “Qaimə -fakturanın surəti” hissəsi mal satan müəssisədə, “Qaimə -fakturanın” kötüyü hissəsi isə müvafiq qaydada hesabat vermək üçün malı müştərilərə çatdıran sürücüdə (təhtəlhesab şəxsdə) qalır.

Sualınıza görə təşəkkür edirik.

2010-05-21

 

39  Elchin (22-05-2010) 2007 ci iləd "Daşınmaz Əmlakın Dövlət Reyestri" idarəsindən aldığım "ÇIXARILIŞ"-da göstərilən mənzilən yaşayəş sahaəsi Texniki Pasportda göstərilən yaşayış sahəsindən 16 kv.m azdır. Xatırladım ki, əlimizdəki texniki pasport köhnə sakinin adınadır. Bu yaxınlarda mənzilin Texniki Pasportunun mənim adıma keçirilməsi və Cixarılışda buraxilan səhvin düzəldilməsi üçün yuxarida göstərilmiş idarəyə ərizə ilə müracıyət etdim. Lakin ərizəm ləğv edildi. Səbəb isə belə izah edildi: Cıxarılışdaki rəqəm arxivdəki sənədlər əsasən yazılıb və düzdür. Xahiş edirəm mənə məsləhət verəsiniz. - Texniki Pasportu öz adıma keçirtmək üçün hansı addımlar atılmalı və hansı sənədlər təqdim olunmalıdır?- Çixarılışdakı rəqəmlər sonuncu (tarixə görə)Texniki Pasporta istinad etməlidir və ya hər hansı bir digər sənəd və ya göhnə Texniki pasporta istinad etməlidir?- ümumiyyətlə əgər mənzilin daxili otaqlarında dəyişikliklər aparılıbsa bu dəyişiklikləri Tex. Pass.-da necə əks etdirmək olar(ümumi yaşayış sahəsi dəyişməyib)Ətraflı cavabınıza ehtiyacım var.

 

Salam.

Ərizənin ləğv edilməsi haqqında qərarlnın sürətini əldə edib məhkəməyə müraciət etməlisiniz və qeyd etdiyiniz 16 kv.m səhv olmaslnl sübut etməlisiniz. Əgər problem texniki səhv ucbatəndan yaranıbsa, məhkəmə bunu tez bir zamanda həll edəcək.

Sualınıza görə təşəkkür edirik.

2010-05-23

 

40  Guler (25-05-2010). Baq sahesi dunyasini deyismis anamin adinadir. onun adina verilmis muqavile ile baq sahesini oz adima nece ozellesdire bilerem. onu da qeyd edim ki anam 2002 ci ilde dunyasini deyisib.

 

 

Salam.

Vərəsəliklə bağlı məsləhətxananın 12-ci sualında cavab verilmişdir.

Prezidentin 2186 №-li Sərəncamına əsasən Bakı Şəhər İcra Hakimiyyətinin nəzdində olan bağ təsərrüfatı idarələri ləğv edilmiş və onun səlahiyyətləri Daşınmaz Əmlakın Dövlət Reyestri Xidmətinə (bağlar təsərrüfatı işlər üzrə idarə) verilmişdir. Həmin Sərəncama əsasən 22 may 2007-ci il tarixədək vətəndaşların qanuni mülkiyyətində olan bağ sahələrinin Torpaq islahatı haqqında Qanununun 9-cu maddəsinə müvafiq olaraq əvəzsiz qaydada onların mülkiyyətinə verilməsinin aidiyyəti dövlət orqanları tərəfindən rəsmiləşdirilməlidir.

Bağ sahəsinin plan-sxemini əldə etməsi üçün:

1. Ərizə;

2. Bağ sahəsinin istifadəsi haqqında Kirayə müqaviləsi (və ya order);

3. Bağ sahəsi istifadəçinin şəxsiyyət vəsiqəsinin surəti;

4. Dövlət rüsumunun ödənilməsi haqqında qəbz.

Bağ sahəsinin ilkin qeydiyyatı üçün tələb olunan sənədlər:

1. Ərizə;

2. Bağ sahəsinin istifadəsi haqqında Kirayə müqaviləsi (və ya order);

3. Torpaq sahəsinin ölçüləri və planı;

4. Dövlət rüsumunun ödənilməsi haqqında qəbz.

Qanuni istifadə olunan evlərin altında yerləşən torpaq sahələrinin (o cümlədən, bağ sahələri) qeydiyyatı:

1. Ərizə;

2. Dövlət reyestrindən çıxarış və ya qeydiyyatı təsdiq edən sənəd, texniki pasport;

3. Torpaq sahəsinin ölçüləri və planı;

4. Dövlət rüsumunun ödənilməsi haqqında qəbz.

Rüsumlar barədə burda məlumat ala bilərsiniz.

Sualınıza görə təşəkkür edirik.

2010-05-25

 

55  Leyla (05-06-2010). Salam.menim 20 yaşım var.5 yaşimdan anamla yaşiyiram. bilmek istiyerdim atamin maaşinin ,emlakinin her hansi bir hissesine haqqim çatir?indiye qeder atamdan aliment tutulmuyub. atamla anam resmi nigahda olmuyub,lakin ataliq qeyyumu mueyyen olunub.evvelceden teshekkur edirem.

 

 

Salam.

Siz artıq yetkinlik yaşına çatmısınız və atanızın maaşına iddia edə bilmərziniz (aliment qayqasında). Lakın Mülki Məcəllənin 1159.1.2 və 1193 maddələrinə istinad edərək onun əmlakına vərəsəlik hüququnuz var (məcburi pay). Əgər atanız lap öz vəsiyyətnaməsində sizin adınızı çəkməsə sizə düşən payının yarısını ala bilərsiniz (əgər atalığı tanınıbsa, və ya övladlığa götürməyin təsdiqi varsa). Belə ki, əgər atanızın 3 uşağı varsa + siz....və vəsiyyətnamə yoxdursa onda mülkiyyət 4 bərəbər hissəyə bölünəcək (misal üçün 10000-dən hərəyə 2500 manat), amma əgər vəsiyyətnamə varsa, onda bu payın yarısı (misalın davamı kimi, 1250 manat).

Sualınıza görə təşəkkür edirik.

2010-06-05

 

41  Şəfəq (26-05-2010). Salam man faizlə pul vermişəm Ancaq geri ala bilmirəm.pulumu tələb etdikdə məni təhqir edir və hədə, qorxu gəlir mənə pul verməmisən.Sahidim yoxdu amma kanputerdən yazılmış bir necə yazılmış aldıqı pula qol cəkif ancaq imtina edir öz qolunan Xahiş edirəm bu haqqda öz hüququmu bilmək həmcinin kimə müraciət edə blərəm bir köməklik göstərməyinizi xahiş edirəm.

 

 

Salam.

Faizlə pul vəsaitin verilməsi (yəni kreditin verilməsi), sahibkarlıq fəaliyyəti hesab olunur və müvafiq icazəniz olmasa siz hətta məsuliyyətə cəlb oluna bilərsiniz. Amma hesab edək ki, siz fikirinizi düzgün çatdıra bilmədiniz və demək istəyirdiniz ki, borc vermisiniz və qaytara bilmirsiniz. Kompüter vasitəsilə dedikdə siz nə nəzərdə tutursunuz? Əgər bu video yazılardır sa, onda həmin yazılar Mülki Prosessual Məcəlləsinin 76.2-ci maddəsinə əsasən məhkəmə tərəfindən sübut kimi qəbul oluna bilər. Amma onu da nəzərə almalısınız ki, Qanunu pozmaqla əldə edilmiş sübutlardan istifadə olunmasına yol verilmir.

Sualınıza görə təşəkkür edirik.

2010-05-28

 

42  Kifayət (28-05-2010) Salam! Mən Gürcüstan vətəndaşıyam. Gürcüstana getmədən Gürcüstanın Azərbaycandakı səfirliyi vasitəsi ilə vəsiqə təqdim etməklə ilk dəfə Gürcüstan pasportu almaq mümkündürmü?

Salam.

Bu cür münasibətlər Gürcüstan qanunvericiliyi ilə tənzimlənir, və Azərbaycanın yerli qanunvericiliyinə aidiyyəıti yoxdur. Buna görə də sizə köməklk edə bilməyəcəyik. Məsləhət görərdik ki, Gürcüstanın Azərbaycandakı səfirliyinə müraciət edəsiniz (ünvan: Asəf Zeynallı 24, İçəri Şəhər 4974557585960).

2010-05-28

43  Kifayət (28-05-2010). Salam! Xahiş edirəm mümkünsə mənə Maliyyə Nazirliyinin 22 dekabr 2005-ci il tarixli İ-163 saylı qərarını göndərəsiniz. Əvvəlcədən təşəkkür edirəm.

 

 

Salam.

Bu normativ aktın axtarılması müəyyən vaxt aparmışdır. Həmin aktın həcmi böyük olduğundan iki hissəyə bölünmüşdür.

Müəssisə və təşkilatların, habelə sahibkarlıqla məşğul olan fiziki şəxslərin iş xüsusiyyətlərinə uyğun tərtib olunmuş ciddi hesabat blanklarının Siyahısı (Azərbaycan Respublikası Maliyyə Nazirliyinin 2005-ci il 22 dekabr tarixli, i-163 №-li əmri ilə təsdiq edilmişdir):

- 1-ci hissə;

- 2-ci hissə.

2010-06-01

 

44  Namiq (29-05-2010) Salam. Xahiş edirəm mənə aşağıdakı yazılan məsələ ilə bağlı məlumat verəsiniz. Əgər atam öz adına olan evi mənə vəsiyyət etsə, atam rəhmətə gedəndən sonra evi mənim adıma keçirmək üçün mənə hansı proseduralardan keçmək lazımdır və nə qədər rüsum ödəməliyəm. Mənim babam 30 il bundan əvvəl rəhmətə gedib, amma ev onun adına qalıb.Evi heç kimə vəsiyyət etməyib. Babamın 5 övladı var idi. Hal-hazırda onların biri rəhmətə gedib. Əgər indi ev övladlar arasında bölüşdürülərsə, həmin babamın rəhmətə getmiş övladlarının uşaqlarına pay düşürmü?

 

Salam.

Məsləhətxananın 12-ci sualında buna artıq cavab verilib.

Vərəsəlik hüququ haqqında şəhadətnamələrin verilməsi üçün rüsum:

• qanunla müəyyən edilən bütün növbəli vərəsələrə - 3 manat;
• vərəsə digər fiziki və ya hüquqi şəxsdirsə - 11 manat;
• vərəsəlik nəticəsində əldə edilmiş hüquqların, bölünmə nəticəsində əvvəlki hüquq sahibində qalan hissə üzərindəki hüquqların, yüklülüyün (girov, ipoteka, icarə, istifadə, lizinq, servitut və s.), icarə və istifadə hüquqlarının yüklülüyünün və özgəninkiləşdirilməsinin dövlət qeydiyyatının aparılması - 20 manat;
• vərəsəliyin qəbul edilməsi müddətinin uzadılması - 3 manat.

Mülki Məcəlləyə əsasən qanun üzrə vərəsəlik zamanı birinci növbədə ölənin uşaqları, miras qoyanın ölümündən sonra doğulmuş uşaq, arvad (ər), valideynlər (övladlığa götürənlər) arasında bərabər pay hüququ əsasında bölünür. Bu sonuncuların nəvələri, nəticələri və uşaqları o halda qanun üzrə vərəsə sayılırlar ki, mirasın açıldığı vaxt miras qoyanın vərəsələri olacaq valideynləri sağ olmasın. Onlar qanun üzrə vərəsəlik zamanı onların ölmüş valideyninə çatası paydan bərabər miras alırlar.

Bu o dəməkdir ki, həmin ev (miras) 5 bərabər hissəyə bölünməlidir (əmlakın satılıb vərəsələr arasında pul şəklində bölünməsi də mümkündür). Mirasın 4 hissəsi rəhmətə gedən övladlara paylanmalı, qalan beşinci hissə rəhmətə gedən övladın uşaqlarına çatmalıdır (yəni nəvələrinə). Amma bu nəvələr yalnız onların valideyinin payına düşən hissəyə iddia edə bilərlər (əgər digər vərəsələr öz vərəsəlik hüququndan imtina etməsələr).

Sualınıza görə təşəkkürlər.

2010-05-30

 

 

46  Asif (31-05-2010) salam. men ferdi yasayis evi tikintisi ucun torpaq sahesi almisam. senedlesdirme ile bagli (hansi senedlerin hazirlanmasi lazimdir ve hansi senedlerin olmasi vacibdir) huquqi meslehete ehtiyacim var. Xahis edirem bu sahede mene huquqi yardim edesiz. Onceden tesekkur edirem.

 

Salam.

Sual ümumi xarakter daşıyır. Bu cür suallara dəfələrlə cavablar verilmişdir. Məsləhətxananın 1, 5 və 23-cü suallarına baxa bilərsiniz.

2010-06-01

47  Orxan (01-06-2010) Mövzu: Yasayis yerini deyismeyimle elaqedar sexsiyyet vesiqesini deyishmeliyem. Bununla elaqedar DIN-nin Pasport, Qeydiyyat ve Miqrasiya idaresine elektron muraciet etmisem. Muracietin metni beledir:Vaxti bitmis sexsiyyet vsiqesi ile qeydiyyata dushmek istediyim erazi üzre polis orqaninin qeydiyyat ve shexsiyyet vesiqesi xidmetine muraciet ede bileremmi?CAVAB: E-poçt: orxanre@mail.ru Sizin Azerbaycan Respublikasinin Daxili ishler Nazirliyine daxil olmush elektron müracietinize baxilmshdir. Bildiririk ki, yashayis yerinizi deyismeyinizle elaqedar hal-hazirda etibarliliq müddeti bitmish shexsiyyet vesiqesi ile qeydiyyata alinmaq istediyiniz erazi üzre polis orqaninin qeydiyyat ve shexsiyyet vesiqesi xidmetine müraciet etmelisiniz. DIN-in Bash Pasport, Qeydiyyat ve Miqrasiya idaresinin reis müavini Nüsret SHirinov-----------------SUAL: Salam, Nusret muellim, ilk once 18374161-Q-287a sayli muracietimi cavablandirdiginiz ucun teshekkur edirem.Ancaq men Sizin qeyd etdiyiniz kimi etibarliliq muddeti bitmish shexsiyyet vesiqesi ile qeydiyyata alinmaq isediyim erazi uzre polis orqanininin qeydiyyat ve shexsiyyet vesiqesi xidmetine tekraren muraciet etdim (18374161-Q-287a sayli sorguya cavabi esas getirerek). Lakin bunun esassiz oldugunu bildirdiler. Xahish edirem bu qanunu tesdiq edecek menbeni bildiresiniz. Hormetli DEJURE bu muracietime teessuf ki cavab verilmeyib. Siz bu qanunu tesdiq edecek menbeni bildire bilersinizmi. Diger halda qeydiyyata duwe bilmirem. Ilk onceden minnetdarligimi bildirirem!

 

Salam.

Ətraflı məlumatınıza görə əvvəlcədən təşəkkür edirik.

“Azərbaycan Respublikası vətəndaşının şəxsiyyət vəsiqəsi haqqında” Azərbaycan Respublikası Qanununun tətbiqi haqqında Əsasnamənin 3-cü və 12-ci bəndlərinə əsasən Azərbaycan Respublikası vətəndaşının şəxsiyyət vəsiqəsi vətəndaşın yaşadığı yerin müvafiq dövlət orqanı (Daxili İşlər Nazirliyinin xüsusi orqanları (pasport-qeydiyyat qurumları) başa düşülür) tərəfindən verilir və qeydiyyata alınır.

Həmin Əsasnamənin 12-ci bəndinə uyğun olaraq vətəndaş 25, 35, 50 yaşına çatdıqda və ya onun şəxsiyyət vəsiqəsində olan yazılar təhrif edildikdə, şəxsiyyət vəsiqəsi yararsız hala düşdükdə şəxsiyyət vəsiqəsini dəyişdirmək üçün—şəxsiyyət vəsiqəsi; vətəndaşın soyadı, adı, atasının adı, ailə vəziyyəti dəyişdikdə—vətəndaşlıq vəziyyəti aktlarının dövlət qeydiyyatını aparan orqanlar tərəfindən verilmiş sənədlər, vətəndaşın yaşayış yeri dəyişdikdə — ev, mənzil barədə müvafiq sənədlər, hərbi vəzifəsi dəyişdikdə—hərbi bilet və ya təhkim şəhadətnaməsi bu Əsasnamənin 3-cü və 7-ci bəndlərində göstərilən sənədlərlə birlikdə təqdim edilməlidir.

Yəni yaşadığınız yer üzrə müvafiq orqana müraciət etməklə, ərizə-anketi doldurub, mənzil barədə sənədləri, köhnə şəxsiyyət vəsiqəni, dövlət rüsumunun ödənilməsi haqqında qəbzi təqdim etməklə şəxsiyyət vəsiqənizi dəyişdirə bilərsiniz. Müvafiq dövlət orqanı vətəndaşı dərhal qeydə almalı və ona 10 gün ərzində şəxsiyyət vəsiqəsi verməlidir (Yaşayış yeri və olduğu yer üzrə qeydiyyat haqqında Qanunun 5-ci maddəsi).

Dövlət rüsumu haqqında Qanunun 14.5 bəndinə əsasən:

Azərbaycan Respublikasının vətəndaşları 25, 35, 50 yaşına çatdıqda, həmçinin onların soyadı, adı, atasının adı, yaşayış yeri, ailə vəziyyəti və hərbi vəzifəsi dəyişdikdə şəxsiyyət vəsiqəsinin dəyişdirilməsinə görə.

2 manat

«Yaşayış yeri və olduğu yer üzrə qeydiyyat haqqında» Azərbaycan Respublikası Qanununun 5-ci maddəsinin və «Azərbaycan Respublikası vətəndaşının şəxsiyyət vəsiqəsi nümunəsinin təsdiq edilməsi haqqında» Azərbaycan Respublikasının Qanunu ilə təsdiq edilmiş «Şəxsiyyət vəsiqəsinin təsviri»nin müddəalarının şərh olunması barədə Azərbaycan Respublikası Konstitusiya Məhkəməsinin Qərarına əsasən «Yaşayış yeri və olduğu yer üzrə qeydiyyat haqqında» qanunda göstərilmiş qeydiyyatın məhdudlaşdırılması hallarından başqa bütün digər hallarda qeydiyyat orqanları vətəndaşın iradəsinə uyğun olaraq onun yaşayış yerinin azad seçilməsi aktını təsdiq etməlidirlər.

Azərbaycan Respublikasında yaşayan bütün şəxslərin uçota alınması, onların başqa şəxslər, dövlət və cəmiyyət qarşısında vəzifələrinin icra edilməsi barədə qanunun tələbi mütləq yerinə yetirilməlidir.

Həmçinin, «Yaşayış yeri və olduğu yer üzrə qeydiyyat haqqında» qanunun 1-ci maddəsinin ikinci hissəsinə əsasən yaşayış yeri və olduğu yer üzrə qeydiyyat icazə xarakteri daşımır və yalnız Azərbaycan Respublikasının qanunvericiliyi ilə müəyyən edilmiş hallarda hüquqi nəticəyə səbəb ola bilər (4-cü maddəyə əsasən yalnız, sərhəd zonalarında, qapalı hərbi şəhərciklərin ərazilərində, qapalı ərazilərdə, ekoloji fəlakət zonalarında, infeksiya və zəhərlənmə ilə bağlı xüsusi şərtlər və rejimlər qoyulmuş, fövqəladə və ya hərbi vəziyyət elan olunmuş yerlərdə, müharibə, səfərbərlik elan olunduqda yaşayış yeri və olduğu yer üzrə qeydiyyata alma məhdudlaşdırıla bilər). Daimi və ya müvəqqəti yaşayış yeri haqqında qeydiyyat orqanlarının məlumatlandırılması vətəndaşın həm hüququ, həm də vəzifəsidir.

Qeydiyyat orqanları isə qanunla müvəkkil olunurlar ki, vətəndaşın iradəsinə uyğun olaraq daimi və ya müvəqqəti yaşadığı yerin azad seçilməsi aktını təsdiq etsinlər. Buna görə vətəndaşların yaşayış yeri və olduğu yer üzrə qeydiyyata alınması vətəndaşların özünə yaşayış yerini azad seçmək hüququnu pozmamalıdır.

Nəzərinizə çatdırırıq ki, Azərbaycan Respublikası vətəndaşının şəxsiyyət vəsiqəsi haqqında Qanunun 8-ci maddəsinə əsasən qanunun tələblərinə zidd olaraq şəxsiyyət vəsiqəsinin verilməsindən imtina edilməsində, onun verilməsi üçün vətəndaşdan nəzərdə tutulmayan sənədlər tələb edilməsində və ya şəxsiyyət vəsiqəsinin verilməsində (dəyişdirilməsində) süründürməçilik edilməsində, habelə şəxsiyyət vəsiqəsinin itirilməsində, qəsdən korlanmasında, oğurlanmasında, qanunsuz hazırlanmasında, saxtalaşdırılmasında, satılmasında və ya ondan qanunsuz istifadə olunmasında təqsirli şəxslər Azərbaycan Respublikasının qanunvericiliyində nəzərdə tutulmuş qaydada məsuliyyət daşıyır.

Onu da nəzərə almaq lazımdır ki, qanunun məntiqindən irəli gələrək etibarlılıq müddəti bitmiş şəxsiyyət vəsiqəsi özü özlüyündə etibarsızdır və qanunvericilikdə müəyyən edilmiş müddət ərzində (bir ay) ŞV-nin dəyişdirilməsi üçün qeyd edilən sənədləri təqdim etməsəniz, İnzibati Xətalar Məcəlləsinin 329-cu maddəsinə (Şəxsiyyət vəsiqəsi olmadan və ya yaşayış yeri üzrə qeydiyyatdan keçmədən yaşama) əsasən məsuliyyətə cəlb oluna biərsiniz - xəbərdarlıq, 3 və ya 5 manat.

Sualınıza görə təşəkkür edirik.

2010-06-01

 

48  Rufat (01-06-2010). Salam. İlk once gosterdiyiniz yuksek seviyyeli xidmete gore tesekkurumu bildirmek isterdim. Bilmek isterdim verilen suallari kim terefinden cavablandirilir?

 

Salam.

Qiymətləndirməyinizə görə təşəkkür edirik. Suallar hüquqşünas Qaçayev Ramil tərəfindən cavablandırılır.

2010-06-01

49  Rovsen (01-06-2010). Salam! Menim babam 2006-ci il vefat edib. Menim anam babamin oz ovladi deyil, qardasi qizidi,amma, resmi senedle usaq iken ovladliga goturulub. 2009-cu ilde yaxin qohumlarimiz nenemin adindan vereselik taninsin deye mehkemeye mureciet etmisler ve mehkeme yegane varis kimi nenemi taniyib. Nenem de vesiyyetname ile miras qalan evi hemin o qohumun adina notariat qaydasinda tesdiq etdirib. Bu proseslerin hec birinden bizim xeberimiz olmayib. Nenem bu il fevral ayinda vefat edib. Bize notariusda yalniz mecburi pay ala bileceyimizi soylediler. Men bilmek isteyirdim:1. Babamin ilk novbeli veresesi kimi yalniz nenem mi sayilir?2. Anama yalniz mecburi pay dusur?3. Eger mecburi pay dusse, emlak bolgusunde neye gore yalniz 25 % anama pay kimi duse biler?4. qalan emlakin qiymetlendirilmesi hansi yolla aparilir?5. Anamain raziligi olmadan vesiyyet edilen sexs hemin evde yasaya biler?Eger tam dolgun cavab verseniz Size minnetdar olaram!Evvelceden tesekkurler.

 

Salam.

 

İlk növbədə qeyd edilməlidir ki, hər bir sual ayrı məsləhət mövzusudur və qeyri-aydın məqamlar kifayət qədərdir (yaxın qohumlar kimdir? övladlardır ya yox? ümumiyyətlə nə qədər vərəsə var, evdə qeydiyyatda olan adamlar və s.).

 

Lakın buna baxmayaraq hər suala qısa olaraq çalışarıq cavab verək:

 

1. Övladlığa götürülən və onun övladları övladlığa götürənin vərəsələri və ya qohumları kimi övladlığa götürənin uşaqlarına və onların övladlarına bərabər tutulurlar. Yəni birinci növbəli və bərabər pay hüquqlu vərəsələr hesab edilirlər (Mülki Məcəllə maddə 1159.1.2). Bundan başqa, sağ qalan arvadın (ərin) vərəsəlik hüququ ər-arvadın birgə mülkiyyətindən ona çatası əmlak hissəsinə aid deyildir (Mülki Məcəllə maddə 1162). Bu o deməkdir ki, nikah müddətində ər-arvadın əldə etdikləri əmlak onların ümumi birgə mülkiyyəti sayıldığı üçün (Ailə Məcəlləsi maddə 32.1), mülkiyyətin ən azı yarısı nənənizə keçir. Qalan hissəsi isə vərəsələr arasında bərabər bölünür (nəzərə almaq lazımdır ki, ər-arvad birinci növbəli vərəsələr hesab edilir). Misal üçün, mülkiyyətin dəyəri 10000 manatdırsa onun 5000 manatı keçir nənəyə. Qalan 5000 manat (misal üçün uşaqların sayı 4), 5 hissəyə bölünür 1000+1000+1000+1000 (uşaqlar arasında)+1000 (nənəyə).

2. Vəsiyyət edənin uşaqlarının, valideynlərinin və arvadının (ərinin) vəsiyyətnamənin məzmunundan asılı olmayaraq mirasda məcburi payı vardır. Bu pay qanun üzrə vərəsəlik zamanı onlara çatası payın yarısını (məcburi pay) təşkil etməlidir (Mülki Məcəllə maddə 1193). Əgər vəsiyyətnamədə ananızın adı çəkilmirsə ona yalnız məcburi pay düşür. Amma vəsiyyətnamədə göstərilməmiş qanun üzrə vərəsələr vəsiyyətnamədə toxunulmamış miras hissəsinə vərəsəlik hüququnu saxlayırlar (Mülki Məcəllə maddə 1177). Yuxarıdakı misala istinad edərək: əgər ananızın mirasda payı 1000 manat olmuşdursa, vəsiyyətnamə olduğu təqdirdə və vəsiyyətnamədə onun payı qeyd edilməmişdirsə onun 500 manat tələb etmək hüququ var.

3. 25% düşüb-düşməməsi vərəsələrin sayından, vəsiyyətnamənin məzmunundan və s. amillərdən asılı ola bilər.

4. Qiymətləndirmə tərəflərin razılığı ilə həm müstəqil qiymətləndiriciləri tərəfindən, həm məhkəmə tərəfindən müəyyən edilən müvafiq ekspertiza tərəfindən həyata keçirə bilər.

5. Daşınmaz əmlaka mülkiyyət hüququ olub-olmamasından asılıdır.

 

Hər bir halda əgər hesab edirsiniz ki, sizin hüquqlarınız pozulub müvafiq sübutları toplayıb (əsas olmalıdır, misal üçün ləyaqətsiz vərəsə, və yaxud miras nənənizə keçəndə sizin payınız nəzərə alınmamışdır və s.) məhkəməyə müraciət edə bilərsiniz.

 

Sualınıza görə təşəkkür edirik.

 

2010-06-02

 

50  Mehriban (01-06-2010) salam. menim emim oglunun 17 yawi var. valideynleri onun adini deyismek isteyirler.uwagin oz raziligi da var.amma bunu hec cur ede bilmirler.bunun ucun hara muraciet olunmalidir?onlar mehkeme orqanina muraciet etseler de, mehkeme onlari rayon icra hakimiyyet orqanina gonderib.

 

 

Salam.

Ailə Məcəlləsinin 189-cu maddəsinə əsasən Azərbaycan Respublikası vətəndaşlarının öz adını və soyadını, atasının adını dəyişdirməsinə 18 yaşına çatdıqdan sonra yol verilir. Yalnız valideyn(lər)in soyadı dəyişdirildikdə, yetkinlik yaşına çatmayanların soyadı dəyişilir.

Vətəndaşların adının, ata adının və soyadının dəyişdirilməsi haqqında ərizələr ilk öncə yaşadığınız yer üzrə Vətəndaş Vəziyyətinin Aktları Qeydiyyatı İdarəsinə (VVAQ) verilir. Sonradan əgər adının, ata adının və soyadının dəyişilməsi mümkün olmasa məhkəməyə şikayət verilə bilər.

Soyadın, adın və ata adının dəyişdirilməsinin qeydə alınması üçün rüsum - 3 manat (Dövlət rüsumu haqqında Qanun maddə 12.3).

Sualınıza görə təşəkkür edirik.

2010-06-02

 

51  Asəf (03-06-2010). Salam, sualımı cavablandıracağınız üçün təşəkkerlər. Mənim fərdi bağ sahəsi varımdır. İcra hakimiyyətindən verilmiş DX və TK fərdi bağ sahəsinin planından başqa sənəd yoxumdur. 6 sotdur.İçində də 2 mərtəbəli ev var.Sənədsiz.Həm evi həm də torpağı tam sənədləşdirməyə 2-sinədə reyestr çıxarışı lazımdır yoxsa nəyi necə etməliyəm. Və tarifləri...

 

 

 

Salam.

Bu cür suala məsləhətxanada artıq cavab verilmişdir (40-cı sual Guler 25-05-2010, 5-ci suala da baxa bilərsiniz Elşən (2010-04-20).). Torpaq sahəsinə mülkiyyət hüququn tanınması üçün ayrı çıxarış verilir. Sonradan əgər həmin torpağın üzərində bina (tikinti) olarsa (sizdə artıq var) onun üçün ayrı çıxarış alırsınız. Çünki torpaq sahəsi ayrı daşınmaz əmlakdır fərdi yaşayış və bağ evi isə ayrı.

Nəticədə 2-mərtəbəli Çıxarışda aşağıdakı kimi əks olunacaq: "Verilir Flankəsov Flankəs Flankəs oğluna ondan ötrü ki, ___şəhər, ___rayon, ___küçədə mülkiyyətində olan __ha torpaq sahəsində yerləşən, 2 mərtəbəli, __otaqlı, ___kv.m yaşayış, ___kv.m köməkçi sahədən ibarət yaşayış evi tam mülkiyyət hüququ üzrə _____ Asəf ________ oğlunun adına daşınmaz əmlakın dövlət reyestrində __ nömrəli kitabının ___nömrəli vərəqində alınmışdır."

Dövlət rüsumları aşağıda:

 

 

Azərbaycan Respublikası Əmlak Məsələləri Dövlət Komitəsi yanında Daşınmaz Əmlakın Dövlət Reyestri Xidmətinin ərazi idarələri tərəfindən göstərilən xidmətlərin tariflərinin tənzimlənməsi barədə Qərar;

Dövlət rüsumu haqqında Qanunun 26-cı maddəsi.

Sualınıza görə təşəkkür edirik.

2010-06-03

52  Rufat (03-06-2010) Salam. Huquqi sexse icare muqavilesi esasinda oz fealiyyetinde istifade etdiyi binaya qaz istifadesi ucun Texniki sertin ve layihe smeta hazirlanmasi ucun ne qeder rusum odemek lazimdir?Evvelceden minnetdarligimi bildirirem.

 

Salam.

Nazirlər Kabinetinin 10 iyun 2009-cu il tarixli 90 №-li və 28 sentyabr 2005-ci il tarixli 178 №-li qərarlarına uyğun olaraq obyektin qiymətinin hesablanması, elmi-tədqiqat və layihə işləri, layihə-axtarış işləri, layihə-smeta sənədlərinin ekspertizası kimi xidmətlərin qiymətləri (tarifləri) dövlət tərəfindən tənzimlənmir. Hal-hazırda adı çəkilən xidmətlər bazar qiymətlərinə uyğun olaraq tənzimlənir.

Sualınıza görə təşəkkür edirik.

2010-06-03

53  Seyran (03-06-2010). 08.11.2009 tarixində atam vəfat etti. Anamın adına bütün mülkün, bank depozitlərin və s. geçirilməsinə dair "Генеральная доверенность" şəklində bir Ərizə hazirlamam lazımdır. Bu Ərizənin numunəsi və ya yazlı surəti haqqinda kömək etmənizi istəyirəm. Hörmətlərlə Seyran Gafarov.

 

Salam.

İlk öncə Allah atanıza rəhmət etsin.

Etibarnamələrin nümunələri bu bölmədədir (Əmr, etibarnamə, aktlar və s.).

Sualınıza görə təşəkkür edirik.

2010-06-03

54  Rufat (04-06-2010). Salam. Bir sexs bir aileni defelerle telefon vasitesile, qonsuluqda yasadigindan evine gelerek narahat edir. Demek olarki rahat buraxmir. Ozune defelerle zeng etmemeyi ve gelmemeyi bildirilib lakin mehel qoymadan bu narahatciliga davam edir. Er ile arvad arasini vurmaq ucun muxtelif bohtanli sozler danisir. Bu sexse qarsi qanunla hansi tedbirler gormek olar? Evvelceden minnetdarligimi bildirirem.

 

Salam.

İnzibati Xətalar Məcəlləsinin 296-cı maddəsini (Xırda xuliqanlıq) əsas tutaraq daxiliyətşlər orqanlarına (Polis) müraciət edə bilərsiniz. Amma çalışın polisə ətraflı məlumat verin, çünki təqdim etdiyiniz məlumatlarda hansı bir məsuliyyətə cəlb etmək üçün əsas olmaya da bilər. Onu da bildirim ki, əgər səlahiyyətli strukturlar tərəfindən qeyd etdiyiniz şəxsin əməllərində cinayət tərkibi müəyyən edilsə onu cinayət məsuliyyətinə də cəlb edə bilərlər (misal üçün Cinayət Məcəlləsinin 147-ci maddəsi - Böhtan).

Sualınıza görə təşəkkür edirik.

2010-06-04

58  Sahmar (07-06-2010). Menim dayimla birge mulkiyyetimiz var. evin 75% dayimin 25% menimdir. dayim menden icazesiz o evde yasaya bilermi? ve ya menzilin bolunmesi nece ola biler? dayim satmaga razi deyil. evde 2 otaqdi

 

 

Salam.

Mülki Məcəllənin 213-cü maddəsinə əsasən əşyaya ümumi mülkiyyət, qanunvericilikdə həmin əşyaya birgə mülkiyyət yaranmasının nəzərdə tutulduğu hallar istisna olmaqla, paylı mülkiyyətdir. Birgə mülkiyyət iştirakçılarının razılaşması ilə, razılaşma əldə edilmədikdə isə məhkəmənin qərarına əsasən ümumi əşyaya bu şəxslərin paylı mülkiyyəti müəyyənləşdirilə bilər.

Paylı mülkiyyətdə olan əşyaya sahiblik və ondan istifadə onun bütün mülkiyyətçilərinin razılaşması əsasında, razılaşma əldə edilmədikdə isə məhkəmənin müəyyənləşdirdiyi qaydada həyata keçirilir (maddə 215.1).

Birgə mülkiyyətdə olan əşyaya dair sərəncamçılıq bütün mülkiyyətçilərin razılığı ilə həyata keçirilir və əmlaka dair sərəncam verilməsi haqqında əqdi mülkiyyətçilərdən hansının bağlamasından asılı olmayaraq bu razılıq ehtimal edilir (maddə 222.2).

Buna görə də razılıq olmalıdır.

Əmlakın bölünməsi isə məhkəmə qaydasında həll oluna bilər (əgər razılıq əldə olunmadısa).

Sualınıza görə təşəkkür edirik.

2010-06-07

 

57  Xanim (06-06-2010). Salam. Ozelleshdirilmish ev sahibiyem. Sehhetimle elaqedar evimi ovladlarim arasinda bolmek istiyirem(vesiyyetname). lakin ev hal hazirda bankda girovdadir. Bu halda bu mumkundurmu? onceden teshekkur edirem.

 

 

Salam.

Bəli mümkündür. Mülki Məcəllənin 1151.1-ci maddəsinə əsasən mirasa (miras əmlaka) miras qoyanın öldüyü məqamadək malik olduğu əmlak hüquqlarının (miras aktivi) və vəzifələrin (miras passivi) toplusu daxildir.

Eyni zamanda, həmin Məcəllənin 1152-ci maddəsinə əsasən miras qoyan vəsiyyətnamənin tərtib edildiyi vaxt onda olmayan əmlakı vəsiyyətnamədə o halda nəzərdə tuta bilər ki, mirasın açılacağı vaxtadək bu əmlak onun mülkiyyəti olsun.

Sualınıza görə təşəkkür edirik.

2010-06-06

 

59  Rufat (07-06-2010). Salam. Yasamal rayon mehkeme icracilari 1sayli iqtisad mehkemesinin Qerarini, cavabdeh olan huquqi sexsin unvanini deyisdiyi ucun Qerari icra ede bilmedikleri barede qerar cixarmislar. Sifahi muraciet etdikde ise Vergiler Nazirliyde hemin huquqi sexsi unvani arasdilmis lakin tapilmadigi bildirilmis ve bizim ozumuzun onlarin unvanini tapib onlara bildirmeyimizi soyleyibler. Bu qerarin icrasi ile bagli terefimizden hansi qanuni isler gorulmelidirki qerar icra olunsun.Evvelceden minnetdarligimi bildirirem.

 

Salam.

İlk növbədə Məhkəmə qərarlarının icrası haqqında Qanunun 27.5-ci maddəsinə əsasən borclu hüquqi şəxsin habelə borclu hüquqi və fiziki şəxslərin əmlakının axtarılması məhkəmə icraçıları tərəfindən həyata keçirilir.

Borclu hüquqi şəxsin banklarda və digər kredit təşkilatlarında hesabları və əmanətləri barədə məlumat olmadıqda, məhkəmə icraçısı belə məlumatları vergi orqanlarından tələb edir. Vergi orqanları tələb olunan məlumatları 3 gün müddətində məhkəmə icraçısına təqdim etməlidirlər (həmin Qanun maddə 45.4). Həmçinin mülkiyyət hüququ əsasında borclu hüquqi şəxsə məxsus olan əmlakın başqa yerdə və başqa şəxsdə olması tələbin həmin əmlaka yönəldilməsinə mane olmur (həmin Qanun maddə 57.2).

Borclu hüquqi şəxsin ünvanını və ya borclu fiziki şəxsin yaşayış yerini, borclunun əmlakının olduğu yeri müəyyən etmək və yaxud bank və ya digər kredit təşkilatlarında ona məxsus pul vəsaitlərinin və başqa qiymətli şeylərin olması barədə məlumat əldə etmək mümkün olmadıqda (borclunun və ya onun əmlakının bu qanunla nəzərdə tutu lan hallarda axtarışı istisna olmaqla) və ya ləğv olunan hüquqi şəxsin əmlakı tələbkarın tələblərinin təmin edilməsi üçün yetərli olmadıqda hallarda icra sənədini vermiş məhkəməyə və ya digər orqana qaytarılır (bu haqda müvafiq akt tərtib edilir).

Əgər məhkəmə icraçıları öz vəzifələrini icra etmir və ya icra etməkdən boyun qaçırır, yuxarıda göstərilən müddəaları əsas tutub Ədliyyə Nazirliyinin Məhkəmə icraçıları baş idarəsinə (surəti Ədliyyə nazirinə) və məhkəməyə müraciət edə bilərsiniz.

Şifahi müraciət isə effektiv deyil. Çalışın hər zaman yazılı surətdə müraciət edin, onda sizdə əsas olur. Çünki dövlət orqanları sizin müraciətinizə cavab verməyə borcludurlar (cavab verməsələr məsuliyyət daşıyırlar), həmin cavablar isə başqa instansiyalara müraciət edərkən sübut kimi işdə sizə kömək edə bilər.

Sualınıza görə təşəkkür edirik.

2010-06-07

60  Rufat (08-06-2010) Salam. Yeni tikili olmayan, seher merkezinde yerlesen xususi mulk olaraq, qeyri yasayis sahesi kimi 1998-ci il tarixli qeydiyyat sehadetnamesi olan, hal-hazirda icare muqavilesine esasen dukan kimi fealiyyet gosteren,umumi sahesi 18kv metr olan obyekte Bakielektrik sebekeden numayende gelerek isiq xetti ucun Texniki sertin alinmasini teleb edir ve bunun ucun 500 manat pul teleb edir. Dukan 1998-ci ilden fealiyyet gostermis ve bu gune kimi isiq pullarini odemisdir. Bu ne qeder qanuna uygundur?

 

Salam.

"Elektrik enerjisindən istifadə Qaydaları"nın təsdiq edilməsi haqqında Nazirlər Kabinetinin Qərarına əsasən dövlət elektroenergetika müəssisəsinin, enerjitəchizatı müəssisəsinin, müstəqil enerji istehsalçısının, istehlakçının yeni və ya yenidən quraşdırılmış elektrik qurğularının şəbəkəyə qoşulması, istifadə olunmasına icazə verilmiş gücün artırılması, enerjitəchizatı sxeminin dəyişdirilməsi elektrik qurğularının şəbəkəyə qoşulmasına dair verilən texniki şərtlərə və Azərbaycan Respublikasının Sənaye və Energetika Nazirliyinin "Dövlət Enerjinəzarət" İdarəsinin istismara buraxılış aktına əsasən həyata keçirilir (Qaydaların 1.6-cı bəndi).

Texniki şərtlərin yerinə yetirilməsi sifarişçi və layihə təşkilatları üçün məcburidir (Qaydaların 2.3-cü bəndi).

Texniki şərtlərin qüvvədəqalma müddəti sənaye tikintisi üçün sahə ayrıldıqda və ya yaşayış obyektləri tikintisini, habelə əlavə sahə tutmadan müəssisə və qurğuların yenidən qurulmasını layihələndirmək haqqında tapşırıq hazırlandıqda müəyyən edilir və bu müddət texniki şərtlərdə göstərilir. Göstərilən müddət mövcud normalara əsasən müəssisisə, bina, qurğu, onun növbələri və ya ayrı-ayrı istehsalat tikintilərinin layihələndirilməsi və tikilib başa çatdırılması üçün müəyyən olunmuş müddətdən az olmamalıdır. Bir qayda olaraq, texniki şərtlərin qüvvədəqalma müddəti iki il müəyyən edilir. Texniki şərtlərin qüvvədəqalma müddəti keçdikdə, sifarişçi və ya layihə təşkilatı həmin şərtləri verən təşkilatla onun müddətinin uzadılması məsələsini həll etməlidir.

Göstərilən qiymət (500 manat) isə dövlət tərəfindən tənzimlənmir (yalnız bazar qiymətlərinə uyğun olaraq) və öz tərəfimizdən hesab edirik ki, bu qiymət həddən artıq şişirdilmişdir. Lakın sizə bu qiyməti təklif edən "Bakıelektrikşəbəkə" nümayəndəsindən tələb edə bilərsiniz ki, bu qiyməti tənzimləyən daxili əmrin surətini təqdim etsin (bu cür təşkilatlar qiymətləri və tarifləri daxili əmrlərlə tənzimləyirlər) onlar sizə bu cür məlumatı verməyə borcludur. Bu tələbi yerinə yetirməsələr məhkəmə qaydasında tələb edə bilərsiniz. İnhisarçılıq və ya buna oxşar digər hüquqpozuntularını müəyyən etsəniz İntiinhisar Siyasəti və İstehlakçıların Hüquqlarının Müdafiəsi Dövlət Xidmətinə müraciət edə bilərsiniz.

Sualınıza görə təşəkkür edirik.

2010-06-08

61  Aynur (08-06-2010). Salam sayta görə təşəkkürlər çox köməyi dəyir. Mənim sualım belədir:- Qeydiyyata düşməyə yeri (mənzil və ya gohum evi) olmayan vətəndaş Şəxsiyyət vəsiqəsini alma və ya dəyişməsi üçün nə etməli, hansı prosedurlardan keçməlidir? Harada qeydiyyata düşə bilər? Hal hazırda yasamalda kirayə qalır. Əvvəllər Sumqayit qeydiyyatında olub, lakin oradakı mənzilləri (ata evi) satıldıqdan üç ay sonra həmin qeydiyyatdan məhkəmə yolu ilə çıxarılıblar.

 

 

Salam.

Yaşayış yeri və olduğu yer üzrə qeydiyyat haqqında Qanunun 2-ci maddəsinə əsasən şəxsin yaşayış yeri — tam həcmdə fəaliyyət qabiliyyətli şəxsin mülkiyyətçi kimi icarə və kirayə müqaviləsi üzrə, yaxud Azərbaycan Respublikasının qanunvericiliyi ilə nəzərdə tutulmuş digər əsaslarla daimi və ya daha çox yaşadığı ev, mənzil, xidməti yaşayış sahəsi, yataqxana, qoca və əlil evləri, sağlamlıq imkanları məhdud uşaqlar üçün internat evləri, xüsusi təhsil müəssisələri və digər bu kimi yaşayış yerləri başa düşülür.

Həmin Qanunun 5-ci maddəsinə əsasən yaşayış yeri üzrə qeydiyyata alınmaq üçün vətəndaş ərizə-anketlə birlikdə aşağıdakı sənədləri təqdim etməlidir:

1) şəxsiyyət vəsiqəsi və ya doğum haqqında şəhadətnamə;

2) yaşayış sahəsinə köçmək üçün əsas verən sənəd (mülkiyyət hüququnun dövlət qeydiyyatına alınması haqqında daşınmaz əmlakın dövlət reyestrindən çıxarış, order, icarə və ya kirayə müqaviləsi, yaxud Azərbaycan Respublikası qanunvericiliyində nəzərdə tutulmuş başqa sənəd) və ya vətəndaşa yaşayış sahəsi verən şəxsin ərizəsi.

Yasamal royonunda yaşayırsa, həmin royonun pasport-qeydiyyat orqanlarına müraciət etməli və adı çəkilən sənədləri təqdim etməlidir.

Həmçinin məsləhətxananın 47-ci sualına da baxa bilərsiniz.

Sualınıza görə təşəkkür edirik.

2010-06-08

 

62  İlkan (08-06-2010) Vərəsəlik yolu ilə qəbul edilmiş əmlakin DƏDRX qiymətləri nə qədərdir.

 

 

Salam.

Dövlət rüsumu haqqında Qanunun 26.2-ci maddəsinə əsasən vərəsəlik nəticəsində əldə edilmiş hüquqların, bölünmə nəticəsində əvvəlki hüquq sahibində qalan hissə üzərindəki hüquqların, yüklülüyün (girov, ipoteka, icarə, istifadə, lizinq, servitut və s.), icarə və istifadə hüquqlarının yüklülüyünün və özgəninkiləşdirilməsinin dövlət qeydiyyatının aparılması üçün rüsum - 20 manat təşkil edir.

Bundan başqa vərəsəlik ilə bağlı olan maddələrlə tanış olmaq məqsədəuyğundur: 8.4.11, 10.7, 10.12.

Sualınıza görə təşəkkür edirik.

2010-06-08

 

 

 

63  Rufat (09-06-2010). Salam. Azerbaycan Respublikasinin Inzibati Xetalar Mecellesinde nezerde tutulan inzibati tenbeh novlerini ardicilliginin tetbiq olunmasi ne qeder zeruridir? Meselen: inzibati xeberdarliq etmeden inzibati cerimenin yuksek heddi tetbiq oluna bilermi?

 

Salam.

İnzibati Xətalar Məcəlləsinin 21-ci maddəsinə əsasən törədilmiş inzibati xəta az əhəmiyyətli olduqda inzibati tənbeh tətbiq etmə hüququ olan hakim, səlahiyyətli orqan (vəzifəli şəxs) inzibati xəta törətmiş şəxslər barəsində tətbiq edilməsi nəzərdə tutulan inzibati tənbehi daha yüngül inzibati tənbeh növü ilə əvəz edə və ya həmin şəxsi inzibati məsuliyyətdən azad edə bilər.

Gördüyünüz kimi, inzibati tənbehin tətbiqi inzibati xətanın əhəmiyyətindən (ağır və ya yüngül) asılıdır və hansı bir ardıcılığından asılı deyil.

İnzibati xətaya görə məsuliyyəti yüngülləşdirən hallar bunlardır (bu Məcəllənin 33-cü maddəsi):

• inzibati xəta törətmiş şəxsin səmimi peşmançılığı;
• törədilmiş inzibati xətanın zərərli nəticələrinin inzibati xəta törətmiş şəxs tərəfindən aradan qaldırılması və ya vurulmuş zərərin əvəzinin könüllü surətdə ödənilməsi;
• inzibati xətanın yetkinlik yaşına çatmayanlar tərəfindən törədilməsi;
• inzibati xətanın hamilə qadın və ya himayəsində azyaşlı uşağı olan qadın tərəfindən törədilməsi.

Azərbaycan Respublikasının qanunvericiliyi ilə inzibati xətaya görə məsuliyyəti yüngülləşdirən başqa hallar da nəzərdə tutula bilər. İnzibati xətalar haqqında işlərə baxan hakim, səlahiyyətli orqan (vəzifəli şəxs) qanunvericiliklə nəzərdə tutulmayan halları da məsuliyyəti yüngülləşdirən hallar hesab edə bilər.

Sualınıza görə təşəkkür edirik.

2010-06-10

64  Dinara (08-06-2010). Hal-hazirda xaricde yashayiram.etibarname esasinda VVAQ shobesinden nigahda olmamaq haqqinda arayish ve polis idaresinden mehkumlugun olmamasi haqqinda arayish almaq ucun hansi senedler teleb edilir? ve bu arayishlardan hec olmasa birini qeydiyyatda olmadigim rayon erazisinden almaq mumkundurmu?onceden teshekkurumu bildirirem.

 

Salam.

İlk öncə bildirməliyik ki, siz həmin arayışları konsulluq şöbəsindən də ala bilərsiniz.

Belə ki, Azərbaycan Respublikasının Nazirlər Kabinetinin qərarı ilə təqdiq edilmiş "Vətəndaşlıq vəziyyəti aktlarının dövlət qeydiyyatı Qaydası"nın 3.1 - 3.4-cü bəndlərinə əsasən ailə vəziyyəti haqqında arayış konsulluq idarəsi tərəfindən verilir. Qeyd olunan arayış verildiyi gündən 6 ay müddətində etibarlıdır. Həmin Qaydalarının 1.8 və 1.14-cü bəndlərinə əsasən bu cür hərəkətlər notariat qaydasında təsdiq olunmuş etibarnamə əsasında da aparıla bilər.

Şəxslərə məhkumluğun olması (olmaması) barədə arayışların verilməsinə dair Təlimatın 12-ci bəndinə əsasən ölkə ərazisində yaşamayan Azərbaycan Respublikasının vətəndaşları və əvvəllər yaşamış vətəndaşlığı olmayan şəxslər məhkumluğun olması (olmaması) barədə arayışı almaq üçün Azərbaycan Respublikasının diplomatik nümayəndəliklərinə müraciət edirlər. Bu cür müraciətlər baxılması üçün Azərbaycan Respublikasının Xarici İşlər Nazirliyinin Konsulluq İdarəsi vasitəsilə DİN-in Baş Əməliyyat və Statistik İnformasiya İdarəsinə göndərilir və müvafiq yoxlamadan sonra bu sorğuya cavab verilir.

Həmin Təlimatın 4-cü bəndinə əsasən şəxsin şəxsi iştirakı mümkün olmadıqda, onun ərizəsini Azərbaycan Respublikasının qanunvericiliyi ilə müəyyən olunmuş qaydada verilmiş etibarnamə ilə müvəkkil etdiyi şəxs təqdim edə bilər.

Ərizələrə şəxsin şəxsiyyətini təsdiq edən sənədin surəti əlavə olunmalıdır.

 

Konsulluğa müraciət etmək üçün Ərizənin formaları:

• Ailə vəziyyəti haqqında arayış almaq üçün Ərizə
• Məhkumluğun olması (olmaması) barədə arayışın verilməsi haqqında Ərizə

Sualınıza görə təşəkkür edirik.

2010-06-09

 

65  İlkan (09-06-2010). Butun senedler tam hazir olduqdan sonra senedleri goturmek ucun 163 manat xidmet haqqi istenilir ve bunun Tarif şurasinin 4 sayli qerari ilə esaslandirirlar. Tarif şurasinin 4 sayli qerarinda heqiqetende bu berada yazilib?

 

 

Salam.

Hansı xidmətlərin göstərilməsinə görə bu haqqın ödənilməsi tələbi barədə məlumatımız olmadığı üçün bu barədə dəqiq məlumatı özünüz aşağlda göstərilən Tarif Şurasının müxtəlif illər ərzində qəbul olunmuş bütün 4 saylı Qərarlarında tapa bilərsiniz (zənn edirik ki, daşınmaz əmlakla bağlıdır):

1. Azərbaycan Respublikası Əmlak Məsələləri Dövlət Komitəsi yanında Daşınmaz Əmlakın Dövlət Reyestri Xidmətinin ərazi idarələri tərəfindən göstərilən xidmətlərin tariflərinin tənzimlənməsi barədə (2009-cu il 31 iyul tarixli 4 saylı)
2. Azərbaycan Respublikası Rabitə və İnformasiya Texnologiyaları Nazirliyinin IV bölmə «Şəhər və kənd telefon rabitəsi xidmətləri üçün tarifləri»nə dəyişikliklər edilməsi barədə Qərar (30 aprel 2008-ci il tarixli 04 saylı)
3. «Azərsu» Səhmdar Cəmiyyətinin sudan istifadə və tullantı sularının axıdılması xidmətləri üzrə istehlakçı qruplarının tariflərinin və təsnifatının təsdiq edilməsi barədə Qərar (6 yanvar 2007-ci il tarixli 04 saylı)
4. Azərbaycan Respublikası Xüsusi Dövlət Mühafizə Xidmətinin AzStateNet Dövlət İnternet və xüsusi rabitə xidmətlərinin tarifləri barədə (12 aprel 2006-cı il 04 saylı)

Bu qədər.

2010-06-10

 

66  Ramin (10-06-2010). Zerdab rayonunda mene mexsus magazanin duz qarshisinda magaza tikilib.menim magazamin hem yolu kesilib hem de fealiyyet ucun yararsiz hala dushub.qarshidaki magazanin belediyye qerari yoxdur.men kime ve nece muraciet etmeliyem.

 

Salam.

Artıq bu suala məsləhətxananın 31-ci sualında cavab verilmişdir. Əgər qeyd etdiyiniz orqan hansı bir qərar qəbul etməkdən çəkinir siz Zərdab rayon məhkəməsinə müraciət edə bilərsiniz (əgər bələdiyyənin imtina barədə cavabı olsa məhkəməyə müraciətiniz daha effektiv olacaq).

2010-06-10

67  Suleyman (10-06-2010) Bələdiyyə tərəfindən 6 sot həyətyanı torpağa görə kadastır planı üçün dövlət rüsumu nə qədərdir?Əvvəlcədən təşəkkür edirəm!

 

Salam.

Bu cür sual məsləhətxananın 18-ci (Azər 04-05-2010) sualında cavablandırılmışdır. Qeyd etmək istəyərdik ki, torpağın qiymətinə bir-çox amillər təsir edir, o cümlədən torpağın hansı rayonda yerləşməsindən, keyfiyyətindən və s.

Sualınıza görə təşəkkür edirik.

2010-06-11

 

68  Elmira (10-06-2010). Əməyi qiymətləndirilən işçinin səhhətinin, psixoloji və ya mənəvi durumunun pis olduğu hallarda qiymətləndirmə aparılmasına yol verilir?Çox xahiş edirəm dolğun cavab verin.

 

Salam.

 

Əgər qiymətləndirmə dedikdə attestasiyanı başa düşürsünüzsə Əmək Məcəllənin 66-cı maddəsini əsas tutmaq lazımdır

Belə ki, attestasiya olunmayan işçilər aşağıdakılardır:

• vətənin müdafiəsi, azadlığı və ərazi bütövlüyü uğrunda hərbi əməliyyatlarda xəsarət (yaralanma, travma, kontuziya) almış və əlil olmuşişçilər;
• Azərbaycanın müstəqilliyinin və ərazi bütövlüyünün müdafiəsi zamanı göstərdiyi şücaətlərə görə dövlət təltiflərinə və fəxri adlarına layiq görülmüş işçilər;
• bir vəzifədə (peşədə) beş ildən az müddətdə çalışan məcburi köçkün və qaçqın statusu olan işçilər;
• hamilə qadınlar;
• uşağının üç yaşınadək sosial məzuniyyətdə olan və həmin məzuniyyət bitdikdən sonra bir ildən az müddətdə müvafiq vəzifədə(peşədə) çalışan qadınlar (uşağını təkbaşına böyüdən kişilər);
• yaşı 18-dən az olan işçilər;
• bir vəzifədə (peşədə) faktik olaraq bir ildən az müddətdə çalışan işçilər;
• eyni vəzifədə (peşədə) azı üç dəfə attestasiya olunaraq tutduğu vəzifəyə uyğun olduğu müəyyən edilmiş işçilər;
• kollektiv müqavilələrdə (sazişlərdə) nəzərdə tutulan hallarda attestasiya olunmayan işçilər;
• Azərbaycan Respublikasında praktik tibb və ya əczaçılıq fəaliyyəti ilə məşğul olan işçilər.

Əgər işçinin səhhətində problemlər mövcud olmuşdursa müvafiq qaydada icazə alınması və müalicənin aparılması məqsədəuyğun olardı (tibbi arayış bunu təsdiq etməlidir).

Sualınıza görə təşəkkür edirik.

2010-06-11

 

69  Gulbaniz (11-06-2010 ) Manzili satdiqdan sonra mahkama vasitasi ila manzildan qeydiyyatdan cixarilmişıq qeydiyyata düşmə yerimiz yoxdur.Biz hara qeydiyyata düşə bilərik.Haradan şəxsiyyət vəsiqəsi ala bilərik?

 

Salam.

Oxşar suala məsləhətxananın 61-ci suala cavab verilmişdir.

2010-06-11

70  Xedice (11-06-2010). Salam! atam 5 il evvel vefat edib. qalan vereseleri anam ve menem. bacim-qardasim yoxdur. kecen il emim oglu anamin raziligini alib mehkeme vasitesile atamdan qalan mulki anamin adina senedlesdiribler. sonra anam da notariat qaydasinda emim ogluna vesiyyetname verib ve bu il vefat edib. indi mene yalniz mecburi pay kimi mulkun yalniz 14 hissesinin duse bileceyini bildirirler. bunun ne derecede duzgun oldugunu izah etmenizi xahis edirem. menim ne mehkemeden ne de vesiyyetden xeberim olmayib. men ne etmeliyem?

 

 

Salam.

İlk öncə valideynlərinizin rəhməti ilə əlaqədar sizə baş sağlığı veririk. Allah valideynlərinizə rəhmət etsin. Bu məsələ ilə daha ətraflı tanış olmaq istəyirsinizsə məsləhətxananın 12-ci və 49-cu suallarına baxa bilərsiniz. İş ondadır ki, Mülki Məcəllənin 1166-cı maddəsinə əsasən fiziki şəxs ölməsi halı üçün öz əmlakını və ya onun bir hissəsini həm vərəsələr sırasından, həm də kənar adamlar sırasından bir və ya bir neçə şəxsə qoya bilər.

Və həmin Məcəllənin 1193-cü maddəsinə əsasən vəsiyyət edənin uşaqlarının, valideynlərinin və arvadının (ərinin) vəsiyyətnamənin məzmunundan asılı olmayaraq mirasda məcburi payı vardır. Bu pay qanun üzrə vərəsəlik zamanı onlara çatası payın yarısını (məcburi pay) təşkil etməlidir.

Təqdim olunan məlumata aşağıdakıları söyləyə bilərik. Əgər siz ailədə yeganə övlad olmuşdunuzsa onda sizə bütün miras keçməli idi (birinci növbəli vərəsələr olmadığı təqdirdə), amma vəsiyyətnamə olduğu üçün (əgər vəsiyyətnamə bir adamın adınadırsa) sizə bu mirasdan yarısı düşməlidir, yəni məcburi payınız mirasın 50% faizi təşkil edə bilər.

Sualınıza gör təşəkkür edirik.

2010-06-11

 

71  Habil (11-06-2010). Salam. Bilmək istərdim ki, huquqi xidmətlə məşğul olan MMC-də direktor vəzifəsini həyata keçirmək hüquqi staj hesab olunurmu?Əvvəlcədən təşəkkürümü bildirirəm?

 

Salam.

Bununla əlaqədar qüvvədə olan qanunvericilikdə hansı bir məhdudiyyət nəzərdə tutulmayıb. Həmçinin direktor inzibati (menecer) funksiyalarını yerinə yetirir və hüquqi təhsili olmaya da bilər.

Sualınıza görə təşəkkür edirik.

2010-06-11

74  Habil (13-06-2010). Salam.Sualımızı belə tezliklə cavablandırdığınız üçün sizə təşəkkür edirik.Ciddi və işinizə sadiq bir müəssə olduğunuz hiss olunur. Sizin kimi müəssələrin olması bizi sevindirir.Allah artırsın. Lakin görünür biz sualımızı düzgün ifadə edə bilməmişik.Əslində mən hüquqşünasam əgər belə demək olarsa .Huquq sahaləri içərisində vəkillik daha çox qəlbimə yatır.Bunun üçün 3 illik hüquqi staj tələb olunur. Bilmək istərdim ki, hüquqi xidmət ilə məşğul olan MMC təsis edib direktor vəzifəsini icra etmək hiuqi iş stajı hesab olunurmu? Əvvəlcədən təşəkkür edirəm.

 

Salam.

Bildiyiniz kimi, Vəkillər və vəkillik fəaliyyəti haqqında Qanunun 8-ci maddəsinə əsasən ali hüquq təhsilli, hüquqşünas ixtisası üzrə üç ildən az olmayaraq iş stajı olan və ya elmi və pedaqoji təhsil müəssisələrində hüquq sahəsində üç ildən az olmayan müddətdə fəaliyyət göstərən, İxtisas Komissiyasında peşə yararlılığının müəyyən edilməsi məqsədi ilə yazılı testdən və şifahi müsahibədən ibarət olan ixtisas imtahanını müvəffəqiyyətlə vermiş və müvafiq icra hakimiyyəti orqanının tədris-elm müəssisəsində icbari təlimi müvəffəqiyyətlə bitirmiş şəxs bu maddənin II hissəsində göstərilən hallara zidd olmamaq şərti ilə vəkil ola bilər.

Nazirlər Kabinetinin 996-cı il 26 dekabr tarixli, 186 nömrəli qərarı ilə təsdiq edilmiş "İşçilərin əmək kitabçasının forması və onun tərtibi Qaydaları"nın 1.1-ci bəndinə əsasən əmək kitabçası işçinin əmək fəaliyyətini və əmək stajını təsdiq edən əsas sənəddir.

Bunları nəzərə alaraq əgər əmək kitabçanızda göstərilsə ki, siz ixtisas (hüquq) üzrə 3 il stajınız var bu kifayət edir. Çünki ixtisas üzrə iş stajının müəyyən edilməsinin hansı bir ayrı qaydası qanunvericilikdə nəzərdə tutulmayıb. Lakın nəzərə almalısınız ki, əmək kitabçanızda qeydlər düzgün aparılmalıdır və hüquq sahəsində çalışmağınız qeyd edilməlidir (baş hüquqşünas, hüquq məsləhətçisi, hüquqşünas, hüquqçu).

Anlayışlar:

İş stajı

İxtisas üzrə iş stajı

Sualınıza görə təşəkkür edirik.

2010-06-13

75  Aynur (13-06-2010) salam.men 2006ci ilde erimie onun oz erizesi esasinda bosanmisiq.Bir oglum var.mehkemede usaga gore aliment kesilmedi.Men 2008 ilde erize ile muraciet etdim, lakin sonra erimin meni qorxutduguna gore alimentden imtina etdim. Hal hazirda yeniden aliment ucun mehkemeye muraciet etmek isteyirem.lakin onun yasayis yerinden arayis ala bilmirem. Vekile muraciet etdim dedi mutleq muqavile baglamaq lazimdir. Muqavilenin dovlet rusumu 50 man-dir,menim buna imkanim yoxdur,erize ile mehkemeye muraciet edib xahis etdim ki cavabdehin yasayis yerinden arayisi onlar alsinlar.cavab gelmedi.Sizce men mutleq muqavile baglamaliyam? birde oglumun 6 yashi var, 2006-den bu vaxta kimi ozum baxiram. Mehkeme eger verse alimenti hansi muddetden mene vere biler? Chox tesekkurler..

 

Salam.

Siz sualları bir-birinə qarışdınız.

Birincisi ərinizdən (keçmiş ərinizdən) niyə görə qorxursunuz? Əgər əsaslar varsa müvafiq hüquqmühafizə orqanlarına müraciət etməlisiniz. Həmçinin Hüquqşünas Qadınlar Assosiyasiyasına da müraciət edə bilərsiniz.

İkincisi Mülki Prosessual Məcəlləsinin 36.3-cü maddəsinə əsasən alimentin alınması və atalığın müəyyən edilməsi haqqında iddialar iddiaçı tərəfindən özünün yaşadığı yerə görə də verilə bilər.

Üçüncüsü vəkil ilə bağlanılan müqavilənin dövlət rüsumu ola bilməz, həmin müqavilənin qiyməti tərəflərin razılığı ilə müəyyən edilir.

Dördüncüsü həmin Məcəllənin 148.1-ci maddəsinə əsasən aliment alınması tələblər üzrə cavabdehin olduğu yer məlum olmadıqda, məhkəmə polis orqanları vasitəsilə cavabdehin axtarışını elan etməyə borcludur. Bu cür işlərə məhkəmə tərəfindən 1 (bir) ay müddətində baxılır və həll edilir (MPM-nin 172.2-ci maddəsi).

Beşincisi, Dövlət rüsumu haqqında Qanunun 9.1.1-ci bəndinə əsasən aliment alınması barədə iddialar üzrə iddiaçılar (yəni siz) məhkəməyə verilən iddia ərizələrinin verilməsinə görə dövlət rüsumunun ödənilməsindən azaddırlar.
 

Altıncısı, Ailə Məcəlləsinin 100-cü maddəsinə əsasən aliment məhkəməyə müraciət edildiyi vaxtdan tutulur. Lakın, məhkəmə iddiaçının aliment almaq üçün məhkəməyə müraciət edənədək tədbirlər gördüyünü, lakin aliment ödəməli olan şəxsin onu verməkdən boyun qaçırması nəticəsində alimentin alınmadığını müəyyən edərsə, əvvəlki dövr üçün aliment 3 illik müddət həddində verilə bilər.

Və yeddincisi, alimentin alınması üçün məhkəməyə özünüz müraciət edə bilərsiniz (vəkilə müraciət etmədən). Sadəcə aşağıda göstərilən ərizə formasını doldurub yaşadığınız yer üzrə rayon məhkəməsinə müraciət etməlisiniz.

Uşaqların saxlanması üçün alimentin tutulması barədə İddia Ərizəsi.

Sualınıza görə təşəkkür edirik.

2010-06-13

 

78  Aynur (13-06-2010). Aliment barede sualimi cavablandirdiginiza gore cox sagolun .Allah razi olsun.Yalniz basa dusmadim cavbdehin emek haqqi ve ondan her hansi bir icra senedine esasen tutulmanin olub olmamasi barede is yerinden arayis dedikde ne basa dusulur? Men 2008-ci ilde onun is yerinden orta emek haqqinda arayis almisam.onu istifade etmek olarmi? Duzu men onun is yerine gedib arayis almaga bele utaniram.baxmayaraq ki qebahet isim yoxdur. Bu isi mehkemeye hevale etmek olarmi?

 

 

Birdə salam.

Bəli bu iş elə məhkəmə vasitəsilə həll olunmalıdır və utanmalı burda heç bir şey yoxdur. 2008-ci ildən ərinizin (keçmiş ərinizin) maaşı dəyişilə də bilərdi, ona görə də məhkəmə qaydasında həll olunması məsləhətdir.

Bu qədər.

2010-06-13

 

79  Rasim (13-06-2010) SALAM. Cox xahiş edirəm mənim sualıma cavab verəsiniz.Mən yeni tikilidə (hündürmərtəbəli ev) ev almaq istəyirəm. Evi satan firma mənə evin "kupça"-sını verməlidirmi?Evin "kupça"-sını necə almalıyam, hara müraciət etməliyəm, hansı sənədlər lazımdır və ən əsası nə qədər dövlət rüsumları ödəməliyəm.

 

Salam.

 

"Kupça" dediyiniz anlayış Azərbaycan qanunvericiliyində istifadə olunmur. Nəzərdə tutduğunuz sənədin adı daşınmaz əmlak üzərində mülkiyyət hüquqlarının dövlət qeydiyyatına alınması barədə çıxarışdır (və ya sadəcə ÇIXARIŞ).

Düzgün qeyd edirsiniz ki, yeni tikilmiş hündürmərtəbəli binalarda mənzil üçün Çıxarışı özünüz almalısınız.

Çoxmərtəbəli kooperativ binaların qeyri-yaşayış sahələrinin dövlət qeydiyyatına alınması üçün aşağıdakı sənədləri təqdim etməlisiniz:

• ərizə;
• şəxsiyyət vəsiqəsinin surəti;
• texniki pasportun surəti;
• kooperativ ilə alıcı arasında bağlanmış və notariat qaydasında təsdiq edilmiş müqavilə;
• qeyri-yaşayış sahəsinin təsdiq edilmiş planı;
• maliyyə arayışı;
• qeyri-yaşayış sahəsinin verilməsi barədə Mənzil Kooperativ Təsərrüfatı İdarəsinin qərarı;
• kooperativ üzvlərinin ümumi yığıncağının protokolunun surəti;
• binanın mərtəbələr üzrə planının yerli icra hakimiyyəti orqanı ilə razılaşdırılmış eskiz layihəsinin surəti;
• binanın istismara qəbul edilməsi barədə Dövlət qəbul aktının surəti;
• dövlət rusumunun ödənilməsi barədə qəbzin surəti.

Həmçinin məsləhəxananın 1, 5, 6, 62 suallarının cavablarına baxa bilərsiniz (rüsumlar barədə də bu cavabları oxumaqla məlumat ala biləcəksəniz).

Sualınıza görə təşəkkür edirik.

2010-06-13

 

80  Elnare (13-06-2010). Salam, Men yoldasimla 1996-ci ilde aile qurmusam.Yoldasim menden evvel evi almaq ucun ev sahibesi olan rus qadinla nigaha girib.Oz aralarinda alqi satqi edibler va qadin rusiyaya gederek aile qurub. Biz evlenmemisden evvel yoldasim qadina bosanmaq haqqinda erize gonderdi ve bosandilar.Buna baxmayaraq ev hele de qadinin adina idi.2 usagimiz var.Hec birimiz bu meselenin derinleseceyine inanmirdiq.2 il bundan evvel yoldasim rehmete getdi.Men de menzili oz adima almagi qerara aldim.icraci orqanlarin komeyile ev adima icaredar olaraq kecdi lakin evi ozellesdirmek mumkun olmadi.Mene nigahin pozulmasi haqqinda kagizi getirmeyi dediler,yoldasim ise bu senedleri atmisdi yalniz kohne pasportunda nigaha girme ve azad olma nomreleri var. Men baki seher mehkemesine arxive getdim senedleri goturmekcun.Arxivden mene senedi vermediler.deyirler ki 2 terefden biri bu senedi ala biler senin huququn yoxdur.deyirem olub, qadin rusiyada, nigah kagizimizi gosterirem ehemiyyet vermirler.mene ne meslehet gorursuz? cox sagolun evvelden.

 

Salam.

Qeyd etdiyiniz sualda çoxlu sayda qeyri-müəyyənliklər var. Və bütün lazımi prosedurları keçmək üçün sənədlərin toplanması gərəkdir. Əgər keçmiş arvadı ilə boşanmışdırsa bunu təsdiqləyən hansı bir sənəd olmalıdır. Əgər onlar öz aralarında alqı-satqı ediblərsə bunu da təsdiqləyən müqavilə olmalıdır. Əgər icarədarsınızsa bu statusu təsdiqləyən sənəd olmalıdır. Köhnə pasportun surətini arxivdən almaq üçün və həmçinin qeyd etdiyiniz daşınmaz əmlakı öz adınıza keçirmək üçün məhkəməyə müraciət etməlisiniz. Yuxarıda adı çəkilən sənədlər olduğu təqdirdə məhkəməyə müraciət edib, həmin məhkəmə vasitəsilə digər çatışmayan sənədləri də ala bilərsiniz (bununla bağlı müvafiq vəsatətlar qaldırmaq lazımdır). Dövlət orqanlarına bütün sorğularınız yazılı olmalıdır, əks təqdirdə sübut bazanız toplanılmayacaq.

Sualınıza görə təşəkkür edirik.

2010-06-13

81  Aynur (13-06-2010) Chox xahis edirem bir sualimi da cavablandirasiniz.ikinci qrup gozden elil tam statla muellime isleye biler, eger goz hekimi icaze verirse?

 

 

Salam.

Bəli işləyə bilər. Hətta birinci dərəcə əlillik almış əlil şəxs xüsusi əmək şəraiti yaradılmış istehsalat, yaxud evdə müxtəlif növ işlərdə işləyə bilər (Nazirlər Kabinetinin 1997-ci il 29 avqust tarixli 99 nömrəli qərarı ilə təsdiq edilmiş "Əlilliyin müəyyən olunması meyarlarına dair Əsasnamə").

Bundan başqa Nazirlər Kabinetinin 1994-cü il 10 may tarixli 185 nömrəli qərarı ilə təsdiq edilmiş "Azərbaycan Respublikasında əlillərin və ya sağlamlıq imkanları məhdud uşaqların problemləri üzrə kompleks Proqramın"ın 5.1. və 5.2 bəndlərinə əsasən müəssisələrdə əlil işçilərin kvota müəyyən olunmalıdır (20%) və müəssisələrdə işçilərin və ya ştatın ixtisarı vaxtı bütün kateqoriyalardan olan əlillərə öz peşələri üzrə işdə qalmaq hüququ, müəssisə fəaliyyətini dayandırdıqda və ya ləğv etdikdə əlillərin işə düzəlməsinə üstünlük verilir.

Sualınıza görə təşəkkür edirik.

2010-06-14

 

 

82  Vusal (17-06-2010) Salam. Uşaqlarin (iki oğlan 10 və 11 yaş) valideyinləri boşanıblar. ataları 10 ilə yaxındır ki bilinmir hardadır və uşaqları ilə maraqlanmayıb. Uşaqlar körpəlikdən (1 yaş və 4 ay) anaları rəhmətə qetdikdən sonra baba və nənələri ilə yaşayırlar. Uşaqların müavinət alması üçün hansı şərtlər yerinə yetirilməlidir. Və bunun üçün hara müraciyət etsinlər

 

 

Salam.

Sosial müavinətlərin artırılması haqqında Azərbaycan Respublikası Prezidentinin Fərmanının 1.7-ci bəndinə əsasən valideynlərini itirmiş və valideyn himayəsindən məhrum olmuş uşaqların qəyyumlarına (himayəçilərinə) müavinət – 25 manat məbləğində müəyyən olunub. Bununla bağlı icra hakimiyyət və sosial müdafiə fondunun yerli idarələrinə ərizə ilə müraciət etməlisiniz.

Həmçinin məhkəməyə iddia ərizəsi ilə müraciət edib uşaqların atasını tapıb ondan aliment tutmaq məsələsini qaldıra bilərsiniz (məhkəmə uşaqların atasını tapmaq üçün müvafiq tədbirləri görməli olacaq).

Sualınıza görə təşəkkür edirik.

2010-06-17

 

83  Aynur (19-06-2010) Salam aleykum. Zəhmət olmasa qeydiyyata düşməyə yeri(yaşayış yeri "bomj") olmayan vətəndaş icra hakimiyyətinin və ya rayon polis bölməsinin binasına qeydiyyata düşə bilər mi? Bu proses necə həyata keçirilir (ərizə forması yoxsa məhkəməyə muraciyət)?

 

Salam.

 

Bu məsələ ilə bağlı Konstitusiya Məhkəməsinin «Yaşayış yeri və olduğu yer üzrə qeydiyyat haqqında» Azərbaycan Respublikası Qanununun 5-ci maddəsinin və «Azərbaycan Respublikası vətəndaşının şəxsiyyət vəsiqəsi nümunəsinin təsdiq edilməsi haqqında» Azərbaycan Respublikasının Qanunu ilə təsdiq edilmiş «Şəxsiyyət vəsiqəsinin təsviri»nin müddəalarının şərh olunması barədə Qərarı var.

Həmin qərara əsasən yaşayış yeri olmayan vətəndaşlara Azərbaycan Respublikası vətəndaşının şəxsiyyət vəsiqəsinin verilməməsi Konstitusiyanın 71-ci maddəsinin I və II hissələrinin müddəalarının pozulması kimi qəbul oluna bilər. Bu müddəalara əsasən Konstitusiyada təsbit edilmiş insan və vətəndaş hüquqlarını və azadlıqlarını gözləmək və qorumaq qanunvericilik, icra və məhkəmə hakimiyyəti orqanlarının borcudur. İnsan və vətəndaş hüquqlarının və azadlıqlarının həyata keçirilməsini heç kəs məhdudlaşdıra bilməz.

Bununla belə, Konstitusiya Məhkəməsi hesab edir ki, Azərbaycan Respublikasında yaşayan bütün şəxslərin uçota alınması, onların başqa şəxslər, dövlət və cəmiyyət qarşısında vəzifələrinin icra edilməsi barədə qanunun tələbi mütləq yerinə yetirilməlidir. Yaşayış yeri olmayan vətəndaşların qeydiyyatını isə Azərbaycan Respublikasının icra hakimiyyəti orqanları təşkil etməlidirlər.

Və hətta tövsiyə vermişdir - Azərbaycan Respublikasının Nazirlər Kabinetinə tövsiyə olunsun ki, yaşayış yeri olmayan vətəndaşların xüsusi yerlər üzrə qeydiyyatdan keçirilməsini və onlara Azərbaycan Respublikası vətəndaşının şəxsiyyət vəsiqəsinin verilməsini təxirə salınmadan təşkil etsin.

Digər ölkələrin təcrübəsini nəzərə alaraq bu orqanlar belə vətəndaşları xüsusi yerlər üzrə qeydiyyatdan keçirməklə onlara Azərbaycan Respublikası vətəndaşının şəxsiyyət vəsiqəsinin verilməsini təmin edə bilərlər. Belə ki, eyni problemlə rastlaşan Ukrayna və Belarusda bu məsələnin həlli üçün müəyyən yaşayış yeri olmayan şəxslərin regional qeydiyyat mərkəzləri yaradılmışdır.

Hal-hazırda bu cür mərkəzlər mövcud deyil və dövlət tərəfindən daimi yaşayış yeri olmayan şəxslərin qeydiyyatı yalnız müəyyən normativ aktlarda nəzərdə tutulan şəxslər üçün bu mümkündür (polis əməkdaşları, hərbiçilər, vərəm xəstələri, narkoloji xəstələri üçün). Lakın həmin Konstitusiya Məhkəməsinin əsas tutaraq polis və yerli icra hakimiyyət orqanlarına müraciət edə bilərsiniz. Həmçinin məhkəmə qaydasında da müraciət etmək mümkündür.

Sualınıza görə təşəkkür edirik.

2010-06-19

 

84  Samir (20-06-2010). "Xüsusi təyinatlı təhsil müəssisələrinin təsis edilməsi Qaydaları"nın və"Xüsusi təyinatlı təhsil Müəssisələrinin siyahısı"nın təstiq edilməsi haqqında.24 may 2010-cu il.Xahiş edirəm bu fərmanı bütövlükdə mənə qöndərəsiniz.

 

 

Salam.

Bu normativ akt artıq yeni normativ aktlar bölməsində dərc olunmuşdur “Xüsusi təyinatlı təhsil müəssisələrinin təsis edilməsi qaydaları”nın və “Xüsusi təyinatlı təhsil müəssisələrinin siyahısı”nın təsdiq edilməsi haqqında Azərbaycan Respublikası Prezidentinin Fərmanı.

Bu qədər.

2010-06-19

 

85  Şükür (20-06-2010) Salam! Mənzildə yaşayanların razılıgı ilə, onlardan birinin adına mənzil özəlləşib. Özəlləşmə sənədləri (tex.pasport və reyestrdən çıxarış) kımdə qalmalıdır. Özəlləşməyə icazə vermiş şəxsin sənədlərin onda saxlanması tələbi nə qədər hüququdur?

 

Salam.

Əgər mənzil bir adamın adına özəlləşdirilibsə və Çıxarışda (daşınmaz əmlakın dövlət reyestrindən çıxarış) həmin şəxs mülkiyyətçi kimi qeyd edilib, deməli bütün mülkiyyət hüquqları yalnız bu şəxsə məxsusdur (daşınmaz əmlak bir-neçə şəxsin adına da özəlləşdirə bilərdi). Ona görə də mülkiyyət hüququnu təsdiq edən sənədlər daşınmaz əmlakın mülkiyyətçisində olmalıdır. Əks təqdirdə bu hüquq pozuntusu kimi qiymətləndirilə bilər və müvafiq məsuliyyətə səbəb ola bilər.

Sualınıza görə təşəkkür edirik.

2010-06-20

86  Vefa (21-06-2010). Men ere getmisem getdiyim eve nece qeydiyyata duse bilerem??hansi senedler lazimdir hara getmeliyem kimin icazesi lazimdir xahis edirem etrafli yazin.

 

 

Salam.

Yaşayış yeri və olduğu yer üzrə qeydiyyat haqqında Qanunun 5-ci maddəsinə əsasən yaşayış yerini dəyişdirildikdən və yeni yaşayış yerinə gəldikdən sonra 10 gündən gec olmayaraq qeydiyyata alınması üçün müvafiq dövlət orqanına (Daxili İşlər Nazirliyinin xüsusi orqanları (pasport-qeydiyyat qurumları) başa düşülür) müraciət etməlisiniz. Bunun üçün siz aşağıdakıları təqdim etməlisiniz:

• ərizə-anket (dövlət orqnında doldurmaq üçün sizə təqdim etməlidirlər),
• şəxsiyyət vəsiqəsi (və doğum haqqında şəhadətnamə),
• vətəndaşa yaşayış sahəsi verən şəxsin ərizəsi (əgər yaşayış sahəsindən bir-neçə şəxs istifadə edirsə onların da razılığı olmalıdır).

Nəzərinizə çatdırım ki, bu qeydiyyat sizə yaşayış binasının tərkib hissəsindən istifadə hüququ vermir (bu məsələ ilə bağlı çoxlu problemlər yaranmışdır və Konstitusiya Məhkəməsi bütün dünyada olduğu kimi mülkiyyətçinin hüquqlarını müdafiə edilməsi üçün qərar qəbul etmişdir). Həmin hüququn yaradılması üçün Mülki Məcəllənin 228-ci maddəsinə əsasən yaşayış binasının tərkib hissəsindən istifadə hüququ daşınmaz əmlakın dövlət reyestrində qeydə alınmalıdır. Yaşayış binasının tərkib hissəsindən istifadə hüququnun əmələ gəlməsi, həyata keçirilməsi şərtləri və xitamı mülkiyyətçi ilə bağlanan, notariat qaydasında təsdiqlənən yazılı razılaşma ilə müəyyənləşdirilir.

Sualınıza görə təşəkkür edirik.

2010-06-21

 

88  Vefa (22-06-2010). Salam. Erimden bosandiqimda mene nisanlanan zaman verilen dash-qash diger zinet eshyalari mende qalmalidir ya erime verilmelidir???????

 

 

Salam.

Vəfa xanım Ailə Məcəlləsinə uyğun olaraq nikah müddətində ər-arvadın əldə etdikləri əmlak onların ümumi birgə mülkiyyəti sayılır (maddə 32.1). Amma nikaha daxil olanadək sizə məxsus olan əmlak, habelə nikah dövründə hədiyyə şəklində və ya digər əvəzsiz əqdlər üzrə əldə edilən əmlak sizin ayrıca mülkiyyətinizdir (maddə 34.1).

Həmçinin ziynət əşyaları istisna olmaqla, fərdi istifadə şeyləri (geyim, ayaqqabı və s.) nikah zamanı ər-arvadın ümumi vəsaiti hesabına əldə edilsə də, ər-arvaddan kimin istifadəsində olubsa, ona məxsusdur (maddə 34.2).

Ona görə də boşansanız da belə ziynət əşyaları sizdə qalacaq (çünki qeyd etdiyiniz kimi, nikaha daxil olunadək bu əşyalar sizə hədiyyə verilmişdir).

2010-06-22

 

89  Könul (22-06-2010) Salam.Qabaqcadan öz teshekurlerimi bildirirem sualima cavab verdijinize göre.Hal hazirda men xaricde jashajiram ve menim özellesdirimis dasilmaz emlakim var Bakida. Bu menzilin acarlari ve kupcasi menim kecmis jolladisimin elindedi.Bu menzilde jalniz men ve menim iki evladim gejdijatda.Bilmek istejirem menim kecmis joldasim bu evi sata biler ve jaxud icine jerlese biler?M en ne etmelijemki öz menzilimin acarlarini geri ala bilim?

 

 

Salam.

Könül xanım əgər daşınmaz əmlak sizin mülkiyyətinizdədirsə Mülki Məcəllənin 157.2-ci maddəsinə əsasən siz özgəsinin qanunsuz sahibliyindən öz əmlakınızı geri tələb edə bilərsiniz, həmçinin daşınmaz əmlakla bağlı bütün sənədləri, açarları (əgər digər tərəflə razılığa gələ bilmirsinizsə). Bunun üçün Bakı şəhərinin müvafiq rayon məhkəməsinə müraciət etmək lazımdır. Xaricdə yaşadığınız üçün bu hərəkətləri icra etmək üçün etibarnamə ilə öz nümayəndənizə həvalə edə bilərsiniz (notarial qaydada təsdiq edilmiş və Azərbaycan dilinə tərcümə edilmiş). Xeyr sata bilməz, əgər yerləşsa belə istifadəyə görə əvəzinin ödənilməsini tələb edə bilərsiniz.

Sualınıza görə təşəkkür edirik.

2010-06-22

 

90  Anar (22-06-2010). ZEHMET OLMASA CAVABLANDIRARDINIZ; BORCLUNUN BUTUN OHDELIKLERINI UZERINE GOTURMUSH ZAMIN DUNYASINI DEYISHERSE VE GIROV YARARSIZ HALA DUSHMUSHSE,SIGORTA MUDDETI BITDIYI HALDA KREDITOR QARSHISINDA CAVABDEHLIK KIMIN OHDESINE DUSHUR?

 

Salam.

Əgər zamin borclunun bütün öhdəliklərini üzərinə götürübsə (müvafiq müqavilə əsasında), o artıq borclu hesab edilir. Kreditor qarşısında vəzifələrin icrası isə vərəsələrin üzərinə düşür (Mülki Məcəllənin 1306-1316 maddələri). Əgər vərəsələr mirası qəbul ediblərsə.

Sualınıza görə təşəkkür edirik.

2010-06-22

91  Samir (22-06-2010) Menim 35 yashim bu yaxinlarda olacaq. Shexsiyyet vesiqesini deyishdirmek lazimdir.ozum ise xaricde yashayiram.Azerbaycana gelmeyim mumkun deyil. Shexsiyyet vesiqemi deyishe bileremmi?

 

 

Salam.

İlk öncə əgər başqa ölkəni yaşayış yeri kimi seçmisinizsə müvafiq icra hakimiyyəti orqanlarının (Azərbaycan Respublikasının Xarici İşlər Nazirliyi və Azərbaycan Respublikasının Dövlət Miqrasiya Xidməti) məlumatına əsasən siz yaşayış yeri üzrə qeydiyyatdan çıxarıla bilərsiniz (Yaşayış yeri və olduğu yer üzrə qeydiyyat haqqında Qanunun 9-cu maddəsi).

 

Azərbaycan Respublikası vətəndaşının şəxsiyyət vəsiqəsi haqqında Qanunun 4-cü maddəsinə əsasən 35 yaşınız olduqdan sonra bir ay ərzində şəxsiyyət vəsiqənizi dəyişdirməlisiniz. Şəxsiyyət vəsiqəsini dəyişmədikdə şəxsiyyət vəsiqəsi qüvvədən düşmüş hesab edilir.

Xatıladaq ki, İnzibati Xətalar Məcəlləsinin 329-cu maddəsinə (Şəxsiyyət vəsiqəsi olmadan və ya yaşayış yeri üzrə qeydiyyatdan keçmədən yaşama) əsasən məsuliyyətə cəlb oluna biərsiniz - xəbərdarlıq, 3 və ya 5 manat.

Azərbaycan Respublikasının Konsulluğu haqqında Əsasnamənin 14.16 və 14.17 bəndlərinə uyğun olaraq Azərbaycan Respublikasının konsulluqları Azərbaycan Respublikasının vətəndaşlarına pasport verir, şəxsiyyətini müəyyənləşdirir və onlara müvafiq sənədlər verir. Əgər yaşadığınız yerdə konsulluq varsa onlara müraciət edə bilərsiniz. Bundan başqa şəxsiyyət vəsiqəsinin alınması qanuni nümayəndəsinin ərizəsi ilə də bu mümkündür.

Gördüyünüz kimi bu o qədər böyük problem deyir və əlbəttə ki, dəyişdirə bilərsiniz.

Sualınıza görə təşəkkür edirik.

2010-06-22

 

 

92  Şahin (23-06-2010) Mən Gəncə şəhər S.A.Kəsəmənli küç.ev 70-də yaşayan Binnətov Şahin Məhərrəm oğlu yazaraq Sizə bildirirəm ki, qardaşım Binnətov Fuad Məhərrəm oğlu Gəncə şəhər Kəpəz rayon polis şöbəsi 8 aprel 2010 tarixində həmin şöbənin işçisi Huseyin tərəfindən heç bir əsası olmadan polis şöbəsinə aparılmış və onun tərəfindən işgəncə və təhqir edilərək pul tələb edilmiş o (pul)verilmədikdə zorla ,təzyiq altında ifadəsi alınmışdır.Nəzərinizə çatdırıram ki,ondan əvvəl də başqa polis işçiləri tərəfindən qardaşimdan dəfələrlə pul istəmişdilər --əks halda "ilişdirəcəkləri" ilə hədələmişdilər.Yalandan hal şahidləri tutulmuş, həkimdən saxta olaraq qardaşımın həmin gün narkotik qəbul etməsi haqqında rəy alınmışdır.Hal hazırda qardaşıma açılmış cinayət işinə Kəpəz rayon məhkəməsi tərəfindən 29 iyun tarixində baxılacaqdır.Gəncədə bu polislərin özbaşınaliqları sakinləri qorxu və təzyiq altında saxlayır. Sizdən cinayətlərin araşdırılmasını və vəsifəsindən sui istifadə edən polisin qanunla cəzalandırılmasını xahiş edirəm.

 

Salam.

Hörmətli Şahin, təəssüflər olsun ki, De Jure təşəbbüs qrupunun cinayətlərin araşdırma və hansı bir şəxsin cəzalandırma səlahiyyətləri yoxdur (bu səlahiyyətlər hüquqmühafizə orqanlarına həvalə edilib: prokurorluq, məhkəmə və s.). Lakın səlahiyyətli şəxslər tərəfindən qanunvericiliyin kobud pozulma faktları müşahidə etmisinizsə və onların əməlləri nəticəsində vətəndaş işgəncələrə məruz qalıb məsləhət görərdik ki, Ombudsmana və İşgəncələrə Qarşı Azərbaycan Komitəyə müraciət edəsiniz. Həmçinin bu məktubların surətini Baş Prokurorluğa və DİN-ə göndərə bilərsiniz. Nəzərə almalısınız ki, hüquqpozma faktını sübüt etməlisiniz.

Bu qədər.

2010-06-23

93  Leyla (26-06-2010) Salam. Cox xahish edirem sualimi cavablandirasiniz. evvelceden teshekkur. Shexsiyyet vesiqesinin muddeti bitib, Rayonda qeydiyyatda olan, ancaq 10 ilden artiq bakida yashayan insan Bakida Shexsiyyet vesiqesini deyishe bilermi? bunun ucun hansi senedler lazimdir? Bir daha teshekkur edirem, cavabinizi gozleyirem.

 

 

Salam.

Yaşayış yeri və olduğu yer üzrə qeydiyyat haqqında Qanunun 5-ci maddəsinə əsasən yaşayış yerini dəyişdirmiş vətəndaş yeni yaşayış yerinə gəldikdən sonra 10 gündən gec olmayaraq qeydiyyata alınması üçün müvafiq dövlət orqanına müraciət etməlidir.

 

Yaşayış yeri üzrə qeydiyyata alınmaq üçün vətəndaş ərizə-anketlə birlikdə aşağıdakı sənədləri təqdim etməlidir:

1) şəxsiyyət vəsiqəsi və ya doğum haqqında şəhadətnamə;

2) yaşayış sahəsinə köçmək üçün əsas verən sənəd (mülkiyyət hüququnun dövlət qeydiyyatına alınması haqqında daşınmaz əmlakın dövlət reyestrindən çıxarış, order, icarə və ya kirayə müqaviləsi, yaxud Azərbaycan Respublikası qanunvericiliyində nəzərdə tutulmuş başqa sənəd) və ya vətəndaşa yaşayış sahəsi verən şəxsin ərizəsi.

Daha ətraflı məsləhətxananın 47-ci sualına baxa bilərsiniz.

Sualınıza görə təşəkkür edirik.

2010-06-27

 

94  Nezrin (26-06-2010) Salam. Men 8 ildir aile heyati qurmusam. Gelin geldiyim ev yoldasimin bibisi oglunun adinadir.Yoldasim rayon men seher qeydiyyatindayam. Indi her ikimiz oz evimize qeydiyyata dusmek isteyirik bize deyirler ki bu cox cetin isdir ve bunun ucun cox pul lazimdir? Hansi yolnan biz qeydiyyata dusmeliyik. Bunun ucun dovlet rusumu ne qederdir? Onceden teshekkurumu bildirirem.

 

 

Salam.

Qeyri-müəyyənliklər var. İlk öncə aydınlaşdırılmalıdır, əgər bu sizin evinizdirsə həyat yoldaşınızın bibisi oğlunun adına niyə olur? Daşınmaz əmlakın dövlət reyestrindən çıxarışda ərinizin bibisi oğlu mülkiyyətçi kimi göstərilibsə həmin şəxs həmin daşınmaz əmlakın mülkiyyətçisi hesab olunur. Əgər həmin evə sadəcə qeydiyyata düşmək istəyirsinizsə mülkiyyətçinin yazılı razılığı olmalıdır (ərizəsi). Amma bu qeydiyyat həmin yaşayış sahədən istifadə etmək hüququ vermir bunun üçün notariat qaydada təsdiq edilmiş razılaşma olmalıdır (məsləhətxananın 86-cı sualına baxa bilərsiniz). Yox əgər siz hemin daşınmaz əmlaka mülkiyyətçi qismində qeydiyyata alınmaq istəyirsinizsə (ola bilsin ki, buna hüququnuz var və vərəsə kimi sizə vəsiyyət olunmuşdur və ya başqa bir hal mövcuddursa) onda siz ərinizin bibisi oğlu ilə razılığa gəlməlisiniz. Həmin daşınmaz əmlakı alqı-satqı yolu ilə əldə edə bilərsiniz, ya da qeyd edilən əmlakı sizə bağışlaya bilər (bu halda daşınmaz əmlakın dəyərindən 14% vergi tutula bilər). Seçdiyiniz variantdan asılı olaraq rüsumlar fərqli olacaq (Dövlət rüsumu haqqında Qanuna baxa bilərsiniz).

Sualınıza görə təşəkkür edirik.

2010-06-27

 

95  Elvin (27-06-2010) men yoldasimla bosanmaq isteyirem, yoldashim 7 ayliq hamiledir kebinimiz var amma adini eve ucota salmamishiq. boshanma olsa bizim evimizi ayira bileler ve meni hanisi qaydalar gozduyur? Xaish edirem bu haqda mene melumat veresiz.

 

 

Salam.

Ər-arvadın hüquq və vəzifələri, yalnız nikah müvafiq qaydada dövlət qeydiyyatından keçdikdən sonra etibarlı sayılır. Əgər şəxslər arasında nikahın qeydiyyatı haqqında heç bir sənəd (şəhadətnamə) yoxdursa nikahın mövcud olması qəbul olunmur. Yəni kəbin özü-özlüyündə nikah kimi dövlət tərəfindən tanınmır və mülkiyyət bölgüsündə heç bir hüquqi nəticələr baş vermir. Ona görə də nikah rəsmi qaydada qeydiyyata alınmayıbsa (müvafiq icra hakimiyyəti orqanı tərəfindən şəhadətnamənin mövcud olmalıdır) pozula da bilməz.

Lakın uşağın atası kimi alimentlər ödəməyə borclusunuz. Belə ki, Ailə Məcəlləsinin 76-cı maddəsinə əsasən 1 uşağa görə qazancın və (və ya) sizin başqa gəlirlərinin dörddə bir hissəsi hər ay tutula bilər (əgər razılığa gələ bilməsəniz məhkəmə tərəfindən müəyyən ediləcək). Razılığa gəlsəniz, həmin razılıq mütləq notarial qaydada təsdiq edilməlidir.

Sualınıza görə təşəkkür edirik.

2010-06-27

 

96  Aynur (29-06-2010) Mumkunsə mənə əməyin mühafizəsinə aid baş mühasibin təlimati barədə məlumat verəsinizşTəşəkkür edirəm.

 

Salam.

 

Aynur xanım sizə yalnız Mühasibin vəzifə təlimatın təqdim edə bilərik.

 

Ümidvarıq ki, kömək edər.

 

2010-06-29

97  Salam! Sosial Müdafiyə Nazirliyinin yoxlaması 3 həftə işləyən obyektə aid ola bilər?

 

 

Salam.

Məcburi dövlət sosial sığorta haqqının toplanması Qaydalarının 53-cü bəndinə əsasən DSMF orqanı rüblük hesabat təqdim edildiyi gündən 10 gün ərzində, illik hesabat və sığortaolunanlar haqqında məlumat təqdim edildiyi gündən 1 (bir) ay ərzində kameral sosial sığorta yoxlaması aparmalıdır. Lakın qeyd etməliyik ki, ölkədə sahibkarlığın inkişafını daha da sürətləndirmək və ona mane olan əsassız müdaxilələrin qarşısını almaq məqsədi ilə Sahibkarlığın inkişafına mane olan müdaxilələrin qarşısının alınması haqqında Fərman qəbul olunmuşdur. Yoxlamalara məruz qaldığınız təqdirdə bu Fərmana əsaslana bilərsiniz.

Belə ki, Dövlət orqanları tərəfindən (vergi orqanları istisna olmaqla) sahibkarlıq subyektlərində həyata keçirilən yoxlamalarda İqtisadi İnkişaf Nazirliyi nümayəndəsinin iştirakı Qaydalarına əsasən yoxlama zamanı İqtisadi İnkişaf Nazirliyinin nümayəndəsi olmalıdır və qanunvericiliyin pozulmamasına nəzarət etməlidir (DSMF yoxlamanın aparılmasından qabaq həmin Nazirliyi xəbərdar etməlidir).

Bundan başqa yoxlama keçirən dövlət orqanı ilə Yoxlama və nəzarət funksiyalarını həyata keçirən bəzi dövlət orqanları ilə sahibkarlıq subyektləri arasında partnyorluq Sazişi də bağlaya bilərsiniz. Həmin Saziş sizə bir çox üstünlüklər verəcək (qanunvericilikdə dəyişikliklər barədə məlumat veriləcək, müdaxilələrin yolverilməzliyi təsdiq olunacaq, nöqsanların aradan qaldırılması və s.)

Sualınıza görə təşəkkür edirik.

2010-06-30

 

99  Hörmətli hüquq məsləhətçisi.Tez tez üzləşdiyimiz bir məsələyə aydınlıq tapmaq üçün sizə müraciət edirəm. İş yerlərində çox zaman kardlar şöbəsi işçilərə maaş haqqında arayışın verilməsi ilə bağlı problemlır yaradırlar - mənim və dostlarımın konkret üzləşdiyi probləm arayışların verilmə tezliyi ilə bağlıdır. Belə ki biz tez tez arayış verə bilmərik siz yalniz həftənin filan günləri arayış üçün müraciat edə bilərsiniz vəya 2 ay əvvəl sənə arayış vermişəm indi ala bilməzsən filan kimi iradıar tutulur. Bilmək istərdim ki, Azərbaycan Respublikası Əmək Məcəlləsi bu barədə nə deyirş Zəhmət olmasa bu məsələ barədə fikirlərinizi bildirəsiniz. Öncədən təşəkkürlər.

 

 

Salam.

Əmək Məcəlləsinin 10-cu maddəsinin (n) bəndinə əsasən iş yeri, vəzifəsi (peşəsi), aylıq əmək haqqı və əmək münasibətləri ilə bağlı digər məlumatlar barədə işəgötürəndən müvafiq arayışlar almaq işçinin əsas hüquqlarından biridir.

Həmçinin həmin Məcəllənin 88.1-ci maddəsinə əsasən işəgötürən işçinin müraciəti əsasında ona vəzifəsi (peşəsi), müvafiq dövr ərzində qazancı barədə arayış, arxiv məlumatları, şəxsi sənədlərinin təsdiq edilmiş surətlərini, habelə onun peşəkarlıq, işgüzarlıq səviyyəsini və digər şəxsi xüsusiyyətlərini xarakterizə edən xasiyyətnamə verməyə borcludur.

Qanunvericiliklə qeyd olunan arayışları almaq üçün məhdudlaşdıran müddətlər göstərilməyib.

Sualınıza görə təşəkkür edirik.

2010-07-01

 

100  ANAR (03-07-2010) Etdiyim narahatciliga gore uzr isteyir,gostereceyiniz komeye gore minnetdaligimi bildirirem.Zehmet olmasa deyerdiniz, su pulu haqqinda abonentin (elbetdeki sohbet sexsi evde yox,umumi rejimli yatagxanada yasayan abonentden gedir) yaranmis olan borcunu nece deqiqlesdirmek olar? Su pulu aile uzvlerine gore hesablanir yoxsa qeydiyyatda olan sakinlere gore hesablanir? Eger il erzinde olan 365 gunun bir gunu su geldiyi bir gunun gelmediyi, suyun kubsantimetrini hesablayan cihaz olmadigi halda bu hansi yolla hesablanir?Zehmet olmasa onuda aciglayinki,eger onlarin teleb etdiyi pulun qarsiliginda qebz verilmirse bu ne derecede duzdur,ve yaxud haqqini teleb etdikde su xetlerinin kesilmesi ne derecede qanuna uygundur?Sizden cox xahiw ediremki mene,oz eksini Azerbaycan qanunlarinda tesdiqini tapacag madde ve subutlarla izah edesinizki,mende sonda ne edeceyimi bilim.Bir daha tesekkur edirem...

 

Salam.

Tarif (qiymət) Şurasının 6 yanvar 2007-ci il tarixli 04 №-li qərarına əsasən əhali üçün 1 m³ üçün (ƏDV ilə) su təchizatı aşağıdakı kimi müəyyən edilib:

• Bakı, Sumqayıt, Gəncə, Mingəçevir Əli Bayramlı, Xırdalan şəhərləri və Abşeron rayonu üzrə - 18 qəpik
• Digər regionlar üzrə - 14 qəpik.

Əhali dedikdə yataqxanalarda yaşayanlar da başa düşülür (həmin qərarın 2-ci bəndinin 1.1-ci yarımbəndi).

Sayğac quraşdırılmamış mənzillərdə adambaşına su istehlakı norması 6 m³ müəyyən edilib.

Hər ödənilmiş məbləğə qəbz tələb etməlisiniz və səlahiyyətli şəxs hökmən sizə qəbz verməlidir. Əks təqdirdə ödəmənin keçirilməsini təsdiq edən sənəd olmayacaq. Səlahiyyətli şəxs korrupsiyaya yol verdikdə yuxarı instansiyalara mürəciət etmək hüququnuz var.

Bundan başqa Su təchizatı və tullantı suları haqqında Qanunun 33-cü maddəsinə əsasən istehlakçının qanunvericiliklə nəzərdə tutulmuş hallar istisna olmaqla, müqavilədə nəzərdə tutulan miqdarda almadığı suyun əvəzini tələb etmək hüququ vardır.

Və nəhayət Obyektlərdə elektrik, qaz və su sayğaclarının quraşdırılması haqqında Nazirlər Kabinetinin qərarına əsasən "Azərsu" Səhmdar Cəmiyyəti içməli su təchizatı üzrə balanslarında olan artezian quyularında və digər su mənbələrində su sayğaclarının qoyulmasını öz vəsaitləri hesabına keçirməsi tapşırılıb (həmin sayğaclar hələ 2006-cı ildə qoyulmalı idi).

Su təchizatı müəssisəsi aşağıdakı hallarda istehlakçının su təchizatını dayandıra bilər (Su təchizatı və tullantı suları haqqında Qanunun 26-cı maddəsi):

• istehlakçının müvafiq yazılı müraciəti (su təchizatının dayandırılmasının səbəbi və müddəti göstərilməklə) olduqda;
• tikinti, təmir-profilaktika və qəza işlərinin görülməsinə və su tutumlarının təmizlənməsinə ehtiyac yarandıqda;
• su götürülən yerlərdə səth sularının bulanıqlıq dərəcəsi artdıqda və ya su hövzəsində fövqəladə ekoloji böhran vəziyyəti yarandıqda;
• istehlakçının paylayıcı su kəmərləri şəbəkəsi, su tutarları (su anbarları), qoşulmalar, siyirtmələr, kranlar müvafiq icra hakimiyyəti orqanının müəyyən etdiyi dövlət standartlarının tələblərinə cavab vermədikdə;
• su təchizatı müəssisəsinin istehlakçıya verdiyi suyun hesabı istehlakçıya su təchizatı müəssisəsi tərəfindən təqdim edildikdən (göndərildikdən) sonra bir ay müddətində tam məbləğdə ödənilmədikdə;
• su təchizatı müəssisəsi ilə müvafiq müqavilə bağlanmadıqda;
• məişət (təsərrüfat) - içməli su ehtiyacları üçün nəzərdə tutulmuş magistral su kəmərlərindəki sudan digər məqsədlərlə istifadə olunduqda;
• məhkəmənin qərarı ilə.

Sualınıza görə təşəkkür edirik.

2010-07-03

 

101  Arif (05-07-2010) Salam! Men 2009-cu ilde qeyri-resmi aile qurmusam, yoldasim hamiledir, ayrilmisiq. Qiz teref usağa gore menden kompensasiya, dogus pulu teleb edir. Xahis edirem qeyri resmi nigah zamani usaqa qore ne iddia edib elde ede bilerler bu barede melumat veresiniz.

 

 

Salam.

Məsləhətxananın 95-ci sualında oxşar məsələ qaldırılmışdır. Ər-arvad arasında aidiyyəti hüquq və vəzifələr rəsmi nigaha girdikdən sonra əmələ gəlir.

Belə ki, Ailə Məcəlləsinin 46-cı maddəsinə əsasən valideynlər öz aralarında nikahda olmadıqda uşağın anası haqqında qeyd ananın ərizəsi, atası haqqında qeyd isə uşağın atasının və anasının birgə ərizəsi və ya atanın ərizəsi əsasında, habelə məhkəmənin qərarı əsasında aparılır.

Həmçinin uşaq nikahı olmayan anadan olduqda və atalığın müəyyən olunması barədə valideynlərin birgə ərizəsi və ya məhkəmənin qətnaməsi olmadıqda, doğum haqqında şəhadətnamədə uşağın atasının soyadının əvəzinə ananın soyadı yazılır. Uşağın atasının və babasının adı uşağın anasının göstərişi üzrə yazılır.

Bu o deməkdir ki, sizin atalığınız müəyyən edildikdən sonra uşağa aid hüquq və vəzifələriniz yaranır.

Ən əsası qeyd edilən Məcələnin 46-cı maddəsinə (Nikahda olmayan şəxslərdən olmuş uşaqların hüquq və vəzifələri) əsasən atalıq müəyyən olunduqda, uşaqlar valideynlərinə və onların qohumlarına münasibətdə, öz aralarında nikahda olan valideynlərin uşaqlarının malik olduqları hüquq və vəzifələri daşıyırlar.

Yəni atalığınız müəyyən edildikdən sonra uşağı saxlamaq üçün müvafiq vəzifələriniz yaranır (alimentlər və s.). Tərəflərin razılığı olmayanda uşağı saxlamaq üçün alimentlər məhkəmə tərəfindən müəyyən olunur, o cümlədən uşağın saxlanması üçün digər vəsaitlər məhkəmə tərəfindən müəyyən oluna bilər.

Bu qədər.

2010-07-06

 

 

 

102  Nihad (05-07-2010) Salam. Men cox xahiş edirəm mənim sualımı cavablandırasınız.Cənab hüquqcu menim maşınımı vurub qacıblar sonra isə maşını DYP maşını tapib işi protokollaşdırıb məhkəməyə göndərib.hal hazırda mənim maşınımı düzəltmir vuran şəxs işdə məhkəmədə.Sual: Məhkəmə mənim razılığım olmasa vuran şəxsin sürücülük vəsiqəsini verə bilər ona?

 

Salam.

İlk növbədə sualı qarışıq vermisiniz. Əlbəttə ki, məhkəmə bunu edə bilər. Məhkəmənin bu sahədə geniş səlahiyyətləri var. Və vətəndaşa hansı bir sənədin dövlət tərəfindən verilməsi və ya alınması kənar şəxslərə aidiyyəti yoxdur. Sizi başqasının sürücülük vəsiqəsi yox zərərin əvəzinin ödənilməsi maraqlandırır, yəqin ki. Əgər məhkəmə zərər vuran şəxsi müəyyən edibsə siz Mülki Məcəllənin 21-ci maddəsinə (həmçinin İnzibati Xətalar Məcəlləsinin 38-ci maddəsinə) əsasən zərərin əvəzinin ödənilməsi tələb edə bilərsiniz. Zərərin məbləğin müəyyən etmək üçün müvafiq ekspertizanın təyin edilməsi barədə məhkəmədə vəsatət qaldırılmalısınız. Və bu məbləğ zərər vuran şəxs tərəfindən tam ödənilməlidir (məcburi şəkildə).

Sualınıza görə təşəkkür edirik.

2010-07-06

 

103  Salam. Yoxlama keçirən dövlət orqanı ilə Yoxlama və nəzarət funksiyalarını həyata keçirən bəzi dövlət orqanları ilə sirketimiz arasında partnyorluq Sazişi bağlamaq istəyimizi bildirdikdə cavab olaraq bildirirler ki, biz Sahibkarlar konfederasiyasi ile bu sazisi bağlayiriq, ferdi olaraq bu saziş sahibkarliq subyekti ile baglanmir. Bu ne qeder qanuna uygundur?

 

 

Salam.

Qarşınızda qanunvericilik ziddiyəti var. Azərbaycan Respublikası Nazirlər Kabinetinin 2002-ci il 19 noyabr tarixli, 181 nömrəli qərarı ilə təsdiq edilmiş "Yoxlama və nəzarət funksiyalarını həyata keçirən bəzi dövlət orqanları ilə sahibkarlıq subyektləri arasında partnyorluq sazişinin nümunəvi forması" Azərbaycan Respublikası Prezidentinin 2002-ci il 28 sentyabr tarixli, 790 nömrəli Fərmanının 10-cu bəndinin 8-ci abzasına uyğun hazırlanmışdır.

Həmin abzasda aşağıdakılar göstərilmişdir:

"yoxlama və nəzarət funksiyalarını həyata keçirən bəzi dövlət orqanları ilə sahibkarlıq subyektləri arasında partnyorluq sazişlərinin bağlanması praktikasına keçidin təmin edilməsi üçün zəruri tədbirlər həyata keçirsin və bu barədə Azərbaycan Respublikasının Prezidentinə məlumat versin"

Yəni sahibkarlıq subyektlərin təsnifatı göstərilmir.

Lakın 181 nömrəli qərar ilə təsdiq edilmiş Saziş formasında "sahibkarlıq subyekti" sözlərinin yanında mötərzədə "sahibkarların ictimai birliyi" göstərilib. Bu da həmin normativ aktının fərqli interpretasiyasına gətirib çıxarır. Fikirləşirik bu qanunvericilik ziddiyyətidir və bununla bağlı məhkəməyə də müraciət etmək olar.

Bundan başqa sahibkarların ictimai birliyi təkcə sahibkarlıq konfederasiyası deyil. Siz başqa sahibkarlarla birləşib özünüz oxşar birlik yarada bilərsiniz, və ya hansı bir birliyə üzv ola bilərsiniz (məsələn siyahı burda var).

Sualınıza görə təşəkkür edirik.

2010-07-06

 

104  Aynur (06-07-2010) Salam.İpoteka haqqında qanunun 39.2-ci maddəsinə əsasən "İpoteka saxlayan ipoteka predmetinə tutmanın yönəldilməsinə dair bildirişin təsdiqetmə üsulu ilə ipotekaqoyana təqdim edilməsi barədə məhkəməyə sübut təqdim etməlidir. Əgər ipotekaqoyan öz yaşayış sahəsini dəyişibsə və hazırda harada yaşaması, ünvanı məlum deyilsə və bu səbəbdən bildiriş təqdim edilə bilməyibsə məhkəmə iddia ərizəsini geri qaytara bilərmi?İpoteka saxlayan ipoteka qoyanın başqa ünvanda yaşayan qohumuna bildirişin təqdim edilməsini tapşıra və ən əsası bu məhkəmə tərəfindən sübut kimi qəbul edilə bilərmi? Əvvəlcədən təşəkkürlər....

 

Salam.

İpoteka ilə bağlı bildirişlərin təqdim edilməsi bir fərqli olunduğundan ayrıca Məsləhətxananın 27-ci sualında cavablandırılmışdır.

Ümumiyyətlə bildirişlərin təqdim edilməsi isə Mülki Prosessual Məcəlləsində əks olunub.

Belə ki, MPM-nin 137-ci maddəsinə əsasən ünvan sahibi və ya digər şəxs məhkəmə bildirişini qəbul etməkdən imtina etdikdə, onu təqdim edən şəxs məhkəmə bildirişində müvafiq qeydlər etdikdən sonra onu məhkəməyə qaytarır. Bu halda məhkəmə bildirişi rəsmi qaydada verilmiş hesab olunur. Məhkəmə bildirişinin ünvan sahibi tərəfindən qəbul edilməsindən imtina barədə qeyd onun yaşayış yeri üzrə yerli özünüidarə orqanı, müvafiq icra hakimiyyəti orqanı və ya onun iş yerinin müdiriyyəti tərəfindən təsdiq edilir.

Məhkəmə bildirişinin ünvanlandığı şəxs tərəfindən həmin sənədləri qəbul etməkdən imtina edilməsi işə baxılması üçün və ya ayrı-ayrı prosessual hərəkətlərin edilməsi üçün maneə deyildir.

Əgər şəxs ünvanı dəyişibsə, onda MPM-nin 146-cı maddəsi təqdim olunur - məhkəmədə iştirak edən şəxslər və nümayəndələr iş üzrə icraat zamanı öz ünvanlarını dəyişdirmələri barədə məhkəməyə məlumat verməlidirlər. Belə məlumat olmadıqda, məhkəmə bildirişləri məhkəməyə məlum olan axırıncı ünvana çatdırılır və çağırılan şəxs artıq həmin ünvanda yaşamasa da, məhkəmə bildirişi rəsmi qaydada verilmiş hesab edilir.

İşdir birdən cavabdehin olduğu yeri məlum olmasa onda məhkəmə cavabdehin məlum olan axırıncı yaşayış yeri üzrə yerli özünüidarə orqanının, müvafiq icra hakimiyyəti orqanının və ya cavabdehin məlum olan axırıncı iş yeri üzrə müdiriyyətin məhkəmə bildirişini aldığını təsdiq edən qeyd yazılmış məhkəmə bildirişi məhkəməyə daxil olduqdan sonra işə baxmağa başlayır (MPM-nin 147-ci maddəsi).

Misal üçün cavabdehin axırıncı yaşayış yeri üzrə rayon Mənzil-Kommunal Təsərrüfatından (ЖКХ) arayış alırsınız ki, cavabdeh bu ünvanda yaşayır və ya yaşamışdır. Həmin arayışı təqdim etdikdə məhkəmə işə baxmağa başlamalıdır. Qanunvericilikdə bildirişin təqdim etmə üsulları hərtərəfli əks olunduğu üçün iddia ərizəsini qaytarmaq üçün ehtiyac yaranmır.

Sualınıza görə təşəkkür edirik.

2010-07-07

105  Rəsul (07-07-2010) Hörmətli redaksiyanin əməkdaşları! Bakı şəhərində Nəsimi rayonunda yerləşən 5 mərtəbəli binaların (fransız layihali) zirzemilerinin istifadəsinə aydınliq gətirməyinizi. Sizdən xahiş edirem! Buna səbəb mənim 1-ci mərtəbədə yaşamağım və istifadəçinin məni və mənim ailami narahat etməsidir!Bu barədə məlumatı diger dövlet orqanlarınada vermek isteyirem və bunu necə etməli! Əvvəlcədən öz minətdarlığımı bildirirem!

 

Salam.

İlk öncə qeyd etməliyik ki, Mənzil Məcəllənin 35.1-ci maddəsinə əsasən yaşayış binasının tərkib hissəsinin mülkiyyətçilərinə həmin binada mənzillərin hissəsi olmayan və binada birdən artıq sahəyə xidmət etmək üçün nəzərdə tutulan obyektlər (o cümlədən, mənzillərarası pilləkən meydançaları, pilləkənlər, liftlər, lift şaxtası və ya digər şaxtalar, dəhlizlər, texniki mərtəbələr, çardaqlar, mühəndis qurğuları olan zirzəmilər, həmin binada birdən artıq sahəyə xidmət edən avadanlıq (texniki zirzəmi), habelə binanın daşıyıcı və daşıyıcı olmayan konstruksiyalarını ayıran dam örtükləri, binada sahələrin daxilində və onların hüdudlarından kənarda yerləşən və birdən artıq sahəyə xidmət edən mexaniki, elektrik, sanitar-texniki və digər avadanlıq, yaşıllaşdırma və abadlaşdırma elementləri də daxil olmaqla binanın yerləşdiyi torpaq sahəsi, binaya xidmət etmək, onun istismarı və abadlaşdırılması üçün nəzərdə tutulmuş həmin torpaq sahəsində yerləşən obyektlər) (bundan sonra – çoxmənzilli binanın ümumi əmlakı) ümumi paylı mülkiyyət hüququ ilə mülkiyyətçilərə məxsusdur. Çoxmənzilli binanın yerləşdiyi torpaq sahəsinin sərhədi və ölçüləri torpaq qanunvericiliyinin və şəhərsalma fəaliyyəti haqqında qanunvericiliyin tələbləri nəzərə alınmaqla müəyyən edilir.

Həmin zirzəmi artıq müvafiq qaydada özəlləşdirilibsə onda aşağıdakılara nəzər yetirməlisiniz.

 

Bakı şəhər İcra Hakimiyyətinin Başçısının sərəncamı ilə təsdiq edilmiş Bakı şəhərində ticarət, ictimai-iaşə və xidmət obyektlərinin yerləşdirilməsi tələblərinə əsasən ictimai iaşə obyektləri - əhalinin yaşadığı binalarda əsasən əhaliyə tez xidmət göstərən obyektlər, saat 24-ə qədər fəaliyyət göstərən restoranlar yerləşdirilə bilər. Bu restoranlarda səs gücləndirici qurğulardan istifadə edilməsi yolverilməzdir (2.4-cü bəndi).

Bu tələblərə əsasən:

 

• Yaşayış binalarının zirzəmi və yarım zirzəmilərində, onların həyətlərində istehsal müəssisələri (sexləri) yerləşdirilə bilməz (1.7-ci bəndi);
• Hamam və saunalar - ayrı tikili binalarda yerləşdirilir. Onların layihə - tikinti sənədlərində nəzərdə tutulmayan yaşayış binalarının birinci mərtəbələrində, zirzəmi və yarımzirzəmilərində yerləşdirilməsi qadağandır (2.13-ci bəndi);
• Mebellərin hazırlanması sexləri qapalı qeyri-yaşayış sahələrində yerləşdirilir. Bu sexlər yaşayış binalarının birinci mərtəbələrində, zirzəmi və yarımzirzəmilərində yerləşdirilə bilməz (2.15-ci bəndi);
• Audio - video kassetlərin kirayəsi, satışı - müəyyən edilmiş qaydada quraşdırılmış köşklərdə, binaların birinci mərtəbələrində, zirzəmi və yarımzirzəmilərində xüsusi səsucaldıcı vasitələrdən istifadə edilməməklə yerləşdirilə bilər (2.20-ci bəndi);
• Səsyazma studiyası - sakinlərin rahatlığı pozulmamaq, xüsusi səsucaldıcı vasitələrdən istifadə və edilməməklə binaların birinci mərtəbələrində, zirzəmi və yarımzirzəmilərində yerləşdirilə bilər (2.21-ci bəndi);

Yuxarıdakı müddəaların tələbləri pozulubsa Bakı İcra hakimiyyətinə və məhkəməyə müraciət edə bilərsiniz.

Təsdiq olunmuş şəhərsalma sənədləri üzrə yeni obyektlərin yerləşdirilməsi, bina və qurğularda yenidən planlaşdırma aparılması, mövcud şəhərsalma obyektlərində dəyişikliklər edilməsinin tərtibatçılarla və sənədləri təsdiq edən müvafiq icra hakimiyyəti orqanları ilə razılaşdırılması Qaydalarının 6-cı maddəsinə əsasən:

• mühəndis qurğularının yerləşdirilməsi və kommunikasiyasının çəkilməsi üçün nəzərdə tutulmuş texniki mərtəbələrin başqa məqsədlər üçün istifadəsinə (texniki zirzəmilərdə, çardaxlarda və s.);
• zirzəmi divarları tağvari daş konstruksiyadan olan qədim binalarda tağlar söküldükdə və ya konstruksiyası dəyişdirildikdə;
• zirzəmilərdən istifadə etmək məqsədi ilə zirzəminin hündürlüyünü artırmaq üçün torpaq çıxarılaraq, zirzəminin döşəməsinin mövcud səviyyəsindən aşağı salındıqda;
• zirzəmi nəzərdə tutulmamış binalarda zirzəmi yaradıldıqda;
• yaşayış sahəsində, habelə zirzəmidə sənaye istehsalatının yerləşdirilməsi, rezonans yarada biləcək dəzgah və qurğulardan istifadə olunması nəzərdə tutulduqda;
• zirzəmidə tezalışan və kəskin iyli maddələr anbarı yerləşdirildikdə

genişləndirmə, yenidən planlaşdırma, yenidənqurma işlərinin aparılmasına aşağıdakı hallarda yol verilmir.

Həmçininn Azərbaycan Respublikası ərazisində mənzil fondunun texniki cəhətdən saz halda saxlanılması Qaydalarının 1-ci bəndinin 2-ci və 4-cü abzasların, o cümlədən 4-cü bəndinin 1-ci və 2-ci abzasların tələbləri pozulubsa Fövqaladə Hallar Nazirliyinə və məhkəməyə müraciət edə bilərsiniz.

Sualınıza görə təşəkkür edirik.

2010-07-08

 

 

106  Rufat (08-07-2010) Salam.Inzibati xetalar Mecellesine esasen qanun pozuntusu askarlandigi vaxt akt tertib edilerek protokol yazildiqda vetendasin hansi huquqlari qanunvericiliye gore movcuddur. Bu huquqlar pozularsa protokol yazani hansi mesuliyyete celb etmek olar?Evvelceden minnetdarligimi bildirirem.

 

 

Salam.

Qeyd etdiyiniz hüquqlar İnzibati Xətalar Məcəlləsinin 401-ci maddəsində əks olunub.

Səlahiyyətli orqan (vəzifəli şəxs) inzibati qaydada tutulmuş şəxsin bu Məcəllə ilə müəyyən edilmiş hüquqlarının təmin edilməsi üçün aşağıdakı tədbirləri görür:

• tutulmuş şəxsi inzibati xəta haqqında protokolla tanış etmək;
• tutulmuş şəxsə dərhal onun tutulmasının əsaslarını bildirmək, onun hüquqlarını izah etmək;
• tutulmuş şəxsin xahişi ilə onun yaxın qohumlarına, işlədiyi və ya təhsil aldığı yerin müdiriyyətinə, yaxud vəkilinə məlumat vermək;
• tutulmuş yetkinlik yaşına çatmayanın valideynlərinə və ya qanuni nümayəndələrinə dərhal məlumat vermək;
• tutulmuş şəxslə davranışda onun şəxsiyyətinə və ləyaqətinə hörmətlə yanaşmaq;
• tutulmuş şəxsə öz vəkili ilə əlaqə saxlamaq və onunla görüşmək imkanı yaratmaq;
• tutulmuş şəxsin öz vəkili olmadıqda ona müvəqqəti saxlama yeri üzrə ərazidə hüquq məsləhətxanasında və ya Azərbaycan Respublikasının qanunvericiliyi ilə müəyyən edilmiş qaydada hüquqi yardımın göstərilməsi fəaliyyəti ilə məşğul olan digər təşkilatlarda fəaliyyət göstərən vəkillərin siyahısını təqdim etmək, seçilmiş vəkillə əlaqə saxlamaq və onunla görüşmək imkanı yaratmaq.

Və təbii ki, əgər vəzifəlii şəxs hüquq pozuntulara yol versə məsiliyyət daşıyır. Misal üçün polis əməkdaşının məsuliyyəti Polis haqqında Qanunun 33-cü maddəsində göstərilib. Vəzifəli şəxsin hərəkətlərindən asılı olaraq məsuliyyət azala və arta bilər (o cümlədən, cinayyət məsuliyyətinə də cəlb oluna bilər).

Sualınıza görə təşəkkür edirik.

2010-07-08

 

107  Rəsul (08-07-2010). Salam hörmətli hüquqşunaslar! Sizə zirzəmilərin istifadəsi ilə bağlı birdənə əlavə sualda vermək istəyirəm! Zirzəmini neca özələşdirmək olar və hansı sənədlər lazımdlr? 1992-ci ildə Rafael Allahverdiyevin zirzeminin icarəyə verilməsi barədə sarancamı hüquqi cəhətdən bu gün ki gündə işləyir ki? Cünki mənim evimin altında yerləşən zirzəminin istifadəçisi və bizim rahatliqi pozan həmin binanın kooperativinin sədri bunu iddia edir və bu zirzəmiyə yeganə hüquqi sənədi 1992-ci ildə Bakı şəhər icra hakimiyyətilə olan icarə müqaviləsidir! Bunu ondan neca alıb və özəzləşdirmək olar? Təşəkkür edirəm! Hörmətlə Rəsul müellim!

 

 

Salam.

Həmin məsələ məhkəmə tərəfindən həll oluna bilər, çünki bir çox məqamlar müammalı qalır (misal üçün icarə hüququ hansı əsasla verilmişdir). Əgər həmin zirzəminin özəlləşdirilməsi həyata keçirilməyibsə onda sizin bu zirzəmiyə paylı mülkiyyət hüququnuz var (həmin binada yaşayan digər mülkiyyətçilərlə), əvvələr qeyd edilən (məsləhətxananın 105-ci sualında) Mənzil Məcəlləsinin 35-ci maddəsinə əsasən.

Ona görə də ilk öncə bu zirzəmini istifadə edən (hal-hazırda) şəxslə məsələni aydınlaşdırılmalısınız (məhkəmədə). Əgər məhkəmə müəyyən etsə ki, o şəxsin zirzəmiyə aid heç bir hüququ yoxdur onda siz o biri paylı mülkiyyətçilərdən (həmin binada yaşayan mülkiyyətçilər) onların paylarını almaqla zirzəmini özəlləşdirə bilərsiniz (Daşınmaz əmlakın dövlət reyestri haqqında Qanununa uyğun olaraq).

Bu qədər (məsləhətxanadan istifadə etmək qaydalarının 1-ci bəndinə nəzər yetirin).

2010-07-08

 

108  Emin (10-07-2010). Salam. İyun ayında öz nəqliyyat vasitəsini idarə edərkən polis əməkdaşı tərəfindən saxlanıldım.Müfəttiş tərəfindən protokol tərtib olunmuşdur. Mən demək olar ki boş protokolu imzalamayacağımı bildirdim və protokolun tam doldurulmasın tələb etdim, və orada İXM-nin 151.2-ci maddəsi ilə cəzalanmağım müfəttiş tərəfindən qeyd edilmişdir. 151.2-ci maddənin mufəttiş ilə başdan-başa yenidən tam yerində birlikdə oxuduqdan sonra, mufəttişin bu maddənin tədbiqinə qəti etirazımı bildirdim və mənim tərəfimdəm eyni səmtə qedən heç bir nəqliyyat vasitəsinin sьrьcьlərini qəflətən nə hərəkət istiqamətini və ya sürəti dəyişməyə məcbur etməmişəm. Həmçinin protokolu imzalanması üçün mənə təqdim edəndən sonra, mənim üçün protokolda bəzi bəndlər aid olmadığından və nədən bəzi sahələr boş qaldığını müfəttişdən soruşdum, lakin bu cür yüksək tonla cavab aldım: “O sənə aid deyil, qol çək sənədə!”. Öz tərəfimdən şahid olduğu üçün qeyd edilməsi xahiş etmişdim, lakin bunada mənfi cavab aldım və bu barədə protokolda qeyd elədim. Mənə naməlum qalan sahələr üstündən xətt çəkdim və hər hansı bir qaydanın pozmasına etirazımı bildirdim.Bir müddət keçənnən sonra DYP tərəfindən çağırıldım. Yenidən protokola baxanda aşkar etdim ki,naməlum bir şahid əlavə olundu. Bu müffətiş tərfindən protokolda boş yer tapan kimi, naməlum bir şahid əlavə edti,baxmayaraq ki mən həmçinin protokldada qeyd elədim ki,şahid yoxdur. Sizdən xahiş edirəm ki, bu cür üzə duran yalan bir şahidə qarşı, vəzifədən sui-istifadə edən müffətişə qarşı mən hansı mesuliyyete onlara celb edə bilerem? Və necə sübut edə bilərəm? Əvvəlcədən təşəkkür edirəm.

 

Salam.

Çox sağ olun ki, məsələ barədə bizə ətraflı bilgi verdiniz. Vətəndaşlar sizi kimi mübariz olmalıdır və ədalət uğrunda sonuna kimi gücünüzdən əsirgəməməlisiniz.

Məsləhətxananın 106-cı sualında inzibati qaydada tutulmuş şəxsin hüquqları göstərilib. Onlara diqqət yetirin.

Əgər protokolda sonradan dəyişikliklər edilibsə, ola bilsin ki, bunların izi qalıb (protokolu imzaladıqdan sonra, boş yerlər cızma-qara edilibsə əlavə edilmiş yazılar sıx-sıx yerləşibsə, başqa rəng qələmlə yazılıbsa, başqa xətlə yazılıbsa). Protokolda qeyd edilən şahid barədə məlumat toplamaq lazımdır (məsələn protokol tərtib edilən gün həmin şəxsin harda olduğunu dəqiq öyrənmək, əgər protokol tərtib edildiyi gün orda olmamışdırsa, həmin şəxs məsuliyyətə cəlb oluna bilər). Həmçinin İnzibati Xətalar Məcəlləsinin 404.6-cı maddəsinə əsasən protokolun surəti barəsində inzibati xəta haqqında iş üzrə icraat aparılan şəxsə, yaxud onun qanuni nümayəndəsinə (nümayəndəsinə) təqdim edilməlidir. Bütün bunları nəzərə almalısınız.

İlk öncə siz şikayətlə DYP baş idarəsinə müraciət etməlisiniz. Əgər məsələ öz həllini tapmasa məhkəməyə müraciət edə bilərsiniz.

Müfəttişin günahı sübut olunsa Polis haqqında Qanunun 33-cü maddəsinə əsasən məsuliyyət daşıyacaq.

Sualınıza görə təşəkkür edirik.

2010-07-11

 

109  Ramil Tanrıverdi (13-07-2010). Elektrik enerjisini 220 voltdan aşağı verirlər. Buna görə də evdə soyuducum yandı. Kondisioner işlədə bilmirəm. İdarədən deyirlər ki, hamı kondisioner işlətdiyi üçün gərginlik aşağı düşür. Bunun günahkarı kimdir?

 

Salam.

Elektrik enerjisinin alqı-satqısı bu Müqaviləyə əsasən aparılır. Əgər qeyd edilən Müqavilənin müddəaları pozulursa siz İstehlakçıların hüquqlarının müdafiəsi haqqında Qanunun 11, 21, 27 maddələrinə əsasən yuxarı instansiyalara və ya məhkəməyə müraciət edib öz hüquqlarınızı müdafiə edə bilərsiniz. Onların dediklərinə fikir verməyin, əgər bu xidmətləri yerinə yetirməyə öhdələrinə götürüblərsə müvafiq qaydada icra etməlidirlər.

Sualınıza görə təşəkkür edirik.

2010-07-13

110  Rasul (13-07-2010) Salam!İlk öncə bu internet saytın yaradan hüquqşunaslara öz təşəkkürimi bildirirəm!Bizim qonşuda bir şəxs öz evini futbol mərcləri yığılma şirkətinə icarəyə verib. Gece saat 23-00 dən sonra nə cür desen insanlar ora gəlib gedir o cümlədən bizim ailənin və yaxında yaşayan qonşuların rahatlığını pozurlar! Birde men bele başa düşürəm ki kooperativin sədrinin və ev yiyəsinə bunlar coxlu pul verir və onlarda bu qanun pozğutuluğuna göz yumur! Hətda bir nece defe qonşular bu barədə sahə müvvəkilinə xəbər verselerde bir tedbir görülməyib! Belə cıxır ki onunda xeberi var və payı catır! Mende özümün və ailəmin təhlükəsizliyinə görə hec bir yerə aciq şikəyət edə bilmirəm qorxuram ki bizim ailəyə zərər gələr bu tanımadığım insanlardan və onlarla əl bir olan yuxarıdakı şəxslərdən! Bir de bunlar hech vergide ödemirler! Xahiş edirem bu məsələdə mən hüquqi məsləhətlə öz köməkliyinizi göstərəsiniz! Hörmətlə Rəsul! Bir sözlə bu kooperativin sədrinin yaxşı insan olmadıqından biz və qonşular əziyyət çekir!

 

 

Salam.

Əvvəla qiymətləndirməyinizə görə çox sağ olun!

Qaldırdığınız məsələ vacibdir, amma onun effektiv həll etmələri qanunvericilikdə hələ də nəzərdə tutulmayıb. Buna baxmayaraq mübarizəni aparmaq lazımdır, çünki hər kəsin sağlam mühitdə yaşamaq hüququ var və kənar şəxslərin əsassız olaraq ictimai əsayişi pozmaq hüququ yoxdur. İlkin addımlar kimi, İnzibati Xətalar Məcəlləsinin 306-cı maddəsinə (Məişət səs-küyünə qarşı mübarizə qaydalarının pozulması) əsaslanıb hüquq mühafizə orqanlarına müraciət edə bilərsiniz. Düzdür orda məsuliyyət azdır (on manatdan on beş manatadək miqdarda cərimə) amma psixolojı təsiri ola bilər.

Təsiri olmasa həmin Məcəllənin 296-cı maddəsinə (Xırda xuliqanlıq), daha sonra isə Cinayyət Məcəlləsinin 221 (Xuliqanlıq), 233 ( İctimai qaydanın pozulmasına səbəb olan hərəkətləri təşkil etmə və ya bu cür hərəkətlərdə fəal iştirak etmə) və ya digər maddələrinə əsaslanıb hüquq mühafizə orqanlarına müraciət edə bilərsiniz.

Mübarizə aparmasanız bu pozuntular çətin ki, öz-özünə sona çatsın.

Sualınıza görə təşəkkür edirik.

2010-07-15

 

111  Tural (14-07-2010). Salam. Dövlət işində çalışıram ama işdən vaxtında çıxmaya qoyulmur, bayram günləridə işə gəlməyə məcbur edillər. buna hüquqi qiymət necə vermək olar?

 

Salam.

Bugünkü cəmiyyətdə elə vəziyyət yaranıb ki, işləyən vətəndaşlar iş yerini itirməmək üçün işəgötürənin bir-çox hüquq pozuntularına göz bağlayırlar. İşəgötürən isə bundan sui-istifadə edir. Çox təəssüf ki, hələ də bu vəziyyət mövcuddur və vətəndaşlar mübarizə aparmaq üçün özlərində şücaət tapa bilmirlər (təbii ki bu müəyyən səbəblərdən asılıdır: ailə və s.).

Sizinlə və çalışdığınız dövlət qurumu arasında əmək müqaviləsi olmalıdır. Həmin müqavilədə göstərilən iş vaxtınızı tənzimləyən müddəa olmalıdır. Və əgər işəgötürən bu müddəanı pozursa (bəzi hallar istisna olmaqla, misal üçün Əmək Məcəlləsinin 99-cu və 101-ci maddələri) onda müvafiq qaydada məsuliyyətə cəlb oluna bilər. Həmin məsuliyyət İnzibati Xətalar Məcəlləsinin 53.6-cı maddəsində göstərilib.

Bundan başqa Əmək Məcəlləsinin 107-ci maddəsinə əsasən istirahət, səsvermə, iş günü hesab edilməyən bayram günlərində vəümumxalq hüzn günündə işçilərin işə cəlb olunması yolverilməzdir (Əmək Məcəlləsinin 101-ci maddəsinin «a» və «b» bəndlərində nəzərdə tutulmuş müstəsna hallar, habelə fasiləsiz istehsalatlar, ticarət, ictimai iaşə, rabitə, nəqliyyat və digər xidmət müəssisələri istisna olunmaqla).

Sualınıza görə təşəkkür edirik.

2010-07-14

112  Aynur (14-07-2010). Salam mən sizə bir dəfə busualla müraciyyət etmişdim, araşdırma apardım. Və yenə dalana gəlib çıxdım, ümid edirəm kömək edə bilərsiz. Qeydiyyatla bağlı məsələdir...Vətəndaşın qeydiyyata düşməyə heç bir yeri yoxdur, hal hazırda yasamal rayonunda yaşayır (8 ildir uşaqları da yasamal rayonunda məktəbə qedir. Əvvəllər Sumqayıt şəhərində qeydiyyata olublar.Sualım belədir: Həmin vətəndaş Yasamal rayonu polis idarəsinin inzibati binasına qeydiyyata alına bilər mi, yoxsa Sumqayıt şəhəri polis idarəsinə müraciyyət etməlidir? Çox xahiş edirəm bu məsələyə istinadlar göstərilməklə bir aydınlıq gətirəsiniz

 

Salam.

Təəssüflər olsun ki, Məsləhətxananın 83-cü sualında qeyd edilən Konstitusiya Məhkəməsinin qərarına hələ də riayət edilmir. Həmin qərara əsaslanıb Nazirlər Kabineti yaşayış yeri olmayan şəxslərin regional qeydiyyat mərkəzlərinin yaradılmasında addımlar atmalı idi. Lakın bununla əlaqədar hələ də heç bir tətbirlər görülməyib. Biz çalışarıq "Dövlətə müraciət" bölməsi vasitəsilə bu problem barədə hakimiyyət orqanlarına məlumatı çatdıraq.

Sualınıza görə təşəkkür edirik.

2010-07-15

113  Roya (13-07-2010) Salam. Menim heyat yoldashim R.S. 05.10.09 tarixde gunahsiz yere hebs edilib. Mezmunu size yazmiram. 10 aydir mustentiq Q.Q. ucbatindan tecridxanada yatir. hec bir senedde de, izahatlarda da R.S. gunahsizliqi subut olunur. indi istintaq bitib. Hakim R. xanim teyin olunub. Bilmek isteyirem ki mehkeme ne vaxt ola biler? 10 aydir artiq. 2 korpesini fikirden urek xesteliyi tapib.inaniramki mehkeme oz adil hokmunu verecek.sadece olaraq mehkeme teqriben ne zaman bash verecek onu oyrenmek isteyirem. cox saq olun

 

Salam.

İlk öncə qeyd edilməlidir ki, Cinayət-Prosessual Məcəlləsinin 218.10-cu maddəsi ilə cinayət işi üzrə ibtidai istintaqın maksimal müddətləri müəyyən edilib böyük ictimai təhlükə törətməyən cinayətin törədilməsində ittiham üzrə — 6 (altı) aydan çox olmayan müddətdə;

• az ağır cinayətin törədilməsində ittiham üzrə — 9 (doqquz) aydan çox olmayan müddətdə;
• ağır cinayətin törədilməsində ittiham üzrə — 12 (on iki) aydan çox olmayan müddətdə;
• xüsusilə ağır cinayətin törədilməsində ittiham üzrə — 18 (on səkkiz) aydan çox olmayan müddətdə.

Cinayət-Prosessual Məcəlləsinin 298.2-ci maddəsinə əsasən cinayət işi məhkəməyə daxil olduqdan sonra 15 (on beş) gün müddətində məhkəmənin hazırlıq iclası təmin olunmalıdır (cinayət işinin həcminin böyüklüyü, təqsirləndirilən şəxslərin sayının çoxluğu və ya baxışın təşkilinin xüsusilə mürəkkəb olması ilə əlaqədar bu müddət məhkəmənin qərarı ilə 30 (otuz) günədək uzadıla bilər). Məhkəmənin hazırlıq iclasından sonra məhkəmə baxışı təyin edilir. Qeyd edilən Məcəllənin 301.4.1-ci maddəsinə əsasən cinayət işinə baxılması üçün—məhkəmənin hazırlıq iclasının keçirildiyi andan 15 (on beş) gündən artıq ola bilməz.

Sualınıza görə təşəkkür edirik.

2010-07-14

 

 

114  Qahirə (16-07-2010). Hakimlərin əmək və icra intizamı məsələsi harada nəzərdə tutulur? Məhkəmələrin özlərinin əmək və icra intizamının nəzərdə tutulduğu daxili intizam qaydaları olur?

 

Salam.

Əlbəttə ki, nəzərdə tutulur. Belə ki, hakimlərin əmək və intizam məsələləri Məhkəmələr və hakimlər haqqında Qanunu ilə tənzimlənir (Konstitusiya Məhkəmənin hakimlərinin aidiyyəti məsələləri ayrıca olaraq Konstitusiya Məhkəməsi haqqında Qanunu ilə tənzimlənir).

 

O cümlədən, hakimlərin intizam məsuliyyətinə cəlb edilməsi ilə bağlı məsələləri Məhkəmə-Hüquq Şurası haqqında Qanun tənzimlənir.

İntizam qaydalarına çatanda isə, hakimlər üçün spesifik əxlaq və ədəb tələblərini, onların peşə etikası məsələlərini, iş fəaliyyətindən kənar davranışını nizamlayan, peşə fəaliyyətinə münasibətini müəyyən edən Hakimlərin Etik Davranış Kodeksi mövcuddur.

Sualınıza görə təşəkkür edirik.

2010-07-17

 

 

115  Adil (16-07-2010). Salamlar. Men yoldaşımla yenicə ayrılmışam. Bizim uşağımız məhkəmə qərarı ilə yoldaşımda qalıb və buna görə əmək haqqımın 14-i qədər aliment kəsilibdir (əmək haqqım yüksəkdir). Lakin bundan əlavə çox ağır xəstə olan və mənim himayəmdə yaşayan anamın müalicəsi xərcləri də mənim üzərimdədir - bu xərclər demək olar ki əmək haqqımın 50-60%-i qədər təşkil edir. Uşağa kəsilmiş aliment isə onun və anasının faktiki saxlanması üçün lazım olandan 3-4 dəfə yuxarıdır. Bu faktı nəzərə alaraq şikayət versəm, appelyasiya məhkəməsinin uşağa görə kəsilmiş alimenti azaltması nə qədər realdır?

 

Salam.

 

Nəzərə almalısınız ki, Ailə Məcəlləsinin 78.2-ci maddəsinə əsasən sabit pul məbləğinin miqdarı məhkəmə tərəfindən tərəflərin maddi və ailə vəziyyəti, diqqətəlayiq olan digər hallar nəzərə alınmaqla uşağın əvvəlki təminatının səviyyəsinin mümkün qədər maksimal saxlanması əsas tutularaq müəyyən edilir.

Bundan başqa digər tərəf bu Məcəllənin 78.1-ci maddəsinə əsasən həm qazancınızın dörddə bir hissəsini, həm də sabit pul məbləğini də məhkəmə vasitəsilə sizdən tuta bilər.

Amma onu da nəzərə almaq lazımdır ki, bu Məcəllənin 76.2-ci maddəsinə uyğun olaraq məhkəmə tərəfindən tərəflərin ailə və maddi vəziyyəti, eləcə də diqqətəlayiq olan başqa hallar nəzərə alınmaqla tərəflərin paylarının miqdarını azaldıla və artırıla bilər.

Ona görə də, hər bir halda məhkəməyə müraciət etmək (apellyasiya şikayəti vermək) hüququnuz var, amma maaşınız yüksək olduğundan məsələ sizin xeyrinizə həll olunma məsələsi müşgüldür. Alimentin müəyyən müddət ərzində azalmasını (misal üçün 6 ay ərzində, valideyniz üçün tələb olunan müalicə vaxtı) məhkəmədən xahiş etsəniz, ola bilsin ki, daha effektiv olar.

Sualınıza görə təşəkkür edirik.

2010-07-17

 

116  Adil (18-07-2010). Mən ehtiyatda olan hərbi qulluqçuyam. Ehtiyatda olan Hərbi qulluqçuların bir dəfə bir pay torpaq alma hüququ var. Hansı qanunun hansı maddəsi ilə Məhkəməyə bir pay torpaq sahəsini alma və ya bir pay torpaq sahəsinin dəyərində kompensasiya alma iddiası ilə müraciət edə bilərəm? Və İddia Ərizəsini tərtib etməkdə, təqdim etmək üçün sənədlərin siyahısını qeyd edərək Mənə köməklik etmənizi XAHİŞ EDİRƏM. Öncədən minnətdarlığımı bildirirəm.

 

 

Salam.

Bəli. Hərbi qulluqçuların statusu haqqında Qanunun 12-ci maddəsinə əsasən Azərbaycan Respublikası Silahlı Qüvvələrində 15 təqvim ili və daha çox xidmət etmiş xidməti mənzillərdə yaşayan və ya yaşayış sahəsi olmayan hərbi qulluqçuların (müddətli həqiqi hərbi xidmət hərbi qulluqçularından başqa) ehtiyata və ya istefaya buraxılmış hərbi qulluqçuların qanunvericilikdə nəzərdə tutulmuş qaydada 6 ay müddətinə yerli icra hakimiyyəti orqanı tərəfindən yaşayış sahəsi və ya fərdi yaşayış evinin tikintisi üçün müəyyən olunmuş qaydada bələdiyyələrdən pulsuz torpaq sahəsi almaq hüququ vardır.

Sahənin əvəzinə kompensasiya almaq qanunvericilikdə nəzərdə tutulmayıb (kompensasiya yalnız müvəqqəti mənzilin kirayəsi üçün nəzərdə tutulub). Ayrı-ayrı şəxslər üçün hansı bir iş üzrə iddia ərizəni tərtib etmək pullu hüquqi xidmətlərə aiddir. İlk öncə qanunda nəzərdə tutulan daşınmaz əmlakın alınması üçün yerli icra hakimiyyəti orqanına və bələdiyyəyə ərizə ilə müraciət etməlisiniz. Əgər onlar məsələni müsbət həll etməsələr, onların cavabına əsaslanıb məhkəməyə müraciət etməlisiniz.

Bu qədər.

2010-07-19

 

117  Namiq (20-07-2010). Salam. Çox xahiş edirəm mənim sualıma ətraflı cavab verəsiniz. Atam öz adına olan evi mənim adıma keçirmək üçün hansı idarəyə müraciət etməli, hansı sənədlər toplamalı və nə qədər dövlət rüsumları ödəməlidir? Ümumiyyətlə bu proses maksimum nə qədər vaxt apara bilər?

 

Salam.

İlk öncə Bağışlama Müqaviləsi əsasında atanız qeyd olunan daşınmaz əmlakı sizə bağışlayır. Həmin müqavilə notarial qaydada təsdiq olunmalıdır (Dövlət rüsumu haqqında Qanunun 10.1.1-ci maddəsinə əsasən bu cür müqavilələrin təsdiqi üçün nəzərdə tutulan rüsum - 7 manatdır).

Vergi Məcəlləsinin 102.1.3.2-ci maddəsinə əsasən hədiyyə ailə üzvündən alındığı üçün (əmlakın dəyərindən asılı olmayaraq) vergi ödəməkdən azadsınız.

Ondan sonra, Daşınmaz əmlakın dövlət reyestri haqqında Qanunun 10-cu maddəsinə əsasən həmin Bağışlama Müqaviləni, daşınmaz əmlaka aid sənədləri və dövlət rüsumunun ödənilməsi barədə qəbzini (Dövlət rüsumu haqqında Qanunun 26.1.1-ci maddəsinə uyğun olaraq - 30 manat) Azərbaycan Respublikasının Daşınmaz Əmlakın Dövlət Reyestri Xidmətinə (müvafiq rayon üzrə idarəsinə) təqdim edirsiniz.

Sənədlərin təqdim edildiyi gündən 20 gündən gec olmayaraq daşınmaz əmlak üzərində hüquqlarının dövlət qeydiyyatı barədə Çıxarışı almalısınız.

Sualınıza görə təşəkkür edirik.

2010-07-20

 

118  Adil (20-07-2010). Cavabınıza görə təşəkkür edirəm. Mən ehtiyatda olan hərbi qulluqçu olaraq yaşadığım Nəsimi rayon üzrə Nəsimi Bələdiyyəsindən mülkiyyətlərində torpaq sahələri olmadığından mənim müraciətimi müsbət həll etməyəcəklərinə dair cavab məktubu almışam. Ona görədə Məhkəməyə müraciət etmək istəyirəm. Bir sualım da var Yaşadığım rayon Bələdiyyəsi fərdi yaşayı evinin tikintisi üşün torpaq sahəsinin olmadığından mənə torpaq verilməsinin imkanları xaricində olduğuna dair cavab veribsə mən digər rayon ərazisində Bələdiyyədən torpaq sahəsi ala bilərəmmi? 

 

 

Salam.

Hərbi qulluqçuların statusu haqqında Qanunun 12-ci maddəsinin 10-cu bəndinə uyğun olaraq hərbi qulluqçuların, həqiqi hərbi xidmətdən ehtiyata və ya istefaya buraxılmış şəxslərin və ailə üzvlərinin bu maddədə nəzərdə tutulan mənzil hüquqları pozulduqda onların hüququ var ki, qanuni hüquqlarının təmin edilməsi və zərərin ödənilməsi barədə müvafiq yerli icra hakimiyyəti başçısına qarşı iddia ilə məhkəməyə, hərbi idarəetmə orqanlarına və ya başqa dövlət orqanına müraciət etsinlər.

Əvvələr qeyd etdiyimiz kimi, torpaq almaq hüququnuz var. Bələdiyyə və Yerli icra hakimiyyətinə müraciət etməklə yanaşı, Müdafiə Nazirliyinə müraciət edə bilərsiniz. Bu qurumlardan hansı birindən və ya hamsından sizi qane etməyən cavab aldıqda məhkəməyə müraciət edin. Hər bir halda sizə torpaq sahəsi ayrılmalıdır.

Baxmayaraq ki, məsləhəxana qaydalarının 3-cü bəndini pozmusunuz (Bir məsələyə aid bir dəfə sual verilməlidir) biz hərbiçilərə (keçmiş hərbiçilərə) əlavə məsləhətlərin vermək niyyətindəyik. Çünki onların peşəsi çətindir və şərəflidir. Kənardan maliyyə dəstəyimiz olsaydı, ola bilsin ki, pulsuz hüquqi yardım göstərməyə hazır olardıq (məhkəmədə nümayəndəlik və s.). Lakın bu geniş imkanlar bizdə hələ də yoxdur.

Sualınıza görə təşəkkür edirik.

2010-07-20

 

119  Sara (20-07-2010) mektebeqeder (usaq bagcalarinda) muessiselerin muxtelif(yasla)qruplarinda tibb bacisinin terbiyeci muelllim kimi isleme huququ varmi.eger varsa esaslandirmaq ucun men indiki is yerine hansi senedi teqdim edim. Tesekkur edirem.

 

Salam.

Əgər pedaqoji profilli ixtisasınız varsa (orta-ixtisas və ali təhsil) onda işləyə bilərsiniz. Amma, ümumiyyətlə tibb bacısı işi (040707) səhiyyə, rifah və xidmət ixtisasları qrupuna aiddir (Orta ixtisas təhsili üzrə ixtisasların Təsnifatına uyğun olaraq).

Sualınıza görə təşəkkür edirik.

2010-07-20

120  Azer (20-07-2010) Salam, Shexsiyyet vesiqesini deyishmek ucun hansi senedleri aparmaq lazimdir, tesekkurler.

 

 

Salam.

Azərbaycan Respublikası Milli Məclisinin 994-cü il 29 noyabr tarixli 928 saylı qərarı ilə əsdiq edilmiş Azərbaycan Respublikası vətəndaşının şəxsiyyət vəsiqəsi haqqında” Azərbaycan Respublikası Qanununun tətbiqi haqqında Əsasnamənin 12-ci maddəsinə uyğun həyata keçirilir:

Şəxsiyyət vəsiqəsi dəyişdirildikdə bu Əsasnamənin 3, 5—11-ci bəndlərində nəzərdə tutulmuş qaydalar tətbiq olunur. Vətəndaş 25, 35, 50 yaşına çatdıqda və ya onun şəxsiyyət vəsiqəsində olan yazılar təhrif edildikdə, şəxsiyyət vəsiqəsi yararsız hala düşdükdə şəxsiyyət vəsiqəsini dəyişdirmək üçün—şəxsiyyət vəsiqəsi; vətəndaşın soyadı, adı, atasının adı, ailə vəziyyəti dəyişdikdə—vətəndaşlıq vəziyyəti aktlarının dövlət qeydiyyatını aparan orqanlar tərəfindən verilmiş sənədlər, vətəndaşın yaşayış yeri dəyişdikdə — ev, mənzil barədə müvafiq sənədlər, hərbi vəzifəsi dəyişdikdə—hərbi bilet və ya təhkim şəhadətnaməsi bu Əsasnamənin 3-cü və 7-ci bəndlərində göstərilən sənədlərlə birlikdə təqdim edilməlidir (yəni dəyişdirmənin səbəbindən asılı olaraq).

Sualınıza görə təşəkkür edirik.

2010-07-20

 

121  Taleh (21-07-2010). Salam.Yaşayış yeri və olduğu yer üzrə qeydiyyat haqqında Azərbaycan Respublikasının Qanunun müddəalarına əsasən Maddə 10. Vətəndaşın olduğu yer üzrə qeydiyyatı deyilir ki , yaşayış yerindən kənarda 60 gündən artıq müvəqqəti yaşamaq istəyən vətəndaş həmin yerə gəldikdən sonra 7 gün ərzində (istirahət, səsvermə, iş günü hesab edilməyən bayram günləri və ümumxalq hüzn günü istisna olmaqla) ərizə-anket dolduraraq müvafiq dövlət orqanına təqdim etməlidir. Həmin orqan vətəndaşı dərhal qeydiyyata almalı və bu barədə onun şəxsiyyət vəsiqəsinin arxa tərəfində müvəqqəti qeyd aparmalıdır.Zəhmət olmasa deyərdiniz bu prosedur hansı orqanla və hansı mərhələrdə aparılmalıdır?Qeyd edim ki , Suraxanı rayonu ərazisində yaşıyıram.Göstərəcəyiniz köməkliyə görə əvvəlcədən minnətdaram.

 

Salam.

 

«Yaşayış yeri və olduğu yer üzrə qeydiyyat haqqında» Azərbaycan Respublikası Qanununun tətbiqi haqqında Əsasnamənin 12-ci bəndinə uyğun olaraq yaşayış yerindən kənarda 60 gündən artıq müvəqqəti yaşamaq istəyən vətəndaş həmin yerə gəldikdən sonra 7 gün ərzində (istirahət, səsvermə, iş günü hesab edilməyən bayram günləri və ümumxalq hüzn günü istisna olmaqla) müvafiq icra hakimiyyəti orqanının məsul əməkdaşına aşağıdakı sənədləri təqdim etməlidir:

• şəxsiyyət vəsiqəsi;
• ərizə-anket (2 saylı Əlavə).

 

Müvafiq icra hakimiyyəti orqanı dedikdə, Azərbaycan Respublikası Prezidentinin 14 iyun 1996-cı il tarixli 493 №-li Fərmanına əsasən Daxili İşlər Nazirliyi (pasport qeydiyyat idarələri) başa düşülür.

Sualınıza görə təşəkkür edirik.

2010-07-21

122  Xeyale (21-07-2010). Salam xahis edirem mene komek edesiz.men soyadimi deyisib atamin adini ozume soyad goturmek isteyirem ama sonluqsuz.hal-hazirda is mehkemededir.Azərbaycan Respublikası vətəndaşlarının soyadlarının dövlət dilinə uyğunlaşdırılması haqqında Azərbaycan Respublikası Milli Məclisinin qərarı-ni mehkemeye delil kimi vere bilerem?

 

 

Salam.

Azərbaycan Respublikası vətəndaşlarının soyadlarının dövlət dilinə uyğunlaşdırılması haqqında Qanun qüvvədə olan qanundur və məhkəmə üçün əsasdır. Həmçinin Mülki Məcəllənin 26.4-cü (Fiziki şəxsin qanunla müəyyənləşdirilmiş qaydada öz adını dəyişdirmək ixtiyarı vardır) maddəsi nəzərə alınmalıdır.

Sualınıza görə təşəkkür edirik.

2010-07-21

 

123  Niki (22-07-2010). Salam! Əgər İşçinin daimi iş yeri varsa, onu digər iş yerinə mütəxxəsis kimi müəyyən bir müddətə işə cəlb edirlərsə, onunla hansı məcəlləyə əsasən müqavilə bağlamaq qanuna uyğun olar?

 

Salam.

Sual bir az qeyri adi şəkildə verilib. Amma nəisə, Əmək Məcəlləyə (Əmək müqaviləsi) və ya Mülki Məcəlləyə (Podrat müqaviləsi) əsasən.

Sualınıza görə təşəkkür edirik.

2010-07-22

124  Aynur (23-07-2010). Salam aleykum. Bilmək istərdim Şəhid ailələrin mənzil ilə (ev) təmin olunmasına hansı dövlət qurumu cavabdehdir, və bu mənzilin verilməsi proseduru hansı əsaslarla aparılır.

 

 

Salam.

Şəhid adının əbədiləşdirilməsi və şəhid ailələrinə edilən güzəştlər haqqında Qanunun 4-cü maddəsinə əsasən mənzil şəraitini yaxşılaşdırmağa ehtiyacı olan şəhid ailələri yaşayış sahəsi ilə birinci növbədə təmin olunurlar.

Həmin qanunun 5-ci maddəsinə əsasən şəhid və şəhid ailələrinin məsələləri ilə Azərbaycan Respublikasının Müdafiə Nazirliyi, Əmək və Əhalinin Sosial Müdafiəsi Nazirliyi və yerli icra hakimiyyəti orqanları məşğul olurlar. Onlar şəhid ailələrinə tibbi və sosial xidmət göstərilməsi, mənzil tikintisi və təsərrüfatla məşğul olmaq üçün torpaq sahələri ayrılması, ailə üzvlərinin işə düzəldilməsi, habelə digər yardım göstərilməsi məsələlərini qarşılıqlı əlaqə şəraitində həll edirlər.

Sualınıza görə təşəkkür edirik.

2010-07-23

 

125  Aynur (23-07-2010). Salam Aleykum. Cavablarınıza görə təşəkkürlər. Bir sualım da var... Məhkəmənin qərarı məhkəmə icraçısı tərəfindən və ya cavabdeh tərəfindən icra olunmadıqda (ləngidildikdə) hara müraciyyət etmək lazımdır, və hansı əsaslarda.

 

Salam.

Əgər icra məmuru (keçmiş məhkəmə icraçıları) İcra haqqında Qanunun (yeni dəyişikliklər 18 iyun 2010-cu il tarixində baş verib) 13-cü və digər maddələrdə göstərilən müddətləri pozursa Ədliyyə Nazirliyinin Məhkəmə İcraçıları Baş İdarəsinə (ola bilsin ki, yeni qanunun qəbul olunması ilə bağlı bu qurumun adı dəyişiləcək) və məhkəməyə şikayətlə (həmin qanunun 16.3, 23.7, 29-cu maddələrinə əsasən) müraciət edə bilərsiniz.

Sualınıza görə təşəkkür edirik.

2010-07-23

 

130  Taleh (28-07-2010). Salam. Sizlərə əziyyət vermək istəməzdim ama məcbur oldum. İnzibati xətalar məcəlləsində və Yol Hərəkəti haqqında qanunda nə qədər axtarsamda rast gəıə bilmədim.Zəhmət olmasa kömək edin. Sürücünün DYP-nin əməkdaşına sənədləri təqdim etmədiyinə görə cəriməsi və məsuliyyəti nədir? Bu hərəkəti tənzimləyən qanun zəhmət olmasa deyin. Əvvəlcədən minnətdaram.

 

Salam.

Yol-Patrul Xidməti haqqında Təlimatın 3.4.4.4-cü bəndində göstərilən sənədləri (sürücülük vəsiqəsini, nəqliyyat vasitəsinin qeydiyyat şəhadətnaməsini və s) müfəttiş sürücüdən tələb etmək səlahiyyətinə malikdir.

Qeyd etdiyiniz məsuliyyət isə aşağıda göstərilib:

İnzibati Xətalar Məcəlləsinin 310-cu maddəsinin 1-ci bəndi:

Polis işçisi ictimai qaydanın mühafizə vəzifələrini icra edərkən, onların qanuni tələblərinə qəsdən tabe olmamağa görə —

fiziki şəxslər iyirmi manatdan iyirmi beş manatadək miqdarda cərimə edilir və ya işin halları və pozuntu törədənin şəxsiyyəti nəzərə alınmaqla, bu tədbirlərin tətbiqi kifayət hesab edilmədikdə on beş günədək müddətə inzibati həbs tətbiq olunur.

Sualınıza görə təşəkkür edirik.

2010-07-28

 

 

126  Aynur (27-07-2010) Salam. Chox xahis edirem mumkunse cavablandirasiniz. 2 qrup gozden elil nece saatla,daha dogrusu ne qeder ders yuku ile isleye biler. Men mektebde isleyirem, direktor defelerle elan edib ki, elil muellim isleye bilmez. Men de bunu gizledirem, Eger bunun ustu acilsa meni isden cixara bilerler?evvelceden tesekkurler

 

Salam.

Bunu həkim arayışı əsasında edə bilərsiniz. Həkim müəyyən etməlidir ki, bu iş sizin gözünüzə necə təsir edə bilər və siz neçə saat işləyə bilərsiniz. Direktorunuza isə məsləhətxananın 81-ci sualında qeyd olunan normativ aktları göstərin.

Sualınıza görə təşəkkür edirik.

2010-07-27

127  Gulnar (27-07-2010) Salam, men sumqayit seherinde yataqxanada yasayiram,2 il bundan evvel puluynan almmisam, dovlet vermeyibozel deyil. Oglum ve men o yataqxanaya propiskayiq, amma o yataqxana zavodun yataqxanasidir ve menim hec bir senedim yoxdur. Kecmis heyat yoldasim muvafiq idarelere muraciet edib, yataqxanani elimden alacagini deyir, ozune qalmasa da, deyir sene de qalmasin qoy pulun batsin, ne ede biler o? belke yataqxanani vaxtinda satim?

 

 

Salam.

Əgər keçmiş həyat yoldaşınızla birgə yaşayarkən bu əmlakı almışsınızsa onda o, həmin əmlaka iddia edə bilər. Əks təqdirdə onun belə hüququ yoxdur. Bundan başqa, çox maraqlı haldır ki, qeyd etdiyiniz daşınmaz əmlaka sizin heç bir sənədiniz yoxdur. Bu özü-özlüyündə çox təəccüblü haldır. Çalışın daşınmaz əmlaka olan hüquqlarınızı sənədləşdirin və qanunlaşdırın.

 

129  Gulnar (27-07-2010) Yataqxanani ozum almisam. bosandiqdan sonra, yataqxanadaki menzil adimadir ve ora qeydiyyatdayam.amma o yataqxanalar özellesmeyib. Orada yasayanlar hamisi eledir. Sizce yoldasim sikayet etse elimden alarlar menzili.

 

Birdə salam.

Məsləhətxananın qaydalarında göstərilib ki, bir məsələyə aid bir dəfə sual vermək olar. Kimə şikayət edə bilər və nə əsasla bu yaşayış sahəsindən sizi çıxartmalıdırlar? Məsələyə aid bizim az məlumatımız var. Ola bilsin ki, qeyri-qanuni orda yaşayırsınız və ya keçmiş ərinizdə başqa bir səbəb var. Bir qayda olaraq boşandıqdan sonra alinan mülkiyyət yalnız sizə məxsusdur. Hər bir halda çalışın mülkiyyət hüququnu təsdiq edən sənədlər toplusu olsun (onda sizin hüquqlarınız tam müdafiə olunur). Daşınmaz əmlak alınarkən bunu nəzərinizdə saxlayın.

Bu qədər.

2010-07-27

131  Vasif (28-07-2010). Erle arvad boshandiqda 1 yashli ushaq qanunla ataya verilir ya anaya?

 

Salam.

Ailə Məcəlləsinin 22.2.1-ci maddəsinə əsasən boşanmadan sonra yetkinlik yaşına çatmayan uşaqların valideynlərindən hansının yanında qaldığını müəyyən edilməsi məhkəmə tərəfindən həll olunur. Lakın həmin Məcəllənin 3.0.4-cü maddəsinə uyğun olaraq ana və uşaqların mənafeyinin hərtərəfli müdafiəsi əsas prinsiplərdən biridir və Ailə Məcəlləsinin vəzifəsidir. Bununla əlaqədar, adətən məhkəmələr uşaqları analara verir.

Sualınıza görə təşəkkür edirik.

2010-07-28

132  Murad (28-07-2010). İşcinin vezifesinin ve ya emek haqqisinin mueyyen muddete ve ye hemişelik aşagi silinmasi huquqi cehetden dogrudurmu...

 

 

Salam.

Əmək Məcəlləsinin 186-cı maddəsində intizam məsuliyyətinin növləri göstərilb. Əgər intizam tənbehi işçinin əmək haqqına yönəldilibsə, onda yalnız işçi aylıq əmək haqqının 14-i məbləğindən çox olmamaq şərtilə cərimə edilə bilər.

Əgər işçi Əmək Məcəlləsinin 62-ci maddəsinə əsasən işdən kənar edilibsə, onda işdən kənar edilən vaxt ərzində işçiyə əmək haqqı verilmir. Attestasiya əsasında da işçinin əmək haqqı aşağı salına bilər, amma həmkarlar ittifaqları təşkilatının iştirakı ilə ola bilər (Əmək Məcəlləsinin 156-cı maddəsi). Yani işəgötürənin əsası yoxdursa qeyd etdiyiniz hərəkətləri edə bilməz, əks təqdirdə işəgötürən məsuliyyətə cəlb oluna bilər.

Sualınıza görə təşəkkür edirik.

2010-07-28

 

133  Elcin (29-07-2010) Salam. Mən həyat yoldaşımla VVAQ idarəsində kəbin kəsdirmək üçün hansi sənədlər təqdim etməliyəm və nə qədər dövlət rüsumu ödəməliyəm. Əvvəlcədən təşəkkürlər

 

Salam.

Kəbin kəsdirmək daha çox dini anlayışdır, nigaha daxil olmaq daha düzgün olar (1-ci qanun tərəfindən tanınmır, ikinci isə tanınır). Belə ki, əgər nigaha daxil olmaq istəyirsinizsə vətəndaşlıq vəziyyəti aktlarının dövlət qeydiyyatı Qeydiyyat şöbəsinə ərizə ilə müraciət etməlisiniz.

Daha ətraflı məlumat almaq üçün Vətəndaşlıq vəziyyəti aktlarının dövlət qeydiyyatı Qaydasının 3-cü bölməsinə (NİKAHIN QEYDƏ ALINMASI) baxmağınız məsləhətdir.

Nikahın qeydə alınması üçün dövlət rüsumu - 5 manatdır (Dövlət rüsumu haqqında Qanunun 12.1-ci maddəsi).

Sualınıza görə təşəkkür edirik.

2010-07-30

 

134  Anar (30-07-2010). Salam, evvelcden size gostereceyiniz komeye gore minnetdarligimi bildirierem. Zehmet olmasa cavablandirasiniz: Avtomobili ayaqqabidan basqa diger ayag geyimi vasitesile idare etmek olar? Eger olmazsa bu neye esaslanir ve bu barede ne qeder cerime tetbiq olunur?

 

Salam.

Xeyr. Azərbaycan qanunvericiliyində qeyd edilən məsələ nəzərdə tutulmayıb. Ayaqyalın da sürmək olar. Buna baxmayaraq bir-sıra dövlətlərdə əgər şap-şapla nəqliyyat vasitəsini sürərkən yol-nəqliyyat qəzası baş vermişdirsə məsuliyyətin həddi arta bilər (misal üçün İsveçrə). Çünki çox vaxt şap-şap pedala ilişərkən nəqliyyat vasitəsini idarəedilməz edə bilər və ya digər səmtə yönəldə bilər. Buna görə də əgər qanunverici bu cür müddəanı qanuna əlavə etsə təəccüblü olmaz. Amma hələ ki, buna görə heç bir vətəndaş məsuliyyətə cəlb oluna bilməz.

Sualınıza görə təşəkkür edirik.

2010-07-30

 

135  Gulshen (30-07-2010). Salam, zehmet olmasa deyin ele hal. yeni mubahise ola bilermi bir basa ALI mehkemeye muraciet edilsin 1-ci instansiya mehkemelerine ve appelyasi mehkemesine muraciet etmeden? Eger olarsa hansi hallarda?

 

 

Salam.

Mülki Prosessual Məcəlləsinin 433-cü maddəsinə əsasən qanuni qüvvəyə minmiş məhkəmə aktlarına yeni açılmış hallar üzrə Azərbaycan Respublikası Ali Məhkəməsinin plenumu baxır. Yeni halların aşkar olunduğu gündən 1 aydan gec olmayaraq Azərbaycan Respublikası Ali Məhkəməsinə verilə bilər.

Sualınıza görə təşəkkür edirik.

2010-07-31

 

136  Aynur (31-07-2010). Salam aleykum kömək etməyinizə görə təşəkkür edirəm. Mənim məsləhətxananın 125 sualı ilə bağlıdır sualım yaranıb orada göstərilib ki, "məhkəməyə şikayətlə (həmin qanunun 16.3, 23.7, 29-cu maddələrinə əsasən) müraciət edə bilərsiniz."

 

Salam.

Nəzər yetirdiyinizə görə çox sağ olun. Səhv düzəldildi. Hostinq ilə bağlı dəyişikliklər edilərkən bəzi məlumatlar silinmişdir. Biz onları bərpa edirik. Əgər bu cür səhvləri yenidən aşkar etsəniz xahiş edirik xəbər verin.

Təşəkkürlər Aynur xanım.

2010-07-31

137  Susen (31-07-2010). Salam men (S.A.A. gizlədilib) yazaraq size bildirirem ki, menim bacim Naile 2009-cu ilde bir nefere qacmishdir sonradan ondan teziqler gormus hetta bicaqla onun bedenine xesaretler yetirmisdir bacim eve qayitmaq isteyir ama ona yene de teziq ederek qorxudurlar. Bir usagi var. bizi qoymurlar bacimi gormeye. Ama dunen bize qonsudan zeng eletdiribler bacima ki gelmek istemediyini bildirib. Bellidir ki necese qorxudublar. Xahis edirik bir meslehet veresiniz biz neyniyek.

 

Salam.

Etibarınıza görə təşəkkür edirik. Baxmayaraq ki, hüquqi məsləhətin bu vəziyyətdə az faydası olacaq məsləhət görərdik ki, hüquq mühafizə orqanlarına müraciət edəsiniz. Lakın biz başa düşürük ki, bu cür addımın atılması çətinlik çəkə bilərsiniz. Buna görə də ilk öncə Hüquqşünas Qadınlar Assosiyasiyasına, Azərbaycan Qender İnformasiya Mərkəzinə, Amerika Hüquqşünaslar Assosiasiyasına (Bakı ofisi) müraciət edin. Bu təşkilatlar qadın zorakılığına qarşı mübarizə aparırlar və təsir imkanları daha genişdir. Çalışın onlarla görüş təşkil edin və problemlərinizi açaıqlayın.

Müraciətinizə görə təşəkkür edirik. Mübarizə aparın. Qorxmayın.

2010-07-31

138  Nariman (01-08-2010). 4 mertebeli binanin 1-ci mertebesinin (ozel-sexsi) altindaki yarim zirzemi mulki ganunverijiliye gore mene mexsusdurmu?

 

 

Salam.

Mənzil Məcəlləsinin 35.1-ci maddəsinə uyğun olaraq yaşayış binasının tərkib hissəsinin mülkiyyətçilərinə həmin binada mənzillərin hissəsi olmayan və binada birdən artıq sahəyə xidmət etmək üçün nəzərdə tutulan obyektlər (o cümlədən, mənzillərarası pilləkən meydançaları, pilləkənlər, liftlər, lift şaxtası və ya digər şaxtalar, dəhlizlər, texniki mərtəbələr, çardaqlar, mühəndis qurğuları olan zirzəmilər, həmin binada birdən artıq sahəyə xidmət edən avadanlıq (texniki zirzəmi) və s.) ümumi paylı mülkiyyət hüququ ilə mülkiyyətçilərə məxsusdur.

Əgər həmin sahəyə (zirzəmiyə) qanuna uyğun mülkiyyət hüququnu almaq istəyirsinizsə digər mülkiyyətçilərdən onların paylarını almalısınız və sonradan müvafiq qaydada özəlləşdirməlisiniz.

Sualınıza görə təşəkkür edirik.

2010-08-01

 

139  Xalide (01-08-2010). Salam. Size bele bir sualim var. Men fransada yasayan aerbaycan vetendasiyam. Bu ilin 4 iyul tarixinde buraya oglumla gelmisem ve hec bir problem yaranmayib. Bugun 1 avgust tarixinde burdan fransaya geri ucmaq isterken, serhedden meni ve oglumu buraxmadilar ki, atasinin raziligi lazimdir, hal bu ki usagin atasi yoxdur ve onu men tek boyudurem. Usaq fransada anadan olub ve menim soy adimi dasiyir. Onun dogum haqqinda sehadetnamesinde de sadece menim adim yazilib. orda Azerbaycan konsulumuz dogum haqqinda sehadetnamesini tercume eletdirib mohurleyib, usagin adini da seklini de menim pasportuma vurmusdu, ve ordan bura men hec bir ata raziligi olmadan gelmisem. indi de menden burda o kagizi isteyirler. ya da deyirler tek ana forma 4 kagizini alin VVAQ sobesinden. orda da biz vere bilmerik cunki usaq Fransada olub burda qeydiyyatda deyil deye. Men ne edim, bu durumdan cozumu hardan axtarim?

 

 

Salam.

“Ölkədən getmək, ölkəyə gəlmək və pasportlar haqqında” Azərbaycan Respublikası Qanununun tətbiqi haqqında” Əsasnamənin 11-ci bəndinə əsasən 18 yaşına çatmamış vətəndaş qanunla müəyyən edilmiş qaydada, bir qayda olaraq, ölkədən yalnız valideynlərindən birinin və ya qanuni nümayəndəsinin müşayiəti ilə və onların pasportlarına yazılmaqla və fotoşəkilləri yapışdırılıb möhürlə təsdiqlənməklə gedə bilər.

Ailə Məcəlləsinin 46.3-cü maddəsinə əsasən uşaq nikahı olmayan anadan olduqda və atalığın müəyyən olunması barədə valideynlərin birgə ərizəsi və ya məhkəmənin qətnaməsi olmadıqda, doğum haqqında şəhadətnamədə uşağın atasının soyadının əvəzinə ananın soyadı yazılır. Uşağın atasının və babasının adı uşağın anasının göstərişi üzrə yazılır.

Bununla da səlahiyyətli şəxslərin bu cür addımları əsassızdır. Siz müvafiq qaydada yuxarı instansiyalara və məhkəməyə şikayət edə bilərsiniz.

Sualınıza görə təşəkkür edirik.

2010-08-01

 

140  Sahla (03-08-2010). Salam. Sizə sualım belədir: İki ay müddətinə işlədikdən sonra müəssisədə ştatların ixtisarı səbəbilə məni işdən azad elədilər. Bİlmək istərdim ki, bu zaman mənə nə qədər pul ödənilməlidir. Ancaq maaslamçı kifayətlənməliyəm yoxsa əmək məcəlləsində nəzərdə tutulduğu kimi ikinci və ücüncü aylar ucun də orta əmək haqqı ilə ödəmə edilməlidir? və eyni zamanda məndən isdən oz xahisim ilə azad olunmam barədə ərizə yazmamı istədilər. Bu ərizəni yazmagim nə qədər dogrudur? Xahis edirəm mənə ətraflı cavab verəsiniz ki, əlavə haqq tələb etmək hüququm var və nə qədər? Əvvəlcədən minnətdaram.

 

 

Salam.

Bildiyiniz kimi, Əmək Məcəlləsinin 11-ci maddəsinin (ə) bəndinə əsasən işçilərin sayını ixtisar etmək işəgötürənin əsas hüquqlarından biridir. Lakın bununla belə işəgötürən həmin Məcəllənin 77-ci maddəsinin tələblərinə riayət etməlidir. Belə ki, işçilərin sayı və ya ştatları ixtisar edildikdə işəgötürən əmək müqaviləsini ləğv etməzdən azı iki ay əvvəl işçini rəsmi xəbərdar etməlidir (və ya xəbərdarlıq müddətləri əvəzinə işçiyə onun razılığı ilə azı iki aylıq əmək haqqını bir dəfəyə ödəmək).

Əgər müqaviləyə həmin əsasla (ixtisar) xitam verilirsə sizin orta əmək haqqından az olmamaqla işdənçıxarma müavinəti və işdən çıxarıldığı gündən yeni işə düzələn günədək ikinci və üçüncü aylar üçün orta əmək haqqı almalısınız. Orta əmək haqqı müvafiq icra hakimiyyəti orqanı (Baş Məşğulluq idarəsi və onun yerli orqanları) tərəfindən işçiyə verilən müvafiq arayışlar əsasında ödənilir. Həmin arayış işdən çıxan gündən bir ay müddətində həmin orqanda qeydiyyata alınan şəxslərə verilir. Bu ödəmələr işəgötürən tərəfindən ödənilməlidir və xəbərdarlıq müddətləri əvəzinə verilən haqqa hala şamil olunmur.

Amma bir məsələ də var. Əgər əmək müqaviləsində sınaq müddəti göstərilibsə (misal üçün 3 ay), onda Əmək Məcəlləsinin 53.1-ci maddəsinə əsasən sınaq müddəti qurtaranadək tərəflərdən biri digərinə üç gün əvvəl yazılı xəbərdarlıq etməklə əmək müqaviləsini poza bilər. Buna görə də Əmək Kontraktınıza diqqətlə baxın.

Sualınıza görə təşəkkür edirik.

2010-08-04

 

141  Röyal (03-08-2010) Salam. Mən aldığım birinci təhsilim ödənişsiz əsaslarla olduğundan qəbul olduğum ikinci təhsilim ödənişli əsaslarla olacaq. Amma mənim buna maddi imkanım catmır. Təhsilimin haqqını ödəmək üçün hansısa Dövlət müəssəsinə müraciət edə bilərəm? Və hansi Dovlət müəssəsinə? Xahiş edirəm ətraflı cavablandırın.

 

 

Salam.

Bəli təəssüflər olsun ki, Təhsil haqqında Qanunun 5.4-cü maddəsinə əsasən dövlət оrta iхtisas təhsilində və ali təhsilin hər bir səviyyəsində qanunvericiliyə uyğun оlaraq təhsilalanların yalnız bir dəfə pulsuz təhsil almaq hüququnu təmin edir. Yəni hər bir halda ikinci dəfə ali təhsil almaq yalnız ödənişli ola bilər.

Sualınıza görə təşəkkür edirik.

2010-08-03

 

142  Tima (04-08-2010). Salam, men bir neferden avtomobil almaq isteyirem, hansi senedlesmeler olmalidir xahis edirem etrafli cavablandirasiniz.

 

 

Salam.

Əgər doğrudanda bu barədə ətraflı bilmək istəyirsinizsə Mexaniki nəqliyyat vasitələrinin və onların qoşqularının müəyyən edilmiş qaydada dövlət qeydiyyatından keçirilməsi və dövlət qeydiyyatı üzrə uçota alınması haqqında Əsasnamənin 2.8, 2.9, 4.1 və 4.2-ci bəndlərinə nəzər yetirmək lazımdır.

Belə ki, nəqliyyat vasitəsinin sahibi dəyişildikdə aşağıdakı sənədlər təqdim edilməlidir:

1) ərizə;

2) Azərbaycan Respublikası vətəndaşının şəxsiyyət vəsiqəsi (müvafiq olaraq Azərbaycan Respublikasının ərazisində əcnəbinin qeydiyyata alınması haqqında vəsiqə və ya Azərbaycan Respublikasının hüdudlarında istifadə edilməsi üçün vətəndaşlığı olmayan şəxsin şəxsiyyət vəsiqəsi);

3) Azərbaycan Respublikasının qanunvericiliyi ilə müəyyən edilmiş qaydada onun sahibliyini təsdiq edən müvafiq sənəd və ya məhkəmənin qərarı;

4) Azərbaycan Respublikasının qanunvericiliyi ilə müəyyən edilmiş rüsumların və ya vergilərin və yığımların ödənilməsi barədə qəbz;

5) Xarici dövlətlərdən alınaraq Azərbaycan Respublikasının ərazisinə hüquqi və fiziki şəxslər tərəfindən gətirilmiş nəqliyyat vasitəsi üçün gömrük orqanlarının verdiyi icazə sənədi, nəqliyyat vasitəsinin əvvəl qeydə alındığı dövlətin daimi qeydiyyatından çıxarıldığına dair sənədi, onun qeydiyyat və ya tranzit nişanlarını.

Həmçinin nəqliyyat vasitəsinin mülkiyyətçisi və alıcı arasında yazılı şəkildə tərtib edilmiş və Azərbaycan Respublikası Daxili İşlər Nazirliyinin Dövlət Yol Polisinin Qeydiyyat-imtahan məntəqələrində təsdiq olunmuş alqı-satqı (Əsasnaməyə 1 nömrəli əlavə), yaxud dəyişmə (Əsasnaməyə 2 nömrəli əlavə) müqaviləsi. Bağlanmış müqavilənin doğruluğunun təkzibedilməz şərti qeydiyyat məntəqəsində satıcı və alıcının (onların vəkil etdikləri şəxslərin) iştirakıdır.

Müqavilə üzrə əmlak digər vətəndaşın və ya hüquqişəxsin mülkiyyətinə keçirsə nəqliyyat vasitələrinin özgəninkiləşdirilməsi müqavilələrinin təsdiqi üçün dövlət rüsumu - 50 manatdır (Dövlət rüsumu haqqında Qanunun 10.2.2-ci bəndi).

Nəqliyyat vasitələrinin illik texniki baxışdan keçirilməsinə görə - 10 manat;

Nəqliyyat vasitələrinin texniki uçot göstəricilərinə dəyişikliklər edilməsi zamanı və ya nəqliyyat vasitəsi alıcısının tələbi ilə nəqliyyat vasitələrinə texniki baxış keçirilməsi üçün - 10 manat;

Nəqliyyat vasitələrinin qeydiyyatına (təkrar qeydiyyatına, daimi və müvəqqəti uçota alınmasına, nəqliyyat vasitələrinin özgəninkiləşdirilməsi haqqında müqavilələrin müvafiq icra hakimiyyəti orqanlarında dövlət qeydiyyatına) görə - 10 manat;

Sualınıza görə təşəkkür edirik.

2010-08-04

 

143  Arzu (04-08-2010). Salam. Xahiş edirəm Mənə imkan daxilində köməklik göstərəsiniz. Bakı şəhərində qeyri stasionar ticarət obyektlərinin (yəni bünövrəli tikinti yox, yığılma metal-plastik konstruksiya 16-20 kv.m.) yerləşdirilməsi qaydalarını bilmək istərdim. Hansı orqanlara (yerli İH və ya Bakı şəhər İH) və hansı qaydada sənədləşmə aparılmalı, hansı sənədlər toplanmalıdı, rüsum varmı? Əvvəlcədn təşəkkürlər.

 

 

Salam.

Səyyari (mövsümi) ticarət və xidmətlər (hüquqi və fiziki şəxslərin xüsusi müəyyən edilmiş yerlərdə səyyar (əldən, özüyeriyən və ya daşınan) vasitələrlə həyata keçirdikləri fəaliyyət növü) Bakı şəhəri səyyar (mövsümi) ticarət və xidmətlərinin aparılması Qaydalarına uyğun olaraq həyata keçirilir.

Səyyari (mövsümi) ticarət və xidməti həyata keçirmək istəyən hüquqi və fiziki şəxslər məktub və ərizə ilə Bakı Şəhər İstehlak Bazarı və Xidmət Departamentinə müraciət etməlidir. Müraciətdə fəaliyyətin həyata keçiriləcəyi yer və onun konkret növü göstərilməlidir. Həmin dövlət qurumu ərizənizə baxdıqdan sonra sizə müvafiq icazə verməlidir (mövsümdən asılı olaraq 6 ay, 1 il və ya daha çox ola bilər).

 

Dövlət rüsumu haqqında Qanunun 31.2-ci maddəsinə əsasən mövsümi (səyyari) ticarət və xidmət yerlərinin müəyyən edilməsinə görə Bakı şəhəri üzrə dövlət rüsumu - 60 manatdır.

Sualınıza görə təşəkkür edirik.

2010-08-04

144  Vasif (04-08-2010). Sual-1. Sürücülük vəsiqəsini almaq üçün sürücülük məktəbini oxumaq lazımdır. Məktəbi bitirdikdən sonra vəsiqəni almaq üçün kompyuterlə şablon imtahanı verildiyini bilirəm. Bəs sürücülük təlimi vərdişindən də imtahan verilir ya yox. Xahiş edirəm varsa qanunu yazasınız. Sual 2.Mən İsmayıllıda yaşayıram və istəyirəm ki öz yoldaşımı Bakı şəhərindən uçotdan çıxarıb İsmayıllı rayonuna uçota salım.Bunun üçün mene hansı sənədlər lazımdır.təşəkkür edirəm.

 

 

Salam.

1-ci sual ilə bağlı. Əlbəttə ki, təcrübi imtahanlar da keçirilir. Və aidiyyəti məsələləri Nəqliyyat vasitələri sürücülərinin hazırlanması və onların ixtisasının artırılması kursları haqqında Əsasnamənin, Sürücülük vəsiqəsini almaq üçün yol hərəkəti qaydaları üzrə nəzəri və nəqliyyat vasitələrini idarəetmə məsələləri üzrə təcrübi imtahanlara müstəqil hazırlanması qaydalarının və Nəqliyyat vasitəsini idarə etmək hüququ verən sürücülük vəsiqəsi almaq istəyən şəxslərdən imtahanların qəbul edilməsi və onlara sürücülük vəsiqəsinin verilməsi qaydaları haqqında Əsasnamənin təsdiq edilməsi barədə Azərbaycan Respublikasının Nazirlər Kabinetinin qərarı tənzimləyir. Hətta Təcrübi imtahanın keçirilmə metadikası orada əks olunub.

2-ci sual ilə bağlı. Yaşayış yeri və olduğu yer üzrə qeydiyyat haqqında Qanunun 5-ci maddəsinə əsasən yaşayış yerini dəyişdirmiş vətəndaş yeni yaşayış yerinə gəldikdən sonra 10 gündən gec olmayaraq qeydiyyata alınması üçün müvafiq dövlət orqanına müraciət etməlidir (DİN-nin yerli pasport-qeydiyyat idarəsi). Həmin orqan vətəndaşı dərhal qeydə almalı və ona 10 gün ərzində “Azərbaycan Respublikası vətəndaşının şəxsiyyət vəsiqəsi haqqında” Azərbaycan Respublikası Qanununa müvafiq olaraq şəxsiyyət vəsiqəsi verməlidir. Yaşayış yeri üzrə qeydiyyata alınmaq üçün vətəndaş ərizə-anketlə birlikdə aşağıdakı sənədləri təqdim etməlidir:

1) şəxsiyyət vəsiqəsi və ya doğum haqqında şəhadətnamə;

2) yaşayış sahəsinə köçmək üçün əsas verən sənəd (mülkiyyət hüququnun dövlət qeydiyyatına alınması haqqında daşınmaz əmlakın dövlət reyestrindən çıxarış, order, icarə və ya kirayə müqaviləsi, yaxud Azərbaycan Respublikası qanunvericiliyində nəzərdə tutulmuş başqa sənəd) və ya vətəndaşa yaşayış sahəsi verən şəxsin ərizəsi.

Sualınıza görə təşəkkür edirik.

2010-08-04

 

145  Tarana (05-08-2010). Salam men sexsiyyet vesiqemin istifde muddetinden 2 ay kecib. Qanunla men onu deyisherken pasport stolda her hansi bir mebleg odemeliyem yoxsa yox? Eyni zamanda nigaha girmisem, familyami deyishmisem ancaq helede ata evinde qeydiyyatdayam. Aile qurdugum eve qydiyyata dusmek ucun neye gore 200 manat odemeliyem? Xahish edirem mene meslehet verin.

 

 

Salam.

«Yaşayış yeri və olduğu yer üzrə qeydiyyat haqqında» Azərbaycan Respublikası Qanununun tətbiqi haqqında Əsasnamənin 7-ci bəndinə əsasən vətəndaşın 25, 35, 50 yaşına çatması, həmçinin onun soyadının, adının, atasının adının, ailə vəziyyətinin dəyişməsi, şəxsiyyət vəsiqəsinin itirilməsi, yararsız hala düşməsi ilə bağlı şəxsiyyət vəsiqəsi dəyişdirilərkən heç bir əlavə sənəd tələb edilmədən, o, yaşayış yeri üzrə qeydiyyata alınmalıdır.

Yaşayış yeri və olduğu yer üzrə qeydiyyat haqqında Qanunun 5-ci maddəsinə əsasən yaşayış yerini dəyişdirmiş vətəndaş yeni yaşayış yerinə gəldikdən sonra 10 gündən gec olmayaraq qeydiyyata alınması üçün müvafiq dövlət orqanına müraciət etməlidir (DİN-nin yerli pasport-qeydiyyat idarəsi). Həmin orqan vətəndaşı dərhal qeydə almalı və ona 10 gün ərzində “Azərbaycan Respublikası vətəndaşının şəxsiyyət vəsiqəsi haqqında” Azərbaycan Respublikası Qanununa müvafiq olaraq şəxsiyyət vəsiqəsi verməlidir. Yaşayış yeri üzrə qeydiyyata alınmaq üçün vətəndaş ərizə-anketlə birlikdə aşağıdakı sənədləri təqdim etməlidir:

1) şəxsiyyət vəsiqəsi və ya doğum haqqında şəhadətnamə;

2) yaşayış sahəsinə köçmək üçün əsas verən sənəd (mülkiyyət hüququnun dövlət qeydiyyatına alınması haqqında daşınmaz əmlakın dövlət reyestrindən çıxarış, order, icarə və ya kirayə müqaviləsi, yaxud Azərbaycan Respublikası qanunvericiliyində nəzərdə tutulmuş başqa sənəd) və ya vətəndaşa yaşayış sahəsi verən şəxsin ərizəsi.

İnzibati Xətalar Məcəlləsinin 329-cu maddəsinə əsasən vətəndaşın bir aydan artıq müddətdə şəxsiyyət vəsiqəsi olmadan yaşamasına, habelə həmin müddət ərzində yaşayış yeri üzrə qeydiyyatdan keçmədən yaşamasına görə

- xəbərdarlıq edilir və ya üç manatdan beş manatadək miqdarda cərimə edilir.

Dövlət rüsumu haqqında Qanunun 14.5-ci bəndinə əsasən şəxsiyyət vəsiqəsinin dəyişdirilməsinə görə rüsum - 2 manat təşkil edir.

Buna görə də 200 manat məsələsi çox şübhəlidir. Məsləhət görərdik ki, əgər məmurlar korrupsiya hallarına yol verirsə müvafiq qaydada Azərbaycan Rеspublikasının Kоrrupsiyaya qarşı mübarizə üzrə Kоmissiyasına, prokurorluğa müraciət edəsiniz.

Sualınıza görə təşəkkür edirik.

2010-08-05

 

146  Röyal (05-08-2010). Cavabınıza görə təşəkkürlər(141)Xahiş edirəm bir sualımada cavab verəsiniz. Mən İkinci təhsil haqqımı ödənilməsi üçün Təhsil Haqqında Qanunun Maddə 35-i Təhsilalanların sosial müdafiəsi (35.3. Təhsilalanlar üçün qanunvericiliyə uyğun olaraq digər sоsial müdafiə tədbirləri də tətbiq edilə bilər)rəhbər tutaraq Əhalinin Sosial Müdafiə Nazirliyinə və ya Bələdiyyəyə müraciət edə bilərəm?

 

 

Salam.

Müraciət edə bilərsiniz. Lakın təhsil haqqını sosial müdafiə tədbirləri ilə bağlamaq düzgün olmazdır. Sosial müdafiə tədbirləri dedikdə adətən müvəqqəti yaşayış sahəsi ilə təmin edilməsi; məşğulluğun təmin edilməsi; sosial təminat; tibbi təminat; nəqliyyat və mənzil-kommunal və digər güzəştlər başa düşülür.

Bu qədər.

2010-08-05

 

147  Mehriban (05-08-2010). Penitensiar müəssələrdə cəza çəkməkdən azad edilmiş şəxslərin sosial adaptasiyası haqqında" Azərbaycan Respublikası Qanunu email unvanıma göndərməyinizi XAHİŞ EDİRƏM

 

Salam.

Adı çəkilən Qanun burdadır.

Bu qədər.

2010-08-05

148  QABIL (06-08-2010). Salam. Muharibe veteraniyam. Doyusden sonra Polis orqanlarinda Polis neferi kimi fealiyyete baslamisam. Qeyri-qanunu Polisden uzaqlasdirilmisam. Azerbaycan Respublikasinin merhum prezidenti cenab Heydar Eliyev Ilham eliyevle birlikde rayona gelende birbasa onunla gorusmusem ve evvelceden hazirladiqim mektubu merhum Prezidentimize vermisem. Mektubda muharibe veterani olduqumu ve qeyri-qanunu Polisden uzaqlasdirildiqimi yazmisam ve xais etmisem ki, meni oz is yerime berpa etmekde mene komeklik goztercin. Merhum prezidentimiz Heydar Eliyev cenablarinin gosterisine esasen Polise berpa olunmusam. Ustinden 6 ay kecenden sonra ise rayon Polis sobinin reisi ve rayon Prokrolu terefinden ustaliqla hazirlanmis teleye dusmusem. 127 maddenin 2.1 bendi ile eleyhime cinayet isi qaldirilib. Butun rayon rehberleri meni sixisdirmaqa basladilar ki sen niye prezidente sikayet etmisen. Onuda nezerinize catdira bilerem ki, menden basqa prezidente mektub veren ikinci sexsi rayon rehberleri ustunden bir ay kecmedi ki, gulle ile vurub oldurduler ve qaninida batirdilar. Respublika bas Prokrolluquna, Prezident aparatina ve DIN sikayet etmisem. Lakin rayon Prokrolu terefinden Bakiya rusvet yollanilib ve menim sikayetime goz yumublar. Rusiyaya uz tutmusam. 2006-ci ilden Rusiya vetendasiyam. 1993-cu il 22 yanvar Minisk konvensiyasinin 72 ve 73 -cu bendlerine esasen, men Rusiya vetendasi olduquma gore cinayet isi Rusiya istintaq orqanlarina yollanila bilermi? Hansi qanuna esasen cinayet isini Azerbaycandan alib Rusiyaya baxilmaq ucin yollamaq olar?

 

 

Salam.

Siz özünüz bu suala cavab verdiniz. Həmin Minsk Konvensiyasına Azərbaycan 1 sentyabr 1995-ci il tarixində qoşulub (Müstəqil Dövlətlər Birliyinin iştirakçısı olan dövlətlərin «Mülki, ailə və cinayət işləri üzrə hüquq münasibətləri və hüquqi yardım haqqında» Konvensiyasına Azərbaycan Respublikasının qoşulması barədə Milli Məclisin Qərarı). Və bu Konvensiyanın 72 və 73-cü maddəələrinə əsasən cinayət təqibi üzrə tapşırıq olmalıdır. Lakın 75-ci maddəsinə əsasən əgər iş üzrə hökm və ya digər yekun qərar qəbul edilibsə cinayət təqibi üzrə tapşırıq göndərilə bilməz. Hər bir halda Azərbaycan səlahiyyətli orqanın təşəbbüsü olmalıdır (cinayət təqibin Rusiayada aparmaq üçün), əgər cinayət Rusiya ərazisində törədilməyibsə.

Sualınıza görə təşəkkür edirik.

2010-08-07

 

149  Samir (06-08-2010). Salam. Haqqinda Azerbaycan respublikasinin 127 maddesinin 2.1 bendi ile cinayet isi qaldirilmis sexs, nece il gizlendikden sonra uze cixmarsa, hemin cinayet isi leqv olunur?

 

 

Salam.

Yəqin ki, Cinayət Məcəlləsi nəzərdə tutulur.

Cinayət Məcəlləsinin 127-ci maddəsinin (Qəsdən sağlamlığa az ağır zərər vurma) sanksiyasında nəzərdə tutulan maksimal cəza beş ilədək müddətə azadlıqdan məhrum etmədir.

CM-nin 15.3-cü maddəsinə əsasən qəsdən və ya ehtiyatsızlıqdan törədilməsinə görə nəzərdə tutulmuş azadlıqdan məhrum etmə cəzasının yuxarı həddi yeddi ildən artıq olmayan əməllər az ağır cinayətlər hesab olunur.

CM-nin 75-ci maddəsinə uyğun olaraq cinayət törətdiyi gündən az ağır cinayətin törədildiyi gündən yeddi il keçdikdə şəxs cinayət məsuliyyətinə cəlb edilə bilməz. Lakın eyni zamanda, cinayət törətmiş şəxs istintaqdan və ya məhkəmədən gizlənərsə, müddətin axımı dayanır. Bu halda müddətin axımı, həmin şəxs tutulduğu və ya könüllü gəlib təqsirini boynuna aldığı vaxtdan bərpa olunur.

Həmçinin Cinayət-Prosessual Məcəlləsinin 53 və 277-ci maddələridə nəzərə alınmalıdır.

Sualınıza görə təşəkkür edirik.

2010-08-06

 

151  Seymen (07-08-2010) Dasinmaz emlakin ozgeninkilesdirmek ucun hansi senedler lazimdir. Nezerinize catdiriram ki emlak anadan ogula kecir. Ve rusum ne qederdir?

 

 

Salam.

Bu cür suallar Məsləhətxanada dəfələrlə cavablandırılmışdır. Daşınmaz əmlakın dövlət reyestri haqqında Qanunun 8, 9, 10 maddələrinə nəzər yetirin. Həmçinin aidiyyəti suallar Məsləhətxananın 1, 5, 6, 62, 79 və digər suallarında cavablandırılmışdır.

Dövlət rüsumu haqqında Qanunun 26-cı maddəsinə nəzərə yetirsəniz rüsümlar barədə də geniş məlumat ala bilərsiniz. Əgər övladınızın adına keçirmək istəyirsinizsə. Bağışlama müqaviləsi tərtib edib notarial qaydada təsdiq etməklə. Daşınmaz əmlakın dövlət reyestri haqqında Qanunun yuxarıda qeyd edilən maddələrə əsasən hayata keçirilir.

Sualınıza görə təşəkkür edirik.

2010-08-07

 

152  Royal (07-08-2010). Təhsil Haqqında Qanunun Maddə 35-i Təhsilalanların sosial müdafiəsi (35.3. Təhsilalanlar üçün qanunvericiliyə uyğun olaraq digər sоsial müdafiə tədbirləri də tətbiq edilə bilər) Nece basa dusulur?

 

Salam.

Məsləhətxananın 146-cı sualına baxa bilərsiniz. Həmçinin Məsləhətxananın qaydalarının 3-cü bəndinə əsasən bir məsələyə aid aid bir dəfə sual vemək olar.

Bu qədər.

2010-08-07

153  Gulshen (07-08-2010). Salam. Biz 1900 cu ilde tikilmis kohne binada yasayiriq. otagimizin sahesi 59kv metrdir. otagin altinda 45 kv metr olan zirzemi yerlesir. 1981-ci ilden bu evde yasayiriq. Kanalizasiya ve su durbalarimiz bu zirzemide yerlesir, orani bize icareye vermisdiler. Onuda qeyd edim ki bura dovlet mulkiyyetindedir ve indi orani basqa birine satmaq isteyirler. Burani qanuni yolla ozellesdirmek ucun ne qeder dovlet rusumu odemelik ve ne etmeliyik.

 

Salam.

 

İş ondadır ki, yeni Mənzil Məcəlləsinin 35-ci maddəsinə əsasən zirzəmilər ümumi paylı mülkiyyət hüququ ilə mülkiyyətçilərə məxsusdur. Lakın hələ də köhnə Mənzil Məcəlləsinin bir çox müddəaları tətbiq edilir. Bunu və məsələ mübahisəli olduğunu nəzərə alaraq siz məhkəməyə müraciət edə bilərsiniz.

Belə ki, 1 noyabr 1994-cü il tarlixli 919 №-li Qanuna uyğun olaraq vətəndaşa xüsusi mülkiyyət hüququ ilə məxsus olan yaşayış evinin (evin bir hissəsinin) sahəsi, otaqlarının və mərtəbələrinin sayı, habelə yardımçı xidmət binalarının (zirzəmi, anbar, hamam, mətbəx və s.) sahəsi məhdudlaşdırıla bilməz. Özəlləşdirmə isə Azərbaycan Respublikasında mənzil fondunun özəlləşdirilməsi haqqında Qanuna əsasən həyata keçirilir.

Sualınıza görə təşəkkür edirik.

2010-08-08

 

154  Venera (07-08-2010). Salam xahish edirem sualimi cavablandirasiniz. 7-8 ay bundan qabaq yoldashimdan resmi olaraq boshanmama baxmayaraq ushaqin alimentini bir defede olsun odemeyib, bilmek isteyirem bir il muddetinde odemese menim huququm neye catir? Yeni ne ede bilerem? Ustelikde ushaqla danishmaq isteyirem deyib meni hedeleyir, demek olar ki her gun..indi bilmirem kime muraciet edim.

 

Salam.

Əgər aliment məhkəmə qaydasında müəyyən edilibsə (Ailə Məcəlləsinin 13-16, 76 maddələri və 17-ci fəsli) siz keçmiş həyat yoldaşınızın iş yerinə (məhkəmə vasitəsilə) icra vərəqi təqdim etməklə alimenti onun əmək haqqından tuta bilərsiniz.

Bundan başqa İcra haqqında Qanunun 12.2.1-ci maddəsinə əsasən alimentlərin, habelə bu ödəmələr üzrə bütün borc məbləğlərinin tutulması haqqında icra sənədləri dərhal icra olunmalıdır.

Sualınıza görə təşəkkür edirik.

2010-08-08

155  Mehri (08-08-2010). 21 YASLI genc usaqliqdan Bronxial astma tez tez residiv veren agir gedisli 2 derece dioqnozu ile usaqliqdan 17 yasina kimi 3-cu qrup elilliye gore pensiya alirsa 17 yasindan sonra ilde 2 defe proflaktik mualice ve duzgun qida temizliye riayyet neticesinde xesteliyinin inkisafi sengiyibse ve elilliye gore hekim komissiyasina muraciet etmirse Universiteti bitirdikden sonra esgerliye aparila biler? Nezerinize catdirim ki allergiya meselli bronxlarin iltihabi ile elaqedardir. Seheddin qorunmasina xususi diqqet teleb edir.

 

Salam.

Azərbaycan Respublikasında hərbi xidmətə çağırışın əsasları haqqında Qanunun 13-cü maddəsinə əsasən

Tibbi müayinənin nəticələrinə uyğun olaraq rayon, şəhər, şəhərdə rayon çağırış komissiyası hərbi-həkim ekspertizası haqqında Azərbaycan Respublikası Nazirlər Kabinetinin təsdiq etdiyi Əsasnamə üzrə aşağıdakılar barəsində qərar çıxarıb çağırışçıya elan edir:

• həqiqi hərbi xidmətə yararlılıq haqqında;
• səhhətinə görə həqiqi hərbi xidmətə müvəqqəti yararsız hesab edilməklə çağırışa bir ilədək müddətə möhlət verilməsi haqqında;
• dinc dövrdə həqiqi hərbi xidmətə yararsızlıq, müharibə dövründə məhdud yararlılıq və ehtiyata daxil edilmə haqqında;
• hərbi uçotdan çıxarılmaqla həqiqi hərbi xidmətə yararsızlıq haqqında.

Hərbi-həkim komissiyasının rəyi ilə razılaşmadıqda həqiqi hərbi xidmətə çağırılanların qanunvericilikdə müəyyən edilmiş qaydada məhkəməyə müraciət etmək hüququ vardır.

Bunun üçün də Hərbi-həkim ekspertizası haqqında Əsasnamənin 52-ci bəndinə nəzər yetirmək lazımdır:

Maddə	Xəstəliklərin adı, funksiyaların pozulma dərəcəsi	Hərbi xidmətə yararlılıq kateqoriyası
I qrafa	II qrafa	III qrafa
52	Bronxial astma:
a) ağır dərəcəli	D	D	D
b) orta ağır dərəcəli	C	C	C və ya B FƏRDİ
c) yüngül dərəcəli	C	C	B
ç) bronxların dəyişilmiş reaktivliyinin saxlanması ilə 3 il və daha artıq müddətdə tutmaların olmaması	B	B	A HDQ, DP, ÜH, XQ-də yararsız

 

Bronxial astma diaqnozu stasionar müayinədən sonra təyin edilməlidir.

«a» bəndinə xəstənin təkrar stasionar müalicəsini tələb edən, hormonal asılılıqlı, II — III dərəcəli ağciyər və ağciyər-ürək çatışmazlığı ilə müşayiət olunan, ağır və tez-tez baş verən boğulma tutmaları ilə təzahür edən (hər həftə, çox vaxt astmatik hal), nəfəsvermənin zirvə sürətinin (NZS), yaxud sürətləndirilmiş nəfəsvermə həcminin (SNH1) birinci saniyə ərzində normal göstəricilərin 30 %-indən çox gündəlik dəyişmələri və tutmalararası dövrdə NZS-nin, yaxud SNH1-nin normal göstəricilərin 60%-indən az olması ilə xarakterizə olunan bronxial astma aiddir.

«b» bəndinə ayda bir dəfədən az olmayaraq təkrarlanan, müxtəlif bronxgenişləndirici dərmanların yeridilməsi ilə aradan qaldırılan boğulma tutmaları, NZS-nin, yaxud SNH1-nin göstəricilərinin 30 %-dən çox gündəlik dəyişmələri və tutmalararası dövrdə NZS-nin yaxud SNH1-nin normal göstəricilərin 60 — 80% arasında olması ilə xarakterizə olunan bronxial astma aiddir.

«c» bəndinə bronxgenişləndirici dərmanlarla asan aradan qaldırılan, ildə 2 — 3 dəfədən artıq olmayaraq qısamüddətli boğulma tutmaları olan, tutmadan kənar dövrdə simptomların olmaması və ağ ciyərlərin normal funksiyası ilə, NZS-nin, yaxud SNH1-nin 30 %-indən çox gündəlik dəyişmələri və tutmalararası dövrdə NZS-nin, yaxud SNH1-nin normal göstəricilərin 80%-indən çox olması ilə xarakterizə olunan bronxial astma aiddir.

Digər xəstəliklərin fəsadlaşmaları olan bronxospastik (obturasion, endokrin-humoral, nevrogen, toksiki və s.) sindromlar zamanı, hərbi xidmətə yararlılıq kateqoriyası əsas xəstəliyin gedişindən asılı olaraq «Xəstəliklər cədvəli»nin müvafiq maddələri üzrə təyin edilir.

 

Yəni, hərbi-həkim ekspertizasının hansı bir şəxsin hərbi xidmətə yararlı olub-olmadığı barədə əsası olmalıdır.

Sualınıza görə təşəkkür edirik.

2010-08-09

156  Sahmar (09-08-2010). Salam. bilmek isteyirdim usaq ovladliga goturmek ucun hansi senedler lazimdir ve prosedur qaydalari necedir.

 

Salam.

Övladlığa götürmə ilə məlumat toplusu böyük olduğundan ayrıca blok açmaq məcburiyyətində qaldıq.

Bilgini əldə etmək üçün Hüquqi bloklar bölməsində Övladlığa götürmə blokuna daxil olmaq lazımdır.

Sualınıza görə təşəkkür edirik.

2010-08-09

157  Sahmar (09-08-2010). Salam. menim dayimla mulk uzerinde beraber paya malikik. aramizda mueyyen naraziliqlar var. menzilin bolunmesi ve ya satilmasi ucun hansi isleri gormek lazimdir

 

Salam.

Əgər aranızda mübahisəli problemlər varsa çalışın danışıqlar yolu nəticələr əldə edəsiniz. İşdir alınmasa məhkəmə qaydasında bu məsələni həll edə bilərsiniz. Bunun üçün rayon üzrə məhkəməyə iddia ərizəsi ilə müraciət edə bilərsiniz.

Bu qədər.

2010-08-09

 

158  Anar (09-08-2010). Salam, bir daha gosterecyiniz komeye gore minnetdarligimi bildirirem.Zehmet olmasa avtobilin suselerinin plyonka ve ya perde vurulmasi barede aciqlama veresiniz.

 

 

Salam.

Yol hərəkəti haqqında Qanuna 1 saylı Əlavəsinin 7-ci paraqrafına (Konstruksiyanın digər ünsürləri) uyğun olaraq sürücünün görünüş dairəsini məhdudlaşdıran, şüşənin şəffaflığını korlayan, yol hərəkəti iştirakçılarını zədələmək, təhlükəsi yaradanəlavə əşyalar qoyulduqda və ya şüşələrə hər hansı formada və ölçüdə örtüklər (pərdə və plyonka) çəkildikdə nəqliyyat vasitələrinin istismarının qadağan edilməsinə səbəb olur.

Qeyd: Avtomobillərin və avtobusların qabaq şüşəsinin yuxarı hissəsində rəngli, şəffaf plyonka bərkidilə bilər. İşığı buraxması dövlət standartlarının tələblərinə uyğun olan, sənaye üsulu ilə hazırlanan rəngli şüşələrin (güzgü-şüşələrdən başqa) tətbiqinə icazə verilir. Hər iki tərəfdə arxanıgöstərən xarici güzgülər olduqda avtobusun pəncərələrindən pərdə asmağa, eləcə də minik avtomobillərinin arxa şüşələrinə örtük (pərdə və ya plyonka) çəkməyə və yasənaye üsulu ilə hazırlanan jalüz asmağa yol verilir.

Adı çəkilən edilən nasazlıqlara yol veriləndə inzibati məsuliyyətə cəlb olunmasına səbəb olur. Belə ki, İnzibati Xətalar Məcəlləsinin 155.2.1. tormoz sistemi və ya sükan idarə mexanizmi nasaz olan və ya xarici işıq cihazları və ya qabaq şüşənin şüşə silgəcləri və şüşəyuyanları və ya təkərləri və şinləri və ya mühərriyi, yaxud konstruksiyasının digər ünsürləri nasaz olan və belə nasazlığın aradan qaldırılması mümkün olmayan nəqliyyat vasitəsinin istismarına görə

- iyirmi manatdan otuz manatadək miqdarda cərimə edilir.

Sualınıza görə təşəkkür edirik.

2010-08-09

 

159  Ayten (09-08-2010). Salam. Menim sualim budur ki men qizimla yoldasimin evinde qeydiyyatda deyilem. Yoldasim deyirki qardasimla men qeydiyyatdayiq evde. qizimla sen avtomatik qeydiyyata dusursuz ev qardasimla menim adimadi. Bir ev iki qardasin adina ola biler? Bu dogrudur xais edirem cavab yazasiniz,cavabinizi gozleyirem

 

Salam.

Mülki Məcəllənin 213.2-ci maddəsinə əsasən əşya mülkiyyət hüququnda mülkiyyətçilərin hər birinin payı müəyyənləşdirilməklə (paylı mülkiyyət) və ya belə paylar müəyyənləşdirilmədən (birgə mülkiyyət) ümumi mülkiyyətdə ola bilər. Ona görə də ola bilər. Amma qeydiyyatla bağlı şübhəli məsələdir. Avtomatik qeydiyyata düşmə məsələsi Azərbaycan qanunvericiliyində nəzərdə tutulmayıb.

Sualına görə təşəkkür edirik.

2010-08-09

160  Kenan (10-08-2010). Salam adim Kenandi atam saatsazdi Neftcilər metrosunun yaxinliğindaki 5 mərtəbə binanın 1-ci mərtəbəsinə əlavə olunmuş qeyri yaşayış yeri olan 1.2kv metr yerimizi qanunsuz özəlləşdiriblər. Bu haqqda Dövlət Əmak Komitəsinə yazılı sürətdə müraciət edik amma onlar bu yerin köhnə işciləri tərəfindən özəlləşdiyini bildirdilər, dedilərki məhkəməyə müraciət edin bizdə etdik məhkəmə isə bizdən hemin obyektin cıxarışını istədi biz yenidən Əmlak komitəsinə müraciət etdik amma hələ bir cavab yoxdur. Nəzərinizə catdiriram ki atam orada 1990-cı ildən saatsaz kimi işləyir əlimizdə lazımı senedlərdə var amma buna hec kim baxmayir. Sizdən bizə kömək etmənizi xahiş edirəm.

 

 

Salam.

Bəli bu cür məsələlər məhkəmə tərəfindən həll olunur. Əgər qeyd etdiyiniz dövlət qurumu sənədləri təqdim etmirsə və ya yubandırırsa, həmin sənədləri məhkəmə vasitəsilə ala bilərsiniz. Belə ki, Mülki Prosessual Məcəlləsinin 78.2-ci maddəsinə əsasən işdə iştirak edən və iştirak etməyən şəxslərdən və ya orqanlardan onlarda olan zəruri sübutları müstəqil əldə etmək imkanı olmadıqda o, həmin sübutları tələb etmək barədə vəsatətlə məhkəməyə müraciət edə bilər. Vəsatətdə bu sübutlarla iş üçün əhəmiyyətli olan hansı halların müəyyən edilməsi, sübutların əlamətləri və olduğu yer göstərilməlidir. Zəruri olan hallarda məhkəmə işdə iştirak edən şəxsə sübutun əldə edilməsi üçün sənəd verə bilər. Məhkəmənin tələb etdiyi sübutu onda olan şəxs bilavasitə məhkəməyə göndərir yaxud məhkəməyə çatdırmaq üçün sorğunu təqdim edən şəxsə verir.

Sualınıza görə təşəkkür edirik.

2010-08-10

 

161  Murad (10-08-2010). Salam. Azerbaycanda musteqil ekspert fealiyyet gosterirmi? Bawqa sozle her hansi bir muqaviledeki imzanin heqiqiliyini mehkemeden ve diger huquq muhafize orqanlarindan kenar ekspertizasini nece aparmaq olar? eger mumkun deyilse bu situasiyada ne etmek olar?

 

 

Salam.

Təəssüflər olsun ki, müstəqil ekspertiza institutu Azərbaycanda hələ də formalaşmayıb. Baxmayaraq ki, bununla bağlı müəyyən cəhdlər atılıb (tibbi, qiymətləndirmə və s.).

Qeyd etdiyiniz ekspertizanın aparılması üçün Azərbaycan Respublikası Ədliyyə Nazirliyi Məhkəmə Ekspertizası Mərkəzinin Əlyazmalar və səslərin ekspertizaları şöbəsinə və ya Sənədlərin texniki ekspertizası şöbəsinə müraciət edə bilərsiniz. Əgər imzanın həqiqiliyini yoxlamaq istəyirsinizsə məhkəmə-xətşünaslıq ekspertizası keçirilməsi lazım olacaq (Тel.: 4985364, 4985384, 4980960; e-mail: azcrimexpert@azdata.net).

Sualınıza görə təşəkkür edirik.

2010-08-10

 

 

 

 

162  Namiq (10-08-2010). SALAM. Çox-çox sizdən xahiş edirəm mənim sualıma sabaha və ətraflı cavab verəsiniz. Bu mənim üçün çox vacibdir. Atam öz adına olan evi mənə(oğluna) bağışlamaq üçün notariusa müraciət etdi. Bizdən çoxlu sayda müxtəlif sənədlər və sizin göstərdiyiniz dövlət rüsumündan (7 manat) çox pul istədilər. Çox xahiş edirəm notariusa təqdim ediləcək bütün sənədləri və dövlət rüsumlarını tam bildirəsiz. Sizin cavabınızı çap edib notariusa göstərmək istəyirəm bəlkə xeyiri oldu.

 

Salam.

Sizə Məsləhətxananın 117-ci sualında ətraflı cavab verilmişdir. Əgər notarius sizdən başqa sənədləri tələb edirsə, bunların əsaslarını göstərməlidir. Bakı şəhərində yerləşirsinizsə 46 saylı notariusa müraciət etməyinizə məsləhət görərdik. Onlar daha keyfiyyətli xidmətlər göstərirlər. Tələb olunan sənədlərin siyahını onlardan xahiş edin. Əgər əlavə sənədləri tələb etsələr biz bu məsələ ilə daha dərin məşğul olarıq.

Bu qədər.

2010-08-11

163  Gulshen (10-08-2010). Salam Sebayil rayonunda yerlesen menzilimizin altinda yerlesen yardimci teserrufatimizi - zirzemimizi ozellesdirmekucun onun 1 kvadrat metrine ne qeder pul odemeli oldugumuzu hardan ve ya hansi menbeden oyreneceyimizi deyin zehmet olmasa.

 

 

Salam.

Baxmayaraq bu məsələ qanunvericiliklə tənzimlənmir (çünki bu xidmətlər müstəqil qiymətləndiricilər tərəfindən bazar qiymətlərini nəzərə almaqla həyata keçirilir). Biz sizə məsləhət görərdik ki, aşağıdakı qurumların veb-saytlara baxasınız:

• Azərbaycan Qiymətləndiricilər Cəmiyyəti
• V.E.S. Consultancy LLC
• İVC – Beynəlxalq Qiymətləndirmə Mərkəzi

Bu qədər.

2010-08-11

 

164  Taleh (11-08-2010). Hormetli huqusunas xahis edirem komek edin.bele ki biz kabel televizyasindan qeyri qanuni (bilmediyimden) istifade etdiyimiz ucun katv bizi Nesimi Rayon Mehkemesine verib. 81 azn mebleginde cerime olunmusuq. Hal hazirda mehkeme bizi cox narahat edir. Men de islemediyim ucun bu meblegi toplum odeye bilmirem. Mumkundurmu ki, men bu meblegi ayda 10azn olmaqla odeyim ve bunun ucun hara nece muraciet edib ne etmeliyem. Ccox xahis edirem cavabinizi tezlikle gozleyirem. Onceden minetdarligimi bildirirem.

 

 

Salam.

Mülki Prosessual Məcəlləsinin 231-ci maddəsinə uyğun olaraq qətnamənin icrasına möhlət verilməsi və ya onun hissə-hissə icra edilməsi mümkündür. Bunun üçün siz məhkəməyə ərizə ilə müraciət etməlisiniz.

Sualınıza görə təşəkkür edirik.

2010-08-11

 

165  Jalchin (11-08-2010). Salam. 2003-cu ilde islemek meqsedile Rusiyaya uz tutmusam. Rusiyada ali mektebe qebul olunandan sonra, pullu sobede oxuduqum ucun mecburiyyet qarsisinda qalib Rusiya vetendasliqini qebul etmisem. Cunki, Rusiya vetendasliqi olmasa yaxsi isde isleye bilmezdim ve tehsil haqqini odeye bilmezdim. Men Azerbaycanin zaqranpasportunu muharibe veterani vesiqesi ile almisam. Rusiya vetendasliqini qebul edenden sonra, mene kecmis SSRI pasportunu qaytardilar. Nezerinize catdiriram ki, men Rusiyaya gelende, kimlik almamisam ve SSRI pasportu ile gelmisem rusiyaya. Kecmis SSRI pasportunda hetta birinci sehveye Azerbaycan vetendasliqini tesdiq eden pecat bele vurdurmusam. SSRI pasportunda Azerbaycanda propiskadayam. Umimiyyetle men Azerbaycanda postoyanni propiskadayam. Artiq maqistaturani qirmizi diplomla basa vurmusam. 15-20 gune kimi diplomumu alan kimi, Azerbaycana qayitmaq ve kimlik alib vetende yasamaq isteyirem. Bunuda cox gozel bilirem ki, Azerbaycanda qanun deyilen sey yoxdur ve rusvetxorluq son hedde catib. Menim pulum yoxdurki, verem ve kimlik alam. Men butun gucumu tehsilime serf etmisem. Hem islemisem ve hemde oxumusam. Sizden artiq derecede xais edirem ki, mene qanuni ne cur kecmis SSRI pasportunu tehvil verib kimlik ala bilmek barede melumat veresiniz?

 

Salam.

Bu məsələ təfərrüatlı cavab vermək üçün ayrıca blok açmaq məcburiyyətində olduq. Ətraflı burda tanış ola bilərsiniz. Rüşvətxorluq deməklə heç bir şey dəyişilmir. Mübarizə aparmaq lazımdır. Əgər məsələ ilə əlaqədar səlahiyyətli şəxslər süründürməçilik hallarına yol versələr məhkəməyə iddia ərizəsi ilə müraciət edin.

Sualınıza görə təşəkkür edirik.

2010-08-11

166  Nəcəf (11-08-2010). Əvvəla bu xidməti bizə göstərdiyiniz üçün sizə təşəkkür edirəm. Atama order ile məxsus evi özəlləşdirmək istəyir, amma bu evdə kimsə qeyydiyyatda qalmayıb, atam özüdə qeyydiyyatdan cıxıb Gəncə şəhərində qeyydiyyata düşüb, orderdə adı olanların hec birinin qeyydiyyatı yoxdur o evdə, atam evi öz adına necə özəlləşdirə bilər?

 

 

Salam.

Bu cür suallar Məsləhətxanada dəfələrlə cavablandırılmışdır. Məsləhətxananın 1, 5, 6, 62, 79, 151, 153 və digər suallarına diqqət yerməyinizi xahiş edirik. Daşınmaz əmlaka mülkiyyət hüququ qeydiyyatda olub-olmadığından asılı deyil. Mülkiyyətçinin bir-neçə daşınmaz əmlakı ola bilər.

Sualınıza görə təşəkkür edirik.

2010-08-11

 

168  Namiq (11-08-2010). Salam. Daşınmaz əmlakın dövlət reyestri xidməti ən tezi neçə günə çıxarış və texniki pasportu verə bilər?( Bütün sənədlər təqdim olunduqdan sonra). Və bunun üçün(prosesi tezləşdirmək)nə qədər rüsum ödənilməlidir?

 

Salam.

Dövlət rüsumu haqqında Qanunun 26-cı maddəsinə əsasən daşınmaz əmlak üzərində mülkiyyət hüquqlarının dövlət qeydiyyatına alınması barədə çıxarışın verilməsi üçün - 30 manat, daşınmaz əmlaka dair texniki sənədlərin (pasport və plan ölçü) verilməsi üçün isə - 50 manat təşkil edir. Daşınmaz əmlakın dövlət reyestri haqqında Qanun 9.2-ci maddəsinə uyğun olaraq sənədlərin təqdim edildiyi gündən 20 gündən gec olmayaraq daşınmaz əmlak üzərində hüquqları dövlət qeydiyyatına alınır.

Azərbaycan Respublikası Əmlak Məsələləri Dövlət Komitəsi yanında Daşınmaz Əmlakın Dövlət Reyestri Xidmətinin ərazi idarələri tərəfindən göstərilən xidmətlərin tariflərinin tənzimlənməsi barədə Tarif Şurasının qərarında göstərilən xidmətlər üzrə qeyd etdiyiniz tezləşdirmə nəzərdə tutulub. Belə ki:

Göstərilən xidmətlər sifarişçinin müraciəti əsasında qanunla müəyyən edilmiş icra müddətinin 23-i qədər müddətdə yerinə yetirilərsə (daxil olmuş əvvəlki sifarişlərin qanunla müəyyən edilmiş müddətdə icrasını ləngitməmək və ya məhdudlaşdırmamaq şərti ilə), müvafiq xidmətlərin tariflərinə Bakı, Gəncə, Sumqayıt şəhərlərində və Abşeron rayonunda 1,5, digər şəhər və rayonlarda 1,3, 13-i qədər müddətdə yerinə yetirilərsə, müvafiq xidmətlərin tariflərinə Bakı, Gəncə, Sumqayıt şəhərlərində və Abşeron rayonunda 2,0, digər şəhər və rayonlarda 1,5 əmsalı tətbiq edilir.

Sualınıza görə təşəkkür edirik.

2010-08-11

169  Vasif (11-08-2010). Sual 1: Həyat yoldaşımı Bakıdan İsmayıllıya,öz evimə qeydiyyata salmaq istəyirəm. Bunun üçün pasport stola daşınmaz əmlak üzrə dövlət reyestr çıxarışı əvəzinə, əgər o sənədim yoxdursa başqa hansı sənədi təqdim edə bilərəm ki, həyat yoldaşım üçün şəxsiyyət vəsiqəsi ala bilim. Sual 2: Mən daşınmaz əmlak üzrə dövlət reyestr çıxarışı almaq istəyirəm. Bunun üçün mənə hansı sənədlər lazımdır ki, men hemin idarəyə təqdim edim və onlar da o sənədi mənə versinlər.Bütün bu əməliyyatın dövlət rüsumu nə qədərdir.Xahis edirəm mene yuxarıdakıların hansı qanunları əhatə etdiyini maddələrlə göstərəsiniz. Əvvəlki sualımı ətraflı olaraq cavablandırdığınız üçün sizə dərin təşəkkürümü bildirirəm.

 

Salam.

İlk öncə xahiş edirik bir sual ilə müraciət edəsiniz. Birinci sual ilə bağlı cavab verilmişdir (Məsləhətxananın 144-cü sualı). Çıxarış yoxdursa...order, icarə və ya kirayə müqaviləsi və ya vətəndaşa yaşayış sahəsi verən şəxsin ərizəsi.

İkinci sual ilə bağlı Məsləhətxananın 1, 5, 6, 62, 79, 151, 153 və sair suallarında ətraflı cavablandırılmışdır.

Bu qədər.

2010-08-11

170  Vasif (11-08-2010). Bu yaxınlarda bir dostumun ayağı üzərinə ağır bir əşya düşmüşdü.Biz onu dərhal xəstəxanaya çatdırdıq.Həkim müayinə etdikdən sonra polis nəfəri gələrək hadisənin nə cür baş verdiyini soruşdu.Sonra isə bizim tibbi ekspertizadan keçməyimizi söylədi.Bildirmək istəyirəm ki, dostumun heç kəsdən şikayəti yoxdur və öz səhlənkarlığı ucbatından baş vermişdir.Belə hadisələr zamanı adətən görmüşük ki, tibbi ekspertizaya 5-3 manat pul verərək xəstəni uzun müddət saxlayıb narahat etməsin.Şəxsən biz də ona 5 manat pul verdik ki, bizi yubatmasın. Bilmək istəyirəm bu zaman ekspertin işi nə olmalıdır. Yəni ekspert əgər vətəndaşın heç bir şikayəti yoxdursa onu yubatmağa səlahiyyəti varmı? Təşəkkür edirəm.

 

 

Salam.

İş ondadır ki, Polis haqqında Qanunun 10-cu maddəsinə əsasən hazırlanan, törədilən və ya törədilmiş cinayət barəsində xəbəri olan hər bir şəxs bu barədə polisə məlumat verməlidir. Azərbaycan Respublikasının qanunvericiliyi ilə müəyyənləşdirilmiş hallarda bu məlumatların verilməməsi cinayət məsuliyyətinə səbəb olur.

Lakın o demək deyil ki, buna görə həkim sizi yubatmalıdır. Səlahiyyətli şəxs (polis əməkdaşı) faktı yerində araşdırıb cinayət tərkibi müəyyən etməsə və vətəndaşın şikayəti olmasa səxsin hərəkətlərini məhdudlaşdırmamalıdır. Tibb işçiləri xəstənin yalnız səhhəti ilə maraqlanmalıdır. Tərəfinizdən hansı bir tibb işçisinə (ekspert və s.) pul təkilif etməyiniz yalnız korrupsiyanın artmasına xidmət edən addımlardı. Bu cür hadisələr baş verəndə Səhiyyə Nazirliyin qaynar xətlərinə zəng edin: 498-61-10, 498-75-29 (Korrupsiya ilə bağlı məlumatlar); 495-40-15, 495-35-39.

Sualınıza görə təşəkkür edirik.

2010-08-11

 

171  Hikmet (12-08-2010). Salam. Menim mulkiyyetimde ozel MTK-dan alinmish bir menzil var. Bu menzile gore ayliq kommunal odeme MTK terefinden menzilin her kvm-e gore 25 qepik mueyyen edib. Bilmek isterdim ki, bu tarifi MTK ozumu yoxsa muvafiq dovlet orqani mueyyen etmelidir (Qeyd:Muqavilede kommunal xerclerle bagli hec bir bend yoxdur). Teshekkurler.

 

 

Salam.

Azərbaycan Respublikasında dövlət və ictimai mənzil fondu evlərində yaşayış sahəsindən istifadə haqqı (mənzil haqqı) və mənzil-kommunal xidmətlərinə görə tariflərin təsdiq edilməsi haqqında Nazirlər Kabinetinin qərarının 1-ci Əlavəsinə əsasən tam kommunal təminatlı mənzillər üzrə 1 kv.m. yaşayış sahəsi üçün 1 ayda - 0,02 manat; özəlləşdirilmiş mənzillərin mülkiyyətçilərinə mənzillərin yerləşdiyi evlərin (binaların) saxlanılması üçün xidmət haqqı 1 kv.m. yaşayış sahəsi üçün 1 ayda - 0,015 manat təşkil edir.

Sualınıza görə təşəkkür edirik.

2010-08-12

 

173  Vasif (12-08-2010). Salam. Yaşayış yerini dəyişdirmiş vətəndaş yeni yaşayış yerinə gəldikdən sonra 10 gündən gec olmayaraq qeydiyyata alınması üçün müvafiq dövlət orqanına müraciət etməlidir. Əgər vətəndaş 10 gündən gec olaraq qeydiyyata alınmaq üçün müvafiq dövlət orqanına müraciət edərsə bunun üçün o cərimə ödəməlidir yoxsa yox? Xahiş edirəm hansı qanunda keçdiyini bildirəsiniz. Əvvəlcədən təşəkkürümü bildirirəm.

 

 

Salam.

Düz qeyd edirsiniz ki, belə hallarda şəxs 10 gündən gec olmayaraq qeydiyyata alınması üçün müvafiq dövlət orqanına müraciət etməlidir (Yaşayış yeri və olduğu yer üzrə qeydiyyat haqqında Qanun maddə 5).

Məsuliyyət isə aşağıda göstərilib.

İnzibati Xətalar Məcəlləsinin 329-cu maddəsi:

Vətəndaşın bir aydan artıq müddətdə şəxsiyyət vəsiqəsi olmadan yaşamasına, habelə həmin müddət ərzində yaşayış yeri üzrə qeydiyyatdan keçmədən yaşamasına görə

— xəbərdarlıq edilir və ya üç manatdan beş manatadək miqdarda cərimə edilir.

Sualınıza görə təşəkkür edirik.

2010-08-12

 

174  Anar (12-08-2010) Salam. Saytinizla tanis olmaga cox sadam. Bele sualim var:Men aptek acmaq isteyirem bunun ucun kimden icaze (lisenziya) almaliyam ve ne qeder dovlet rusumu kocurmeliym hansi senedler lazimdir.

 

 

Salam.

Bəzi fəaliyyət növlərinə xüsusi razılıq (lisenziya) verilməsi sahəsində əlavə tədbirlər haqqında Fərmanına uyğun olaraq Əczaçılıq fəaliyyəti üçün xüsusi razılıq (lisenziya) verilməsinə görə ödənilən dövlət rüsumu - 5500 manat təşkil edir. Lisenziyanı almaq üçün Azərbaycan Respublikasının Səhiyyə Nazirliyinə müraciət etməlisiniz.

Sualınıza görə təşəkkür edirik.

2010-08-12

 

175  Vasif (13-08-2010). Salam. Siz bir məsələyə aid bir sual verilməlidir deyirsiniz.Xahiş edirəm eyni məsələ olsa da məni çox incidirlər və mən də hüquqlarımı dəqiqliklə öyrənmək istəyirəm.Həyat yoldaşımı Bakıdan İsmayıllıya uçota almaq üçün mende daşınmaz əmlak üzrə dövlət reyestr çıxarışı olmadığı üçün qanunda da Yaşayış yeri və olduğu yer üzrə qeydiyyat haqqında Azərbaycan Respublikasının qanununun 5-ci maddəsində vətəndaşa yaşayış sahəsi verən şəxsin ərizəsini təqdim edə bilərəm deyilir.Lakin aidiyyatı orqan mənə yalnız daşınmaz əmlak üzrə dövlət reyestr çıxarışını tələb edir. Belə vəziyyətdə mən nə etməliyəm. Sizə çox təşəkkür edirəm.

 

Salam.

Çox təəssüf olsun ki, bəzi dövlət qurumları vətəndaşlara bu cür münasibət göstərirlər. İlk növbədə həmin qanunu çap edin və həmin səlahiyyətli şəxsləri onunla tanış edin (saytımızda var). Daha sonra yuxarı instansiyala yazılı olaraq müraciət edin (Daxili İşlər Nazirliyinə və məhkəməyə şikayət).

Sualınıza görə təşəkkür edirik.

2010-08-14

176  Namiq (13-08-2010). Salam. Sizin mənim 168 saylı 11.08.2010.-cu il tarixli sulalima cavabınız mənə çox kömək etdi. Daşınmaz əmlakın dövlət reyestri xidməti prosesi tezləşdirmədən imtina edə bilərmi?

 

Salam.

Əgər bizim işimiz insanlara kömək edirsə biz buna şadıq. Suala çatdıqda isə dövlət qurumunun hər bir rəsmi cavabı əsaslı olmalıdır. Əgər imtina edərsə bunu qanunvericiliyə uyğun olaraq əsaslandırılmalıdır. Buna görə də dövlət qurumlarına hər zaman yazılı müraciət edin.

Sualınıza görə təşəkkür edirik.

2010-08-14

177  Rövşən (14-08-2010). Salam! Cavabınıza görə əvvəlcədən təşəkkür edirəm. Mənə məxsus olan qeyri-yaşayış sahəsinin (2-mərtəbəli mağaza binasının) qiymətləndirilməsi necə və hansı qaydalarla aparılmalıdır. Qiymətləndirmə əmlak vergisinin ödənilməsi üçündür.

 

Salam.

Oxşar sual Məsləhətxananın 163-cü sualında cavablandırılmışdır.

Suala görə təşəkkür edirik.

2010-08-14

178  Rasim (14-08-2010). Salam! Mən iqtisadi konfliktlər üzrə tədqigat aparıram. bu məqsədlə iqtisad məhkəmələrində baxılan işlərlə maraqlanıram. ancaq nə 1-cinin nə də 2-cinin saytlarında baxılan işlər barədə yönnü məlumat ala bilmirəm. Mənə nə məsləhət verərdiz, saytların qaydasında normal işləməsinə təsir edə bilərsinizmi. Sağ olun

 

Salam.

1 Saylı Bakı Yerli İqtisad və 2 Saylı Bakı Yerli İqtisad məhkəmələrini nəzərdə tutursunuzsa, bəli bu cür problemlər mövcuddur. Hətta bunlarla bağlı Dövlətə müraciət etmişdik (Dövlətə müraciət № 1). Hələ ki, problem olaraq qalır. Təəssüflər olsun ki, təkcə bizim təşəbbüsümüz bunun üçün kifayət etmir.

Bu qədər.

2010-08-14

 

179  Emil (15-08-2010). Elektrik sayqacinin alt qapaq plombu olmadiqina gore cerimenin miqdari ne qederdir?

 

 

Salam.

Elektrik enerjisindən istifadə Qaydalarının 8.32-ci bəndinə əsasən məişət abonenti (mənzillər üzrə hesablaşma elektrik sayğacı yaşayış binasının girişində, yaxud pilləkən meydançasında quraşdırılmış məişət abonenti istisna olmaqla) tərəfindən hesablaşma elektrik sayğaclarının qoşulma sxeminin dəyişdirilməsi, sayğacın baxış şüşəsinin sındırılması, plombunun qırılması, sayğacın diskinin süni şəkildə dayandırılması və elektrik enerjisindən istifadə göstərişini azaltmaq məqsədilə edilmiş digər pozuntulara yol verildiyi aşkar edildikdə, enerjitəchizatı müəssisəsi onu şəbəkədən açmalı və hesablaşma elektrik sayğacının sonuncu dəfə əvəz olunması və ya qoşulma sxeminin yoxlanması tarixindən sonrakı müddət üçün, ancaq Azərbaycan Respublikasının Mülki Məcəlləsində nəzərdə tutulmuş iddia müddəti daxilində elektrik enerjisindən istifadəyə görə yenidən hesablaşma aparmağa borcludur. Məişət abonenti (mənzillər üzrə hesablaşma elektrik sayğacı yaşayış binasının girişində, yaxud pilləkən meydançasında quraşdırılmış məişət abonenti istisna olmaqla) tərəfindən göstərilən pozuntulara yol verildikdə, elektrik enerjisindən istifadəyə görə yenidən hesablaşma aşağıdakı kimi aparılır:
a) məişət abonentində şəbəkəyə bilavasitə qoşulan elektrik sayğacı quraşdırıldıqda, sayğacın nominal cərəyanı, gərginlik və sutkanın 24 saatı ərzində elektrik enerjisindən istifadə edildiyi nəzərə alınmaqla hesabat aparılır;
b) məişət abonentində ölçü transformatoru vasitəsilə elektrik sayğacı quraşdırıldıqda, cərəyan transformatorunun yüksək tərəfindəki nominal cərəyanı, gərginlik və sutkanın 24 saatı ərzində elektrik enerjisindən istifadə edildiyi nəzərə alınmaqla hesabat aparılır.

Məişət abonenti hesablaşma elektrik sayğacından kənar elektrik xətti çəkmişdirsə, yaxud elektrik sayğacının göstərişini təhrif etmək üçün qurğu quraşdırmışdırsa, həmçinin mənzildə quraşdırılmış hesablaşma elektrik sayğacını zədələyərək onu sıradan çıxarmışdırsa və ya sayğacı sxemdən çıxarmışdırsa, enerjitəchizatı müəssisəsi onu şəbəkədən açmalı və hesablaşma elektrik sayğacının sonuncu dəfə əvəz olunması və ya qoşulma sxeminin yoxlanması tarixindən sonrakı müddət üçün ancaq Azərbaycan Respublikasının Mülki Məcəlləsində nəzərdə tutulmuş iddia müddəti daxilində elektrik enerjisinə görə yenidən hesablaşma aparmağa borcludur. Məişət abonenti tərəfindən göstərilən pozuntulara yol verildikdə, elektrik enerjisindən istifadəyə görə yenidən hesablaşma məişət abonentini qidalandıran elektrik naqilinin cərəyan yükünü, gərginlik və sutkanın 24 saatı ərzində elektrik enerjisindən istifadə edildiyi nəzərə alınmaqla hesabat aparılır.

Əgər İnzibati Xətalar Məcəlləsinin 116-cı maddəsinin (Qaz, elektrik və istilik enerjisi sahəsində qanunvericiliyin tələblərinin pozulması) tələbləri pozulubsa ayrıca məsuliyyət nəzərdə tutulub:
- fiziki şəxslər iki yüz manatdan beş yüz manatadək miqdarda, vəzifəli şəxslər min manatdan min beş yüz manatadək miqdarda, hüquqi şəxslər iki min beş yüz manatdan üç min manatadək miqdarda cərimə edilir.

Sualınıza görə təşəkkür edirik.

2010-08-15

 

180  Vasif (15-08-2010). Salam.kassa aparatımı qeydiyyatdan çıxarıramsa bunun üçün dövlət rüsumu nə qədərdir. Xahiş edirəm qanunla bildirəsiniz.Təşəkkür edirəm.

 

 

Salam.

Nazirlər Kabinetinin 1995-ci il 28 dekabr tarixli, 266 nömrəli qərarı ilə təsdiq edilmiş Nəzarət-kassa aparatlarının vergi orqanlarında qeydiyyatdan keçirilməsi Qaydasına uyğun olaraq nəzarət-kassa aparatınının çıxarılması barədə vergi orqanına ərizə verməlidir. bunun üçün dövlət rüsumu nəzərdə tutulmayıb.

Sualınıza görə təşəkkür edirik.

2010-08-15

 

181  Vasif (15-08-2010). Salam. Qardaşım Amerikadan Azərbaycana gələrkən özü ilə 2-3 kompyuter və dijital fotoaparat gətirmək istəyir. Həmin əşyaları gömrükdən keçirərkən rüsum nə qədər olacaq və hər ölkədən keçərkən də rüsum ödəməlidirmi? Əvvəlcədən təşəkkürümü bildirirəm.

 

Salam.

Fiziki şəxslər tərəfindən istehsal və kommersiya məqsədləri üçün nəzərdə tutulmayan malların Azərbaycan Respublikasının gömrük sərhədindən sadələşdirilmiş və güzəştli qaydada keçirilməsinə dair Təlimatın 2.1.1-ci bəndinə əsasən fiziki şəxs Azərbaycan Respublikasının gömrük sərhədini keçməklə ümumi dəyəri 1000 ABŞ dollarına ekvivalent və ya çəkisi 50 kiloqramdan artıq olmayan malları gətirdikdə (apardıqda) gömrük ödənişlərini ödəmədən Azərbaycan Respublikasının gömrük sərhədindən keçirə bilər. Əgər malın dəyəri qeyd olunan məbləğdən çox olduqda əmtəə nomenklaturasından asılı olaraq gömrük rüsumları dərəcələri (çox vat 15%), ƏDV (18%) və gömrük rəsmiləşdirilməsi yığımları tətbiq edilir.

Sualınıza görə təşəkkür edirik.

2010-08-15

 

182  Qurban (15-08-2010). Salam men samux rayonunda yasayiram.1-ci qrup elil Dialez xestesiyem.Atam ve anam rehmete gedib.26 yashim var. Meni evle temin etmeleri ucun dovlete mektub yazib Gence sheherinde ev istemishdim.Cavab geldi ki seni Samux rayonunda ev novbesine yazdiq. Bilmek isteyirem ki menim huququm varmi ki men o evden imtina edib, Gence sheherinden teleb edim. Cunki Samux rayonundan dialeze gedib gelmeyim alinmir. Qulaqim 95%,gozum ise 50% zeifleyib

 

Salam.

Hər bir halda sizin müraciət etmək hüququnuz var.

Bu qədər.

2010-08-16

183  Niki (16-08-2010). Salam! Ailə başçısını itirmiş ailə qanunla hansı müavinatlarnan təmin olunurlar?Mərhumun 2 uşaqı,qoca anası və işləməyən həyat yoldaşı var . Onlar hara müraciət etməlidirlər və müavinat nə qədər olacaq?

 

 

Salam.

Sosial müavinətlərin artırılması haqqında Fərmanın 1.1.4-cü maddəsinə əsasən ailə başçısını itirməyə görə müavinət - 40 manat təşkil edir.

Sosial müavinətlər haqqında Qanunun 9.1.4-cü maddəsinə uyğun olaraq ailə başçısını itirməyə görə müavinət aşağıdakı müddətlərə təyin edilir:

• vəfat etmiş şəxsin uşaqlarına - 18 yaşına çatanadək (əyani təhsil alanlara təhsili bitirənədək, lakin 23 yaşdan çox olmamaqla);
• vəfat etmiş şəxsin 18 yaşına çatanadək sağlamlıq imkanlarının məhdudluğu müəyyən olunmuş 18 yaşından yuxarı əlil uşaqlarına - əlillik müddətinə;
• vəfat etmiş şəxsin 8 yaşınadək uşaqlarına baxan və işləməyən (yaşından və əmək qabiliyyətindən asılı olmayaraq) valideynlərdən, qardaş, bacı, baba və nənələrdən birinə - uşağın 8 yaşınadək.

Müvafiq icra hakimiyyəti orqanlarına (Dövlət Sosial Müdafiə Fondunun rayon (şəhər) şöbələri) zəruri sənədlərlə (yaşı, əlilliyi, ailə başçısının itirilməsini və sairə təsdiq edən sənədlər) birlikdə ərizənin təqdim edildiyi gün müavinət təyin olunması üçün müraciət edilən gün hesab olunur. Müavinət təyinatı barədə qərar müvafiq icra hakimiyyəti orqanları tərəfindən müraciət edilən gündən 10 gün müddətində çıxarılır.

Sualınıza görə təşəkkür edirik.

2010-08-16

 

184  Nailə (16-08-2010). Salam, mənə məxsus özəl mənzilən inventarqiyməti köhnə manatla 15826619 manat Yeni mahatla 3165Azn32qəpikdir mən əmlak vergisini ödəməliyəmmi. Yerli bələdiyyə mənzilin ümumi sahəsini əsassız 0.22 vuraraq mənzilimə əmlak vergisi hesablayib. Xahiş edirəm cavablayasınız qabaqcadan minnətdarlığımı bildirirəm

 

 

Salam.

Vergi Məcəlləsinin 198.1.1-ci maddəsinə əsasən əmlak vergisi fiziki şəxslərin xüsusi mülkiyyətində olan binaların inventarlaşdırılmış dəyərindən 5000 manatadək olduqda vergi tutulmur, 5000 manatdan çox olan məbləğdən isə — 0,1 faizlə tutulur.

Sualınıza görə təşəkkür edirik.

2010-08-16

 

185  Vasif (16-08-2010). Salam. Sürücülük vəsiqəsi almaq üçün sürücülük vərdişi üzrə təlim imtahanı zamanı imtahan verən şəxs nələrə riayət etməlidir və neçə səhvi olarsa imtahandan kəsilər.təşəkkür edirəm.

 

 

Salam.

Nazirlər Kabinetinin 1999-cu il 15 mart tarixli 41 nömrəli qərarı ilə təsdiq edilmiş Əsasnaməyə 4 saylı Əlavənin (Təcrübi imtahanın keçirilmə METODIKASI) 4-cü paraqrafına uyğun olaraq imtahanın yekunu üzrə imtahan qəbul edən, yol verilmiş səhvlər və qiymət barədə sürücülüyə namizədə məlumat verməlidir. Sürücülüyə namizəd imtahan elementlərinin hər hansı birinin icrasından imtina edərsə və yaxud da qəza şəraiti yaratmaqla imtahan qəbul edəni imtahanın gedişinəqarışmağa vadar edərsə, o, “qeyri-məqbul” qiyməti alır.

Həmçinin imtahanın birinci mərhələsində elementlərin yerinə yetirilməsinə nəzarəti, imtahanı qəbul edən vizual, yaxud da texniki vasitələrin köməyi ilə həyata keçirir. Bu halda imtahanı qəbul edən imtahan avtomobilində, yaxud ondan kənarda olur və yaxud da bağlı meydançanın ölçülərindən və onlarda olan nəzarət texniki vasitələrindənasılı olaraq müəyyən edilir.

Sualınıza görə təşəkkür edirik.

2010-08-16

 

186  Faiq (16-08-2010). Salam. Xahis edirem mene xususi ittiham qaydasinda sikayetin formasini gonderesiniz

 

Salam.

Xüsusi ittiham qaydasında şikayət hər bir iş üzrə fərqli olur (iş üzrə materiallardan asılı olaraq). Bu cür xidmətlərin həyata keçirilməsi pulludur.

Bu qədər.

2010-08-16

187  Namiq (16-08-2010). SAlAM. Atam öz adına olan fərdi yaşayış evini mənə(oğluna) bağışlamaq üçün notariusa müraciət etdi. Notarius evi atam mənə bağışlamaq üçün evdə qeydiyyatda olan hərbir şəxsdən və həmçinin ailə üzvlərindən(bacım, qardaşım) razılıq alınması barədə notariusda təsdiqlənmiş kağız tələb etdi. Bu nə qədər doğrudur? Belə çıxır ki, kimsə razı olmasa Atam öz evini heç mənə bağışlaya bilməz? Xahiş edirəm bu suallara cavab verəsiniz.

 

 

Salam.

Azərbaycan Respublikasında notariat hərəkətlərinin aparılması qaydaları haqqında Təlimatın 49-cu bəndinə əsasən yaşayış evinin, mənzilin, bağın, bağ evinin özgəninkiləşdirilməsi və ya girov qoyulması haqqında əqdlər təsdiq edilərkən notarius özgəninkiləşdirilən yaşayış evində, mənzildə, bağda və bağ evində kimlərin yaşayış yeri üzrə qeydiyyatda olması barədə arayış tələb edir və daimi qeydiyyatda olan yetkinlik yaşına çatmış bütün ailə üzvlərinin razılığını alır.

Ərizələrdə razılıq verən şəxsin əmlakın konkret kimə (şəxsin soyadı, adı, atasının adı, təşkilatın adı) satılmasına, bağışlanmasına, dəyişdirilməsinə və ya girov qoyulmasına razı olduğu göstərilmişsə, yaxud qiymət və digər şərtlər göstərilmişsə, notarius özgəninkiləşdirmə və ya girov müqaviləsini təsdiq edərkən ərizələrdə göstərilmiş şərtlərə riayət olunub-olunmadığını yoxlamalıdır.

Sualınıza görə təşəkkür edirik.

2010-08-17

 

188  Razim (17-08-2010). Salam! Mən bir nəfərdən ev almışam, o mənə notarusdan etibarnamə və evin orderini verib. Mən bu mənzilə qeydiyyata düşmüşəm. Satan bu mənzildə qeydiyyatda deyil. Mən onun və ya öz adıma bu mənzili özəlləşdirə bilərəmmi? Etibarnamədə bu hüquqlar hamsı mənə verilib. Xahiş edirəm aydınlıq gətirməkdə köməklik göstərəsiniz. Qabaqcadan təşəkkür edirəm.

 

 

Salam.

Mülki Məcəllənin 152.8-ci maddəsinə əsasən mülkiyyətçi öz əmlakını başqa şəxsin etibarnaməli idarəçiliyinə (etibarnaməli idarəçi) verə bilər. Əmlakın etibarnaməli idarəçiliyə verilməsi mülkiyyət hüququnun etibarnaməli idarəçiyə keçməsinə səbəb olmur; o, əmlakı mülkiyyətçinin və ya mülkiyyətçinin göstərdiyi üçüncü şəxsin mənafeyi naminə idarə etməlidir. Həm də bu bir az təhlükəlidir çünki o biri tərəf, birtərəfli etibarnaməni ləğv etmək hüququ var (Mülki Məcəllənin 365.1.3-cü maddəsi).

Sualınıza görə təşəkkür edirik.

2010-08-17

 

189  Elman (17-08-2010). Salam. Həyat yoldaşımı öz evimə qeydiyyata salmaq istəyirəm.Bunun üçün paspostola dövlət reyestr çıxarışı yoxdursa sadəcə vətəndaşa yaşayış sahəsi verən şəxsin ərizəsini təqdim etmək olarmı. Təşəkkür edirəm.

 

 

Salam.

Bəli olar (Yaşayış yeri və olduğu yer üzrə qeydiyyat haqqında Qanunun 5-ci maddəsnin 2-ci hissənin 2-bəndinə əsasən).

Sualınıza görə təşəkkür edirik.

2010-08-17

 

190  Gulshen (17-08-2010). Salam, vetendasliq haqqinda qanunda gosterilir ki, vetendasligin xitam olunma hallarindan biri de vetendasligin itirilmesidir bu yeni vetendasligin itirilmesi hansi hallarda olur?zehmet olmasa deyin.

 

 

Salam.

Həmin Qanunun 18-ci maddəsində göstərilib ki, şəxs Azərbaycan Respublikası vətəndaşlığını əldə edərkən vətəndaşlığı almaq üçün zəruri olan məlumatı qəsdən saxtalaşdırmışsa və ya saxta sənəd təqdim etmişsə, əldə etdiyi Azərbaycan Respublikası vətəndaşlığını itirir.

Sualınıza görə təşəkkür edirik.

2010-08-18

 

191  Gulshen (17-08-2010) Azerbaycan vetendasi eyni zamanda basqa olkenin vetendasi olmaq olar? Zehmet olmasa deyin.

 

 

Salam.

Azərbaycan Respublikasının vətəndaşlığı haqqında Qanunun 10-cu maddəsinə uyğun olaraq Azərbaycan Respublikasının vətəndaşı olan şəxsin xarici dövlətin vətəndaşlığına mənsubiyyəti, Azərbaycan Respublikasının beynəlxalq müqavilələrində nəzərdə tutulmuş və ya Azərbaycan Respublikası Konstitusiyasının 109-cu maddəsinin 32-ci bəndinə müvafiq surətdə həll edilmiş hallar istisna olmaqla tanınmır. Bu o deməkdir ki, əgər başqa dövlətlərin qadağası yoxdursa Azərbaycan vətəndaşı eyni zamanda onların da vətəndaşı ola bilər, amma başqa ölkənin vətəndaşı olan şəxs Azərbaycan vətəndaşı olmaq üçün öz vətəndaşlığından imtina etməlidir. Nəzərə alınmalıdır ki, iki (və ya çox) vətəndaşlığı olan şəxs Azərbaycanın bir sıra dövlət qurumlarına (o cümlədən, seçkili) çalışmaq imkanı vermir.

Sualınıza görə təşəkkür edirik.

2010-08-18

 

192  Gulshen (17-08-2010). Salam, eger arvad erinin adinda olan eve qeydiyyata dusubse arvadin raziligi olmadan evi basqasinin adina yazdirmaq yeni basqasinin mulkiyyetine vermek olar? Ve eger onlar bosansalar onda ev nece bolunecek ve 11 ayliq usaglarida varsa onda usaq kimde qalir? zehmet olmasa deyin.

 

 

Salam.

Bir sualda bir-çox məsələləri birləşdirdiniz. Həm ailə, həm mülkiyyət və digər məsələləri. Qeydiyyatda olan o biri həyat yoldaşın razılığı olmasa mülkiyyət başqa bir şəxsə verilə (satıla, bağışlana) bilməz (Məsləhətxananın 187-ci sualına nəzər yetirin).

Ailə Məcəlləsinin 32-ci maddəsinə əsasən nikah müddətində ər-arvadın əldə etdikləri əmlak onların ümumi birgə mülkiyyəti sayılır (əgər adı çəkilən daşınmaz əmlak başqa şəxsin mülkiyyətində deyilsə) ona görə də boşanma zamanı bərabər bölünməlidir. Boşanmadan sonra yetkinlik yaşına çatmayan uşaqların valideynlərindən hansının yanında qalmasını məhkəmə tərəfindən müəyyən edilir (Ailə Məcəlləsinin 22.2.1-ci maddəsi). Məhkəmə presedentlərini nəzərə alaraq uşaqlar adətən analarla qalır.

Sualınıza görə təşəkkür edirik.

2010-08-18

 

193  Elman (18-08-2010). Salam. Gürcüstan vətəndaşı Azərbaycanda qeydiyyata durmaq istəyirsə ona hansı sənədlər lazımdır və rüsum nə qədərdir? Qeydiyyatdan keçdikdən sonra hərbi xidmət haqqında məlumatı.

 

 

Salam.

Əcnəbilərin və vətəndaşlığı olmayan şəxslərin hüquqi vəziyyəti haqqında Qanunun 5-ci maddəsinə əsasən əcnəbilər və vətəndaşlığı olmayan şəxslər Azərbaycan Respublikasının qanunvericiliyi ilə müəyyən edilmiş qaydada Azərbaycan Respublikasına müvəqqəti və ya daimi yaşamaq üçün gələ bilər və ya onun ərazisində müvəqqəti ola bilərlər.

Əcnəbilər və vətəndaşlığı olmayan şəxslər Azərbaycan Respublikasında müvəqqəti yaşamaq üçün Azərbaycan Respublikasının qanunvericiliyi ilə müəyyən edilmiş qaydada müvafiq icra hakimiyyəti orqanından (Daxili İşlər Nazirliyi və Dövlət Miqrasiya Xidməti) icazə almalıdırlar.

Əcnəbilərə və vətəndaşlığı olmayan şəxslərə Azərbaycan Respublikasında müvəqqəti yaşamaq üçün icazə aşağıdakı hallarda verilə bilər:

- həmin şəxslər Azərbaycan Respublikasının vətəndaşı ilə yaxın qohumluq münasibətlərində olduqda;

- həmin şəxslər Azərbaycan Respublikasının vətəndaşı ilə nikaha daxil olduqda;

- həmin şəxslər ölkə iqtisadiyyatına müvafiq icra hakimiyyəti orqanı tərəfindən müəyyən edilmiş məbləğdə investisiya qoyduqda;

- həmin şəxslər Azərbaycan Respublikasının banklarına müvafiq icra hakimiyyəti orqanı tərəfindən müəyyən edilmiş məbləğdə pul vəsaiti qoyduqda;

- həmin şəxslər Azərbaycan Respublikasının ərazisində əmək fəaliyyəti ilə məşğul olmaq üçün qanunvericiliklə müəyyən edilmiş qaydada fərdi icazə aldıqda;

- həmin şəxslər Azərbaycan Respublikasının təhsil müəssisələrində əyani təhsil aldıqda;

- həmin şəxslər iqtisadiyyat, sənaye, müdafiə, elm, mədəniyyət, idman və digər sahələr üzrə yüksək səviyyəli mütəxəssis olduqda ;

Bundan başqa Azərbaycan Respublikasında daimi yaşayan vətəndaşlığı olmayan şəxslərin və Azərbaycan Respublikasında 30 gündən artıq yaşamaq istəyən əcnəbilərin xüsusi sənədləri haqqında Əsasnaməyə əsasən Azərbaycan Respublikasında 30 gündən artıq yaşamaq istəyən əcnəbiyə və ya vətəndaşlığı olmayan şəxsə (bundan sonra – “əcnəbi”) nümunəsi Azərbaycan Respublikasının müvafiq icra hakimiyyəti orqanı tərəfindən təsdiq edilən əcnəbinin qeydiyyata alınması haqqında vəsiqə verilir.

Əcnəbinin qeydiyyata alınması haqqında vəsiqədə onun seriyası və nömrəsi, əcnəbinin soyadı və adı tam şəkildə, onun doğulduğu yer və tarix, vətəndaşlıq mənsubiyyəti, cinsi, vəsiqə sahibinin şəxsi imzası, vəsiqəni verən orqanın adı və verilmə tarixi göstərilir və fotoşəkli yapışdırılır.

Əcnəbi müraciət etdikdən sonra 3 gün müddətində onun xüsusi forma üzrə doldurulmuş ərizəsi (4 saylı əlavə) əsasında və Azərbaycan Respublikasının müvafiq icra hakimiyyəti orqanının müəyyən etdiyi qaydada, ona yaşadığı yer üzrə Azərbaycan Respublikasının müvafiq icra hakimiyyəti orqanı tərəfindən əcnəbinin qeydiyyata alınması haqqında vəsiqə verilir.

Əcnəbinin qeydiyyata alınması haqqında vəsiqənin etibarlıq müddəti aşağıdakı kimi müəyyən edilir:

a) Azərbaycan Respublikasına viza ilə gələn şəxs üçün – vizada göstərilən ölkədə qalma müddətinə;

b) viza tələb olunmayan qaydada Azərbaycan Respublikasına gələn şəxs üçün – 90 gün;

Rüsumlar hər bir mərhələ üzrə fərqli olur (misal üçün işləmək üçün icazə alırsınızsa 1000 manat, investisiya üçün daha çox və s.)

Sualınıza görə təşəkkür edirik.

2010-08-18

 

194  Gulshen (18-08-2010). Salam vetendasliq haqqinda qanunda gosterilir ki, AR vetendasi hec bir halda vetendasliq mehrum edile bilmez ve hemcini basqa maddesinde gosterilir ki vetendasliq hansi hallarda itirilir bes vetendasligi itirmek ve mehrum etmek arasinda hansi ferq var? birde vetendasligini itirmis sexs yeniden vetendasligini elde ede biler? zehmet olmasa deyin.

 

Salam.

 

Bəli məhrum edilə bilməz. Konstitusiyamızın 53.1-ci maddəsinə əsasən Azərbaycan Respublikasının vətəndaşı heç bir halda Azərbaycan Respublikası vətəndaşlığından məhrum edilə bilməz.

Vətəndaşlığın itirilməsi məsələsi isə Azərbaycan Respublikasının vətəndaşlığı haqqında Qanunun 18-ci maddəsində aydın göstərilib (Məsləhətxananın 190-cı sualı). Gördüyünüz kimi orda göstərilib ki, "...vətəndaşlığını əldə edərkən". Yəni əvvələr Azərbaycan vətəndaşlığı olmaması başa düşülür. Sonradan isə "...zəruri olan məlumatı qəsdən saxtalaşdırmışsa" yəni Azərbaycan vətəndaşlığını hüquq pozuntusu yol verməklə əldə edilməsi başa düşülür.

Ümumiyyətlə isə Azərbaycan vətəndaşlığına xitam verilməsi üçün əsaslar aşağıdakılardır:

1. Azərbaycan Respublikasının vətəndaşlığından çıxmaq nəticəsində;
2. Azərbaycan Respublikasının vətəndaşlığını itirmək nəticəsində;
3. Azərbaycan Respublikasının beynəlxalq müqavilələrində nəzərdə tutulmuş əsaslar olduqda;
4. Yuxarıda qeyd edilən Qanunda göstərilən digər əsaslar.

Azərbaycan vətəndaşlığın əldə edilməsi və ya bərpa edilməsi üçün əsaslar isə:

1. Azərbaycan Respublikasının ərazisində və ya Azərbaycan Respublikasının vətəndaşından doğulduqda;
2. Azərbaycan Respublikasının vətəndaşlığına qəbul edildikdə;
3. Azərbaycan Respublikasının beynəlxalq müqavilələrində nəzərdə tutulmuş əsaslar olduqda;
4. Yuxarıda qeyd edilən Qanunda göstərilən digər əsaslar.

Əvvəllər Azərbaycan Respublikasının vətəndaşı olmuş və ya Azərbaycan Respublikası vətəndaşlığına xitam verilmiş şəxsin vəsatəti ilə o, müəyyən məhdudiyyətlər nəzərə alınmaqla Azərbaycan Respublikasının vətəndaşlığına bərpa edilə bilər. Azərbaycan Respublikasının vətəndaşlığına bərpa edilməsi barədə vəsatət qaldıran şəxs Azərbaycan Respublikasının qanunvericiliyində nəzərdə tutulmuş qaydada və məbləğdə dövlət rüsumu ödəyir.

Sualınıza görə təşəkkür edirik.

2010-08-18

 

195  Gulshen (18-08-2010). Salam, vetendasliq haqqinda qanunda bir ecnebiler ve vetendasligi olmayan sexslerin adi cekilir, bunlarin ferqi nedi? yeni vetendasligi olmayan sexs deyende ne nezerde tutulur? zehmet olmasa deyin.

 

 

Salam.

Elə təsəvvür yaranır ki, siz vətəndaşlıq məsələləri ilə bağlı elmi iş hazırlayırsınız.

Əcnəbilərin və vətəndaşlığı olmayan şəxslərin hüquqi vəziyyəti haqqında Qanunun 2-ci maddəsində göstərilib ki: Vətəndaşlığı olmayan şəxslər - Azərbaycan Respublikasının vətəndaşı olmayan və başqa dövlətin vətəndaşlığına mənsub olmayan şəxslərdir. Həmçinin Apatrid anlayışına baxın.

Sualınıza görə təşəkkür edirik.

2010-08-19

 

197  ELSEVƏR (19-08-2010). AVROPA MƏHKƏMƏSİNƏ YAZILAN İDDİA ƏRİZƏSİNİ NÜMÜNƏSİ VƏ RÜSUMU

 

 

Salam.

AVROPA İNSAN HÜQÜQLARI MƏHKƏMƏSİNƏ ƏRİZƏ. Rüsum yoxdur.

Bu qədər.

2010-08-19

 

198  Vasif (19-08-2010). Salam. Üzr istəyirəm bu sualıma 2 gündür cavab gəlmədiyi üçün bir daha yazıram. Xahiş edirəm cavablandırasınız. Mən reyestr xidməti idarəsindən pasportstola təqdim etmək üçün bir arayış almaq istəyirəm. Həmin arayış üçün dövlət rüsumu nə qədər olmalıdır? Təşəkkür edirəm.

 

 

Salam.

İlk öncə 2 gün haradan cavab gəlmir? Əgər bizdən onda - səhv yazırsınız. Xahış edirik diqqətli olasınız. Məsələ ilə əlaqədar isə, əgər arayış daşınmaz əmlakla bağlıdırsa onda daşınmaz əmlak üzərində hüquqların məhdudlaşdırılmasına (yüklülüyünə) dair dövlət reyestrindən arayışın verilməsinə görə rüsum - 10 manat təşkil edir (Dövlət rüsumu haqqında Qanunun 26.6-cı maddəsi).

Bu qədər.

2010-08-19

 

199  Mehman (19-08-2010). AR nazirlər Kabinetinin qerarı ilə quvvəyə minmiş qanunu pozumuş səlahiyyətləri şəxslərin məsuliyyətə cəlb olunması uçun hara muraciət etmək lazımdır?

 

Salam.

İlk öncə Qanunları Milli Məclis qəbul edir (yeganə qanunverici orqan). Nazirlər Kabineti isə qərar və sərəncamlar qəbul edir. Əgər səlahiyyətli şəxslər qanunu pozublarsa onda həmin səlahiyyətli şəxsin işlədiyi yer üzrə rəhbərliyə müraciət etməlisiniz. Əgər hakimdirsə Məhkəmə Hüquq Şurasına. Eyni zamanda əgər hərəkətlərində cinayət tərkibi varsa prokurorluğa da müraciət edə bilərsiniz.

Sualınıza görə təşəkkür edirik.

 

200  Anar (20-08-2010). Salam. Men 3 il fasilesiz bir shirketde isledim. Axirinci is ilimde 15 gun mezuniyyetde oldum qalan sonra isden cixdim 15 gun mezuniyyetim qaldi. 10 aydan sonra yeniden hemin ise hemin vezifeye qebul olunmusam. Menim qalan 15 gunluk mezuniyetimden istifade etmek huququm varmi.P.S. 3 aydirki yene hemin isdeyem

 

 

Salam.

Əmək Məcəlləsinin 143-cü maddəsinə əsasən əmək müqaviləsinə xitam verilərkən işçinin arzusu ilə həmin iş ili (illəri) üçün ona məzuniyyət verilir və işdənçıxma tarixi məzuniyyətin son günü hesab edilir. İşçi bu maddədə nəzərdə tutulmuş hallarda və qaydada məzuniyyətdən istifadə etmək istəmədikdə, ona bu Məcəllənin 144-cü maddəsi ilə müəyyən edilmiş qaydada və şərtlərlə istifadə edilməmiş məzuniyyətə görə pul əvəzi ödənilir. Yəni sizin ödənişli məzuniyyət hüququnuz var idi lakın siz ondan istifadə etmədiniz.

Lakın həmin Məcəllənin 296-cı maddəsinə əsasən fərdi əmək mübahisəsi qaldırıla bilər. Baxmayaraq ki, fərdi əmək mübahisələrinə baxan orqana müraciət etmə müddəti 3 aydır (iddia müddəti), İşəgötürən ilə müəyyən edilmiş hallarda işçiyə qarşı iddia ərizəsi ilə məhkəməyə hüquqlarının və qanuni mənafelərinin pozulduğu gündən 1 təqvim ay ımüddətində, ona maddi ziyan vurulması məsələləri ilə əlaqədar isə ziyanın vurulmasını aşkar etdiyi gündən 1 il müddətində müraciət edə bilər. İşəgötürən qarşısında bu məsələni qaldırsanız ola bilsin ki, məhkəmədən qabaq həll etməni tapa bilərsiniz.

Sualınıza görə təşəkkür edirik.

2010-08-20

 

201  Vasif (20-08-2010). Salam mən bilmək istəyirəm ictimai təhlukəli əməli anlaqsiz halda törətmiş bir şəxs barədə acilmış cinayət işi alti ay uzana bilərmi hec bir səbəb göstərmədən. 2009-cu ildə mənim yaxin qohumum 102 məlumat mərkəzinə zəng edərək bildirib ki mənə qrsi quldurluq hadisəsi bas verib arasdirma nəticəsində ərizəcinin ruhi əsəb xəstəsi olması məlum olub. Hal hazirda cinayət barəsində yalan məlumat verdiyi tarixdən çox əvvəl əsəb xəstəliyi ilə bağlı həkimə muraciət etdiyi və qeydiyyatda olduğu məlumdu maşdağa məhkəmə tibbi ekspertizadan ruhi xəstə olması məlumduyaxinları və ictimaət numayəndələri öz ərizələri ilə yazib təsdiq eiblər ki bu şəxs ruhi əsəb xəstəsidi və bununla baqli 50 nəfər şəxsin ərizəsi olduğu halda başlanmiş cinayət işi na məlum səbəbdən bağlanmir. Sualım budur ki biz hansi sənədləri əlavə olaraq təqdim etməliyik ki mu məsələ bağlansın və bu islə bağlı hara muraciət etməliyik ki polisin və prokrorluğun bu uzunculuğuna son qoya bilək

 

 

Salam.

Nəzərinizə çatdırmaq istəyirik ki, Cinayət-Prosessual Məcəlləsinin 218-ci maddəsinə əsasən ibtidai araşdırmanın müddətləri (işin mürəkkəbliyindən və digər hallardan asılı olaraq) 2aydan 18 ayadək ola bilər. Lakın əgər süründürməçilik hallarına yol verilirsə və bunları təsdiq edən sübutlarınız varsa həmin rayon üzrə prokurora (həmiçinin Baş prokurorluğa) şikayətlə müraciət edə bilərsiniz. Həmin Məcəllənin 218.9.4-cü maddəsinə əsasən prokuror cinayət işinin araşdırılması ilə bağlı süründürməçilik hallarını müəyyən etdikdə, öz səlahiyyətləri daxilində təsir tədbirləri görmək səlahiyyətləri var.

Sualınıza görə təşəkkür edirik.

2010-08-20

 

 

202  Sevinc (20-08-2010) Salam, menim shexsiyyet vesiqemin vaxti 4 ildi bitib,men ne qeder cerime vermeliyem.

 

Salam.

Bu sual bir-neçə dəfə cavablandırılmışdır. Məsləhətxananın 47 və 145-ci suallarına nəzər yetirməyinizə tövsiyə edirik.

Sualınıza görə təşəkkür edirik.

2010-08-20

 

203  Vasif (20-08-2010). Salam. Vətəndaş adını dəyişmək istəyir. Bunun üçün nələri etməlidir. Təşəkkür edirəm.

 

 

Salam.

Mülki Məcəllənin 26.4-cü maddəsinə uyğun olaraq 26.4. fiziki şəxsin qanunla müəyyənləşdirilmiş qaydada öz adını dəyişdirmək ixtiyarı vardır. Fiziki şəxsin adını dəyişdirməsi, onun əvvəlki adı ilə əldə etdiyi hüquq və vəzifələrə xitam vermir və ya bunları dəyişdirmir. Fiziki şəxs adını dəyişdirməsi barədə öz borclularına və kreditorlarına məlumat verməlidir və adının dəyişməsi barədə həmin şəxslərdə məlumatın olmamasının doğurduğu nəticələrin riskini daşıyır. Adını dəyişdirmiş fiziki şəxsin ixtiyarı vardır ki, əvvəlki adına rəsmiləşdirilmiş sənədlərdə öz hesabına müvafiq dəyişikliklər aparılmasını tələb etsin.

Vətəndaşlıq vəziyyəti aktlarının dövlət qeydiyyatı Qaydasının 1.4 və 7-ci maddələrinə əsasən Ədliyyə Nazirliyinin rayon (şəhər) qeydiyyat şöbələri ata adının və soyadının dəyişdirilməsinin dövlət qeydiyyatını aparır (ərizə ilə həmin orqana müraciət etmək lazımdır). Həmin Qaydanın 7.2-ci bəndinə əsasən adın, ata adının və soyadın dəyişdirilməsinin qeydə alınması həmin Qaydaya və Azərbaycan Respublikası Ailə Məcəlləsinin tətbiqi ilə əlaqədar bəzi normativ aktların təsdiq edilməsi haqqında Azərbaycan Respublikası Nazirlər Kabinetinin 2001-ci il 1 mart tarixli 52 nömrəli qərarına uyğun olaraq həyata keçirilir.

Dövlət rüsumu - 3 manat (Dövlət rüsumu haqqında Qanun maddə 12.3).

Sualınıza görə təşəkkür edirik.

2010-08-20

 

204  Anar (21-08-2010). Salam, bir daha narahat etdiyimcun uzr isteyirem.size yazdigim suala cavab olaraq avtomobilin suselerinin plyonka ve perde vasitesiyle tundlesdirilemesine icaze verilmediyini bildirdiniz.Amma men http:]]]dyp.gov.az?azsearchplyonka%20ve%20perde2 bu saytin bu sehifesinde bele bir basliq oxudum:02 iyul tarixdən minik avtomobillərinin arxa şüşələrinə örtük (pərdə və ya plyonka) çəkməyə icazə verildi. Bu ne derecede qanunauygundu? Evvelceden minnetdarligimi bildirirem...

 

Salam.

Məsləhətxananın 158-ci sualına diqqət yetirin (xüsusilə Qeyd hissəsinə).

Qeyd: Avtomobillərin və avtobusların qabaq şüşəsinin yuxarı hissəsində rəngli, şəffaf plyonka bərkidilə bilər. İşığı buraxması dövlət standartlarının tələblərinə uyğun olan, sənaye üsulu ilə hazırlanan rəngli şüşələrin (güzgü-şüşələrdən başqa) tətbiqinə icazə verilir. Hər iki tərəfdə arxanıgöstərən xarici güzgülər olduqda avtobusun pəncərələrindən pərdə asmağa, eləcə də minik avtomobillərinin arxa şüşələrinə örtük (pərdə və ya plyonka) çəkməyə və yasənaye üsulu ilə hazırlanan jalüz asmağa yol verilir.

Bu qədər.

2010-08-22

205  Aynur (22-08-2010). Salam Aleykum Ramazan ayiniz mübarək. Hal-hazırda vətəndaşın vəziyyət budur: məhkəmə yolu ilə evə mövcud olan ünvan verilib (yəni indi bir ərazidə biri birindən aralı iki eyni ünvanlı ev var), yerli bələdiyyə(kənd soveti)orqanı bu məsələ ilə bağlı hansısa bir köməklik (ya öz vəzifəsini)etməkdən imtina edir. Sualım isə belədir: - Fərdi evlərə ünvan necə verilir (hansı orqan bunu həyata keçirir və hansı əsaslarla)?  - Cavabdeh şəxslər hansı qanun pozuntularına yol veriblər? Sualıma vaxt ayırdıqınız üçün təşəkkür edirəm!

 

Salam.

Sizində bayramınız mübarək. Daşınmaz əmlak obyektlərinə ünvanın verilməsi Azərbaycan Respublikasında ünvan reyestrinin aparılması və daşınmaz əmlak obyektlərinə ünvan verilməsi Qaydaları ilə tənzimlənir. Buna görə də məsələ ilə əlaqədar Daşınmaz Əmlakın Dövlət Reyestri Xidmətinə müraciət etmək məsləhətdir.

Məsuliyyət isə İnzibati Xətalar Məcəlləsinin 324-3 maddəsində (Daşınmaz əmlakın dövlət reyestri haqqında qanunvericiliyin pozulması ) nəzərdə tutulub

Daşınmaz əmlakın dövlət uçotunu aparan müvafiq icra hakimiyyəti orqanlarının vəzifəli şəxsləri tərəfindən daşınmaz əmlak barədə texniki məlumatın dəqiq və vaxtında təqdim edilməməsinə görə

— xəbərdarlıq edilir və ya iyirmi beş manatdan qırx beş manatadək miqdarda cərimə edilir.

Daşınmaz əmlakın dövlət reyestrini aparan dövlət orqanının vəzifəli şəxsləri tərəfindən daşınmaz əmlaka hüquqların qeydiyyatının dəqiq və vaxtında aparılmamasına, yaxud daşınmaz əmlakın dövlət reyestrindən verilən məlumatın tam və düzgün olmamasına və ya verilməməsinə görə

— xəbərdarlıq edilir və ya otuz manatdan əlli manatadək miqdarda cərimə edilir.

Sualınıza görə təşəkkür edirik.

2010-08-22

 

206  Aynur (22-08-2010). Salam təhsil haqqında qanunu oxuyurdum və belə bir bəndə rast gəldim- 33.3.10. qanunvericilikdə nəzərdə tutulmuş digər vəzifələri yerinə yetirmək.Burada nə nəzərdə tutulur? Yəni digər qanunlara riayət etməyə çağırşdır ? 

 

 

Salam.

Çağırış demək o qədər də düzgün deyil. Hər bir halda qanunlara riayət etmək lazımdır. İş ondadır ki, Təhsil haqqında qanunvericilik təkcə Təhsil haqqında Qanunla məhdudlaşmır. Bura həm beynəlxalq müqavilələr (misal üçün “Təhsil sahəsində ayrı-seçkiliklə mübarizə haqqında” Konvensiya), həm Prezidentin fərman və sərəncamları (misal üçün “Təhsil haqqında” Azərbaycan Respublikası Qanununun tətbiq edilməsi barədə), həm Nazirlər Kabinetinin qərarları (misal üçün “Ümumi təhsil pilləsinin dövlət standartı və proqramları (kurikulumları)”nın təsdiq edilməsi haqqında) və sair normativ aktlar daxildir.

Sualınıza görə təşəkkür edirik.

2010-08-22

 

207  Sevda (22-08-2010). Salam. Sizdən xahiş edirəm ki, Hərbi-həkim ekspirtiziyası haqqında əsasnaməni tam formada menim e-mail ünvanıma gondərsiniz. Mənə əsasən 23 maddə lazımdir.

 

Salam.

Hərbi-həkim ekspertizası haqqında Əsasnamənin həcmi böyük olduğuna görə iki hissəyə bölünüb.

1. 1-40 maddələr.

2. 41-89 maddələr.

Aşağıda adı çəkilən Əsasnamənin 23-cü maddəsi tam göstərilib:

Maddə	Xəstəliklərin adı, funksiyaların pozulma dərəcəsi	Hərbi xidmətə yararlılıq kateqoriyası
I qrafa	II qrafa	III qrafa
23	Baş-beynin və onurğa-beyninin travmaları və onların nəticələri; mərkəzi sinir sisteminin xarici amillərin təsirindən zədələnmələrinin nəticələri:
a) funksiyaların mühüm dərəcədə pozulması ilə	D	D	D
b) funksiyaların mülayim dərəcədə pozulması ilə	C	C	C və ya B FƏRDİ
c) funksiyaların cüzi dərəcədə pozulması ilə	C	C	B
ç) funksiyaların pozulması ilə müşayiət olunmayan obyektiv əlamətlər olduqda	A-4	A	A, HDQ, ÜH, DP, XQ-də FƏRDİ

Bu maddə baş-beynin və onurğa-beyninin travmalarının erkən və uzaq nəticələrini (travmanın alınma anından bir il və ya bir ildən çox keçdikdən sonra), mərkəzi sinir sisteminin travmatik zədələnmələrinin fəsadlarını, eləcə də, hava-partlayış dalğalarının və digər xarici amillərin təsirindən əmələ gələn travmaların nəticələrini nəzərdə tutur.

«a» bəndinə aşağıdakılar aiddir:

travmatik zədələnmə nəticəsində baş-beynin və onurğa-beyninin funksiyalarının ağır pozulmaları (davamlı iflic və ya dərin parezə, çanaq orqanları funksiyalarının pozulmalarına gətirib çıxaran beynin əzilməsi və sıxılması);

qabıq funksiyalarının pozulmaları (afaziya, aqnoziya, apraksiya və s.) ilə beyin maddəsinin zədələnmələrinin nəticələri;

kəllədaxili təzyiqin kəskin yüksəlməsinə və ya tez-tez (ildə 3 dəfə və daha artıq) baş verən epileptik tutmalara gətirib çıxaran posttravmatik araxnoidit və ya hidrosefaliya.

«b» bəndinə aşağıdakılar aiddir:

«a» bəndində nəzərdə tutulmuş dərəcəyə çatmayan ocaqlı simptomları və funksiya pozulmaları olan baş-beynin və onurğa-beyninin travmalarının nəticələri: ətrafın funksiyasını mülayim dərəcədə məhdudlaşdıran parez; yerişin qeyri-sərrastlığı, nistaqm, hissiyyat pozuntuları şəklində təzahür edən mülayim dərəcədə ifadə olunmuş beyincik pozuntuları; kəllədaxili təzyiqin mülayim və ya cüzi dərəcədə yüksəlməsi, nadir (ildə 3 dəfədən az) epileptik tutmalarla müşayiət olunan hidrosefaliya və ya travmatik araxnoidit.

«c» bəndinə aşağıdakılar aiddir:

nevroloji statusda dağınıq üzvi nişanələr (kəllə innervasiyasının assimmetriyası və anizorefleksiya, yüngül hissiyyat pozuntuları və digər) aşkar edilən, davamlı astenonevrotik əlamətlərlə və vegetativ damar davamsızlığı ilə müşayiət olunan travmatik araxnoidit, baş-beynin və onurğa beyninin travmatik zədələnmələrinin nəticələri;

üzvi əlamətlər və funksiya pozulmaları olmayan, mexaniki təzyiq nəticəsində kəllənin içəri basılmış köhnə sınıqları.

İlkin hərbi uçota götürülərkən, hərbi xidmətə çağırılarkən vətəndaşlar, çağırış üzrə hərbi xidmət keçən hərbi qulluqçular «c» bəndi üzrə yalnız müalicə nəticəsində xəstəlik təzahürlərinin müsbət dinamikası olmadıqda, eləcə də, uzunsürən və təkrarlanan dekompensasiya hallarında şəhadətləndirilirlər. Xəstənin halının yaxşılaşması, xəstəlik təzahürlərinin kompensasiyası və hərbi xidmət vəzifələrini icraetmə qabiliyyətinin bərpa olunması hallarında şəhadətləndirilmə «ç» bəndi üzrə keçirilir.

«ç» bəndinə aşağıdakılar aiddir:

sinir sisteminin hərəki, hissi, koordinasiya və digər funksiyalarının pozulması olmayan ayrı-ayrı dağınıq üzvi nişanələr, vegetativ-damar davamsızlığı və cüzi astenizasiya əlamətləri ilə keçən baş-beyin və onurğa-beyni travmalarının nəticələri.

Anamnezində son 3 il ərzində kəllə-beyin travması olan (tibbi sənədlərlə təsdiq olunmuş) və «Xəstəliklər cədvəli»nin I və II qrafası ilə şəhadətləndirilənlər barəsində «ç» bəndi üzrə qərar çıxarılır.

Anamnezdə baş-beynin və onurğa-beyninin travması və ya onun nəticələri ilə əlaqədar müalicə faktının olması tibbi sənədlərlə, travmanın nəticələrinin əmək qabiliyyətinə və ya hərbi xidməti vəzifələrinin icrasına təsiri isə iş, tədris və ya hərbi xidmət yerindən verilmiş xasiyyətnamələrlə təsdiq olunmalıdır.

Baş-beynin travması nəticəsində əmələ gələn, hərbi xidməti vəzifələrinin icrasını çətinləşdirən emosional-iradi və intellektual-mnestik pozuntuları olan şəxslər «Xəstəliklər cədvəli»nin 14-cü maddəsinə əsasən şəhadətləndirilirlər.

Xarici amillərin təsirindən (radiasiya, aşağı və yüksək temperatur, işıq, hava və suyun yüksək və aşağı təzyiqi, digər xarici səbəblərdən) mərkəzi sinir sisteminin zədələnməsinin nəticələri olan şəxslər mərkəzi sinir sistemi funksiyalarının pozulma dərəcəsindən asılı olaraq, bu maddənin «a», «b», «c» və ya «ç» bəndi üzrə şəhadətləndirilirlər.

Kəllə sümüklərinin zədələnməsi və qüsurları olan hallarda bu maddədən əlavə, «Xəstəliklər cədvəli»nin 81-ci maddəsinin müvafiq bəndləri tətbiq edilir.

Baş-beynin və onurğa beyninin kəskin travmasını keçirmiş şəxslər «Xəstəliklər cədvəli»nin 28-ci maddəsi ilə şəhadətləndirilirlər.

Bu qədər.

2010-08-22

 

208  Nazilə (23-08-2010). Salam. Men Azərbaycan vətəndaşıyam,amma hal hazirda Qazaxstan Respubliksında yaşayıram və burada Qazaxstan vətəndaşı ilə ailə qurmuşam, həyat yoldaşımın soyadını götürmüşəm bir övladım var. Mənim 2010 ilin sentyabr ayında ümumvətəndaş pasportumun müddəti bitir və eyni zamanda mənim şəxsiyyət vəsiqəmdə, pasportda soyadimi və ailə vəziyyətim haqqında məlumatı dəyişmək lazımdır.Xaiş edirəm məni məlumatlandırasıniz Qazaxstandaki Azərbaycan Resublikasını səfirliyi şəxsiyyət vəsiqəsimi, ümumvətəndaş pasportunu dəyişmək səlahiyəti çatır və manim pasportumda övladımın foto şəkili yapışdırılmalıdır,əgər yapışdırmalıdırsa bütün bu prosedurlari səfirlik edə bilər? Öncədən təşşəkürümü bildirirəm

 

Salam.

Bəli onların bu cür səlahiyyətləri var. Belə ki, Azərbaycan Respublikasının Konsul Nizamnaməsinin 38-ci maddəsinə və Azərbaycan Respublikasının Konsulluğu haqqında Əsasnamənin 14.16-cı bəndinə əsasən konsul Azərbaycan Respublikası vətəndaşlarına pasport vermək, onların pasportlarının vaxtını uzatmaq və bu pasportlarda dəyişikliklər etmək hüququna malikdir. Həmçinin nəzərə alınmalısız ki, xaricdə daimi yaşayan vətəndaşlar Azərbaycan Respublikasının xaricdəki konsulluğunda uçota alınmalıdırlar və onların pasportlarında müvafiq qeydlər edilməlidir (Ölkədən getmək, ölkəyə gəlmək və pasportlar haqqında Qanunun 11-ci maddəsi).

Sualınıza görə təşəkkür edirik.

2010-08-23

 

209  Shain (23-08-2010). Salam. Size bela bir sualim var: cinayet-prosessual qanunvericiliyine esasen cinayet prosesinin prinsiplarindan biri chekisme prinsipidir. chekishme prinsipine esasen cinayet prosesinda 3 taraf iwtirak edir: 1. ittiham terefi 2: mudafie terefi 3: mehkeme.. Lakin Inzibati Xetalar qanunvericiliyinde chekishme prinsipi barede hech bir muddea yoxdur.. yeni bu gun ki, gunadak inzibati xetalar haqqinda islere baxilan zaman ishde ittiham terefi ishtirak etmir.. bununla bagli fikrinizi bilmek isterdim.. evvelceden tesekkur ediram

 

Salam.

İlk olaraq qeyd etmək istəyərdik ki, Cinayət-Prosessual Məcəlləsinin 32-ci maddəsinə əsasən çəkişmə ittiham və müdafiə tərəfinin arasında olur (yəni iki tərəf arasında) və məhkəmə bu çəkişmənin iştirakçısı deyil, o işə qərəzsiz yanaşmalıdır.

İnzibati xətalar haqqında işlər üzrə icraat cinayət prosesindən fərqlidir və ümumiyyətlə inzibati xətalar qanunvericiliyinin prinsiplərinə başqa bucaqdan nəzər yetirmək lazımdır.

Belə ki, Azərbaycan Respublikasının cinayət-prosessual qanunvericiliyi cinayətin əlamətlərini əks etdirən əməllərin cinayət olub-olmamasını, cinayəti törətməkdə təqsirləndirilən şəxsin təqsirli olub-olmamasını, habelə cinayət qanunu ilə nəzərdə tutulmuş əməlləri törətməkdə şübhəli və ya təqsirləndirilən şəxsin cinayət təqibinin və müdafiəsinin hüquqi prosedurlarını müəyyən edir.

Amma, Azərbaycan Respublikasının inzibati xətalar qanunvericiliyinin vəzifələri insan və vətəndaş hüquqlarını və azadlıqlarını, onların sağlamlığını, əhalinin sanitariya-epidemioloji salamatlığını, ictimai mənəviyyatı, mülkiyyəti, şəxslərin iqtisadi maraqlarını, ictimai qaydanı və ictimai təhlükəsizliyi, ətraf mühiti, idarəçilik qaydalarını qorumaqdan, qanunçuluğu möhkəmləndirməkdən və inzibati xətaların qarşısını almaqdan ibarətdir. Yəni daha çox dövlət və cəmiyyət maraqlarını üstün tutur.

Çəkişmə prinsipi özü-özlüyündə bərabərlik prinsipinə əsaslanır və qanun qarşısında həm hansı bir dövlət qurumu, həm vətəndaş bərabərdilər, və müstəqil olaraq öz fikirlərini bildirirlər, öz hüquqlarını müdafiə edirlər (bərabərlik prinsipi İnzibati Xətalar Məcəlləsinin 7-ci maddəsində əks olunub).

Bundan başqa İnzibati xətalar haqqında işlər üzrə icraatın iştirakçıları da fərqlidir. Burda barəsində inzibati xəta haqqında iş üzrə icraat aparılan şəxs, zərər çəkmiş şəxs kimi iştirakçılar mövcuddur. Həmçinin inzibati xəta üzrə işlər mülki qaydada da baxıla bilər. Onda artıq vətəndaş iddiaçı, dövlət qurumu cavabdeh kimi işdə iştirak edə bilər (Mülki Məcəllənin 24-cü fəsli).

Sualınıza görə təşəkkür edirik.

2010-08-23

210  Shain (23-08-2010). Bir sualim da var: Reklam haqqinda qanunvericilikda reklam uchun zonalar ve tarifler mueyyen olunub, hemcinin dovlat rusunu haqqinda qanunda da reklam ucun birdefelik rusum nezerde tutulub. bunlari qoyduq kenara. bes hamin rusumu odamadan ve muvafiq icra hakimiyyeti orqanlari ila razilasdirilmadan reklam yerlasdirilarsa hamin fiziki ve ya huquqi shexsin mesulliyeti ne olacag, yeni hansi mecelle ve ya qanunla mesuliyyet dashiyir? Inibati Xetalar Mecellesinda bununla bagli norma (IXM 221-ci madde) olsa da, maddenin dispozisiyasinda dediyim mesele ile bagli hec bir mesuliyyet nezerde tutulmayib. bu barede ne deya bilarsiniz? onceden tesekkur edirem.

 

 

Salam.

Çox maraqlı məsələyə toxundunuz. Qeyd edilən əməllərə görə birbaşa məsuliyyət nəzərdə tutulmayıb. Lakın bilidiyiniz kimi “reklam” — fiziki və hüquqi şəxslər, əmtəə, ideya və yeniliklər (reklam informasiyası) haqqında maraq formalaşdırmaq və ya bu marağı saxlamaq, əmtəənin satılmasına, ideya və yeniliklərin həyata keçirilməsinə kömək göstərmək məqsədi ilə yayılan informasiyadır. Yəni reklamın yerləşdirilməsi və yayılması sahibkarlıq fəaliyyəti ilə məşğul olmaq və gəlir əldə etmək məqsədini güdür. Buna görə də İnzibati Xətalar Məcəlləsinin 199-cu maddəsində nəzərdə tutulmuş sanksiyalar tətbiq oluna bilər:

Azərbaycan Respublikasının qanunvericiliyi ilə müəyyən edilmiş qaydada dövlət qeydiyyatına alınmadan və ya sahibkarlıq fəaliyyətinin həyata keçirilməsi üçün xüsusi razılıq (lisenziya) tələb olunduğu hallarda belə razılıq olmadan sahibkarlıq fəaliyyəti ilə məşğul olmağa, yaxud lisenziyada nəzərdə tutulmuş şərtlərin pozulması və ya xüsusi icazə olmadan mülki dövriyyəsi məhdudlaşdırılmış əşyalardan istifadə etməklə ilə sahibkarlıq fəaliyyətinin həyata keçirilməsinə görə

- fiziki şəxslər on manatdan on beş manatadək miqdarda, vəzifəli şəxslər otuz manatdan əlli manatadək miqdarda, hüquqi şəxslər yüz iyirmi manatdan yüz altmış manatadək miqdarda cərimə edilir.

Qeyd: Bu Məcəllənin 199-cu, 200-204, 204-2-cü, 205-ci və 221.1-ci maddələrində nəzərdə tutulmuş əməllər xeyli miqdarda (min manatdan artıq) ziyan vurduqda və ya həmin miqdarda gəlir əldə etməklə törədildikdə Azərbaycan Respublikası Cinayət Məcəlləsinin müvafiq maddələrinə əsasən cinayət məsuliyyətinə səbəb olur.

Lakın öz tərəfimizdən fikirləşirik ki, bu mübahisəli məsələdir və ola bilsin ki, bununla bağlı qanunvericilikdə müəyyən dəyişikliklərin edilməsinin ehtiyacı var.

Sualınıza görə təşəkkür edirik.

2010-08-23

 

211  Faiq (23-08-2010). Salam Ata oz adina olan evi satmaq isteyir. Ancaq evde yoldasi, iki oqlu ve 1 gelin qeydiyyatdadir. Ata evi onlarin raziliqi olmadan sata biler?

 

 

Salam.

Müşgül məsələdir, və satılması demək olar ki, mümkünsüzdür. Çünki alqı-satqı müqaviləsi bağlanarkən notariat qaydada təqdiq olmalıdır. Notariuslar isə ərizələrdə razılıq verən şəxsin əmlakın konkret kimə (şəxsin soyadı, adı, atasının adı, təşkilatın adı) satılmasına, bağışlanmasına, dəyişdirilməsinə və ya girov qoyulmasına razı olduğu göstərilmişsə, yaxud qiymət və digər şərtlər göstərilmişsə, notarius özgəninkiləşdirmə və ya girov müqaviləsini təsdiq edərkən ərizələrdə göstərilmiş şərtlərə riayət olunub-olunmadığını yoxlamalıdır (Azərbaycan Respublikasında notariat hərəkətlərinin aparılması qaydaları haqqında Təlimatının 49-cu bəndinə əsasən). Bundan başqa əgər daşınmaz əmlak nigah dövründə edilibsə atanızın həyat yoldaşının həmin daşınmaz əmlakında payı var (yarsı).

Sualınıza görə təşəkkür edirik.

2010-08-23

 

212  Kamala (23-08-2010). Salam. Men 7-8 ildir ki aileliyem. Bu yaxinlarda bilmişem, ki heyat yoldaşimin kabinli arvadi var. Bilmek isteyiremki o bizden ne teleb eda biler ve o hansi huquqlara malikdir. Cox saq olun.

 

Salam.

Əgər onların münasibətləri nəticəsində uşaq(lar) doğulubsa, onda Ailə Məcəlləsinin 13-cü fəslinə əsasən həmin qadın uşaqlar üçün aliment tuta bilər (məhkəmə qaydasında). Bundan başqa Mülki Məcəllənin 1136-cı maddəsinə əsasən nikahdankənar uşaqlar atanın vərəsələridir. Yəni ölümdən sonra mülkiyyət onların da arasında bölünəcək. Əlbəttə ki, əgər atalıq müəyyən edilsə.

Sualınıza görə təşəkkür edirik.

2010-08-23

213  Tamilla (23-08-2010). Salam, Ramazan ayınız mubarək. Sualım belədir: özəlləşdirilmiş mənzillər MİS-nə mənzil haqqı ödəməlidirlər? Əgər ödəməlidirlərsə, zəhmət olmasa bu barədə tarifləri və Nazirlər Kabinetinin qərarının N-sini və tarixini göstərəsiniz. Nəzərinizə çatdirim ki, yaşadığımız bina neft şirkətinin binasıdır.

 

Salam.

Sizinlə bahəm. Oxşar sual Məsləhətxananın 171-ci sualında cablandırılmışdır.

Sualınıza görə təşəkkür edirik.

2010-08-23

214  Anar (23-08-2010). Salam De Jure emekdaslari. Suallarimi bele tez cavablandirdiginiz ucun Size minetdaram. Bele bir sualim var: Mehkemeye iddia erizesi ile muraciet edirem (is ile elaqeder) cavabdehin deqiq unvanini gosterirem amma mehkeme qaytarir ki unvani tesdiqedici senet teqdim et. Men cavabdehin unvani haqqinda senedihardan alim. umiyyetle mehkemenin bunu etmeye huququ varmi?

 

Salam.

 

Biz də Sizə fəal, vətəndaş olduğunuz üçün, təşəkkürümüzü bildiririk. İlk növbədə əgər hakim ərizəni qaytarırsa bununla bağlı qərardad qəbul etməlidir. Hakim yalnız Mülki Prosessual Məcəlləsinin 152-ci maddəsinə əsasən iddia ərizəsini qaytara billər. Siz qeyd etdiyiniz əsas bu maddədə göstəriliməyib. Buna görə də müvafiq qaydada şikayət edə bilərsiniz (əgər qərardad varsa MPM-nin 267-269 maddələrinə əsasən, həmçinin Məhkəmə-Hüquq Şurasına şikayət edə bilərsiniz).

Maddə 152. İddia ərizəsinin qaytarılması

152.1. Hakim iddia ərizəsini və ona əlavə edilmiş sənədləri geri qaytarır:

152.1.1. iddia ərizəsinin bu Məcəllənin 149-cu maddəsi ilə müəyyən olunmuş formasına və məzmununa riayət edilmədikdə;

152.1.2. iddia ərizəsi imzalanmadıqda və ya onu imzalamağa hüququ olmayan şəxs tərəfindən, yaxud xidməti vəziyyəti göstərilməyən şəxs tərəfindən imzalandıqda;

152.1.3. əgər iş ərazi aidiyyəti üzrə həmin məhkəmədə baxılmalı deyildirsə;

152.1.4. iqtisadi mübahisələr üzrə işdə iştirak edən digər şəxslər tərəfindən iddia ərizəsinin alınmasına dair sübut təqdim edilmədikdə;

152.1.5. müəyyən edilmiş qaydada və məbləğdə dövlət rüsumunun ödənilməsini təsdiq edən sənəd təqdim edilmədikdə;

152.1.6. müqavilə ilə və ya həmin kateqoriya işlər üçün qanunla nəzərdə tutulmuşsa, iddiaçı cavabdehlə mübahisənin məhkəməyə qədər (pretenziya) nizama salınmasına riayət edilməsinə dair sənəd təqdim etmədikdə;

152.1.7. bir və ya bir neçə cavabdehə bir-biri ilə əlaqədar olmayan bir neçə tələb birləşdirildikdə;

152.1.8. cavabdehdən borcun alınmasına dair iddialarda, əgər bu, qanuna, digər normativ-hüquqi akta və ya müqaviləyə əsasən bank və ya digər kredit təşkilatı vasitəsilə alınmalıdırsa, banka və ya digər kredit təşkilatına müraciət edilməsinə dair sübut təqdim edilmədikdə;

152.1.9. iddia ərizəsini icraata götürmək haqqında qərardad çıxarılana qədər iddiaçıdan iddia ərizəsinin qaytarılmasına dair ərizə daxil olduqda.

152.2. İddia ərizəsinin qaytarılması haqqında hakim qərardad çıxarır.

152.3. İddia ərizəsinin qaytarılması haqqında qərardaddan şikayət verilə bilər. Qərardad ləğv edildikdə, iddia ərizəsi məhkəməyə müraciət edildiyi gündən verilmiş hesab edilir.

152.4. İddia ərizəsinin qaytarılması nöqsanlar aradan qaldırıldıqdan sonra ümumi qaydada ikinci dəfə məhkəməyə müraciət etməyə mane olmur.

Maddə 149. İddia ərizəsinin forması və məzmunu

149.1. İddia ərizəsi məhkəməyə yazılı şəkildə verilir. O, iddiaçı və ya onun bunu imza etməyə səlahiyyəti olan nümayəndəsi tərəfindən imzalanır.

149.2. Ərizədə aşağıdakılar göstərilməlidir:

149.2.1. ərizənin verildiyi məhkəmənin adı;

149.2.2. işdə iştirak edən şəxslərin adları, onların poçt ünvanları;

149.2.3. iddiaçının və ya ərizəçinin tələbi, onların öz tələblərini əsaslandırdıqları hallar, iddia bir neçə cavabdehə verildikdə isə onların hər birinə qarşı yönələn tələb;

149.2.4. müqavilə ilə və ya həmin kateqoriya işlər üçün qanunla bu, nəzərdə tutulmuşsa, cavabdehlə mübahisənin məhkəməyə qədər (pretenziya) qaydada nizama salınmasına riayət edilməsinə dair məlumat;

149.2.5. ərizəyə əlavə edilən sənədlərin siyahısı.

149.3. İddiaçı bir-biri ilə bağlı olan bir neçə tələbi bir iddia ərizəsində birləşdirməyə haqlıdır.

149.4. Ərizədə mübahisənin düzgün həll edilməsi üçün zəruri olan digər məlumatlar, həmçinin, iddiaçının vəsatətləri də göstərilir.

Sualınıza görə təşəkkür edirik.

2010-08-23

 

215  Elvin (23-08-2010). Salam. Eger nene chixarishla oz adina olan torpaq sahesini nevesine bagishlamaq isteyirse,bunun uchun hansi prosedurlardan kechilmelidir,hansi senedler teleb olunur ve burda hansi dovlet rusumlari (ve ne qeder)odenilmelidir? Onu da deyim ki,nenenin heyat yoldashi artiq rehmete gedib. Onceden teshekkur edirem!

 

Salam.

Oxşar suala Məsləhətxananın 117-ci suala cavab verilmişdir.

Sualınıza görə təşəkkür edirik.

2010-08-23

216  Lale (23-08-2010). Övladdan anaya aliment üçün ərizə formasında əsas nələr göstərilməlidir ?

 

Salam.

İddia ərizəsinin forması burda.

Ailə Məcəlləsinin 82-ci maddəsinə əsaslanaraq, iddia ərizəsi Mülki Prosessual Məcəlləsinin 149-cu maddəsinin tələblərinə uyğun olaraq tərtib edilməlidir.

Sualınıza görə təşəkkür edirik.

2010-08-24

217  Lale (23-08-2010). Məhkəmə üçün notariusda veriləcək etibarnamənin qiyməti neçəyədir?

 

Salam.

Dövlət rüsumu haqqında Qanunun 10.11.2-ci maddəsinə əsasən dövlət rüsumu 5 manat təşkil edir.

Sualınıza görə təşəkkür edirik.

2010-08-24

218  Aynur (23-08-2010). Salam. Xarici ölkə vətəndaşı ilə nikaha daxil olan və boşananadək xarici ölkədə yaşayan Azərbaycan Respublikası vətəndaşının boşanması və eyni zamanda uşaqla bağlı mübahisəyə baxılması qaydası qanunda necə müəyyən olunur. Bu məsələyə baxılması hansı orqanların səlahiyyətindədir. Əvvəlcədən təşəkkürlər.

 

 

Salam.

Ailə Məcəlləsinin 148.1-ci maddəsinə uyğun olaraq Azərbaycan Respublikasının hüdudlarından kənarda Azərbaycan Respublikasının vətəndaşları arasında, Azərbaycan Respublikasının vətəndaşları ilə əcnəbilər və ya vətəndaşlığı olmayan şəxslər arasında həmin xarici ölkənin qanunvericiliyinə əməl etməklə bağlanan nikah (nikahın bağlanmasına mane olan hallar olmadıqda), Azərbaycan Respublikasında etibarlı hesab edilir.

Həmin Məcəllənin 150-ci maddəsinə əsasən Azərbaycan Respublikasından kənarda Azərbaycan Respublikası vətəndaşları ilə əcnəbilər və ya vətəndaşlığı olmayan şəxslər arasında, eləcə də Azərbaycan Respublikasının vətəndaşları arasında bağlanan nikahın Azərbaycan Respublikasında pozulması Azərbaycan Respublikasının qanunvericiliyinə uyğun olaraq həyata keçirilir.

Azərbaycan Respublikasından kənarda yaşayan Azərbaycan Respublikası vətəndaşı Azərbaycan Respublikasından kənarda yaşayan əri (arvadı) ilə bağladığı nikahı onun vətəndaşlığından asılı olmayaraq Azərbaycan Respublikasının məhkəmələrində poza bilər. Nikahın müvafiq icra hakimiyyəti orqanında pozulmasına Azərbaycan Respublikasının qanunvericiliyi ilə yol verilirsə, həmin nikah Azərbaycan Respublikasının diplomatik nümayəndəliklərində və ya konsulluq idarələrində pozula bilər.

Məsələ ilə bağlı bütün mübahisələr məhkəmə tərəfindən həll olunur (o cümlədən, uşaqlarla bağlı).

Sualınıza görə təşəkkür edirik.

2010-08-24

 

219  Məlahət (24-08-2010). Salam. Sualım şəxsi, yəni özəlləşdirilmiş evimin altındakı zirzəminin özəlləşdirilməsinə aiddir. Evimin altında yeraltı sularln mövcud alması səbəbindən 1998-ci ildə öz hesabıma zirzəmi yaratmışdım. Bunun üçün Bakı şəhər İcra Hakimiyyətinin əsaslı təmir aparmaq üçün bütün lazımı məktublar mövcuddur. Əsaslı təmir nəticəsində zirzəmi yaranmışdır, bu günə qədər oradan müntəzəm olaraq yeraltı sular mənim hesabıma çıxarılır, du da qonşu evlərə də xeyir verir. Bakı şəhər İcra Hakimiyyətinin 1997-ci ildə çıxmış Qanuna əsasən Bakı şəhər İH mənə "Sərəncam" verməli idi ki, mən bu zirzəmini sənədləşdirə bilim. Amma indiyədək buna nail ola bilmirəm Bakə İH bu məsuliyyəti Nəsimi r-nu İH-nin üstünə atır. Nasimi İH isə Bakı İH-nin üstünə atır. Xahiş edirəm, mənə bu məsələdə, yəni evimin altında öz hesabıma yaratmış zirzəmini sənədləşdirmək və sonra onu özəlləşdirmək üçün qanuni qaydanı açıqlayasınız. Əvvəlcədən təşəkkür edirəm.

 

Salam.

Oxşar məsələ Məsləhətxananın 153-cü sualında qaldırılmışdır. Əgər müvafiq sənədləriniz varsa məhkəməyə müraciət etməyiniz məqsədəuyğundur (Bakı İH, Nəsimi rayon İH nümayəndələrinin işə cəlb etməklə).

Sualınıza görə təşəkkür edirik.

2010-08-24

220  Emil (24-08-2010). Evvelceden tesekkur edirem.Menim yoldasim rayon, men ise seher qeydiyyatindayam.Hal hazirda yoldasimin rayon qeydiyatinda oldugu ev satilib. Bizim ikimizinde sexsiyyet vesiqesinde subay yazilib{vaxti qutarmayib}. Men isteyirem ki sexsiyyet vesiqelerini deyisdirib evli yazilsin ve yoldasimi seherde ozum qeydiyyatda oldugum unvana qeydiyyata salinsin. Bunun ucun hansi senedler ve dovlet rusumu teleb olunur?

 

 

Salam.

Yaşayış yeri və olduğu yer üzrə qeydiyyat haqqında Qanunun 5-ci maddəsinə əsasən yaşayış yeri üzrə qeydiyyata alınmaq üçün vətəndaş ərizə-anketlə birlikdə aşağıdakı sənədləri təqdim etməlidir:

1) şəxsiyyət vəsiqəsi və ya doğum haqqında şəhadətnamə;

2) yaşayış sahəsinə köçmək üçün əsas verən sənəd (mülkiyyət hüququnun dövlət qeydiyyatına alınması haqqında daşınmaz əmlakın dövlət reyestrindən çıxarış, order, icarə və ya kirayə müqaviləsi, yaxud Azərbaycan Respublikası qanunvericiliyində nəzərdə tutulmuş başqa sənəd) və ya vətəndaşa yaşayış sahəsi verən şəxsin ərizəsi.

Azərbaycan Respublikası vətəndaşının şəxsiyyət vəsiqəsi haqqında Qanunun 4-cü maddəsinə uyğun olaraq ailə vəziyyəti dəyişildikdə şəxsiyyət vəsiqəsini (bir ay ərzində) dəyişdirməlidir. Bunun üçün nikah bağlanması haqqında şəhadətnaməni də təqdim etmək lazımdır.

Dövlət rüsumu haqqında Qanunun 14.5-ci maddəsinə əsasən rüsum 2 manat təşkil edir.

Sualınıza görə təşəkkür edirik.

2010-08-24

 

221  Ilgar (24-08-2010). Hormetli Vakil! Bu yaxinlarda kicik mubaisem oldu bir vatandashla. Mubaise zamani men yungul iteledim bu insani ve o meni yungul vurdu. Uzun muddet xaricde yashadigima gore buranin gaydalarini unutmushdum. Polise zenk vurdum ve shikayyet yazdim uch hefte bundan evvel. Sonra biz o insanla gorushduk ve menden uz isteyenden sonra onu bagishladim. Polis bolmesinin istitagchisi arashdirma apardi ve sonra bu ishi rayon polis idaresine gonderdi. Men isteyirem ki, erize yazim barishmag uchun. Polis meni xuliganligda itiham edir bu negederde duzgundur?.

 

 

Salam.

Bəli Azərbaycanda bu məsələlər çətinliklə həll olunur. Şikayət verməmişdən qabaq bunu nəzərə almaq lazım idi. İş ondadır ki, Cinayət-Prosessual Məcəlləsinin 37-ci maddəsinə əsasən xüsusi ittiham qaydasında (zərər çəkmiş şəxs şikayət verdikdə) cinayət təqibi yalnız zərər çəkmiş şəxsin şikayəti əsasında Azərbaycan Respublikası Cinayət Məcəlləsinin 147 (Böhtan), 148 (Təhqir), 165.1 (Müəlliflik hüquqlarını və ya əlaqəli hüquqları pozma) və 166.1-ci ( İxtiraçılıq və patent hüquqlarını pozma) maddələrində göstərilən cinayətlər üzrə həyata keçirilir və məhkəmə müşavirə otağına gedənədək zərər çəkmiş şəxs təqsirləndirilən şəxslə barışdıqda ona xitam verilir.

Lakın bunlara baxmayaraq, siz Cinayət-Prosessual Məcəlləsinin 39-cu maddəsinə istinad edərək prokurorluğa və məhkəməyə müraciət edə bilərsiniz. Belə ki, aşağıdakı hallarda cinayət təqibi başlanıla bilməz, başlanmış cinayət təqibinə isə xitam verilməlidir (o cümlədən cinayət işi başlana bilməz, başlanılmış cinayət işi üzrə icraata isə xitam verilməlidir):

• cinayət hadisəsi olmadıqda;
• əməldə cinayət tərkibi olmadıqda;
• cinayət məsuliyyətinə cəlbetmə müddətləri keçdikdə (cinayət məsuliyyətinə cəlbetmə müddətinin dayandırılması halları istisna edilməklə);
• cinayət qanunu ilə nəzərdə tutulmuş əməlin baş verdiyi anda onu törətmiş şəxs cinayət məsuliyyətinə cəlb etməyə imkan verən yaş həddinə çatmadıqda (həmin şəxsə qarşı tərbiyəvi xarakterli məcburi tədbirlərin tətbiq edilməsi zəruri olan hallar istisna edilməklə);
• şəxs cinayət qanunu ilə nəzərdə tutulmuş əməli törətdikdən sonra öldükdə (ölən şəxsə bəraət verilməsi zəruri olduğu hallar istisna edilməklə);
• şəxs barəsində eyni ittiham üzrə məhkəmənin qanuni qüvvəyə minmiş hökmü və ya digər məhkəmənin cinayət təqibini qeyri-mümkün edən ləğv edilməmiş qərarı olduqda;
• şəxs barəsində eyni ittiham üzrə təhqiqatçının, müstəntiqin və ya prokurorun cinayət işi başlanmasının rədd edilməsi və ya ona xitam verilməsi haqqında ləğv edilməmiş qərarı olduqda;
• zərər çəkmiş şəxsin şikayəti olmadıqda (cinayət təqibi xüsusi ittiham qaydasında həyata keçirildikdə, habelə cinayət təqibinin başlanmasına prokurorun təşəbbüsü olmadığı halda cinayət təqibi ictimai-xüsusi ittiham qaydasında həyata keçirildikdə);
• zərər çəkmiş şəxslə təqsirləndirilən şəxs barışdıqda (cinayət təqibi yalnız xüsusi ittiham qaydasında həyata keçirildikdə);
• şəxs cinayət qanunu ilə nəzərdə tutulmuş əməli anlaqsız vəziyyətdə törətdikdə (bu şəxslərə qarşı tibbi xarakterli məcburi tədbirlərin tətbiq edilməsi halları istisna olunmaqla);
• cinayət qanunu müddəalarının qüvvəsinə görə şəxsin cinayət məsuliyyətindən azad edilməsi üçün əsaslar olduqda;
• amnistiya aktına əsasən şəxs cinayət məsuliyyətindən azad edilməli olduqda.

Hər hansı şəxs barəsində başlanılmış cinayət təqibinə həmçinin onun cinayət törədilməsinə aidiyyəti olmadıqda və ya təqsirliliyi sübuta yetirilmədikdə xitam verilir.

Sualınıza görə təşəkkür edirik.

2010-08-25

 

222  Tağı (24-08-2010). Torpaq almaq üçün dövlət rüsumu nə qədər ödəmək lazımdır?

 

 

Salam.

Baxmayaraq ki, sualınız qısadır lakın bir çox normativ aktları əhatə edir. Çünki torpağın qiyməti bir çox amillərdən asılıdır (torpağın keyfiyyətindən, təyinatından, coğrafi yerləşməsindən və s.). Buna görə də aşağıdakı normativ aktlarına nəzər yetirməyiniz məqsədəuyğun olardı.

1. Kadastr qiymət rayonları və ora daxil olan inzibati rayonlar üzrə kənd təsərrüfatı torpaqlarının təyinatı, coğrafi yerləşməsi və keyfiyyəti nəzərə alınmaqla şərti balların müəyyənləşdirilməsi haqqında Azərbaycan Respublikasının Nazirlər Kabinetinin qərarı;
2. Azərbaycan Respublikası Əmlak Məsələləri Dövlət Komitəsi yanında Daşınmaz Əmlakın Dövlət Reyestri Xidmətinin ərazi idarələri tərəfindən göstərilən xidmətlərin tariflərinin tənzimlənməsi barədə Azərbaycan Respublikasının Tarif (qiymət) Şurasının qərarı.

Sualınıza görə təşəkkür edirik.

2010-08-25

 

223  Elcin (24-08-2010). Salam. Men sirketimiz adindan mehkemmeye iddiaci kimi muraciət etmişəm. Məhkəmə cavabdehin ünvanını tediq edən sənədin olmadığına görə işi geri qaytarıb. Bu nə dərəcədə dogrudur. Mən cavabdehin unvanı təsdiq edən sənədi hardan ola bilərəm. Minnətdaram.

 

Salam.

Oxşar suala Məsləhətxananın 214-cü sualında cavab verilmişdir.

Sualınıza görə təşəkkür edirik.

2010-08-25

224  Lale (24-08-2010). Hər hansı bir vıtəndaşın qeydiyyatının hansı ünvanda olmasını necə bilmək olar?

 

Salam.

Azərbaycan Respublikası DİN-in PQİ-nin Milli Avtomatlaşdırılmış Pasport Sisteminə (MAPS) yazılı müraciət etməlisiniz.

Sualınıza görə təşəkkür edirik.

2010-08-25

226  Lutfi (24-08-2010). SALAM. Mən Şəki şəhərində yaşayıram. Xarici pasport almaq ucun hansi senedlər lazımdır və verilmə müddətinə görə (30 gün, 15 gün, 5 gün) dövlət rüsumlarını zəhmət olmasa deyərdiniz. Birdə Bakıdan kənardakı rayon və şəhərlərdə pasport almaq qaydaları (rüsumlar) ilə digər rayonlarda (məsələn Şəkidə) pasport almaq qaydaları (rüsumları) arasında fərq varmı? Çox sag olun.Təşəkkürlər.

 

Salam.

 

Ölkədən getmək, ölkəyə gəlmək  və pasporlar haqqında Qanununun tətbiqi haqqında Əsasnamənin tələblərinə uyğun olaraq vətəndaş ümumvətəndaş pasportu verilməsi üçün xüsusi formalı ərizə-anketi , 2 ədəd 3x4 sm ölçüdə rəngli fotoşəkili, şəxsiyyət vəsiqəsinin surətini və dövlət rüsumununun ödənilməsi barədə qəbzi növbə qaydasında Pasport şöbəsinə təqdim etməlidir.

“Dövlət rüsumu haqqında” Azərbaydan Respublikasının 28 noyabr 2006-cı il tarixli Qanunu ilə Azərbaycan Respublikası vətəndaşlarına xaricə getmək hüququ verən ümumvətəndaş pasportunun verilməsinə və dəyişdirilməsinə görə-5 (beş) iş günü müddətində-120 manat, beş iş günündən sonrakı müddətdə verildikdə yaxud Azərbaycan Respublikası vətəndaşının və ya onunla gedən şəxslərin təcili müalicəsi, yaxud xaricdə yaşayan yaxın qohumunun ağır xəstəliyi, ölümü və ya digər müstəsna hallarda 2 (iki) gün müddətində verildikdə - 40 manat müəyyən edilmişdir.

Göstərilən rüsum formalarının tətbiqi ilə cari ilin mart ayının 15-dən etibarən ümumvətəndaş pasportunun 10 (on) illik müddətə verilməsi nəzərdə tutulmuşdur.Ümumvətəndaş pasportunun verilməsi hazırda respublika üzrə fəaliyyət göstərən 6 (altı) regional mərkəz (hər biri 10-15 şəhər-rayonu əhatə etməklə) vasitəsilə həyata keçirilir. Ümumvətəndaş pasportunun itirilməsinə və ya qəsdən korlanmasına görə minimum əmək haqqı məbləğinin on beş mislindən iyirmi beş mislinədək cərimə nəzərdə tutulur. 

 

Və bu məsələ ilə əlaqədar ödənilən dövlət rüsumu Azərbaycan bütün ərazisində eynidir və rayonların yerləşməsindən asılı deyil.

Sualınıza görə təşəkkür edirik.

2010-08-25

227  Lale (25-08-2010). Məhkəmə ışı üçün notariusun verdiyi etibarnamənin müddəti nə qədərdir?

 

Salam.

Həmin müddət etibarnamənin özündə göstərilir. Əgər etibarnamədə müddət göstərilməyibsə, o, verildiyi gündən bir il ərzində qüvvəsini saxlayır (Azərbaycan Respublikasında notariat hərəkətlərinin aparılması qaydaları haqqında Təlimatının 75-ci bəndi). Xatırladaq ki, verildiyi tarix göstərilməyən etibarnamə etibarsızdır.

Sualınıza görə təşəkkür edirik.

2010-08-25

 

228  Lale (25-08-2010). Əgər qaçqın həm Bakıda qeydiyyatdadırsa həm də qaçqınkomdan yardım alırsa-bu qanunidirmi?

 

Salam.

Qeyd etdiyiniz halların birinə bağlılıq nədən ibarətdir?

Qaçqın yalnız aşağıdakı hallarda qaçqın statusunu itirə bilər (Qaçqınların və məcburi köçkünlərin (ölkə daxilində köçürülmüş şəxslərin) statusu haqqında Qanunun 14-cü maddəsi):

 

• vətəndaşı olduğu və ya daimi yaşadığı dövlətin himayəsindən könüllü surətdə yenidən istifadə etdikdə;
• öz vətəndaşlığından məhrum olub onu könüllü surətdə yenidən əldə etdikdə;
• Azərbaycan Respublikasının və ya başqa dövlətin vətəndaşlığını qəbul etdikdə və yeni vətəndaşı olduğu dövlətin himayəsindən istifadə etdikdə;
• təqiblərdən ehtiyat etdiyinə görə tərk etdiyi və ya hüdudlarından kənarda qaldığı dövlətdə könüllü surətdə yenidən məskunlaşdıqda;
• qaçqın kimi tanınmasına əsas vermiş hallar aradan qalxdığına görə vətəndaşı olduğu dövlətin himayəsindən daha imtina edə bilmədikdə (vətəndaşı olduqları dövlətin himayəsindən imtina etmək üçün əvvəlki təqiblərdən irəli gələn kifayət qədər əsaslar gətirə bilən qaçqınlar istisna olmaqla);
• müəyyən vətəndaşlığı olmayan şəxs onun qaçqın kimi tanınmasına əsas vermiş hallar aradan qalxdığına görə əvvəl adətən yaşadığı ölkəyə qayıda bildikdə (əvvəl adətən yaşadıqları ölkəyə qayıtmaqdan imtina etmək üçün əvvəlki təqiblərdən irəli gələn kifayət qədər əsaslar gətirə bilən qaçqınlar istisna olmaqla).
• Qaçqın daimi yaşayış üçün Azərbaycan Respublikasının hüdudlarından kənara getdikdə Azərbaycan Respublikasının həmin qaçqın barəsində öhdəlikləri onun Azərbaycan Respublikasının dövlət sərhədini keçdiyi andan itirilir.

 

Məcburi köçkün (ölkə daxilində köçürülmüş şəxsin) statusunu vətəndaş aşağıdakı hallarda itirir:
əvvəl adətən yaşadığı yerə qayıtdıqda və ya həmin regionda müəyyənləşdirilmiş ölçüdə başqa yaşayış yeri ilə əvəzsiz qaydada təmin edildikdə;
bu mümkün olmadıqda, dövlətin xüsusi qərarı ilə müəyyənləşdirilmiş səviyyədə yaşayış yeri ilə təmin edildikdə.

Bu qədər.

2010-08-25

229  Lale (25-08-2010). Moskva şəhərinin rayon məhkəməcinə mülki işlərlə alaqədar sorğu göndərmək istəyirəm. Bu hansı yollarla mümükündür?

 

Salam.

Bu sual Rusiya Federasiyasının qanunvericiliyinə aiddir, biz isə yalnız Azərbaycan qanunvericiliyinə aid sualları cavablandırırıq.

Bu qədər.

2010-08-25

230  Lale (25-08-2010). 1995-ci ildə rayon məhkəməsinin qərarından indiyədək yuxarı distansiyalara şikayət verilməyibsə indi bunu gəzləmək olarmı? yəni indi onların şikayət vermək hüququ varmı?

 

Salam.

İlk öncə distansiya yox instansiya yazmaq düzgündür. Fərqli sözlərdir və fərqli mənaları var. Mülki Prosessual Məcəlləsinin 360-cı maddəsinə əsasən apellyasiya şikayəti məhkəmə qətnaməsi rəsmi qaydada verildiyi gündən 1 ay müddətində verilə bilər. Qəbul edildiyi gündən 1 ay keçdikdən sonra məhkəmə qətnaməsi qanuni qüvvəyə minir və qətnamə qanuni qüvvəyə mindikdən sonra tərəflər və işdə iştirak edən digər şəxslər, habelə onların hüquq varisləri məhkəmədə eyni iddia tələblərini, eyni əsas üzrə yenidən irəli sürə bilməzlər, habelə məhkəmə tərəfindən müəyyən edilmiş faktlara və hüquq münasibətlərinə qarşı başqa prosesdə mübahisə edə bilməzlər (MPM-nin 233-cü maddəsi).

Sualınıza görə təşəkkür edirik.

2010-08-25

231  Lale (25-08-2010). Mən işləmirəm xəstə anama baxıram hökumət mənə yardım edə bilərmi?

 

Salam.

Görünür ki, çox fəal vətəndaşsınız. Təqdirə layıqdir. Amma bir gündə bu qədər sualların verilməsi məqsədəuyğun deyil. Əks təqdirdə gələcəkdə məhdudiyyətlərin qoyulmasına səbəb ola bilər. İşsiz vətəndaşlar məşğulluq orqanlarına müraciət edib işsizlik müvinəti ala bilər (hal-hazırda işsizlik müavinəti 55 manatdır).

Bu qədər.

2010-08-25

233  Lale (25-08-2010). Məktəb müəllimi evənə məktəb şagirdlərini cəlb edib evdə pulla hazırlaşdırır. bu qanunidirmi?

 

Salam.

Əgər müvafiq qaydada vergi orqanlarında qeydiyyatdan keçsəniz (VÖEN alsanız) və dövlətə müvafiq qaydada gəlirinizdən vergi ödəsəniz qanunla heç bir problem olmaz.

Sualınıza görə təşəkkür edirik.

2010-08-25

234  Lale (25-08-2010). İkimərtəbəli evlər nə vaxt plana düşəcək və ödənilmə necə olacaq?

 

Salam.

Təəssüflər olsun ki, proqnozlaşdırmalar ilə də məşğul olmuruq. Bildiyimiz qədər hökümətin bununla bağlı hələ planları yoxdur.

Bu qədər.

2010-08-25

235  Elvin (25-08-2010). Salam. Internetde bir az arashdirma apardim, amma sualima tam cavab tapa bilmedim, odur ki yeniden sizi narahat edirem. Bizim qanunvericilik aile uzvleri dedikde,kimleri nezerde tutur? Daha deqiqi Vergi Mecellemiz. Onceden teshekkurler!

 

Salam.

Vergi Məcəlləsinin 13.2.7-ci maddəsində sizin sualınıza ətraflı məlumat verilib:

Belə ki, vergi ödəyicisinin ailə üzvləri:

• ər-arvadlar;
• valideynlər, övladlar və övladlığa götürülmüş şəxslər;
• vərəsələr;
• doğma (ögey) bacılar (qardaşlar);
• bacı və qardaş övladları;
• ər-arvadların bacıları, qardaşları və valideynləri;
• bacıların ərləri və qardaşların arvadları;
• valideynlərin bacıları (qardaşları);
• qəyyumlar və qəyyumluğa götürülənlər, onların arasındakı ev təsərrüfatı birliyi nəticəsində biri o biri ilə valideyn və övlad kimi bağlı olduqda.

Sualınıza görə təşəkkür edirik.

2010-08-25

 

236  Namiq (25-08-2010). Salam. Mən bilmək istərdim yaşayış sahəsi dedikdə hansı normalar nəzərdə tutulur.Köhnə çıxarışda(fərdi yaşayış evi)yaşayış otaqlarının sayı 3 idi. İndi təzə çıxarışda yaşayış otaqlarının sayını 2 yazıblar və deyirlər ki otağın biri yaşayış sahəsinin normalarına uyğun deyil.

 

Salam.

Yaşayış sahəsi dedikdə - Azərbaycan Respublikasının Mülki Məcəlləsinə uyğun olaraq daşınmaz əmlak hesab edilən və vətəndaşların daimi yaşaması üçün yararlı olan (müəyyən edilmiş sanitariya və texniki norma və qaydalara, qanunvericiliyin digər tələblərinə (bundan sonra – tələblərə) cavab verən) ayrıca sahə başa düşülür (Mənzil Məcəlləsi maddə 12.2). Həmin sanitariya və texniki norma və qaydalar bir çox normativ aktları əhatə edir (texniki təhlükəsizlik, Sanitariya-epidemioloji haqqında qanunvericilik). Lakın siz məhkəməyə müraciət edərkən qeyd edilən sənəddə müvafiq dəyişikliklərin edilməsini və ekspertizanın təyin edilməsini tələb edə bilərsiniz.

Sualınıza görə təşəkkür edirik.

2010-08-25

237  Lale (26-08-2010). Salam. cavablarınıza görə təşəkkür edirəm. fəaliyyətiniz təqdirəlayiqdir. bilmək istəyərdim sizə gün arzində neçə sual vermək olar. qaydalarınız necədir.

 

Salam.

Öz növbəmizdə suallarınıza görə təşəkkür edirik. Hələ ki, sualların sayına məhdudiyyət yoxdur. Amma hər bir halda ağlabatan miqdarda olmalıdır (gün ərzində bir şəxs tərəfindən).

Bu qədər.

2010-08-26

238  Aynur (26-08-2010). Salam. Mümkünsə əməyin mühafizəsi üzrə təlimatlarin ümumi formasini dərc edərdiniz.Təşəkkür edirəm.

 

Salam.

Əməyin mühafizəsi və texniki təhlükəsizlik üzrə mühəndisinin Vəzifə Təlimatı burda.

Bu qədər.

2010-08-27

239  Sual (26-08-2010) Salam. men Aghdam-dan mecburi kockunem, muveqqeti Bakida qeydiyyatdayam. xarici pasport almaq ucun hara muraciet etmeliyem. Aghdamdan alinmali senedleri indi Berdeden verirler, indi men ora getmeliyem? yoxsa Bakidan ala bilerem?

 

 

Salam.

İlk öncə xahiş edərdik ki, adınızı qeyd edəsiniz. Əgər sual verirsinizsə deməli cavab almaq istəyirsiniz. Cavabı vermək üçün isə müraciət etmə hansı bir şəxsə ünvanlanması daha düzgün olardı (sirli, sual və s. adlar deyil).

Ümumvətəndaş pasportunun alınması Ölkədən getmək, ölkəyə gəlmək və pasportlar haqqında Qanuna uyğun olaraq həyata keçirir.

Ölkədən getmək, ölkəyə gəlmək və pasporlar haqqında Azərbaycan Respublikası Qanununun tətbiqi haqqında Əsasnamənin tələblərinə uyğun olaraq vətəndaş ümumvətəndaş pasportu verilməsi üçün xüsusi formalı ərizə-anketi , 2 ədəd 3x4 sm ölçüdə rəngli fotoşəkili, şəxsiyyət vəsiqəsinin surətini və dövlət rüsumununun ödənilməsi barədə qəbzi növbə qaydasında Pasport şöbəsinə təqdim etməlidir.

Dövlət rüsumu haqqında Qanunu ilə Azərbaycan Respublikası vətəndaşlarına xaricə getmək hüququ verən ümumvətəndaş pasportunun verilməsinə və dəyişdirilməsinə görə-5 (beş) iş günü müddətində-120 manat, beş iş günündən sonrakı müddətdə verildikdə yaxud Azərbaycan Respublikası vətəndaşının və ya onunla gedən şəxslərin təcili müalicəsi, yaxud xaricdə yaşayan yaxın qohumunun ağır xəstəliyi, ölümü və ya digər müstəsna hallarda 2(iki) gün müddətində verildikdə-40 manat müəyyən edilmişdir.

Göstərilən rüsum formalarının tətbiqi ilə cari ilin mart ayının 15-dən etibarən ümumvətəndaş pasportunun 10 (on) illik müddətə verilməsi nəzərdə tutulmuşdur.

Ümumvətəndaş pasportunun verilməsi hazırda respublika üzrə fəaliyyət göstərən 6 (altı) regional mərkəz (hər biri 10-15 şəhər-rayonu əhatə etməklə) vasitəsilə həyata keçirilir. Bu regional mərkəzlər vətəndaşların rahatlığı üçün yaradılıb, haansı sizə daha rahatdır ora da müraciət edə bilərsiniz.

Sualınıza görə təşəkkür edirik.

2010-08-27

 

240  Vefa (26-08-2010). Salam. Men bilmek isteyirem belediyyeden toppaq almaq ucun ne etmeliyem? Hansi senedleri teqdim etmeliyem ve erize nece yazilmalidir mene bir nusxesin gonderin zehmet olmasa. Bide ki bilmek isteyirem qarabaq eliline pulsuz belediyye torpaq verir biler? Ya o da herrac ve musabiq yolu ile olmalidir5.

 

 

Salam.

Torpaq islahatı haqqında Qanunun 19-cu maddəsinə əsasən Azərbaycan Respublikasının ərazi bütövlüyü uğrunda aparılan döyüşlərdə əlil olmuş şəxslərə və həlak olanların ailəsinə, ehtiyata və ya istefaya buraxılmış hərbi qulluqçulara fərdi yaşayış evinin tikintisi üçün torpaq sahələri bir dəfə pulsuz verilir. Bu cür ərizələr sərbəst formada tərtib oluna bilər.

Sənədlərin nümunələri burda aşağıdadır:

• Hərracda, müsabiqədə iştirak etmək üçün Ərizə
• Baş tutmayan torpaq hərracı və ya müsabiqə barədə Protokol
• Torpaq hərrac və müsabiqələrinin təşkilatçısı ilə torpaq sahələrinin satıcıları arasında Açıq Torpaq Hərrac, Müsabiqə Müqaviləsi

Sualınıza görə təşəkkür edirik.

2010-08-27

 

241  Arzu (26-08-2010). Salam. Xarici olke vetendashini ishe qebul ederken,shirket hansi senedleri miqrasiya idaresine gostermelidir ve shirket pensiya fonduna hemin vetendash uchun ne qeder rusum odemelidir? Teshekkur edirem evvelceden.

 

Salam.

Fərdi icazə almaq üçün işəgötürən Azərbaycan Respublikasının Dövlət Miqrasiya Xidmətinə aşağıdakı sənədləri təqdim etməlidir:

• Ərizə (müvafiq formaya uyğun)
• əcnəbi işçinin nəzərdə tutulan işi yerinə yetirmək üçün tələb edilən ixtisasa malik olduğunu təsdiq edən sənədin notarial qaydada təsdiq olunmuş surəti;
• nəzərdə tutulan hər bir iş yeri üçün əcnəbi işçinin cəlb edilməsi zəruriliyini əsaslandıran arayış;

Azərbaycan Respublikası ərazisində başqa əsaslarla olan əcnəbinin Azərbaycan Respublikası ərazisində qalmasına hüquq verən müvafiq sənədin surəti.

İşəgötürən:

• Hüquqi şəxs olduqda – hüquqi şəxsin nizamnaməsinin və dövlət qeydiyyatı haqqında şəhadətnaməsinin notarial qaydada təsdiq edilmiş surətləri;
• Fiziki şəxs olduqda – fiziki şəxsin şəxsiyyətini təsdiq edən sənədinin və fiziki şəxsə verilmiş vergi ödəyicisinin uçota alınması haqqında şəhadətnamənin notarial qaydada təsdiq edilmiş surətləri;
• əcnəbinin sağlamlığı, o cümlədən siyahısı Azərbaycan Respublikasının Nazirlər Kabineti tərəfindən təsdiq edilmiş yoluxucu xəstəliklərin daşıyıcısı olmaması haqqında tibbi arayış;
• əcnəbinin şəxsiyyətini təsdiq edən sənədin surəti.

Qeyd: Əcnəbi Azərbaycan Respublikası ərazisində olduğu təqdirdə işəgötürən qeyd edilən sənədlərlə birgə müvəqqəti yaşamaq üçün icazə verilməsi ilə əlaqədar tələb olunan sənədləri və məlumatları da təqdim etməlidir.

Dövlət rüsumu haqqında Qanunun 18.58-ci maddəsinə əsasən əcnəbilərin Azərbaycan Respublikasında haqqı ödənilən əmək fəaliyyətini həyata keçirmələri üçün fərdi icazələrin alınmasına və onların müddətinin uzadılmasına görə:

• ilkin icazəyə görə - 1000 manat;
• icazənin müddətinin uzadılmasına görə - 1000 manat;

Sənədlərin forması aşağıda:

• Əcnəbilərə və vətəndaşlığı olmayan şəxslərə Azərbaycan Respublikası ərazisində haqqı ödənilən əmək fəaliyyəti ilə məşğul olmaları üçün fərdi icazələrin verilməsi üçün Ərizə
• Əmək müqaviləsinin (kontraktın) nümunəvi forması

Sualınıza görə təşəkkür edirik.

2010-08-27

242  Elçin (26-08-2010). Salam hörmətli vəkil, Bizim 8 sot həyətyanı torpaq sahəmiz ailəmizin istifadəsində 1900 ildən olsada, heç bir sənədi aşkar edə bilməmişik. Lakin bu torpaq sahəmizdə mövcud olan fərdi yaşayış evinə babamın, sonra atamın adına verilmiş ƏMDK-dan çıxarış var. Dövlət Torpaq Komitəsindən torpaq kadastr planı almaq üçün yuxarıda göstərilən çıxarış əsas ola bilərmi? Bu torpaq sahəsi üzərində hüququn müəyyən edilməsinə dair məhkəməyə müraciət etmək lazımdırmı? Əvvəlcədən təşəkkür edirəm.

 

Salam.

Bu mübahisəli işdir və məhkəməyə müraciət etməyiniz məqsədəuyğundur. Hər bir halda torpağa aid sənədlər əsas kimi qəbul olunmalıdır.

Sualınıza görə təşəkkür edirik.

2010-08-27

243  Mehri (26-08-2010). Hərbi Həkim ekspertizasının tərtib etdiyi akta görə əgər Bronxial astma allergik forma dioqnozu ilə xəstə olan oğlan əsgərliyə aparıla bilər?

 

 

Salam.

Bunları hərbi-həkim ekspertizası müəyyən edir. Əgər hesab edirsinizsə onların rəyi həqiqətə uyğun deyil Hərbi-həkim ekspertizası haqqında Əsasnamənin 1.9-cu bəndinə uyğun olaraq siz hərbi-həkim komissiyasının (həkim-uçuş komissiyasının) qərarından razı olmadıqda, həmin dövlət orqanının yuxarı hərbi-həkim komissiyasına (həkim-uçuş komissiyasına) və ya məhkəməyə şikayət verə bilərsiniz.

 

244  Nanə (26-08-2010). Vətəndaşın tələbi ilə hüquq məsləhətxanasından icra hakimiyyətinə göndəriləcək sorğunun qiyməti neçəyədir. Bir sözlə hüquq məsləhətxanasından verilən sorğuların qiyməti neçəyədir

 

Salam.

Kommersiya məqsədilə göstərilən hüquqi xidmətlər tələb və təklif əsasında formalaşır (yəni, bazar iqtisadiyyatına uyğun olaraq). Ona görə də qiymətlər fərqli ola bilər çünki dövlət tərəfindən bu qiymətlər tənzimlənmir. Və həmin xidmətlər qiymətləri fərqli ola bilər.

Bu qədər.

2010-08-27

246  Gulshen (26-08-2010). Salam, 1-ci instansiya mehkemesinin qerarindan apellyasiya mehkemelerine sikayet olunur bes ele hall ol bilerki 1-ci instansiya mehkemelerinin qerarindan birbasa ali mehkemeye muraciet edilsin, hansi hallarda?zehmet olmasa deyin.

 

 

Salam.

Əgər məhkəmə qətnaməsi qüvvəyə minməyibsə (1 ay müddətinə) onda işə apellyasiya instansiyası məhkəməsində baxılmalıdır (Mülki Prosessual Məcəlləsinin 41-ci fəsli). Əgər qüvvəyə minibsə onda məhkəmə aktlarına yeni açılmış hallar üzrə yenidən baxıla bilər (MPM-nin 45-ci fəsli). Bu halda qanuni qüvvəyə minmiş məhkəmə aktlarına yeni açılmış hallar üzrə Azərbaycan Respublikası Ali Məhkəməsinin plenumu baxır.

Sualınıza görə təşəkkür edirik.

2010-08-27

 

247  Elcin (27-08-2010). Salam. Men aptek acib dermanlarin satis ile mesgul olmaq isteyirem. Bunun ucun hansi senedelri hara teqdim etmeliyem. Tesekkurler.

 

Salam.

Oxşar sual Məsləhətxananın 174-cü sualında cavablandırılmışdır.

Sualınıza görə təşəkkür edirik.

2010-08-27

249  Elnara (28-08-2010). Salam biz yoldasimnan bosanmag qerarina gelmisik men kime ve hara muraciyyet ede bilerem ve hansi senedler mene lazimdi hazirlamag

 

 

Salam.

Nikahın pozulması Ailə Məcəlləsinin 4-cü fəslinə və Vətəndaşlıq vəziyyəti aktlarının dövlət qeydiyyatı Qaydasının 5-ci paraqrafına uyğun olaraq həyata keçirilir:

 

5.1. Ər (arvad) öldükdə, yaxud məhkəmə qaydasında ölmüş elan edildikdə nikaha xitam verilir. Bu halda nikahın pozulmasının dövlət qeydiyyatı aparılmır.

Ərin (arvadın) və ya onların hər ikisinin ərizəsi əsasında, eləcə də məhkəmə qaydasında fəaliyyət qabiliyyəti olmayan hesab edilən ərin (arvadın) qəyyumunun ərizəsi əsasında nikah pozula bilər.

5.2. Ər-arvadın yetkinlik yaşına çatmayan ümumi uşaqları olmadıqda, nikah onların razılığı əsasında Qeydiyyat şöbəsi və konsulluq idarəsi tərəfindən pozula bilər.

5.3. Yetkinlik yaşına çatmayan ümumi uşaqlarının olmasından asılı olmayaraq ərin (arvadın) ərizəsi əsasında nikahın pozulması aşağıdakı hallarda Qeydiyyat şöbəsi və konsulluq idarəsi tərəfindən aparılır:

5.3.1. ər (arvad) məhkəmə qaydasında itkin düşmüş hesab edildikdə;

5.3.2. ər (arvad) məhkəmə qaydasında fəaliyyət qabiliyyəti olmayan hesab edildikdə;

5.3.3. ər (arvad) cinayət törətməyə görə ən azı 3 il müddətində azadlıqdan məhrum olunduqda.

5.4. Bu Qaydanın 5.3-cü bəndində nəzərdə tutulmuş hallar istisna olmaqla, ər-arvadın yetkinlik yaşına çatmayan ümumi uşaqları olduqda və ya ər (arvad) nikahın pozulmasına razı olmadıqda, nikah məhkəmə qaydasında pozulur.

5.5. Ər-arvadın razılığı olduqda, lakin onlardan biri Qeydiyyat şöbəsi və konsulluq idarəsində nikahın pozulmasından yayındıqda (ərizə verməkdən imtina etdikdə, nikahın pozulmasının dövlət qeydiyyatı üçün gəlmədikdə və s.) nikahın pozulması məhkəmə qaydasında həyata keçirilir.

5.6. Ərizə əsasında nikahın pozulmasını ər-arvadın və ya onlardan birinin yaşadığı və ya nikahın qeydiyyata alındığı yer üzrə, məhkəmə qətnaməsi əsasında nikahın pozulmasını isə bu barədə qətnamənin çıxarıldığı yer üzrə Qeydiyyat şöbəsi və konsulluq idarəsi qeydə alır.

5.7. Ərizə əsasında nikahın pozulmasını ər-arvadın və ya onlardan birinin yaşadığı və ya nikahın qeydiyyata alındığı yer üzrə, məhkəmə qətnaməsi əsasında nikahın pozulmasını isə bu barədə qətnamənin çıxarıldığı yer üzrə Qeydiyyat şöbəsi və konsulluq idarəsi nikahın pozulması haqqında aktların qeydiyyat kitabında nikahın pozulması barədə akt qeydlərini aparır.

5.8. Nikahın pozulmasının dövlət qeydiyyatı:

5.8.1. nikahın pozulması haqqında məhkəmənin qanuni qüvvəyə minmiş qətnaməsinə;

5.8.2. yetkinlik yaşına çatmayan ümumi uşaqları olmayan ər-arvadın nikahın pozulması haqqında birgə verdikləri ərizəyə;

5.8.3. məhkəmə qaydasında itkin düşmüş hesab edilən, məhkəmə qaydasında fəaliyyət qabiliyyəti olmayan hesab edilən və ya cinayət törətməyə görə ən azı 3 il müddətinə azadlıqdan məhrum olunan şəxslə nikahın pozulması haqqında ər-arvaddan birinin ərizəsinə;

5.8.4. məhkəmə qaydasında fəaliyyət qabiliyyəti olmayan hesab edilən ərin (arvadın) qəyyumunun ərizəsinə əsasən həyata keçirilir.

5.9. Məhkəmənin qətnaməsi əsasında nikahın pozulmasının qeydə alınması aşağıdakı qaydada aparılır:

5.9.1. məhkəmənin qanuni qüvvəyə minmiş qətnaməsi əsasında nikahın pozulmasını həm ər ilə arvadın hər ikisinin, həm də onlardan birinin ərizəsi üzrə Qeydiyyat şöbəsi və konsulluq idarəsi qeydə alır.

ər-arvadın yalnız birinin ərizəsi əsasında nikahın pozulması qeydə alındıqda, nikah pozulmuş hesab edilir;

5.9.2. məhkəmənin qətnaməsinə əsasən ər (arvad) nikahın pozulmasının qeyd edilməsi haqqında ərizə verdikdə, Qeydiyyat şöbəsi və konsulluq idarəsi digər tərəfin ərizəsi üzrə həmin Qeydiyyat şöbəsi və konsulluq idarəsində əvvəllər nikahın pozulması barədə akt qeydinin olub-olmamasını yoxlayır. Əgər nikahın pozulmasının dövlət qeydiyyatı aparılıbsa, nikahın pozulması haqqında akt qeydinə çatışmayan məlumatlar əlavə edilir, nikahın pozulması haqqında akt qeydinin ikinci nüsxəsi saxlanılan Azərbaycan Respublikasının vətəndaşlıq vəziyyəti aktlarının arxivinə, Naxçıvan Muxtar Respublikası vətəndaşlıq vəziyyəti aktlarının arxivinə bu barədə bildirilir. Müraciət etmiş tərəfə nikahın pozulması haqqında şəhadətnamə verilir, orada nikahın pozulması haqqında birinci tərəfə verilmiş şəhadətnamədəki tarix göstərilir. Əgər nikahın pozulmasının dövlət qeydiyyatı aparılmayıbsa və ərizəçinin nikahı haqqında qeydlərdə nikahın pozulması barədə məlumat yoxdursa və ya nikah başqa Qeydiyyat şöbəsi, konsulluq idarəsi, yaxud icra hakimiyyətinin nümayəndəliyində qeyd edilibsə, onda müvafiq Qeydiyyat şöbəsi və konsulluq idarəsində artıq pozulmuş nikahın qeydiyyatı barədə qeydlər olub-olmaması haqqında sorğu edilir. Bu cür məlumatların olmadığı bildirildikdə nikahın pozulmasının qeydiyyatı ümumi qaydada həyata keçirilir;

5.9.3. nikah Qeydiyyat şöbəsi və konsulluq idarəsində pozulduqda, nikahın pozulmasının dövlət qeydiyyatına alındığı gündən, məhkəmə qaydasında pozulduqda isə bu barədə məhkəmə qətnaməsinin qanuni qüvvəyə mindiyi gündən nikaha xitam verilmiş sayılır;

5.9.4. məhkəmənin qətnaməsinə əsasən nikahın pozulmasının qeydiyyatı haqqında ərizəyə nikahın pozulmasının qeydiyyatı haqqında ərizəyə nikahın pozulması barədə məhkəmənin qanuni qüvvəyə minmiş qətnaməsindən çıxarış və məhkəmənin qətnaməsində dövlət rüsumunu tərəflərdən hansının ödəməli olduğu göstərilmədikdə, qeydiyyat üçün birinci müraciət etmiş ər (arvad) tərəfindən dövlət rüsumunun ödənilməsi barədə qəbz əlavə edilməlidir. Qeydiyyat üçün ikinci müraciət etmiş şəxsdən dövlət rüsumunun ödənilməsi barədə qəbz tələb olunmur;

5.9.5. məhkəmənin qətnaməsi əsasında nikahın pozulması bu barədə ərizə verilərkən qeydə alınır.

5.10. Yetkinlik yaşına çatmayan ümumi uşaqları olmayan ər-arvadın qarşılıqlı razılığı üzrə nikahın pozulmasının qeydə alınması aşağıdakı qaydada aparılır:

5.10.1. yetkinlik yaşına çatmayan ümumi uşaqları olmayan ər-arvad nikahın pozulması haqqında ərizədə özlərinin qarşılıqlı razılıqlarını və onların yetkinlik yaşına çatmayan uşaqlarının olmadığını qeyd etməyə borcludurlar;

nikahın pozulması haqqında ərizəyə nikah haqqında şəhadətnamə və qeydiyyat üçün dövlət rüsumunun ödənilməsi barədə qəbz əlavə edilməlidir. Şəhadətnamənin olmadığı hallarda nikahın pozulması haqqında ərizədə nikah şəhadətnamənin olması qeyd edilir;

5.10.2. ər-arvaddan birinin üzürlü səbəbə görə (ağır xəstəlik, uzun müddətli ezamiyyətə getmə, uzaq yerdə yaşama və s.) ərizə vermək məqsədilə Qeydiyyat şöbəsi və konsulluq idarəsinə gəlmək imkanı olmadıqda, gəlmiş ikindi tərəf ər-arvadın birgə ərizəsini və ya ər-arvadın ayrı-ayrı ərizələrini təqdim edir;

gəlməmiş tərəfin ərizədəki imzasının həqiqiliyi onun yaşadığı yerin Qeydiyyat şöbəsi və konsulluq idarəsi tərəfindən və ya notariat qaydasında təsdiq edilməlidir;

ərizə verərkən nikahın pozulmasının qeydiyyat tarixi müəyyən edilir, gəlməmiş ərə (arvada) bu barədə məlumat verilir;

5.10.3. nikahın pozulması ərizə verildiyi gündən 1 ay keçdikdən sonra həyata keçirilir;

5.10.4. nikahın pozulmasının qeydiyyatı ər-arvadın iştirakı ilə həyata keçirilir;

ər-arvad üzürlü səbəbə görə onlar üçün müəyyən edilmiş gündə nikahın pozulmasını qeyd etdirmək üçün Qeydiyyat şöbəsi və konsulluq idarəsinə gələ bilmədikdə, qeyd müddəti onların xahişi ilə başqa vaxta keçirilir;

müəyyən edilmiş vaxtda gəlməməyin səbəbi üzürlü hesab edildikdə, Qeydiyyat şöbəsi və konsulluq idarəsi yeni vaxt müəyyən etmədən onların gəldiyi gün nikahın pozulmasını qeyd edə bilər. Ərizədə və ərizələrin uçot jurnalında bu barədə qeyd aparılır;

gəlməməyin səbəbi üzürsüz hesab edildikdə, lakin ər-arvadın nikahı pozmaq arzusu dəyişmədikdə, onlar nikahın pozulması haqqında Qeydiyyat şöbəsi və konsulluq idarəsinə yenidən ərizə verə bilərlər. Qeydiyyat şöbəsi və konsulluq idarəsi nikahın pozulmasını qeyd etmək üçün yenidən 1 ay müddət təyin edir;

gəlməməyin səbəbinin üzürlü hesab edilməsini Qeydiyyat şöbəsi və konsulluq idarəsinin vəzifəli şəxsi müəyyən edir;

5.10.5. ər-arvadın biri və ya hər ikisi üzürlü səbəbə görə Qeydiyyat şöbəsi və konsulluq idarəsinə gələ bilmədikdə və nikahın pozulması üçün onların (onun) razılığını təsdiq edən və özləri (özü) olmadan nikahın pozulmasının qeyd olunmasına xahiş edən ərizə təqdim edildikdə, nikahın pozulmasını qeyd etmək olar. Bu zaman gəlməmiş tərəfin (tərəflərin) imzasının həqiqiliyi yaşadığı yerin Qeydiyyat şöbəsi və konsulluq idarəsi tərəfindən və ya notariat qaydasında təsdiq edilməlidir.

5.11. Ər-arvaddan birinin ərizəsi üzrə nikahın pozulmasının qeydə alınması aşağıdakı qaydada aparılır:

5.11.1. yetkinlik yaşına çatmayan ümumi uşaqlarının olmasından asılı olmayaraq ərin (arvadın) ərizəsi əsasında nikahın Qeydiyyat şöbəsi və konsulluq idarəsində pozulması hallarında nikahı pozmaq haqqında ərizə vermiş ər (arvad) həmin ərizəyə arvadın (ərin) xəbərsiz itkin düşmüş və ya ruhi xəstəlik, yaxud kəmağıllıq nəticəsində fəaliyyət qabiliyyəti olmayan hesab edilməsinə dair məhkəmə qətnaməsini, yaxud da arvadın (ərin) azı 3 il müddətinə azadlıqdan məhrum edilməyə məhkum olunduğu barədə hökmdən çıxarışı, dövlət rüsumunun ödənilməsi barədə qəbzi əlavə etməli və azadlıqdan məhrumetmə növündə cəza çəkən ərin (arvadın) və ya fəaliyyət qabiliyyəti olmayan ərin (arvadın) qəyyumunun, yaxud xəbərsiz itkin düşmüş hesab edilən ərin (arvadın) əmlakı üzərində qəyyumluq edənin ünvanını bildirməlidir;

5.11.2. Azərbaycan Respublikası Ailə Məcəlləsinin 17.2-ci maddəsində nəzərdə tutulmuş əsaslar üzrə nikahı pozmaq haqqında ərizə təqdim edildikdə, qeydiyyat şöbəsi və konsulluq idarəsi nikahın pozulmasını ərizə verilən gün ərizəçinin iştirakı ilə qeydə alır;

3 gün müddətində bu barədə azadlıqdan məhrumetmə növündə cəza çəkən ərə (arvada) və ya fəaliyyət qabiliyyəti olmayan ərin (arvadın) qəyyumuna, yaxud xəbərsiz itkin düşmüş hesab edilən ərin (arvadın) əmlakım idarə edənə məlumat göndərir. Müəyyən edilmiş qaydada fəaliyyət qabiliyyəti olmayan hesab edilmiş şəxsə qəyyum təyin edilməmişdirsə, məlumat fəaliyyət qabiliyyəti olmayan hesab edilmiş şəxsin yaşadığı yerin qəyyumluq və himayə orqanına göndərilir. Məlumatda uşaqlar haqqında, ər-arvadın ümumi birgə mülkiyyəti olan əmlakın bölgüsü haqqında və ya fəaliyyət qabiliyyəti olmayan və yardıma ehtiyacı olan ərə (arvada) aliment verilməsinə dair mübahisə olduğu halda, onun həlli üçün məhkəməyə müraciət etmək hüququ izah edilir;

nikahın pozulması haqqında qeyd aparıldıqda, nikahın pozulması haqqında şəhadətnamələr verilir. Nikahın pozulması haqqında şəhadətnamə təqdim olunmaq üçün şəxsin yaşadığı yerin Qeydiyyat şöbələri və konsulluq idarələrinə və ya cəzaçəkmə müəssisəsinin müdiriyyətinə göndərilir, bu barədə ərizəçiyə xəbər verilir.

5.12. Ər (arvad) ona nikahdan əvvəlki soyadının verilməsini arzu edirsə, nikahın pozulmasının qeydə alınması zamanı bunu Qeydiyyat şöbələri və konsulluq idarələrinə bildirməlidir. Ərə (arvada) nikahdan əvvəlki soyadının verilməsi barədə həmin orqan müvafiq qeyd aparır.

5.13. Xəbərsiz itkin düşmüş və ya ruhi xəstəlik, yaxud kəmağıllıq nəticəsində fəaliyyət qabiliyyəti olmayan hesab edilmiş, yaxud cinayət törətməyə görə ən azı 3 il müddətinə azadlıqdan məhrum edilməyə məhkum olunmuş şəxslə nikahı pozmaq haqqında ərin (arvadın) ərizəsinə əsasən nikahın pozulması qeyd edilərkən nikahın pozulması haqqında ərizə verən ər (arvad) nikahdan əvvəlki soyadını daşımaq arzusunda olduğunu ərizədə göstərir.

5.14. Əgər nikahın pozulmasının qeydiyyatı nikahın bağlandığı yerdə aparılarsa, Qeydiyyat şöbəsi və konsulluq idarəsi nikahın bağlanması haqqında akt qeydində nikahın pozulması barədə qeyd edir və nikahın pozulması haqqında qeydin icrası üçün nikahın bağlanması barədə akt qeydinin ikinci nüsxəsinin saxlandığı Azərbaycan Respublikasının vətəndaşlıq vəziyyəti aktlarının arxivinə, Naxçıvan Muxtar Respublikası vətəndaşlıq vəziyyəti aktlarının arxivinə nikahın pozulmasının qeydiyyatı haqqında bildiriş göndərir.

5.15. Əgər nikahın bağlanması başqa yerdə qeydə alınıbsa, nikahın pozulmasını qeyd etmiş Qeydiyyat şöbəsi və konsulluq idarəsi nikahın pozulması haqqında qeydin icrası üçün nikahın bağlanmasının qeyd edildiyi yerdəki Qeydiyyat şöbəsi və konsulluq idarəsinə nikahın pozulması haqqında bildiriş göndərir.

Nikahın bağlanmasının qeyd edildiyi yerdə Qeydiyyat şöbələri və konsulluq idarəsi bildiriş əsasında nikahın bağlanması barədə akt qeydində nikahın pozulması haqqında qeyd edir və nikahın pozulması barədə qeydlərin icrası üçün bildirişi Azərbaycan Respublikası vətəndaşlıq vəziyyəti aktlarının arxivinə, Naxçıvan Muxtar Respublikası vətəndaşlıq vəziyyəti aktlarının arxivinə göndərir.

5.16. Ölmüş elan edilən və ya itkin düşmüş hesab edilən ər (arvad) gəlib çıxdıqda, məhkəmənin müvafiq qətnaməsi ləğv olunmaqla nikah Qeydiyyat şöbəsi və konsulluq idarəsində onların birgə ərizəsinə əsasən bərpa oluna bilər.

Tərəflərdən biri yeni nikaha daxil olubsa, nikah bərpa oluna bilməz.

5.17. Qeydiyyat şöbəsi və konsulluq idarəsi ölmüş elan edilən və ya itkin düşmüş hesab edilən ərin (arvadın) nikahının pozulmasını qeyd etdikdən sonra o, gəldikdə və onun ölmüş elan edilməsi və ya itkin düşmüş hesab edilməsi barədə məhkəmənin qətnaməsi ləğv olunduqda, Qeydiyyat şöbəsi və konsulluq idarəsi həmin ərin (arvadın) ərizəsinə əsasən ona nikahın pozulması haqqında şəhadətnamə verə bilər. Həmin şəhadətnamə nikahın pozulması haqqında digər tərəfə verilmiş şəhadətnamə göstərilən tarix göstərilir.

5.18. Nikahın etibarsız sayılması hallarında, məhkəmənin nikahın etibarsız sayılması barədə qanuni qüvvəyə minmiş qətnaməsi əsasında vətəndaşlıq vəziyyəti aktlarının ilkin qeydləri müəyyən olunmuş qaydada ləğv olunur, bu halda şəhadətnamə verilmir. Bu barədə Azərbaycan Respublikası vətəndaşlıq vəziyyəti aktlarının arxivinə, Naxçıvan Muxtar Respublikası vətəndaşlıq vəziyyəti aktlarının arxivinə bildiriş göndərilir.

Sualınıza görə təşəkkür edirik.

 

250  Nane (28-08-2010). Salam! mən qızıma ev bağışlamışam. sonra onu ərə vermişəm. kürəkənim evə iddia qaldıra bilərmi?

 

 

Salam.

Ailə Məcəlləsinin 34-cü maddəsinə əsasən nikaha daxil olanadək onlara məxsus olan əmlak, habelə nikah dövründə hədiyyə şəklində və ya vərəsəlik qaydasında, digər əvəzsiz əqdlər üzrə əldə etdikləri əmlak ər-arvadın hər birinin ayrıca mülkiyyətindədir (ər-arvadın hər birinin əmlakıdır). Lakın həmin Məcəllənin 32-ci maddəsinə əsasən nikah müddətində ər-arvadın əldə etdikləri əmlak onların ümumi birgə mülkiyyəti sayılır.

Nikah pozuıduğu təqdirdə çox vaxt mübahisələr yaranır arvad (hərdən ər) yaşayış hüququn qorunması məqsədilə məhkəməyə müraciət edir (köçürülmə, yaşayış sahəsindən istifadə hüququ). Bu cür işlər üzrə məhkəmələrin qətnamələri çox vaxt bir-biri ilə ziddiyyət yaradırlar. Hər bir halda ehtiyatlı olun.

Sualınıza görə təşəkkür edirik.

2010-08-28

 

251  Aynur (28-08-2010). Salam Aleykum. Hər vaxtınız xeyir! Sualım belədir:- Xarici ölkənin vətəndaşı (rezident) hansısa ictimai birlik və ya QHT-nin sədri (başçısıdirektoru) ola bilər mi və bunun üçün nə lazımdır? Vaxt ayırdığınız üçün təşəkkür edirəm.

 

 

Salam.

Qeyri-hökumət təşkilatları (ictimai birliklər və fondlar) haqqında Qanunun 8.3-cü maddəsinə əsasən əcnəbilər və vətəndaşlığı olmayan şəxslər Azərbaycan Respublikasında fəaliyyət göstərən qeyri-hökumət təşkilatlarının iştirakçıları ola bilər. Lakın təsisçilərinin əcnəbilər və ya xarici hüquqi şəxslər olduğu qeyri-hökumət təşkilatlarının filial və ya nümayəndəliklərinin rəhbərlərinin müavinləri Azərbaycan Respublikasının vətəndaşları olmalıdırlar (maddə 7.5).

bunun üçün siz Ədliyyə Nazirliyinin Qeydiyyat və notariat baş idarəsinə müraciət etməliziniz və aşağıdakı sənədləri təqdim etməlisiniz:

• təsisçilərin tərcümei-halları;
• ərizə (notarial qaydada təsdiq edilmiş);
• Dövlət rüsumunun ödənilməsi barədə qəbz (11 manat Dövlət rüsumu haqqında Qanun maddə 20.3);
• Hüquqi ünvana aid sənədlər;
• Təsisçilərin şəxsiyyət vəsiqələrin surətləri;
• İctimai Birliyinin Nizamnaməsi 2 nüsxədə;
• Təsis yığıncağın protokolu

Amma onu da nəzərinizə çatdıraq ki, vergi orqanlarından fərqli olaraq Ədliyyə Nazirliyi çox vaxt qeydiyyat məsələlərini gecikdirir və çətinləşdirir.

Sualınıza görə təşəkkür edirik.

2010-08-28

 

252  Taleh (28-08-2010). Salam. Menim Atam rehmete gedib Anam ise sağdir. Men bilmek isteyirem ki anam baq evini menim raziliqim olmadan sata bilermi. onuda qeyd etmek isterdim ki, bizim hokumet evi ve baq evi varmizdir her ikiside atamin adinadir. men hokumet evinde yasayiram anam baq evinde. men evin tek ovladiyam aileliyem 2 usaqim var qizim 11 yas, oqlumun 6 yasi var. VE vvelceden oz tesekurumu bildirirem.

 

 

Salam.

Vərəsəlik hüququna əsasən (Mülki Məcəllənin 10-cu bölməsi) siz atanızın mülkiyyətinə iddia edə bilərsiniz və müvafiq pay ala bilərsiniz (ən azı məcburi pay). Lakın nəzərə almalısınız ki, Ailə Məcəlləsinin 32-ci maddəsinə əsasən nikah müddətində ər-arvadın əldə etdikləri əmlak onların ümumi birgə mülkiyyəti sayılır. Ona görə də bütün qeyd edilən əmlakın an azı yarısı ananıza məxsusdur, ondan sonra hələ vərəsə kimi məcburi paya da hüququ var.

Vəsiyyət edənin uşaqlarının, valideynlərinin və arvadının (ərinin) vəsiyyətnamənin məzmunundan asılı olmayaraq mirasda məcburi payı vardır. Bu pay qanun üzrə vərəsəlik zamanı onlara çatası payın yarısını (məcburi pay) təşkil etməlidir.Məcburi payı tələb etmək hüququ mirasın açıldığı an əmələ gəlir. Vərəsələrdən hər birinin məcburi payı müəyyənləşdirilərkən əgər vəsiyyətnamə olmasaydı, miras almağa çağırıla biləcək qanun üzrə vərəsələrin hamısı nəzərə alınmalıdır. Vəsiyyət üzrə vərəsələr nəzərə alınmır. Cəmi iki vərəsə olduğu üçün və vəsiyyətnamə olmadığı üçün ananıza əmlakdan 75% sizə isə 25% düşə billər (qanun üzrə). Əlbəttə ki, mübahisə olduğu zaman məhkəmədə baxıla bilər.

Bir də ki, miras açıldığı gündən altı ay keçdikdən sonra mirasın qəbuluna yol verilmir. Əgər sağ qalan valideyniz bu müddət ərzində əmlakı öz adına rəsmiləşdirsə sonradan bu əmlaka iddia edə bilməyəcəksiniz.

Sualınıza görə təşəkkür edirik.

2010-08-29

 

253  Nahid (29-08-2010). Salam, Xarici pasport üçün çəkilən fotoda insanın görünməsinə dair standartlar AR hansı qanunu ilə nizamlanır? "Gündəlik həyat tərzində görüntündüyünüz" kimi ifadəsi hicablı geyim formasına şamil edilirmi? Əvvəlcədən təşəkkür edirəm...

 

Salam.

Ölkədən getmək, ölkəyə gəlmək və pasportlar haqqında” Azərbaycan Respublikası Qanununun tətbiqi haqqında Əsasnamənin 6-cı bəndində göstərilib ki, vətəndaş ümumvətəndaş pasportu üçün bir neqativdən eyni ölçüdə çıxarılmış, sifətin papaqsız, gündəlik həyatda ona xas olan xarici görkəm və əlamətlərlə (eynək, saqqal, bığ və s.) yalnız öndən görünüşü təsvir edilmiş fotoşəkilləri ərizə və başqa sənədlərlə birlikdə yaşadığı yerin xüsusi daxili işlər orqanına təqdim etməlidir. Baxmayaraq ki, qanunvericilikdə hicab məsələsi dəqiq göstərilməyib baş örtüyü (papaq və s.) kimi qiymətləndirilə bilər. Lakın bu cür yanaşma ilə rastlaşsanız, İnsan hüquqlarının və əsas azadlıqların müdafiəsi haqqında Konvensiyanın 9-cu maddəsinə (Fikir, vicdan və din azadlığı) istinad edib məhkəməyə müraciət edə bilərsiniz.

Sualınıza görə təşəkkür edirik.

2010-08-29

 

254  Anar (29-08-2010). Salam. Hüquqi yardıma ehtiyacım var.Xahiş eliyirem mene kömək edəsiniz.Atam QARABAQ uqrunda gedən döyüşlerin birində ŞƏHİD olmuşdur. Şəhid ailelerine kommersiya meqsedilə düşən torpaq sahesini nənəm bizdən qabaq almışdır.Anamla mən nənəmgildən ayrı yaşayırıq. Bize düşən imtiyazdan istifadə etmək ücün səlahiyətli orqanlara müraciət etdik.Bu məqsədlə,yəni kommersiya meqsedi ücün müraciet etdikde ise bizə bildirilir ki, bu məqsədlə torpaq sahesi 1(bir) dəfə ayrılılır ve bu imtiyazdan nənən sizdən əvvəl istifadə etmişdir.Biz isə nənəmgildən küsülüyük.Torpaq sahesinde əmim mağaza inşa etdirmişdir. İndi bilmek istərdim ki ŞƏHİDin həyat yoldaşı və övladı yaşadıqı halda anasının bu imtiyazdan təkbaşına istifadə etməsi nə qədər doqrudur? Biz mehkemeye müraciət etdiyimiz teqdirde hansı hüquqlarimızı tələb edə bilərik? Həmin torpaq sahesini tələb edə bilərikmi? Evvəlcədən dərin təşəkkürümü bildirərdim.

 

Salam.

Əlbəttə ki, məhkəməyə müraciət etmək hüququnuz var. Lakın mübahisəli məsələdir, ola bilsin ki, bu halda torpaq sizin aranızda bölünə də bilər. Hər bir halda bunları məhkəmə edə bilər. Qanunda göstərilib ki, "...ərazi bütövlüyü uğrunda aparılan döyüşlərdə...həlak olanların ailəsinə... fərdi yaşayış evinin tikintisi üçün torpaq sahələri bir dəfə pulsuz verilir." (Torpaq islahatı haqqında Qanunun 19-cu maddəsi). Ailə dedikdə həm siz, həm şəhid olanın valideynləri də başa düşülə bilər.

Sualınıza görə təşəkkür edirik.

2010-08-29

255  Rəşad (30-08-2010). Bizim ev girov qoyulub banka. basqa adamin kreditine gore. lakin forma 2 de 18 yasdan yuxari 3 neferin adi yoxdur. yalniz valideyinlerimin adi var. bizim raziliqmiz olmadan. bu halda girov satisa cixarila bilermi. evvelceden minetdarligimi bildirirem.

 

Salam.

Hər bir halda məhkəmədə bu məsələ mübasiləndirilə bilər. Çünki İpoteka haqqında Qanunun 59.3-cü maddəsinə əsasən ipoteka qoyanla birlikdə yaşayan yetkinlik yaşına çatmış ailə üzvləri və digər şəxslər ipoteka müqaviləsi bağlanarkən həmin evə (mənzilə) tutma yönəldildikdə və o satıldıqda onu tərk etmək barədə notariat qaydasında təsdiq edilmiş öhdəlik götürmüş olduqda ipoteka qoyulmuş yaşayış evinə və ya mənzilə tutma yönəldildikdə və o satıldıqda ipoteka qoyan və onunla birlikdə yaşayan ailə üzvləri və digər şəxslər tutduqları yaşayış sahəsini ən geci bir ay ərzində tərk etməlidirlər (İpoteka müqaviləsi bağlandıqdan sonra həmin evə və ya mənzilə qeydiyyata alınmış şəxslər belə öhdəlik götürmüş sayılırlar). Prosedur qaydalarına riayət etmədiyinə görə bank məsuliyyət daşımalıdır. Lakın bu hal borclu öz öhdəliyini yerinə yetirməkdən azad etmir.

Sualınıza görə təşəkkür edirik.

30-08-2010

256  ADILE (30-08-2010). SALAM, MEN 1999-CU ILDE ATU-NIN PEDIATRIYA FAKULTESININ MEZUNU OLMUSHAM VE TIBBIN BASHGA SAHESINDE CALISHMAGA BASHLAMISHAM. HAL HAZIRDA HEKIM KIMI FEALIYYETE BASHLAMAQ VE IXTISIMI DEYISHIB DIGER IXTISAS ALMAQ UCUN HARA MURACIET ETMELIYEM? ONCEDEN TESHEKKURUMU BILDIRIREM.

 

Salam.

Düzdür bu sualı hüquq sahəsinə aid etmək olmaz. Amma məsləhət görərdik ki, Azərbaycan Dövlət Həkimləri Təkmilləşdirilmə İnstitutuna müraciət edəsiniz. Ola bilsin orada ixtisasdəyişmə kursları var.

Sualınıza görə təşəkkür edirik.

30-08-2010

257  Gulya (30-08-2010) salam, eger kimse herbi quluqcunu doyurse ve ona xesaret yetirirse onda herbi qulluqcu sikayet etse onda bu meseleye hansi 1-ci instansiya mehkemesi baxir? herbi mehkeme yoxsa?

 

Salam.

Bəli bu işə müvafiq rayon (və bir neçə rayonu birləşdirən) hərbi məhkəməsi baxmalıdır (misal üçün Qazax Hərbi Məhkəməsi,  Füzuli-Qubadlı Hərbi Məhkəməsi, Bakı Hərbi Məhkəməsi).

Sualınıza görə təşəkkür edirik.

2010-08-31

258  Hikmet (31-08-2010). Salam. 12.08.2010-cu ilde verdiyim suala cavab verdiyiniz ucun teshekkur edirem. Amma bir sheye ydinliq getirmeyiniz rica edirem. Men ozel MTK ile bagli sual vermisem. Amma sizin cavabda muvafiq qanunvericiliye uygun "tam kommunal təminatlı mənzillər" ve "özəlləşdirilmiş mənzillər" baresinde melumat verilmishdir. Ozel MTK-larda da ozelleshdirilmish menzillerde tetbiq olunan tariflerdenmi istifade edilmelidir?

 

Salam.

Gördüyünüz kimi Azərbaycan Respublikasında dövlət və ictimai mənzil fondu evlərində yaşayış sahəsindən istifadə haqqı (mənzil haqqı) və mənzil-kommunal xidmətlərinə görə tariflərin təsdiq edilməsi haqqında Nazirlər Kabinetinin qərarında üç tip mənzil fondu göstərilib:

 

• Tam kommunal təminatlı mənzillər;
• Qismən kommunal təyinatlı, yarızirzəmi və kommunal tipli mənzillər;
• Özəlləşdirilmiş mənzillərin mülkiyyətçilərinə mənzillərin yerləşdiyi evlər (binalar)

 

MTK - Mənzil Tikinti Kooperativ deməkdir və özəlləşdirmə məsələsinə aidiyyəti yoxdur (çünki hüquqi şəxslərin bir növüdür Mülki Məcəllənin 109-cü maddəsi). Əgər yaşayış sahəsi özəlləşdirməyibsə deməli tam kommunal təminatlı mənzillərə aiddir (və ya qismən, əgər yataqxanadırsa), əgər özəlləşdiribsə deməli sonuncu tipə aiddir.

Sualınıza görə təşəkkür edirik.

2010-08-31

259  Orxan (31-08-2010). Men ve gizim iki otagli menzilde qeydiyyatdayig. Mulkiyyet huququ mene mexsusdur. Bu ilin evvelinde qizim aile qurub. Indi onun erini menzile qeydiyyata salmag isteyirem. Bununla elaqedar sualim yaranib: qeydiyyata saldigdan sonra, qelecekde problemler yaranarsa (bosanma) ve yaxud ozum istedikde, qizimin erini (kecmis erini) qeydiyyatdan cixara bilerem?

 

Salam.

Bununla bağlı problemlər hələ də mövcuddur. Amma əlbəttə ki, sizin hüququnuz var. Çünki siz mülkiyyətçisiniz və mülkiyyət toxunulmazdır və hətta bu məsələni tənzimləyən Azərbaycan Respublikası Mülki Məcəlləsinin 228.5-ci maddəsinə dair Azərbaycan Respublikası Konstitusiya Məhkəməsinin Plenumunun Qərarı var. Həmin qərara əsasən əgər mülkiyyətçi şəxslə notariat qaydada təsdiqlənmiş müqavilə bağlamayıbsa (yəni kənar şəxsin yaşayış sahəsindən istifadə hüququ yaranmayıbsa) onda mülkiyyətçi həmin şəxsə kompensasiya ödəməli borclu deyil. Lakın mövcud olan məhkəmə praktikasına nəzər yetirsək görmək olar ki, məhkəmə qanunvericiliyin boşluqlarından istifadə edib bu normalara riayət etmir (məsələn, Ali Məhkəmənin 1992-ci il tarixli Qərarına əsasən passport-qeydiyyat qaydalarını əsas tutmaqla şəxsi mənzilə köçürdürlər). 

Hər bir halda ehtiyatlı olun əgər şəxsə etibarınız yoxdursa.

Sualınıza görə təşəkkür edirik.

2010-08-31

260  Jafar (31-08-2010). Dasinmaz emlaka dair sual ve cavablari nezerden kecirdim (1,5,6,62,79....). Lakin mende yaranan suala degig cavab tapa bilmedim. Bele ki 79-cu suala cavabda Siz qeyri-yasais sahesinden yazmisiniz. Men yenitikilmis, coxmertebeli binada, MTK -den menzil almisam. Senedlerden ancag MTK ile muqavile (oda ki noratial qaydada tesdiqlenmeyib) ve menzilin deyerinin odenilmesi arayislari. Hemin menzili qeydiyyatdan kecirerek cixaris almaq isteyirem. Cixaris almaq ucun hansi hereketleri etmeliyem ve hansi senedleri toplamaliyam (MTK dan hansi senedler lazimdir)?

 

Salam.

Çoxmərtəbəli kooperativ binaların qeyri-yaşayış sahələrinin dövlət qeydiyyatına alınması üçün:

 

• ərizə;
• şəxsiyyət vəsiqəsinin surəti;
• texniki pasportun surəti;
• kooperativ ilə alıcı arasında bağlanmış və notariat qaydasında təsdiq edilmiş müqavilə;
• qeyri-yaşayış sahəsinin təsdiq edilmiş planı;
• maliyyə arayışı;
• qeyri-yaşayış sahəsinin verilməsi barədə Mənzil Kooperativ Təsərrüfatı İdarəsinin qərarı;
• kooperativ üzvlərinin ümumi yığıncağının protokolunun surəti;
• binanın mərtəbələr üzrə planının yerli icra hakimiyyəti orqanı ilə razılaşdırılmış eskiz layihəsinin surəti;
• binanın istismara qəbul edilməsi barədə Dövlət qəbul aktının surəti;
• dövlət rusumunun ödənilməsi barədə qəbzin surəti.

 

Diqqətli olduğunuz üçün və sualınıza görə təşəkkür edirik.

2010-08-31

 

 

261  Orxan (31-08-2010). Abseron Su ve diqer komunal tecizat teskilatlarina muraciyyet edende, borclarin olmasi ve en azi 10 il erzinde olduqunu iddia ederek, odenilmesini ve yaxud odenis ceklerini teleb edirler. Abseron Su 97-ci ilden bu ile kimi odenis ceklerini teleb edir ve yaxud 97 baslarayag belli olmayan borclari odemeyi teleb edir.Xahis edirem aydinniq getiresiz.Nece il komunnal odenis cekleri saxlanmalidir? Komunnal teskilatlari nece ilin borcunu teleb ede bilerler (iddi telebi nuddeti 10 ummumi idda telebi ve yaxud 3 il).

 

Salam.

Əgər sizi iddia müddəti maraqlandırırsa, onda Mülki Məcəllənin  373.3-cü maddəsinə əsasən vaxtaşırı icra edilməli öhdəliklərdən irəli gələn tələblər üzrə iddia müddəti üç ildir (adıçəkilən məsələyə daha uyğundur). Və bu məsələni məhkəmədə mübahisələndirə bilərsiniz.

Sualınıza görə təşəkkür edirik.

2010-08-31

262  Nanə (31-08-2010). Salam. mənim qadın düşmənim var. Bu qadın öz qardaşı oğlunu mənim aılə üzvlərimin hamısınin ardınca salıb bizi bir- bir güdür..buna görə haqq da alır. Və bütün bacılarımın iş və evlərinin yerini öyrənir.sonra həm iş yeri həm də evin həyətlərində çox güclü qurd yağı ilə olunmuş cadu basdırır. bizə cadu ilə xəsarət yetirir. bu olub. 1992-ci ildən bizdən əl çəkmir. kimə müraciət edək. kömək edin. yoxsa hamımızı məhv edəcək.

 

Salam.

Nəzərə çətdırmaq istərdik ki, dövlət qurumları cədugarlarla mübarizə aparmır və qanunvericilik cədu ilə bağlı məsələləri tənzimləmir. 

Bu qədər.

2010-08-31

263  Günay (31-08-2010) Salam! Men 2 ildir aile gurmusham, bir gizim var 1.4 aylig. Hal hazirda heyat yoldashim ile boshmag uzreyik.daha dogrusu yoldashim boshanmaga gerarlidir. Bilmek isteyirem ona ushagin dogum hagginda shehadetnamesi lazimdir? men ona hech bir sened vermek istemirem.

 

Salam.

Əgər həmin sənədi ərinizə təqdim etmək istəmirsinizsə lakın hansı bir səbəbdən bu sənəd ona lazımdır, onda sənədin surətini notariat qaydada təsdiq edib ona verə bilərsiniz. Notariat qaydada təsdiq edilmiş sənəd bütün orqanlrda keçərlidir.

Sualınıza görə təşəkkür edirik.

2010-08-31

264  Nizam (31-08-2010). Salam, size bir sualim var. Mumkunse cavablandirardiniz. Fiziki shexs xaricden mal getirib sata bilermi? Eger bilerse onda ondan gomrukde hansi senedler teleb oluna biler?

 

Salam.

Qanunvericiliyə uyğun olaraq əlbəttə ki, edə bilər (gömrük qanunvericiliyinə riayət etməklə).  Oxşar sualllar Məsləhətxananın 22 və 181-ci suallarında cavablandırmışdır.  Xahiş edirik nəzər yetirəsiniz. 

Sualınıza görə təşəkkür edirik.

2010-08-31

265  Eldar (31-08-2010). Salam, Elin adeti ile qiz gelin kochende cehiz getirir, oghlan ise qizil hediyye edir. Sualim beledir, bes boshanma bash verende bu emlak (gelinin getirdiyi eshyalar ve oghlanin baghishladighi qizillar) nece bolunur.Evvelceden minnetdaram.

 

Salam.

Bu cür sual Məsləhətxananın 88-ci sualında ətraflı cavablandırmışdır.

Bu qədər.

2010-08-31

266  Anar (31-08-2010). Salam. Bezi sheylerin huquqi senedleshmesini oyrenmek isterdim,Komek etseniz minnetdar olardim.Daha deqiq desek menim torpagim .Torpaq komitesinden senedi var,orada yaziliv mehz ev tikmek ucun.Men evi tikmezden evvel senedleshme ishlerini aparmaq isterdim. Lakin cetinlik cekirem. Bilmirem harda bashlayib harda qurtarim. Eger problem deyilse mene ardicilliqda komek edesiniz.Evvelceden cox sag olun,

 

Salam.

Oxşar suala Məsləhətxananın 40-cı sualında cavab verilmişdir. Xahiş edirik nəzərə alasınız.

Bu qədər.

2010-08-31

267  Şəlalə (31-08-2010). Salam. Sexsi mulkiyyet olaraq bir otaqli evim var. Amma anamin evinde qeydiyyatdayam ve orda qeydiyyatda qalmaq isteyirem. Sexsi mulkiyyetim olan eve qeydiyyata dusmem vacibdirmi? Sexsi mulkiyyetim olan evime qeydiyyata dusmeden elektrik, qaz, su ve diger kommunal masraflaeri odemek ucun bu orqanlara hansi senedi teqdim etmeliyem. Evvelceden tesekkur edirem.

 

Salam.

Xeyr vacib deyil. Qeydiyyatda olub-olmasanızda bu sizin mülkiyyətinizdir. Kommunal xərclərin ödənilməsi üçün sənədlər isə həmin daşınmaz əmlaka hüquqlarınızı təsdiq edən sənədlər (Çıxarış və s.) kifayət edər.

Sualınıza görə təşəkkür edirik.

31-08-2010

268  Xeyal (31-08-2010). Salam. men 5 ildir ev tikdirib qaliram hemin eve qeydiyyatimda var evin ev kitabida kend sovetinde var. Men evi nece ozellewdire bilerem?

 

Salam.

Bu cür suallar bir-neçə dəfə Məsləhətxanada cavablandırılmışdır (1, 5, 6 və 40 suallara nəzər yetirin). 

Bu qədər.

2010-09-01

269  Xeyal (31-08-2010). Salam. Elektrik webekeden gelerek bize cerime yaziblar ki, qanunsuz elektrik ogramisiz ve hesaba 1000 manat cerime yaziblar ama ellerinde subutlari yoxdu ki nece elektrik ogramisiz. Onu nece kime wikayet ede bilerem ki borc silinsin?

 

Salam.

Əgər öz təqsirzliyinizə əminsinizsə səlahiyyətli orqanın qərarını məhkəmədə mübahisələndirə bilərsiniz. Xatırladaq ki, dövlət orqanın qərarından 1 ay müddətində şikayət edə bilərsiniz (Mülki Prosessual Məcəllənin 21-ci fəslinə uyğun olaraq). Əgər məhkəmədə dövlət orqanı sizin təqsirinizi sübut edə bilməsə borc silinməlidir. Çünki  İnzibati Xətalar Məcəlləsinin 8-ci maddəsinə əsasən iİnzibati məsuliyyətə cəlb olunmuş şəxs öz təqsirsizliyini sübut etməyə borclu deyildir. İnzibati məsuliyyətə cəlb olunan şəxsin təqsirli olması barəsində olan şübhələr onun xeyrinə həll olunur.

Sualınıza görə təşəkkür edirik.

31-08-2010

270  Eldar (01-09-2010). Salam dejure.az, Bundan onceki sualimi cavablandirdiqiniza gore teshekkur edirem. Chox saq olun bele bir sherait yaradirsiz. Daha bir sualim var. Erle arvad boshandiqdan sonra birge nigahdan olan ushaq ekser hallarda anada qalir. Bu zaman atanin ushaqi gormesi nece temin olunur. Qanun buna nece imkan verir - yani nece gun, hansi sheraitde (hansi sherait dedikde, anasinin yaninda, yoxsa ozu ile aparib bir nece saat ve ya gun saxlaya biler). Xatirladim ki ushaq 1 yash yarimliqdir. HormetleEldar.

 

Salam. 

 

Ailə Məcəlləsinin 22.2-ci maddəsinə əsasən boşanmadan sonra yetkinlik yaşına çatmayan uşaqların valideynlərindən hansının yanında qaldığını məhkəmə müəyyən edir (əgər saziş yoxdursa).  Ona görə də uşaq ya ana ilə, ya da ki ata ilə qala bilər (amma düzgün qeyd etmisiniz ki, çox vaxt uşaqlar analarla qalır). 

 

Həmin Məcəllənin 60.4-cü maddəsinə əsasən valideynlər ayrı yaşadıqda uşaqların yaşayış yeri onların razılığı ilə həll edilir. Valideynlər arasında razılıq olmadıqda, məhkəmə mübahisəni uşaqların hüquq və mənafelərini, onların rəyini və sair halları (uşaqların qardaş və bacılarına, valideynlərdən hər birinə olan bağlılığı, valideynlərin əxlaqi və digər şəxsi keyfiyyətləri, uşağın yaşı, onun inkişafı və tərbiyəsi üçün şərait yaradılması) nəzərə almaqla həll edir.  Yəni mübahisə yaransa yenə də məhkəmə qaydasında həll olunmalıdır.

 

Sualınıza görə təşəkkür edirik.

 

2010-09-01

272  Orxan (01-09-2010). 259 nonreli sualima cavab verdiyinize gore minnetdaram. Cavabinizda MM 228.5 maddesine,hemin maddəye dair AR KM Plenumunun Qərarı ve Ali Məhkəmənin Qərarına esaslanmisiz. lakin yeni qebul edilmis Menzil Mecelesinin 30.4 maddesinde kecmis aile uzvunun yasayis sahesinden istifade huquna xitam verilir normasi var.Onda 30.4 maddesi esas goturelerek qeydiyyatdan ve istifade huqununa xitam verilecek? Hansi norma tetbig olunacag 228.5 ve yaxud 30.4.

 

Salam.

İlk öncə Mənzil Məcəllənin adıçəkilən maddəsi tam mətni göstərilməlidir:

30.4. Əgər yaşayış sahəsinin mülkiyyətçisi ilə keçmiş ailə üzvü arasında başqa razılaşma yoxdursa, yaşayış sahəsinin mülkiyyətçisi ilə ailə münasibətlərinə xitam verildikdə, keçmiş ailə üzvünün həmin yaşayış sahəsindən istifadə hüququ saxlanmır. Yaşayış sahəsinin mülkiyyətçisinin keçmiş ailə üzvünün yaşayış sahəsini əldə etməyə və ya yaşayış sahəsindən istifadə hüquqlarını həyata keçirməyə əsasları olmadıqda, yaşayış sahəsinin mülkiyyətçisinin keçmiş ailə üzvünün maddi vəziyyəti və diqqətə layiq digər hallar özünü yaşayış sahəsi ilə təmin etməyə imkan vermədikdə, keçmiş ailə üzvünün göstərilən mülkiyyətçiyə məxsus olan yaşayış sahəsindən müəyyən müddətə istifadə hüququ məhkəmənin qərarı əsasında saxlanıla bilər.

Gördüyünüz kimi "...məhkəmənin qərarı əsasında saxlanıla bilər". Bundan başqa Azərbaycan Respublikası Mənzil Məcəlləsinin təsdiq edilməsi, qüvvəyə minməsi və bununla bağlı hüquqi tənzimləmə məsələləri haqqında Azərbaycan Respublikasının Qanununun 5-ci maddəsinə əsasən Azərbaycan Respublikasında qüvvədə olan digər qanunlar və normativ hüquqi aktlar bu Qanunla təsdiq edilmiş Azərbaycan Respublikasının Mənzil Məcəlləsinə uyğunlaşdırılanadək həmin Məcəlləyə zidd olmayan hissədə tətbiq edilir.

 

Bundan başqa Mülki Məcəllənin 228.5-ci və Mənzil Məcəlləsinin 30.4-cü maddələri arasında ziddiyət yoxdur. Xahiş edirik diqqət yetirəsinizi.

 

228.5. Yaşayış binasının tərkib hissəsinin mülkiyyətçisinin onunla birgə yaşayan ailə üzvləri (əri, arvadı, valideynləri, uşaqları) yaşayış sahəsindən onunla bərabər istifadə etmək hüququna malikdirlər. Yaşayış binasının tərkib hissəsinin mülkiyyətçisinin ailə üzvləri öz yetkinlik yaşına çatmayan uşaqlarını həmin yaşayış binasına köçürmək ixtiyarına malikdirlər. Digər ailə üzvlərinin (ərin, arvadın) köçürülməsinə yalnız mülkiyyətçinin razılığı ilə yol verilir. Həmin şəxslərin yaşayış binasının tərkib hissəsindən istifadə hüququ mülkiyyətçi ilə ailə münasibətlərinə xitam verildiyi halda da saxlanılır. Yaşayış binasının tərkib hissəsindən mülkiyyətçinin ailə üzvlərinin istifadə etmək hüququ bu məcəllənin qüvvəyə mindiyi gündən yaranır.

 

Sualınıza görə təşəkkür edirik.

 

2010-09-01

273  Nana (01-09-2010). Salam. Dovletcilik nedir? dovletle hokumetin ferqi nedir? loru dilde yazin xahis edirem.

 

Salam.

 

Dövlətin anlayışı burda göstərilib:

Dövlət siyasi birlik olmaq etibarı ilə müəyyən struktura malik olan, siyasi hakimiyyətin müəyyən təşkili ilə səciyyələnən və müəyyən ərazidə sosial proseslərin tənzimlənməsini təmin edən xususi təsisatdır. Dövlət xüsusi siyasi təsisat olmaqla cəmiyyətin siyasi sisteminin özəyini təşkil edir. 

 

Hökümət dedikdə isə adətən Nazirlər Kabineti başa düşülür, yəni dövlətin ali kollegial icra orqanı (dövlət idarəçiliyini həyata keçirən rəhbərlik). Dövlət daha geniş məfhumdur. Dövlət həm, icra orqanlarını, həm məhkəmələri həm parlamenti özündə birləşdirir.

 

Sualınıza görə təşəkkür edirik.

 

2010-09-01

274  Azər (01-09-2010). Salam. Əvvəlcədən təşəkkür edirəm. Sualım ünvanlı sosial yardım haqqındadır. Bir qadın və orta məktəbdə oxuyan 2 qızı(5 və 6-cı siniflər) yataxanada kirayə qalırlar. Ataları uşaqlar kiçikkən rusiyayaya gedib və qayıtmayıb. Ailənin bütün xərcləri ananın üzərindədir. Ana xadimə işləyir və 150 AZN əmək haqqı alır, 100 AZN kirayə verir. Bu zaman ona ünvanlı sosial yardım düşürmü.Birdə ki, qanunda aylıq gəlr deyilir. Bura ailənin məcburi xərcləri(kirayə) çıxıldıqdan sonra qalan gəlirdir, yoxsa ailənin ümumi aylıq qazancıdır.Sağ olun

 

Salam.

Ailənin orta aylıq gəlirinin hesablanması Qaydasının (Nazirlər Kabinetinin 2006-cı il 2 fevral tarixli 32 nömrəli qərarı ilə təsdiq edilmişdir) 5-ci bəndinə əsasən ailənin gəlirinə aşağıdakılar daxildir:

 

1. əsas iş yeri və əvəzçilik üzrə əməkhaqqı (tarif (vəzifə) maaşı, tarif (vəzifə) maaşına və ya əməkhaqqına əlavələr, əməyin ödənilməsi sistemləri üzrə ödənilən mükafatlar, qanunvericiliklə işçinin iş yeri və əməkhaqqının saxlanıldığı dövr üçün ödənilən əməkhaqqı, müvəqqəti ictimai işlərə görə əməkhaqqı, o cümlədən əmək qabiliyyətinin müvəqqəti itirilməsi dövrü də daxil edilməklə), digər pul təminatları, natura formasında ödənilən əməkhaqqı;
2. istehsalat qəzası və yaxud peşə xəstəliyi nəticəsində sağlamlığı pozulmuş işçilərə zərərə görə verilən ödənclər (əlavə xərclər istisna olmaqla);
3. qanunvericiliklə müəyyən edilmiş digər növ gəlirlər (işdən çıxmaqla əlaqədar dövlət qulluqçularına ödənilən birdəfəlik haqq, işçiyə istifadə etmədiyi əsas məzuniyyətə gör pul əvəzi, müəssisə ləğv edildikdə, işçilərin sayı və ştatları ixtisar edildikdə və əmək müqaviləsi ləğv edildiyi digər hallarda işçiyə verilən ödənclər, iş yerindən işçilərə ödənilən maddi yardımlar və s.);
4. bütün növ pensiya və müavinətlər, o cümlədən ömürlük müavinət, işsizliyə görə müavinət, uşaq üç yaşa çatanadək ona qulluq etmək üçün qismən ödənişli sosial məzuniyyət dövründə verilən müavinət, məcburi köçkünlərə yemək xərci üçün verilən aylıq müavinət, digər sosial müavinətlər (bir yaşınadək uşağı olan aztəminatlı ailələrə verilən əlavə aylıq müavinət və birdəfəlik müavinətlər istisna olmaqla), o cümlədən məcburi köçkün və məskunlaşmamış qaçqınlara kommunal, nəqliyyat və digər xidmətlər üzrə verilən güzəştlərin ləğvinə görə ödənilən müavinətlər və s.;
5. bütün növ təqaüdlər, o cümlədən fərdi təqaüdlər, Azərbaycanın Milli Qəhrəmanı adı verilmiş şəxslərə, 20 Yanvar şəhidinin ailəsi, şəhid ailəsi üçün müəyyən edilən Azərbaycan Respublikası Prezidentinin təqaüdü, fəxri adlara görə aylıq təqaüd, tələbələrə verilən təqaüd, işsizlərə peşə hazırlığı, yenidən hazırlıq və ixtisasartırma dövründə verilən təqaüd, istehsalatdan ayrılmaqla oxumağa göndərilmiş tələbələrə, aspirantlara (magistrlərə) müəssisə hesabına ödənilən təqaüd;
6. aliment;
7. sahibkarlıq fəaliyyəti və ailə kəndli təsərrüfatında məşğul olanların gəliri, mülki-hüquqi müqavilə əsasında qazanılmış gəlirlər, qonorarlar;
8. əmanətlər və onların üzərinə hesablanan faizlər (1992-ci il 1 yanvar tarixinə keçmiş SSRİ Əmanət Bankının Azərbaycan Respublikası Bankında istifadəsiz qalmış indeksləşdirilməmiş əmanət qalıqları istisna olmaqla);
9. qiymətli kağızlardan əldə edilən dividendlər;
10. ailəyə və yaxud ailənin hər hansı bir üzvünə mənsub olan və ya hədiyyə edilmiş əmlakdan əldə olunan gəlirlər;
11. Azərbaycan Respublikasının ərazisində və onun hüdudlarından kənarda istənilən mənbədən ailəyə daxil olan milli və xarici valyutanın məbləği;
12.  ailəyə natura formasında ödənilən yardımların dəyəri;
13. ailənin hər hansı üzvü tərəfindən qeyri-hökumət təşkilatları, beynəlxalq
14. humanitar təşkilatlar, xeyriyyə və digər cəmiyyətlər, sahibkarlar və fiziki şəxslərdən alınmış qrantlar və yardımlar;
15. qanunvericiliklə nəzərdə tutulmuş digər ödənişlər və kompensasiyalar (xüsusi geyim və ayaqqabı, digər fərdi mühafizə vasitələrinin dəyəri, əmək şəraiti zərərli, ağır olan və yeraltı işlərdə çalışan işçilərə verilən pulsuz müalicə-profilaktik yeməklər, süd və ona bərabər tutulan digər məhsulların dəyəri istisna olmaqla);
16. şəxsi yardımçı təsərrüfatdan əldə olunan gəlirlər (mal-qara, quş, arı, baramaçılıq.).

 

Həmin qərarla təsdiq edilmiş tələblərə uyğun olaraq siz Əhalinin Sosial Müdafiəsi Mərkəzinə müraciət edib sosial yardımın alınması məsələsini qaldıra bilərsiniz.

 

Sualınıza görə təşəkkür edirik.

 

01-09-2010

275  Eldar (01-09-2010). Menimchun aydin olsun deye sualimi bir daha tekrar edim icazenizle. Boshanma bash verdikden sonra, ushaqin anasi ile qalmasi mueyyen edildikden sonra ata oz qizini nece gore biler? Bu nece temin olur? Bildiyim qeder valideynin oz ovladini gorme huququ oldughu kimi ovladin da oz valideynini gorme huququ var. Bes qanun vericilikde bu nece eks olunub? Vaxti ve gorush yeri nece temin olunur?

 

Salam.

Ailə Məcəlləsinin 29.2-ci maddəsinə əsasən analıq, atalıq, uşaqların tərbiyəsi və təhsili, eləcə də ailənin digər məsələləri ər-arvadın hüquq bərabərliyi prinsiplərinə uyğun olaraq birgə həll edilir. Həmçinin bu Məcəllənin 56.1-ci maddəsinə uyğun olaraq valideynlər öz uşaqları barəsində bərabər hüquq və vəzifələrə malikdirlər. Daha sonra uşaqlarla yaşayan valideyn uşağın fiziki, psixi sağlamlığına, onun əxlaqi inkişafına zərər yetirməyən digər valideynlə uşağın ünsiyyətinə mane olmamalıdır (maddə 61.2.). Yenə də nəzərinizə çatdırırıq əgər mübahisə olduqda məhkəmə tərəfindən həll olunmalıdır. Valideynlərin arasında Saziş də bağlanıla bilər. Həmin Sazişdə görüş vaxtı, həftədə (ayda, gündə) neçə dəfə görüş ola bilər, o biri valideyn öz evinə neçə günlük (saatlıq) uşağı apara bilər və s. hallar əks oluna bilər.

Bu qədər.

2010-09-01

276  Sabina (02-09-2010). Salam, menim qardawim soyadini deyishmek isteyir. Bunu ucun ne etmelidir, qanunvericiliyin hansi maddeleri bu meseleni tenzimleyir? Xahiw edirik bu meseleye ile bagli etrafli melumat veresiniz.

 

Salam.

Oxşar sual Məsləhətxananın 203-cü sualında cavablandırılmışdır.

Xahiş edirik nəzərə alasınız.

2010-09-02

277  Azər (02-09-2010). Salam. Mən Abşeron şəhəri Ceyranbatan qəsəbəsində (yeni ceyranbatan) həyət evində yaşayıram. Torpağın şəhadətnaməsi var. Evinsə, memarlığın təsdiqlədiyi certiyoju və icra başçısının tikintiyə icazə verilməsi barədə sərəncamı var. Mən və yoldaşım hal-hazırki vəziyyətdə uçotda olduğumuz yerdən çıxıb yaşadığım ünvana uçota düşə bilərikmi? Yoxsa evə kupça almadan bunu etmək olmaz. Təşəkkürlər

 

Salam.

Bunun üçün yaşayış sahəsinə köçmək üçün əsas verən sənəd olmalıdır. Yaşayış yeri və olduğu yer üzrə qeydiyyat haqqında Qanunun 5-ci maddəsində bu əsaslar göstərilib:

 

a) mülkiyyət hüququnun dövlət qeydiyyatına alınması haqqında daşınmaz əmlakın dövlət reyestrindən çıxarış;

b) icarəyə verənin və ya kirayəyə verənin müvafiq olaraq icarəçi və ya kirayəçi ilə bağladığı icarə və ya kirayə müqaviləsi;

v) yaşayış sahəsinə köçmək üçün əsas verən order və ya Azərbaycan Respublikasının qanunvericiliyində nəzərdə tutulmuş başqa sənəd (misal üçün məhkəmə qətnaməsi); 

q) vətəndaşa yaşayış sahəsi verən şəxsin ərizəsi.

 

Sözlərinizdən qeyd etdiyiniz yer yaşayış üçün hələ də nəzərdə tutulmayıb. Ola bilsin ki, sənədlərin qəbulunda problemlər yarana bilər. Hər bir halda sənədlər toplusu ilə pasport qeydiyyat şöbəsinə idarə edərkən qeydiyyata düşməyin zəruriliyini sübut etməyi çalışın. İmtina cavabı versələr məhkəməyə şikayət edə bilərsiniz.

Sualınıza görə təşəkkür edirik.

2010-09-02

 

278  Azər (02-09-2010). Salam. Yoldaşım məcburi köçkündür. Biz Ceyranbatan qəsəbəsində yaşayırıq. Yoldaşım Bakıda qeydiyyatdadır(ata evi). Kommunal xidmətlərə görə güzəşt hələdə onun ata evində nəzərə alınır. Biz nə edə bilərik ki, ona olan güzəştlər hal-hazırda faktiki yaşadığı yerə (ceyranbatan qəs.) hesablansın? Təşəkkürlər.

 

Salam.

Bununla bağlı Qaçqınların və Məcburi Köçkünlərin İşləri üzrə Dövlət Komitəsinin kommunal xidmətlər üzrə :şöbəsinə müraciət etməlisiniz və müraciıətinizi əsaslandırılmalısınız (Qəhrəman Məmmədov – şöbə müdiri tel:  430 09 22). Bu cür məsələlər onların birbaşa səlahiyyətindədir. 

Sualınıza görə təşəkkür edirik.

2010-09-02

279  QİYA (02-09-2010). Salam. ailə başçısını itirməyə görə nə qədər məbləğdə pensiya verilməlidir? konkret məbləğ mümkünsə .cox sagolun

 

Salam.

 

Sosial müavinətlərin artırılması haqqında Fərmanın 1.1.4-cü bəndinə uyğun olaraq ailə başçısını itirməyə görə müavinət - 40 manat təşkil edir (aylıq).

 

Sualınıza görə təşəkkür edirik.

 

2010-09-02

280  Elxan (02-09-2010). MEN 1970 ILDA BAKIDA ANADAN OLMUSAM.MENIM ATAM,ANAM,YOLDASIM,USAGIM AZERBAICAN VETENDASIDIR.MIGRASIYA XIDMATI ARAYIS VERIBKI, MEN AZERBAICAN VETENDASI SAYILMIRAM. MENA XAIS ELIYIRAM CAVAB YAZIN.MENI 1988 ILDA PROPISKADAN CIXARIBLAR.

 

Salam.

 

Çox  qarışıq yazmısınız. 1988-ci ildə haradan propiskadan çıxarıblar və ümumiyyətlə necə ola bilib ki, bu müddət ərzində siz vətəndaşlığı qəbul etməmisiniz?

Əgər əvvəl Azərbaycan vətəndaşı olmusunuz və hal-hazırda bərpa etmək istəyirsiniz onda həmin Miqrasiya xidmətinə vətəndaşlığın bərpa edilməsi (Azərbaycan Respublikasının vətəndaşlığı haqqında Qanunun 15-ci maddəsinə əsasən) barədə Ərizə ilə müraciət etməlisiniz. Əgər ümumiyyətlə heç vaxt Azərbaycan vətəndaşı olmamısızsa onda ümumi qaydada (vətəndaşlığına qəbul edilməsi - Qanunun 14-cü maddəsinə əsasən) müraciət etməlisiniz.

 

Lakın hər bir halda sizin vəziyyətiniz fərqlidir və siz Miqrasiya xidmətinin qərarından məhkəməyə şikayət edə bilərsiniz. Və adıçəkilən Qanunun aşağıdakı maddələri əsas tuta bilərsiniz:

 

Maddə 5. Azərbaycan Respublikası vətəndaşlığına mənsubiyyət

Aşağıdakı şəxslər Azərbaycan Respublikasının vətəndaşları sayılırlar:

1) bu qanunun qüvvəyə mindiyi günədək Azərbaycan Respublikasının vətəndaşlığında olmuş şəxslər, o şərtlə ki, Azərbaycan Respublikasının vətəndaşı bu Qanunun qüvvəyə mindiyi günədək Azərbaycan Respublikasında yaşayış yeri üzrə qeydiyyatda olsun;

2) 1992-ci il yanvarın 1-dək Azərbaycan Respublikasının və ya başqa dövlətin vətəndaşı olmayan, lakin Azərbaycan Respublikasında yaşayış yeri üzrə qeydiyyatda olan şəxslər;

3) 1988-ci il yanvarın 1-dən 1992-ci il yanvarın 1-dək Azərbaycan Respublikasının ərazisində məskunlaşmış qaçqınlar;

4) bu qanuna müvafiq surətdə Azərbaycan Respublikası vətəndaşlığını əldə etmiş şəxslər.

Bu maddənin birinci hissəsinin 2-ci bəndində nəzərdə tutulmuş şəxslər o halda Azərbaycan Respublikasının vətəndaşlığını əldə edirlər ki, bu qanunun qüvvəyə mindiyi gündən bir il müddətində Azərbaycan Respublikasının vətəndaşlığına qəbul edilmək haqqında ərizə ilə müraciət etsinlər.

Bu maddənin birinci hissəsinin 3-cü bəndi əsasında Azərbaycan Respublikası vətəndaşlığını əldə etmiş qaçqınlar tərk etdikləri dövlətlərə qayıtmaq hüququnu itirmirlər. Həmin şəxslərə Azərbaycan Respublikasının qanunvericiliyində məcburi köçkünlər üçün nəzərdə tutulmuş güzəştlər şamil edilir.

 

Maddə 6. Azərbaycan Respublikasının vətəndaşlığını təsdiq edən sənədlər

Azərbaycan Respublikasının vətəndaşlığını təsdiq edən sənədlər aşağıdakılardır:

1) doğum haqqında şəhadətnamə;

2) Azərbaycan Respublikası vətəndaşının şəxsiyyət vəsiqəsi;

3) Azərbaycan Respublikası vətəndaşının pasportu.

 

Sualınıza görə təşəkkür edirik.

281  Elçin (02-09-2010). Salam. Mən Bakı şəhərində Dövlət Reyestrindən çıxarışı olan evə necə qeydiyyata düşə bilərəm və bunun dövlət rüsumu və presuduru necədir. Əvvəlcədən təşəkkürlər...

 

Salam.

Əgər yaşayış yerini dəyişdirirsinizsə və qeyd edilən Çıxarışınız varsa pasport qeydiyyat şıbəsinə müraciət edə bilərsiniz. Bundan başqa siz Ərizə-anketlə birlikdə şəxsiyyət vəsiqəsini (və ya doğum haqqında şəhadətnamə) də təqdim etməlisiniz (Yaşayış yeri və olduğu yer üzrə qeydiyyat haqqında Qanunun 5-ci maddəsi). Dövlət rüsumu 2 manat təşkil edir (Dövlət rüsumu haqqında Qanunun 14.5-ci maddəsi).

 

Sualınıza görə təşəkkür edirik.

 

2010-09-02

282  Gülşən (02-09-2010). Salam, normativ aktlar ile normativ huquqi aktlar arasi hansi ferq var? Yeni olari dedikde ne nezerde tutulur?

 

Salam.

Normativ hüquqi akt səlahiyyətli dövlət orqanı tərəfindən qəbul edilmiş, göstərişləri ümumi məcburi xarakter daşıyan, hüquq normalarını müəyyən edən, dəyişdirən və ya ləğv edən, dəfələrlə tətbiq olunmaq üçün nəzərdə tutulmuş rəsmi yazılı sənəddir. Azərbaycan Respublikasının qanunvericilik sistemi və ona daxil olan normativ hüquqi aktlar Azərbaycan Respublikası Konstitusiyasının 147—151-ci maddələri ilə müəyyən edilir (Normativ hüquqi aktlar haqqında Qanunun 2-ci maddəsi).

Qanunvericilik sistemi aşağıdakı normativ hüquqi aktlardan ibarətdir:
1) Konstitusiya;
2) referendumla qəbul edilmiş aktlar;
3) qanunlar;
4) fərmanlar;
5) Azərbaycan Respublikası Nazirlər Kabinetinin qərarları;
6) mərkəzi icra hakimiyyəti orqanlarının normativ aktları.

Daha sonra normativ xarakterli aktlar da var:
 

1. Azərbaycan Respublikası Konstitusiyasının 130-cu maddəsinin III hissəsinin 1—6, 8-ci bəndlərinə və IV hissəsinə əsasən qəbul edilmiş Azərbaycan Respublikası Konstitusiya Məhkəməsinin qərarları;
2. Azərbaycan Respublikası Mərkəzi Seçki Komissiyasının qərarları, təlimatları və izahları;
3. Yerli icra hakimiyyəti orqanlarının, yerli özünüidarə orqanlarının qərarları;
4. Azərbaycan Respublikası Milli Bankının qərarları.
5. Milli Televiziya və Radio Şurasının qərarları.

 

Normativ aktlar isə bü

tün digər dövlət qurumları ilə qəbul olunan məcburi xarakter daşıyan aktlardlr. Lakın onu da qeyd etmək lazımdır ki, "normativ akt" yerinə "akt" daha çox istifadə olunur. Amma normativ akt kimi də istifadə edirilir (misal üçün 22 aprel 2010-cu il tarixli № 946 saylı Bəzi normativ aktlarda əlavə və dəyişiklik edilməsinə dair Azərbaycan Respublikasının Mərkəzi Seçki Komissiyasının Qərarı).

 

Sualınıza görə təşəkkür edirik.

 

2010-09-02

283  Gülşən (02-09-2010). Salam,fovqelade hallarin aradan qaldirilmasi ucun dovlet tedbirleri ve karantin tedbirlerheyata kecirilir, karantin tedbir deyende neler nezerde tutulur?

 

Salam.

 

Karantin dedikdə aşağıdakı başa düşülür.

Karantin (ital. quaranta - qırx) - yoluxmuş şəxs(lər), heyvan(lar), nəqliyyat vasitə(lər), yaşayış məntəqəsi(lər) və ya yoluxmaya şübhəli bilinən şəxs(lər), heyvan(lar), nəqliyyat vasitə(lər), yaşayış məntəqəsi(lər), əşya və s. ilə  kontaktların məhdudlaşdırılmasına (izolyasiya) yönəldilmiş  tədbirlər kompleksidir.

Yəni Karantin özü özlüyündə tədbirlər kompleksidir və karantin tədbirləri bu cür izolyasiyaya yınəldilmiş tədbirlərdi.

 

Sualınıza görə təşəkkür edirik.

 

2010-09-02

284  Gülşən (02-09-2010). Salam, penitensiar muessiseler deyende ne nezerde tutulur, yeni bu muessiselerin funksiyasi nedir?

 

Salam.

Penitensiar sistemi (lat. Poenitentia - peşmanlıq, nədamət) dedikdə cəzaların icrası sistemi başa düşülür. Bu sahədə səlahiyyətli dövlət qurumu Azərbaycan Respublikasının Ədliyyə Nazirliyi Penitensiar xidməti hesab edilir. Onların üzərinə bir çox vəzifələr qoyulub, misal üçün penitensiar müəssisələrin (cəzaçəkmə müəssisələri, təcridxana və s.) idarə olunmasını, o cümlədən rejim qaydalarının, təhlükəsizlik tədbirlərinin, əməliyyat-axtarış fəaliyyətinin həyata keçirilməsini; məhkumların və həbsdə saxlanılan şəxslərin müşayiətini təşkil etmək və penitensiar müəssisələrin mühafizəsini həyata keçirmək və s.

Bu qədər.

2010-09-02

285  Nana (03-09-2010). Hebisxana? tcridxana? cezacekme muessesi bunlar nedir nefrqi nedir? Turme hansi sayilir? Kolon ne demekdir?

 

Salam.

 

Cəzaların İcrası Məcəlləsinin 66-cı maddəsinə əsasən cəzaçəkmə müəssisələri məntəqə tipli, ümumi, ciddi, xüsusi rejimli cəzaçəkmə müəssisələrinə, tərbiyə müəssisələri isə ümumi və möhkəm rejimli müəssisələrə bölünürlər.

 

Cəzaçəkmə müəssisələri yetkinlik yaşına çatmayan şəxslər üçün tərbiyə müəssisələrindən, yetkinlik yaşına çatmış şəxslər üçün müxtəlif rejimli cəzaçəkmə müəssisələrindən, həbsxanalardan və azadlıqdan məhrum edilmiş şəxslər üçün nəzərdə tutulmuş müalicə müəssisələrindən ibarətdir. İstintaq təcridxanaları penitensiar müəssisə olmaqla təsərrüfat və məişət xidməti işlərinə görə bu müəssisədə saxlanılan məhkumlar üçün cəzaçəkmə müəssisələrinin vəzifələrini yerinə yetirirlər.

 

Belə ki:

 

Ümumi rejimli cəzaçəkmə müəssisələrində qəsdən törədilmiş böyük ictimai təhlükə törətməyən, az ağır və ağır cinayətlərə görə ilk dəfə müəyyən müddətə azadlıqdan məhrum etməyə məhkum olunmuş şəxslər, habelə ehtiyatsızlıqdan törədilmiş cinayətlərə görə beş ildən artıq müddətə azadlıqdan məhrum etməyə məhkum olunmuş şəxslər, həmçinin cəzaları müəyyən müddətə azadlıqdan məhrum etmə növündə cəza ilə əvəz edilmiş şəxslər cəza çəkirlər (maddə 112).

 

 

Ciddi rejimli cəzaçəkmə müəssisələrində xüsusilə ağır cinayətlər törətməyə görə ilk dəfə müəyyən müddətə azadlıqdan məhrum etmə növündə cəzaya məhkum olunmuş, habelə cinayətlərin residivi zamanı, yəni əvvəllər müəyyən müddətə azadlıqdan məhrum etmə növündə cəza çəkmiş şəxslər və cinayətlərin xüsusi təhlükəli residivinə görə müəyyən müddətə azadlıqdan məhrum etmə növündə cəzaya məhkum olunmuş qadınlar cəza çəkirlər (maddə 114).

 

Xüsusi rejimli cəzaçəkmə müəssisələrində cinayətlərin xüsusi təhlükəli residivinə görə müəyyən müddətə azadlıqdan məhrum etmə növündə cəzaya məhkum olunmuş və ömürlük azadlıqdan məhrum etmə növündə cəzası müəyyən müddətə azadlıqdan məhrum etmə növündə cəza ilə əvəz olunmuş kişilər cəza çəkirlər (maddə 116).

 

Ehtiyatsızlıqdan törədilmiş cinayətlərə görə beş ildən artıq olmayan müddətə azadlıqdan məhrum etmə növündə cəzaya məhkum olunmuş şəxslər ehtiyatsızlıqdan törədilmiş cinayətlərə görə məhkum olunmuş şəxslər üçün məntəqə tipli cəzaçəkmə müəssisələrində cəza çəkirlər (maddə 118). 

 

Həbsxanalarda xüsusilə ağır cinayətlər törətməyə görə beş ildən artıq müddətə azadlıqdan məhrum etməyə məhkum olunmuş şəxslər, cəza müddətini tam və ya onun bir hissəsini çəkməklə cinayətlərin xüsusi təhlükəli residivinə görə məhkum olunmuş şəxslər, ömürlük azadlıqdan məhrum etmə növündə cəzaya məhkum olunmuş şəxslər, həmçinin ümumi, ciddi və xüsusi rejimli cəzaçəkmə müəssisələrindən bu Məcəllənin 70.4.3-cü maddəsinə (ümumi, ciddi və xüsusi rejimli cəzaçəkmə müəssisələrindən üç ildən çox olmayan müddətə həbsxanaya keçirilə bilərlər) uyğun olaraq həbsxanaya keçirilmiş məhkumlar saxlanılırlar (maddə 120).

 

Cəzaçəkmə müəssisələrində cəza çəkən, digər cinayət işləri üzrə şübhəli və ya təqsirləndirilən şəxs qismində cəlb olunmuş şəxslər məhkəmənin qərarına əsasən, cəzaçəkmə müəssisələrinin cərimə təcridxanalarında və ya tərbiyə müəssisələrinin intizam təcridxanalarında saxlanıla bilərlər (Həbsdə saxlanılan yerlərində şəxslərin saxlanmasına dair Müvəqqəti Əsasnamə bənd 2.2).

 

 

Sualınıza görə təşəkkür edirik.

 

2010-09-03

286  Esref (03-09-2010). Men ozum muhasibat ucotu ve audit ixtisasi uzre mutexessisem amma ozume bununla elaqedar is tapa bilmirem. bunun ucun men hara muraciet edim? Mumkundurse mene meslehet veresiniz.

 

Salam.

 

Demək olmaz ki, bu sual hüquqi məsləhət məqsədilə verilib. Amma biz çalışırıq ki, sual cavabsız qalmasın. Məsləhət görərdik ki, Azərbaycan Respublikası Dövlət Məşğulluq Xidmətinə (və Baş Məşğulluq İdarəsinə) müraciət edəsiniz. Və öz ixtisasınıza görə iş axtarıb tapasınız.

 

Bu qədər.

 

2010-09-03

287  Gunay (2010-09-03). Salam! Bir neche gun evvel Size muraciet etmishdim. Daha bir sualim var boshanma ile elagedar. Yoldashim boshanmaga verib. Bildiyeme gore her ikimizi chagirib 3 ay vaxt verecekler. Eger 3 aydan sonra men yene razilig vermesem onda mehkeme hansi gerari verir. 1.5 aylig gizimiz var.

 

Salam.

 

Ailə Məcəlləsinin 20.2-ci maddəsinə əsasən tərəflərdən birinin nikahın pozulması haqqında razılığı olmadıqda, məhkəmə ər-arvadın barışması üçün 3 ay müddət müəyyən etməklə işi təxirə sala bilər. Barışıq olmadıqda və ya onlar (onlardan biri) nikahın pozulmasında təkid etdikdə nikah pozulur.

 

Həmin Məcəllənin 15-ci maddəsinə əsasən arvadın hamiləliyi dövründə və ya uşağın doğulmasından sonra 1 il müddətində arvadın razılığı olmadan ər nikaha xitam verilməsi barədə iddia qaldıra bilməz. 

 

Yəni uzadmaq üçün artıq əsas yoxdur (əgər siz hamilə deyilsinizsə).

 

Sualınıza görə təşəkkür edirik.

 

2010-09-03

 

288  Gülşən (03-09-2010). salam serti mehkumluq ve serti olaraq cezadan vaxtindan evvel azad edilme,birde cezanin cekilmesini texire salinmasi hansi hallarda bas verir ve ne demekdir?zehmet olmasa deyin

 

Salam.

 

Bütün bunlar  Cinayət Məcəlləsinin aşağıdakı maddələrində göstərilib:

 

Maddə 70. Şərti məhkum etmə

70.1. İslah işləri, hərbi xidmət üzrə məhdudlaşdırma, intizam xarakterli hərbi hissədə saxlama, azadlığın məhdudlaşdırılması və ya müəyyən müddətə azadlıqdan məhrum etmə növündə cəza təyin edən məhkəmə, məhkumun cəza çəkmədən islah olunmasını mümkün sayırsa, həmin cəzanın şərti olaraq tətbiq edilməsi haqqında qərar çıxara bilər.

70.2. Məhkəmə şərti məhkum etmə təyin edərkən törədilmiş cinayətin xarakterini, ictimai təhlükəlilik dərəcəsini, məhkumun şəxsiyyətini, habelə cəzanı yüngülləşdirən və ağırlaşdıran halları nəzərə alır.

70.3. Şərti məhkum etmə təyin edilərkən məhkəmə tərəfindən sınaq müddəti müəyyən olunur. Bu müddət ərzində məhkum öz davranışı ilə islah olunmasını sübut etməlidir. Sınaq müddəti altı aydan beş ilədək müddətə müəyyən edilir.

70.4. Şərti məhkum etmə zamanı əlavə cəzalar təyin edilə bilər.

70.5. Məhkəmə şərti məhkum etmə təyin edərkən məhkumun üzərinə aşağıdakı vəzifələri qoya bilər: onun davranışı üzərində nəzarəti həyata keçirən orqanlara məlumat vermədən daimi yaşayış yerini, təhsil yerini, iş yerini dəyişməmək, müəyyən yerlərə getməmək, alkoqolizmdən, narkomaniyadan, toksikomaniyadan və ya zöhrəvi xəstəliklərdən müalicə kursu keçmək, ailəsinə maddi yardım göstərmək. Məhkəmə, məhkumun üzərinə onun islah olunmasına kömək edən digər vəzifələr də qoya bilər.

70.6. Şərti məhkum edilmiş şəxs üzərində nəzarəti müvafiq dövlət orqanları, hərbi qulluqçular üzərində nəzarəti isə hərbi hissələrin və müəssisələrin komandanlığı həyata keçirir.

70.7. Sınaq müddəti ərzində şərti məhkum edilmiş şəxsin üzərində nəzarəti həyata keçirən dövlət orqanının təqdimatı əsasında məhkəmə, məhkumun üzərinə əvvəllər qoyulmuş vəzifələri tamamilə və ya qismən ləğv edə bilər, yaxud onun üzərinə yeni vəzifələr qoya bilər.

 

Maddə 76. Cəzadan şərti olaraq vaxtından əvvəl azad etmə

76.1. Məhkəmə islah işləri, azadlığın məhdudlaşdırılması, intizam xarakterli hərbi hissədə saxlama, hərbi xidmət üzrə məhdudlaşdırma və ya müəyyən müddətə azadlıqdan məhrum etmə növündə cəza çəkən şəxsin islah olunmaq üçün cəzanı tam çəkməsinə lüzum olmadığı qənaətinə gələrsə, onu cəzadan şərti olaraq vaxtından əvvəl azad edə bilər. Bu halda, şəxs tamamilə və ya qismən əlavə cəzadan da azad edilə bilər.

76.2. Cəzadan şərti olaraq vaxtından əvvəl azad etmə tətbiq edərkən, məhkəmə məhkumun üzərinə, bu Məcəllənin 70.5-ci maddəsində nəzərdə tutulmuş və cəzanın çəkilməmiş müddəti ərzində onun tərəfindən icra edilməli olan vəzifələr qoya bilər.

76.3. Cəzadan şərti olaraq vaxtından əvvəl azad etmə, məhkum:

76.3.1. böyük ictimai təhlükə törətməyən və ya az ağır cinayət törətməyə görə təyin edilmiş cəza müddətinin ən azı yarısını;

76.3.2. ağır cinayət törətməyə görə təyin edilmiş cəza müddətinin ən azı üçdə iki hissəsini;

76.3.3. xüsusilə ağır cinayət törətməyə görə təyin edilmiş cəza müddətinin ən azı dörddə üç hissəsini həqiqətən çəkdikdən sonra, habelə əvvəllər cəzadan şərti olaraq vaxtından əvvəl azad edilmiş şəxs, əgər şərti olaraq vaxtından əvvəl azad etmə bu Məcəllənin 76.6-cı maddəsində nəzərdə tutulmuş əsaslara görə ləğv edilmişdirsə, təyin edilmiş cəza müddətinin ən azı dörddə üç hissəsini həqiqətən çəkdikdən sonra tətbiq edilə bilər.

76.4. Azadlıqdan məhrum etmə cəzasının məhkum tərəfindən həqiqətən çəkilmiş müddəti altı aydan az ola bilməz.

76.5. Cəzadan şərti olaraq vaxtından əvvəl azad edilmiş şəxslər üzərində nəzarəti müvafiq dövlət orqanları, hərbi qulluqçular üzərində nəzarəti isə hərbi hissələrin və müəssisələrin komandanlığı həyata keçirir.

76.6. Cəzanın çəkilməmiş hissəsi ərzində məhkum:

76.6.1. cəzadan şərti olaraq vaxtından əvvəl azad etmə tətbiq olunarkən məhkəmə tərəfindən onun üzərinə qoyulmuş vəzifələri yerinə yetirməkdən qərəzli olaraq boyun qaçırdıqda və ya ictimai qaydanı pozduğuna görə barəsində inzibati tənbeh tətbiq edildikdə, bu Məcəllənin 76.5-ci maddəsində göstərilən orqanların təqdimatı əsasında məhkəmə şərti olaraq vaxtından əvvəl azad etmənin ləğv edilməsi və cəzanın çəkilməmiş hissəsinin icra olunması haqqında qərar çıxara bilər;

76.6.2. ehtiyatsızlıqdan cinayət törətdikdə, cəzadan şərti olaraq vaxtından əvvəl azad etmənin ləğv edilməsi və ya saxlanılması barədə məsələ məhkəmə tərəfindən həll edilir;

76.6.3. qəsdən cinayət törətdikdə, məhkəmə ona bu Məcəllənin 67-ci maddəsində nəzərdə tutulmuş qaydalar üzrə cəza təyin edir. Ehtiyatsızlıqdan cinayət törədildiyi və məhkəmə tərəfindən cəzadan şərti olaraq vaxtından əvvəl azad etmənin ləğv edildiyi halda da cəza həmin qaydalar üzrə təyin olunur.

 

Maddə 79. Hamilə qadınlar və azyaşlı uşaqları olan şəxslər tərəfindən cəzanın çəkilməsinin təxirə salınması

79.1. Şəxsiyyət əleyhinə ağır və ya xüsusilə ağır cinayət törətməyə görə beş ildən çox müddətə azadlıqdan məhrum etməyə məhkum edilmiş şəxslər istisna olmaqla, məhkəmə məhkum edilmiş hamilə qadınlar və ya səkkiz yaşına qədər uşağı olan qadınlar, habelə səkkiz yaşına çatmamış uşağını təkbaşına böyüdən kişilər tərəfindən uşaq səkkiz yaşına çatanadək cəzanın çəkilməsini təxirə sala bilər.

79.2. Bu Məcəllənin 79.1-ci maddəsində nəzərdə tutulmuş şəxslər, məhkum edilmiş şəxslər üzərində nəzarəti həyata keçirən müvafiq dövlət orqanının xəbərdarlığından sonra uşaqdan imtina etdiyi və ya uşağı tərbiyə etməkdən boyun qaçırmaqda davam etdiyi halda, məhkəmə həmin orqanın təqdimatı əsasında cəzaçəkmənin təxirə salınmasını ləğv edə və məhkumu cəzanı çəkmək üçün hökmlə müəyyən olunmuş yerə göndərə bilər.

79.3. Uşaq səkkiz yaşına çatdıqda, məhkəmə məhkum edilmiş şəxsi cəzanın çəkilməmiş hissəsindən azad edir və ya cəzanın çəkilməmiş hissəsini daha yüngül cəza növü ilə əvəz edir, yaxud məhkum edilmiş şəxsi cəzanın qalan hissəsini çəkmək üçün müvafiq müəssisəyə göndərir.

79.4. Cəzaçəkmənin təxirə salındığı müddətdə məhkum edilmiş şəxs yeni cinayət törətdikdə, məhkəmə ona bu Məcəllənin 67-ci maddəsi ilə nəzərdə tutulmuş qaydalar üzrə cəza təyin edir.

 

Sualınıza görə təşəkkür edirik.

 

2010-09-03

 

289  Seymur (03-09-2010). Sentyabirin 1 shemkir yolunda mashinimi vurublar vuran adam vurdugu zereri odemek isdemir polis ishi gonderib mhkemeye amma 1 ay kecmesine baxmayaraq bize hecbir melumat verilmir ishe Semkir mehkemesi baxir men nece edimki mehkeme ishe baxsin???

Salam.

Qeyd edirsiniz ki, hadisə sentyabrın 1 baş verib. Bir ay bəs necə keçə bilər? Hər bir halda əgər hesab edirsiniz ki, məhkəmə qanunvericilikdə göstərilən müddətləri pozur Məhkəmə-Hüquq Şurasına şikayət edə bilərsiniz. 

 

Nəzərinizə çatdırmalıyıq ki, İnzibati Xətalar Məcəlləsinin 422-ci maddəsinə əsasən inzibati xəta haqqında işə baxmağa səlahiyyəti olan hakim, orqan (vəzifəli şəxs) bu cür işlərə inzibati xəta haqqında protokolu və işin digər materiallarını aldığı vaxtdan on beş gün müddətində baxır. İnzibati xəta haqqında iş üzrə icraatın  iştirakçılarının vəsatəti və ya əlavə halların müəyyən edilməsi zərurəti olarsa, işə baxan hakim, səlahiyyətli orqan (vəzifəli şəxs) özünün əsaslandırılmış qərardadı ilə işın baxılmasını bir ayadək müddətə uzada bilər. 

 

Sualınıza görə təşəkkür edirik.

 

2010-09-03

290  Gülşən (03-09-2010). Salam, edliyye nazirliyini esasnamesinde yazilib ki,nazirlik muvafiq hakimlerin mecburi sigortasini heyata kecirir,muvafiq hakimleri doyus sursati ve silahla temin edir ve muvafiq hakimlerin emek ve sosial huquqlarini temin edir,muvafiq deyende hansi mehkemelerin hakimlerin nezerde tutulur? Bes yerde qalan mehkemelerin hakimlerinin bu teminatlari hansi orqan heyata kecirir? Zehmet olmasa deyin.

 

Salam.

 

Bunun üçün ilk öncə Məhkəmələr və hakimlər haqqında Qanunun 86-cı maddəsinə müraciə etməli idiniz. Belə ki, Müvafiq icra hakimiyyəti orqanı (1 dekabr 1998-ci il № 30 tarixli Fərmanının 7-ci bəndinə əsasən Ədliyyə Nazirliyi) Azərbaycan Respublikasının qanunvericiliyi ilə müəyyənləşdirilmiş qaydada hakimlərin müstəqilliyinə ciddi əməl etməklə Ali Məhkəmənin  hakimləri istisna olmaqla, hakimlərin peşə hazırlığının artırılması, birinci instansiya məhkəmələrinin fəaliyyəti üçün zəruri şərait yaradılması məsələləri ilə məşğul olur, onların müvafiq normativ-hüquqi aktlarla təchiz olunmasını, maliyyə və digər maddi-texniki təminatını həyata keçirir.

 

 

 

Müvafiq icra hakimiyyəti orqanı məhkəmə statistikasının aparılması, məhkəmə qərarlarının icrası, məhkəmələrdə kargüzarlığın təşkil edilməsi, hakimlərin əmək və sosial hüquqlarının təmin edilməsi, məhkəmələrdə icra və əmək intizamına riayət edilməsi üçün tədbirlər görür. Müvafiq icra hakimiyyəti orqanı birinci və apellyasiya instansiyası məhkəmələrində bu sahələr üzrə işin təşkili vəziyyətini yoxlamaq, habelə birinci instansiya məhkəmələrində sədr və sədr müavini öz vəzifələrini yerinə yetirə bilmədikdə və ya onların səlahiyyət müddəti bitdikdə onların vəzifələrinin icrasını müvəqqəti olaraq həmin məhkəmənin hakimlərindən birinə, hakim öz vəzifələrini yerinə yetirə bilmədikdə isə onun vəzifələrinin icrasını müvəqqəti olaraq digər müvafiq məhkəmənin hakimlərindən birinə həvalə etmək hüququna malikdir.

 

Konstitusiya Məhkəməsi haqqında Qanunun 76.-ci maddəsinə əsasən isə Konstitusiya Məhkəməsinin fəaliyyətinin maddi-texniki, maliyyə və təsərrüfat təminatını Konstitusiya Məhkəməsinin işlər idarəsi həyata keçirir.

 

Sualınıza görə təşəkkür edirik.

 

2010-09-04

291  Seymur (03-09-2010). Üzür isdəyirəm hadise Avqusdun 1-i bash verib. bir sualda vermək isdəyirəm. qəzanı törətmiş şəxs zərəri ödəmək isdəmir. Hec sürücülük vəsiqəsidə yoxdur bu halda hadisəni törətmiş şəxsi nə gözləyir?

 

Salam.

 

İnzibati Xətalar Məcəlləsinin.152.2-ci maddəsinə əsasən nəqliyyat vasitəsini idarə etmə hüququ olmadan nəqliyyat vasitəsinin idarə edilməsinə görə 

-  altmış manat miqdarında cərimə edilir.

 

Əgər zərəri ödəməkdən imtina edirsə məhkəmə qaydasında əmlakına həbs qoyula bilər. Bunun üçün müvafiq vəsatətlə məhkəməyə müraciət etməlisiniz.

 

Sualınıza görə təşəkkür edirik.

 

292  Vasif (04-09-2010). Salam. Mescid həyətində hazirliq kursu fəaliyyət göstərir.kursa yaxin bir hissədə transfarmator var.Uşaqlar toxunub xəsarət alar qorxusuna görə onu həyətin ərazisində çixarmaq istəyirik.İşıq idarəsi isə bunun üçün 700 manat pul istəyir. Belə vəziyyətdə biz nə etməliyik.Təşəkkür edirəm.

Salam.

Bununla bağlı Fövqaladə Hallar Nazirliyinə müraciət edə bilərsiniz (AZ1073, Bakı şəhəri,M.Müşfiq küçəsi, 501-ci məhəllə Tel.: (+994 12) 512 00 61Faks: (+994 12) 512 00 46; Qaynar xətt: 112) və yaranmış vəziyyət barədə onlara ətraflı məlumat verməlisiniz. Çünki bu vəziyyət texnogen mənşəli fövqaladə halın yaranmasına səbəb ola bilər və insanların təhlükəsizliyi ilə bağlıdır. Eyni zamanda məhkəməyə və Azərbaycan Respublikasının Korrupsiyaya qarşı mübarizə üzrə Komissiyasına (700 manat məsələsinə dair, amma bunu sübut etməli olacaqsınız) da müraciət edə bilərsiniz.

 

Sualınıza görə təşəkkür edirik.

 

2010-09-04

293  NIzam (04-09-2010). Salam. Fiziki sexs kommersiya ile mesgul olduqda vergini nece vermelidir? Bu halda ki, mallarini hec bir magazada satmir, evde satir. Tesekkur edirem.

 

Salam.

 

Vergi orqanlarına qeydiyyata durmaq lazımdır (misal üçün sadələşdirilimiş vergi ödəyicisi kimi 4%) və vergi ödəmək. Fərqi yoxdur harada (evdə, mağazada və s.) sahibkarlıq fəaliyyəti ilə məşğulsunuz. Əldə olunan gəlirdən dövlətə vergi ödəməlisiniz.

 

Sualınıza görə təşəkkür edirik.

 

2010-09-04

294  Nicat (04-09-2010) Salam, mene herb komissiya terefinden verilmiw cedvelin 1-ci qrafasinin 21b maddesi lazimdir.(aciqlamaq)bununla yanawi men bu ve ya baqa maddleri hardan tapa bilerem(sayti)? Hansi saytda var bele maddeler?

Salam.

Yəqin ki, Hərbi-həkim ekspertizası haqqında Əsasnamənin 21-ci maddəsini nəzərdə tutursunuz. Aşağıda həmin maddənin tam mətni göstərilir.

 

Sinir sistemi xəstəlikləri

 

Maddə	Xəstəliklərin adı, funksiyaların pozulma dərəcəsi	Hərbi xidmətə yararlılıq kateqoriyası
I qrafa	II qrafa	III qrafa
21	Epilepsiya
a) tez-tez epileptik tutmalar və ya mühüm ruhi pozulmalar olduqda	D	D	D
b) tutmadan kənar vaxtda ruhi pozulmalar olmadan tək-tək və nadir epileptik tutmalar (qıcolmalarla və qıcolmalarsız) olduqda	C	C	C və ya B FƏRDİ

 

Bu maddə epilepsiyanı, generalizə olunmuş və ya parsial tutmalarla, ruhi ekvivalentlərlə və ya şəxsiyyətin spesifik dəyişiklikləri ilə müşayiət olunan baş beynin xroniki xəstəliyi kimi nəzərdə tutur.

Simptomatik epilepsiya bu maddəyə aid edilmir. Belə hallarda şəhadətləndirilmə qıcolma sindromunun inkişafına gətirib çıxaran xəstəliyə görə aparılır.

Tutmanın olması həkim müşahidəsi ilə təsdiq edilməlidir. Bəzi hallarda təsvir olunan tutma və tutmadan sonrakı hal onun epileptik tutma olmasını qəbul etməyə əsas verərsə, qeyri-tibbi heyətdən olan vəzifəli şəxslər tərəfindən imzalanmış və komandirlər (rəislər) tərəfindən təsdiq edilmiş aktlar nəzərə alına bilər. Aydın olmayan hallarda yaşayış, təhsil, iş və hərbi xidmət yerlərindən məlumatları tələb etmək lazımdır.

«a» bəndinə tez-tez baş verən tutmalar (ildə 3 və daha çox) və ya qıcolma tutmalarının ruhi ekvivalentləri, eləcə də şəhadətləndirilənin psixikasının proqressivləşən pozulmaları aiddir.

«b» bəndinə nadir (ildə 3 dəfədən az) baş verən tutmalar, o cümlədən qıcolmaları olmayan ekvivalentlərsiz paroksizmlər və epilepsiya üçün xarakterik olan digər ruhi dəyişikliklər aiddir.

Tibb müəssisələrinin sənədləri ilə keçmişdə epilepsiya tutmalarının olması təsdiq edilərsə, lakin son 5 ildə tutma müşahidə edilməyibsə və stasionar şəraitdə müayinə zamanı elektroensefaloqrafiyada sakit şəraitdə, funksional yük altında patoloji dəyişikliklər (paroksizmal qeyd edilən müxtəlif amplitudalı «iti» və «yavaş» dalğalar, «iti-yavaş dalğa» kompleksləri və digər dəyişikliklər, yarımkürələrarası asimmetriya) aşkar edilərsə, şəhadətləndirmə «b» bəndi üzrə aparılır.

Keçmişdə müşahidə edilmiş hər hansı xarakterli yeganə tutma (epileptik reaksiya) və ya zəif ifadə olunan və nadir hallarda baş verən kiçik tutmalar, qıcolmasız paroksizmlər və ya əhval-ruhiyyənin spesifik pozulmaları hallarında hərbi xidmətə yararlılıq kateqoriyası məsələsi yalnız stasionar müayinədən sonra həll edilir.

Epileptik paroksizmləri olan şəxslər nəqliyyat vasitələrini idarə etməyə, hündür yerlərdə, hərəkət edən mexanizmlərin, od və su mənbələrinin yanında xidmətə (işləməyə) yararsızdırlar.

Sualınıza görə təşəkkür edirik.

 

2010-09-04

295  Rəna (04-09-2010). Yoldaşım Qarabağ uğrunda döyüş zamanı şəhid olub. İki övladım var. Sağolsun, vaxtilə dövlət bizə şəhid ailəsinə düşən yardımı göstərib, yalnız imkansızlıqdan uşaqlarımın oxumağı üçün lazım olan şəraiti qura bilməmişəm. İndi özüm yarımcanam, işləmirəm, oğlum arada iş olanda fəhləlik edir belədə işsizdir. Evim remontsuzdur azqalır başımıza uça. Sizcə mən kimə müraciət edə bilərəm.

 

Salam.

 

Bunun üçün bir çox təşkilatlara müraciət edə bilərsiniz həm Dövlət Sosial Müdafiə  Fonduna, Əmək və Əhalinin Sosial Müdafiəsi Nazirliyinə və hətta Prezidentə müraciət edə bilərsiniz. Müraciətinizdə öz vəziyyətiniz,  o cümlədən gəlirləriniz, maddi durumunuz barədə ətraflı məlumat təqdim edin (əsaslarla, məsələn sosial idarələrdən müvafiq arayışlar və s.). Müraciətləriniz yazılı şəkildə olmalıdır. 

 

Sualınıza görə təşəkkür edirik.

 

2010-09-04

 

296  Mahir (04-09-2010). Salam. Mən qəza törətmişəm, mənim sürücülük vəsiqəm yoxdur, qarşı tərəfin maşınına 2000 AZN deyerində ziyan vurmuşam amma ziyanı ödəməyə imkanım yoxdur, heç yerdə işləmirəm, adimada heçbir Əmlak yoxdur. Ziyan çəkmiş şəxs məni məhkəməyə verib. Qanuna görə məni nə gözləyir?

Salam.

Məsləhətxananın 291-ci sualında göstərilib sizi nə gözləyə bilər. 

 

Bu qədər.

 

2010-09-04

297  Gunel (04-09-2010). Salam. bizim heyatyani evin sahesinin serancami alinmisdir evinsa kupcasi yoxdur, kupca alinarkan hansi muvafiq orqanlara ve hansi senedlerle muraciet etmek lazimdir? diger terefden tikilmak uzra olan evin sahesi manim rahmatlik atamin adinadir, man bu torpaq sahesini nece oz adima sala bilerem? muraciet etdiyim xazar rayon reyster xidmatindan tam cavab ala bilmadiyimcun siza muraciet etdim

Salam.

Əgər siz yeganə vərəsəsinizsə bunun üçün notariausa müraciət etmək və müvafiq qaydada bu daşınmaz əmlakı vərəsə kimi qəbul etmək lazımdır. Notariusda adı çəkilən sənədləşdirməni keçdikdən sonra Daşınmaz Əmlakın Dövlət Reyestri Xidmətinə müraciət etməlisiniz. Bununla bağlı Məsləhətxananın 1,5 6 və digər suallarında ətraflı məlumat verilmişdir.

 

Sualınıza görə təşəkkür edirik.

 

2010-09-04

298  Gülşən (04-09-2010). Salam, dovlet qeydiyyati ile dovlet reyestri arasinda ne ferq var?

 

Salam.

 

Qeyd edilənlər Daşınmaz əmlakın dövlət reyestri haqqında Qanunda göstərilib:

 

Daşınmaz əmlaka mülkiyyət və digər əşya hüquqlarının dövlət qeydiyyatı Azərbaycan Respublikasının Mülki Məcəlləsinə uyğun olaraq daşınmaz əmlaka hüquqların əmələ gəlməsinin, məhdudlaşdırılmasının (yüklülüyünün) başqasına keçməsinin və bu hüquqlara xitam verilməsinin dövlət tərəfindən tanınması və təsdiq edilməsi barədə hüquqi aktdır (maddə 2).

Azərbaycan Respublikasının Mülki Məcəlləsi ilə və bu qanunla müəyyən edilmiş qaydada daşınmaz əmlak üzərində hüquqların qeydiyyatı daşınmaz əmlakın dövlət reyestrində aparılır (maddə 2).

Dövlət reyestrində daşınmaz əmlak, onlar üzərində həm mövcud olan, həm də xitam verilmiş hüquqlar və hüquq sahibləri barədə məlumat saxlanılır. Ərizə jurnalı (ərizələrin qeydiyyat kitabı) və hüquqların dövlət qeydiyyatı üçün əsas olan sənədlər daxil edilən qovluqlar dövlət reyestrinin ayrılmaz tərkib hissəsidir (maddə 13).

 

Bunu sadələşdirsək: qeydiyyat - sənəddir, reyestr isə həmin sənəd barədə məlumat saxlayan jurnal.

 

Sualınıza görə təşəkkür edirik.

2010-09-04

 

299  Gülşən (04-09-2010). Salam, audit teskilatlar deyilende ne nezerde tutulur? Zehmet olmasa deyin

Salam.

 

Auditor xidməti haqqında Qanunun 5-ci maddəsinə əsasən auditor təşkilatı Auditorlar Palatasının verdiyi lisenziya əsasında Azərbaycan Respublikasının ərazisində auditor xidməti göstərmək hüququnu əldə etmiş və nizamnaməsinə görə yeganə fəaliyyət sahəsi bu xidmət növü olan hüquqi şəxsdir.

Audit — əmtəə istehsalı və satışı, xidmət göstərilməsi və iş görülməsi ilə məşğul olan təsərrüfat subyektlərində mühasibat uçotunun dəqiq və dürüst aparılmasının, mühasibat və maliyyə hesabat-larının müstəqil yoxlanılmasıdır.

 

Həmin auditor təşkilatları aşağıdakı xidmətləri göstərirlər - təsərrüfat subyektlərində müqavilə əsasında maliyyə-təsərrüfat fəaliyyəti sahəsində yoxlama, ekspertiza, təhlil aparmaq və yazılı rəy vermək, mühasibat uçotu qurmaq, hesabat göstəricilərinin dürüstlüyünü təsdiq etmək və auditorun peşə fəaliyyətinə (auditor təşkilatının nizamnamə məqsədlərinə) uyğun olaraq maliyyə-təsərrüfat münasibətləri sahəsində digər xidmətləri göstərmək.

 

Sualınıza görə təşəkkür edirik.

 

2010-09-05

 

300  Gülşən (05-09-2010). Salam, daxili isler nazirliyinin strukturunu bildiyime gore prezident tesdiq edir bes ordaki iscilerin umumi sayini kim mueyyenlesdirib tesdiq edir? Zehmet olmasa deyin

 

Salam.

 

Azərbaycan Respublikası Daxili İşlər Nazirliyinin Əsasnamənin 5.3.5-ci bəndinə əsasən nazirliyin mərkəzi aparatının və tabelikdəki orqan, hissə, müəssisə və təşkilatların strukturu üzrə ştat cədvəllərini təsdiq edir, onların (mərkəzi aparatın strukturuna daxil olan qurumlar və şəhər, rayon polis orqanları istisna olmaqla) yaradılması, yenidən qurulması, ləğv edilməsi barədə qərarlar verir, ştat sayının normativlərini, habelə nazirliyin daxili nizam qaydalarını Daxili İşlər naziri müəyyən edir.

 

Sualınıza görə təşəkkür edirik.

 

2010-09-05

301  Tural (05-09-2010). Dovletin elillere ve qarabag elillerine bagişladiqi evi ve ya torpaq sahesini satmaq olarmi?

Salam.

 

Əgər həmin daşınmaz əmlaka mülkiyyət hüququnu təsdiq edən sənədləriniz varsa təbii ki, olar.

 

Sualınıza görə təşəkkür edirik.

 

05-09-2010

302  Gülşən (05-09-2010). Salam, konstitisiyada gosterilir ki Azerbaycan unitar dovletdir, bes onda merkezlesdirilmis yoxsa merkezlesdirilmemis unitar dovletdir? zehmet olmasa deyin.

 

Salam.

 

Bu sual hüquq nəzəriyyəsinə daha çox aiddir.

 

Mərkəzləşdirilmiş və mərkəzləşdirilməmiş (desentralizisiya olunmuş) unitar dövlətlər ali və yerli orqanların arasında hakimiyyət bölgüsünuün xüsusiyyətləri ilə fərqlənir. Yerli hakimiyyət orqanlarına nə qədər çox səlahiyyətlər verilsə o qədər çox desentralizasiya olacaq və əksinə.  Konstitusiyanın 109-cu maddəsinin 7, 9 bəndlərini, 124 maddəsinə nəzər yetirsəniz görünər ki, bizdə mərkəzləşdirilmiş unitar dövlətdir.

 

Sualınıza görə təşəkkür edirik.

 

2010-09-06

303  Huzur (05-09-2010). 3 usagi olan na her hansi bir sosial yardim ala bilermi?

 

Salam.

 

Təəssüflər olsun amma sadəcə bir yaşınadək uşağı olan aztəminatlı ailələrə müavinət– 20 manat (Sosial müavinətlərin artırılması haqqında Fərmanın 1.1.8-ci bəndi). Lakın  Sosial Müdafiə Fonduna müraciət etsəniz və öz maddi durumunuz barədə məlumat versəniz ola bilsin ünvanlı sosial yardımı ala bilərsiniz.  

 

Sualınıza görə təşəkkür edirik.

 

2010-09-06

304  Gülşən (05-09-2010). Salam, vekillik haqqinda qanunda gosterilir ki,vekiller kollegiyasinin uzvlerinin sayi 1000 den cox olsa onda vekillerin uzvlerini umumi yigincaginin selehiyyetlerini vekillerin uzvlerinin konfransi heyata kecirir, vekillerin uzvlerini umumi yigincagi ile konfransi arasinda ne ferq var ki ,eyni anlayis deyiller?

Salam.

Bilmirik bu rəqəmi haradan götürmüsünüz. Amma bu rəqəmlə bağlı Vəkillər və vəkillik fəaliyyəti haqqında Qanunda məlumat yoxdur.  Həmin Qanunun 10-cu maddəsinin adı Vəkillər kollegiyası üzvlərinin Ümumi yığıncağı (konfransı) kimi göstərilir. Bu da o deməkdir ki, bu qanun ümumi yığıncaq və konfrans arasında fərq qoymur.

 

Sualınıza görə təşəkkür edirik.

 

 2010-09-06

305  Javid (06-09-2010). Salam. Her vaxtiniz xeyir. Bir sual məni maraqlandirir. Fikirleshdim ki, siz mene yardimci ola bilersiniz. 1. Torpaq sahəsi və içində ev olan torpaq sahəsi haqqında hansı sənədlər mövcuddur və onların mənası və hüquqi qüvvəsi nədir? Torpaq alınırkən hansı sənədlərə diqqət yetirmək lazımdır? Əvvəlcədən minnətdarlığımı bildirirəm.

Salam.

İlk öncə həmin torpağa hüquqların dövlət qeydiyyatını yoxlamaq lazımdır (Çıxarışın olub olmaması), daha sonra digərlərinə torpaq sahəsinin ölçüləri və planı; texniki pasport, həmin sənədlərdə torpağın keyfiyyəti və digər əmsallar göstərilməlidir (yerləşməsindən asılı olaraq).

 

Sualınıza görə təşəkkür edirik.

 

2010-09-06

306  Nail (06-09-2010). AR IXM madde 199da ne deyilir?

 

Salam.

 

İnzibati Xətalar Məcəlləsinin 199-cu maddəsi. (Qanunsuz sahibkarlıq fəaliyyəti ilə məşğul olma)

Azərbaycan Respublikasının qanunvericiliyi ilə müəyyən edilmiş qaydada dövlət qeydiyyatına alınmadan və ya sahibkarlıq fəaliyyətinin həyata keçirilməsi üçün xüsusi razılıq (lisenziya) tələb olunduğu hallarda belə razılıq olmadan sahibkarlıq fəaliyyəti ilə məşğul olmağa, yaxud lisenziyada nəzərdə tutulmuş şərtlərin pozulması ilə və ya xüsusi icazə olmadan mülki dövriyyəsi məhdudlaşdırılmış əşyalardan istifadə etməklə sahibkarlıq fəaliyyətinin həyata keçirilməsinə görə, bu, az miqdarda ziyan vurduqda və ya az miqdarda gəlir əldə etməklə törədildikdə-

-           fiziki şəxslər on manatdan on beş manatadək miqdarda, vəzifəli şəxslər otuz manatdan əlli manatadək miqdarda, hüquqi şəxslər yüz iyirmi manatdan yüz altmış manatadək miqdarda cərimə edilir.

Qeyd: Bu Məcəllənin 199-cu, 200-204-cü, 204-2-ci, 205-ci və 221.1-ci maddələrində nəzərdə tutulmuş əməllər xeyli miqdarda (min manatdan artıq) ziyan vurduqda və ya həmin miqdarda gəlir əldə etməklə törədildikdə, Azərbaycan Respublikası Cinayət Məcəlləsinin müvafiq maddələrinə əsasən cinayət məsuliyyətinə səbəb olur.

Bu qədər.

2010-09-06

307  Habil (06-09-2010). Salam. Bilmək istərdim ki, MMC təsis edildikdən sonra MMC-nin direktorun Əmək kitabçasını kim imzalayılır və möhürləyir.Təsisçimi yoxsa direktor özü özün əmək kitabçasını öz adından imzalyır və möhürləyir. Əvvəlcədən təşəkkürümüzi bildiririk.

 

Salam.

 

MMC-nin direktoru təyin edilərkən təsisçi və direktor arasında müqavilə bağlanır (əmək müqaviləsi). Sonradan  işçiləri təyin edilərkən onlarla müqavilələri artıq direktor imzalayır. Direktora əmək haqqını verən adatən təsisçi özü olur.

 

Sualınıza görə təşəkkür edirik.

 

2010-09-06

 

308  Lala (06-09-2010). Salam. Demeli menim cox yaxin refiqemi oğurluq üstündə günahlandırırlar. İşlədiyi yerdən pul itib. Ama qız deyirki pulu o götürmeyib. Bunu hüquqi tərəfdən necə sübüt etmək olar?

Salam.

Bütün bunları araşdırmaq lazımdır və məsələ haqqında təfərrüatlı məlumat olmadan bir sözlə sübut etmək (və ya rəy vermək) olmaz. Ən azı peşakarsızlıqdır. Çünki bir çox halları araşdırmaq lazımdır:

- hadisə baş verəndə (pulun itməsi və ya oğurlanması) həmin şəxslər harada olmuşlar və nə ilə məşğul idilər;

- pul harda yerləşirdi və onun itməsi nə vaxtı müəyyən olundu;

- pulun itməsini kim müəyyən etdi;

- əvvələr belə hallar olub ya yox;

- həmin gün kənar şəxslər hadisə baş verən otağa daxil olmuşlar ya yox;

və digər məsələlər araşdırılmalıdır.

 

Suzlınıza görə təşəkkür edirik.

 

2010-09-06

309  Eldar (06-09-2010). Hormetli De Jure, Bundan onceki cavablara gore size minnetdaram. En son sualima cavabda usaghi gormek ile baghli valideynler arasinda Sazish haqqinda soz achmishdiz. Sualim beledir: 1)Sazishin numunesi ve ay tertib aqaydasi necedir? 2)Bu Sazish chox yeqin ki notarial qaydada tesdiq olunur. Eger beledirse onun qiymeti nece mueyyen olunur. 3)Tereflerden biri Sazishin qaydalarini pozarsa ve ya bir muddet sonra onlara mehel qoymazsa qanunvericilik hemen teref uchun hansi ceza nezerde tutur. Diqqetinize gore minnetdaram. Hormetle.

 

Salam.

 

Bu cür sazişlər tərəflər arasında olan münasibətlərin xüsusiyyətlərindən asılıdır və fərqli olur. Həmçinin bü xidmətlər təmənnasız deyil. Dövlət rüsumu haqqında Qanunun 10.25-ci maddəsinə əsasən bu sənədin notariat qaydada təsdiq edilməsi üçün dövlət rüsumu 6 manatdır.  Əgər hansı bir tərəf müqavilənin şərtlərini pozarsa onda siz məhkəmə qaydasında bu öhdəliklərin məcburi qaydada yerinə yetirilməsini tələb edə bilərsiniz (həmçinin maddi və mənəvi zərərin ödənilməsi).

 

Sualınıza görə təşəkkür edirik.

 

2010-09-06

 

313  Nizam (07-09-2010). Salam,insan 35 yasa catdiqda shexsiyyet vesiqesini deyishmek vacibdirmi?Eger deyishmese o shexsiyyet vesiqesi etibarli sayilacaqmi?

 

Salam.

 

Azərbaycan Respublikası vətəndaşının şəxsiyyət vəsiqəsi haqqında Qanunun 1-ci maddəsinə əsasən şəxsiyyət vəsiqəsinin verilməsindən və ya dəyişdirilməsindən imtina edilməsi, bu Qanunla müəyyənləşdirilən qaydalara zidd olaraq onun alınması qəti qadağandır.

 

Həmin Qanunun 4-cü maddəsinə əsasən 25, 35, 50 yaşına çatdıqda və ya vətəndaşın soyadı, adı, atasının adı, yaşayış yeri, ailə vəziyyəti, hərbi vəzifəsi dəyişildikdə və ya onun şəxsiyyət vəsiqəsində olan yazılar təhrif edildikdə, şəxsiyyət vəsiqəsi yararsız hala düşdükdə və ya itdikdə vətəndaş bu maddənin birinci hissəsində nəzərdə tutulmuş qaydada şəxsiyyət vəsiqəsini sadalanan hallardan biri baş verdikdən sonra bir ay ərzində dəyişdirməlidir.

 

Əgər bu tələb yerinə yetirilməsə, yəni  vətəndaş şəxsiyyət vəsiqəsini dəyişmədikdə şəxsiyyət vəsiqəsi qüvvədən düşmüş hesab edilir (7 maddə).

 

Sualınıza görə təşəkkür edirik.

 

2010-09-07

314  Nizam (07-09-2010). Salam, basqasinin VOIN-ni ile(VERGI QEBZI) ishlemeye icaze verilirmi?

Salam.

Xeyr. Saxta sənədlərdən istifadə etdikdə şəxs məsuliyyətə cəlb oluna bilər. VÖEN-nin (Vergi Ödəyicisinin Eyniləşdirmə Nömrəsi) alınması hal-hazırda böyük problem deyil. 3 gün ərzində qanuni yolla onu əldə etmək olar. 

 

Bu qədər.

 

2010-09-07

311  Nana (06-09-2010). Salam mene nigah dovrunde birg elde edilmish emlakin boumesile baqli erize lazimdir en azindan huququ esaslarini yazin fakktik hallarin yazaram.

Salam.

Təəssüflər olsun amma bu cür xidmətlər artıq pulludur.

 

Bu qədər.

 

2010-09-06

312  Konul (06-09-2010) Salam. Mənim bacim 2 ildir Rusiyadan qayidib. 5 yaşlı uşağı var. Uşağı Rusiyada anadan olub.indi Azərbaycan vətəndaşı olması üçün hansi sənədlər lazimdir? Xahiş edirəm bu sualıma cavab verin.

 

Salam.

 

Bu məsələ ilə bağlı sualların sayı çox olduğundan Azərbaycan Respublikasının vətəndaşlığı məsələləri blokunu  yaratmaq məcburiyyətində olduq. Nəzər yetirə bilərsiniz.

 

Bu qədər.

 

2010-09-06

315  Rasul (07-09-2010). Salam Hörmətli və tərifə layiq hüquqşunaslar!Mənə kooperativ binanın zizəmisinin icarəyə və yaxud özələşdirmək üçün lazım olan sənədlər barədə məlumat verəsiniz! Hansı sənədlər və hardan alınmalıdır!

Salam.

İcarəyə götürmək üçün istifadəçi (mülkiyyətçi) ilə icarə müqaviləsi bağlamaq lazımdır. 

 

Çoxmərtəbəli kooperativ binaların qeyri-yaşayış sahələrinin dövlət qeydiyyatına alınması üçün:

 

• ərizə;
• şəxsiyyət vəsiqəsinin surəti;
• texniki pasportun surəti;
• kooperativ ilə alıcı arasında bağlanmış və notariat qaydasında təsdiq edilmiş müqavilə;
• qeyri-yaşayış sahəsinin təsdiq edilmiş planı;
• maliyyə arayışı;
• qeyri-yaşayış sahəsinin verilməsi barədə Mənzil Kooperativ Təsərrüfatı İdarəsinin qərarı;
• kooperativ üzvlərinin ümumi yığıncağının protokolunun surəti;
• binanın mərtəbələr üzrə planının yerli icra hakimiyyəti orqanı ilə razılaşdırılmış eskiz layihəsinin surəti;
• binanın istismara qəbul edilməsi barədə Dövlət qəbul aktının surəti;
• dövlət rusumunun ödənilməsi barədə qəbzin surəti.

 

Diqqətli olduğunuz üçün və sualınıza görə təşəkkür edirik.

Sualınıza görə təşəkkür edirik.

 

2010-09-07

316  Gülşən (07-09-2010). Salam, veliklik haqqinda qanunda gosterilir ki onlar dovlet orqanlarinda calisa bilmezler , yen calisdiqlari muddetde vekillik fealliyyeti dayandirilir, bes siyasi partiyalara uzv ola bilerler? sahibkarlıq fəaliyyətinin bir növüdürbirde kommersiya fealiyyeti ile mesgul ola bilerler?

 

Salam.

 

Vəkillər və vəkillik fəaliyyəti haqqında Qanunun 5-ci maddəsinə əsasən vəkillik fəaliyyəti irqindən, milliyyətindən, dinindən, dilindən, cinsindən, mənşəyindən, əmlak vəziyyətindən, qulluq mövqeyindən, əqidəsindən, siyasi partiyalara, həmkarlar ittifaqlarına və digər ictimai birliklərə mənsubiyyətindən asılı olmayaraq insan və vətəndaş hüquq və azadlıqlarının üstünlüyü, qanunun aliliyi, vəkillərin müstəqilliyi, onlarla hüquqi yardım üçün müraciət edənlər arasında olan münasibətlərin könüllülüyü əsasında və vəkil etikasına riayət edilməklə həyata keçirilir.

 

Yəni şəxsin hansı bir partiyaya mənsubiyyəti vəkil olmaq üçün rol oynamır (qanuna uyğun olaraq).

 

Bir də ki, vəkillik fəaliyyəti özü-özlüyündə sahibkarlıq fəaliyyətinin bir növüdür və bu fəaliyyətlə məşğul olanlar müvafiq qaydada vergi ödəməlidir (misal kimi Vergi Məcəlləsinin 16.1.8.17-ci maddəsi).

 

Sualınıza görə təşəkkür edirik.

 

2010-09-07

 

317  Gunay (08-09-2010). Salam! Men 2008-de aile heyati gurmusham, bir gizim var 1.5 aylig hal hazirda yoldashim ile boshanmag uzreyik yeni onun terefden iddia verilib. kiraye galirig, yoldahsimin evi Oguz rayonundadir. Bilmek isterdim mene onun terefden mulk dushur men bunu mehkemede teleb ede bilrem??

Salam.

Ailə Məcəlləsinin 32.1 maddəsinə əsasən nikah müddətində ər-arvadın əldə etdikləri əmlak onların ümumi birgə mülkiyyəti sayılır. Əgər qeyd edilən daşınmaz əmlakı  nikah dövründə əldə etmisinizsə onda həmin əmlakdan ən azı yarısına iddia edə bilərsiniz. 

 

Bundan başqa həmin Məcəlləsinin 15-ci maddəsinə əsasən arvadın hamiləliyi dövründə və ya uşağın doğulmasından sonra 1 il müddətində arvadın razılığı olmadan ər nikaha xitam verilməsi barədə iddia qaldıra bilməz. Ona görə də yalnız sizin razılığınız olduqda boşana bilərsiniz.

 

Sualınıza görə təşəkkür edirik.

 

2010-09-08

318  Habil (08-09-2010). Salam. Verdiyiniz cavaba görə təşəkkürümü bildirəm.Cavabınıza bir az aydınlıq gətirsəniz minnətdar olardım. Mən MMC-nin direktoru vəzifəsini(qanuni təmsilçi)icra edirəm,əmək kitabçamı özümmü öz adımdan imzalayıb möhürləməliyəmmi yoxsa təsisçimi? Təsisçinin imzaladığı əmək kitabçası qanunu hesab olunurmu? Bir daha təşəkürümü bildirirəm.

Salam.

İşçilərin əmək kitabçasının forması və onun tərtibi Qaydalarına uyğun olaraq əmək kitabçası işə götürən tərəfindən iş yerində açılır.

 

İşəgötürənin anlayışı Əmək Məcəlləsinin 3-cü maddəsində göstərilib:

 

İşəgötürən — tam fəaliyyət qabiliyyətli olub işçilərlə əmək müqaviləsi (kontrakt) bağlamaq, ona xitam vermək, yaxud onunşərtlərini dəyişdirmək hüququna malik mülkiyyətçi və ya onun təyin (müvəkkil) etdiyi müəssisənin rəhbəri, səlahiyyətli orqanı, habelə hüquqi şəxs yaratmadan sahibkarlıq fəaliyyəti ilə məşğul olan fiziki şəxs.

 

Ona görə də həm siz imzalaya bilərsiniz (əgər sizə belə salahiyyət verilibsə), həm təsisçi.

 

Sualınıza görə təşəkkür edirik.

 

2010-09-08

319  QABIL (08-09-2010). Salam hormetli vekiller. Xais edirem menim bu sualima cavab veresiniz. Eger cinayet toreden ve axtarisda olan Azerbaycan vetendasi Rusiyanin vetendasliqini alarsa, qanun esasinda aztaris leqv olunmalidirmi? Men esitmisem ki, Polis telimatina gore, basqa olkenin vetendasinin axtarisi leqv olunmalidir. Hormetle Qabil Mamedov.

Salam.

Əməliyyat-axtarış fəaliyyəti haqqında Qanunun 14-cü maddəsinin 5-ci və 6-cı bəndləriinə əsasən həyata keçirilən əməliyyat-axtarış tədbirlərinə aşağıdakı hallarda son qoyulur:

 

• Obyektiv səbəblərdən əməliyyat-axtarış tədbirlərinin tətbiqini qeyri-mümkün edən şərait yarandıqda (qarşısı alına bilməyən fövqəladə hadisə baş verdikdə və ya qarşısı alına bilməyən qüvvə mane olduqda və yaxud ictimai təhlükəsizliyə real təhlükə yarandıqda) belə tədbirlərin həyata keçirilməsi dayandırılır.
• Qanunla nəzərdə tutulmuş məqsədlərə nail olunduqda (əməliyyat-axtarış fəaliyyəti insan həyatını, sağlamlığını, hüquq və azadlıqlarını, hüquqi şəxslərin qanuni mənafelərini, dövlət sirrini, habelə milli təhlükəsizliyi cinayətkar qəsdlərdən müdafiə etmək məqsədi ilə həyata keçirilir);
• haqqında keçirilən şəxsin hərəkətlərində cinayət tərkibinin mövcudluğu 6 ay ərzində müəyyən edilmədikdə.

 

Gördüyünüz kimi, qeyd edilən məsələ təlimatla yox qanunla müəyyən olunur.

 

Sualınıza görə təşəkkür edirik.

 

2010-09-08

320  Nizam (09-09-2010). Salam. Ushaq 16 yasa catdiqda avtomatik olaraq qeydiyyata dusurmu? Eger beledirse,onda atanin,yoxsa ananin qeydiyyatda oldugu yere qeydiyyata dusur?(Eger ata ve ana ayri-ayri yerlerde qeydiyyatdadirlarsa).

 

Saılam.

 

Yaşayış yeri və olduğu yer üzrə qeydiyyat haqqında Qanunun 2-ci maddəsinə əsasən on dörd yaşından on səkkiz yaşınadək olan yetkinlik yaşına çatmayanların (tam həcmdə fəaliyyət qabiliyyəti əldə edənlər istisna olmaqla) yaşayış yeri onların qanuni nümayəndələrinin (valideynlərin, qəyyumların və s.) razılığı ilə müəyyən edilir.

 

Ailə Məcəlləsinin 60.4-cü maddəsinə uyğun olaraq valideynlər ayrı yaşadıqda uşaqların yaşayış yeri onların razılığı ilə həll edilir. Valideynlər arasında razılıq olmadıqda, məhkəmə mübahisəni uşaqların hüquq və mənafelərini, onların rəyini və sair halları (uşaqların qardaş və bacılarına, valideynlərdən hər birinə olan bağlılığı, valideynlərin əxlaqi və digər şəxsi keyfiyyətləri, uşağın yaşı, onun inkişafı və tərbiyəsi üçün şərait yaradılması) nəzərə almaqla həll edir.

 

Sualınıza görə təşəkkür edirik.

 

2010-09-11

321  Kerem (09-09-2010). Здравствуйте. У меня вопрос к юристам. Как бывает завещание по наследник(vetsiyyet uzre vereselik).Ecли родитель завещал свой собственность напр.дом, дачу одну из своих детей, то другие уже не имеет право на проживание или все таки у них тоже есть право? В этом ситуации в чем отличается наследник с другими членами семьи? Спасибо.

Салам.

  

Данный вопрос разрешается в соответствии с 10-ым разделом Гражданского Кодекса. Так в соответствии со ст. ст. 1177 и 1178 наследники по закону, не указанные в завещании, сохраняют право на наследование части наследства, не затронутой в завещании; они получают и то имущество, которое предусмотрено в завещании, если к моменту открытия наследства нет в живых никого из наследников по завещанию либо все они отказались принять наследство. 

 

Если в завещании все наследственное имущество поделено между наследниками по завещанию, но к моменту открытия наследства одного из наследников нет в живых, то наследование по закону не возникает, и имущественную долю умершего наследника получают соразмерно их долям другие наследники по завещанию.

 

В соответствии со ст. 1133.2 наследование по закону (переход имущества умершего к лицам, указанным в законе) наступает в том случае, если наследодатель не оставит завещания либо завещание полностью или частично признано недействительным.

 

Наследник по завещанию отличается от других  тем, имущество передается ему по воле завещателя.  

 

Спасибо за вопрос.

322  Abbas (10-09-2010). Mənim nənəm yaşa görə əmək pensiyası alır. pensiyanın məbləği 01 sentyabr 2010 tarixdən 85 manat olub. Babam vəfat edib. Babamın 45 il əmək stajı var mən DSMF yerli şöbəsinə müraciət edirəm ki Nəməmı pensiyasının növünü dəyışərək yenidən hesablansın (babamın əmək stajına görə) onlar deyır belə qanun yoxdur. Xahış edirəm məsləhət verəsiniz.

 

Salam.

 

Pensiyaların təyin olunması ilə əlaqədar təqdim olunan sənədlərin rəsmiləşdirilməsi, baxılması və saxlanılması Qaydalarının 3.9-cu bəndinə əsasən bir pensiya növündən digər pensiya növünə keçirilmə, pensiyanın yenidən hesablanması haqqında ərizə və tələb olunan bütün zəruri sənədlər də aşağıda göstərilən qaydada qəbul olunur və qeydiyyatdan keçirilir:

 

Pensiyaların təyin olunması, pensiyaların yenidən hesablanması, bir pensiya növündən digər pensiya növünə keçirilmə haqqında ərizələr  bütün zəruri  sənədlərlə birlikdə şöbəyə (Dövlət Sosial Müdafiə Fondunun şöbəsi) daxil olduğu  gün kargüzarlıq işləri ilə məşğul olan şəxs tərəfindən ərizələrin qeydiyyatı jurnalında qeydiyyatdan keçirilir. 

 

Ərizə və digər sənədlər poçtla göndərildikdə jurnalda onun daxil olma tarixi “poçtla” göndərilməsi qeyd edilir və göndərildiyi tarix rabitə şöbəsinin poçt möhüründə göstərilən tarix hesab  olunur. 

 

Şöbəyə daxil olan ərizə və ona əlavə edilmiş sənədlər  qeydiyyatdan keçirildiyi gün şöbə müdirinin dərkənarına əsasən jurnalda müvafiq qeydlər aparılmaqla dərhal sektor müdirinə təqdim edilir, sektor müdiri sənədlərlə tanış olduqdan sonra onlar  müfəttişə verilir. 

 

Pensiya təyin olunması, bir pensiya növündən digər pensiya növünə keçirilmə, pensiyanın yenidən hesablanması haqqında sənədlərə  onların daxil olduğu gündən ən geci 10 gün müddətində şöbə tərəfindən baxılır.

 

Həmin Qaydaların 12-ci Əlavəsində pensiya təyin olunması üçün tələb olunan sənədlər göstərilib.

 

Əmək pensiyası -  Qanunla nəzərdə tutulmuş qayda və şərtlərlə müəyyən edilən və məcburi dövlət sosial sığortaolunanların  onlara əmək pensiyası təyin olunduqdan əvvəl aldıq-ları əməkhaqqı və digər gəlirlərin, yaxud sığortaolunanlarin ölümü ilə əlaqədar onların ailə üzvlərinin itirdikləri gəlirlərin kompensasiyası məqsədilə vətəndaşlara aylıq pul ödənişidir (Əmək pensiyaları haqqında Qanunun 1.0.1-ci maddəsi).

 

Ona görə də bu dövlət qurumunun qərarı ilə razılaşmasınız məhkəməyə müraciət edə bilərsiniz.

 

Sualınıza görə təşəkkür edirik.

 

2010-09-11{jcomments on}
 

 

323  Natavan (10-09-2010). 2005-ci ilde aile qurmusam, 2 qiz ovladim var, 3 mulkden 1-ne qeydiyata salmirlar, mulk men aile qurandan sonra alinib o mulklerden mene pay dusurmu?

Salam.

Əgər əriniz (keçmiş əriniz) tərəfindən əldə olunan mülkdən danışırsınızsa ondə bəli həmin mülkin yarısına hüququnuz çatır. Çünki Ailə Məcəlləsinin 32.1-ci maddəsinə əsasən nikah müddətində ər-arvadın əldə etdikləri əmlak onların ümumi birgə mülkiyyəti sayılır.

 

Sualınıza görə təşəkkür edirik.

 

2010-09-11

324  Samir (10-09-2010). Salam. Azerbaycan Respublikasinin cinayet mecellesinin 127 maddesinin 2.1 bendi ile haqqimda cinayet isi qaldirilib. Polisin ustaliqla hazirladiqi sere dusmusem. 4 min manat pul istedi Polis mustentiqi. Pulum olmadiqi ucin isi mehkemeye kecirdiler. Bu madde ile 5 ile kimi hebs cezasi gozlenilir. Mehkemenin mene dediyine gore meni hebsxanaya salan deyil. Cunki, men Qarabaqda 4 il doyusmusem. Muharibe veteraniyam. 1 il Ermenistanda, ermeni esirliyinde esirlikde olmusam. Uzaqi 1 il icbari is verecekdir. Mehkemenin dediyi ne derecede inandiricidir. Butun tanislarin dediyine gore, mehkeme meni aldadir ve icbari is veren deyil. Mehkeme zalindan birbasa hebsxanaya yollayacaqlar meni. Hormetle Samir Teyyubov

Salam.

 

Məsləhət görərdik ki, hansı bir vədlərə inanmayasınız. Hər yerdə olduğu kimi Azərbaycanda da məhkəmənin hökmü sübutlara və qanuna əsaslanmalıdır.  Əgər təqsirsizliyinizi sübut edən faktlar varsa onları məhkəməyə təqdim edin. Yüngülləşdirici hallara  çatdıqda isə Cinayət Məcəlləsinin 59-cu maddəsinə istinad edilməlidir:

 

 

• hadisələrin təsadüfi axarı zəminində ilk dəfə olaraq böyük ictimai təhlükə törətməyən və ya az ağır cinayətin törədilməsi;
• cinayətin yetkinlik yaşına çatmayan şəxs tərəfindən törədilməsi;
• cinayətin hamilə qadın tərəfindən törədilməsi;
• cinayət törətmiş şəxsin himayəsində azyaşlı uşağın olması;
• cinayətin ağır həyat şəraiti nəticəsində və ya mərhəmətlilik niyyəti ilə törədilməsi;
• cinayətin fiziki və ya psixi məcburiyyət təsiri altında, yaxud maddi, xidməti və ya sair cəhətdən asılılıq nəticəsində törədilməsi;
• cinayətin zəruri müdafiənin, ictimai təhlükəli əməl törətmiş şəxsin tutulmasının, son zərurətin, əsaslı riskin, əmrin və ya sərəncamın icra edilməsinin qanunla müəyyən edilmiş şərtlərini pozmaqla törədilməsi;
• cinayətin zərərçəkmiş şəxsin qanunsuz və ya əxlaqsız hərəkətlərinin təsiri altında və ya bu hərəkətlər nəticəsində qəflətən baş vermiş güclü ruhi həyəcan (affekt) vəziyyətində törədilməsi;
• könüllü gəlib təqsirini boynuna alma, cinayətin açılmasına, onun digər iştirakçılarının ifşa edilməsinə, cinayət nəticəsində əldə edilmiş əmlakın axtarışına və tapılmasına fəal kömək etmə;
• cinayətin törədilməsindən bilavasitə sonra zərərçəkmiş şəxsə tibbi və ya digər yardım göstərilməsi, cinayət nəticəsində dəymiş maddi və mənəvi zərərin könüllü olaraq ödənilməsi və ya aradan qaldırılması, zərərçəkmiş şəxslə razılıq əldə etməyə cəhd edilməsi, zərərçəkmiş şəxsə dəymiş zərərin azaldılmasına yönəldilmiş digər hərəkətlərin edilməsi.

 

Başqa hallar da cəzanı yüngülləşdirən hal qismində nəzərə alına bilər.

 

 

Sualınıza görə təşəkkür edirik.

 

2010-09-11

 

325  Teymur (10-09-2010). Salam. 2 il Qarabaqda doyusmusem. Muharibe veteraniyam. Herbi komissarliq terefinden muharibe veterani vesiqesini coxdan almisam. 2006-ci ilden Rusiya vetendasiyam. Menim muharibe veteranlarina verilen 25 manat mebleqinde pul almaq huququm varmi? Eger varsa, men Rusiyadan notaris vaistesile anamin adina etibarname yollasam, butun lazimi senedleri anam hazirlayib lazimi orqanlara verib, bu pulu menim adimdan her ay anam ala bilermi? Hormetle Teymur Taymurov

 

Salam.

 

Veteranlar haqqında Qanunun 6-cı maddəsinə əsasən veteranlara pensiyalar "Əmək pensiyaları haqqında" Azərbaycan Respublikasının Qanunu əsasında təyin edilir.

Əmək pensiyaları haqqında Qanunun 43.2-ci maddəsinə uyğun olaraq  Azərbaycan Respublikası vətəndaşlığından çıxmış şəxslər xaricdə olduqları müddətdə onlara yalnız əmək zədəsi və ya peşə xəstəliyi nəticəsində təyin edilmiş pensiyalar ödənilir.

 

Sualınıza görə təşəkkür edirik.

 

2010-09-11

326  Emil (11-09-2010). Salam. Məhkəmə icraçılarına necə təsir göstərmək olar ki, qətnaməni axıra kimi icra etsinlər. Belə ki, qətnamə 2007-ci ildə çıxarılıb. Cavabdeh tərəfdən 90 ton taxılın alınıb mənə verilməsi qət edilib. Cavabdehdən 50 ton taxıl alınıb mənə verilib, bu barədə akt da tərtib olunub. Mənə icraçılar dedilər ki, qalan 40 ton taxıl cavabdehdə taxıl olmadığı üçün 2008-ci ilin biçin vaxtı sənə veriləcəkdir. Lakin qətnamə indiyədək axıra kimi icra edilməyib. Ədliyyə Nzirliyinə dəfələrlə şikayət etməyimə baxmayaraq heç bir müsbət nəticə əldə edə bilməmişəm. Xahiş edirəm mənə bu barədə istiqamət verəsiniz. Əvvəlcədən təşəkkürlər.

Salam.

İcra məmurları haqqında Qanunun 11-ci maddəsinə əsasən icra məmurlarının qanunazidd hərəkətləri barədə yuxarı vəzifəli şəxsə və ya məhkəməyə şikayət verilə bilər. Yuxarı vəzifəli şəxsə məhkəmə nəzarətçisindən və məhkəmə icraçısından şikayət vermə şikayət edən şəxsin məhkəməyə müraciət etməsi üçün maneə törətmir.

Sualınıza görə təşəkkür edirik.

 

2010-09-11

327  Vasif (12-09-2010). Salam. Dükanımda gümüş əşyalar satmaq istəyirəm. Bunun üçün mən hər gümüş əşyasina görə nə qədər rüsum ödəməliyəm. Mən dövlət rusumu haqqinda qanunun 27-ci maddəsinə baxdim.Lakin tam başa düşə bilmədim ki həmin maddənin hər bəndi mənə aiddir yoxsa yox. Xahiş edirəm başa düşəcəyim tərzdə cavablayasınız. Əvvəlcədən təşəkkürümü bildirirəm.

 

Salam.

 

Qeyd edilən rüsumlar Qiymətli Metallara və Qiymətli Daşlara Nəzarət Dövlət Xidməti tərəfindən göstərilən ekspertizasına görə verilir. Sahibkarlıq fəaliyyəti ilə məşğul olmaq istəyirsinizsə vergi orqanlarına qeydiyyata durmaq lazımdır (misal üçün sadələşdirilmiş 4% və s). 

 

Vergi orqanlarına qeydiyyatı son zamanlarda sadələşdiriblər və bu barədə məlumatı 195 nömrəli telefona zəng etməklə ətraflı məlumat ala bilərsiniz.

 

Sualınıza görə təşəkkür edirik.

 

2010-09-13

328  Vasif (12-09-2010). Salam. Maşınımda ticarət əşyaları daşımaq üçün mən nə etməliyəm.Yəni bunun üçün yol polisi meni saxlayib cərimə edə bilərmi? Əvvəlcədən təşəkkürümü bildirirəm.

 

Salam.

 

İnzibati Xətalar Məcəlləsinin 235-ci maddəsinə əsasən müəyyən edilməmiş yerlərdə malların satılması və ya işlərin (xidmətlərin) göstərilməsi Azərbaycan Respublikasının müvafiq icra hakimiyyəti orqanları tərəfindən müəyyən edilməmiş yerlərdə malların satılmasına və ya işlərin (xidmətlərin) göstərilməsinə görə 

- on manatdan otuz manatadək miqdarda cərimə edilir.

 

Səyyar ticarətin aparılması üçün müvafiq qaydalara riayət etmək və icazə almaq lazımdır (misal üçün, Bakı şəhəri səyyar (mövsü ) ticarət və xidmətlərinin aparılması qaydaları).

 

Sualınıza görə təşəkkür edirik.

 

2010-09-13

329  Nana (13-09-2010). Salam. Ferman nedir? serencam nedir?

Salam.

Azərbaycan Respublikası Konstitusiyasının 113-cü maddəsinə əsasən ümumi qaydalar müəyyən etdikdə Azərbaycan Respublikasının Prezidenti fərmanlar, başqa məsələlər barəsində isə sərəncamlar qəbul edir.

 

Misal üçün nazirliklərin Əsasnamələri, müvafiq qaydalar Fərmanlarla təsdiq olunur (həmçinin qanunların tətbiq edilməsi ilə bağlı və s.), müxtəlif vəzifəli şəxslərin təyin edilməsi, mükafatlandırılması, bəzi müavinətlərin  təyin edilməsi və s. Sərəncamlarla təsdiq olunur.

 

Sualınıza görə təşəkkür edirik.

 

2010-09-13

 

 

330  Elcin (13-09-2010). Salam. Cox xahis edirem bu suala munkunse bu gun cavab verin. Men ev tikdirmisem icara hakimiyyetinden tikintiye icaze senedi almişam. men evə dövlət reyestrindən çıxarış almaq üçün hansı sənədlər tələb olunur və hara muraciet etmeliyem. Ev Baki şeherindədir Bineqedi rayonunda.

Salam.

Oxşar suallar bir-neçə dəfə cavablandırılmışdır. Bununla bağlı Məsləhətxananın 1, 5, 6, 40-cı və digər suallarına nəzər yetirə bilərsiniz. 

 

Sualınıza görə təşəkkür edirik.

 

2010-09-13

331  Elşən (13-09-2010). Boşanma üçün məhkəməyə nə qədər rüsum ödənilir

 

Salam.

 

Əgər siz məhkəmə vasitəsilə nikahın pozulmasını tələb edirsinizsə, onda Dövlət rüsumu haqqında Qanunun 8.4.9-cu maddəsinə əsasən 5 manat dövlət rüsumu ödəməlisiniz (nikahın ləğv olunması haqqında iddia ərizə). Əgər nikah ləğv edilərkən əmlak bölüşdürürsünüzsə - 20 manat (maddə 8.4.10)

 

VVAQ şöbəsi vasitəsi ilə nikahın pozulmasının qeydə alınması üçün:

 

 

• yetkinlik yaşına çatmamış ümumi uşaqları olmayan ər-arvadın qarşılıqlı razılığı əsasında - 6 manat;
• məhkəmə qətnaməsi əsasında (qətnamədə dövlət rüsumunun tərəflərdən hansının ödəməli olduğu göstərilmədikdə, qeydiyyat üçün birinci müraciət etmiş tərəfdən) - 11 manat.

 

 

Sualınıza görə təşəkkür edirik.

 

2010-09-13

332  Guler (2010-09-13). Salam. menim ovladim 19 yashindadir ve gozden 2 ci qrup elildir. dovlet nuessisesinde isleyir. bilmek isterdim ki onun pensiyasinin mebleqi ne qeder olmalidir. qeyd edim ki hal hazirda 35 manat muavinat alir.

 

Salam.

 

Əgər doğrudan işləyirsə onda Minimum aylıq əməkhaqqının artırılması haqqında Prezidentin Sərəncamına əsasən onun minimum aylıq əməkhaqqının məbləği 85 manat olmalıdır. Müavinət və əmək haqqını qarışdırmaq lazım deyil. Pensiyaya çatdıqda isə fikirləşirik ki, bu barədə cavab vermək hələ tezdir oğlunuz pensiya yaşına çatanədək  qanunvericilik çox guman ki, dəyişiləcək və təkmilləşəcək (xatırladaq ki, Yaşa görə əmək pensiyasının baza hissəsinin məbləği 2010-cu il sentyabrın 1-dən 85 manat müəyyən edilib).

 

Sualınıza görə təşəkkür edirik.

 

2010-09-13

333  Qurban (13-09-2010). Salam men 1-ci qrup elilem. Mene dovlet ev veresidi. Bilmek isteyirem ki, evi senedi ile verecekler? Xahiw edirem etrafli yazin

Salam.

Bu çox vaxt verilmə şərtlərindən asılıdır (müvəqqəti, daim və s). Adatən evə order verilir. 

 

Sualınıza görə təşəkkür edirik.

 

2010-09-13

334  Bayram (13-09-2010). Salam. xarici pasportumun vaxti qurtarib. yenisini almaq ucun hansi senedler lazimdir ve heftenin hansi gunleri muraciet etmeliyem?

 

Salam.

 

 

Ölkədən getmək, ölkəyə gəlmək  və pasporlar haqqında Qanununun tətbiqi haqqında Əsasnamənin tələblərinə uyğun olaraq vətəndaş ümumvətəndaş pasportu verilməsi üçün xüsusi formalı ərizə-anketi , 2 ədəd 3x4 sm ölçüdə rəngli fotoşəkili, şəxsiyyət vəsiqəsinin surətini və dövlət rüsumununun ödənilməsi barədə qəbzi növbə qaydasında Pasport şöbəsinə təqdim etməlidir.

 

 

 

“Dövlət rüsumu haqqında” Azərbaydan Respublikasının 28 noyabr 2006-cı il tarixli Qanunu ilə Azərbaycan Respublikası vətəndaşlarına xaricə getmək hüququ verən ümumvətəndaş pasportunun verilməsinə və dəyişdirilməsinə görə-5 (beş) iş günü müddətində-120 manat, beş iş günündən sonrakı müddətdə verildikdə yaxud Azərbaycan Respublikası vətəndaşının və ya onunla gedən şəxslərin təcili müalicəsi, yaxud xaricdə yaşayan yaxın qohumunun ağır xəstəliyi, ölümü və ya digər müstəsna hallarda 2 (iki) gün müddətində verildikdə - 40 manat müəyyən edilmişdir.

 

 

Göstərilən rüsum formalarının tətbiqi ilə cari ilin mart ayının 15-dən etibarən ümumvətəndaş pasportunun 10 (on) illik müddətə verilməsi nəzərdə tutulmuşdur.

 

Ümumvətəndaş pasportunun verilməsi hazırda respublika üzrə fəaliyyət göstərən 6 (altı) regional mərkəz (hər biri 10-15 şəhər-rayonu əhatə etməklə) vasitəsilə həyata keçirilir. Ümumvətəndaş pasportunun itirilməsinə və ya qəsdən korlanmasına görə minimum əmək haqqı məbləğinin on beş mislindən iyirmi beş mislinədək cərimə nəzərdə tutulur.

 

 

Müddəti qurtarmış pasportu mütləq dövlət qurumuna qaytarmaq lazımdır. 

 

Sualınıza görə təşəkkür edirik.

 

2010-09-13

335  Guler (13-09-2010). 2 ci qrup elil dovlet isinde isleye biler?

Salam.

Bəli işləyə bilərsiniz. Bununla bağlı Məsləhətxananın 81-ci sualına nəzər yetirin. 

 

Sualınıza görə təşəkkür edirik.

 

2010-09-14

336  Xezer (14-09-2010). Salam. Şiriniyyat sexi açıb işlətmək hansi orqanlardan icazə almaq lazımdır. Cox sag olun.

 

Salam.

 

İlk növbədə vergi orqanlarında qeydiyyatdan keçməlisiniz. Daha sonra Sanitariya-epidemioloji salamatlıq haqqında Qanunun 20-ci maddəsinə riayət etməklə öz qida  məhsullarınızı ekspertizadan keçirməlisiniz və mütamadi olaraq yerli sanitariya-epidemioloji xidməti idarəsi bu məhsulları yoxlayacaq (onlarla bu barədə müqavilə bağlaya bilərsiniz). Əlbəttə ki, texniki və yanğın təhlükəsizliyini təmin etmək üçün FHN nəzarəti (yanğınsöndürənlərin mövcudluğu, avadanlığın yoxlanılması), işçiləriniz varsa əmək və sosial müdafiə qanunvericiliyinə riayət etmək lazımdır.

 

Sualınıza görə təşəkkür edirik.

 

2010-09-14

337  Xezer (14-09-2010). Salam. Mecburi köçkünler üçün əmək haqqından tutulan vergilər üçün güzəşt nəzərdə tutulubmu. Məsələn mən 550 AZN maaş yazilir amma 445 AZN aliram 17% gelir və sosial xercler üçün vergi 2% ise həmkarlar təşkilatı üçün. Cox sag olun.

 

Salam.

 

Vergi Məcəlləsinin 102.4.5-ci maddəsinə əsasən  məcburi köçkünlər  və onlara bərabər tutulan şəxslərin hər hansı muzdlu işdən vergi tutulmalı olan aylıq gəliri 55 manat məbləğində azaldılır.  Bu güzəşt mənzil qanunvericiliyinə və ya mülki hüquqi əqdlərə əsasən ayrıca mənzil sahəsi əldə etməsi nəticəsində daimi məskunlaşmış şəxslərə şamil edilmir.

Sualınıza görə təşəkkür edirik.

2010-09-14

 

338  Rauf (14-09-2010). 1.Xahiş edirəm deyəsiniz Bakı Sürücülərin Tibbi Muayinə mərkəzi hansı təlimat və ya normativ aktla işləyir. Çünki bəzən elə hallar olur ki, həkimlərə pul verməyəndə deyillər ki get onda öz poliklinikandan arayış getir. Mən bilən Səhiyyə Nazirliyinin bu haqda qərarı olmalıdır.2.Notariat hərəkətləri zamanı notariuslar vətəndaşa mədaxil qəbzi verməlidir (yerində ödəməliyik) yoxsa biz rüsumu özümüz banka keçirməliyik.

 

Salam.

 

1. Müvafiq ixtisaslı həkim sürcünü mayinə edərkən  tibb elminə və təcrübəyə əsaslanmalıdır, əgər  onun hansı bir şübhəsi varsa başqa bir müayinəyə göndərmək hüququ var (diaqnozu qaymaq və s.).  Başqa məsələ bu hüquqdan sui-istifadə etmək. Səhiyyə Nazirliyinin aktlarına çox təəssüf olsun ki, açıq çatım hələ də yoxdur. Amma hər bir halda əgər həkimin hərəkətlərində qeyri-obyektivlik varsa və süründürməçilik hallarına yol verilir Səhiyə Nazirliyinə və məhkəməyə müraciət edə bilərsiniz.

 

2. Dövlət rüsumu haqqında Qanunun 11.2-ci maddəsinə əsasən notarius tərəfindən notariat hərəkətlərinə görə dövlət rüsumunun qəbulu zamanı ödəyiciyə dövlət rüsumunun ödənilməsini təsdiq edən rəsmi sənədin (mədaxil qəbzi, kassa mədaxil orderi və s.) əsli verilir.

 

Sualınıza görə təşəkkür edirik.

 

2010-09-15

339  Nana (15-09-2010). Salam. Bizim ustumuzde yasayan qonsumuzdan bizim eve suz axir.defelerle demeyimize baxmayaraq ehemiyyet vermir. Tavan tamamile yasdir damir eve su damci damci artiq lapanida siradan cixarib. buna gore kime ve hara sikayet ede bilerik??????

Salam.

Əgər qonşularınızla razılığa gələ bilməsəniz maddi zərərin ödənilməsi ilə bağlı məhkəməyə müraciət eə bilərsiniz. Əlbəttə ki, maddi sübutların hesablanması zəruridir.

 

Sualınıza görə təşəkkür edirik.

 

2010-09-15

340  Eldar (15-09-2010) Salam Dejure.az, Bundan onceki sualima verdiyiniz cavaba gore size teshekkur edirem. Sizi bele bir sualla bir daha narahat edirem:1)Bu yaxinlarda heyat yoldashimla ayrildim. Tezelikce xeber tutmusham ki, kechmish heyat yoldashim mene qarshi emlakla baghli iddi erizesi ile mehkemeye muraciet etmeye hazirlashir. Men hal-hazirda yashadiqim unvanda menden bashqa anam ve qardashim qeydiyyatdadir. Bilmek isteyirem qanunla ona menim yashadiqim evden ne cur istifade etmek huququ dushur, ve ya evin her hansi bir hissesi ona dushur? Xahish edirem, bu mesele barede qisaca melumat vererdiz. Teshekkur edirem.

 

Salam.

 

Əgər həmin daşınmaz əmlak nkah dövründə əldə edilibsə onda keçmiş həyat yoldaşınızın həmin əmlakın yarısına iddia etmək hüququ var (Ailə Məcəlləsinin 32.1-ci maddəsi - Nikah müddətində ər-arvadın əldə etdikləri əmlak onların ümumi birgə mülkiyyəti sayılır). Əgər həmin əmlak nikahdan əvvəl əldə olunub və ya başqa şəxsin mülkiyyətidir onda iddia edilməsi mürəkkəbdir (lakın məhkəmə praktikasına əsasən əgər o, hələ də qeydiyyatdadırsa həmin yaşayış sahəsinə köçürülə bilər, amma kopensasiya ala bilməz). Kompensasiya hüququ yalnız notariat qaydada təsdiq olunmuş razılaşma olduqda yaranır (Mülki Məcəllənin 228-ci maddəsi).

 

Sualınıza görə təşəkkür edirik.

 

2010-09-15

341  Rauf (15-09-2010). Müəssəninşirkətin mülkiyyətindəistifadəsində olan nəqliyyat vasitələrinin illik əmlak vergisi necə hesablanır? Təşəkkür edirəm.

 

Salam.

Vergi Məcəlləsinin  196 və 197-ci maddəsinə əsasən  aşağıda göstərilən vergitutma obyektləri olan fiziki şəxslər və müəssisələr əmlak vergisinin ödəyiciləridir.

 

• Rezident və qeyri-rezident fiziki şəxslərin xüsusi mülkiyyətində olan və Azərbaycan Respublikasının ərazisində yerləşən tikililərin və ya onların hissələrinin (bundan sonra bina adlandırılacaq), həmçinin yerindən və istifadə edilib-edilməməsindən asılı olmayaraq rezident fiziki şəxslərə məxsus su və hava nəqliyyatı vasitələri;
• müəssisələrin balansında olan əsas vəsaitlərin orta illik dəyəri;
• Azərbaycan Respublikasında özünün daimi nümayəndəliyi vasitəsilə sahibkarlıq fəaliyyətini həyata keçirən qeyri-rezident müəssisələr üçün - yalnız daimi nümayəndəliklə bağlı olan əsas vəsaitlərin orta illik dəyəri. 

Vergi dərəcələri isə aşağıdakılardı:

 

onların xüsusi mülkiyyətində olan binaların inventarlaşdırılmış dəyərindən:
 

• bu dəyər 5000 manatadək olduqda vergi tutulmur, 5000 manatdan çox olan məbləğdən isə - 0,1 faizlə. 

 

 su və hava nəqliyyatı vasitələrinə görə:
 

• su nəqliyyatı vasitəsinin mühərrikinin 1 kub santimetri üçün 0,02 manat;
• hava nəqliyyatı vasitəsinin mühərrikinin 1 kub santimetri üçün 0,02 manat.
• mühərriki olmayan su və hava nəqliyyatı vasitələri üçün - onların bazar qiymətinin 1 faizi.

 

Müəssisələr əsas vəsaitlərin bu Məcəllənin 202-ci maddəsinə uyğun olaraq müəyyənləşdirilən dəyərindən 1 faiz dərəcəsi ilə əmlak vergisi ödəyirlər.

Əgər sizin müəssisənin bu cür nəqliyyat vasitələri varsa onda bu dərəcələri tətbiq edə bilərsiniz.

 

Sualınıza görə təşəkkür edirik.

 

2010-09-15

 

342  Ramil (15-09-2010). Mən Heydər Əliyevin fərman və sərəncamlarını necə tapa bilərəm. Qaçqınların məskunlaşması haqqında

Salam.

Qaçqın və məcburi köçkünlərlə bağlı kifayət qədər normativ aktlar var (həm qanunlar, həm fərmanlar və s.). 

Misal üçün Qaçqınların və məcburi köçkünlərin (ölkə daxilində köçürülmüş şəxslərin) statusu haqqında Qanun və s. Həmçinin bununla bağlı məlumat e-qanun.az saytında tapa bilərsiniz.

 

Sualınız görə təşəkkür edirik.

 

2010-09-16

343  Ramil (16-09-2010). Salam, mənim bacım Sabunçu rayonunda yaşayır. Ermənistan qaçqınıdırlar. 90-cı illərdə tikdikləri evlərini hələ də sənədləşdirə bilməyiblər. H. Əliyevin fərmanı əsasında (22 avqust 2001-ci il № 562)təmənnasız sənədləşdirmə aparılmalı idi. Amma məmur əngəllərini keçə bilmədik. Həmin fərmanın bizə aid olan 8, 9-cu maddələri İ. Əliyevin fərmanı ilə qüvvədən düşdü (25 may 2006-cı il tarixli 412 nömrəli Fərmana(Azərbaycan Respublikasının Qanunvericilik Toplusu, 2006-cı il, № 5, maddə 410). Hal hazırda bacım və yoldaşı oğlu ilə bərabər Ermənistan qeydiyyatında qalıblar). Haraya müraciət edirlərsə fərmanın qüvvədən düşməsini bəhanə edirlər. Bizi evi sənədləşdirmək və Azərbaycan qeydiyyatına düşmək üçüün hansı qanuni yollara baş vurmalıyıq. Bu mümkündürmü?

 

Salam.

 

Qeyd etdiyiniz Fərmanın (Erməni millətçilərinin apardığı etnik təmizləmə nəticəsində Ermənistan ərazisindəki öz tarixi torpaqlarından didərgin salınmış azərbaycanlıların məskunlaşması problemlərinin həlli haqqında Fərman) 7 və 8-ci bəndləri, doğrudanda qüvvədən düşüb. Və qeyd olunan sənədləşməni təmənnalı (yəni müvafiq dövlət rüsumların ödəməklə) qaydada həyata keçirə bilərsiniz. Əgər qeyd edilən daşınmaz əmlaka hüquqularınızı təsdiq edən sənədlər varsa Daşınmaz Əmlakın Dövlət Reyestri Xidmətinə müraciət edib müvafiq qaydada qeydiyyatdan keçə bilərsiniz. Hansı bir əsassız səbəbdən imtina etsə məhkəməyə şikayət edə bilərsiniz.

 

Sualınıza görə təşəkkür edirik.

 

2010-09-16

344  Eldar (16-09-2010). Hormetli DeJure.az, 340-ci suala verdiyini cavabiniza gore size minnetdaram.Bir detali deqiqleshdirmek isterdim."Kompensasiya hüququ yalnız notariat qaydada təsdiq olunmuş razılaşma olduqda yaranır" - bu razilashma hansi razilashmadir, nigah muqavilesi yoxsa bashqa bir razilashma.Menim bele bir razilashmam olmayib heyat yoldashimla, eyni zamanda bu mulkiyyet nigahdan chox iller evvel mene nenemden verese kimi kechib. Bununla bele kechmish heyat yoldashim hemen unvana qeydiyyatdadir. Diqqetinize gore teshekkur edirem.

 

Salam.

 

Bu razılaşma yaşayış binasının tərkib hissəsindən istifadə hüququ barədə razılaşmadır və daşınmaz əmlakın mülkiyyətçisi ilə bağlanır (Mülki Məcəllənin 228-ci maddəsinə nəzər yetirin), bundan başqa həmin hüquq daşınmaz əmlakın dövlət reyestrində qeydə alınmalıdır. Ona görə də bu razılaşma yoxdursa, notariat qaydada təsdiq olunmayıb və daşınmaz əmlakın dövlət reyestrində qeydə alınmayıb, bu əmlak nikahdan əvvəl əldə olunubsa həmin daşınmaz əmlaka mülkiyyət hüququnuz dövlət tərəfindən müdafiə olunacaq.

Lakın S. Süleymanovanın şikayəti üzrə Azərbaycan Respublikası Ali Məhkəməsinin Mülki işlər üzrə məhkəmə kollegiyasının 01 oktyabr 2009-cu il tarixli qərarının Azərbaycan Respublikasının Konstitusiyasına və qanunlarına uyğunluğunun yoxlanılmasına dair Konstitusiya Məhkəməsinin qərarı bu münasibətlə bir az qarma qarışıq salır. Və əgər keçmiş həyat yoldaşınız mənzildə (ev və s.) qeydiyyatdadırsa onda məhkəmə onun yaşayış hüququnu tanıya bilər (amma bu hüquq mülkiyyət hüququ deyil). Hər bir halda bu məsələ məhkəmədə mübahisələndirilə bilər.

 

Sualınıza görə təşəkkür edirik.

 

2010-09-16

345  Eqana (16-09-201). Salam.Men obyekt acmisham Nizami rayonunda bilmek isteyerdim qapinin ustunnen asilan elan ucun geder mebleg odemeliyem her kvadrat metreye bildiye gore Normativler var mene bu normativleri gondere bilersiz meilima.Cunki belediyeden gelib pul teleb eliyirler qanuna gore ise bilirem ki beledyeden hec bir shex menen pul ala bilmez men bu normativleri bilmek istiyirem degig desem onun giymetinidiggete gore cox sag olun

 

Salam.

 

Oxşar sual verilmişdir və bununla bağlı ətraflı məlumat verilmişdir (Məsləhətxananın 26-cı sualı).  Bir də ki, obyektlərin giriş hissəsində, divarında, önündə yerləşdirilmiş, həmin obyektlərin mənsubiyyətini, adını, ticarət markasını, iş rejimini, firma nişanını göstərən lövhələr, fəaliyyət növünü istehlakçıya çatdıran vasitələr, şəhər informasiya stendlərində qeyri-kommersiya məqsədi ilə yerləşdirilən plakat və digər informasiya vasitələri reklam daşıyıcıları hesab edilmir.

 

Sualınıza görə təşəkkür edirik.

 

2010-09-16

346  Xezer (16-09-2010). Salam. Vergi orqaninda fiziki şəxs kimi qeydiyyata durmaq üçün hara mürüciət etmək və nə qədər pul ödəmək lazimdir.

 

Salam.

 

Heç bir pul ödəmək lazım deyil. Bunun üçün Vergilər Nazirliyinin müvafiq Ərazi Vergilər İdarəsinə müraciət etməlisiniz və orda sizə müvafiq formaları təqdim edəcəklər onları doldurmalısınız. 3 iş günü ərzində sizi qeydiyyata almalıdırlar. Əlavə məlumat üçün “195” Telefon Məlumat Xidmətinə müraciət edə bilərsiniz. 

 

Bu qədər.

 

2010-09-16

347  Fərəh (16-09-2010). Salam. Mülki işlə bağlı çıxarılan qərardaddan şikayət ərizəsi verəndə hansısa rüsum ödənilməlidirmi?

Salam.

Dövlət rüsumu haqqında Qanunun 9.1.17-ci maddəsinə əsasən məhkəmə qərardadlarından verilən şikayətlər üzrə  işdə iştirak edən şəxslər dövlət rüsumu ödəməkdən azad olunurlar.

 

Sualınıza görə təşəkkür edirik.

 

2010-09-16

348  Fərəh (16-09-2010). Daha bir sualım var. Əgər mülki iş üzrə cavabdeh tərəf (hüquqi şəxs) tapılmırsa və məhkəməyə gəlmirsə, məhkəmə onun axtarışı üçün hansısa addım atmalıdırmı? Yoxsa cavabdehi tapmağı iddiaçının boynuna yıxmalıdır? Ümumiyyətlə, bu səbəbdən hakim işi baxılmamış saxlaya bilərmi? Öncədən təşəkkürlər.

 

Salam.

 

İş ondadır ki, Mülki Prosessual Məcəlləsinin 149.2.2-ci maddəsinə əsasən iddia ərizəsində işdə iştirak edən şəxslərin adları, onların poçt ünvanları göstərilməlidir. Və əgər göstərilməyibsə həmin Məcəllənin 152.1.1-ci maddəsinə uyğun olaraq iddia ərizəsinin bu Məcəllənin 149-cu maddəsi ilə müəyyən olunmuş formasına və məzmununa riayət edilmədikdə hakim iddia ərizəsini və ona əlavə edilmiş sənədləri geri qaytarır.

 

Cavabdehin axtarışı Mülki Prosessual Məcəlləsinin 148.1-ci maddəsinin tələblərinə uyğun olaraq həyata keçirilir - Dövlət mənafeyi ilə əlaqədar irəli sürülən, habelə aliment alınması, şikəstetmə və ya səhhəti zədələmə, yaxud ailəni dolandıranın ölümü ilə vurulan ziyanın ödənilməsi haqqında tələblər üzrə cavabdehin olduğu yer məlum olmadıqda, məhkəmə polis orqanları vasitəsilə cavabdehin axtarışını elan etməyə borcludur.

 

Ona görə də bu məlumatı məhkəməyə təqdim etmək iddiaçının üzərinə düşür, çünki tələb edən şəxs iddiaçıdır. 

 

Lakın iddiaçının kifayət qədər imkanları var. Misal üçün DİN-nin MAPS xidmətinin köməyi ilə şəxsin olduğu yeri barədə məlumat almaq olar. Bundan başqa bu Məcəllənin 147-ci maddəsinə əsasən  cavabdehin faktiki olduğu yer məlum olmadıqda, məhkəmə cavabdehin məlum olan axırıncı yaşayış yeri üzrə yerli özünüidarə orqanının, müvafiq icra hakimiyyəti orqanının və ya cavabdehin məlum olan axırıncı iş yeri üzrə müdiriyyətin məhkəmə bildirişini aldığını təsdiq edən qeyd yazılmış məhkəmə bildirişi məhkəməyə daxil olduqdan sonra işə baxmağa başlayır.

 

Sualınıza görə təşəkkür edirik.

 

2010-09-16

349  Nərminə (16-09-2010). Mənim yeganə evladım - gözdən 1 qrup əlil olan bacımın mənzilində daimi qeydiyatdadır.Bacim mənim evladımın himayəsindədir.həmin mənzildə onlar ikilikdə yaşayirlar.bacımın işə gedib- gəlməsi və sosial- məisət işləri ilə o məşquldur.belə olduqda o hərbi cağirisdan azad ola bilərmi.

Salam.

Hərbi xidmətə yararlı olub olmaması barədə hərbi-həkim komissiayı tərəfindən müəyyən olunur. Bununla yanaşı, Azərbaycan Respublikasında hərbi xidmətə çağırışın əsasları haqqında Qanunun 17-ci maddəsinin 1-ci bəndinə əsasən birinci qrup əlil olan ata və ya ana, onlarla birlikdə və ya ayrılıqda yaşamalarından asılı olmayaraq, onları saxlamalı olan başqa övladları olmadıqda çağırışa möhlət verilə bilər. Gördüyünüz kimi yalnız ata və ana nəzərdə tutulur. 

 

Sualınıza görə təşəkkür edirik.

 

2010-09-16

351  Azer (16-09-2010). Salam. iki ovladim var, boyuyu bir yash yeddi ayliq balacasi besh ayliqdi. Bezi sebeblerden dogum haqqinda shehadetnameni almagi gecikmishem.zaksda menen boyuk ushaga gore 22 manat balacasi ucun 11 manat istedilar. bu qiymetler ne qeder realdir?

Salam.

Dövlət rüsumu haqqında Qanunun 13-cü maddəsinə əsasən doğumun, ölümün, övladlığa götürülmənin və atalığın (analığın) müəyyən edilməsinin qeydə alınması və bu barədə ilkin şəhadətnamələrin verilməsi üçün dövlət rüsumu ödənilmir. Doğum haqqında akt qeydlərində dəyişikliklərin, düzəlişlərin və əlavələrin edilməsi və onların bərpası ilə əlaqədar şəhadətnamələrin verilməsi üçün dövlət rüsumu 2 manatdır (Qanunun 12.4-cü maddəsi). 

Dövlət qurumundan tələblərini əsaslandırmağını tələb edin. 

 

Sualınıza görə təşəkkür edirik.

 

2010-09-16

352  Adil (16-09-2010). (16 il bundan once) 1994 ilde bir qardashim itkin dushub ve mende qeydiyyatdadir. Polise erize ile muraciet etdim. ve erizemi qeydiyyata alib, mene bir (izveshenie) adli bir kaqiz verdiler, ve mene bildirdiler ki, bir melumat olan kimi size melumat vererik.(1994 ilde erizemi qebul ederken mene verdikleri qebz helede mendedir, bir de qardashimin kohne sovet pasportu), Sualim ondan ibaretdir ki, Men indi menzili ozelleshdirmek isteyirem. Itkin dushen qardashim da, bizde qeydiyyata gedir. Sualim beledir! Men evi ozelleshdirmek isteyirem. Amma notariat kontoruna erizelerle muraciet etsek, bes iten qardashimin erizesi olmadiqi ucun, men bunu Qanuni yolla nece qaydasina qoya bilerem? Axi o da mende qeydiyyatda gedir? Evvelceden teshekkur edirem!

 

Salam.

 

Bunun üçün siz Mülki Prosessual Məcəlləsinin 32-ci fəslinə əsasən şəxsin xəbərsiz itkin düşmüş hesab edilməsi barədə ərizə ilə məhkəməyə müraciət etməlisiniz. 

Ərizədə şəxsi xəbərsiz itkin düşmüş hesab etməyin və onun ölmüş elan edilməsinin ərizəçiyə nə məqsəd üçün lazım olduğu göstərilməli, habelə şəxsin xəbərsiz itkin düşməsini təsdiq edən hallar, yaxud xəbərsiz itkin düşənin ölüm təhlükəsi qarşısında olmasını və ya onun müəyyən bədbəxt hadisədən həlak olmasını güman etməyə əsas verən hallar şərh edilməlidir. Hərbi əməliyyatlar zamanı hərbi qulluqçuların və ya digər şəxslərin xəbərsiz itkin düşməsi barədə ərizədə hərbi əməliyyatın qurtardığı vaxt göstərilməlidir.

Məhkəmə qətnamə qəbul edildikdən sonra sənədləşməni davam etdirə bilərsiniz.

Sualınıza görə təşəkkür edirik.

2010-09-16

353  Gulya (17-09-2010). Salam emelin kriminallasdirilmasi ne demekdir?

Salam.

Bu sualda daha çox hüququn təzəriyyəsinə aiidir. Və  F.Y.Səməndərovun CİNAYƏT HÜQUQUNUN BƏZİ FƏLSƏFİ MÜDDƏALARI HAQQINDA işində əks olunub.  Əməlin kriminallaşdırılması – yəni əməlin cinayət sayılan əməl kimi müəyyən edilməsi, pozitiv fəlsəfi metodu tətbiq etməklə, idrak nəzəriyyəsinin müddəalarını rəhbər tutmaqla – onlarla parametrdə sosial-psixoloji, mənəvi və s. amilləri nəzərə almaqla mümkün olur.

 

Lakın biz, bu cür anlatmaqla razı deyilik. Sadələşdirsək. 

 

Kriminallaşdırma - əməlin cinayət kimi tanınması prosesidir  və cinayət qanununda (məcəlləsində) həmin əmələ görə məsuliyyətin müəyyən edilməsi, və  onun xüsusiyyətlərinin möhkəmlənməsidir.

 

Əməl kriminallaşanda onun bu cür xüsusiyyətləri üzə çıxır. 

Sualınıza görə təşəkkür edirik.

2010-09-17

354  Taleh (17-09-2010). Salam.Zəhmət olmasa cavablayın.İnzibati xətalar məcəlləsinin 151.1 bəndinə əsasən nəqliyyat vasitəsinin sürücüsü müəyyən olunmuş sürət həddini 10-30 km aşarsa 15-20 AZn cərimə edilir. Həmçinin bu bəndin tərkib hissəsi olan təhlükəsizlik kəmərinin taxılması da nəzərdə tutulub. DYP xidmətinin əməkdaşı sürət aşmasına görə cərimə edirdə təhlükəsizlik kəmərinin taxılmamasına da görə cərimə edir.Əgər bu iki inzibati xəta bir bəndin tərkib hissəsidirsə onda belə çıxır ki , ya sürətə görə ya da ki təhlükəsizlik kəmərinə görə cərimə edilir.Bir inzibati xətanı iki dəfə yaza bilər ?

Salam.

 

Sadaladığınız əməllər ayrı-ayrılıqda hüquq pozuntularıdır. Və hər birinə görə ayrı olaraq məsuliyyətə cəlb edilməlidir. Belə ki, İnzibati Xətalar Məcəlləsinin 35.1-ci maddəsinə əsasən bir şəxs iki və ya daha çox inzibati xəta törətdikdə, onun barəsində hər bir inzibati xətaya görə ayrılıqda inzibati tənbeh tətbiq edilir. Qeyd etdiyiniz maddədə (İXM maddə 151.1) əməllərin sadalanması demək deyil ki, bu əməllər eyni zamanda və hamsı birdən törədilərkən yalnız birinə görə məsuliyyət daşıyırsan. Bu o deməkdir ki, qanunverici bu əməllərə görə sanksiyanı qeyd edilən cərimə (15-20 manat) çərçivəsində müəyyənləşdirib.

 

Sualınıza görə təşəkkür edirik.

 

2010-09-17

 

355  Rüfət (17-09-2010). Salam. Tərəflər arasinda imzalanmış xidmət muqaviləsinə əsasən 1-ci tərəfin öhdəliyini pozdugu üçün 2-ci tərəfə 5000 AZN, 2-ci tərəfin isə 1-ci tərəfə göstərdiyi xidmətə görə 3000 AZN borcu yaranib. 2-ci tərəf ohdəliyini pozdugunu qəbul etməyərək məhkəməyə muraciət etmiş və ona olan borcunun odənilməsini tələb edir. 1-ci tərəf oz hüququnun qorunmasi üçün başqa məhkəmə instansiyasına iddia qaldırmalı yoxsa 1-ci tərəfin qaldırdığı məhkəmədə öz iddiasının qaldırması daha məqsədə uyğun olardı? Əgər 1-ci tərəfin qaldırdığı məhkəmədə iddia qaldırılması tələb olunursa bu iddianın formasi adi məhkəməyə verilən iddia formasında ferqlənirmi?

Salam.

Bu cür vəziyyət yarandıqda Mülki Prosessual Məcəlləsinin 155 və 156-cı maddələrə əsasən qarşılıqlı iddia qaldırmaqla da həyata keçirmək olar. Bu təqdirdə siz həm hücum edə bilərsiniz həm müdafiə. Qarşı tərəfin iddiasına etirazın verilməsi  və qarşılıqlı iddianın qaldırılması bir məhkəmədə olacaq. 

Amma qarşılıqlı iddia işin baxılmasına başlanana kimi verilməlidir. Diqqətli olun. 

 

Sualınıza görə təşəkkür edirik.

 

2010-09-17

356  Niki (17-09-2010). Salam! Məcburi pay almaq hüququndan məhrumetmə ilə əlaqədar məhkəməyə müraciət edilməsi üçün ərizə nümunəsini əlavə etməyiniz xahiş olunur. Təşəkkür edirəm.

Salam.

Baxmayaraq ki, biz çox vaxt sənədlərin nümunələrini bizim istifadəçilər üçün təqdim edirik. Amma xatırladaq ki, bütün bunlar zəhmət tələb edir. Və hər bir ayrı sənədin tərtibi təmənnalı şəkildə keçirilir. 

 

Təşəkkürlər.

 

2010-09-17

357  Murad (17-09-2010). Salam. bilmek isteyirem ki, 25, 35 ve 50 yawa catdiqda (tekrar vesiqe almaga gore)vetendew wexsiyyet vesiqesini deyiwmek ucun hansi senedleri teqdim etmelidir? nigah haqqinda wehadetnamenin, yawayiw yerinden arayiwin tekraren teqdim edilmesine ehtiyac varmi? evvelceden minnetdarligimi bildirirem..!

Salam.

Azərbaycan Respublikası vətəndaşının şəxsiyyət vəsiqəsi haqqında” Azərbaycan Respublikası Qanununun tətbiqi haqqında” Əsasnamənin 3, 5, 7,11, 12-ci bəndlərinə əsasən 25, 35 və 50 yaşa çatmaqla əlaqədar şəxsiyyət vəsiqəsi dəyişdirildikdə aşağıdakı sənədlər tələb olunur:

 

• Ərizə-anket;
• şəxsiyyət vəsiqəsi;
• 3x4 şəkil (adətən 4 nüsxə)
• şəxsiyyət vəsiqəsini alan şəxs evlidirsə, nikah bağlanması haqqında şəhadətnaməni;
• dövlət rüsumu haqqında qəbz
• lazım olarsa, qanuni nümayəndənin hüquqlarını təsdiq edən sənədi; 
• lazım olarsa, Azərbaycan Respublikası vətəndaşlığına qəbul olunmuş şəxsin qanunvericilikdə nəzərdə tutulmuş sənədlərini nəzərdən keçirir.

 

Sualınıza görə təşəkkür edirik.

 

2010-09-17

358  Niki (17-09-2010). Əgər şəxsin yaşa görə pensiya vaxti chatibsa ümumilikdə pensiya almaq proseduru nece gedir? İşlədiyi müəssisədən dövlət sosial müdafiə fonduna müraciət edirlər? Həmin şəxs yaşa görə pensiya alaraq həmin vəzifədə çalışa bilərmi? Yaşa görə pensiyaya çıxma məcburidirmi? Təşəkkürlər.

 

Salam.

 

Ayrı-ayrılıqda bu suallar ayrı mövzu predmeti ola bilər. Amma qısa olaraq. Şəxs pensiayaya çımaq məqsədilə həm özü , həm çalışdığı yerdən müraciət edə bilər. Şəxs pensiyaya çıxmaqla öz iş yerini saxlaya da bilər (əgər tərəflər arasında başqa nəzərdə tutulmayıbsa). Pensiyaya çıxan şəxs hansı bir yerdə çılişdıqda onun həm pensiyası həm əmək haqqısı tam ödənilir. Yaşa görə pensiyaya çıxmaq və buna görə əlavə pul almağşn daha çox müsbət tərəfi var nəinki mənfi.

 

Sualınıza görə təşəkkür edirik.

 

2010-09-17

359  Eqana (2010-09-17). Cavaba gore minnetdaram 345, demeli bu yaziy agore men hec bir mebleg odemeli deyilem duzdur? bes bu barede qanunda bir soz var? eger mumkundurse mene o maddeni yazardiz. Siz coox xeyirxag ishle meshgul olursuz Allah sizden razi olsun.

 

Salam.

 

Siz deyəsən 26-cı suala baxmadınız.

 

Əlavə olaraq onu tam şəkildə göstəririk.

 

"Reklam yayımına icazə (razılıq) verilməsi Qaydaları"nın təsdiq edilməsi barədə Azərbaycan Respublikası Prezidentinin Fərmanına (3 noyabr 2001-ci il tarixli 596 №-li) əsasən obyektlərin giriş hissəsində, divarında, önündə yerləşdirilmiş, həmin obyektlərin mənsubiyyətini, adını, ticarət markasını, iş rejimini, firma nişanını göstərən lövhələr, fəaliyyət növünü istehlakçıya çatdıran vasitələr, şəhər informasiya stendlərində qeyri-kommersiya məqsədi ilə yerləşdirilən plakat və digər informasiya vasitələri reklam daşıyıcıları hesab edilmir (bənd 2.2.).

 

Obyektiniz Bakı şəhərində yerləşdiyi üçün küçə reklamının yerləşdirilməsinə verilən icazə üçün birdəfəlik ödəniş tarifi 70 manat təşkil edir. Bundan sonra hər ay 1 m² küçə reklamının yayımı üçün 7 manat ödəməlisiniz (ehtimal kimi, küçənin yerləşməsi B zonasına aiddir). Ətraflı Küçə reklamlarının yerləşdirilməsi və yayımı üçün reklam tariflərinin tənzimlənməsi barədə Azərbaycan Respublikası Tarif (Qiymət) Şurasının Qərarında (30 iyul 2008-ci il tarixli 7 №-li) göstərilib.

 

“Küçə reklamının, yayımı və reklam tarifi zonalarının müəyyən edilməsi Qaydaları”nın və “Küçə reklamı lövhəsinin yerləşdirilməsinə verilən icazə sənədinin forması”nın təsdiq edilməsi haqqında Azərbaycan Respublikası Nazirlər Kabinetinin Qərarına (23 aprel 2008-ci il tarixli 92 №-li) uyğun olaraq müvafiq yerli icra hakimiyyətinin başçısı küçə reklamlarının yaymasına görə reklam tarifi zonalarını müəyyən etmək üçün aidiyyəti yerli qurumların nümayəndələrinin daxil olduğu 5 nəfərdən ibarət olan komissiya yaradır.

 

Reklam fəaliyyətinə nəzarəti isə Azərbaycan Respublikasının İqtisadi İnkişaf  Nazirliyi və onun yerli qurumları həyata keçirirlər («Reklam haqqında» Azərbaycan Respublikası Qanununun tətbiq edilməsi barədə Azərbaycan Respublikası Prezidentinin Fərmanı). 

 

Bir daha təşəkkür edirik. Amma diqqətli olun.

 

2010-09-17

360  Ruslan (17-09-2010). Salam. Menim atama Baki sheheri Xetai rayon Icra Hakimiyyeti terefinden 2008-ci il may ayinda iashe obyektinin tikilmesine serencam verilib. 2008-ci ilin dekabr ayinda atam vefat edib. Xetai RIH-ne yazili muraciet etsem de menim muracietime menfi cavab veribler. Serencamin menim anamin (merhumun heyat yoldashi) adina kechmek uchun qanunda nezerde tutulan bir proses varmi? Bu barede hansi senedler teleb olunur ve kime muraciet etmek lazimdir? Meselenin helli zamani problem yaranarsa kimle meslehetleshmek olar? Evvelceden teshekkurumu bildirirem.

 

Salam.

 

Təqdim olunan materiallardan yalnız onu demək olar ki, hal mübahisəlidir. Əgər dövlət qurumu rəsmi (yazılı) mənfi cavab veribsə siz həmin cavabı və daşınmaz əmlaka mövcud olan sənədləri iddia ərizəyə qoşub məhkəməyə müraciət edə bilərsiniz (xüsusi icraat qaydasında). 

 

Sualınıza görə təşəkkür edirik.

 

2010-09-18

361  Ramiz (17-09-2010). Salam. Men boşanmışam. Keçmiş nigahımdan 2 yaşında qızım var. Hazırda, aliment ödənilməsi barədə saziş əsasında, keçmiş arvadımın bankdakı debet kart hesabına aylıq alimentdə ödəyirəm. Keçmiş arvadla aliment barəsində razılığa gəlsəkdə, övladımı rahat görmək mövzusunda razılığa gəlmir O, yəni uşağı yalnız öz müşahidəsi ilə görə bilirəm və bir olduğumuz müddətdə ancaq başım spor ilə qarışır. Bu səbəbdən uşağımı ayrı görmək istəyirəm, yəni həftədə 1-2 dəfə, hər dəfəsi üçün ən az 3 saat olmaqla bağlı məhkəməyə müraciət edə bilərəmmi? Və buna dair bir qanun varmı? Öncədən təşəkkür edirəm. 

 

Salam.

 

Əlbəttə ki, hüququnuz var. Ailə Məcəlləsinin 29.2-ci maddəsinə əsasən analıq, atalıq, uşaqların tərbiyəsi və təhsili, eləcə də ailənin digər məsələləri ər-arvadın hüquq bərabərliyi prinsiplərinə uyğun olaraq birgə həll edilir. Həmin Məcəllənin 56.1-ci maddəsinə uyğun olaraq valideynlər öz uşaqları barəsində bərabər hüquq və vəzifələrə malikdirlər. 

 

Məcəllənin 61-ci maddəsinə əsasən uşaqlardan ayrı yaşayan valideyn onlarla ünsiyyət hüququna, uşaqların tərbiyə və təhsili ilə bağlı məsələlərin həll edilməsində iştirak etmək hüququna malikdir. Uşaqlarla yaşayan valideyn uşağın fiziki, psixi sağlamlığına, onun əxlaqi inkişafına zərər yetirməyən digər valideynlə uşağın ünsiyyətinə mane olmamalıdır.. Uşaqlarından ayrı yaşayan valideynlər valideynlik hüququnun həyata keçirilməsi qaydası haqqında yazılı saziş bağlaya bilərlər. Valideynlər razılığa gələ bilmədikdə, mübahisə onların (onlardan birinin) tələbi əsasında müvafiq icra hakimiyyəti orqanının iştirakı ilə məhkəmə tərəfindən həll edilir. Məhkəmənin qətnaməsinə əməl etməyən valideynə qarşı mülki-prosessual qanunvericiliyə uyğun ölçü götürülür. Bu qətnaməyə qəsdən əməl edilmədikdə, məhkəmə uşaqdan ayrı yaşayan valideynin tələbi ilə uşağın mənafeyi və rəyi nəzərə alınmaqla onun həmin valideynə verilməsi haqqında qətnamə qəbul edə bilər. Uşaqdan ayrı yaşayan valideyn öz uşağı haqqında tərbiyə və müalicə, sosial müdafiə və digər müvafiq müəssisələrdən məlumat almaq huququna malikdir.

 

Qanunla sizin kifayət qədər hüquqularınız nəzərdə tutulub. İstifadə edin, amma qeyd edilən halları da məhkəmədə sübut etməyə unutmayın (şahidlər, videoyazılat və s.).

 

Sualınıza görə təşəkkür edirik.

 

2010-09-18

362  Seymur (18-09-2010) Salam mən Qarabağ əliliyəm. Mənə Dövlət tərəfindən veriliən evi özəlleşdirmək üçün nə qədər dövlət rüsumu ödəməliyəm?

Salam.

Bu cür suallar dəfələrlə cavablandırılıb. Məsləhətxananın 1, 5 suallarına nəzər yetirin.

 

Bu qədər.

 

2010-09-19

363  Afet (19-09-2010). men bilmek isteyirem Azerbaycanda ushaghlarin ozune, ikinci olkeye getmelerine gore, etibarname verile bilermi? bele bir qanun varmi? Varsa etrafli melumat almagh isterdim.

 

Salam.

 

Ölkədən getmək, ölkəyə gəlmək və pasportlar haqqında Qanunun 2-ci maddəsinə əsasən 18 yaşına çatmamış vətəndaş ölkədən öz valideynlərinin və ya qanuni nümayəndəsinin notarius tərəfindən və ya qanunvericiliklə nəzərdə tutulmuş qaydada təsdiq edilmiş razılığı ilə gedə bilər. Valideynlərdən birinin razılığı olmadıqda yetkinlik yaşına çatmamış vətəndaşın ölkədən getməsi məsələsi məhkəmənin qərarı əsasında həll edilir.

 

18 yaşına çatmamış vətəndaşın daimi yaşayış üçün ölkədən getməsinə yalnız onun valideynlərinin hər birinin və ya qanuni nümayəndəsinin yazılı şəkildə ifadə edilmiş və notarius tərəfindən və ya qanunvericiliklə nəzərdə tutulmuş qaydada təsdiq edilmiş razılığı olduqda yol verilir. Əcnəbilər və ya vətəndaşlığı olmayan şəxslər tərəfindən övladlığa götürülmüş Azərbaycan Respublikasının vətəndaşı olan uşaq ölkədən yalnız onun övladlığa götürülməsi haqqında məhkəmənin qanuni qüvvəyə minmiş qətnaməsi və övladlığa götürmə haqqında şəhadətnamə təqdim edilməklə qanunvericilikdə nəzərdə tutulmuş qaydada gedə bilər.

 

Sualınıza görə təşəkkür edirik.

 

2010-09-19

 

364  Zulfiyye (19-09-2010) Salam. Menim odglumun 18 yaşi var. Anadan delme boyrek xestesidi. 4 ildirki xesteliyine dore pensiya alir. Bilmek isteyirdim birdefelik elillik qrupu neçe yaşinda verirler...teşekkurler

Salam.

 

Sosial müavinətlər haqqında Qanunun 9-cu maddəsinə əsasən ən çoxu müraciət edilməzdən əvvəlki üç il üçün ödənilməklə, aylıq müavinətlər, müraciət edilmə vaxtından asılı olmayaraq bu Qanunun qüvvəyə mindiyi gündən sonra onu almaq hüququ yaranan gündən əlilliyə görə müavinət əlillik müddətinə təyin edilir.

 

Əlilliyin və uşaqların sağlamlıq imkanları məhdudluğunun qarşısının alınması, əlillərin və sağlamlıq imkanları məhdud uşaqların reabilitasiyası və sosial müdafiəsi haqqında Qanunun 14-cü maddəsinə əsasən əlillərin reabilitasiya tədbirlərini, habelə sosial yardımın növlərinin konkret həcmini, növünü və icrası müddətini müəyyən edir.

 

Sualınıza görə təşəkkür edirik.

 

2010-09-19

365  Xayyam (19-09-2010). mecburi köçkünlərin mənzil fondunda olan evi 17 il daxilində yaşadigina görə onu özelləşdirmak uçün qanun necə yol verir?

Salam.

 

  

 

Qaçqın statusu verilməsi haqqında ərizə təqdim etmiş şəxslərin qaçqın statusu verilməsi məsələsi həll edilənədək müvəqqəti yerləşdirmə məntəqəsində verilmiş yaşayış yerindən istifadə etmək Qaydasının 11-ci bəndinə əsasən əsasən və Məcburi köçkünlərin məskunlaşdırılmasını tənzimləyən bəzi qaydaların təsdiq edilməsi haqqında Nazirlər Kabinetinin qərarına əsasən qaçqınlara və məcburi köçkünlərə dövlət tərəfindən verilən yaşayış sahələri müvəqqəti verilir. Ona görə də bu daşınmaz əmlakın özəlləşdirilməsi mümkün deyil.

 

Sualınıza görə təşəkkür edirik.

 

2010-09-19
 

366  Zulfiyye (19-09-2010). Cavabiniza dore chox sag olun. 1 sualim var Her defe komisiysdan kechende bizden pul teleb edirler. Yenede teleb etseler hara muraciet edek.(komek etseniz chox sevinerdik...)

 

Salam.

 

Əgər aidiyyəti dövlət qurumları korrupsiya və süründürməçilik hallarına yol verirsə siz Korrupsiyaya qarşı mübarizə üzrə Komissiyaya, Sosial Müdafiə Fonduna  və Səhiyyə Nazirliyinə müraciət etməlisiniz.  Çalışın öz mövqeyinizi əsaslandırın və şikayət edərkən şahidlərin ifadəsini toplayın. Korrupsiya ilə hər bir vətəndaş mübarizə etməlidir.  Təəssüf olsun ki, iş həcmi böyük olduğundan pulsuz hüquqi yardım göstərmək imkanlarımız məhduddur.

 

Sualınıza görə təşəkkür edirik.

 

2010-09-20

367  Aygun (19-09-2010). Salam,sualım budur. 1.Töreme bankın yaradılmasında əsas məqsəd nedir?2.Bankın nümayendeliyine aid tərifdə bele qeyd olunub:bank fəaliyyəti ilə məşğul olmağa hüququ olmayan,yalniz onun mənafelərini təmsil və müdafiə edən bankın ayrıca bölməsidir qeyd olunub.Təmsil və müdafiə dedikde,neler nəzərdə tutulur?

Salam.

Banklar haqqında Qanunun 1-ci maddəsinə əsasən törəmə bank - nizamnamə kapitalında səsvermə hüququ verən səhmlərin əllidən çox faizi təsisçi banka və ya bank holdinq şirkətinə məxsus olan bankdır, yaxud elə bankdır ki, onunla təsisçi bank və ya bank holdinq şirkəti arasında bağlanmış müqaviləyə əsasən təsisçi banka və ya bank holdinq şirkətinə onun qərarlarının qəbul edilməsinə mühüm təsir göstərmək imkanı verilir.

 

Hansı məqsədlə yaradılmasının daha yaxşı başa düşmək üçün Mülki Məcəllənin 67.5 və 67.5 maddəslərinə nəzər yetirmək lazımdır.

 

Təmsil və müdafiə dedikdə aşağıdakılar başa düşülür. Təmsilçi təmsil edilən adından şəxsən özü barəsində əqdlər bağlaya bilməz. O, həmçinin, kommersiya təmsilçiliyi halı və qiymətli kağızlar bazarında brokerlik halı istisna olmaqla, eyni zamanda təmsilçisi olduğu şəxs barəsində bu cür əqdlər bağlaya bilməz. Təmsilçi  əqdləri barəsində ona bəlli olmuş məlumatların sirrini ona verilmiş tapşırığı icra etdikdən sonra da saxlamağa borcludur. Təmsilçilik müxtəlif sahələrinə aid oluna bilər (rhüquqların qorunması, reklam, bank şöbələrin, törəmə qurumların  açılması üçün sənədlərin yığılması və s.)

 

Həmçinin bu normativ xarakterli akta baxa bilərsiniz.

 

Sualınıza görə təşəkkür edirik.

 

2010-09-21

 

368  Shirin (20-09-2010). Salam. 29 iyun 2010 cu il tarixindən analıq məzuniyyətinə çıxmışam amma işədiyim məktəbdən mənim ərizəm olmadan 1 iyul 2010 tarixindən iş məzuniyyətinə çıxarıblar və buxqalteriyanın bu cür hesablaması nəticəsində mən 200 manata yaxın pul itirirəm. Yenidən hesablama aparmaq üçün bəhanələr gətirilir. Mən nə etməliyəm? Məgər bu cür hesablamalar ciddi olaraq sənəd əsasında aparılmalı deyil?

Salam.

Bununla bağlı ilk növbədə məktəbin direktoruna şikayət edin və əgər bunun nəticəsi olmasa Dövlət Əmək Müfəttişliyinə müraciət edə bilərsiniz (lakın bundan qabaq öz ərizənizə diqqət yetirin və hansı məzuniyyətə çıxmağı barədə xahiş etməyinizi nəzərə almalısınız).

 

Sualınıza görə təşəkkür edirik.

 

2010-09-21

369  Roman (20-09-2010). Salam. Zehmet olmasa deyin Vasitəli icarə nece olur, Meselen bizde obyekt icareye goturulub. indi icarəyə götürən ozu obyekti icarəyə vermək isteyir. Men bilmek isteyirem icarəyə götürəcək adam voen amalıdırmı, yeniden obyekte kod almaq lazım gelecekmi, hazirki icarəyə götürən fəaliyyətinin dayandırmalıdırmı?

 

Salam.

 

Əgər hər hansı bir şəxs gəlir əldə edirsə vergi orqanlarında qeydiyyata durmalıdır (və ya vergi ödəməlidir). Fərqi yoxdur bu icarəçı və ya icarəyə verəndir. Buna adətən vasitəli icarə yox subicarə deyilir. Siz icarəyə götürdüyünüz təqdirdə  həmin müqavilədə subicarə müddəası olub-olmaması barədə məlumatınız olmalıdır. Əgər həmin icarə müqaviləsinə əsasən subicarə mümkündür onda siz başqa şəxsə həmin obyekti subicarəyə verirsiniz və şərtləri öz aranızda müəyyən edirsiniz. Subicarə müqaviləsi icarə müqaviləsinə zidd olmamalıdır.

 

Sualınıza görə təşəkkür edirik.

 

2010-09-21

370  Eldar (20-09-2010). Konsulluq nedir ve sefirlik nedir? ferqi nedir??

 

Salam.

 

 

Səfirlik - Azərbaycan Respublikasının diplomatik nümayəndəliyidir (Azərbaycan Respublikasının xarici siyasətinin həyata keçirilməsinin təmin edilməsi, beynəlxalq sülhün və təhlükəsizliyin qorunmasına diplomatik üsul və vasitələrlə kömək göstərilməsi, beynəlxalq müqavilələrin qeydiyyatı, uçotu və saxlanması üzrə vahid dövlət sisteminin fəaliyyətinin təmin edilməsi və s) - Diplomatik xidmət haqqında Qanun.

 

 

Konsulluq Azərbaycan Respublikasının başqa dövlətlərlə dostluq münasibətlərinin inkişafına, iqtisadi, elmi-texniki, mədəniyyət, ticarət, idman, turizm və digər əlaqələrinin genişlənməsinə yardım göstərir (Azərbaycan Respublikasının Konsul Nizamnaməsinin təsdiq edilməsi haqqında Qanunun 1-ci maddəsi).

 

 

Sualınıza görə təşəkkür edirik.

 

 

2010-09-21

371  Aynur (20-09-2010). Salam aleykum ola bilsin sualım tam aydın olmayacaq çünki bilmirəm hansı tərəfdən yanaşım. Hansısa ictimai birlik işçi götürmək istəyirsə bunun üçün nə etməlidir? Sualıma vaxt ayırdığınız üçün təşəkkür edirəm.

 

Salam.

 

Əgər işçi götürmək istəyirsə onda həmin şəxslə Əmək müqaviləsini bağlamalıdır (əgər sonrakı sənədləşmə ilə bağlıdırsa bununla bağlı bir çox işlər görülür: şəxsi kart açılır, əmək kitabçası götürülür, müvafiq qeydlər aparılır, və s Daha sonra aidiyyəti vergilər və rüsumlar ödənilir). Bu ayrı blokun mövzusudur və bir sualda bunun açıqlanması mürəkkəbdir.

 

Sualınıza görə təşəkkür edirik.

 

2010-09-21

372  Aynur (20-09-2010). Yeni tikilmiş yaşayış evinə (heyət evi) ünvan verilmə prosesi necə baş verir bunun üçün hara və hansı sənədlərlə müraciyət etmək lazımdır. Vaxt ayırdığnız üçün təşəkkür edirəm!

Salam.

 

Bununla bağlı biz bir-neçə suallar cavablandırmışıq.  Məsləhətxananın 1,5, 6, 40 və digər suallarına nəzər yetirin.

 

Bu qədər.

 

2010-09-21

373  Orxan (20-09-2010). Salam, mən “Hərbi-həkim ekspertizası haqqında” Əsasnaməyə görə maddə 51b I qrafası görə 29.01.2011 cil ilə qədər yarasiz hərbi bilet verilib. müalicəm bitib və mən tam sağlamam, Azərbaycan prezidenti İlham Əliyev Azərbaycan Respublikası vətəndaşlarının 2010-cu ilin iyulun 1-dən 30-dək həqiqi hərbi xidmətə çağırılması və müddətli həqiqi hərbi xidmət hərbi qulluqçularının ehtiyata buraxılması haqqında fərman imzalayıb. mən hərbi xidmətə getmək istəyirəm lakin, rayon hərbi komissarlığdan deyirlər ki, sənin hərbi bilet üzrə hələm müddətin bitməyib, bitəndə gələrsən, bu nə qədər düzgündür?

Salam.

Çox yaxşı ki, bizim belə məsuliyyətli və vətənsevər vətəndaşlarımız var. Əgər hərbi xidmətə çağırılmaq istəyiniz bu qədər güclüdürsə Müdafiə Nazirliyinə və Prezidentə bununla bağlı müraciət edə bilərsiniz. Əminik ki, sizin müraciətinizi təmin edəcəklər.

 

Sualınıza görə təşəkkür edirik.

 

2010-09-21

374  Gunay (20-09-2010) Salam!. Yoldahsim dediyine gore 2 hefte evvel boshnamga erize verib, ve bugun artig mehkemede olmag lazim idi. Amma mene ne bildirish ne xeberdarlig hech bir melumat verilmeyib. Yoldashim tesdig edir ki, mehkemede artig bu gun boshanmaga mohur vuracag. Men mehkemede olmadim, chunki, bilmirem hara kime yaxinlashmag lazimdir. Yoldashim ise deyir ki, orda mensiz bele her shey hell olunacag, yeni pul verib menim xeberim olmadan bele boshayacaglar. bele bir ish mumkundur?mene bildirish gondeilmelidir??

 

Salam.

 

Yox belə bir şey mümkün deyil (əgər sizi doğrudanda  müvafiq qaydada xəbərdar etməyiblərsə).  Bunun üçün Mülki Prosessual Məcəlləsinin 11-ci fəsli ilə tanış olmalısınız (məhkəmə bildirişləri).  Amma əgər məhkəmə  müvafiq qaydada sizi məlumatlandırıbsa onda ola bilər. Hər bir halda şikayət etmək hüququnuz var.

 

Sualınıza görə təşəkkür edirik.

 

2010-09-21

375  Afət (20-09-2010). Mən gözdən 1 qrup əliləm. Müəlliməyəm-56 yaşim var.tənhayam. ailəm və evladım yoxdur. mənimlə qardaşım oğlu yaşayir və mənzilimdə qeydiyatdadir. o tələbədir və institutu bitirənədək hərbi qulluqdan azaddır. mənim bütün işlərim, bazarlığım. işə gedib-gəlməyim ondan asılıdır. bilmək istərdim qeyd edilənləri nəzərə alaraq, o hərbi cağırışdan azad ola bilərmi..eşitmişəm ki "Hərbi cağırış haqqda " qanunda belə bir istisna var.

Salam.

Azərbaycan Respublikasında hərbi xidmətə çağırışın əsasları haqqında Qanunun 17-ci maddəsinə əsasən birinci qrup əlil olan ata və ya ana, onlarla birlikdə və ya ayrılıqda yaşamalarından asılı olmayaraq, onları saxlamalı olan başqa övladları olmadıqda həqiqi hərbi xidmətə çağırışdan möhlət verilir. Lakın bunu əsaslandırmağınız vacibdir və həmin şəxs hərbi xidmətə çağırılarkən ərizə ilə müraciət  (sizinlə birlikdə) etməlidir.

 

Sualınıza görə tşəkkür edirik.

 

2010-09-21

 

376  Mehriban (20-09-2010). Salam. AR Mulki Mecellesinde tez tez aglabatan muddet ifadesi islenilir.bilmek istiyerdim ki bu muddet ne qederdi?praktikada bu muddet nece mueyyen olunur?

 

Salam.

 

Ağlabatan müddət qiymət verici kateqoriyadır və hər bir konkret şəraitdən asılıdır. Mübahisə yarandıqda bununla bağlı məsələlər məhkəmə tərəfindən həll olunur. Misal üçün hansı bir öhdəliyin yerinə yetirilməsi: nəqliyyat vasitəsinin təmiri, kitabın tərcüməsi, evin təmiri müəyyən şərtlərdən aıslıdır. Əgər müqavilədə müddətlər göstərilməyibsə öhdəliklər ağlabatan müddətdə həayata keçirilməlidir. Bütün lazımi məhsul olarkən (su, un, yağ və s.) çörək bişirmək üçün müddət 1 ay ola bilməz. 300 səhifəlik kitabın tərcüməsi 2 günə həyata keçirə bilməz və s.

 

Ümidvarıq ki, kömək edə bildik.

 

2010-09-21

377  Hesen (20-09-2010). Yan suseye perde vurduqda? Onun cerimesi ne qederdi

Salam.

Yol hərəkəti haqqında Qanuna 1 saylı Əlavəsinin 7-ci bəndinə əsasən sürücünün görünüş dairəsini məhdudlaşdıran, şüşənin şəffaflığını korlayan, yol hərəkəti iştirakçılarını zədələmək, təhlükəsi yaradan əlavə əşyalar qoyulduqda və ya şüşələrə hər hansı formada və ölçüdə örtüklər (pərdə və plyonka) çəkildikdə konstruksiyanın digər ünsürləri sayılır.

 

Qeyd: Avtomobillərin və avtobusların qabaq şüşəsinin yuxarı hissəsində rəngli, şəffaf plyonka bərkidilə bilər. İşığı buraxması dövlət standartlarının tələblərinə uyğun olan, sənaye üsulu iləhazırlanan rəngli şüşələrin (güzgü-şüşələrdən başqa) tətbiqinə icazə verilir. Hər iki tərəfdə arxanı göstərən xarici güzgülər olduqda avtobusun pəncərələrindən pərdə asmağa, eləcə də minik avtomobillərinin arxa şüşələrinə örtük (pərdə və ya plyonka) çəkməyə və ya sənaye üsulu ilə hazırlanan jalüz asmağa yol verilir.

 

Gördüyünüz kimi bəndin qeyd hissəsində yalnız arxa süşənin müvafiq qaydada örtülməsi mümkündür.

 

Məsuliyyət isə aşağıda göstərilib:

İnzibati Xətalar Məcəlləsinin 155.2.1-ci maddəsinə əsasən tormoz sistemi və ya sükan idarə mexanizmi nasaz olan və ya xarici işıq cihazları və ya qabaq şüşənin şüşə silgəcləri və şüşəyuyanları və ya təkərləri və şinləri və ya mühərriyi, yaxud konstruksiyasının digər ünsürləri nasaz olan və belə nasazlığın aradan qaldırılması mümkün olmayan nəqliyyat vasitəsinin istismarına

- iyirmi manatdan otuz manatadək miqdarda cərimə edilir.

 

Sualınıza görə təşəkkür edirik.

 

2010-09-21

 

379  Eldar (21-09-2010). Hormetli DeJure.az, Bundan onceki verdiyimin suallari cavablandirdiqiniza gore size minnetdaram.Heqiqeten de onlar mene dushduyum veziyyetde huquqlarimi qorumaqa komek olur.Xatirlayirsinizsa son sualim cmenim kechmish heyat yoldashimin menim yashadiqim ve oz adima olar eve iddia ede bilib bilmemesi ile baghli idi.Bildirdiniz ki, iddia ede biler ancaq yashamaq uchun.Menim bu yaxinlarda qaynamla danishdim,ve o mene shifahi bildirdi ki,evde olan eshyalari isteyir qalan hech bir sheye iddiasi yoxdur.Yadimdadi siz de bildirmishdiz ki, bu heyat yoldashimin bir nov evlilikden evvel aldighi eshyalar oldughuna gore onun ozununkudur.Sualim ise beledir. Men aramizda olan bu shifahi danishiqi (ya razilashmani) necur bir qanunileshdire bilerem ki, bir muddet kecenden sonra meni mulkiyyet meselesi ile baghli mehkemeye celb etmesin??? Sualim bir az uzun oldu, amma chalishdim konkret olum.Diqqetinize gore minnetdaram.

Salam.

Ən yaxşısı təhvil-təslim aktını tərtib edin və bütün verilən-götürülən əmlakı rəsmiləşdirin (hətta notariusun iştirakı da mümkündür). Həmin aktın sonunda da "heç bir tələbin irəli sürülməməsi barədə öhdəliyini" əlavə edin. 

 

Sualınıza görə təşəkkür edirik.

 

2010-09-21

380  Rufat (21-09-2010). Salam. Selahiyyetli olan vezifeli sexs yoxlama zamani akt tertib edir ve bu akti yoxlama kecirdiyi obyektin mesul sexsine gostermeden qeyd edir ki, "Akti imzalamaqdan imtina etdi" ve protokolda da qeyd edirki "Protoklla tanis olmaqdan imtina etdi". Buna qarsi nece mubarize aparmaq mumkundur? Evvelceden minnetdarligimi bildirirem.

 

Salam.

 

Bu cür hadisələr də baş verir. Bunlarla rastlaşanda çalışın bütün başverənləri video cihazların vasitəsilə çəkin (adətən bir çox mobil telefonların bu cür imkanları var). Hər bir halda səlahiyyətli şəxs bunu edərkən şahidləri cəlb etməlidir və onların ifadələrini almalıdır, yoxsa həmin aktın qüvvəsi olmayacaq və məhkəmə tərəfindən qəbul olunmayacaq.

 

Sualınıza görə təşəkkür edirik.

 

2010-09-21

381  Ceyran (21-09-2010). salam men agdamliyam, qacqin oldugum ucun muveqqeti bakida qeydiyyata dusmusem, nisanlim ise astarada qeydiyyatdadi biz erizemizi bakidan vere bilerikmi, ve eger vaxt 1 aydan az qalibsa ne qeder rusum odemeliyik? cox sagolun...

Salam.

Vətəndaşlıq vəziyyəti aktlarının dövlət qeydiyyatı Qaydasının 3.1-ci maddəsinə əsasən  nikahın qeydə alınması nikaha daxil olanlardan  seçdiyi hər hansı bir Qeydiyyat şöbəsi (VVAQ) tərəfindən həyata keçirilir. Yəni sizin arzunuzdan asılıdır.

 

Nikahın qeydə alınması üçün dövlət rüsumu - 5 manatdır (Dövlət rüsumu haqqında Qanunun 12.1-ci maddəsi).

 

Ailə Məcəlləsinin 9.1-ci maddəsinə əsasən nikah müvafiq icra hakimiyyəti orqanı tərəfindən nikaha daxil olmaq istəyən şəxslərin bu barədə ərizə verdikləri gündən 1 ay sonra onların iştirakı ilə bağlanır. Xüsusi hallarda (hamiləlik, uşağın doğulması və digər hallarda) nikah ərizə verilən gün bağlana bilər (maddə 9.3.).

 

Sualınıza görə təşəkkür edirik.

 

2010-09-21

 

382  Ceyran (21-09-2010). salam, menim nisanlimin vesiqesinin muddeti avqust ayinin 19-u bitib bizim oktyabr-in 17-da toyumuzdu bizim zaqsla bagli problemimiz yarana biler o isteyir ki evlenenden sonra deyishsin yeni birdefelik, xahis edirem bu barede meni melumatlandirasiniz...cox sagolun...

 

Salam.

 

Şşəxsiyyət vəsiqəsinin etibarlıq müddəti bitirsə problemlər yarana bilər. Pasport-qeydiyyat şöbəsinə müraciət etsəniz və əsaslandırsanız daha tez müddətə şv dəyişdirməsinə nail ola bilərsiniz. 

 

Sualınıza görə təşəkkür edirik.

 

2010-09-21

383  Aysel (21-09-2010). nisanlim isde reisi ile dalasib ve el qaldirib ona, sebeb sexsiyyet ve leyaqet haqda artiq eskik danismaq..o da oz novbesin iddia erizesi qaldirib el qaldirmaq ustunde...bilmek isterdim nisanlim oz novbesinde hansi erize ile mehkemeye muraciet ede biler?tesekkurler

 

Salam.

 

Mülki Məcəllənin 23-cü maddəsinə əsasən (Şərəfin, ləyaqətin və işgüzar nüfuzun müdafiəsi).məhkəmədə mənəvi zərərin ödənilməsi tələbi ilə çıxış edə bilər. Əgər kütləvi çıxışda təhqir edibsə onda cinayət məsuliyyətinə cəlb olunmaı ilə bağlı prokurorluğa müraciət edə bilər (Cinayət Məcəlləsi maddə 148. Təhqir). Əl qaldırmaq məsələsi özü-özlüyündə sübut olunmalıdır.

 

Sualınıza görə təşəkkür edirik.

 

 

2010-09-21
 

 

384  Samir (21-09-2010). salam men 2 evvel oyrendimki men evladliga goturulmusem daha dogrusu senedleri gordum evde.Menim 20 yasim var telebeyem.men bu senedin dogru olub olmadigini nece oyrene bilerem.qeyd edimki men yasadigim ailemle cox xosbextem ve onlari ne olursa olsun cox sevirem.ailemden sorusum onlarin konlunu bulandirmqa istemirem sadece bilmek isteyirem men kime muraciet edim bu barede.

Salam.

Əgər sənədləri görmüsünüzsə onda həmin sənədləri verən orqana müraciət edin (yazılı) və həmin sənədlərin surətlərini bu müraciətə (ərizəyə) əlavə edin.

 

Sualınıza görə təşəkkür edirəm.

 

2010-09-22

385  Elvin (21-09-2010). Əmək haqqından bütün tutulmaların ən yüksək həddi neçə faizindən yuxarı ola bilməz. XAhiş edirəm o qanunu adını deyəziniz

Salam.

Əmək Məcəlləsinin 186-cı maddəsinin (c) bəndinə əsasən işçi əmək funksiyasını tam və ya qismən yerinə yetirmədikdə, yaxud keyfiyyətsiz yerinə yetirdikdə, həmçinin əmək müqaviləsi ilə müəyyən edilmiş vəzifələrini, müəssisədaxili intizam qaydalarını pozduqda işəgötürən kollektiv müqavilələrdə nəzərdə tutulmuşdursa, aylıq əmək haqqının 14-i məbləğindən çox olmamaq şərtilə cərimə edə bilər. 

 

Sualınıza görə təşəkkür edirik.

 

2010-09-22

386  Anar (22-09-2010). Salam,zehmet olmasa ,Azerbaycana yeni getirilmiw avtomobilin dovlet qeydiyyat niwaninin alinmasi ucun odenilmesi olan dovlet rusumunun ne qeder olmasi barede komeklik ederdiniz.Tewekkurler

Salam.

 Dövlət rüsumu haqqında Qanunun 18.65.6-cı maddəsinə əsasən dövlət qeydiyyat nişanlarının verilməsi üçün dövlət rüsumu 18 manatdır.

Sualınıza görə təşəkkür edirik.

 

2010-09-22

 

387  Zaur (22-09-2010). Salam. Bu perde plyonka meselesini here bir cur deyir. Mene maraqlidi nazirin sozu yox Milli Meclisin qebul etdiyi qanun. Masinin hansi hissesine nece halda , hansi halda qanun perde ve ya ployonkaya icaze varir.

Salam.

Biz bu sualı dəfələrlə cavablandırmışıq. Ətraflı Məsləhətxananın 377, 204, 158-ci suallarında cavablandırılıb. 

 

Sualınıza görə təşəkkür edirik.

 

2010-09-22

388  Firdovsi (22-09-2010). Salam əgər məhkəma qərari verməyibsə vəya geç verisə verilə muddəti 10gün bitibsə apelasiya məhkəməsinə qərarin qərəzli olması ilə baglı şikayyət edə blərəmmi?

Salam.

Əgər hakim qanunvericilikdə nəzərdə tutulan prosessual müddətləri pozubsa siz Məhkəmə-Hüquq Şürasına müraciət edə bilərsiniz. Belə ki, “Məhkəmələr və hakimlər haqqında” Azərbaycan Respublikasının Qanununun 111-ci maddəsinə uyğun olaraq fiziki və hüquqi şəxslərin şikayətləri hakimlər barəsində intizam icraatının başlanılmasına dair müraciət üçün səbəblər kimi göstərilir. Həmin Qanunun 111-1-ci maddəsinə əsasən işlərə baxarkən qanunvericiliyin tələblərini dəfələrlə və ya kobudcasına pozduqda və hakim etikasını pozduqda hakimlərin intizam məsuliyyətinə cəlb edilməsi üçün əsaslardır.

 

Sualınıza görə təşəkkür edirik.

 

2010-09-22

389  Nana (22-09-2010). Salam. Bosandiqdan sonra alimentden elave usaq ucun usaqin saxlanmasi ucun elave xerc teleb ede bileremmi???? Meselen musiqi reqs ve idmana getdiyi ucun. Mene dediler ki Aile mecellesine esasen bu ola biler mene xahis edirem etrafli yazin

Salam.

Ailə Məcəlləsinin 78-ci maddəsinə əaasən uşaqların saxlanması üçün vəsait tutulmasını tələb edən şəxsin xahişi ilə alimentin miqdarı məhkəmə tərəfindən hər ay ödənilməli olan sabit pul məbləğində və ya eyni zamanda həm sabit pul məbləğində, həm də bu Ailə Məcəllənin 76-cı maddəsinə (1 uşağa görə—qazancın və (və ya) valideynlərin başqa gəlirlərinin dörddə bir hissəsi; 2 uşağa görə—qazancın (başqa gəlirlərin) üçdə bir hissəsi; 3 və daha çox uşağa görə—qazancın (başqa gəlirlərin) yarısı.) uyğun olaraq qazancın (gəlirin) müəyyən hissəsi kimi müəyyən edilə bilər. 

 

Sabit pul məbləğinin miqdarı məhkəmə tərəfindən tərəflərin maddi və ailə vəziyyəti, diqqətəlayiq olan digər hallar nəzərə alınmaqla uşağın əvvəlki təminatının səviyyəsinin mümkün qədər maksimal saxlanması əsas tutularaq müəyyən edilir.

 

Sualınıza görə təşəkkür edirik.

 

2010-09-22

390  Elçin (22-09-2010). Salam. Haminizi salamlayiram. Baki seherinde her hansi bir istiqamete marsurut xettini almaq ucun ve ya yeni xett acmaq ucun hansi orqana hansi senedlerle muraciet etmek lazimdir.Cox sag olun...

Salam.

 

Şəhərdaxili (rayondaxili) sərnişin daşımaları üçün lisenziyanın alınması - 150 manatdır (Bəzi fəaliyyət növlərinə xüsusi razılıq (lisenziya) verilməsi qaydalarının 35.1-ci maddəsi). Lisenziya Azərbaycan Respublikasının Nəqliyyat Nazirliyi tərəfindən verilir. 

 

LHəmin qaydalara uyğun olaraq lisenziya almaq üçün ərizəçi lisenziya verən dövlət orqanına aşağıdakıları təqdim edir:
 

• lisenziya almaq üçün ərizə. Ərizədə aşağıdakılar öz əksini tapmalıdır:
• hüquqi şəxslər üçün - adı, təşkilati-hüquqi forması, hüquqi ünvanı, hesablaşma hesabının nömrəsi və bankın adı, fəaliyyət növü;
• fiziki şəxslər üçün - adı, atasının adı, soyadı, şəxsiyyət vəsiqəsinə dair məlumatlar (seriya, nömrə, nə vaxt və kim tərəfindən verilmişdir, ünvanı), fəaliyyət növü;
•  hüquqi şəxsin dövlət qeydiyyatı haqqında şəhadətnaməsinin surəti;
• ərizəçinin vergi orqanları tərəfindən uçota alınması haqqında müvafiq sənədin surəti;
• ərizədə qeyd olunan obyektlərdən hər biri üçün ərizəçinin istifadə hüququnu (mülkiyyət hüququ, icarə, istifadə və s. əsasları) təsdiq edən sənədin surəti;
•  bu Qaydaların 2.9-cu bəndinə uyğun olaraq lisenziya almaq üçün dövlət rüsumunun ödənildiyini təsdiq edən sənəd;
•  fəaliyyət növünün xüsusiyyətindən asılı olaraq Azərbaycan Respublikasının Nazirlər Kabineti tərəfindən müəyyən edilən əlavə şərtləri əks etdirən sənədlər.

Ərizəçidən bu Qaydalarda nəzərdə tutulmayan sənədlərin tələb olunması qadağandır. 

Lisenziya verən dövlət orqanı tərəfindən rəy alınması üçün aidiyyəti dövlət orqanına göndərilmiş müraciətə 5 gün müddətində baxılaraq rəy verilir.
Lisenziya almaq üçün təqdim edilən sənədlər lisenziya verən dövlət orqanı tərəfindən qəbul edilir, xüsusi kitabda qeydə alınır, baxılır, çatışmazlıqlar və ya imtina üçün əsas olmadıqda qeydə alındığı gündən başlayaraq 15 gündən gec olmayaraq lisenziya verilməsi haqqında qərar qəbul edilir.
Təqdim edilmiş sənədlərdə çatışmazlıqlar aşkar edildikdə, bu barədə ərizəçiyə 5 gündən gec olmayaraq yazılı məlumat verilir. Onlar aradan qaldırıldıqdan və sənədlər təkrar təqdim edildikdən sonra onlara 5 gün müddətində baxılır və müvafiq qərar qəbul edilir.

 

Sualınıza görə təşəkkür edirik.

 

2010-09-22

391  Nizam (23-09-2010). Salam, yeni dogulmus usag qeydiyyata dusmelidir,yoxsa nece olmalidir?

 

Salam.

 

Bəli. Vətəndaşlıq vəziyyəti aktlarının dövlət qeydiyyatı Qaydasının 2-ci bəndinə əsasən doğumun dövlət qeydiyyatı uşağın doğulduğu yerdə və ya valideynlərin, yaxud onlardan birinin yaşadığı yerdə Qeydiyyat şöbəsi, konsulluq idarəsi və icra hakimiyyətinin nümayəndəliyi tərəfindən aparılır. Uşağın doğulmasının qeydə alındığı yerdən asılı olmayaraq doğum haqqında akt qeydində və doğum haqqında şəhadətnamədə uşağın doğulduğu yer kimi onun doğum yeri göstərilir.

 

Doğum haqqında yazılı və ya şifahi məlumatlar valideynlər və ya onlardan biri tərəfindən verilir, valideynlər xəstə olduqda, öldükdə və ya başqa səbəblərə görə onların məlumat verməsi mümkün olmadıqda məlumat qohumlar, qonşular, uşağın doğulduğu tibb müəssisəsinin müdiriyyəti və başqa şəxslər tərəfindən verilir.

Doğum haqqında məlumat uşağın doğulduğu gündən ən geci 3 ay ərzində, uşaq ölü doğulduqda isə ən geci doğum vaxtından ötən 3 gün müddətində verilməlidir.

Sualınıza görə təşəkkür edirik.

2010-09-23

392  Kerem (23-09-2010). Здравствуйте. Разрешается ли по закону изменить проект квартиры? Например изменить место кухни с комнатой и т.д.?

 

Салам.

 

 

 

Разрешается, но только после согласования (здесь форма решения выдаваемое местной исполнительной властью) с местной исполнительной властью (Глава 24 Жилищного Кодекса). 

 

Спасибо за вопрос.

 

2010-09-23

 

393  Anar (23-09-2010). Salam, bagiwlayin bir daha eyni sualla sizi narahat etdiyimcun. Gurcustandan vilayetinden getirdiyim Ford Transit markali yuk avtomobilini Shirvan sheherinde qeydiyyatdan kecirmek meqsediyle avtomobilin qeydiyyata salinmasi ve dovlet qeydiyyat nomre niwani almagcun mueyyen resmi quruma muraciet etdim ,numayende menden 180 manat mebleginde pul istedi.Zehmet olmasa bunun ne derecede dogru oldugunu izah edesiniz.Eslinde men ne qeder dovlet rusumu kocurmeliyem ve bununla bagli men bu meselenin qanunu yolla hell olunmasindan otru hara muraciet etmeliyem.Evvelceden minnetdarligimi bildirirem.

 

Salam.

 

Əgər siz artıq gömrük rəsmilləşdirməni keçmisinizsə nəqliyyat vasitələrinə və onların idarə edilməsi ilə bağlı aşağıdakı rüsumları ödəməlisin (Dövlət rüsumu haqqında Qanunun 18.65-ci maddəsi):

 

Nəqliyyat vasitələrinin illik texniki baxışdan keçirilməsinə görə:

18.65.1.1. avtonəqliyyat vasitələri üçün - 10 manat;

18.65.1.2. motonəqliyyat vasitələri, traktor, tikintidə, meşə və kənd təsərrüfatında, başqa işlərdə istifadə üçün nəzərdə tutulan özügedən maşınlar, texnoloji, yarış məqsədli idman və digər mexaniki nəqliyyat vasitələri, qoşqular, yarımqoşqular üçün - 5 manat;

18.65.2. Nəqliyyat vasitələrinin texniki uçot göstəricilərinə dəyişikliklər edilməsi zamanı və ya nəqliyyat vasitəsi alıcısının tələbi ilə nəqliyyat vasitələrinə texniki baxış keçirilməsi üçün:

18.65.2.1.  avtonəqliyyat vasitələri üçün - 10 manat;

18.65.2.2. motonəqliyyat vasitələri, traktor, tikintidə, meşə və kənd təsərrüfatında, başqa işlərdə istifadə üçün nəzərdə tutulan özügedən maşınlar, texnoloji, yarış məqsədli idman və digər mexaniki nəqliyyat vasitələri, qoşqular, yarımqoşqular üçün - 5 manat;

18.65.3. Nəqliyyat vasitələrinin qeydiyyatına (təkrar qeydiyyatına, daimi və müvəqqəti uçota alınmasına, nəqliyyat vasitələrinin özgəninkiləşdirilməsi haqqında müqavilələrin müvafiq icra hakimiyyəti orqanlarında dövlət qeydiyyatına) görə:

18.65.3.1. avtonəqliyyat vasitələri üçün -10 manat;

18.65.3.2. motonəqliyyat vasitələri, traktor, tikintidə, meşə və kənd təsərrüfatında, başqa işlərdə istifadə üçün nəzərdə tutulan özügedən maşınlar, texnoloji, yarış məqsədli idman və digər mexaniki nəqliyyat vasitələri, qoşqular, yarımqoşqular üçün - 5 manat;

18.65.4. Sürücülük vəsiqəsinin verilməsi üçün imtahanların qəbuluna görə:

18.65.4.1. avto-moto nəqliyyat vasitələrinin, tramvay və trolleybusların idarə olunmasının milli və beynəlxalq sürücülük vəsiqəsi üçün - 20 manat;

18.65.4.2. digər sürücülük vəsiqəsi, o cümlədən traktorçu maşinist vəsiqəsi üçün -5 manat

18.65.5. Sürücülük vəsiqəsinin verilməsi - 15 manat;

18.65.6. Dövlət qeydiyyat nişanlarının verilməsi - 18 manat;

18.65.7. Qeydiyyat şəhadətnaməsinin verilməsi - 15 manat;

18.65.8. Yol şəbəkəsinin müəyyən hissələrinə yük daşıyan nəqliyyat vasitələrinin və avtobusların buraxılması barədə xüsusi buraxılış vəsiqələrinin verilməsi - 5 manat;

18.65.9. Avtomobil yollarının ayırma zolağında inşa olunan obyektlərdə təhlükəsiz hərəkət sxemlərinin hazırlanması və razılaşdırılması - 5 manat;

Sualınıza görə təşəkkür edirik.

 

2010-09-23

 

394  Elnur (23-09-2010). Salam sizi 1 sualla narahat etmek isteyirem. Menim Heyat yoldashim ( eger bele demek olarsa ) 2 Korpemi ustume ataraq evden cixib gedib. Buna sebeb mene gelen zengin olmasidi. Ancaq faktiki olaraq hemin xanimin sef dushmesi her sheyi alt ust edib. Amma men bunda bir sebeb gormurem. Getmemishden qabag faktiki olaraq bele bir sohbet edib ki bunun o vaxt sevdiyi oglan buna teklif edib at ushaqlarivi men seni qachirdim deye. Men ona el vurmamiwam istediyini almisham. BU sohbetde menim qonshumun eli olub onun getmeyinde. Sizden 1 xaishim var mene komeklik edin meslehete ehtiyacim var en azinnan. Chunki 2 uwagim ustumdedi yeniki olari ona veren deyilem ushaq isteyen evinde olardi.

 

Salam.

 

Çalışın həyat  yoldaşınızla münasibətlərinizi aydınlaşdırın. Hər bir halda birgə yaşamaq və ya yaşamamaq hər ikinizdən asılıdır. Əgər hər hansı anlaşılmazlıq baş veribsə vaxtında aradan qaldırın, çünki sonrakı peşmançılıq fayda verməz. Razılığa gəlmədiyiniz halda bütün mübahisələr Ailə Məcəlləsinin 22-ci maddəsinə əsasən məhkəmə tərəfindən həll olunacaq (o cümlədən, uşaqların valideynlərindən hansının yanında qaldığını müəyyən etmək).

 

Sualınıza görə təşəkkür edirik.

 

2010-09-24

395  Elnur (23-09-2010). Yadimnan cixdi bayaq yazmadim Heyat Yoldashim Zaks kagizlarinda ozu ile goturub. Bir soznen senedi ogurlayib evden. Men bele bir neticeye gelirem Heyat yoldashimin qonshulara dediyi sozler duzdu bu evvelki sevdiyi oglanla qachib. Onu da elave edim ki ozum kasib oglanam amma her bir ehtiyacini canla bashla elemishem gucum chatana qeder. Problemimiz yox idi bu sohbet ortaya cixmayana qeder bu insan ushaqlari atib gedennen sora mene bu sohbet catib hansi ki bunun lap evvelki sevdiyi oglan buna teklif edib gel seni qacirdim. Xaish edirem bu barede mene komeklik edin.

Birdə Salam.

Bununla bağlı artıq fikrimizi bildirdik. Adətən hüquqi məsləhət verməklə məşğuluq. Bu sual isə daha çox ailə problemlərinə aiddir. Amma etibarınıza görə təşəkkür edirik.

 

2010-09-24

396  Tural (23-09-2010). Salam ALEYKUM, SIzden yazib oyrenmek istediyim budur ki DYP-nin cerimesini men hansisa bankda odeye bilerem? Birde Qirmizi ishigin cerimesi 22-44 manat-a kimi nezerde tutulur, onlar bunu neye esasen teyin edirler axi muveqqeti talonda yazilmayib meblegin tutumu. Onceden teshekkur edirem.

 

Salam.

 

Bəli ödəyə bilərsiniz. İnzibati Xətalar Məcəlləsinin 451.3-cü maddəsinə əsasən həmin Məcəllənin 452.1-ci maddəsində (İnzibati xətanın törədildiyi yerdə inzibati cərimə tutulduqda fiziki şəxsə müəyyən edilmiş nümunədə qəbz verilir.) nəzərdə tutulan hallar istisna olmaqla inzibati cərimə inzibati xəta törətmiş şəxs tərəfindən banka və ya səlahiyyətli kredit təşkilatına ödənilir və ya köçürülür.

 

Cərimə tutulduqda İnzibati Xətalar Məcəlləsinin 32.2-ci maddəsi nəzərə almalıdır. Belə ki, fiziki və ya vəzifəli şəxslər barəsində inzibati tənbeh tətbiq edilərkən xətanın xarakteri, inzibati xəta törədən şəxsin şəxsiyyəti, onun təqsirinin dərəcəsi, əmlak vəziyyəti, habelə məsuliyyəti yüngülləşdirən və ağırlaşdıran hallar nəzərə alınır. Əgər səlahiyyətli şəxsin qərarı ilə razı deyilsiniz məhkəməyə şikayət edə bilərsiniz.

 

Sualınıza görə təşəkkür edirik.

 

2010-09-24

397  Nana (24-09-2010). Salam Klinikada emeliyyat edilmis sexsi emliyyatdan sonra sikest olub. Puluda qaytarmirlar ne edek??????

Salam.

Bununla bağlı həm məhkəməyə, həm prokurorluğa müraciət edə bilərsiniz (əgər əsasınız və sübutunuz varsa). Məhkəmə vasitəsilə maddi və mənəvi zərərin əvəzinin ödənilməsini tələb edə bilərsiniz.

 

Sualınıza görə təşəkkür edirik.

 

2010-09-24

398  Quvat (24-09-2010). Salam. Sualım vərəsəlik hüququ ilə bağlı olacaq. Mənim nənəmdən qalma bir evim var. nənəm öləndən sonra o evə vərəsəlik şəhadətnaməsi verilməyib. nənəmində 3 uşağı olub iki bacı bir qardaş. atam öləndən sonra iki bibim də bu evdən pay istəyir. biz də iki qardaşıq. indi bu mülkdən iki bibimə qanunla nə düşür və biz iki qardaşa nə düşür burdan?

Salam.

Mülki Məcəllənin 1159-ci maddəsində vərəsələrin  beş növbəsi nəzərdə tutulub. Birinci növbədə - ölənin uşaqları, miras qoyanın ölümündən sonra doğulmuş uşaq, arvad (ər), valideynlər (övladlığa götürənlər). Onların arasında paylar bərabər bölünür. 

 

Əvvəlki növbənin vərəsələrindən, heç olmasa, birinin mövcudluğu sonrakı növbənin vərəsəliyini istisna edir (maddə 1160).

 

Ona görə də miras üç bərabər paya bölünməlidir. İki payı 2 bacıya bir payı qardaşa. Əgər siz həmin qardaşın vərəsələrisiniz onda siz onun övladları kimi həmin payı öz növbədə iki paya bölməlisiniz.

 

Sualınıza görə təşəkkür edirik.

 

2010-09-24

399  Aynur (24-09-2010). Salam sualıma (371-ci sual) cavab verdiyiniz üçün çox sağ olun. İndi bildim. mənə lazım olan "sonrakı sənədləşmə"dir əqər mümkündürsə bu barədə blok açardız və ya mənim müraciyət edə biləcəyim instansiyaları bildirəsiniz.

Salam.

Yaxın zamanlarda bununla bağlı çalışacayıq ki, ayrıca blok açaq. Bir çox instansiyalra müraciət etməli olacaqsınız ilk növbədə başlanğıc üçün Əmək və Əhalinin Sosial Müdafiəsi Nazirliyinə, Dövlət Sosial Müdafiə  Fonduna, Vergilər Nazirliyinə, Dövlət Statistika Komitəsinə. Ayrı-ayrılıqda ümumi məlumat toplandıqdan sonra bəzi məsələləri aydınlaşdırmaq daha səmərəli olacaq.

 

Sualınıza görə təşəkkür edirik.

 

2010-09-24

400  Samir (24-09-2010). Salam, bilmək istərdim ki, icra məmurların hər hansı bir məhkəmə hökmü üzrə appelyasiya şikayəti vermək hüququ varmı? Belə hüquq varsa, hansı hallarda apellyasiya şikayəti verə bilərlər?

Salam.

Mülki Prosessual Məcəlləsinin 357-ci maddəsinə əsasən Azərbaycan Respublikasının birinci instansiya məhkəmələri tərəfindən qəbul olunmuş qanuni qüvvəyə minməmiş qətnamə və qərardadlardan, həmin Məcəllədə nəzərdə tutulmuş hallar istisna olmaqla, tərəflər, üçüncü şəxslər, xüsusi icraat işlərində ərizəçilər və maraqlı şəxslər apellyasiya şikayəti verə bilər.

 

Həmin hüquqa, işdə iştirak etməyə cəlb edilməyən, lakin qəbul edilən qətnamə onların hüquq və vəzifələrinə toxunan hallarda digər şəxslər də malikdir. Prokuror bu Məcəllənin 50-ci (Tərəflər) və 306-cı (Xüsusi icraat işlərinə baxılması qaydası) maddələrində göstərilən hallarda məhkəmə baxışında iddiaçı və ya ərizəçi olarsa, məhkəmə aktlarından protest verə bilər.

Prokurorun protesti iştirak etdiyi iş üzrə onun tərəfindən apellyasiya instansiyası məhkəməsinə verilən şikayətdir və öz hüquqi mahiyyətinə, hüquqi nəticələrinə görə apellyasiya şikayətinə bərabər tutulur.

 

Sualınıza görə təşəkkür edirik.

 

2010-09-25

401  Gulya (24-09-2010). Salam, mesuliyyetin ferdilesdirilmesi ile mesuliyyetin sexsi xarakter dasimasi arasinda ne ferq var ve ne demekdir?

Salam.

Məsuliyyətin fərdiləşməsi barədə bu anlayışdan müəyyən edə bilərsiniz.   Məsuliyətin şəxsi xarakter daşınması barədə isə qeyd edilməlidir ki, hüquqi məsuliyyət hər zaman publik xarakter daşıyır, çünki qayda-qanunu müdafiə və qanunu pozan şəxsləri məsuliyyətə cəlb etmək dövlətin üzərinə qoyulur.

 

Misal üçün, mülki hüquqda hüququ pozan şəxsə vurulmuş zərərin  ödənilməsi üçün imkan yaradılır və yalnız o, könüllü qaydada yerinə yetirmədiyi təqdirdə məhkəmə qaydasında məcbur şəkildə yerinə yetirilir.  Publik hüquqda (cinayət, inzibati) məsuliyyətin reallaşdırılmasında ilk növbədə dövlətin məcburi tədbirləri tətbiq edilir. 

 

Sualınıza görə təşəkkür edirik.

 

2010-09-25

402  Gulya (24-09-2010). Salam, ceznin ferdilesmesi ne demek dir?

 

Salam.

 

Cinayət hüququnda cəzanın fərdiləşməsi - törədilmiş cinayətin ictimai təhlükə dərəcəsininin xarakterini, təqsirli bilinən şəxsin şəxsiyyətini, ağırlaşdıran və yüngülləşdirən halları nəzərə almaqla, qanunla müəyyən edilmiş sanksiyalar çərçivəsində cəzanın təyin edilməsidir.

 

Misal üçün əgər yetkinlik yaşına çatmayan şəxs və ya hamilə qadın cinayət məsuliyyətinə cəlb olunursa onlara qarşı münasibət fərqli olur (cəzanın yüngülləşdirilməsi və s) və cəza fərdiləşir.

 

Sualınıza görə təşəkkür edirik.

 

2010-09-25

 

 

403  Gulya (24-09-2010). Salam, dovletin mecbur etme tedbirlerine qenaet prinsipi ne demekdir?

 

Salam.

 

Adı çəkilən "qənaət prinsipi" dedikdə aşağıdakılar başa düşməlidir. Cəzanın (və ya məzbur etmə tədbirlərin) ciddiliyi hüquq pozuntusunun ağırlığı ilə müəyyən edilməlidir. Misal üçün ev pəncərəsinin sındırılmasına görə şəxs azadlıqdam məhrum edilməməlidir və digər.

 

Sualınıza görə təşəkkür edirik.

 

2010-09-25

404  Gulya (24-09-2010). Salam, inzibati hakimiyyet ile icra hakimiyyetinin ne ferqi var?

Salam.

 

İcra hakimiyyəti daha geniş anlayışdır və inzibati hakimiyyət ona daxildir.

İcra hakimiyyəti - dövlətdə müstəqil publik hakimiyyətin bir növüdür və dövlət işlərinin idarə edilməsi üçün səlahiyətlər məcmusudur (xarici siyasətdə təmsil etmə, inzibati idarəetmə və s.).

 

İnzibati hakimiyyət, həmçinin hüquq mühafizə orqanlarını da adlandırmaq olar. Çünki məcbur etmə səlahiyyətləri onlara daha çox mənsubdur.

 

Sualınıza görə tşəkkür edirik.

 

2010-09-25

405  Gulya (24-09-2010). Salam korparativ uzvluk ne demekdir?

Salam.

Korporativ üzvlük hüquq anlayışına aid etmək olmaz. Çünki adətən hansısa bir kluba və ya bir şirkətin üzvlüyü ilə bağlıdır. Bu üzvlük ola bilsin ki, müəyyən güzəştlər və imtiyazları nəzərdə tuta bilər (müəyyən malların daha ucuz alınması, pulsuz geyim və qida və s.). 

 

Nəzərinizə çatdıraq ki, De Jure izahlı luğət deyil. Çalışın hüquqa aid sualları ünvanlayın.

 

Sualınıza görə təşəkkür edirik.

 

406  Gulya (24-09-2010). Deleqe ne demekdir?

Salam.

De Lege latın dilindən qanun vasitəsilə (köməyi ilə) və ya qanunun digər məfhumlardan bölünməsini göstərən ifadədir. 

Delegare ilə qarışdırmamaq (lat. yönəlmək, göndərmək) öz səlahiyyətlərini başqasına həvalə etmək.

 

Sualınıza görə təşəkkür edirik.

 

2010-09-25

407  Gulya (24-09-2010). Salam, evvala cox minnetdaram size ,zehmet olmasa deyin fovqelade qanun ile fovqelade veziyyet haqqinda qanunun ne ne demekdir? ve ne ferqi var?

Salam.

 

Baxmayaraq ki, bizim qanunvericilikdə Fövqaladə Qanun anlayışı nəzərdə tutlmayıb. Adətən Fövqaladə Qanun parlament tərəfindən adi qaydada (və ya xüsusi səs çoxluğu ilə) qəbul olunan Qanundur. Lakın digər qanunlardan daha yüksək və ya ən yüksək qüvvəyə malikdir, hətta bütün mövcud olan qanunları ləğv edə biləcək bir Qanun ola bilər (misal üçün, inqlab baş verəndə), həmin Qanun bütün qanunlarla ziddiyyət yarada bilər.  

 

Fövqəladə vəziyyət haqqında Qanun ilə burda tanış ola bilərsiniz.

 

Sualınıza görə tşəkkür edirik.

 

2010-09-25

408  İlkin (24-09-2010). Salam. Alqi-satqi muqavilesile 2009-cu ilda ev aldim.indi MIS-da dediler evvalki sahibler qeydiyyatdan cixmayiblar. Ozleri ise Rusiyadadirlar.onlari qeydiyyatdan cixarmaq ucun ne etmaliyem ve ya ozleri gelse qeydiyyatdan cixmaq ucun hansi prosedur olmalidir? evvelden minnetdarliq!

Salam.

Yaşayış yeri və olduğu yer üzrə qeydiyyat haqqında Qanunun 9-cu maddəsinə əsasən  şəxs yaşayış yeri üzrə qeydiyyatdan aşağıdakı hallarda çıxarılır:

1) yaşayış yerini dəyişdikdə — yeni yaşayış yeri üzrə qeydiyyata alınması barədə müvafiq icra hakimiyyəti orqanlarının məlumatına əsasən (DİN-nin pasport-qeydiyyat şöbəsi);

2) başqa ölkədə yaşayış yeri seçdikdə — müvafiq icra hakimiyyəti orqanlarının məlumatına əsasən. (Dövlət Miqrasiya Xidməti).

 

Bunun üçün yuxarıdakı instansiyalara ərizə ilə müraciət etməlisiniz.

 

Sualınıza görə təşəkkür edirik.

 

2010-09-25

409  Sabina (24-09-2010). Salam, men firmalarin birinde satish temsilcisi ishleyirem.Menim kimi shirketde butun satish temsilcilerinin adina mueyyen mebleg "yuklenib". Bizden hemin meblegin odenmesini teleb edirler. Lakin biz bu meblegin hardan yazildiginin tapa bilmirik. Sualim bundan ibaretdir ki, onlar bizi olmayan pullara gore intiham ede bilerler, yeni polise vere bilerler?Xatirladim ki mallari adi fakturalarla qebul edib satisha paylayiriq. Biz ne etmeliyik? Mumkunse oz fikrinizi bize aciqlayardiniz. Teshekkurler

 

Salam.

 

İlk növbədə siz və hüquqi şəxs arasında müqavilə olmalıdır (komissiya və ya digər müqavilə). Həmin müqavilədə sizin və onların hüquq və vəzifələr əks olunmalıdır. Əgər sizə hansı bir mallar təqdim olunursa onların təhvil-təslim keçirilməlidir (hüquqi şəxsə malların qaytarılması da nəzərdə tutula  bilər). Müqavilə üzrə bir çox şərtlər nəzərdə tutula bilər. Lakın hər bir halda həmin mübahisələr yalnız məhkəmə vasitəsilə həll oluna bilər (polisin cəlb oluması üçün əsas yoxdur).

 

Sualınıza görə təşəkkür edirik.

 

2010-09-26

410  ZAUR (25-09-2010). YAN SUSELERE PLYONKANIN CERIMESI NECEDI?

 

Salam.

 

Oxşar sualları dəfələrlə cavablandırmışıq. Ətraflı Məsləhətxananın 377, 204, 158-ci suallarına nəzər yetirməyinizə xahiş edirik.

 

İnzibati Xətalar Məcəlləsinin 155.2.1-ci maddəsinə əsasən tormoz sistemi və ya sükan idarə mexanizmi nasaz olan və ya xarici işıq cihazları və ya qabaq şüşənin şüşə silgəcləri və şüşəyuyanları və ya təkərləri və şinləri və ya mühərriyi, yaxud konstruksiyasının digər ünsürləri nasaz olan və belə nasazlığın aradan qaldırılması mümkün olmayan nəqliyyat vasitəsinin istismarına görə

 

- iyirmi manatdan otuz manatadək miqdarda cərimə edilir.

 

Təşəkkürlər.

 

2010-09-26

411  Azer (25-09-2010) Salam. Ailemin ve menim qaldigimiz ev babamin adinadi babam vefat edib. 2 evim var 1 bibim. mende kicik oglun ogluyam.Atamda vefat edib.Emilerim ve bibim ayri yerde qalirlar.Ama evin senedleri bibimdedi.Indi bibim evi bizden xebersiz bashqa birinin adina kecire biler???? Ve ya emilerim ya bibim bizi evden cixarda biler???

 

Salam.

 

Mübahisəlidir. Hər bir halda məhkəməyə müraciət etməlisiniz. Məsələnin özünüz üçün aydınlaşdırmaq üçün Məsləhətxananın 398, 70, 49-cu suallarına nəzər yetirməyinizə xahiş edirik.

 

Sualınıza görə təşəkkür edirik.

 

2010-09-26

412  Emin (25-09-2010). Salam. Anam Şəhid ailesi ucun nezerde tutulan prezident taqudu alir. Bakinin rayonlarinda birinin Əmək və Əhalinin Sosial Mudafiəsi Şöbəsi tərəfindən teyin olunub 2006-ci ilden. Hazirda rayonumuzu deyisirik yani Baki seherinin basqa rayonunda daimi pasport qeydiyyatinda duracaq bu zaman taqaud (pensiya)isi avvalki rayonda qala bilermi? Qanunla bu mumkunmu? Yani pensiyaci pensiya isini oz arzusu ile saxlaya bilermi istenilen yerde. Her bir halda odanis bank karti vaistesi ile aparilir. xahis edirem sualimi cavab landirasiniz. Oncadan tasakkurumu bildirirem.

 

Salam.

 

11 iyun 2002-ci il tarixli  715 №-li Prezidentin Fərmanının 2-ci bəndinə əsasən fərdi təqaüd Azərbaycan Respublikası Prezidentinin qərarı ilə dövlət büdcəsi hesabına verilir.

 

Sosial müavinətlər haqqında Qanunun 10.1-cu maddəsinə əsasən müavinətlər şəxsin yaşayış yeri üzrə müvafiq icra hakimiyyəti orqanları tərəfindən təyin edilir və ödənilir. Yerinizi dəyişdirildiktən sonra siz yerli Sosial Müdafiə Fondunun şöbəsinə müraciət edə bilərsiniz və müavinətin (əgər bu müavinətdirsə) hardan alınmasını onlarla dəqiqləşdirə bilərsiniz. Hər bir halda sizin istəyiniz də nəzərə alınmalıdır. 

 

Sualınıza görə təşəkkür edirik.

 

2010-09-26

413  Namiq (25-09-2010). Salam. Sizin sayt vasitəsilə aldığım məlumatlar hər zaman mənə kömək edib. Ümid edirəm siz mənə aşağıda yazdığım suala cavab tapmaqdada kömək edərsiz.Mən bilmək istərdim "Tərəqqi" medalı ilə təltif olunan şəxs təqaüdə çıxarkən hər hansı əlavə pul almalıdırmı? Qeyd edim ki, işlədiyi dövrdə medala görə ayda 50 manat əlavə pul verirlər, lakin işdən çıxan zaman həmin pul kəsilir. "Tərəqqi" medalı ilə təltif olunan şəxs əgər işləmirsə və təqaüdçüdürsə medala görə əlavə pul almalıdırmı?

Salam.

Vergi Məcəlləsinin 102-ci maddəsində bir çox güzəştlər nəzərdə tutulub, o cümlədən Milli Qəhrəmanlar, Şöhrət ordenin sahibləri və sair şəxslər üçün. Bu orden və medallara görə əlavə pul verilmir, sadəcə hər hansı muzdlu işdən vergi tutulmalı olan aylıq gəlirdən müəyyən  məbləğdə azaldılır. 

"Tərəqqi" medalının Əsasnaməsinin və təsvirinin təsdiq edilməsi haqqında Qanun ilə burda tanış ola bilərsiniz.

Sualınıza görə təşəkkür edirik.

 

2010-09-26

414  Azer (26-09-2010). Salam. Ozune qesden tehrik etmeye gore neche il hesb verilir??? indiden tewekkur

Salam.

Görəsən bu necə mümkündür "özünə qarşı təhrik etmək"?

Biz bu ifadə ilə birinci dəfədir rastlaşırıq və qanunvericlikdə bununla bağlı heç bir şey nəzərdə tutulmayıb.

 

Sualınıza görə təşəkkür edirik.

 

2010-09-27

415  Vasif (26-09-2010). Salam. Bilmek isteyirem ki, maaş cedvəlində işçinin maaşı müdür maaşından çox göstərilə bilərmi. Əvvəlcədən təşəkkürümü bildirirəm.

Salam.

Bununla bağlı heç bir məhdudiyyət yoxdur. Çox vaxt elə olur ki, işçi daha peşakar mütəxəssis olur və daha ağır vəzifələr yerinə yetirir. Direktor isə sadəcə ümumi rəhbərlik funksiyalarını həyata keçirir.

 

Sualınıza görə təşəkkür edirik.

 

2010-09-27

416  Camal (27-09-2010). Lombardlar bank olmayan kredit teskilatlaridirmi ve bu fealiyyet novi ucun huquqi sexsler elave olaraq xususi lisenziya almalidirmi? saq olun.

Salam.

7 noyabr 2002-ci il tarixli Nazirlər Kabinetinin Qərarı ilə № 173 "Lombard fəaliyyətinə xüsusi razılıq (lisenziya) verilməsi Qaydalarının təsdiq edilməsi haqqında" Nazirlər Kabinetinin 1998-ci il 20 aprel tarixli, 89 nömrəli qərarı qüvvədən düşmüdür. Hal-hazırda bu fəaliyyət növü üçün lisenziya tələb olunmur.

 

Sualınıza görə təşəkkür edirik.

 

2010-09-27

417  Eldar (27-09-2010). Salam DeJure.Az,379-cu sualda cavabinizda bildirdiyiniz kimi men kechmish heyat yoldashima mexsus eshayalari onlarla qaytararken tehvil-teslim akti tertib etdim.Orda bele bir abzast da elave etdim ki “heyat yoldashim ve onun ailesi mene qarshi bundan sonra əmlak və mulk tələbi ilə bagli hech bir məhkəmə və digər iddiası olmayacaq”.Tehvil teslim prosesi vaxti kechmish heyat yoldashimin valideynlerinden bashqa orda eshyalari dashamqa komek eden fehleler, eshayalri aparmaga gelen surucu ve menim de ailemden uzvler var idi. Hami akti imzaladi.Meni iki sual maraqlandirir. 1)Bu aktin notarial qaydada tesdiq olunmasina ehtiyac var??? Yoxsa onun her zaman huquqi quvvesi var? Sabah men ondan mene qarshi achilan mehkeme davalarinda subut delil kimi istifade ede bilerem?2) Eger Notarial qaydada tesdiq etmek vacibdirse o zaman, bunun mebleghi nedir?Diqqetinize ve komeyinize gore minnetdaram. Hormetle Eldar

Salam.

Dövlət rüsumu haqqında Qanunun 10.19-cu maddəsinə əsasən tərəfindən müştərinin verdiyi bildiriş üzrə əvvəlcədən razılaşdırılmış vaxtda qəbulu üçün

10.20.  müəyyən edilmiş hallarda müştərini onun qabaqcadan verdiyi bildiriş üzrə iş yerindən kənarda notariat hərəkətlərinin aparılmasına görə getmək üçün notariat kontorlarına 3 manat rüsum ödənilir. Notariusun iş yerindən kənarda notariat hərəkətlərinin aparılmasına görə olduğu vaxtın hər bir saatı  - 3 manat təşkil edir (maddəs 10.21). 

 

Prinsipcə hər bir tərəflə imzalanmış sənəd məhkəmədə sübut kimi qəbul olunmalıdır. Amma notariat qaydsında təsdiq edilmə maneə törətməz. 

 

Sualınıza görə təşəkkür edirik.

 

2010-09-28

418  Qızçiçəyi (27-09-2010). Salam mulki mecellede madde 443.5 in izahini vererdiz zehmet olmasa twk

 

Salam.

 

Mülki Məcəllənin 443.5-ci maddəsi aşağıda göstərilib:

 

Borclu icranı gecikdirdikdə kreditor ona öhdəliyin icrası üçün zəruri vaxt təyin edə bilər. Əgər borclu öhdəliyi bu müddətdə də icra etməzsə, kreditor öhdəliyin icrası əvəzinə zərərin əvəzinin ödənilməsini tələb edə bilər. 

 

Misal üçün müqavilə əsasında borclu 6 aydan sonra evin təmir işləri həyata keçirməli və işi təhvil verməlidir (və ya malları çatdırmalıdır). Əgər həmin öhdəlikləri yerinə yetirmədisə kreditor (və ya sifarişçi) 1 ay son müddət təyin edə bilər (əgər üzrlü səbəblər varsa). Bütün müddətlər pozulduqdan sonra həmin Sifarişçi ona dəymş zərərin ödənilməsini tələb edə bilər. Misal üçün mallar vaxtında çatdırmadıqda hər gün itirilən gəlir hesablanır. Evin təmir işləri gecikdiriləndə kirayə üçün tələb olunan aylıq pulu hesablana bilər və s.

 

Sualınıza görə təşəkkür edirik.

 

2010-09-28

419  Nana (27-09-2010). Polise ne vaxt sikayet olunur? Polise ne vaxt sikayet olunur? Hansi hallarda prokurorluqa sikayet olunur?

Salam.

Baxmayaraq ki, qısa sualdır bir çox sahələri əhatə edir. Çünki prokurorluğun və polisin kifayət qədər geniş səlahiyyətləri var.

Ətraflı məlumat əldə etmək istəyirsinizsə Prokurorluq haqqında və Polis haqqında Qanunlarla tanış olmalısınız.

 

Belə ki, 

Polisin fəaliyyətinin əsas istiqamətləri aşağıdakılardır (Polis haqqında Qanunun 2-ci maddəsi):
 

• ictimai qaydanın qorunması və ictimai təhlükəsizliyin təmin edilməsi;
• cinayətlərin və digər xətaların qarşısının alınması və açılması; 
• yol hərəkəti təhlükəsizliyinin təmin edilməsi.

 

Prokurorluğun fəaliyyət istiqamətləri (Prokurorluq haqqında Qanunun 4-cü maddəsi):

 

• cinayət işi başlayır və ibtidai istintaq aparır;
• cinayət işi üzrə ibtidai araşdırmaya prosessual rəhbərlik edir və qanunlara riayət edilməsini təmin edir; 
• təhqiqat və əməliyyat-axtarış orqanlarının fəaliyyətində qanunların icra və tətbiq olunmasına nəzarət edir;
• məhkəmədə iddia qaldırır (ərizə verir), mülki və iqtisadi mübahisələrə dair işlərə baxılmasında iddiaçı kimi iştirak edir;
• məhkəmədə cinayət işlərinə baxılmasında tərəf kimi iştirak edir, dövlət ittihamını müdafiə edir;
• məhkəmə qərarlarından protest verir;
• məhkəmələr tərəfindən təyin edilmiş cəzaların məqsədinə nail olunmasında iştirak edir

 

Sualınıza görə təşəkkür edirik.

 

2010-09-28

 

420  Niki (28-09-2010) Salam! Əgər vətəndaş dövlət müəssisəsində işləyirsə o, hüquqi şəxs kimi dövlət qeydiyyatından keçib komersiyya fəaliyyəti ilə məşğul ola bilər?

Salam.

 

Yəqin ki, demək istəyirdiniz fiziki şəxs kimi (hüquqi şəxs - təşkilat, müəssisə və s.).

 

Əgər həmin şəxs dövlət qulluqçusu hesab edilirsə onda Dövlət qulluğu haqqında Qanunun 20-ci maddəsinin tələblərinə riayət etməlidir. 

 

Belə ki, dövlət orqanlarında əlavə ödənişli (əmək qanunvericiliyində nəzərdə tutulmuş qaydada müvəqqəti əvəz edilməsi halları istisna olmaqla), heç bir seçkili və ya təyinatlı vəzifə tutmağa, elmi və yaradıcılıq fəaliyyəti istisna olmaqla, qulluq keçdiyi dövlət orqanı rəhbərinin icazəsi olmadan pedaqoji və başqa ödənişli  fəaliyyətlə məşğul olmağa ixtiyarı yoxdur.

 

Sualınıza görə təşəkkür edirik.

 

2010-09-28

421  Araz (28-09-2010). Salam. Əcnəbi vətəndasin burda(Apşeron r-a) geydiyata düşmək üçün dövlət rusümuylə nə gədər ödəməlidir, bütün sənədlərin hazir olmagla.

 

Salam.

 

Dövlət rüsumu haqqında Qanunun 14.8-ci maddəsinə əsasən:

14.8.1. Azərbaycan Respublikasının ərazisində müvəqqəti yaşamaq üçün icazə vəsiqəsinin verilməsinə və müddətinin uzadılmasına görə:

 

• 3 ayadək - 30 manat
• 6 ayadək - 60 manat
• 1 ilədək - 120 manat

 

Əgər həmin şəxs Azərbaycanda işləyəcəksə. Onda həmin Qanunun 18.58-ci maddəsinə uyğun olaraq əcnəbilərin Azərbaycan Respublikasında haqqı ödənilən əmək fəaliyyətini həyata keçirmələri üçün fərdi icazələrin alınmasına və onların müddətinin uzadılmasına görə 1000 manat rüsum ödənilməlidir (ilkin icazəyə görə və uzadılmaya görə).

 

Sənədlərin hazır olması həmin şəxsin özündən asılıdır. Qeyd edilməlidir ki, bu məsələyə ilə əlaqədar Dövlət Miqrasiya Xidmətinə müraciət edilməlidir.

 

Sualınıza görə təşəkkür edirik.

 

2010-09-28

422  Niki (28-09-2010). Salam! Mülki qaydada bağlanan müqavilə əsasında muzd haqqından vergi istisna olmaqla hansısa ödəmələr tutulurmu?

 

Salam.

 

 

 

Əgər sadələşdirilmiş vergi ödəyicidirsə 4% və ьəcburi dövlət sosial sığorta haqqı (Sosial sığorta haqqında Qanunun 14-cü maddəsi). Bu da artıq sizin faəliyyət növünüzdən asılıdır. Gəlirlərinin 25%, 20%, 15%  miqdarında, minimum aylıq əmək haqqının 50 faizi və ya 20% ola bilər.

 

Sualınıza görə təşəkkür edirik.

 

2010-09-28

423  Guler (28-09-2010) 2 ci qrup elil insan dovlet muessesinde isleye bilermi? tesekkur edirem

 

Salam.

Siz bu sualı artıq vermişdiniz (335-ci sual - 13.09.2010). Bəli işləyə bilərsiniz. Oxşar sual Məsləhətxananın 81-ci sualında cavablandırılmışdır.

Sualınıza görə təşəkkür edirik.

 

Bu qədər.

 

2010-09-28

 

424  Rasimə (28-09-2010). Salam. Mənim şəxsiyyət vəsiqəmin vaxtı 2008-ci ildə bitibş Bilmək istərdim vəsiqəni dəyişdirçək üçün mənə hansı sənədlər lazımdı? Mən familyamın sonluğunda olan -ova şəkilçisini ata bilərəmmi?

Salam.

Azərbaycan Respublikasının vətəndaşları “-ov” “-yev”, sonluqlu soyadlarını “-lı” (sözün kökündən asılı olaraq “-li”, “-lu”, “-lü”), “-zadə”, “-oğlu”, “-qızı” sonluqlu və ya sonluqsuz ifadə formaları ilə əvəz edə bilərlər (Azərbaycan Respublikası vətəndaşlarının soyadlarının dövlət dilinə uyğunlaşdırılması haqqında Milli Məclisin Qərarı).

 

Azərbaycan Respublikası Milli Məclisinin 994-cü il 29 noyabr tarixli 928 saylı qərarı ilə əsdiq edilmiş Azərbaycan Respublikası vətəndaşının şəxsiyyət vəsiqəsi haqqında” Azərbaycan Respublikası Qanununun tətbiqi haqqında Əsasnamənin 12-ci maddəsinə uyğun həyata keçirilir:

Şəxsiyyət vəsiqəsi dəyişdirildikdə bu Əsasnamənin 3, 5—11-ci bəndlərində nəzərdə tutulmuş qaydalar tətbiq olunur. Vətəndaş 25, 35, 50 yaşına çatdıqda və ya onun şəxsiyyət vəsiqəsində olan yazılar təhrif edildikdə, şəxsiyyət vəsiqəsi yararsız hala düşdükdə şəxsiyyət vəsiqəsini dəyişdirmək üçün—şəxsiyyət vəsiqəsi; vətəndaşın soyadı, adı, atasının adı, ailə vəziyyəti dəyişdikdə—vətəndaşlıq vəziyyəti aktlarının dövlət qeydiyyatını aparan orqanlar tərəfindən verilmiş sənədlər, vətəndaşın yaşayış yeri dəyişdikdə — ev, mənzil barədə müvafiq sənədlər, hərbi vəzifəsi dəyişdikdə—hərbi bilet və ya təhkim şəhadətnaməsi bu Əsasnamənin 3-cü və 7-ci bəndlərində göstərilən sənədlərlə birlikdə təqdim edilməlidir (yəni dəyişdirmənin səbəbindən asılı olaraq).

 

Sualınıza görə təşəkkür edirik.

2010-09-28

426  Taleh (29-09-2010). SAlam!!! Zəhmət olmasa cavab verin!!! Banka borcu olan insan 200 gün borcunu ödəmir!!! 200 gündən sonra banka gəlir əsas kredit və faiz məbləğini ödəyir. Sualim belədi: 1.Silinmə hansı ardıcıllıqla aparılmalıdır ,(penya , faiz, əsas məbləğ)2.Əsas məbləğ va faiz sıfırlandığı halda cərimə pulunun alınması üçün məhkəməyə müraciət etmək olar mı ,və bu cərimə pulunu alınması nə gədər realdır ?

 

Salam.

 

Bəli müraciət etmək olar. Belə ki,  Mülki Məcəlləsinin 21.2-ci maddəsinə görə zərər dedikdə, hüququ pozulmuş şəxsin pozulmuş hüququnu bərpa etmək üçün çəkdiyi və ya çəkməli olduğu xərclər, əmlakından məhrum olması və ya əmlakının zədələnməsi (real zərər), habelə hüququ pozulmasaydı, həmin şəxsin adi mülki dövriyyə şəraitində əldə edəcəyi gəlirlər(əldən çıxmış fayda) nəzərdə tutulur. 

 

Mülki Məcəlləsinin 449-cu maddəsinin bəzi müddəalarının şərh olunmasına dair 9 iyul 2009-cu il tarixli Azərbaycan Respublikası Konstitusiya Məhkəməsi Plenumunun Qərarı göstərir - MM-in 449.1-ci maddəsi nəzərdə tutur ki, özgəsinin pul vəsaitini qanunsuz saxlamaqla, onu qaytarmaqdan boyun qaçırmaqla, onun ödənilməsini digər şəkildə gecikdirməklə və ya başqa şəxsin hesabına pul vəsaitini əsassız əldə etməklə və ya toplamaqla ondan faydalanmağa görə həmin vəsaitin məbləğindən faizlər ödənilməlidir. Faizlərin miqdarı pul öhdəliyinin və ya onun müvafiq hissəsinin icra edildiyi gün üçün bank dərəcəsi ilə müəyyənləşdirilir. Borc məhkəmə qaydasında tutulduqda məhkəmə kreditorun tələbini qərarın çıxarıldığı gün üçün bank uçot dərəcəsini əsas götürməklə ödəyə bilər.

Qeyd olunan məbləğlərin məhkəmə qaydasında alınması iddiaçı tərəfindən müvafiq əsaslandırmasından və sübutların toplamasından asılıdır.

Sualınıza görə təşəkkür edirik.

2010-09-29

427  Leman (29-09-2010). Aile qurmaq ucun hansi sedenler lazimdir? zaksa muraciet edilen gunu zaksa slirlar? Tesekkurler

Salam.

Məsələ ilə əlaqədar ayrıca blok açmağa qərarına gəldik (sual geniş sahəni əhatə etdiyi üçün). Blok burda yerləşir (NİKAHIN QEYDƏ ALINMASI ). 

 

Sualınıza görə təşəkkür edirik.

 

2010-09-29

428  Ilkin (29-09-2010). Salam men shexsiyyet vseiqesinin nomresini birde adamin Ad, familyasini yazaraq hansi saytdan yoxlaya bilerem. Onceden teshekkurler . Xais edirem mene komeklik gosteresiniz..

Salam.

Belə bir sayt yoxdur. Əgər əsasınız varsa (misal üçün məhkəməyə müraciət etmək üçün və şəxsin ünvanı  barədə dəqiq məlumat almaq istəyirsinizsə) DİN MAPS xidmətinə yazılı şəkildə müraciət edə bilərsiniz.

 

Sualınıza görə təşəkkür edirik.

 

2010-09-29

429  Səbinə (29-09-2010). Salam. Mən 2000-ci ci ildə ailə qurmuşam, iki uşagım var və hazırda yoldaşımın bəzi düzəlməz xüsusuyyətlərinə görə bu nikahın pozulmasını istəyirəm. Bunun üçün hara müraciət etməyim lazımdır və əgər uşaqlar onda qalacaqsa mən aliment verməliyəm? Qeyd edim ki valideynlərimin himayəsində yaşayıram və işləmirəm. Çox xahiş edirəm suallarıma aydınlıq gətirəsiz

Salam. 

Ailə Məcəlləsinin 22-ci maddəsinə əsasən boşanmadan sonra yetkinlik yaşına çatmayan uşaqların valideynlərindən hansının yanında qaldığını və uşaqlar üçün alimentin hansı valideyndən və hansı miqdarda tutulduğunu məhkəmə tərəfindən müəyyən edilir. Adətən məhkəmələr anaların tərəfin tutur (3.0.4-cü maddəsinə uyğun olaraq - ana və uşaqların mənafeyinin hərtərəfli müdafiəsi və hər bir uşağın xoşbəxt həyatının təmin edilməsi). Əgər işləmirsinizsə siz özünüz üçün həm uşaqlar üçün (əgər sizə verilsə) aliment almaq hüququnuz var. 

 

 Sualınıza görə təşəkkür edirik. 

 

 2010-09-29

430  Nizami (29-09-2010) Salam! Mən 2002-ci ildə Bağçılıq sənədi ilə 9 sot torpaq sahəsi almışam(heç bir hüquqi sənəd olmadan, yəni Bağçılıq sənədi mənə verilib, mən də bunun müqabilində digər tərəfə pul vermişəm). 8 ildir torpaq vergisi ödəyirəm, ev tikmişəm, hal-hazırda orada yaşayıram. 2005-ci ildə Bağçılıq sənədi adına olan şəxs rəhmətə gedib. Mən torpaq və burada tikdirdiyim evi sənədləşdirmək üçün nə etməliyəm? Xahiş edirəm, imkan daxilində müfəssəl cavab verəsiniz? Əvvəlcədən Sizə təşşəkkür edirəm. saö olun!

Salam.

Məsələ mürəkkəbdir və həllində Məsləhətxananın 1, 6, 40 sualları sizə kömək edə bilər. Dövlət qurumları ilə mübahisə yarandıqda məhkəməyə müraciət etməkdən çəkinməyin.

 

Sualınıza görə təşəkkür edirik.

 

2010-09-30

431  Vasif (29-09-2010). Salam. Bilmək istəyirəm ki, dialez olan xəstələrə qan vermək üçün dövlət yoluyla müalicə olurmu olursa bunun üçün növbəyə durmaq lazımdırmı, əgər növbəilədirsə bəlkə xəstənin pulu yetmir növbə çatana qədər gözləsin. Növbə məsələssini eşitdiyim üçün soruşuram. Əvvəlcədən təşəkkürümü bildirirəm.

Salam.

 

Məhz bununla bağlı  Xroniki böyrək çatışmazlığı üzrə Tədbirlər Proqramı mövcuddur. Həmin proqramla tanış olduqdan sonra aidiyyəti qurumlara müraciət edə bilərsiniz.

 

Sualınıza görə təşəkkür edirik.

 

2010-09-30

432  Eli (2010-09-30). Salam. Yaşayış yeri üzərində mülkiyyət haqqı sırf alıcının tələbi üzərinə alıcının adına qeydiyyata alınmışsa, satıcı bu qeydiyyatın ləğv edilməsini tələb edə bilərmi? Alıcı yaşayış yerinin mülkiyyət haqqının öz adına reyestrdə qeydə aldıra bilərmi? (keçirə bilərsə neceə və hansı şərtlərlə)

Salam.

Bü mübahisəli məsələdir. Alıcının bununla bağlı sübutları olmalıdır. Əgər daşınmaz əmlakın müvafiq qaydada sənədləşməsi həyata keçirilməyibsə dövlət qurumu qeyd olunan əməliyyatları qeyri-qanuni hesb edə bilər.  Lakın hər bir halda Alıcı ona dəymiş ziyanın bərpası məqsədilə məhkəməyə müraciət edə bilər.

 

Sualınıza görə təşəkkür edirik.

 

2010-09-30

433  Taleh (30-09-2010). Bir daha salam !!! Siz menim verdiyim suali (426) düz başa düşmədiniz !!! Söhbət ödəməkdən boyun qaçırmaqdan getmir.Sadəcə olaraq 200 gün borcunu ödəməyən və sonradan müəyyən məbləğ ödəyən şəxsin vəsaiti bank hesabından hansı qaydada silinməlidir? Bir iki yerdə yazılır qanunvericilikdə nəzərdə tutulan halda.Ama hansı ardıcıllıqla o deyilmir. Zəhmət olmasa bu ardıcılığı izah edin.

Salam.

Çalışın sualınızı dəqiq formalaşdırın. Banklarda kreditlərin verilməsi Qaydalarının 4.1.20-ci bəndinə əsasən banklarda Milli Bankın normativ xarakterli aktlarına uyğun olaraq kreditlərin təsnifləşdirilməsini və ümidsiz borcların silinməsini təmin edən daxili qaydalar müəyyən edilməlidir.

 

Kredit ittifaqının iqtisadi tənzimləmə normativləri (prudensial normativlər) haqqında qaydalarının 3-cü bölməsində Kreditlərin balansdan silinməsi və fondların tənzimlənməsi qaydaları nəzərdə tutulub. Həmin qaydalara uyğun olaraq:

 

1.1  Kreditlərin balansdan silinməsi üçün onlar "ümidsiz" kreditlər hesab edilməlidir. "Ümidsiz" hesab edilən kreditlər "Xüsusi ehtiyat fondu" hesabına balansdan silinənədək onlar üçün bu ehtiyat 100% məbləğində yaradılmalıdır. Bu barədə qərarı Kİ-nın İdarə heyəti və Kredit Komissiyası birlikdə qəbul edirlər. Bu qərar haqqında Müşahidə Şurasına dərhal məlumat verilir.

1.2  Kreditlərin balansdan silinməsi onların silinmə mənbəyindən asılı olmayaraq

(xüsusi ehtiyat fondu və ya kapital ehtiyatı hesabına) Kİ-nın ümumi yığıncağının qərarı əsasında aparılır.

1.3  "Ümidsiz" kreditlərin balansdan silinməsi aşağıdakı mühasibat müxabirləşməsi ilə aparılır:

Debet: Xüsusi ehtiyat fondu

və ya: Kapital ehtiyatı

Kredit: Kredit borcu

1.4  Balansdan silinmiş kreditlərin uçotu 5 il ərzində balansdankənar hesabda aparılır. Balansdan silinmiş kredit borcu olan üzvə bu müddət ərzində kreditin məbləği və hesablanmış faizləri barədə azı altı aydan bir borcun qaytarılması ilə əlaqədar xəbərdarlıqlar göndərilir. Bu müddət ərzində kredit geri qaytarılmazsa, qaytarılmamış məbləğ balansdankənar hesabdan silinir.

1.5  "Ümidsiz" kreditlər kimi "Xüsusi ehtiyat fondu" və ya "Kapital ehtiyatı" hesabına balansdan silinmiş borclar geri qaytarılarsa, onlar silinmə mənbəyindən asılı olaraq aşağıdakı mühasibat müxabirləşməsi ilə uçota alınmalıdır:

Debet: Kassa və ya hesablaşma hesabı Kredit: Xüsusi ehtiyat fondu və ya Kapital ehtiyatı

1.6  "Xüsusi ehtiyat fondu"nun faktik məbləği kreditlərin təsnifləşdirilməsindən

asılı olaraq yaradılmalı olan ehtiyatdan çox olarsa, artıq məbləğ aşağıdakı mühasibat müxabirləşməsi ilə gəlirlər hesabına köçürülməlidir:

Debet: Xüsusi ehtiyat fondu

Kredit: Qeyri-adi gəlirlər

Sualınıza görə təşəkkür edirik.

 

2011-01-04

927  Kamran (01-01-2011) Salam! Yeni iliniz mubarek! Menim shexsi mulkiyetim olan magazanin yaninda terefimden yararli hala getirilmish 50kv/m bosh torpaq sahesi vardir. Hemin torpaq sahesini belediyyeye muraciet etmekle ala beleremmi, yoxsa auksion kechirilmelidir? Umumiyyetle, qanunvericilik bele hallar uchun hansi muddealar nezerde tutur? Teshekkur edirem.

Salam.

Bələdiyyə torpaqlarının idarə edilməsi haqqında Qanunun 9-cu maddəsinə əsasən bələdiyyənin ərazisində daimi yaşayan və eyni zamanda ən azı beş il müddətində yaşayış yeri üzrə qeydiyyatda olan Azərbaycan Respublikası vətəndaşlarının mülkiyyətinə fərdi yaşayış evinin tikintisi üçün torpağın ayrılması istisna olmaqla, digər hallarda bələdiyyə torpaqları üzərində mülkiyyət və icarə hüquqları yalnız açıq torpaq hərracları və ya müsabiqələri vasitəsilə əldə edilə bilər.

Sualınıza görə təşəkkür edirik.

 

2011-01-04

 

928  Rehman (01-01-2011) Sizi salamlayiram ve Yeni ilde ugurlar arzulayiram. Boyuk Veten muharibesi istirakcisinin dul arvadi 85,0 AZN teqaud alir. Bu vaxta qeder, yardim meqsedile ayrilmis vesaitlerden hec birini almamisdir. O, artiq dunyasini deyismis heyat yoldasinin teqaudunu ala bilermi? Bu halda qadina nece komek etmek olar?

Salam.

Sosial müavinətlər haqqında Qanunun 11-ci maddəsinə əsasən müavinət alan şəxs vəfat etdikdə (qanunvericiliklə müəyyən edilmiş qaydada itkin düşmüş və ya ölmüş elan edildikdə) digər hallarda isə növbəti ayın 1-dən dayandırılır.

Əgər bu vaxta kimi ödəniləsi olan, lakın ödənilməmiş müavinətlər varsa onda ərizə ilə Sosial Müdafiə Fonduna müraciət etməlisiniz.

Sualınıza görə təşəkkür edirik.

2011-01-04

929  Samirə (01-01-2011). Salam vəzifəsindən sui-istifadə edənin cəzasi nədi? Təşəkkur

Salam.

Cinayət Məcəlləsinin 308-ci maddəsinə əsasən:

• vəzifə səlahiyyətlərindən sui-istifadə, yəni vəzifəli şəxsin xidməti vəzifələrinin icrası ilə əlaqədar özü və ya üçüncü şəxslər üçün qanunsuz üstünlük əldə etmək məqsədilə öz qulluq səlahiyyətlərindən qulluq mənafeyinə qəsdən zidd olaraq istifadə etməsi və ya qulluq mənafeyi tələb etdiyi halda istifadə etməməsi fiziki və ya hüquqi şəxslərin hüquqlarına və qanuni mənafelərinə, yaxud cəmiyyətin və ya dövlətin qanunla qorunan mənafelərinə mühüm zərər vurduqda –

min manatdan iki min manatadək miqdarda cərimə və ya üç ilədək müddətə müəyyən vəzifə tutma və ya müəyyən fəaliyyətlə məşğul olma hüququndan məhrum etmə və ya iki ilədək müddətə islah işləri və ya əmlakı müsadirə olunmaqla üç ilədək müddətə azadlıqdan məhrum etmə ilə cəzalandırılır.

• həmin əməllər ağır nəticələrə səbəb olduqda və ya seçkinin (referendumun) nəticələrinə təsir məqsədilə törədildikdə -

üç ilədək müddətə müəyyən vəzifə tutma və ya müəyyən fəaliyyətlə məşğul olma hüququndan məhrum edilməklə, əmlakı müsadirə olunmaqla üç ildən səkkiz ilədəkmüddətə azadlıqdan məhrum etmə ilə cəzalandırılır.

Qeyd:

1. Bu fəslin maddələrində vəzifəli şəxslər dedikdə daimi, müvəqqəti olaraq və ya xüsusi səlahiyyət üzrə hakimiyyət nümayəndəsi funksiyalarını həyata keçirən, yaxud dövlət orqanlarında, yerli özünüidarə orqanlarında, dövlət və bələdiyyə müəssisə, idarə və təşkilatlarında, habelə digər kommersiya və qeyri-kommersiya təşkilatlarında təşkilati-sərəncamverici və ya inzibati-təsərrüfat funksiyalarını yerinə yetirən şəxslər, beynəlxalq təşkilatların  nümayəndələri, habelə \"Korrupsiyaya qarşı mübarizə haqqında\" Azərbaycan Respublikası Qanununun məqsədi üçün vəzifəli şəxs hesab edilən digər şəxslər başa düşülür.

2. Vəzifəli şəxslər sırasına daxil olmayan dövlət qulluqçuları və yerli özünüidarə orqanlarının, habelə kommersiya və qeyri-kommersiya təşkilatlarının qulluqçuları müvafiq maddələrlə xüsusi olaraq nəzərdə tutulmuş hallarda bu fəslin maddələri ilə cinayət məsuliyyəti daşıyırlar

Sualınıza görə təşəkkür edirik.

2011-01-04

930  Samirə (01-01-2011) Salam qadin, qadin zorakiliqi ilə uzləşəndə huquqlarini qorumaq ucun hara muraciət etməlidi

Salam.

Azərbaycan Respublikasının İnsan Hüquqları üzrə ilk Müvəkkilinə (Ombudsmana) qadın hüquqları ilə məşğul olan QHT-lərə (ABA CEELI (Amerika Hüquqşünaslar Assosiasiyası), Hüquqşünas Qadınlar Assosiyasiyası)  müraciət edə bilərsiniz. 

Sualınıza görə təşəkkür edirik.

2011-01-04

931  Rafiz (02-01-2011). Salam xahiş edirəm mənə Hüquq anlayışı və Hüquq prinsipləri haqda ətraflı və dəyərli məlumatlar verəsiniz.

Salam.

Əgər bu barədə ətraflı yazsaq bunu üçün ayrıca kitab yazılmalıdır. Hüquq anlayışı burda göstərilib. Hüquqi prinsiplər bölünür: ümumi, sahələr üzrə, sahələrarası prinsiplər.

Misal üçün ümüumi bərabəlik, hüquq pozuntuya görə məsuliyyət daşınmaş

Sahələr üzrə misal üçün azad müqavilə hüququ (mülki hüquq), şəxsi işlərə müdaxilə etməmə və s.

Sahələrarası çəkişmə prinsipi (həm mülki prosesdə, həm cinayət prosesdə), açıqlıq prinsipi və s.

Sualınıza görə təşəkkür edirik.

2011-01-04

932  Bahruz (03-01-2011). Salam. Sualım belədir: Şəhidlik statusu kimlərə verilir?

Salam.

Şəhid adının əbədiləşdirilməsi və şəhid ailələrinə edilən güzəştlər haqqında Qanunun 1-ci maddəsinə əsasən Şəhid Azərbaycan Respublikasının azadlığı, suverenliyi və ərazi bütövlüyü uğrunda həlak olan, hərbi əməliyyatla əlaqədar itkin düşən və qanunvericiliklə müəyyənləşdirilmiş qaydada ölmüş hesab edilən şəxsdir.

Sualınza görə təşəkkür edirik.

2011-01-04

933  Bahruz (03-01-2011). Salam. Müddətli hərbi xidmətdə olan 5 əsgərin yol nəqliyyat hadisəsi nəticəsində ölmələrinə görə onlara şəhidlik statusu verilə bilərmi?

Salam.

Bu münasibətlər Şəhid adının əbədiləşdirilməsi və şəhid ailələrinə edilən güzəştlərin tətbiqi qaydaları ilə tənzimlənir. Belə ki, həmin qaydalarının 4-cü bəndinə əsasən  şəhid və şəhid ailəsi statusunun verilməsi məsələsinə maraqlı şəxsin müraciəti və dövlət orqanlarının və ya müvafiq hərbi hissənin vəsatəti ilə baxılır.

Şəxsin şəhid hesab edilməsi ölüm haqqında şəhadətnamə, məhkəmə qətnaməsi, hərbi hissənin arayışı əsasında təsdiq olunur.

Şəhid ailəsi statusu gizir və zabit heyəti üçün Müdafiə Nazirliyinin, Daxili İşlər Nazirliyinin, Milli Təhlükəsizlik Nazirliyinin, Dövlət Sərhəd Xidmətinin kadrlar idarəsi, digər hərbi qulluqçulara qeydiyyatda olduqları hərbi komissarlıqlar, mülki vətəndaşlara isə rayon (şəhər) icra hakimiyyəti orqanlarının verdiyi arayışlarla təsdiq olunur.

Müdafiə Nazirliyi, Daxili İşlər Nazirliyi, Milli Təhlükəsizlik Nazirliyi Dövlət Sərhəd Xidməti və  rayon (şəhər) icra hakimiyyəti orqanları şəhid və şəhid ailəsi hesab edilməsi üçün müraciət və vəsatətləri dərhal qəbul edib, bir aydan gec olmayaraq «Şəhid adının əbədiləşdirilməsi və şəhid ailələrinə güzəştlər haqqında» Azərbaycan Respublikası Qanununa və bu Qaydalara müvafiq surətdə arayış verməlidir.

Sualınıza görə təşəkkür edirik.

2011-01-04

934  Samir (03-01-2011). Salam Dejure! Denizde isleyen fehlelere agir seraitde islemelerini nezere alaraq maashlarinin 60-70%-i deyerinde elave \"deniz emsali\" adlanan pul verilir.Hem maashdan hem de deniz emsalinda gelir vergisi ve sosial mudafie fondu ucun pul tutulur.Ancaq shirketimiz bize mezunuyyet pulu odeyerken deniz emsalini nezere almadan ,yalniz maasin faizini hesablayaraq mezuniyyet pulu odeyir.Halbuku, biz emek muqavilesi imzalayarken dehem maasha hem de deniz emsalina alacagimiz ucun resmi muqavile baglamishiq.Bu ne derecede dogrudur.Bu meseleye huquqi cehetden aydinliq getirmeyinizi xahis edirem .Onceden teshekkur eidrem.

Salam.

Əmək Məcəllənin 12-ci maddəsinə əsasən əmək müqaviləsinin şərtlərinə və onlarda nəzərdə tutulan öhdəliklərə əməl etmək işəgötürənin əsas vəzifələrindən biridir. Əgər işəgötürən müqavilədə göstərilən öhdəliklərini yeriə yetirmirsə Əmək Müfaəttişliyinə və ya məhkəməyə müracit edə bilərsiniz və hüquqların bərpasını tələb edə bilərsiniz.

Sualınıza görə təşəkkür edirik.

2011-01-04

936  Vusal (05-01-2011) Salam Dejure. Mən bilmək istəyirəm ki Post patrul Xidməti və Çevik polis alayinin vəzifələrini hansi qanunla və ya hasni Təlimatla müəyyənləşdirilir.Məsələn Yol Polisi işçilərinin vəzifələri Yol Patrul Xidməti haqqında təlimat la müəyyənləşdirilir. POlis haqqında Qanunu oxudum Konkret onların vəzifələrinə aid olan heç nə tapa bilmədim.Orada Ümumi polis haqqında yazilib.Koməklik etsənizz çox məmnun olardim.Əvəlcədən sizə öz çox sagolumu bildirirəm

Salam.

Yol hərəkətinin təhlükəsizliyi tədbirlərinin təbliğinə dair Dövlət Yol Polisinin fəaliyyəti haqqında Təlimat və Yol-Patrul Xidməti haqqında Təlimat ilə tanış olmaq məqsədəuyğundur.

Sualınıza görə təşəkkür edirik.

2011-01-07

937  Yalchin (05-01-2011) Salam. Xais edirem menim sualimi cavabsiz qoymayasiniz. 2007-ci ilde Rusiya vetendasliqini qebul etmisem. 3 aydir Azerbaycana qayitmisam. Azerbaycan vetendasliqina xetim vermeyibler ve men Azerbaycan respublikasinin vetendasiyam. Rusiyada yasayanda komersiya banklarinin birinden kredit goturmusem. Artiq 3 aydir Azerbaycana gelenden krediti qaytarmiram ve qaytarmaqda fikrim yoxdur. Hemiselik qayitmisam Azerbaycana ve bir daha Rusiyaya geden deyilem. Krediti qaytarmadiqima gore eger Rusiyadan Azerbaycana muraciet edib meni teleb etseler Azerbaycan dovleti meni Rusiyaya tehvil verermi

Salam.

İlk növbədə qeyd etməliyik ki,  öhdəliyi yerinə yetirməmək hüquq pozuntusudur (digər tərəfə zərər vurursunuz). Hansı ölkədə olduğunuzdan asılı olmayaraq kreditor məhkəmə vasitəsilə borcu qaytarmaq tələbini irəli sürə bilər və haqlı olar. Həmçinin zərərin əvəzini də tələb edə bilər (borc məbləğindən əlavə dəbbə, cərimə və digər).

Bu qədər.

2011-01-07

938  Günel (06-01-2011). Salam. öncəki sualıma cavab verdiyiniz üçün təşəkkür edirəm. bilmək istəyirəm nigahın pozulması haqda iddianı kimin qaldırmağının hansı mənfi tərəfləri var, və uşağı anadan məhkəmə qərarı ilə ala bilərlər? Ana narkotik işlətmir, pis işlərlə də məşqul deyil, maaşı azdır. uşağın 4 yaşı var. çox sağolun.

Salam.

Bu məsələlər məhkəmə tərəfindən həll edilir (Ailə Məcəlləsinin 22-ci maddəsi). Kim tərəfiindən iddia qaldırmasından asılı olmayaraq mənfi o hal olur ki,  ailə dağılır. Baxmayaraq ki, valideynlərin hər biri bərabər hüquqlara malikdir, məhkəmələr adətən anaların hüquqlarını üstün tuturlar (maddə 3.0.4.- ana və uşaqların mənafeyinin hərtərəfli müdafiəsi və hər bir uşağın xoşbəxt həyatının təmin edilməsi həmin Məcəllənin əsas vəzifələrindən biridir). 

Sualınıza görə təşəkkür edirik.

2011-01-07

939  Fərid (06-01-2011). Salam hormetli dejure komandasi. Aktual movzuya toxunmaq isterdim. “İstehsalatda bədbəxt hadisələr və peşə xəstəlikləri nəticəsində peşə əmək qabiliyyətinin itirilməsi hallarından icbari sığorta haqqında” qanunla bagli bir sira meqamlara aydinliq getirmeyinizi isterdim Sizin fikrinizce bu odenish iscinin emek haqqindadn tutulacaqdir yoxsa isegoturenin hesabina. yeni icbari sigorta muqavilesi isegoturen ve sigorta sirketi arasinda baglanmasi o anlama gelirmi ki isegoturen oz hesabina bu odenishleri etmelidir. Onceden oz tesekkurumu bildiriem

Salam.

Əmək Məcəlləsinin 239-cu maddəsinə əsasən istehsalatda baş vermiş bədbəxt hadisədə və ya peşə xəstəliyində təqsirli (tam və ya qismən) olan işəgötürən həm işçiyə xəsarət yetirilməsi və ya sağlamlığının başqa şəkildə korlanması nəticəsində dəymiş zərərin, həm müalicə olunması üçün çəkdiyi, həm də ona müavinətlər verilməsi ilə əlaqədar çəkilən xərclərin eləcə də Azərbaycan Respublikasının Mülki Məcəlləsi ilə müəyyən edilmiş digər əlavə xərclərin əvəzini bütövlükdə ödəməlidir.

Həmçinin həmin Məcəllənin 225-ci maddəsinə əsasən həyat üçün yüksək təhlükə mənbəyi olan işlərdə çalışan işçilər istehsalatda bədbəxt hadisələrdən və peşə xəstəliklərindən işəgötürən tərəfindən mütləq icbari sığorta edilməlidirlər. Bədbəxt hadisələrdən və peşə xəstəliklərindən icbari sığorta edilməli olan işçilərin siyahısı, sığorta haqqının məbləği kollektiv müqavilələrdə, əmək müqavilələrində sığorta təşkilatları ilə bağlanmış müqavilələr əsasında müəyyən edilir.

Sualınıza görə təşəkkür edirik.

2011-01-08

940  Kerim (06-01-2011) Salam, vesiyyetle verese teyin etmek ucun notariusa hansi senedleri teqdim etmek lazimdir?

Salam.

Bu barədə ətraflı Azərbaycan Respublikasında notariat hərəkətlərinin aparılması qaydaları haqqında Təlimatın 3-cü fəslində götərilib. Tanış ola bilərsiniz.

Sualınıza görə təşəkkür edirik.

2011-01-08

941  Kamran (06-01-2011). Salam. Azerbaycan Respublikasinin merkezi icra hakimiyyeti orqanlari(Nazirlikler, Komiteler ve s.) hansi hallarda oz emrlerini Edliyye Nazirliyi ile razilashdirmalidirlar? Umumiyyetle hansi normativ huqui aktlar Edliyye Nazirliyi ile razilashdirilaraq qeydiyyatdan kechirilmelidir? Teshekkur edirem.

Salam.

Normativ hüquqi aktlar haqqında Qanunun 41.2-ci maddəsinə əsasən müvafiq mərkəzi icra hakimiyyəti orqanlarının normativ hüquqi aktları, yerli icra hakimiyyəti orqanlarının, yerli özünüidarə orqanlarının və Azərbaycan RespublikasıMərkəzi Bankının normativ aktları müəyyən edilmiş qaydada dövlət qeydiyyatından keçdikdən sonra özlərində başqa qayda nəzərdə tutulmamışdırsa, dərc edildiyi gündən qüvvəyə minir.

Həmin Qanunun 51.1-ci maddəsinə əsasən Azərbaycan Respublikasının bütün normativ hüquqi aktları dövlət uçotuna alınmaq üçün, Azərbaycan Respublikası mərkəzi icra hakimiyyəti orqanlarının normativ hüquqi aktları, yerli icra hakimiyyəti və yerli özünüidarə orqanlarının, Azərbaycan Respublikası Mərkəzi Bankının, Milli Televiziya və Radio Şurasının normativ xarakterli aktlarıisə həmçinin dövlət qeydiyyatı üçün müvafiq icra hakimiyyəti orqanına təqdim edilir.

30 dekabr 1999-cu il tarixli  242 saylı Prezidentin Fərmanına əsasən 41-ci maddəsinin 41.2.-ci bəndində nəzərdə tutulmuş \"müvafiq mərkəzi icra hakimiyyəti orqanları\" dedikdə, Azərbaycan Respublikasının nazirlikləri, bütün digər mərkəzi və yerli icra hakimiyyəti orqanları başa düşülür (Azərbaycan Respublikasının Prezidenti yanında yaradılan orqanlar istisna olmaqla). 51-ci maddəsinin 51.1.-ci bəndində nəzərdə tutulmuş \"müvafiq icra hakimiyyəti orqanı\"nın səlahiyyətlərini Azərbaycan Respublikasının Ədliyyə Nazirliyi həyata keçirir.

Salınıza görə tşəkkür edirik.

2011-01-08

942  Samirə (07-01-2011) Salam. Prokurorluq işcisi,Azərbaycan Respuplikasi Prokurorlugu işcilərinin etik davraniş Kodeksini ciddi surətdə pozduqda cəzasi nədi hansi tədbir görulməlidi təşəkkur edirəm

Salam.

Azərbaycan Respublikası Prokurorluğu işçilərinin Etik Davranış Kodeksinn 6-cı fəslində (Kodeksin Tələblərinin Həyata Keçirilməsinin Təmin Olunmasi və Həmin Tələblərin Pozulmasina Görə Prokurorluq Işçisinin Məsuliyyəti) prokuror işçilərin məsuliyyətə cəlb edilməsi məsələləri nəzərdə tutulub.

Sualınıza görə təşəkkür edirik.

2011-01-08

943  Hafiz (07-01-2011). salam bir meseleni aydinlasdirmaq isterdim komek edin men ADSL xidmetinden istifade edirem yay aylarinda texmini ay yarim texniki sebeblere gore ADSL-im telekomunukasiya terefinden islemedi indi meni caqirib deyiler ki hemen ayi ode bu ne derecede duzgundur xahis edirem etrafli cavab veresiz

Salam.

Əgər həmin dövr ərzində sizə xidmət göstərməyiblərsə onun haqqını tələb edə bilməzlər (yenə də müqaviləyə diqqət yetirmək lazımdır). Əksinə siz istehlakçı hüquqlarınız pozulduğu üçün zərərin əvəzini ödəməyə haqlısınız. Lakın bütün bu faktları sübut etmək lazımdır. Digər tərəf müqavilə şərtlərinə riyaət etmirsə provayderi dəyişdirib başqası ilə işləyə bilərsiniz. Köhnə provayder ilə müqaviləyə müvafiq qaydada xitam edə bilərsiniz. Mübahisə yarandıqda məhkəmə qaydasında həll edə bilərsiniz.

Sualınıza görə təşəkkür edirik.

2011-01-08

944  Salam DEJURE. Sualım belədir: Hal hazırda məhkəmə prosesində kompensasiya iddiası üzrə işə baxılır. İlqar (08-01-2011). Mən bilmək istərdim ki, Kompensasiya təyin ediləndə hansı hallar nəzərə alınır. Yəni kompensasiyanın məbləği hansı qanun və ya hüquqi sənədlərələ tənzim olunur? Eşitdiyimə görə kompensasiyanın məbləği müvafiq yaşayış yerində kirayə evlərin 2 illik məbləği qədər olur. Bu belədirmi? Sizlərin başqa hər hansı məlumatları varsa (kompensasiyanın məbləği haqqında)xahiş edirəm bilginizi əsirgəməyin. Əvvəlcədən dərin təşəkkürümü bildirirəm.

Salam.

Əgər dövlət ehtiyacları üçün alınırsa həmin məsələ Torpaqların dövlət ehtiyacları üçün alınması haqqında Qanunla tənzimlənir. Və kompensasiya məbləği bazar qiymətinə uyğun əsasən formalaşır. 

Əvvələr “Dövlət ehtiyacları üçün alınan daşınmaz əmlakın satınalma qiymətinin hesablanması Qaydası”nın təsdiq edilməsi barədə” 2009-cu il 4 aprel tarixli, 54 nömrəli Nazirlər Kabinetinin qərarı var idi. Hal-hazırda o, qüvvədən düşüb (23 avqust 2010-cu il tarixli  156 saylı qərar ilə qüvvədən salınmışdır).

Əgər dövlət qurumu deyilsə onda bu ümumiyyətlə kompensasiya deyil, və siz yalnız razılığa gəldiyiniz qiymətə öz əmlakınızı sata bilərsiniz.

Təşəkkürlər.

2011-01-08

945  Suraya (09-01-2011). Salam. 37 il yaşadığım torpaq sahəsinə mülkiyyətçi hesab edilirəm?

Salam.

37 il həmin sahədə yaşadığınızı sübut edən sübutlar  mövcuddursa, məhkəmə qaydasında öz hüquqlarını tanıtdıra bilərsiniz (əgər başqa sənədlər varsa Daşınmaz Əmlakın Dövlət Reyestr xidmətinə də müraciət edə bilərsiniz).

Sualınıza görə təşəkkür edirik.

2011-01-10

946  Suraya (09-01-2011) Salam. Müdafiə Nazirliyinin vəzifəli şəxsləri barədə məlumatı necə əldə edə bilərəm?

Salam.

Müdafiə Naziri və onun müavinləri (və qanunvericilikdə göstərilən digər vəzifəli şəxslər) Prezidentin aktları (fərman və sərəncamlar) ilə təyin olunurlar. Bu barədə məlumatlar açıqdır. Digər vəzifəli şəxslər nazir tərəfindən təyin edilir. Bu məlumat açıq olmaya da bilər və məxfi sayıla bilər, hətta dövlət sirri də ola bilər (bu atrıq həmin şəxsin gördüyü funksiyalardan asılıdır).

Sualınıza görə təşəkkür edirik.

2011-01-10

947  Aynur (09-01-2011) Salam Aleykum hörmətli De Jure! Gec də olsa Hemreyilik günü və Yeni il bayramlarınızı təbrik edirəm! Sualım belədir:-Mənzildə(ünvanda) kimlərin qeydiyyatda olmasını öyrənmək üçün mənzil sahibi hara və hansı sənədlərlə müraciət etməlidir. mənzil sumqayıt şəhərində yerləşir.

Salam.

Sizinlə bahəm.

Bununla bağlı Azərbaycan Respublikası DİN-in. PQİ-nin MAPSüzrə məlumat şöbəsinə müraciət edə bilərsiniz və lazımi məlumat ala bilərsiniz.

Sualınıza görə təşəkkür edirik.

2011-01-10

948  Samirə (09-01-2011). Salam. Prokurorluq işcisi etik davraniş kodeksini pozduqda bu barədə kimə məlumat verilməlidir. Prokurorluqda bu barədə kimə muraciət etmək lazimdi.Təşəkkur edirəm

Salam.

Bununla bağlı Baş prokurorluğa da müraciət edə bilərsiniz. Amma öz mövqenizi əsaslandırmalısınız (sübutlarla).

Sualınıza görə təşəkkür edirik.

2011-01-10

949  Əziz (10-01-2011). Mən BDU-nun yataqxanasında müəllimə kimi 15 ildir ki, yaşayıram. 3 il əvvəl universitetdən işdən çıxmışam. Yataqxanalar boşaldılan zaman mənə qaçqınlara verilən qədər kompensasiya və ya ev veriləcəkmi?

Salam.

Qaçqınların və məcburi köçkünlərin müvafiq statusu var. O cümlədən müəllimlərin də müvafiq statusu var. Misal üçün rayonlarda müəllimlərə torpaq sahələri ayrılır. Hazırkı məsələ mübahisəlidir, çünki yataqxanalar müvafiq dövlət qurumların nəzdində olur. Lakın bununla bağlı məhkəməyə müraciət etmk hüququnuzu heç kim almır.

Sualınıza görə təşəkkür edirik.

2011-01-10

950  Xəzər (10-01-2011). Salam. Torpaq sahesinde tikilmis sexsi eve elektrik saygaci qurasdirmaq ucun hansi sened ve ne qeder dovlet rusumu odenilmelidir.

Salam.

Energetika haqqında Qanunun 8.3-cü maddəsinə əsasən hər bir istehlakçı istifadə etdiyi energetika materiallarının və məhsullarının müqabilində paylayıcının təqdim etdiyi hesab üzrə ödəniş həyata keçirir. Bununla əlaqədar:

 

• paylayıcı istehlakçıya enerji ötürən hər bir yeni enerji qurğusunu fərdi sayğacla təchiz etməlidir;
• sayğacı olmayan istehlakçının fərdi sayğacın quraşdırılmasını tələb etmək hüququ vardır (Sayğacın dəyəri və quraşdırılması üçün çəkilən xərclər qanunvericiliyə müvafiqşəkildə ödənilə, o cümlədən sayğaca sertifikat verilən gündən bir il ərzində istehlak olunan enerjinin qiymətinə kompensasiyalar vasitəsilə paylayıcı tərəfindən həyata keçirilə bilər və bu halda sayğac paylayıcının mülkiyyətinə keçir);

Sualınıza görə təşəkkür edirik.

2011-01-11

951  Suraya (10-01-2011) Hüquqlarımın məhkəmə qaydasında tanınmasına siz köməklik edə bilərsiniz?

Salam.

Bu cür xidmətlər pullu xidmətlərə aiddir.

Bu qədər.

2011-01-11

952  Ceyhun (11-01-2011) Salam. Əgər işçilərdən biri əmək məzuniyyəti zamanı bülletenə çıxarsa, onun əmək funksiyalarının əvəz olunması və buna görə əmək haqqının ödənilməsi necə olmalıdır?

Salam.

Əmək Məcəlləsinin 162-ci maddəsinə əsasən özünün əmək funksiyasını yerinə yetirməklə yanaşı müəyyən səbəbdən müvəqqəti işə çıxmayan işçini əvəz edən işçiyə, əvəz edilən işçinin tarif (vəzifə) maaşı ilə onun maaşı arsındakı fərq ödənilir. Əvəz edilən işçinin tarif (vəzifə) maaşı əvəz edən işçinin maaşı ilə eyni və ya ondan az olduqda isə əmək haqqına əlavə müəyyən edilib verilir. Bu əlavə işçinin və işgötürənin qarşılıqlı razılığı ilə müəyyən edilir.

Sualınıza görə təşəkkür edirik.

2011-01-11

955  Vidadi (12-01-2011) Salam. Mən 1992-ci ildən 1998-ci ilə kimi (rəqəm gizlənilib) sayli h/h-nin 3-cü taborunda zabit kimi xidmət etmişəm. Ayağimdan və qarin nahiyəmdən güllə yarasi almişam. Hospitalda əməliyyat olunandan sonra yenidən tabora qayitmişam. Aprel ayinin 26-da Fizuli bölgəsində gedən döyüşlərin birində onurğa sümüyündən zədə aldim .Taborun həkimi bildirdi ki, belim sərpib. Hospitala getmədim. Atəçkəsdən sonra isə dəfələrlə Gəncə, Mingəcevir və Bakida Papanin həspitalinda müalicə oldum . 1996-ci ildə onurğa beynindən əməliyyat olundum. 1999-cu ildə həmin əməliyyatla əlaqədar 2-ci qrup əlil kimi təqaüdə cixdim. Amma mənə Qarabağ əlili statusu vermədilər. Əlimdə döyüşdə belidən travma almağim barədə briqada komandirinin təsdiq etdiyi akt var. Hal-hazirda 2-ci qrupp hərbi əlil kimi pensiya aliram. Qarabağ əlili statusu almaq ücün məsləhət verməyinizi xahiş edirəm. Əvvəlcədən öz təşəkkürümü bildirirəm.

Salam.

Müharibə əlillərinə Azərbaycan Respublikası Prezidentinin təqaüdünün təsis edilməsi haqqında Fərmanına əsasən II qrup müharibə əlillərinə – 70 manat təqaüd verilir. 

Müharibə veteranı adının almaq üçün Müharibə veteranı, silahlı qüvvələr veteranı və əmək veteranı adlarının verilməsi qaydası və şərtləri haqqında Əsasnaməni rəhbər tutmalısınız. 

Belə ki, 1991-ci il oktyabrın 9-dan 1994-cü il mayın 10-dək döyüş əməliyyatları aparan hərbi hissə və ya orqanların tərkibində hərbi xidmət keçmiş şəxslərə, döyüş əməliyyatları aparan hərbi hissələrə və ya orqanlara döyüş tapşırığının yerinə yetirilməsi üçün ezam olunmuş hərbi qulluqçulara 10 may 1994-cü il tarixindən sonra döyüş zonasında hərbi xidmət keçərkən yaxud döyüş zonasında döyüş tapşırığının yerinə yetirilməsi ilə bağlı ezamiyyətlərdə olarkən bilavasitə döyüş əməliyyatları ilə əlaqədar xəsarət (yaralanma, travma, kontuziya) almış hərbi qulluqçulara — müdafiə, daxili işlər, milli təhlükəsizlik, ədliyyə, fövqəladə hallar orqanları, Dövlət Sərhəd Xidməti və hərbi hissələr və Xüsusi Dövlət Mühafizə Xidməti və Naxçıvan Muxtar Respublikasının Ədliyyə Nazirliyi tərəfindən verilmiş arayışlar, şəxsi işlər, hərbi biletlər, orden və medallarla təltif olunmaq haqqında vəsiqələr, xəsarət (yaralanma, travma, kontuziya) alma haqqında arayışlar və əmrlərdən çıxarışlar, hərbi döyüşlərdə iştirakı sübut edən başqa sənədlər əsasında müharibə veteranı adı verilir.

Sualınıza görə təşəkkür edirik.

2011-01-13

954  İlqar (11-01-2011) Salam Dejure. 944-cu sualda qeyd etdiyim kompensasiya meselesi iki vetendash arasindadir.boshanan teref yashayish huququndan istifade ederek boshandigi heyat yoldashinin evinde meskunlashmaq isteyir,eks teref ise pul odeyib yani kompensasiya onlari eve buraxmaq istemir.men hemin kompensasiyanin teyin olunan zaman neye istinad etdiklerini oyrenmek isteyirem.

Salam.

Aydındır.

Həmin kompensasiyanın məbləği birbaşa  birbaşa qanunvericiliklə tənzimlənmir. Lakın Azərbaycan Respublikası Konstitusiya Məhkəməsinin Plenumumun 17 iyun 2004-cü il tarixli qərarına (G.A.Mustafayevanın şikayəti üzrə məhkəmə aktlarının Azərbaycan Respublikasının Konstitusiyasına və qanunlarına uyğunluğunun yoxlanılmasına dair) əsaslanaraq qeyd etmək olar ki,  yaşayış binasının tərkib hissəsindən istifadə hüququnun əmələ gəlməsi, həyata keçirilməsi şərtləri və xitamı mülkiyyətçi ilə bağlanan, notariat qaydasında təsdiqlənən yazılı razılaşma ilə müəyyənləşdirilir. Belə razılaşma olmadıqda bu hüquqa mülkiyyətçinin məhkəmə qaydasında tələbinə əsasən bazar qiyməti ilə müvafiq kompensasiya verməsi yolu ilə xitam verilə bilər.

Sualınıza görə təşəkkür edirik.

2011-01-11

956  Telman (12-01-2011) Men ve 18 yash. qizim anamin evinde qeydiyyatdayiq. Anam qizimin icazesi olmadan onu qeydiyyatdan chixara bilermi?

Salam.

Həmin şəxsin  qeydiyyatdan çıxarılması yalnız Yaşayış yeri və olduğu yer üzrə qeydiyyat haqqında Qanunun 9-cu maddədə göstərilən hallarda mümkündür. 

Sualınıza görə təşəkkür edirik.

2011-01-13

957  İlqar (12-01-2011). Salam Dejure. Sizlere bir daha teshekkurumu bildirirem.menzil mecellesinin 123-cu maddesi ile tanish oldum.amma bir uygunluq tapmadim(yashamaq huququnun taninmasi ile bagli).sizden xahish edirem:bu maddeni sade dilde anladin.

Salam.

Yəqin yeni Mənzil Məcəlləsinə baxmısınız.

Belə ki, yeni Mənzil Məcəlləsinin 123-cü maddəsinin mətni:

Maddə 123. Mənzil mülkiyyətçiləri müştərək cəmiyyətinin vəzifələri

123.0. Mənzil mülkiyyətçiləri müştərək cəmiyyətinin vəzifələri aşağıdakılardır:
123.0.1. bu fəslin, digər qanunların, başqa normativ hüquqi aktların, habelə cəmiyyətin nizamnaməsinin tələblərinin yerinə yetirilməsini təmin etmək;
123.0.2. mənzil mülkiyyətçiləri müştərək cəmiyyətinin üzvləri olmayan çoxmənzilli binanın sahə mülkiyyətçiləri ilə çoxmənzilli binanın ümumi əmlakının saxlanılması və təmiri haqqında müqavilələr bağlamaq;
123.0.3. qanunvericiliklə nəzərdə tutulmuş qaydada müqavilə üzrə öhdəlikləri yerinə yetirmək;
123.0.4. çoxmənzilli binanın ümumi əmlakının lazımi sanitariya və texniki vəziyyətini təmin etmək;
123.0.5. çoxmənzilli binanın bütün sahə mülkiyyətçiləri tərəfindən onların çoxmənzilli binanın ümumi əmlakına mülkiyyət hüququnda paylarına mütənasib olaraq ümumi əmlakının saxlanılması və təmiri üzrə vəzifələrinin yerinə yetirilməsini təmin etmək;
123.0.6. ümumi əmlaka sahiblik, ondan istifadə və barəsində sərəncam vermək qaydası müəyyən edilərkən çoxmənzilli binanın sahə mülkiyyətçilərinin hüquqlarına və qanuni mənafelərinə riayət edilməsini təmin etmək;
123.0.7. sahə mülkiyyətçilərinin çoxmənzilli binanın ümumi əmlakına sahiblik, ondan istifadə və qanunvericiliklə müəyyən edilmiş hədlərdə barəsində sərəncam vermək hüquqlarının həyata keçirilməsini çətinləşdirən və maneçilik törədən üçüncü şəxslərin hərəkətlərinin qarşısının alınması və ya bu kimi hərəkətlərə son qoyulması üçün zəruri tədbirlər görmək;
123.0.8. çoxmənzilli binanın sahə mülkiyyətçilərinin qanuni mənafelərini, o cümlədən üçüncü şəxslərlə münasibətlərdə təmsil etmək.

Köhnə Mənzil Məcəlləsinin 123-cü maddəsinin mətni:

Maddə 123. Yaşayış evi mülkiyyətçisinin ailə üzvlərinin hüquq və vəzifələri
Yaşayış evi mülkiyyətçisinin özünə məxsus olan evə köçürdüyü ailə üzvləri onların köçməsi zamanı başqa qeyd-şərt göstərilməmişsə, evdə yaşayış sahəsindən onunla bərabər istifadə etmək ixtiyarına malikdirlər. Bu Məcəllənin 53-cü maddəsində göstərilən şəxslər mülkiyyətçinin ;ailə üzvləri sayılırlar. Ailə üzvləri mülkiyyətçi tərəfindən onlara verilən yaşayış sahəsinə öz həddi-büluğa çatmamış uşaqlarını köçürmək ixtiyarına malikdirlər; digər ailə üzvlərinin köçürülməsinə yalnız mülkiyyətçinin razılığı ilə yol verilir. Həmin şəxslərin yaşayış sahəsindən istifadə hüququ yaşayış evinin mülkiyyətçisi ilə ailə münasibətlərinə xitam verildiyi halda da saxlanılır.
Yaşayış sahəsindən istifadə qaydası haqqında və xərclərdə iştirakın məbləği haqqında mülkiyyətçi ilə onun ailə üzvləri arasında mübahisələr məhkəmə qaydasında həll edilir.

Nəzərə alınmalıdır ki, Azərbaycan Respublikasında qüvvədə olan digər qanunlar və normativ hüquqi aktlar 30 iyun 2009-cu il. tarixli  845-IIIQ №-li Qanunla təsdiq edilmiş Azərbaycan Respublikasının Mənzil Məcəlləsinə (yeni) uyğunlaşdırılanadək həmin Məcəlləyə zidd olmayan hissədə tətbiq edilir.

Sualınıza görə təşəkkür edirik.

2011-01-13

958  Ceyhun (13-01-2011) Salam. Şəxsiyyət vəsiqəsinin dəyişdirmə yaşları neçədir və hansı qanunvericilik aktları var?

Salam.

Azərbaycan Respublikası vətəndaşının şəxsiyyət vəsiqəsi haqqında Qanunun 4-cü maddəsinə əsasən 25, 35, 50 yaşına çatdıqda və ya vətəndaşın soyadı, adı, atasının adı, yaşayış yeri, ailə vəziyyəti, hərbi vəzifəsi dəyişildikdə və ya onun şəxsiyyət vəsiqəsində olan yazılar təhrif edildikdə, şəxsiyyət vəsiqəsi yararsız hala düşdükdə və ya itdikdə vətəndaş bu maddənin birinci hissəsində nəzərdə tutulmuş qaydada şəxsiyyət vəsiqəsini sadalanan hallardan biri baş verdikdən sonra bir ay ərzində dəyişdirməlidir.

Sualınıza görə təşəkkür edirik.

2011-01-13

959  Vusal (13-01-2011) Salam dejure. Vəzifəli şəxslərin qanunsuz hərəkətlərini video çəklişinə qanun icazə verirmi. yəni mən onların qanunsuz hərəkətlərin video çəkliş edərək onları ozumdə saxlaya bilərəmi. Əgər olarsa bu hansı qanunla tənzimlənir və hansı hallarda olar. Əvvəlki cavablar görə çox sağ olun. Təşəkkürlər

Salam.

Əvvəlki suallara görə çox sağ olun.

Vəzifəli şəxslərin qanunsuz hərəkətləri barədə məlumat varsa bu barədə hüquqmühafizə orqanlarına müraciət etməlisiniz (prokurorluq, DİN, MTN orqanları  və s.), həmin videoçəkilişlər sonradan sübut kimi  məhkəmədə istifadə oluna bilər (əgər həmin vəzifəli şəxs doğrudanda öz səlahiyyətlərini icra edərkən hüquq pozuntusuna yol vermişdir). Həmin hüquq mühafizə orqanları artıq bu materiallara qiymət verdikdən sonra müvafiq qaydada həminşəxsi məsuliyyətə cəlb edə bilər. 

Lakın son zamanlar Milli Məclisdə diffamasiya haqqında qanun layihəsinin müzakirəsi aparılır, ona görə də həmin videomaterialların yayılması (misal üçün KİV vasitəsilə) hüquqa zidd ola bilər. Ona görə həmin məlumatı əldə etdikdə ilk öncə hüquq mühafizə orqanlarına müraciət etməyiniz məqsədə uyğundur.

Belə ki, Prokurorluq haqqında Qanunun 20-ci maddəsinə əsasən prokurorluqda qanunla müəyyən edilmiş qaydada və səlahiyyətləri daxilində ərizə, şikayət və müraciətlərə baxılır, vətəndaşların qəbulu həyata keçirilir. Cinayət barədə ərizə, şikayət və müraciətlərə təxirəsalınmadan baxılır.

Sualınıza görə təşəkkür edirik.

2011-01-13

960  Ceyhun (13-01-2011) Salam. Ali təhsil müddəti işçinin əmək stajına daxil edilirmi? (təhsil almaqla bərabər işləyən işçilər istisna olmaqla). Əgər daxildirsə bu qayda hansı hüquqi normativ akta əsaslanır? Əvvəlcədən təşəkkür edirəm. 

Salam.

İşçilərin əmək kitabçasının forması və onun tərtibi Qaydalarının 1.1-ci bəndinə əsasən əmək kitabçası işçinin əmək fəaliyyətini və əmək stajını təsdiq edən əsas sənəddir. 

Məşğulluq haqqında Qanunun 21.2-ci maddəsinə əsasən qanunvericiliklə müəyyən edilmiş qaydada, şəxsin təqaüd və ya işsizlik müavinəti aldığı, haqqı ödənilən ictimai işlərdə iştirak etdiyi müddət, müvafiq icra hakimiyyəti orqanının göndərişi ilə bir yaşayış məntəqəsindən digərinə köçmək və işə düzəlmək üçün müddət, habelə xarici ölkələrdə qanuni əsaslarla əmək fəaliyyəti ilə məşğul olduğu müddət ümumi əmək stajına daxil edilir.

Təhsil alarkən əmək stajının hüsablanması yalnız müstəsna hallarda qanunvericilikdə nəzərdə tutulub (misal üçün Rezidentura təhsilinin məzmunu və təşkili Qaydalarına əsasən rezidenturada təhsil dövrü həkimin ümumi və ixtisas üzrə əmək stajına daxil edilir).

Bundan başqa Əmək pensiyaları haqqında Qanunun 21-ci maddəsinə nəzər yetirmək məqsədə uyğundur (Sığorta stajına daxil edilən iş və ya digər fəaliyyət müddətləri).

Sualınıza görə təşəkkür edirik.

2011-01-13

961  Samirə (13-01-2011) Salam. Prakuror işcisi barədə şikayətlə əlaqədar Baş Prokurorun qəbuluna adi vətəndaş(həyat yoldaşi) düşə bilərmi. Bilərsə bunu necə etmək lazimdi. Cavabiniza görə təşəkkür edirik. Sizin cavablarinis hüqüqlarimizi qorumaq ücün bizə cox kömək edir.

Salam.

Əgər cavablarımız kömək edirsə bizim üçün xoşdur. Deməli zəhmətimiz hədər getmir. Sual ilə bağlı bildirmək istərdik ki, baxmayaraq ki, vəzifəli şəxslərlə görüşlər Azərbaycan reallığında mürəkkəb məsələdir, amma vaxt keçdikcə interaktivlik artır. Misal üçün bu səhifədə siz Baş prokurorluğun vəzifəli şəxslərin əlaqə vasitələrini əldə edə bilərsiniz hətta onların e-poçt ünvanları barədə məlumat. 

Bundan başqa Baş prokurorluğun vəzifəli şəxslərin (hər dövlət qurumunda olduğu kimi) vətəndaşların qəbul günləri var bu barədə burdan məlumat ala bilərsiniz. 

Sualınıza görə təşəkkür edirik.

2011-01-14

962  İlqar (13-01-2011) Salam Dejure. Eger ishe baxan mehkemeye onlarin qebul etdiyi hökmün ve ya qerarin neticesinde ölüm hali bash vere bileceyini resmi mektubla bildirsek mehkeme qebul etdiyi qerara göre cavabdehlik dashiyirmi? İsh ondadir ki, boshanan adami ailesine xeyanet etdiyi üçün boshayiblar. Eger mehkemenin qerarile onu yeniden gelin köçdüyü eva yerleshdirseler heqiqeten ölüm hadisesi bash vera biler. Teshekkürümü bildirirem. Sag olun.

Salam.

Əksinə cinayət  törədən şəxs məsuliyyətə cəlb olunacaq. Çünki məhkəmə aktı qanuna əsasən qəbul edilir. Və bu məktub cinayətin törədilməsi barədə məlumat kimi qiymətləndirilə bilər və bununla əlaqədar məsuliyyətə cəlb edilməsi də mümkündür. 

Çalışın təmkinli olun və məsələni danışıqlar yolu ilə və qanunvericilik əsasında həll edin, sonrakı peşmançılıq fayda verməz. 

Sualınıza görə təşəkkür edirik.

2011-01-14

963  Sinepar (13-01-2011) Salam. Qabaqcadan size ehaliye edilen bele bir yardima gore teshekkur edirem.Artiq 10 ildirki MKiS-in ishtiraki ile bir shexsden Neft Shirketinin Sosial Inkishaf Idaresinin MKIS-inin balansinda olan aldigimiz evde yashayiriq. Ev qeza veziyyetinde olduguna gore ora ehalinin qeydiyyati aparilmirdi, yalniz MKIS-deki Domovoy knishkada Adimiz gedirdi. Hormetli Prezidentimizin qeza veziyyetinde olan evlerin temiri fermani ile elaqedar olaraq ev temir olundu. Indide bizi qeydiyyata dushmeye mecbur ediller lakin qeydiyyata almaq ucun cox boyuk meblegde (4000-5000 azn) pul isteyiller. Eks deqdirde bizi evden cixarmaqla hedeleyirler. Evde telefon ishiq ve qaz adimizadir. Onuda deyimki binadaki qonshulardan bir necesi qeydiyyata dushub (hansisa yolla). Evde 4 neferik 1 ana 3 ushaq. Xahish edirik bize komek edesiniz son umidimiz sizedir. Bize bir yol gosterin. Sagolun.

Salam.

Vətəndaşın yaşayış yeri üzrə qeydiyyata alınması Yaşayış yeri və olduğu yer üzrə qeydiyyat haqqında  Qanunun 5-ci maddəsinə əsasən həyata keçirilir. Həmçinin şəxsiyyət vəsiqənizdə qeydiyyat ünvanı olmalıdır (əgər varsa). Bunların əsasında siz DİN-nin pasport -qeydiyyat şöbəsinə müraciət edə bilərsiniz və qeydiyyata alına bilərsiniz. Mübahisə yarandıqda məhkəməyə müraciət edə bilərsiniz.

Sualınıza görə təşəkkür edirik.

2011-01-14

964  Vasif (13-01-2011). Salam. Mənim ayağımda 75 sota əkin sahəsi və 6 sota torpaq sahəsi var. Lakin bu torpağı nə əkib becərməyə imkanım var nə də bu torpaqda yaşamıram.Qaldığım yer atamın mənə həyətdə verdiyi kiçik quraqlıqdır.Həyat yoldaşım və iki uşağım var.Heçarda işləmirəm.Pensiya almıram.Ümumiyyətlə mənim adıma yuxarıdakılardan başqa heç nəyim yoxdur.Bilmək istəyirəm ki, mənə ünvanlı sosial yardım düşürmü?Əvvəlcədən təşəkkürümü bildirirəm.

Salam.

Hər bir halda müvafiq sosial yardımın alınması üçün müraciət edə bilərsiniz, sadəcə ərizənizdə həmin torpaq sahələri bardə məlumat göstərməlisiniz, ailənin gəlirləri haqqında bəyannamə və digər sənədləri təqdim etməlisiniz (Sosial Müdafiə Fonduna).

Həmin məsələ Sosial yardımın alınması üçün müraciət edilməsi, onun təyin olunması, verilməsi və verilməsindən imtina edilməsi Qaydaları ilə tənzimlənir. 

Sualınıza görə təşəkkür edirik.

2011-01-14

965  Kerim (14-01-2011). Salam. Coxusaqli anaya ne vaxt muavinet verilir? Nece usagi olduqda? Hansi yasdan sonra? Ve ne qeder? Ve diger sertleri varmi? Bunun ucun hansi senedleri teqdim etmek lazimdir?

Salam.

Həddindən artıq çox sual verldi. 

Sosial müavinətlər haqqında  Qanunun 1-ci maddəsinə əsasən 3 və daha çox uşaq doğub 8 yaşınadək tərbiyə etmiş, yaxud sağlamlıq imkanları məhdud övladını 8 yaşınadək tərbiyə etmiş 57 yaşına çatmış qadınlar əmək qabiliyyəti olmayan şəxslər sayılırlar və bununla bağlı müavinət ala bilərlər. Bunun üçün Dövlət Sosial Müdafiə Fonduna müraciət etməyiniz məqsədəuyğundur.

Sualınıza görə təşəkkür edirik.

2011-01-15

966  Kerim (14-01-2011). Salam. Ovlad ata mulkunden,yoxsa ana mulkunden mecburi paya sahibdir?

Salam.

Vərəsə kimi hər iki valideynin mülkiyyətindən məcburi pay almağa hüququ var (Mülki Məcəllənin 1159, 1193 maddələri).

Sualınıza görə təşəkkür edirik.

2011-01-14

967  Ceyhun (14-01-2011) Salam. Kooperativ mənzildə yaşayan vətəndaş faktiki olaraq mənzildə yaşamırsa və müəyyən edilmiş xidmətlərdən hər ay istifadə etmirsə o xidmət haqqı ödəməlidirmi? Bu məsələ hansı hüquqi sənədlərlə tənzimlənir və bu haqlar nəyə əsasən ödənilir? Əvvəlcədən təşəkkür edirəm. 

Salam.

Mülki qanunvericiliyə uyğun olaraq yalnız istifadə etmədiyiniz xidmətlərə görə ödənişi keçirtməlisiniz. 

Bu qədər.

2011-01-15

969  İlqar (14-01-2011). Salam Dejure.Cavablariniza göre minnetdaram.meni narazi salan qanunlarimizdir. Heqiqeten günahi olanlar hansisa yollarla öz isteklerini resmileshdirir, aileler dagidir \"edaletli\" mehkeme ise onlari müdafie edir. Bilmek isteyirem ailesine xeyanet eden valideynin qanun qarshisinda cavabdehliyi varmi? Menim düshünceme göre demokratik adlanan cemiyyetde mehkemeler qebul etdikleri qerarlarin sonda ne ile neticeleneyine diqqet etmelidir. Sagolun, teshekkürler.

Salam.

Düzdur nöqsanlar var. Misal üçün bir sıra dövlətlərdə (hətta demokratik) xəyanətə görə məsuliyyət nəzərdə tutulub, və boşanma zamanı xəyanət edən şəxs müliyyətə iddia etmək  hüququndan məhrum edilir. Hal hazırda bu müddəa qanunvericiliyimizdə nəzərdə tutulmayıb.

Sualınıza görə təşəkkür edirik.

2011-01-17

970  Sinepar (15-01-2011). 963 PS: Salam sualima cavab aldim.Derin teshekkurler.Bilirem suali yeniden vermek olmaz amma yenede risk edib sorushacam cunki bashqa sorushmaga heckimim yoxdu. Dediyyiniz kimi pasportstola getmishem posportstol meni qeydiyyata alirdi senedleri verdiyimden 4 gun sora mene zeng edib cagiraraq ishin duzelmir dediler sebeb MKIS imkan vermir. Mkis ozu ise meni qeydiyyata alir sadece cox pul isteyir.Eks halda meni evden cixarmaqla hedeleyir. Deyirki neftin balansinda olan evde qeyri qanuni qaliram. Meni bu evden cixara bilerlermi? nezere alsaqki men 10 ildirki burda yashayiram. Yenede size teshekkurler hetta sualimi cvablandirmasaz bele. Cunki heleki qarshima cixan yegane sizsizki temennasiz komek etmeye calishirsiz.

Salam.

Məsləhət görürük ki, bu məsələ ilə əlaqədar DİN-ə (həmçinin prokurorluğa) və eyni zamanda məhkəməyə müraciət edəsiniz. Çünki fikirləşirik ki, hüququ pozuntusu faktı var. Məhkəməyə və digər orqanlara müraciət edərkən həmin yerdə yaşadığınızı təsdiq edən sənədlərin surətlərini təqdim edin (qəbzlər, arayışlar, order və s.)

Sualınıza görə təşəkkür edirik.

2011-01-17

971  Ceyhun (15-01-2011) Salam. Yaş həddinin keçmiş şəxsiyyət vəsiqəsilə əmək müqaviləsi bağlamaq olar?

Salam.

Yəqin ki, şəxsiyyət vəsiqəsinin etibarlıq müddətinin başa çatmasını nəzərdə tuturdunuz. 

Azərbaycan Respublikası vətəndaşının şəxsiyyət vəsiqəsi haqqında Qanunun 7-ci maddəsinə əsasən həmin Qanunda nəzərdə tutulmuş hallarda və müddətdə vətəndaş şəxsiyyət vəsiqəsini dəyişmədikdə şəxsiyyət vəsiqəsi qüvvədən düşmüş hesab edilir. Ona görə də bu qüvvədən düşmüş sənədlə keçirilən əməliyyatların  və ya bağlanılan sənədlərində qüvvəsi olmayacaq.

Sualınıza görə təşəkkür edirik.

 2011-01-17

972  Mələk (15-01-2011) Dövlət ehtiyaclarının ödənilməsi üçün söküntüyə məruz qalan binalarda 2 otaqlı mənzildə 4 nəfər ailə üzvü olarsa onun konpensasiyası qanunvericiliyə əsasən 3 otaqlı mənzillə təmin oluna bilərmi?

Salam.

Oxşar sual Məsləhətxananın 944-cü sualında cavablandırılmışdır. Kompensasiya məbləği daşınmaz əmlakın bazar qiymətini nəzərə almaqla formalaşır.

Sualınıza görə təşəkkür edirik.

2011-01-17

973  Camala (16-01-2011). Salam. Yasadigim ev atamın adına dı,lakın qeydıyatdan cıxıb (anamla 15 il bundan qabağ bosanıblar),evi diqər aile uzvlerinin adina kecirib ve özelleşdirmek olar mi ve 2 kupca cixarmaq. əvvel ceden tesekkurler.

Salam.

Əgər həmin daşınmaz əmlak üzrə artıq Çıxarış varsa lakın mülkiyyətçi dəyişilirsə (bağışlanma, alqı-satqı yolu ilə) onda həmin dəyişiklikləri nəzərə alaraq yeni Çıxarış verilməlidir və ondan qabaq olan Çıxarış qüvvəsini itirir. 

Daşınmaz əmlakın dövlət reyestri haqqında Qanunun müddəalarını rəhbər tutun.

Sualınıza görə təşəkkür edirik.

2011-01-17

974  İlqar (16-01-2011). Salam Dejure. Yaxin keçmishde Azerbaycanda genish yayilan ve boyûk qalmaqalla yadda qalan shebeke biznesi haqqinda qanun varmi? Bu ishlerle meshgul olan shirketler haqqinda melumatiniz varsa melumat vermeyinizi xahish edirem. Sagolun, teshekkurumu bildirirem.

Salam.

Məhz sırd şəbəkə marketinqinə aid qanunvericilik aktları yoxdur. Lakın Cinayət Məcəlləsində bir-sıra müddəalar var ki, bu sahədə sui-istifaələr olduqda qarşısını alsın.

Misal üçün, maddə 192 (Qanunsuz sahibkarlıq), maddə 193 (Yalançı sahibkarlıq), maddə 197 (Əmtəə nişanlarından qanunsuz istifadə etmə), maddə 198 (Bilə-bilə yalan reklam etmə), maddə 200 (İstehlakçıları aldatma və ya pis keyfiyyətli məhsul istehsal etmə və satma), maddə 200-1 (Dərman vasitələrinin qanunsuz dövriyyəsi) və s.

Sualınıza görə təşəkkür edirik.

2011-01-17

975  Samirə (16-01-2011). Salam Prokuror iəcisindən Baş prokurora ailə zəmnində baş verən şikayətlə əlaqədar müraciət etsəm bunun mənə nə kimi köməyi xeyri olar təşəkkür edirəm

Salam.

Baş Prokurorun üzrəinə ailə məslələrini həll etməyə vəzifəsi qoyulmayıb. Bu cür məsələlər məhkəmə qaydasında həll edilməlidir. Əgər prokuror öz vəzifələrini yerinə yetirərkən və ya Davranış Kodeksinə riayət etməyib prokuror adına xələl gətirirsə onda yuxarı instansiyalar bununla bağlı müvafiq tənbeh tədbirləri görə bilər.

Sualınıza görə təşəkkür edirik.

2011-01-17

976  Ceyhun (17-01-2011). Cavabınıza görə minnətdaram (Ceyhun 967). Mümkünsə bilmək istəyərdim ki, kooperativ mənzil sahibi xidmətlərdən istifadə etmirsə mülki qanunvericiliyin hansı maddəsinə görə yalnız istifadə etmədiyi xidmətlərə görə ödənişi keçirtməlidi? Minnətdaram. 

Salam.

Sual: 967.

Bütün mülki münasibətlərin müvafiq əsasları var. Əgər hansı bir şəxs (fiziki, ya hüquqi) digərinə xidmət göstərirsə bu xidmətlərin göstərilməsi barədə müqavilə (saziş və s.) olmalıdır. Həmin müqavilə əsasında tərəflər öz öhdəliklərini yerinə yetirirlər. Misal üçün biri xidmət göstərir, o biri isə əvəzinə müəyyən pul məbləğini ödəyir.

Əgər tərəflər arasında mövcud olan müqaviləyə xitam verilirsə müvafiq qaydada tərəflərin öhdəliklərinə də xitam verilir (əgər bu sahə sizi doğrudan maraqlandırırsa Mülki Məcəllənin 6-cı bölməsinə nəzər yetirin 385-566 maddələri). 

Belə ki, Azərbaycan Respublikasında dövlət və ictimai mənzil fondu evlərində yaşayış sahəsindən istifadə haqqı (mənzil haqqı) və mənzil-kommunal xidmətlərinə görə tariflərin təsdiq edilməsi haqqında Nazirlər Kabinetinin qərarının 3-cü bəndinin \"b\" yarımbəndinə əsasən dövlət mənzil-istismar və təmir-tikinti təşkilatları özəlləşdirilmiş mənzillərin (evlərin) mülkiyyətçiləri (mülkiyyətçilərin şirkətləri, digər birlikləri) ilə yalnız müqavilə əsasında bu evlərə (mənzillərə) xidmət göstərə bilərlər. 

Sualınıza görə təşəkkür edirik.

2011-01-17

977  Ceyhun (17-01-2011) Qanuna görə uşağa qulluqla əlaqədar sosial məzuniyyətdə olan işçiyə 2-ci uşaq üçün hamiləliyə və doğuşa görə məzuniyyətə çıxa bilərmi və haqqı ödənilməlidirmi? Bu qayda necə və hansı qanunvericiliklə tənzimlənir? Əvvəlcədən minnətdaram.

Salam.

Əmək Məcəlləsinin 127-ci maddəsinə əsasən uşağa bilavasitə qulluq edən valideynlərdən biri, yaxud ailənin başqa üzvü uşağın üç yaşı tamam olanadək ona qulluq etməkdən ötrü qanunvericiliklə müəyyən edilmiş məbləğdə müavinət verilən qismən ödənişli sosial məzuniyyət almaq hüququna malikdirlər. Uşağa qulluq edən işçi yazılı ərizəsi əsasında qismən ödənişli sosial məzuniyyət hüququndan tam, yaxud hissə-hissə istifadə edə bilər.

Uşağa qulluğa görə qismən ödənişli sosial məzuniyyətdə olanlara verilən müavinətin artırılması haqqında Prezidentin Sərəncamına əsasən bir yaş yarımadək uşağa qulluğa görə qismən ödənişli sosial məzuniyyətdə olanlara verilən aylıq müavinətin məbləği 20 manat, bir yaş yarımdan üç yaşınadək uşağa qulluğa görə isə həmin müavinətin məbləği 10 manat miqdarında müəyyən edilib.

Sualınıza görə təşəkkür edirik.

2011-01-18

978  Samirə (17-01-2011). Salam Baş prokurora prokuror işcisindən ailə zəmnində yaratdigi problemlə əlaqədar müraciət etsəm(həyat yoldaşi) bunun mənə nə kimi köməyi xeyri olar? xahiş edirəm cavab yazin Təşəkkür edirəm

Salam.

Samirə xanım. Bu suallarla bağlı artıq bir neçə dəfə cavab vermişik. Müraciət etməyinizin nə qədər effektiv olması barədə qabaqcadan demək düzgün olmazdı, çünki ailə problemlərin həll edilməsi prokurorun vəzifəsi deyil, əksinə bu addım problemi qabarda bilər. Əgər problemi həyat yoldaşınızla həll edə bilmirsinizsə məhkəmə qaydasında həll edə bilərsniz (son tədbir kimi).

Bu qədər.

2011-01-18

979  Xəzər (18-01-2011) Salam De Jure kollektivi. Saullara cavab verdiyiniz ucun tesekkur edirem. Biz sigorta sirketi kimi rayon mehkemesinde iddia qaldirdiq ziyanin odetdirilmesi ucun. rayon ve apelliyasi mehkemelerinin qerari bizim xeyrimize cixdi. Lakin mehkeme icracilari cavabdehin yasayis yerininin hemin rayonun erazisine aid olmadigini esas getirerek isi icrasiz mehkemeye qaytarib. Men cavabdehin unvanini MAPS-dan almisam hemin rayonun erazisidir. Men vesadet vermek isdeyirem ki, qetname icraya yoneldilsin. Men hansi mecelleye ve ya qanununa hansi maddesine esaslanmaliyam ve vesadeti isise baxan hakime (rayon mehkemesi) yoxsa mehkeminin sedrine vermeliyem? Cox xahis edirem bu saula bu gun cavab verin imkan varsa. Minnetadram.

Salam.

İcra haqqında Qanunun 23.7-ci maddəsinə əsasən icra sənədinin məhkəməyə və ya digər orqana qaytarılması, avans ödəməsinin isə tələbkara qaytarılması barədə icra məmuru tərəfindən qərar qəbul edilir və həmin qərar icra qurumunun rəhbəri tərəfindən yoxlanılaraq təsdiq olunur. Tərəflər həmin qərardan onun surətini aldıqdan sonra 10 gün müddətində müvafiq məhkəməyə şikayət verə bilərlər.

Buna görə də sübutlarınızı toplayaraq həmin məhkəməyə icra məmurun qərarından şikayət edə bilərsiniz.

Nəzərənizə çatdırırıq ki, sifarişlə suallar cavablandırmır, amma ola bilsin ki, gələcəkdə bu cür xidmətlər təmənnalı əlavə olunacaq.

Sualınıza görə təşəkkür edirik.

2011-01-18
 

980  Ceyhun (18-01-2011) Salam hörmətli Dejure, Aşağıdakı vəziyyətə uyğun hüquqi məsləhət verməyinizi xahiş edirəm. Heç kimə sirr deyil ki, hal-hazırda yaxşı iş tapmaq bir o qədər asan məsələ deyil. Praktikada yeni işin işçini qane edib etməməsi və s. nüanslar da,sual altdadır. Bu da öz növbəsində faktiki olaraq işləyən lakin, işindən narazı olduğundan yeni iş axtaran işçidə narahatçılıq doğurur. Bu baxımdan və köhnə işini itirməmək üçün işçi, təşkilatın işəgötürəninə bu barədə heç nə demir ki, yeni iş onu qane etməzsə öz köhnə iş yerində işini davam etdirə bilsin. Bu minvalla işçi əmək məzuniyyəti götürür. Digər tərəfdən də, yeni iş yerində işləmək üçün işəgötürənə müvafiq sənədlər, o cümlədən əmək kitabçası təqdim etməlidir. Sual: Əmək qanunvericiliyinə görə qeyd edilənləri necə rəsmiləşdirmək olar ki, işçi 1 ay müddətində yeni işdə işləsin lakin yeni iş onu qane etməzsə öz köhnə işinə qayıda bilsin? Əvvəlcədən minnətdaram.

Salam.

Bu yalnız işçinin maraqlarını əks etdirəm mövqedir. İşəgötürənin isə maraqları bu mövqedə təhlükə altındadır. Əgər işçi həmin işəgötürənlə işləmək istəmirsə o yeni iş axtarmağa başlayır ki, işəgötürənin bu barədə məlumatı olmasın. Ona görə də müxtəlif bəhanələrdən istifadə edir (məzuniyyət və s).

İşəgötürənin öz maraqları var, işçinin də öz maraqları var. Əgər bu maraqlar bir-birinə uyğundursa onlar birgə çalışırlar, əgər toqquşurlarsa ayrılırlar. Əgər işçi  başqa iş yerinə gedirsə bu artıq o dəməkdir ki, öz işini və işəgötürəni qiymətləndirmir.

Bu qədər.

 2011-01-18

981  Ceyhun (18-01-2011) Salam. İlk növbədə sualı (977) cavablandırdığınıza görə sizə öz dərin minnətdarlığımı bildirirəm. Lakin cavabın aydın olması üçün qeyd etməliyəm ki, söhbət uşağa qulluqla əlaqədar sosial məzuniyyətdən və yaxud həmin məzuniyyətə görə ödənilən haqqın məbləğindən yox, uşağa qulluqla əlaqədar sosial məzuniyyətdə olan işçiyə (məzuniyyətdə ola-ola) 2-ci uşağa görə hamiləlik və doğuşla əlaqədar məzuniyyət (analıq məzuniyyəti 126 gün) haqqının ödənilib ödənilməməsindən gedir. Mümkünsə suala aydınlıq gətirərdiz. Əvvəlcədən minnətdaram

Salam.

Sual - 977.

Əmək Məcəlləsinin 132-ci maddəsinə əsasən əmək məzuniyyətinə hüquq verən əmək stajına işçinin faktik işlədiyi vaxt daxil edilir. Həmin Məcəllənin 127-ci maddəsində (Qismən ödənişli sosial məzuniyyət hüququ və ondan istifadə qaydaları) nəzərdə tutulan qismən ödənişli sosial məzuniyyət müddəti, məzuniyyət hüququ verən əmək stajına daxil edilmir. 

Sualınıza görə təşəkkür edirik.

2011-01-18

982  Bahruz (18-01-2011). Salam. Yoxlama zamanı işçilərin əmək haqqı yoxlanılarkən nələrdən başlamaq lazımdır?

Salam.

Bu artıq yoxlayan şəxsin mülahizəsindən asılıdır. Hər bir halda əmək haqqını (və işçiyə ödənilən digər ödənclərin) əks etdirən sənədlərin olub olmamasını yoxlamaq lazımdır. Əsas sənədlər aşağıdakılardır: Əmək Kontraktları, Əlavələr, Əmrlər (məzuniyyət, ezamiyyət, mükafat, cərimə və s), ezamiyyət vərəqələri,  xəstəlik vərəqələri və.

Sualınıza görə təşəkkür edirik.

2011-01-18

983  Bahruz (18-01-2011) Salam. Əməliyyat-axtarış fəaliyyəti haqqında qanuna nəzarəti hansı orqan həyata keçirir?

Salam.

 Əməliyyat-axtarış fəaliyyəti haqqında Qanunun 5-ci maddəsinə əsasən əməliyyat-axtarış fəaliyyətini Azərbaycan Respublikasının cinayət-prosessual qanunvericiliyində nəzərdə tutulmuş təhqiqat orqanları həyata keçirirlər.

\"Əməliyyat-axtarış fəaliyyəti haqqında\" Azərbaycan Respublikası Qanununun Tətbiq edilməsi barədə Prezidentin Fərmanında həmin orqanlar göstərilib.

Sualınıza görə təşəkkür edirik.

2011-01-19

984  Bahruz (18-01-2011) Salam. Bu sualın cavabıni sizdən bilmək istərdim. Bunlardan hansı son təyinat prinsipi üzrə hesablanır? a)Idxal, b)yığım, c)aksiz, d)yol vergisi

Salam.

Gözləmirdik ki, testlərə məruz qalacayıq. Hesab edirik ki, Gömrük tarifi haqqında Qanunun 22-ci maddənin \"b\" bəndini və 18 ci maddənin \"a\" bəndini nəzərə almalısınız (yol vergisi)

Sualınıza görə təşəkkür edirik.

. 2011-01-19

985  Sevgi (18-01-2011) salam cox xahis edirem etrafli cavablandirin. Men 1 turk vetendasi ile aile qururam,nigahimiz bakida olacag,bunun ucun mene ve ona hansi senedler lazimdi,ve nece olmalidi bi islemeler.nigahdan sonra turkiye yasayacig. Onceden deyimki oda mende evli olub bosanmisig.cox xahis edirem etrafli yazin.birdeki menim usagim var 1-ci evlilikden olan nigahdan,o usagi bu turk vetendasi oz uzerine goturmek ucun ne etmeliyik,hansi senedler ve hara muraciet olunmalidi?

Salam.

Ailə Məcəlləsinin 7-ci bölməsini  (AİLƏ QANUNVERİCİLİYİNİN ƏCNƏBİLƏRİN VƏ VƏTƏNDAŞLIĞI OLMAYAN ŞƏXSLƏRİN İŞTİRAKI İLƏ AİLƏ MÜNASİBƏTLƏRİNƏ TƏTBİQİ). Və Vətəndaşlıq vəziyyəti aktlarının dövlət qeydiyyatı Qaydasının 3-cü paraqrafını rəhbər tutmalısınız.

Sualınıza görə təşəkkür edirik.

2011-01-19

986  İlqar (18-01-2011) Salam Dejure.hemishe oldugu kimi yenä kömeyinize ehtiyacim var.evvelki suallarim birine (etibarname ile bağli)cavabinizda göstermishdiniz ki, etibarnameni notariusda aldiqdan sonra qeydiyyat imtahan bölmesinde 10 gün erzinde qeydiyyata salmaq lazimdir. Eger gösterilen müddet keçibse cerimenin mebleği ne qederdir?. Cavabinizi gözleyirem ve evvelceden teshekkürümü bildirirem.

Salam.

İnzibati Xətalar Məcəlləsinin 154.1maddəsinə əsasən nəqliyyat vasitələrinin sahibləri və ya sürücüləri tərəfindən müəyyən edilmiş qaydada və müddətdə nəqliyyat vasitəsinin dövlət qeydiyyatından və texniki baxışdan keçirməməyə və ya dövlət qeydiyyatından keçirilmiş nəqliyyat vasitəsi icarə müqaviləsi, etibarnamə əsasında başqa şəxsə verildikdə onu təkrar dövlət qeydiyyatından keçirməməyə, yaxud nəqliyyat vasitəsinin geri qaytarılması barədə öhdəçiliyə əməl etməməyə, eləcə də nəqliyyat vasitəsinin özgəninkiləşdirilməsinin rəsmiləşdirilməsi və ya girov qoyulması qaydalarının pozulmasına görə

—       fiziki şəxslər otuz manat miqdarında, vəzifəli şəxslər qırx manatdan yetmiş manatadək miqdarda cərimə edilir.

Sualınıza görə təşəkkür edirik.

2011-01-19

987  Ceyhun (19-01-2011) Sual (980) mövqe bildirdiyinizə görə ilk növbədə sizə minnətdarlığımı bildirirəm. Bununla yanaşı bəzi məsələlərin qeyd edilməsini vacib hesab edirəm. Göründüyü kimi sualda vəziyyətə uyğun hüquqi məsləhət verilməsi və bu vəziyyətə uyğun sonda verilmiş konkret suala aydınlıq gətirilməsi xahiş edilmişdir.Sualda vəziyyətə uyğun olaraq işçi ilə işəgötürən arasında işgüzar münasibətlərin mülahizəsi və yaxud vəziyyətin necə nəticələnəcəyi barədə soruşulmur, sualda qeyd edilən vəziyyətdə qanuni addımların atılması üçün hansı müvafiq rəsmiləşdirmə işlərinin mümkünlüyü, bunun həyata keçirilməsi üçün qanunda müvafiq normaların nəzərdə tutulub tutulmamasından gedir ki, belə bir vəziyyətdə hər bir şey qanun çərçivəsində görülsün. Xahiş edirəm bunu nəzərə alasınız.Onu da qeyd etməliyəm ki, vətəndaşların müvafiq qayda qanunları bilməməsi və ən azı qanunlarla maraqlanmaması ucbatından belə vəziyyətlər yaranır. Məhz buna görədə qanunların aliliyini təmin etmək üçün sizin sayta müraciət edirik. Təşəkkur

Salam.

Əlbəttə ki, bizim də marağımız odur ki, vətəndaşlar müxtəlif hüquqi problemləri müzakirə etməkdən çəkinməsin və hətta mübahisələndirsin. Biz yalnız bunun tərəfdarıyıq. Və eyni zamanda mövqenin əsaslı, obyektiv və qərəzsiz olmağın tərəfdarıyıq.

Sizə də təşəkkürümüzü bildiririk.

2011-01-19

988  Ceyhun (19-01-2011). Təşkilatda ictimai əsaslarla işləyən vəzifəli şəxs təşklatın hüquqi sənədlərinə imza atmağa səlahiyyəti varmı? Əvvəlcədən minnətdaram.

Salam.

Əgər təşkilatın hüquqi sənədlərində səlahiyyətli şəxslərin imzası (direktor, mühasib və s.) olmasa həmin sənədlərin hüquqi qüvvəsi olmayacaq. Digər şəxslərin \"viza\"sı təşkilatdaxili məsələdir və rəhbəərlik tərəfindən tənzimlənə bilər (misal üçün işçinin ixtisaslandığı sahə üzrə). 

Sualınıza görə təşəkkür edirik.

2011-01-19

989  Bahruz (19-01-2011). Salam hormetli dejure əməkdaşları 983-cü sualın cavabını siz yazdığınız AR. Prezidentinin 206N fərmanında cavab tapa bilmədim. Əməliyyat-axtarış fəaliyyəti haqqında qanuna nəzarəti hansı orqan həyata keçirir? Mümkünsə sualı özünüz cavablandırardız. Əvvəlcədə təşəkkür edirəm.

Salam.

Necə yəni özümüz cavablandıraq? 

Sual özü-özlüyündə təzadlıdır. Ola bilsin qanunun icrasına nəzarəti nəzərdə tutursunuz (çünki qanun yaradan orqan Milli Məclisdir və qanunlara dəyişikliklər həmin qurum tərəfindən həyata keçirilir). Hər bir qanun pozuntusu (fərqi yoxdur hansı qanun pozulur) ilə bağlı siz hüquq mühafizə orqanlarına müraciət edə bilərsiniz. 

Əgər əməliyyat-axtarış fəaliyyətinə nəzatini nəzərdə tutursunuzsa bunun üçün prokuror nəzarəti də nəzərdə tutulub (Əməliyyat-axtarış fəaliyyəti haqqında Qanunun 20-ci maddəsi).

Sualınıza görə təşəkkür edirik.

2011-01-19

990  Ramin (19-01-2011). Salam! Xahiş edirəm mənim sualımı cavablandırasınız. Əmək qanunvericiliyində məcburi köçkünlərə vergi güzəşti nə qədər məbləğ nəzərdə tutulur

Salam.

Əgər vergi güzəştləridirsə deməli Vergi Məcəlləsinə əsasən güzəştlər verilir. 

Belə ki, Vergi Məcəlləsinin 102.4.5-ci maddəsinə əsasən məcburi köçkünlər və onlara bərabər tutulan şəxslər hər hansı muzdlu işdən vergi tutulmalı olan 55 manat məbləğində azaldılır (Bu güzəşt mənzil qanunvericiliyinə və ya mülki hüquqi əqdlərə əsasən ayrıca mənzil sahəsi əldə etməsi nəticəsində daimi məskunlaşmış şəxslərə şamil edilmir).

Sualınıza görə təşəkkür edirik.

2011-01-20

991  İlqar (19-01-2011) Salam Dejure. Atam qardashima ve mene sürme etibarnamesi verib. İkimizin de adi bir etibarnamede gösterilib. Tekrar dövlet qeydiyyatindan keçirerken oranin mesul ishçisi shtampi vurub, deftere salan ishçi ise qardashimin adini qeyd edib, menim adimi ise yox. Sebeb menim baki qeydiyyatimda oldugumu, sürücülük vesiqemde ise rayondaki evimizin oldugunu gösterib. Men avtoshkolani rayonumuzda oxumusham, sür.vesiqesini alarken rayondaki evimize müveqqeti qeydiyyata düshmüshdüm.sualim beladir:onlar bu hereketile qanunu pozurlarmi? Pozurlarsa men hüququmu neca müdafie edim?yox eger haqlidirlarsa onda neca hereket etmeliyem? Cavabinizi gözleyim. güman edirem ki, fikrimi size çatdira bildim.teshekkürümü bildirirem.

Salam.

Azərbaycan Respublikasında notariat hərəkətlərinin aparılması qaydaları haqqında Təlimatın 75-ci bəndinə əsasən notarius bir və ya bir neçə şəxs adından bir və ya bir neçə şəxsin adına verilən etibarnaməni təsdiq edə bilər. Və səlahiyyətli şəxsin bununla bağlı iradı əsassızdır. Qanunvericiliyin bu müddəasını onun nəzərinə çatdıra bilərsiniz.

Mübahisə zamanı yuxarı instansiyaya da şikayət edə bilərsiniz (və yaxud özünüz üçün ayrı etibarnamənin hazırlanması üçün tədbirlər görə bilərsiniz).

Sualınıza görə təşəkkür edirik.

2011-01-20

992  Natalya (20-01-2011). Salam! hörmətli De Yure! Mənim atam 2004-cü ildə vəfat etmişdir. iki övladiq, mən və qardaşim. Mən ərdəyəm və ayrl yaşayşram. qardaşlm isə 20 ildən coxdur ki, Amerika vətəndaşldlr və Amerikada yaşaylr. Atam isə özəlləşmiş mənzildə tək qeydiyyatda olub. Hələ saqliqinda ,yəni 1996-cl ildə yaşadlğl mənzilini öz nəvəsinə (notarius)vəsiyyət etmişdir. Sual; 20 ildən cox, Amerika vətəndaşl olan qardaşa,ata mənzilindən pay catlrml? əgər catlrsa və gəlməsə, buna vaxt tələbi varml və yaxud onun pay tələbi əgər gəlməsə, hansl müddətə qədər qüvvədə qallr? təşəkkür edirəm!

Salam.

Mülki Məcəllənin 1246-ci maddəsinə əsasən vərəsə vərəsəliyə çağırıldığını bildiyi və ya bilməli olduğu gündən üç ay ərzində mirası qəbul edə bilər. Miras açıldığı gündən altı ay keçdikdən sonra mirasın qəbuluna yol verilmir.

Sualınıza görə təşəkkür edirik.

2011-01-21

993  İlqar (20-01-2011) Salam Dejure. 991-ci suala bir qeder aydinliq getirmeyinizi xahish edirem.mene notariusda yox,qeydiyyat imtahan bölmesinde problem yaradirlar.notarius etibarnameni verib,RQIB-de etibarnamenin üz qabiğina shtampda vurulub, deftere salan ishçi menim adimi qeydiyyata salmaqdan imtina edir. 991-ci sualda etrafli bu barade yazmisham. Xahish edirem :menim hansi qanuna esaslanib onlara iradimi bildirmeyimi göstereseniz. Teshekkürümü bildirirem.

Salam.

Sual - 991

Əgər səlahiyyətli şəxs qanunvericilik tələblərinə riayət etmirsə yuxarı instaniyaya və ya məhkəməyə müraciət edə bilərsiniz.

Sualınıza görə təşəkkür edirik.

2011-01-21

994  Aydın (20-01-2011.) Salam. Ali Məhkəməyə kasasiya şikayəti vermişdim. Dəfələrlə Cinayət kollegiyasına zəng etdim, dedilər baxılanda xəbər edəcəyik. Amma mənə heç bir xəbər vermədən, məni dəvət etmədən, mənim iştirakım olmadan 29 dekabr 2010-cu il tarixdə baxıblar, (hakimin adi gizlədilib) sədrliyi ilə və 19 yanvar 2010-cu il tarixdə mən həmin saxta məhkəmənin qərarını aldım. Sonra Cinayət kollegiyasına zəng etdim ki niyə məni dəvət eləməmisiniz, deyirlər ki burada həmin tarixdə məhkəmə olmayıb... Nə isə. İndi mən əlavə kasasiya şikayəti verməliyəm və mənə vəkil lazımdır, belə ki vəkilsiz götürməyəcəklər. Bəs mən vəkili haradan tutum? Dövlət hesabıma vəkil tutmaq üçün nə etməliyəm? Əvvəlcədən təşəkkür edirəm.

Salam.

Cinayət-Prosessual Məcəlləsinin 422-ci maddəsinə əsasən əlavə kassasiya qaydasında Azərbaycan Respublikası Ali Məhkəməsinin Plenumuna təqdimat vermək hüququna yalnız Azərbaycan Respublikası Ali Məhkəməsinin sədri malikdir. Azərbaycan Respublikası Ali Məhkəməsinin sədri bu səlahiyyətləri apellyasiya məhkəmələrinin sədrlərinin və ya Naxçıvan Muxtar Respublikasının Ali Məhkəməsi sədrinin təqdimatı əsasında da həyata keçirir.

Əlavə kassasiya qaydasında şikayət vermək hüququna yalnız məhkum və ya onun xahişi ilə aşağıdakı tələblərə cavab verən müdafiəçi malikdir:

• bu Məcəllənin 92.1-ci maddəsində nəzərdə tutulmuş tələblərə cavab verən vəkil (Cinayət prosesində müdafiəçi qismində yalnız Azərbaycan Respublikasının ərazisində vəkillik fəaliyyətini həyata keçirmək hüququna malik olan vəkil iştirak edə bilər.);
• cinayət işi, məhkəməyədək sadələşdirilmiş icraatın materialları və ya xüsusi ittiham qaydasında şikayət üzrə icraatda iştirak etmək üçün vəkillik kollegiyasının müvafiq qurumunun orderini almış vəkil.

Sualınıza görə təşəkkür edirik.

2011-01-22

995  Orkiapus (21-01-2011) salam. ilk once vereceyiniz cavab ucun size tesekkur edirem. mene komeyiniz lazimdir. Qanuna gore Nazirlər Kabinetinin 105 nömrəli qərarı ilə təsdiq edilmiş “Fiziki şəxslər tərəfindən istehsal və kommersiya məqsədləri üçün nəzərdə tutulmayan malların Azərbaycan Respublikasının gömrük sərhədindən keçirilməsi Qaydaları“nın 2.1.2. yarım bəndinə əsasən, fiziki şəxslər beynəlxalq poçt göndərişləri vasitəsilə ümumi dəyəri 200 ABŞ dollarına ekvivalent və ya çəkisi 20 kiloqramdan artıq olmayan malları aldıqda (göndərdikdə) qanunvericiliklə müəyyən edilmiş gömrük ödənişlərini ödəmədən Azərbaycan Respublikasının gömrük sərhədindən keçirə bilərlər. Malin 200 ABŞ dollari olub olmadigini kim mueyyen edir. meselen mene poct vasitesile islenmis mobil telefon yollayacaqlar. meblegi 160 dollar civarindadir amma onun tezesi 200 dollardan bahadir. bele olan halda telefonun qiymetlendirilmesini kim edecekdir? o telefonu elave rusum odemeden men poct sobesinden ala bileremmi? tesekkurler

Salam.

Hansı bir mal dövlət sərhədindən keşirilərkən müvafiq rəsmiləşdirmədən keçməlidir. Daha dəqiq bu baərədə Azərbaycan Respublikasının gömrük sərhədindən keçirilən beynəlxalq poçt göndərişlərinə gömrük nəzarəti və onların gömrük rəsmiləşdirilməsi Qaydaları ilə tanış olmaqla məlumat ala bilərsiniz. Dövlət sərhədindən mallar keçirilərkən onların qaimələrinə diqqət yetirilir (hansında adətən qiymət cə s rekvizitlər göstərilir), əgər qiymət ilə mübahisə yaranırsa bununla bağlı gömrük brokerinə müraciət oluna bilər.

Gömrük Məcəlləsinin 118-ci maddəsinə əsasən gömrük ödənişləri (yol vergisi, \"İcazə\" blankına görə dövlət rüsumu  istisna olmaqla) Azərbaycan Respublikasının gömrük orqanına, beynəlxalq poçt göndərişləri ilə göndərilən mallar üçün isə poçt rabitəsi operatorlarına ödənilir.

Sualınıza görə təşəkkür edirik.

2011-01-22

996  Ceyhun (21-01-2011) Cavablarınıza görə minnətdaram. (988,987) Aydın məsələdir ki, (988) səlahiyyəti olmayan işçi, səalahiyyəti olamadığına görə hüquqi sənədlərə imza ata bilməz. Söhbət ictimai əsaslarla işləyən işçidən gedir. Cavabınızda göstərilməyib ki, (988) ictimai əsaslarla işləyən işçinin hüquqi sənədlərə imza atmağa səlahiyyəti var yoxsa yox?! Digər tərəfdən 987-ci sualda qeyd edilmiş suala yenə də, mahiyyəti üzrə cavab verilməyib. Unutmayın ki, sizin əsaslı cavablarınız bizim üçün vacibdir. Təşəkkür edirəm.

Salam.

Suallar 988, 987.

Məsləhətxananın 987-ci sualında əks olunan məsələ qanunvericiliklə tənzimlənmədiyi üçün mahiyyəti üzrə 980-ci sualda cavablandırılmışdır, qeyd etdiyimiz kimi  həmin məsələ qanunuvericiliklə tənzimlənmir (ona görə bu məsələyə yalnız mülahizəmizi bildirmişdik).

Digər məsələ ilə əlaqədar bildirməliyik ki, ictimai əsaslarla işləyən şəxsin heç bir hüququ statusu yoxdur, əksinə Əmək müqaviləsi olmayan şəxs təşkilatda çalışırsa buna görə təşkilat müvafiq məsuliyyətə cəlb oluna bilər. İnzibati Xətalar Məcəlləsinin 53-cü maddəsinə əsasən (vəzifəli şəxslər üç min manatdan beş min manatadək miqdarda, hüquqi şəxslər iyirmi min manatdan iyirmi beş min manatadək miqdarda cərimə edilir). Ona görə də həmin şəxs tərəfindən təşkilatın hansı bir sənədlərin imzalanması müvafiq dövlət qurumu tərəfindən məhkəmədə sübut kimi göstərilə bilər. 

Sualınıza görə təşəkkür edirik.

2011-01-22

997  Camal (21-01-2011). Salam! Boşanmadan sonra uşağımı saxlamaq üçün qarşı tərəfdən ev kirayəsi xərclərinin tələbinə dair iddia qaldıra bilərəmmi? və hansı qanuna görə?

Salam.

Ailə Məcəlləsinin 76-78 maddələrində alimentin miqdarı və növləri barədə məlumat  ala bilərsiniz

Nəzərə alınmalıdır ki, sabit pul məbləğinin miqdarı məhkəmə tərəfindən tərəflərin maddi və ailə vəziyyəti, diqqətəlayiq olan digər hallar nəzərə alınmaqla uşağın əvvəlki təminatının səviyyəsinin mümkün qədər maksimal saxlanması əsas tutularaq müəyyən edilir.

Sualınıza görə təşəkkür edirik.

2011-01-22

998  Aydın (22-01-2011). Cavablnıza görə təşəkkür edirəm, denəli, mən Ali məhkəmə sədrini, ya da baş prokuroru özümə vəkil tutmalıyam ki mənim üçün əlavə kasasiya şikayəti etsinlər. Əgər etməsələr Avropa Məhkəməsinə şikayət etməliyəm. Bunun üçün nə edim? Təşəkkür edirəm.

Salam.

Təbii ki, yox. Nə prokuroru, nə də ki, hakimi vəkil kimi tuta bilməzsiniz. Vəkil yalnız Vəkillər Kollegiyasının üzvü sayıla bilər. 

Cinayət-Prosessual Məcəlləsinin 193.2-ci maddəsinə əsasən şübhəli və ya təqsirləndirilən şəxsin müdafiəçinin xidmətlərini ödəməyə kifayət qədər vəsaiti yoxdursa və müdafiəçinin cinayət prosesində iştirakı bu Məcəllənin 92.3-cü maddəsində (ən azı bu kifayətdir: \"şübhəli və ya təqsirləndirilən şəxs tələb etdikdə\") nəzərdə tutulmuş hallarda təmin olunmalıdırsa, cinayət prosesini həyata keçirən orqan həmin şəxsə hüquqi yardımın göstərilməsini Azərbaycan Respublikasının dövlət büdcəsi vəsaiti hesabına təmin etməlidir.

Sualınıza görə təşəkkür edirik.

2011-01-24

999  Ceyhun (24-01-2011). Salam. Hüquqi və fizki şəxs, ümumiyyətlə digər şəxslər arasında, müəyyən ödəniş müqabilində xidmət və yaxud digər müqavilə bağlanırsa bu halda, hansı tərəfə, necə və hansı vergi tətbiq edilməlidir? Əvvəlcədən təşəkkür edirəm.

Salam.

Müxtəkuf variantlar ola bilər. Müqvilənin müddəalarında da bu əks olunmalıdır. Adətən gəlir əldə edən şəxs vergini ödəməlidir (ƏDV 18% və ya sadələşdirilmiş 4%). Amma elə olur ki, vergi mənbəyindən də ödəniş keçirilir (misal üçün podrat, royalti müqavilələri). 

Sualınıza görə təşəkkür edirik.

2011-01-25

1000  Samirə (24-01-2011). Salam. Cavablariniza görə təşəkkür edirəm. Baş prokurora və ya prokurorun birinci müavininə iscisindən ailə zəmnində yaratdigi problemlə əlaqədar muraciət etsəm bunun mənə nə kimi xeyri köməyi olar cavabda yazmisiniz ki bu addim problemi qabarda bilər bu qabarmaya nə aiddir? Xahiş edirəm ətrafli yazin. Özü ilə bu problemi həll etmək olmur məni hədələyir deyir onsuzda nə edirsən et mənim hər yerdə adamim var məhkəmənidə udacam sən hec kimsən vəzifəsindən sui istifadə edir Dövlət nigahimiz kəbinimiz var belə vəziyyətdə hansi tədbir görülməlidir

Salam.

Bununla bağlı sizə ətraflı məlumat vermişik. Amma fikirləşirik, daha yaxşı olar ki Qadınların Hüquqların müdafiəsi ilə məşğul olan QHT-lərə müraciət edəsiniz. Ola bilsin ki, sizə kömək edə bildilər.

• ABA CEELI (Amerika Hüquqşünaslar Assosiasiyası)
• Hüquqşünas Qadınlar Assosiyasiyası

Bu qədər.

2011-01-25

1001  Aydın (24-01-2011). Təşəkkür edirəm cavabınıza görə. Amma deyəsən, mən fikrimi izah edə bilməmişəm. Mən zərər çəkmişəm. Ələvə kassasiya şıkayəti verməyə hüququm yoxdur. Məmim kassasiya şikayətimə CPM-nin 5 maddəsini pozmaqla baxıblar. Bu isə Ali məhkəmə, yaxud Baş prokurora hüquq verir ki, bu işə əlavə kassasiya qaydasında baxılmasını tələb etsinlər. Əgər onlar bunu etmirlərsə, mən ya baş prokuroru ya Ali məhkəmə sədrini vəzifə səlahiyyətlərini yerinə yetirmədiklərinə və saxtakarlığı dəstəklədiiklərinə və cinayəti ört-basdır etdiklərinə görə məhkəməyə verməliyəm ya da Avropa İnsan Hüquqları Məhkəmməsinə şikayət etməliyəm. Bu variantlardan hansı daha effektli ola bilər? Hələlik, Ali Məhkəmənin sədrinə Ali məhkəmədə qəbul olunmuş rüsvayçı qərar barədə rəsmən məlumat verdim və Avropa Məhkəməsinin saytını da tapdım, onlara da ərizə göndərdim. Təşəkkür edirəm.

Salam.

Əgər Azərbaycan daxilində bütün məhkəmə instansiyaları keçmisinizsə (kassasiya instansiyasını keçmək artıq kifayətdir) onda Avropa İnsan Hüquqları Məhkəməsinə müraciət edə bilərsiniz.

Belə ki, İnsan hüquqlarının və əsas azadlıqların müdafiəsi haqqında Konvensiyanın 35.1-ci maddəsinə əsasən məhkəmə yalnız beynəlxalq hüququn hamılıqla qəbul edilmiş normalarına müvafiq olaraq bütün daxili hüquq müdafiə vasitələri tükəndikdən sonra işi baxılmağa qəbul edə bilər və iş üzrə son qərarın çıxarıldığı tarixdən altı ay keçənədək işə baxa bilər.

Həmçinin Mülki Prosessual Məcəllənin 42-ci maddəsinə (Cinayət işindən əmələ gələn iddia üzrə aidiyyət) və 14.5-ci maddəsinə əsasən  vəkilin prosesdə məcburi iştirakı tələb olunduğu hallarda işdə iştirak edən şəxslərin vəkilin xidmətlərini ödəmək üçün kifayət qədər vəsaiti olmadıqda, onlar maraqlarının təmsil olunması və prosessual hüquqlarının həyata keçirilməsi üçün pulsuz (dövlət hesabına) peşəkar hüquqi yardım almaq hüququna malikdirlər.

Sualınıza görə təşəkkür edirik.

2011-01-25

1002  Namik (25-01-2011) Salam evvelceden cavabıniza görə teşekkür edirem,sualım beledir kı,icra işiyle bağlıdır.Borclu mehkeme qaydasinda üzerine qoyulan borcu ödemir,men buna göre bu borcu borclunun her hansı emlakina yönelde bilerem? Eger he nece,hansı qaydada

Salam.

Bəli. Bunun üçün Mülki Prosessual Məcəllənin  13-cü fəslinə  (İDDİANIN TƏMİN EDİLMƏSİ) riayət etməklə. məhkəməyə ərizə ilə müraciət etməlisiniz.

Sualınıza görə təşəkkür edirik.

2011-01-25

1003  Ceyhun (25-01-2011) Salam. İşçilərin vəzifə öhdəlikləri hansı hüquqi normalar əsasında yazılmalıdır? Əvvəlcədən təşəkkür edirəm.

Salam.

Qeyd etdiyiniz vəzifələr Əmək Kontraktında və ya vəzifə təlimatlarda əks olunmalıdır (vəzifə təlimatları öz növbəsində təşkilatın rəhbərliyi tərəfindən təsdiq olunur). Ümumi öhdəliklər  Vəzifələri artıq görülən işlərinin xüsusiyyətindən asılıdır.

Əmək müqaviləsinin (kontraktın) nümunəvi formasına və bu bölmədə göstərilən vəzifə təlimatlarına diqqət yetirə bilərsiniz. 

Sualınıza görə təşəkkür edirik.

2011-01-25

1004  Bahruz (26-01-2011) Salam. Bildiyiniz kimi Valyuta nəzarətini Mərkəzi Bank, DGK həyata keçirir.(Valyuta Nəzarəti Orqanlarıdır) Sualım belədir ki, digər valyuta orqanı və ya orqanları hansılardır? cox təəssüf Valyuta Nəzarəti haqqında qanunda bu haqda geniş məlum verilmir. Ancaq yazılır müvafiq icra hakimiyyəti orqanı.

Salam.

Maraqlı məsələyə toxundunuz. İş ondadır ki, qanunun tətbiq edilməsini təmin edən Prezident Fərmanları (hərdən Sərəncamlar) qəbul olunur.

\"Valyuta tənzimi haqqında\" Azərbaycan Respublikası Qanununa əlavələr və dəyişikliklər edilməsi barədə Azərbaycan Respublikası Qanununun tətbiq edilməsi haqqında Prezidentinin Fərmanında  müvafiq icra hakimiyyəti orqanların adları göstərilir.

Lakın Valyuta tənzimi haqqında Qanunun 15.2-ci bəndində qeyd olunan \"müvafiq icra hakimiyyəti orqan\"ın açıqlanması göstərilməyib.

Bunu nəzərə alaraq saytın Dövlətə müraciət bölməsi vasitəsilə müvafiq dövlət qurumlarına müraciət etmək məqsədəuyğun sayırıq.

Sualınıza görə təşəkkür edirik.

2011-01-26

1005  Bahruz (26-01-2011) Salam. Mənə gömrük sahəsinə, gömrük qanunvericiliyini əhatə edən test sualları lazımdır. mümkünsə göndərərdiz.saytda yerləşdirdiyiniz testlərə nəzər yetirmişəm. səhv etmirəmsə 5-6 sualı əhatə edir. daha geniş sayda istərdim əldə edim. Əvvəlcədən minnətdaram. Yaxşı ki Varsınız!!!

Salam.

İş ondadır ki, bu sahədə ictimayyət üçün hüquqi testləri açıq şəkildə göstərən elə özümüzük (yəni yalnız bizim portalda var). Digər saytlarda buna rast gəlməmişik (çox təəssüf). Amma təklifinizi nəzərə alarıq və gömrük hüququ üzrə testləri əlavə etməyə çalışarıq.

Təşəkkür edirik.

2011-01-27

1006  Ceyhun (26-01-2011) Salam. Işçi rəsmi olaraq xaricdə işləyibsə bu müddət işçinin əmək stajına daxildirmi və bu barədə qeydiyyat işçinin əmək kitabçasında aparıla bilərmi? Təşəkkür edirəm.

Salam.

Əmək Məcəlləsinin 87-ci maddəsinə əsasən işçinin əmək fəaliyyəti haqqında sənəd əmək kitabçası hesab edilir. İşçinin əmək fəaliyyəti haqqında sənəddə onun əmək stajıhaqqında — işə girdiyi gün, ay, il, işlədiyi peşəsi (vəzifəsi), işdən çıxarılmanın əsası, günü, ayı və ili barədə qeydlər göstərilir.

Xarici ölkədə işləmiş Azərbaycan Respublikası vətəndaşının əmək kitabçasında onun xarici ölkədəki əmək fəaliyyəti ilə bağlı qeydlər xarici işəgötürənlə bağladığı əmək müqaviləsi və məcburi dövlət sığortasının həyata keçirildiyini təsdiq edən sənəd əsasında müvafiq icra hakimiyyəti orqanı (Azərbaycan Respublikasının Əmək və Əhalinin Sosial Müdafiəsi Nazirliyi) tərəfindən aparılır və təsdiq edilir.

Sualınıza görə təşəkkür edirik.

2011-01-27

1007  Bahruz (27-01-2011) Salam. Zəhmət olmasa №25 / 16.04.1999 \"Azərbaycan Respublikası Xarici Ticarətinin Gömrük Statistikasının Metodologiyasının tətbiqi ilə əlaqədar olaraq statistik dəyərin hesablanılmasına dair Təlimatı göndərərdınız 

Salam.

Qeyd edilən təlimat - Azərbaycan Respublikası Xarici Ticarətinin Gömrük Statistikasının Metodologiyasının tətbiqi ilə əlaqədar olaraq statistik dəyərin hesablanılmasına dair Təlimat.

Bu qədər.

2011-01-28

1008  Garib (27-01-2011) Salam əməyin mühafizəsi və təhlükəsizliyi üzrə mühəndis əcnəbi vətəndaş seçilə bilər

Salam.

Təbii ki, amma  miqrasiya qanunvericiliyinin tələblərinə riayət etmək şərtilə.

Sualınıza görə təşəkkür edirik.

2011-01-27

1010  Xəzər (27-01-2011) Salam De Jure kollektivi. Sualım vətəndaş qusursuzlugu barədədir. Qəsdən törədiliş cinayətlər dedikdə nə başa düşülür. Az. Res. Cinayət Məcəlləsinin 222-2.1 və 315.2-ci maddələri qəsdən törədilmiş cinayətlər sırasın aiddirmi?

Salam.

Bildiyiniz kimi Cinayət Məcəlləsinin 3-cü fəslinə uyğun olaraq təqsirin 2 forması var. Belə ki, əməli (hərəkət və ya hərəkətsizliyi) yalnız qəsdən və ya ehtiyatsızlıqdan törətmiş şəxs cinayət törətməkdə təqsirli sayılır. 

Həmin Məcəllənin 25.2-ci maddəsinə əsasən şəxs öz əməlinin (hərəkət və ya hərəkətsizliyinin) ictimai təhlükəli olduğunu dərk etmiş, onun ictimai təhlükəli nəticələrini qabaqcadan görmüş və bunları arzu etmişdirsə, bu halda cinayət birbaşa qəsdlə törədilmiş hesab olunur.

Bu anlayışı eyni qaydda qeyd etdiyiniz maddələrə də tətbiq etmək olar. Maddə 222-2.(Müvafiq icazə almadan mühafizə zonalarında tikinti və ya quraşdırma işləri aparma) - əgər şəxs dərk etmişdirsə ki, bu tikinti işlərin aparılması üçün müvafiq icazə lazım idi amma buna baxmayaraq bu işləri aparırdı deməli həmin hərəkətləri qəsdən törətmişdir.

Maddə 315 (Hakimiyyət nümayəndəsinə qarşı müqavimət göstərmə və ya zor tətbiq etmə) - bu maddənin adında artıq qəsd üzə çıxır.

Sualınıza görə təşəkkür edirik.

2011-01-28

1011  Ceyhun (28-01-2011) Salam. Sualım işçilərin attestasiyası ilə bağlıdır. 1. Təşkilat öz işçi heyətindən ibarət attestasiya komissiyası yaratmaqla (kənardan mütəxxəsis dəvət edilmirsə) işçiləri attestasiyadan keçirə bilərmi? 2. İşçilərin attestasiyası ilə əlaqədar suallar nə ilə bağlı olmalı və hansı normativ sənəd əsasında tərtib edilməlidir? 3.Hansı işçilər attestasiyadan azaddır? Əvvəlcədən təşəkkür edirəm.

Salam.

Suallarınıza cavab olaraq bildiririk ki,:

1. Azərbaycan Respublikasında işçilərin attestasiyasının keçirilməsi Qaydalarının 2.1-ci bəndinə əsasən attestasiyadan keçirilməzdən əvvəl zəruri hallarda attestasiyanın keçirilməsinin məqsəd, vəzifə və metodlarının izahının işçilərə  çatdırılması üzrə tədbirləri özündə cəmləşdirən lazımi hazırlıq işləri görülməlidir. Bu işi müəssisənin struktur bölmələrinin rəhbərləri müvafiq  həmkarlar təşkilatları ilə birlikdə, həmkarlar təşkilatı olmadıqda isə işəgötürən özü təşkil edir.

2. Sualların və testlərin hazırlanması işəgötürənin vəzifəsidir (öz mülahizəsi əsasında, bu işi kənar şəxslər tərəfindən hazırlanmasına həvalə edə bilər).

3.  Attestasiya olunmayan işçilər Əmək Məcəlləsinin 66-cı maddəsində göstərilib.

Sualınıza görə təşəkkür edirik.

2011-01-30

1012  Bahruz (29-01-2011). Salam. Vətəndaş əmək fəaliyyətinə 1974-1986-cı ilə qədər Daxili İşlər Nazirliyində zabit vəzifəsində, 1986-1992-ci ilə qədər hazırda Ədliyyə Nazirliyinin nazdində olan İslah əmək düşərgəsində rəis müavini və rəis vəzifələrində işləyib.1992-2004-cü ilə kimi təkrarən Daxili İşlər Nazirliyində rəis vəzifəsində işləmişdir. 2004-cü ildən Daxili İşlər Nazirliyindən təqaüdə çıxmışdır. Hazırda Ədliyyə Nazirliyinin əməkdaşlarının pensiyası Daxili İşlər Nazirliyinin əməkdaşlarının pensiyasından yüksəkdir. Hal-hazırda Daxili İşlər Nazirliyinin əməkdaşı kimi təqaüd alır. O, Ədliyyə Nazirliyinin əməkdaşlarının təqaüdünun yüksək olmasını nəzərə alıb Ədliyyə Nazirliyinin əməkdaşı kimi təqaüd almasını tələb edə bilərmi və bunun üçün nə etməlidir?

Salam.

Əmək pensiyaları haqqında Qanunun 9.7-ci maddəsində göstərilib ki, ədliyyə orqanlarında qulluq keçmiş aşağıdakı şəxslərin yaşa görə əmək pensiyası hüququ vardır:

 

• ədliyyə orqanlarında xüsusi rütbələr nəzərdə tutulan vəzifələrdə azı 25 il qulluq stajı olan ədliyyə işçiləri;

Baxmayaraq ki, Dövlət qulluğu haqqında Qanuna əsasən daxili işlər orqanlarında qulluq dövlət qulluğunun xüsusi növüdür, Əmək pensiyaları haqqında Qanunuda bu qulluqçuları ayrıca göstərməyiblər.

Lakın həmin Əmək pensiyaları haqqında Qanunun 20-ci maddəsinə (Qulluq stajına görə əmək pensiyasına əlavələr) əsasən pensiayaya müvafiq əlavələr edilə bilər:

20.19. Bu qanunun 20.1.14-cü maddəsində nəzərdə tutulan şəxslərin əmək pensiyasına əlavələr ədliyyə orqanlarında qulluğun son 24 ayı və ya istənilən ardıcıl gələn 60 ayı ərzindəki əmək haqqının orta aylıq məbləğindən, əmək haqqındakı sonrakı artımlar da nəzərə alınmaqla, aşağıdakı qaydada müəyyən edilir:

20.19.1. ədliyyə orqanlarında xüsusi rütbələr nəzərdə tutulan vəzifələrdə 5 il qulluq etmiş ədliyyə işçilərinə—orta aylıq əmək haqqının 45 faizi miqdarında;

20.19.2. ədliyyə orqanlarında xüsusi rütbələr nəzərdə tutulan vəzifələrdə 5 ildən 10 ilə qədər qulluq etmiş ədliyyə işçilərinə—orta aylıq əmək haqqının 45 faizi miqdarında, 5 ildən yuxarı qulluq stajının hər ili üçün orta aylıq əmək haqqının 2 faizi miqdarında əlavə olunmaqla;

20.19.3. ədliyyə orqanlarında xüsusi rütbələr nəzərdə tutulan vəzifələrdə 10 ildən yuxarı qulluq etmiş ədliyyə işçilərinə—orta aylıq əmək haqqının 55 faizi miqdarında, 10 ildən yuxarı qulluq stajının hər ili üçün orta aylıq əmək haqqının 5 faizi miqdarında əlavə olunmaqla, lakin əmək haqqının 80 faizi miqdarından çox olmamaq şərti ilə müəyyən olunan məbləğlə bu qanunla təyin edilən əmək pensiyasının məbləği arasındakı fərq qədər.

Sualınıza görə təşəkkür edirik.

2011-01-30

1013  Elibaba (30-01-2011) Salam! Sizden cox xahis edirem, sualima cavab yazasiniz. Sualim beledir: imtahan verib suruculuk vesiqesi almaq ucun hansi muellifden istifade etmek lazimdir? Allah razi olsun!

Salam.

Ən yaxşısı Azərbaycan Respublikasının qanunvericiliyini rəhbər tutun. Müəlliflər sadəcə həmin qanunvericiliyi asanlaşdırıb insanlara təqdim edirlər, amma qanunvericilikdən kənara çıxa bilməzlər.

Qanunvericilik:

• Yol hərəkəti haqqında Qanun 
• Azərbaycan Respublikasının İnzibati Xətalar Məcəlləsi (13-cü fəsil YOL HƏRƏKƏTİ QAYDALARI ƏLEYHİNƏ OLAN İNZİBATİ XƏTALAR (maddələr 151-159)
• Mexaniki nəqliyyat vasitələrinin və onların qoşqularının müəyyən edilmiş qaydada dövlət qeydiyyatından keçirilməsi və dövlət qeydiyyatı üzrə uçota alınması haqqında Əsasnamənin və Nəqliyyat vasitəsinin özgəninkiləşdirilməsi və girov qoyulması qaydasının təsdiq edilməsi barədə Nazirlər Kabinetinin Qərarı
• Nəqliyyat vasitələri sürücülərinin hazırlanması və onların ixtisasının artırılması kursları haqqında Əsasnamənin, Sürücülük vəsiqəsini almaq üçün yol hərəkəti qaydaları üzrə nəzəri və nəqliyyat vasitələrini idarəetmə məsələləri üzrə təcrübi imtahanlara müstəqil hazırlanması qaydalarının və Nəqliyyat vasitəsini idarə etmək hüququ verən sürücülük vəsiqəsi almaq istəyən şəxslərdən imtahanların qəbul edilməsi və onlara sürücülük vəsiqəsinin verilməsi qaydaları haqqında Əsasnamənin təsdiq edilməsi barədə

Sualınıza görə təşəkkür edirik.

2011-01-30

1014  Ilqar (30-01-2011) Salam Dejure!mehkemede yalandan shahidlik etmish shexs sehvini sonradan anlayib mehkemeye yeniden muraciet etse ki, onun verdiyi ifadeler esassizdir onu ceza gozleyir? Ve bundan sonra zererçekmishin uzerinden cinayet ishi goturulurmu? Evvelceden teshekkurler!

Salam.

Cinayət Məcəlləsinin 297.1-ci maddəsinə əsasən məhkəmədə və ya ibtidai istintaqda şahid, zərərçəkmiş şəxs tərəfindən yalan ifadə vermə və ya ekspert tərəfindən bilə-bilə yalan rəy vermə, habelə tərcüməçi tərəfindən bilə-bilə yanlış tərcümə etmə—

beş yüz manatdan min manatadək miqdarda cərimə və ya yüz altmış saatdan iki yüz saatadək ictimai işlər və ya bir ildən iki ilədək müddətə islah işləri və ya iki ilədək müddətə azadlığın məhdudlaşdırılması və ya altı ayadək müddətə azadlıqdan məhrum etmə ilə cəzalandırılır.

Qeyd:

1. Bu Məcəllənin 297.1-ci maddəsində göstərilən şəxslər təhqiqatın, ibtidai istintaqın gedişində, məhkəmə baxışında məhkəmə tərəfindən hökm və ya qətnamə, habelə Azərbaycan Respublikasının Konstitusiya Məhkəməsi tərəfindən qərar çıxarılanadək verdikləri ifadənin, rəyin və ya etdikləri tərcümənin yalan olduğunu könüllü olaraq bildirdikdə cinayət məsuliyyətindən azad olunurlar.

Əgər məhkəmə şəxsin təqsirini müəyyən etməsə şəxs iclas zalında onu məsuliyyət azad etməlidir.

Təşəkkür edirik.

2011-02-02

1015  Aslan (30-01-2011) AR Dasinmaz Emlakin DovletReyestrinden cixaris, torpaq sahesinin plani ve olcusu olan torpaq sahem var. 2 mertebeli bag evi tikmek isteyirem. Xahis edirem bize lazim olan senedlerin siyahisini ve haradan ala bileceyimiz haqda melumat veresiniz. Onceden tesekkur edirem. Hormetle, Aslan

Salam.

Məsləhətxanada dəfələrlə bu cür suallar cavablandırılıb (suallar 1. 5,  6, 40).

Hər bir halda Daşınmaz əmlakın dövlət reyestri haqqında Qanunun 8 və 10-cu maddələrində göstərilən tələbləri rəhbər tutun.

Sualınıza görə təşəkkür edirik.

2011-02-02

1016  Bahruz (31-01-2011) Salam. Men 1004-cü sualın cavabını sizdən ala bilmədim!

Salam.

Suallara cavab verərkən yalnız qüvvədə olan qanunvericiliyə əsaslana bilərik. 

Diqqət yetirin - Dövlətə müraciət № 6 

Sualınıza görə təşəkkür edirik.

2011-01-31

1017  Bahruz (31-01-2011) Salam. Gömrük orqanlarına xidmət haqqında əsasnamədə göstərilən müvafiq icra hakimiyyətlərinin açıqlamasını necə əldə edə bilərəm?

Salam.

Həmin icra hakimiyyət orqanlarının açıqlamaları “Gömrük orqanlarında xidmət haqqında” Əsasnamənin təsdiq edilməsi barədə Azərbaycan Respublikası Qanununun tətbiq edilməsi barədə Prezidentin Fərmanında göstərilib.

Sualınıza görə təşəkkür edirik.

2011-01-31

1018  Bahruz (31-01-2011) Salam. Bilmək istəyirəm o hansı inzibati tənbeh növüdür ki, işçiyə inzibati tənbeh veriləndə kütləvi mükafatlandırma zamanı həmin işçidə nəzərə alınır. baxmayaraq ki işçinin üzərində inzibati tənbeh var. yəqin ki sualım aydın oldu. Təşəkkür edirəm

Salam.

Baxmayaraq ki, sual o qədər də aydın deyil. Bildirməliyik ki, Əmək Məcəlləsinin 190.4-cü maddəsinə əsasən intizam tənbehinin qüvvədə olduğu müddət ərzində əmək funksiyasını yüksək peşəkarlıqla yerinə yetirdiyinə, müəssisədaxili intizam qaydalarına əməl etdiyinə görə işçi bu Məcəllənin 185-ci maddəsində nəzərdə tutulmuş hər hansı həvəsləndirmə vasitələri iləmükafatlandırılarsa, həmin mükafatlandırıldığı gündən ona verilmiş intizam tənbehi qüvvədən düşmüş hesab edilir.

Sualınıza görə təşəkkür edirik.

2011-02-02

1019  Anar (31-01-2011) Salam, evvelcədən göstərəcəyiniz köməyə görə sizə minnetdardarlığımı bildirirem. Əgər işçi ərizəsində göstərdiyi gün işdən azad olunması barədə işəgötürənə müraciət edibsə və ərizəsinde səbəb göstərməyibsə ƏM-nin 69.3-cü bəndinə əsasən işdən azad oluna bilər

Salam.

Daha doğrusu Əmək Məcəlləsinin 69.1-ci maddəsinə əsasən işçi bir təqvim ayı qabaqcadan işəgötürəni yazılı ərizəsi ilə xəbərdar etməklə əmək müqaviləsini ləğv edə bilər.

Sualınıza görə təşəkkür edirik.

2011-02-02

1020  Elibaba (01-02-2011) Salam! Fiziki sexsle huquqi sexsin ferqi nedir? Allah razi olsun!

Salam.

Mülki Məcəllənin 24-cü maddəsinə əsasən:

Fiziki şəxs hüquq münasibətlərində öz adından iştirak edən insan fərdidir. Azərbaycan Respublikasında bütün vətəndaşlar, Azərbaycan Respublikasının ərazisində daimi yaşayan və ya müvəqqəti qalan әcnәbilәr və vətəndaşlığı olmayan şəxslər fiziki şəxslərdir.

Mülki Məcəllənin 43.1-ci maddəsinə əsasən:

Hüquqi şəxs qanunla müəyyənləşdirilən qaydada dövlət qeydiyyatından keçmiş, xüsusi yaradılmış elə bir qurumdur ki, mülkiyyətində ayrıca əmlakı vardır, öz öhdəlikləri üçün bu əmlakla cavabdehdir, öz adından əmlak və şəxsi qeyri-əmlak hüquqları əldə etmək və həyata keçirmək, vəzifələr daşımaq, məhkəmədə iddiaçı və ya cavabdeh olmaq hüququna malikdir. Hüquqi şəxsin müstəqil balansı olmalıdır.

Sadə dil ilə desək fiziki şəxs adandır, hüquqi şəxs təşkilatdır.

Sualınıza görə təşəkkür edirik.

2011-02-02

1021  Elibaba (01-02-2011) Salam! Nigahi resmilesdirmek ucun hansi meblegde dovlet rusumu odemek lazimdi?

Salam.

Dövlət rüsumu haqqında Qanunun 12.1-ci maddəsinə əsasən nikahın qeydə alınması üçün - 5 manat rüsum ödənilməlidir.

Sualınıza görə təşəkkür edirik.

2011-02-02

1022  Elibaba (01-02-2011). SALAM! EGER 2010-CU ILDE ANADAN OLMUS, USAGA BU GUNKU GUNE KIMI DOGUM HAQQINDA SEHADETNAME ALINMAYIBSA, USAGIN VALIDEYINLERINI BUNA GORE CERİME ODEMEYE MECBUR EDE BILERLERMI? ALLAH RAZI OLSUN!

Salam.

İnzibati Xətalar Məcəlləsinin 326-4.3-cü maddəsinə əsasən üzrlü səbəblər olmadan valideynlər tərəfindən doğumun qeydə alınması üçün qanunvericiliklə müəyyən edilmiş müddətdə müraciət olunmamasına görə –

xəbərdarlıq edilir və ya on manat miqdarında cərimə edilir.

Sualınıza görə təşəkkür edirik.

2011-02-02

1023  Elsad (02-02-2011) Salam. Biz Elmler akademiyasi terefde heyet evinde galiriq. Ev nenemin adinadir (1996-ci ilde rehmete gedib nenem).iki oglu ve bir gizi var idi. hal hazirda bir oglu(emim) sagdir. gizi(bibim) ve diger oglu (yani atam) rehmete gedibler. hal hazirda hemin heyetde emimin ailesi ve bizim aile galir(iki aile). SIZE 4 (dord) sualim vardir:1.inindi evin senedlerini deyiserken nenemin adina olan kupcani konkret olarag haraya tegdim etmeliyik?2.hansi senedleri elave etmeliyik?3.bu senedlesmenin rusumu ne gederdir ve hansi muddete (yani nece gun, ay ve ya il) hell olunur?4.yeni senedlesmede bizim ailenin hemin heyete nece % haggimiz catir? (bizim aile deyerken, yani atam(rehmete gedib) da emim(sagdir) kimi nenemin varisidir ve bizim aile de atamin varisiyik ya nece?)

Salam.

Suallar çoxdur hamısının cavablandırılması yalnız qısaolaraq mümkün olacaq.

1. Sənədləri ilk növbədə notariusa (müddət pozulduqda məhkəməyə müraciət etməyiniz zəruri hesab oluna bilər) daha sonra daşınmaz əmlakın dövlət reyestr xidmətinə təqdim etməlisiniz.

2. Daşınmaz əmlaka aid bütün sənədlər (Çıxarış, və ya order, sxeem plan və s.), əgər daşınmaz əmlak üzrə bir neçə varis varsa onların ərizələri də tələb oluna bilər (tərəflər razılığa gəlmədikdə mübahisə məhkəmə tərəfindən həll olunur).

3. Dövlət rüsumu haqqında Qanunun 26.2-ci maddəsinə əsasən vərəsəlik nəticəsində əldə edilmiş hüquqların, bölünmə nəticəsində əvvəlki hüquq sahibində qalan hissə üzərindəki hüquqların, yüklülüyün (girov, ipoteka, icarə, istifadə, lizinq, servitut və s.), icarə və istifadə hüquqlarının yüklülüyünün və özgəninkiləşdirilməsinin dövlət qeydiyyatının aparılması üçün - 20 manat rüsum tutulur.Həmin Qanunun 8.4.11-ci maddəsinə əsasən yaşayış binalarının (mənzillərin) icarə müqavilələrinin dəyişdirilməsi və ya ləğv edilməsi, vərəsəliyin qəbul edilməsi müddətinin uzadılması, əmlak üzrə həbsin götürülməsi barədə iddia ərizələrindən qeyri-əmlak xarakterli və ya qiymət qoyulmayan digər iddia ərizələrindən - 3 manat rüsum tutulur. 10.7-ci maddəyə əsasən vərəsəlik hüququ haqqında şəhadətnamələrin verilməsi üçün 3 manat (qanunla müəyyən edilən bütün növbəli vərəsələrə) və ya 11 manat (vərəsə digər fiziki və ya hüquqi şəxsdirsə).

4. Bununla bağlı Məsləhətxanada dəfərlərlə cavab verilmişdir. Buna görə də Mülki Məcəllənin 10-cu bölməsini rəhbər tutun. 

Sualınıza görə təşəkkür edirik.

2011-02-02

1024  Ceyhun (02-02-2011) Salam. Sürücülük vəsiqəsi itdikdə əvəzinə yenisini (və yaxud dublikat) almaq üçün hansı qanuni addımlar atılmalıdır? Əvvəlcədən təşəkkür edirəm.

Salam.

Məsləhətxananın 923-cü sualında oxşar sual cavablandırılmışdır.

Suallar çoxdur və qarışıqdır. Ətraflı bu barədə məlumat almaq üçün Nəqliyyat vasitələri sürücülərinin hazırlanması və onların ixtisasının artırılması kursları haqqında Əsasnamənin, Sürücülük vəsiqəsini almaq üçün yol hərəkəti qaydaları üzrə nəzəri və nəqliyyat vasitələrini idarəetmə məsələləri üzrə təcrübi imtahanlara müstəqil hazırlanması qaydalarının və Nəqliyyat vasitəsini idarə etmək hüququ verən sürücülük vəsiqəsi almaq istəyən şəxslərdən imtahanların qəbul edilməsi və onlara sürücülük vəsiqəsinin verilməsi qaydaları haqqında Əsasnamənin təsdiq edilməsi barədə Qərarla tanış olmalısınız.

İnzibati Xətalar Məcəlləsinin 154.4-cü maddəsinə əsasən sürücülük vəsiqəsinin qəsdən korlanmasına, yararsız hala salınmasına və ya itirilməsinə görə - otuz manatdan qırx manatadək miqdarda cərimə edilir.

Sualınıza görə təşəkkür edirik.

2011-02-02

1025  Xəzər (02-02-2011). Salam hormətli De jure kolletivi. Sizə bir təklifim və bir sualim var. Təklifim: Əgər münkündürse suallara verdiyiniz cavabları mövzulara ayirib başlıqda movzu adını qeyd edib yerləşdırəsiniz. əgər elə olsa hər bir istifadəçi ona lazım olan məlumatı asanlıqla tapar. Sualım: Kənd təsərrufatı və ya istenilən texnikanın illik kohnəlme və ya amortizasiya norması haqqında məlumat verməyiniz xahiş edirəm. Bu illik neçə faizdir və bu qayda hansi normativ hüquqi sənədə əsaslanır? Çox sag olun.

Salam.

BÜDCƏDƏN MALİYYƏLƏŞƏN İDARƏ, MÜƏSSİSƏ VƏ TƏŞKİLATLARDA MÜHASİBAT UÇOTUNUN HESABLAR PLANI VƏ ONUN TƏTBİQİNƏ DAİR TƏLİMATIN (№ U-6215 iyul 1998-ci il tarixli Maliyyə Nazirliyinin Əmr i ilə təsdiq edilmişdir)  02.№li “Əsas vəsaitlərin köhnəlməsi (amortizasiyası)” Hesabına nəzər yetirə bilərsiniz.

02 №li Əsas vəsaitlərin köhnəlməsi (amortizasiyası) hesabı müəssisənin öz mülkiyyətində olan və uzun müddətə icarəyə götürülən əsas vəsaitlərin köhnəlməsi (amortizasiyası) həqqında məlumatları ümumiləşdirmək üçün nəzərdə tutulmuşdur.

01 iyul 1997-ci ilədək əsas vəsaitlərin tam bərpası üçün köhnəlmə (amortizasiya) keçmiş SSRİ Nazirlər Sovetinin 22 oktyabr 1990-cı il tarixli 1072 №li əmri ilə təsdiq edilmiş və Azərbaycan SSR Nazirlər Sovetinin 26 noyabr  1990-cı il tarixli 536 №li qərarı ilə Azərbaycan SSR-də tətbiqinə icazə verilən SSRİ Xalq Təsərrüfatında əsas fondların tam bərpasına hesablanan amortizasiya ayırmalarının vahid normaları əsasında hesablanırdı. 01 iyul. 1997-ci ildən əsas vəsaitlərə (fondlara) köhnəlmə (amortizəsiya) hesablanması qaydaları Azərbaycan Respublikası Nazirlər Kabinetinin 71 nömrəli 3 iyul 1997-ci il tarixli qərarı ilə həyata keçirilir. Bu qərarın 2-ci bəndində deyilir: 1997-ci il iyul ayının 1-dən mülkiyyət formasından asılı olmayaraq Azərbaycan Respublikasında fəaliyyət göstərən bütün müəssisələr əsas vəsaitlərə(fondlara) köhnəlmə (amortizasiya) hesablanmasının yeni (açıq) metodunu tətbiq etsinlər: Bu metod üzrə amortizaysiya olunan əmlak və onların tam bərpası üçün illik köhnəlmə (amortizasiya) normaları aşağıdakı qaydada qruplaşdırılsın və göstərilən hədlər daxilində müəyyən edilsin:

a ) binalar və onların struktur komponentləri- 5 faizə qədər;

b) qurğular və onların struktur komponentləri- 7 faizə qədər;

v) ötürücü qurğular və onların struktur komponentləri- 9 faizə qədər;

q) maşın və avadanlıqlar - 13 faizə qədər;

d) nəqliyyat vasitələri - 15 faizə qədər;

e) istehsal alətləri (ləvazimatları) və təsərrüfat inventarları - 25 faizə qədər;

ə) torpaq sahələrinin yaxşılaşdırılması üzrə sərmayə qoyuluşları, iş heyvanları, çoxillik əkmələr və digər əsas vəsaitlər (fondlar) -25 faizə qədər;

j) qeyri-maddi  aktivlər  isə  “Mühasibat uçotu  haqqında” Azərbaycan Respublikası Qanununa uyğun olaraq,

Bu qərərın 5-ci bəndinə əsasən büdcə idarələri əsas vəsaitlərin (fondların) balans (ilkin) dəyərinə yalnız bu qərarda göstərilən normalar daxilində köhnəlmə (amortizasiya) hesablayırlar.

Binalara, qurğulara (tikintilərə); ötürücü qurğulara; maşın və avadanlıqlara; istehsalat alətlərinə (ləvazimatlarına) və təsərrüfat inventarlarına; işçi heyvanlara, istismar vaxtına çatmış çoxillik əkmələrə və digər köhnəlmə (amortizasiya) hesablanacaq əsas vəsaitlərə yuxarıda adı çəkilən normativlər əsasında köhnəlmə (amortizasiya) hesablanaraq 02 №li Əsas vəsaitlərin köhnəlməsi (amortizasiyası) hesabında uçota alınır.

Aşağıdakı əsas vəsaitlərə köhnəlmə (amortizasiya) hesablanmır.

nadir memarlıq və incəsənət abidəsi olan binalara və qurğulara (tikintilərə); elmi, tədris və təcrübə məqsədi üçün kabinetlərdə və laboratoriyalarda istifadə edilən avadanlıqlara, eksponatlara, nümunələrə, fəaliyyətdə olan və olmayan modellərə, maketlərə və başqa əyani vəsaitlərə; məhsuldar heyvanlara (damazlıq inəklərə, camışlara, madyanlara, dəvələrə, marallara, donuzlara, qoyunlara, keçilərə; döllük buğalara, kəllərə, ayğırlara, nərlərə, marallara, qabanlara, qoçlara, təkələrə və bunlar kimi digər məhsuldar heyvanlara); heyvanxanalarda və digər analoji müəssisələrdə olan heyvanat aləminin eksponatlarına; istismar vaxtı çatmayan çoxillik əkmələrə; kitabxana fondlarına, kinofondlara, səhnə rekvizitlərinə, muzey sərvətlərinə(eksponatlarına);

incəsənət işlərinə (bədii yaradıcılıq əsərlərinə); tam amortizasiya olunmuş əsas vəsaitlərə (fondlara), onlar istismara yaralı olduğu hallarda; anbarda olan və quraşdırılması tələb olunan (istismara verilməmiş) əsas vəsaitlərə (fondlara); müəssisənin xarici ölkələrdə olan nümayəndəlikləri, törəmə müəssisələri, şöbələri, istehsalatları, təsərrüfatları və digər bölmələri müstəqil balansa ayrıldığı üçün onların xarici ölkələrdə olan əsas vəsaitlərinə öz ölkələrində köhnəlmə (amortizasiya) hesablanmır. Həmin vəsaitlərə onların istifadə olduğu ölkələrin normativ sənədləri əsasında köhnəlmə (amortizasiya) hesablaya bilər,

Büdcə idarələrində ildə bir dəfə, ilin sonunda əsas vəsaitlərə (obyeklərə) onların ilin hansı ayında əldə edilməsindən, yaxud tikilməsindən, quraşdırılmasından asılı olmayaraq qanunvericilikdə nəzərdə tutulmuş normalarla tam təqvim ili üçün köhnəlmə (amortizasiya) hesablanır. Bir sözlə əsas vəsaitlərə köhnəlmə (amortizasiya) Köhnəlmə (amortizasiya) hesablanmasının yeni (açıq) metodunun tətbiqi üzrə təlimata uyğun həyata keçirilir.

Tam amortizasiya olunmuş (yəni dəyərin 100% köhnəlmə hesablanmış) əsas vəsaitlər istismara yararlı olduqları hallarda onlara köhnəlmə hesablanmır. İlin sonunda (dekabr ayının sonuncu iş günü) memorial order üzrə hesablanmış köhnəlmə məbləği 250 №li Əsas  vəsaitlərin fondu subhesabının debetində və 020 №li Əsas vəsaitlərin köhnəlməsi subhesabının kreditində əks etdirilir.

Dəyərinə 100% köhnəlmə hesablanmış əsas vəsaitlər istismara yararlı olduğu halda onu sıradan çıxarmaq olmaz.

Əsas vəsaitlər ləğv edildikdə, əvəzsiz verildikdə və ya digər sıradan çıxarılma hallarında onlara hesablanmış köhnəlmə məbləği 020 №li subhesabdan azaldılır.

Əsas vəsaitlərin köhnəlməsinin analitik uçotu əmlakın (qiymətlilərin) uçot kartı f.№ 1Q-də aparılır.

Sualınıza görə təşəkkür edirik.

2011-02-02

1026  Bahruz (02-02-2011) Salam. Daxili audit haqqında AR QANUNU maddə 15. Daxili audit haqqında Qanunun mərhələlərlə tətbiqi müddətləri kim tərəfindən müəyyən edilir?

Salam.

«Daxili audit haqqında» Azərbaycan Respublikası Qanununun tətbiq edilməsi barədə Prezidentin Fərmanına əsasən «Daxili audit haqqında» Azərbaycan Respublikası Qanununun 15-ci maddəsində nəzərdə tutulmuş «müvafiq icra hakimiyyəti orqanı»nın səlahiyyətlərini Azərbaycan Respublikasının Nazirlər Kabineti həyata keçirir.

Nazirlər Kabineti öz növbəsndə həmin Fərmanın icrasını təmin etmək məqsədilə \"Məcburi auditin obyekti olan təsərrüfat subyektləri üzrə \"Daxili audit haqqında\" Azərbaycan Respublikası Qanununun mərhələlərlə tətbiqi müddətləri\"nin təsdiq edilməsi barədə Qərar qəbul etmişdir.

Sualınıza görə təşəkkür edirik.

2011-02-02 1027  Bahruz (02-02-2011) Salam. Tabelik münasibətlərində olmayan bir siravi əsgərin digər siravi əsgər yoldaşı ilə zarafat etdikdə ehtiyatsızlıqdan ona ağır dərəcəli bədən xəsarəti yetirmişdir. Bu əməl necə tövsif olunmalıdır?

Salam.

Ehtiyatsızlıqdan sağlamlığa ağır zərər vurma Cinayət Məcəlləsinin 131.2-ci maddəsinə əsasən tövsif olunmalıdır:

131.2. Ehtiyatsızlıqdan sağlamlığa ağır zərər vurma —

beş yüz manatadək miqdarda cərimə və ya iki ilədək müddətə islah işləri və ya iki ilədək müddətə azadlığın məhdudlaşdırılması və ya altı ayadək müddətə azadlıqdan məhrum etmə ilə cəzalandırılır.

Sualınıza görə təşəkkür edirik.

2011-02-03

1028  BAhruz (02-02-2011) Salam. Konsament nədir?

Salam.

Mülkü Məcəllənin 1078.5-ci maddəsinə əsasən konosament mala dair sərəncam sənədindən ibarət ticarət kağızı olub, onun sahibinin konosamentdə göstərilən yükə dair sərəncam vermək və daşıma başa çatdıqdan sonra yükü almaq hüququnu təsdiqləyir. Konosament adsız, orderli və ya adlı ola bilər.

Sadə sözlə çatdırılan yükə dair mülkiyyət hüququnu təsdiqləyən sənəddir.

Sualınıza görə təşəkkür edirik.

2011-02-03 1029  Samirə (02-02-2011) salam 800 azn məvacibə nə qədər alimemt düşür təşəkkür

Salam.

Ailə Məcəlləsinin 76-cı maddəsinə əsasən əgər 1 uşaqdırsa məhkəmə tərəfindən  aliment haqqı təxminən 267 manat müəyyən edilə bilər (qazancın və (və ya) valideynlərin başqa gəlirlərinin dörddə bir hissəsi).

Sualınıza görə təşəkkür edirik.

2011-02-03

1030  Elibaba (03-02-2011) Salam! Bank emelliyatinda zamin anlayisi nedir?

Salam.

Mülki Məcəllənin 470-ci maddəsinə əsasən zamin başqa şəxsin kreditoru qarşısında həmin şəxsin öz öhdəliyini tamamilə və ya hissə-hissə icra etməsi üçün məsuliyyəti öz üzərinə götürən şəxsdir.

Sualınıza görə təşəkkür edirik.

2011-02-03

1031  Ceyhun (03-02-2011) Salam. Nömrəli aktların tərtib edilməsi işi necə və hansı hüquqi normativ sənədə əsasən aparılmalıdır?Əvvəlcədən təşəkkür edirəm.

Salam.

Əgər təşkilat dövlət təşkilatlarına aid deyil. Bu təşkilatın daxili işidir. Adətən qeydiyyat jurnalı aparılır. Dövlət qurumlarında müvafiq kargüzarlıq qaydaları tətbiq olunur.

Sualınıza görə təşəkkür edirik.

Bu qədər.

2011-02-05

1032  Elibaba (04-02-2011) Salam! Eger Russiya vetendasi, Azerbaycan Respublikasinin vetendasligini qebul ederse, onun evvelki dovletin (russiya) vetendasi oldugu dovrde hemin dovletde elde etdiyi suruculuk vesiqesi ile Azerbaycan Respublikasi erazisinde avtomobil idare etmeye icazesi varmi?

Salam.

Sürücülük vəsizəsinin alınması vətəndaşlığın alınması (və ya itirilməsi) ilə bağlı deyil. Vətəndaş da sürücülük vəsiqəsini digər dövlətlərdə də ala bilər.

Sualınıza görə təşəkkür edirik.

2011-02-05

1033  Bahruz (04-02-2011) Salam. Bir alqı-satqı müqaviləsi bağlanması üçün iki dəfə beh müqaviləsi bağlana bilərmi? Bağlana bilərsə bu hansı hallarda ola bilər və qanunun hansı normasına əsasən? Təşəkkür edirəm!!!

Salam.

Müqavilə əqdin əqdin bir növüdür. Əqd isə mülki hüquq münasibətinin əmələ gəlməsinə, dəyişdirilməsinə və ya xitamına yönəldilmiş birtərəfli, ikitərəfli və ya çoxtərəfli iradə ifadəsidir.Yəni tərəflərin razılaşdırılmış iradə ifadəsidir (Mülki Məcəllə 13-cü fəsil). 

Qanun sizə müqavilə bağlamaqı qadağan etmir və həmin müqavilə (müqavilələr) ilə sizin müvafiq öhdəlikləriniz yaranıq. Sadəcə bu müqavilənin effektivliyindən deyilə bilər. Əgər tərəflər hesab edir ki, bir beh müqaviləsi kifayət etmir bir neçə ardıcıl müqavilə bağlana bilər. Yaxud ümumiyyətlə bir müqavilə bağlana bilər və behin şərtləri bir alqı-satqı müqaviləsində əks oluna bilər.

Sualınıza görə təşəkkür edirik.

2011-02-05

1034  Elish (04-02-2011) Evvela salam. Menim emim bizim yashadigimiz evi oz adina kecirdir evimiz baba mulkudur sehf etmiremse Butun emilerime elecede menim merhum atama pay dushur. Amma deyir ev menimdi.Bu evden mene pay dushur yoxsa yox? ve ne etmeliyem bunun ucun ?

Salam.

Əgər məsələ mübahisələndirsə məhkəməyə müraciət edə bilərsiniz. Mülki Məcəllənin 1159-cu maddəsinə əsasən sonuncuların nəvələri, nəticələri və uşaqları o halda qanun üzrə vərəsə sayılırlar ki, mirasın açıldığı vaxt miras qoyanın vərəsələri olacaq valideynləri sağ olmasın. Onlar qanun üzrə vərəsəlik zamanı onların ölmüş valideyninə çatası paydan bərabər miras alırlar (yəni siz qnun üzrə 1-ci növbəli vərəsələr hesab oluna bilərsiniz).

Sualınıza görə təşəkkür edrik.

2011-02-07

1035  Rustem (04-02-2011) Əvvəla salamlar.narahatçılıq üçün üzr isteyirik.Bilmək istərdik ki, hər hansı fiziki şəxsə məxsus möhür və ştamp alınması üçün hansı sənədlər lazımdır, bu sənədləri hansı icra hakimiyyəti orqanından və hansı adda almaq lazımdır? məs: müstəqil qəzet üçün. Təşəkkürlər.

Salam.

Möhürü düzəlmək üçün həmin fəaliyyətlə məşğul olan şirkətlərə müraciət edə bilərsiniz (misal üçün http:]]]www.newart-az.com/az/?lang=az&vir=shtamp&id=p14_15)

Amma təbii ki, əvvəlcədən qəzeti buraxmaq üçün müvafiq dövlət qurumunda qeydiyyatdan keçməlisiniz.

Sualınıza görə təşəkkür edirik.

2011-02-08

1036  Bahruz (04-02-2011) Salam. Tabelik münasibətlərində olmayan bir siravi əsgərin digər siravi əsgər yoldaşı ilə zarafat etmək niyyəti ilə ona ehtiyatsızlıqdan ağır dərəcəli bədən xəsarəti yetirmişdir.İstintaq tərəfindən xəsarət yetirən siravi əsgər Azərbaycan Respublikasının Cinayət Məcəlləsinin 126.1 və 332.3-cü maddələri ilə məsuliyyətə cəlb olunmuşdur. Siz isə bu sualın cavabında göstərmisiniz ki, əsgər Azərbaycan Respublikasının Cinayət Məcəlləsinin 131.2 maddəsi ilə məsuliyyətə cəlb olunmalıdır. Bu göstərilənlərdən hansı düzdür və nəyə görə? sual 1027

Salam.

Bəli biz bu suala belə cavab vermişdik ki, çünki siz verdiyiniz məlumata əsaslanırdıq.

Lakın qeyd etdiyiniz maddələr tamam başqa halları əks etdirir. Aşağıda bu maddələrin mətnlərini göstəririk.

Maddə 126. Qəsdən sağlamlığa ağır zərər vurma

126.1. Qəsdən sağlamlığa ağır zərər vurma, yəni insan həyatı üçün təhlükəli olan və ya görmə, eşitmə, nitq qabiliyyətinin və ya hər hansı bir orqanın, yaxud bu orqanın funksiyasının itirilməsinə, psixi pozuntuya və ya sağlamlığın başqa cür pozulmasına, əmək qabiliyyətinin üçdə bir hissəsindən az olmamaqla uzun müddətə itirilməsi ilə və ya təqsirkar üçün aşkar surətdə zərərçəkmiş şəxsin peşəkar əmək qabiliyyətinin tam itirilməsi ilə əlaqədar olan və ya hamiləliyin pozulmasına, şəxsin narkomanlıqla və ya toksikomanlıqla xəstələnməsinə səbəb olan, yaxud sifətin silinməz dərəcədə eybəcərləşdirilməsində ifadə olunan zərər vurma—

üç ildən səkkiz ilədək müddətə azadlıqdan məhrum etmə ilə cəzalandırılır.

Maddə 332. Tabelik münasibətlərində olmayan hərbi qulluqçular arasında qarşılıqlı münasibətlərin nizamnamə qaydalarını pozma

332.1. Tabelik münasibətlərində olmayan hərbi qulluqçular arasında qarşılıqlı münasibətlərin nizamnamə qaydalarını pozma, zərərçəkmiş şəxsin şərəf və ləyaqətini alçaltmaqla və ya ona qarşı zor tətbiq etməklə əlaqədar olduqda—

iki ilədək müddətə intizam xarakterli hərbi hissədə saxlama və ya bir ilədək müddətə azadlıqdan məhrum etmə ilə cəzalandırılır.

332.3. Bu Məcəllənin 332.1 və ya 332.2-ci maddələrində nəzərdə tutulmuş əməllər ağır nəticələrə səbəb olduqda —

beş ildən on ilədək müddətə azadlıqdan məhrum etmə ilə cəzalandırılır.

Artıq tövsif nə qədər düzgün olub-olmamasını (işin halları dəqiq araşdırdıqdan sonra) məhkəmə müəyyən edəcək.

Sualınıza görə təşəkkür edirik.

2011-02-08

1037  Camal (05-02-2011) Salam! Məhkəmə 1 uşağa görə göstərdiyim gəlirim qədər aliment tutub qarşı tərəfə ödənilməsini qət etmişdir.Qətnamənin hüquqi müddəti bitməyib. Açıq-aydın görünür hakim qarşı tərəfdən rüşvət alıb. Qətnamədən hansı qanuni pozuntusuna görə Apellyasiya şikayəti verə bilərəm? Özü də iş axtaran kimi ərazi Məşqulluq idarəsində qeydiyyatdayam. Hansı sənədləri Apellyasiya şikayətinə əlavə edim? Minnətdaram!

Salam.

Mülki Prosessual Məcəlləsinin 233.1-ci maddəsinə əsasən məhkəmə qətnaməsindən şikayət verilməmişdirsə, qəbul edildiyi gündən 1 ay keçdikdən sonra qanuni qüvvəyə minir. Həmin Məcəllənin 360-cı maddəsinə əsasən apellyasiya şikayəti məhkəmə qətnaməsi rəsmi qaydada verildiyi gündən 1 ay müddətində verilə bilər.

Apellyasiya şikayəti vermək üçün apellyasiya şikayətinin özü  (2 nüsxədə), dövlət rüsumu, 1-ci instansiya məhkəmənin qətnaməsinin surəti məhkəməyə təqdim olunmalıdır.

Sualınıza görə təşəkkür edirik.

2011-02-08

1038  Yalçın (05-02-2011). Salam hormetli vekiller. Qardasim 5 il QARABAQDA doyusub. Muharibe veteranidir. Tehsil almaq meqsedile Rusiyaya gedib. 9 il Rusiyada tehsil alib. (institutut, aspirantura). Azerbaycana bir heftedir qayidib. Muharibe veterani vesiqesi vardir. Veteranlara ayrilan 30 manat teqaudu almaq ucin senedlerini lazimi idareye teqdim etmek isteyir. Bilmek isterdik ki, bu nece ilde yiqilan teqaudu ala bilerikmi? Nezerinize catdiriram ki, qardasim Rusiyaya gedende veteranlara teqaud vermirdiler ve 9 il muddetinde qardasim Azerbaycanda olmayib. Ilk defedir ki, senedlerini teqaud almaq ucin teqdim etmek isteyir. Hormetle Yalcin

Salam.

Müharibə veteranı, silahlı qüvvələr veteranı və əmək veteranı adlarının verilməsi qaydası və şərtləri haqqında Əsasnaməni rəhbər tutaraq müvafiq dövlət qurumuna müraciət edə bilərsiniz.

Daha sonra əgər müraciətiniz müsbət həll olunmasa məhkəməyə müraciət edə bilərsiniz.

Sualınıza görə təşəkkür edirik.

2011-02-08

1040  Fidan (07-02-2011) salam. Bosanma zamani ata usaqi hansi huquqlarla teleb ede biler ve mehkeme usaqi ataya vere bilermi?(qeyd edimki usaq teze anadan olub ve yasi hele tamam olmayib)

Salam.

Ailə Məcəlləsinin 29-c maddəsinə əsasən Azərbaycan Respublikası Konstitusiyasında təsbit edilmiş qadın və kişinin hüquq bərabərliyinə uyğun olaraq ər və arvad ailə münasibətlərində bərabər şəxsi və əmlak hüquqlarına malikdirlər.

Lakın həmin Məcəllənin əsas vəzifələri ana və uşaqların mənafeyinin hərtərəfli müdafiəsi və hər bir uşağın xoşbəxt həyatının təmin edilməsidir (3.0.4-cü maddə).

Buna görə də məhkəmələr adətən anaların hüquqlarını üstün tuturlar və uşaq ana ilə birlikdə qalır, xüsusilə uşaq azyaşlı olduqda.

Sualınıza görə təşəkkür edirik.

2011-02-08

1041  Vasif (07-02-2011) Salam. Əgər vətəndaş bir rayondan başqa rayonda yaşamaq üçün köçərsə ona əvvəlki yaşadığı yerdən uçotdan çıxmaq üçün hansısa bir ərizə və ya əsas lazımdırmı? Çünki mən əvvəlki yaşayış yerindən çıxıb İsmayıllıya gəlmişəm, pasportstol mənə deyir ki, sənin vəsiqəni kompyuterə vururam fəaliyyətsiz göstərir. Mənə deyir ki, sən əvvəlki yaşayış yerindən çıxmağına dair bir əsas verməlisən. Əvvəlki yaşayış yeri isə mənə deyir ki, o sənə heç bir əsas tələb etmədən vəsiqə verməlidir. Qalmışam 2 yol arasında.Xahiş edirəm mənə köməklik edəsiniz.

Salam.

Yaşayış yeri və olduğu yer üzrə qeydiyyat haqqında Qanunun 5-ci maddəsinə əsasən yaşayış yerini dəyişdirmiş vətəndaş yeni yaşayış yerinə gəldikdən sonra 10 gündən gec olmayaraq qeydiyyata alınması üçün müvafiq dövlət orqanına müraciət etməlidir. Müvafiq dövlət orqanı vətəndaşı dərhal qeydə almalı və ona 10 gün ərzində \"Azərbaycan Respublikası vətəndaşının şəxsiyyət vəsiqəsi haqqında\" Azərbaycan Respublikası Qanununa müvafiq olaraq şəxsiyyət vəsiqəsi verməlidir.

Qanunu rəhbər tutun. Əgər səlahiyyətli şəxslər süründürməçiliyə yol verirsə yuxarı instansiyalara şikayət edə bilərsiniz.

Sualınıza görə təşəkkür edirik.

2011-02-08
 

1042  Camal (07-02-2011) Salam! Məhkəmə 1 uşağa görə göstərdiyim gəlir qədər aliment kəsmişdir. Bu açıq aydın qərəzli qərar məni cinayətə sövq etmiş olur. Mən nə etməliyəm?

Salam.

Əgər 1-ci instansiya məhkəməsinin aktı ilə razı deyilsiniz apellyasiya şikayəti ilə yuxarı instansiya məhkəməsinə müraciət edə bilərsiniz. Cinayətə görə isə siz cinayət məsuliyyətinə cəlb olunacaqsınız.

Bu qədər.

2011-02-08

1043  Farrux (07-02-2011) Salam. Menim neçə illər mal aldığım dubaydakı topdansatış mağazasına borcum qalıb.və artıq bir ildən çoxdur ki men o pulu ödəyə bilmirəm.mağaza sahibi məni polislə hədələyir. Xahiş edirəm məni nə gözləyə biləcəyini söyləyəsiz.

Salam.

Çalışın öz öhdəlikərini vaxtında və tam həcmdə yerinə yetirin. Əgər hesab edirsinizsə bu öhdəlikləri yerinə yetirə bilməyəcəksinizsə əvvəlcədən bu işdən kənarlaşın.

Həmin şəxs (kreditor) əgər sizin münasibətləriniz müqavilə ilə tənzimləyirsə müvafiq səlahiyyətli qurumlara müraciət etməkdə haqlıdır. Lakın mülki-hüquqi münasibətlər olduğu üçün ilk növbədə məhkəməyə müraciət edə bilər. Və artıq məhkəmənin qətnaməsi əsasında öhdəliklərini məcburi qaydada icra etməyə nail ola bilər (misal üçün əmlakınıza həbs qoyula bilər və həmin əmlak daha sonra satıla bilər). Əgər əməllərinizdə cinayət tərkibi varsa onda digər hüquq mühafizə orqanlarına müraciət etməkdə də haqlıdır.

Sualınıza görə təşəkkür edirik.

2011-02-08

1044  Kamran (08-02-2011) Salam! Kend teserrufati ile meshqul olan fermer, gelecek fealiyyetini genishlendirmek uchun kredit, texnika, cins malqara ve s. almaq meqsedile muvafiq qurumlara muraciet etmishdir. Bu meqsedle ondan biznes plan teqdim edilmesi tovsiye olunmushdur. Kendli fermer teserrufatlari uchun her hansi biznes planin xususi ve yaxud shablon formasi movcuddurmu? Teshekkur edirem.

Salam.

Biznes-planların hazırlanması müvafiq təcrübə tələb edir ona görə də bu xidmətlər pulludur.

Formasını burdan əldə edə bilərsiniz.

Təşəkkürlər.

2011-02-08

1045  Yalchin (08-02-2011). SALAM HORMETLI VEKILLER. SIZE YENIDEN BIR SUALLA MURACIET ETMEK ISTERDIM. KECEN IL AILE QURMUSAM. AILE QURANDAN 2 AY SONRA YOLDASIM HAMILE OLDUQU UCUN USAQ ANADAN OLANA KIMI ISLEMEK MEQSEDILE RUSIYAYA GETMISEM. MENIM ZAQSIM YOXDUR. MEN RUSIYAYA GEDENDEN 2 AY SONRA, QAYNANAM YOLDASIMI HEKIME GOSTERMEK ADI ILE APARIB VE GERIYE QAYITMAQA QOYMAYIB. BUNU ESIDENDEN SONRA DERHAL QAYITDIM AZERBAYCANA. QAYNANAMGILDE OLDUM. QAYNANAMIN TELEBI BUDUR KI, AYRICA EV AL VE MENIM QIZIMI SAXLA. YOXSA QIZIMI QAYITMAQA QOYMAYACAQAM. MENIM ISE PULUM YOXDUR AYRICA EV ALIM. ZAQSIM OLMADIQI UCIN BOSANMAQ MESELESI OLAN DEYIL. YOLDASIMIN CEHIZI BIZDEDIR. CEHIZ DEYENDE KI, LAP ESLINDE ELE CEHIZIN, YENI MEBELIN PULUNUN COXUNU ELE BIZ VERMISIK. MEN RUSIYADAN EVLENENDE YOLDASIMA COX BAHALI QIZIL VE BRLIYANTLAR ALMISDIM. BUTUN QIZILLARI YIQIB GEDIBDIR. MENIM SIZE SUALIM BELEDIR KI, MEN MEHKEME YOLU ILE QIZILLARIMI GERI ALA BILEREMMI? YOXSA BU QIZILLAR QANUNU YOLDASIMA CATMALIDIR? HORMETLE JALCHIN

Salam.

Həmin məsələni məhkəmə yolu ilə həll edilməsi daha məqdəsəuyğundur. Əgər nikahınız dövlet qeydiyyatdan keçməyibsə onda qanun tərəfindən tanınmır.

Sualınıza görə təşəkkür edirik.

2011-02-09

1046  Terlan (09-02-2011). Salam.Menim bir yaxin dostum qanunu iw yerini saxlamaqla diger bir qeyri qanunu iw yerinden banka arayiw alib. Daha dogrusu aldatmaq yolu ile onu bu iwe sovq edibler ve bankdan xeyli miqdarda pul goturubler. indise hemin adam pulu vaxtinda odemir ve bank ise dostumdan teleb edir odeniwi. Dostum ise oz pul kartini baglatdirib. daha bank onun kartindan odeniw ala bilmir. Indi bilmek isteyirem eger iw boyuyerse bank mehkemeye muraciet ederse menim dostumun aqibeti nece olacaq?Evvelceden tewekkur edirem.Hormetle Terlan.

Salam.

Əgər öz öhdəliklərini (müqavilə ilə nəzərdə tutulmuş) yerinə yetirməsə bank həmin öhdəlikləri məhkəmə vasitəsilə məcburi qaydada həyata keçirə bilər (əmlaka həbs, maaşından məcburi tutulma və s.).

Sualınıza görə təşəkkür edirik.

2011-02-09

1047  Bahruz (09-02-2011). salam. Azərbaycan Respublikası Prezidentinin 2 yanvar 2003-cü il tarixli 834 nömrəli fərmanını göndərməyinizi xahiş edirəm.

Salam.

“Azərbaycan Respublikasının bəzi qanunvericilik aktlarına dəyişikliklər və əlavələr edilməsi barədə” Azərbaycan Respublikası Qanununun tətbiq edilməsi haqqında  Azərbaycan Respublikası Prezidentinin Fərmanı (2 yanvar 2003-cü il tarixli № 834).

Bu qədər.

2011-02-09

1048  Fidan (09-02-2011). salam. yeqinki menim movzumdan xeberdarsizda. Bes oqlan mehkemede durub deseki men bosanmiram bes onda nece? mehkeme oqlanin eleyhine nece qerar cixarda biler? Birdeki oqlan sumqayitda qalir.qiz bakida.mehkeme nece sumqayitda olacaq yoxsa bakida?

Salam.

Ailə Məcəlləsinin 15-ci maddəsinə əsasən arvadın hamiləliyi dövründə və ya uşağın doğulmasından sonra 1 il müddətində arvadın razılığı olmadan ər nikaha xitam verilməsi barədə iddia qaldıra bilməz. Amma ərin belə hüququ yoxdur.

Həmin Məcəllənin 20.2-ci maddəsinə əsasən tərəflərdən birinin nikahın pozulması haqqında razılığı olmadıqda, məhkəmə ər-arvadın barışması üçün 3 ay müddət müəyyən etməklə işi təxirə sala bilər. Barışıq olmadıqda və ya onlar (onlardan biri) nikahın pozulmasında təkid etdikdə nikah pozulur.

Mülki Prosessual Məcəlləsinin 35.1-ci maddəsinə əsasən Qanunla başqa hal nəzərdə tutulmamışdırsa, iddia cavabdehin rəsmi qeydə alındığı yerin məhkəməsinə verilir.

Lakın həmin Məcəllənin 36.5-ci maddəsinə əsasən iddiaçının yanında yetkinlik yaşına çatmayan uşaqlar olduqda və ya iddiaçı səhhətinə görə cavabdehin yaşadığı yerə getməyə çətinlik çəkdikdə də nikahın pozulması haqqındakı iddialar iddiaçının yaşadığı yerə görə verilə bilər.

Sualınıza görə təşəkkür edirik.

2011-02-09

1049  Ceyhun (09-02-2011). Salam. istifadə olunmamış Əmək məzuniyyətinə görə kompensasiya hesablanarkən iş stajına və ya əmək şəraitinə görə əlavə olan əlavə günlər nəzərə alınmalıdırmı? Əsas?

Salam.

Əmək Məcəlləsinin 135.2-ci maddəsində bu hal tam şəkildə nəzərdə tutulmadığından, həmin münasibətlər həmin Məcəlləinin 144.3-ci maddəsinə əsasən tənzimlənir Belə ki, əmək münasibətlərinə xitam verilərkən bu Məcəllənin 115 və 116-cı maddələrində nəzərdə tutulmuş əlavə məzuniyyətlərə, təhsil vəyaradıcılıq məzuniyyətlərinə, habelə sosial məzuniyyətlərə görə pul əvəzi verilmir.

Sualınıza görə təşəkkür edirik.

2011-02-09

1050  Rahib (09-02-2011) Salam. Men maraqlanmaq isteyirdimki Ruhi xestelere teqaud duzeltmek ucun hansi senedler lazimdir, ve hara muraciet etmek lazimdir. Onceden oz minnetdarligimi bildirirem.

Salam.

Əlilliyin müəyyən olunması meyarlarına dair Əsasnaməyə əsasən tibbi-sosial ekspert komissiyası rəyi əsasında əqli (qeyd etdiyiniz məsələ) və ya fiziki qüsurlar nəticəsində həyat fəaliyyəti məhdudlaşan, sosial yardıma və müdafiəyə ehtiyacı olan şəxs əlil hesab edilə bilər.

Aztəminatlı əhalinin sosial müdafiəsinin gücləndirilməsi tədbirləri barədə Prezidentin Fərmanında da bu müavintlərin miqdarı göstərilib.

Sualınıza görə təşəkkür edirik.

2011-02-11

1051  Yalçın (09-02-2011) Salam hormetli vekiller. 1045 sualima cavab verdiyiniz ucin sizlere oz tesekkurumu bildirirem. Lakin sizin cavabinizi deqiq basa dusmedim. Men deqiqlikle bilmek isterdim ki, qanun esasinda men qizillarimi mehkeme yolu ile geriye ala bileremmi. Yoxsa qizillar yoldasima catmalidir. Hormetle Jalchin

Salam.

Bu məsələ yalnız məhkəmə yolu ilə həll oluna bilər. Məhkəmə sübutlar əsasında qətnamə çıxarır. Belə ki, siz həmın zinət əşyalarınızı sizə məxsus olduğunu sübut etməli olacaqsınız (qəbzlər və s.). 

Bu qədər.

2011-02-11

1052  Ceyhun (10-02-2011) Əgər işçi işləməklə bərabər istifadə etmədiyi əmək məzuniyyətinə görə kompensasiya almaq istəyirsə staja və əmək şəraitinə görə nəzərdə tutulan əlavə günlərə görə də pul əvəzi hesablanmalıdırmı.

Salam.

Sual - 1049.

Qeyd etdiyiniz sual Məsləhətxananın 1049-cu sualında cavablandırılmışdır.

Bu qədər.

2011-02-11

1053  Ceyhun (10-02-2011) Salam Dejure. Əllilik dərəcələrinin müəyyən edilməsi ilə əlaqədar müəyyən olunmuş komissiya hansı normativ sənədlərə əsasən əllilik dərəcələrini müəyyən edir və iş aparır?Mümkünsə həmin sənədləri sayta əlavə edin.Əvvəlcədən təşəkkür edirəm.

Salam.

Sayta həmin normativ akt uzun müddətdir ki, yerləşdirilib. Əlilliyin müəyyən olunması meyarlarına dair Əsasnamə.

Xahiş edirik diqqətli olun.

2011-02-10

1054  Gunay (10-02-2011) Salam men oyrenmek isteyirdim ki hüquqi sexs adindan apellyasiya məhkəməsinə şikayət veriləndə iddaçı hüquqi şəxs olur yoxsa ki, onun təsisçiləri7

Salam.

Hüquqi şəxs olur. Onun təmsilçisi isə (etibarnamə əsasında əgər direktor özü təmsil etmirsə) həmin sənədi imzalayır.

Sualınıza görə təşəkkür edirik.

2011-02-10

1055  Gunay (10-02-2011) salam birde xahis edirem ki hüquqi sexsin apellyasiya sikayetinin numunesini mene gonderesiniz

Salam.

Ərizə və Şikayətlərin nümunələri Ərizələr və şikayətlər bölməsində göstərilib. Digər xidmətlər pulludur.

Sualınıza görə təşəkkür edirik.

2011-02-10

1056  Ceyhun (10-02-2011) İstehsal daxili hər hansı bir struktur rəhbərinin əmək haqqı onun tabeçiliyində olan işçinin əmək haqqından aşağı, və ya bərabər ola bilərmi? (Məsələn: Nəqliyyat sahəsinin sürücüsünün ə/h sahə rəisinin ə/h.)Bu fərq nə qədər olmalıdır.

Salam.

Təbii ki, ola bilər. Qanunvericilik buna məhdudiyyət qoymayıb. İşçinin ixtisasından, gördüyü işin kefiyyətindən, mürəkkəbliyindən vəzifə maaşı digərlərin (hətta rəhbərliyin) vəzifə maaşından çox ola bilər.

Bu qədər.

2011-02-11

1057  Fuad (10-02-2011) Salam. Hər vaxtiniz xeyirli olsun. Men bir defe ailə qurmuşam amma dağılıb. Bir uşağa görə aliment ödəyirəm. Maaşımın 25% dəyərində. Digər tərəfdən Bir qadina da uşağa görə maaşımın 25% dəyərində aliment verirem. Özümdə yeniden ailə qurmuşam iki uşağim var. Men 50% maaş alıram Yəni 83 manat. Men məhkəməyə müraciyyət etsəm aliment endirə bilərəm yoxsa yox. Bir defe bir vəkil mənə dedi ki, iki uşaqdan sonra alimen 50% dən 33% endirmək olur.amma neçe. Mene kömeklik gösterin yoxsa yene ailəm dağılacaq. 83 manatla dolana bilmirem. Əvvəlcədən təşəkür edirəm.

Salam.

Ailə Məcəlləsinin 76.2-ci maddəsinə əsasən nəzərdə tutulan payların miqdarı məhkəmə tərəfindən tərəflərin ailə və maddi vəziyyəti, eləcə də diqqətəlayiq olan başqa hallar nəzərə alınmaqla azaldıla və artırıla bilər.

Bu qədər.

2011-02-11

1058  Fuad (10-02-2011) alimenti 25%+25%=50% dən cəmi 33% salmaq olar

Salam.

Alimentin məbləğin müəyyən edilməsi məhkəmənin səlahiyyətindədir. Məhkəməyə müraciət edərkən öz mövqenizi əsaslandırmalısınız və sübutları təqdim etməlisiniz.

Bu qədər.

2011-02-11

1059  Rasul (11-02-2011) Salam! Azərbaycan bank sektorunda Mərkəzi bankın təlimatına görə kommersiya bankların;n Baş ofisində olan mərkəzi xəzinə necədə açılıb və bağlanmalıdır? Çox sağ olun!

Salam.

Azərbaycan Respublikasında Fəaliyyət Göstərən Banklar Arasında Hesablaşmaların Aparılması Qaydalarına diqqət yetirməyiniz məqsədəuyğundur.

Sualınıza görə təşəkkür edirik.

2011-02-11

1060  Bahruz (11-02-2011) Salam. Zehmet olmasa avro-2, avro-3 haqqinda material gondererdiniz

Salam.

Deməzdik ki, qeyd olunanlar hüquqa aiddir.

Euro 1, Euro 2 və s  işlənmiş qazlarda zərərli maddələrin tərkibini tənzimləyən ekoloji standartlardır.

Bu qədər.

2011-02-11

1061  Bahruz (13-02-2011) Salam. İnzibati Xətalar Məcəlləsinə dair test toplusu mymkundurse gondererdiniz. saytda yerleshdirdiyiniz testlere nezer yetirmisem. İlk onceden minnetdaram!

Salam.

Testlərin yaxın zamanlarda kağız versiyasını hazırlayacayıq və maraqlananlar onları ala biləcəklər.

Sualınıza görə təşəkkür edirik.

 2011-02-13

1062  Əziz (14-02-2011) Salam. Hüquqi şəxs cinayət prossesində zərər çəkmiş kimi sayıla bilərmi? mümkünsə əsaslandırın. Öncədən təşəkkürlər.

Salam.

CİNAYƏT-PROSESSUAL MƏCƏLLƏSİNİN 87.3-cü maddəsinə əsasən cinayət nəticəsində mənəvi və ya maddi ziyan dəymiş hüquqi şəxs zərər çəkmiş şəxs qismində tanına bilər. Belə halda bu maddədə nəzərdə tutulmuş zərər çəkmiş şəxsin hüquq və vəzifələrini hüquqi şəxsin müvəkkil edilmiş nümayəndəsi həyata keçirir.

Sualınıza görə təşəkkür edirik.

 

2011-02-15

1063  Ceyhun (14-02-2011) Salam Dejure. Kargüzarlıqla əlaqədar hansı normalar qəbul edilib və bu normalar qeyri-dövlət təşkilatlarının işinə şamil edilirmi? Əvvəlcədən təşəkkür edirəm

Salam.

Dövlət hakimiyyəti orqanlarında, idarə, təşkilat və müəssisələrində kargüzarlığın aparılmasına dair Təlimatı rəhbər tutun.

Yalnız dövlət qurumları üçün məcburidir.

Sualınıza görə təşəkkür edirik.

2011-02-15

1064  Sabina (14-02-2011) Salam.mənim qaynatam bu yaxınlarda ölüb, onun 4 uşağı var, hamısı evlidir, hamısının da burda evi var. Lakin bir qızı xaricdə yaşayır ailəsi ilə birlikdə,onun orda da evi var.Lakin həmin qız miras qalan evə qeydiyyatdadır. Xahiş edirəm varisliyin necə paylanacağı haqqında açıqlama verərdiniz.

Salam.

Mirasın bölünməsi Mülki Məcəllənin 10-cu bölməsinə uyğun olaraq həyata keçirilir. Əgər vərəsənin yeri məlumdursa notarius müvafiq qaydada onu məlumatlandırılmalıdır. Əgər vəsiyyətnamə yoxdursa miras bütün qanuni vərəsələr arasında bərabər bölünməlidir.

Sualınıza görə təşəkkür edirik.

2011-02-16

1065  Sabina (14-02-2011) övladımı uşaq bağçasında tez-tez döyürlər. Şikayət edirəm uşağı daha çox gözümçıxdıya salırlar.Nə etməliyəm

Salam.

Əgər həmin idarənin rəhbərliyi heç bir tədbir görmürsə Təhsil Nazirliyinə ərizə ilə müraciət edə bilərsiniz, həmçinin hüquq mühafizə orqanlarına da müraciət edə bilərsiniz (polis, prokurorluq).

Sualınıza görə təşəkkür edirik.

2011-02-16

1067  Namik (15-02-2011) Salam! Menim menzilim 3 otagli adlanan binada yerlasir. Yasamal rayonu 22№-ли мис. Menzil ozellesdirilmisdir. Xais edirem basa salin men xem emlak vergisi belediyyeye ve hemde ev kiresi adlanan vergini MIS-ne odemeliyem? yoxsa ancag belediyyeye emlak vergisi odemeliyem.Ve Bu menzillerin inventar deyeri ne gederdir? Сизе миннетдарам

Salam.

Qanunvericilikdə müxtəlif vergilər nəzərdə tutulub, lakın əsassız vergilərin tutulması yol verilməzdir. Çalışın vergi ödəyərkən müvafiq təsdiq edici sənəd əldə edin.

Belə ki, Vergi Məcəlləsinin 8-ci maddəsinə əsasən fiziki şəxslərin torpaq vergisi;  fiziki şəxslərin əmlak vergisi kimi bələdiyyə vergiləri nəzərdə tutulub. Evin kirayəsi isə vergi deyil. Bu hansı bir daşınmaz əmlakın icarəsidir (sizin mülkiyyətiniz olmadığı üçün mülkiyyətçi olan şəxsə icarə haqqı ödəyirsiniz).

Sualınıza görə təşəkkür edirik.

2011-02-16

1068  Elmar (15-02-2011) Salam. Mən sizdən hüquqi məsləhət almaq istəyirəm.Bizim həyətyanı torpağımıza 5 sot zept yazıblar.Torpaq isə babamdan qalıb təxminən 1950-ci ildə verilib.O vaxtdan necə var elədir(yəni həyətin ölçüsündə dəyşiklik olmayıb)və torpaq vergisini də 27 sot olaraq həmişə ödəmişik(Dedikləri zəptdə bura daxildir).1989-cu ilə aid cizgi planı və qəvələsi də var. indi mənim o 5 sotumu bələdiyyənin perspektiv fonduna keçiriblər.Bələdiyyə isə sota uyğun müəyyən miqdar pul tələb edir ki, 5 sotu mənə qaytarsınlar.Mən bu məsələ ilə əlaqədar müvafiq qurumlara müraciət etmək istəyirəm, ancaq torpaq məcəlləsində bu barədə birşey tapa bilmədim.Xahiş edirəm bu barədə mənə köməklik edəsiniz.Göstərəcəyiniz köməkliyə görə Sizlərə əvvəlcədən öz minnətdarlığımı bildirirəm.

Salam.

Daşınmaz əmlaka aid bütün sənədləri toplayaraq mülkiyyət hüququnun tanınması ilə bağlı məhkəməyə müraciət etməyiniz məqsədəuyğundur.

Sualınıza görə təşəkkür edirik.

2011-02-16

1069  Camal (15-02-2011) Salam! Aliment kəsiləndən sonra onu ödəyə bilmədikdə. Qanunda buna görə cəza təyin olunubmu? Və ya işsiz olduğumdan məcburi işə cəlb eilə bilərlərmi?

Salam.

Baxmayaraq ki, alimentin ödənilməməsi üçün cinayət və ya inzibati məsuliyyət nəzərdə tutulmayıb, bu o demək deyil ki, aliment ödəmək öhdəliyindən şəxs azad olunur. Məhkəmə qaydasında nəzərdə tutulmuş aliment məbləğləri məcburi qaydada iş yerindən, bank hesabından, əmlakdan tutula bilər.

Bu qədər.

2011-02-16

1070  Bahruz (15-02-2011) Salam. Mənə Cin.Məc.CPM,Əm.məc,Gömrük Məc, korrupsiya haqqında qanun və.s bu kimi qanunların qüvvəyə minməsi, təsdiq olunması, dərc olunması tarixləri lazımdır. bunu necə əldə etmək olar?

Salam.

Bütün bu qanunlar Milli Qanunvericilik bölməsində mövcuddur.

Bu qədər.

2011-02-16

1071  Bahruz (15-02-2011) 1061-ci sual. mümkünse sualları bu ayın 23-ne kimi hazirlayib yerleshdirerdiz sayta cunki 24-ü imtahanimizdir.

Salam.

Təəssüflər olsun ki, bu hələ ki mürəkkəb məsələdir. Kommersiya əsasında fəaliyyət göstərçəyimiz müəyyən vaxt tələb edəcək. 

Üzrlü hsab edin.

2011-02-15

1072  Fuad (15-02-2011) SALAM MƏN İKİ DEFE MEHKEMƏLİK İŞİM OLUB.İKİSİDE ALİMENTLE BAĞLI.AMMA HEÇ BİRİNDE MƏNİ MƏHKƏMƏYƏ ÇAĞIRMAYIBLAR.QƏRAR HAQQINDA QƏTNAMƏDƏ VERMƏYİBLƏR.QƏRARİ İŞ YERİMDƏN MAAŞİMDAN TUTLAN PULDAN BİLMİŞEM. ŞORUŞANDADA DEYİBLER MEHKEME ZENG EDİB, BİZDE PULUNDAN TUTURUQ. QƏTNAMƏLƏRİ NƏCƏ ƏLDƏ ETMƏLİYƏM? ÇÜNKİ YENƏ MƏHKƏMƏYƏ MÜRACİYYƏT EDİB ALİMENTİ AZALTMAQ İSTEYİREM.

Salam.

Əgər maaşdan tuturlarsa deməli onların rəsmi sənədi olmalıdır. Kim pulu tutursa onlardan həmin məhkəmənin adını öyrənin və məhkəməyə müraciət edin. Əsas varsa həmin məhkəmə aktından şikayət edə bilərsiniz.

Sualınıza görə təşəkkür edirik.

2011-02-17

1073  İskəndər (15-02-2011) Diplom hazırlığı ilə əlaqədar iş yerinə təqdim edib, 3 təqvim ayı ödənişli məzuniyyət almaq üçün təhsil aldığım ali məktəbdən arayış istədim. Arayışda yazıldı: mart ayında dissertasiya müdafiəsi keçiriləcəkdir. Arayışı iş yerində qəbul etmədilər.Bildirdilər ki,dəqiq məzuniyyət vaxtı göstərilməyib. Nə etməliyəm? Arayış necə yazılmalıdır?

Salam.

Əmək Məcəlləsinin 124.5-ci maddəsinə əsasən diplom işinin hazırlandığı və müdafiə edildiyi dövrdə ali məktəblərin axşam və qiyabi şöbələrində təhsil alan işçilərə 4 təqvim ayınadək, orta ixtisas məktəblərinin axşam və qiyabi şöbələrində təhsil alan işçilərə isə 2 təqvim ayınadək məzuniyyət verilir.

Arayışda müddət dəqiq göstərilməlidir, çünki məzuniyyət günləri dəqiq hesablanmalıdır (misal üçün 01.04.2011-01.07.2011 tarixədək və s)

Sualınıza görə təşəkkür edirik.

2011-02-17

1074  Bahruz (16-02-2011) Salam. 15 gömrük rejimlərinin əsasnaməsini necə əldə edə bilərəm?

Salam.

Əsasnamələrin bir çoxu Digər normativ aktlar bölməsində mövcuddur.

Bu qədər.

2011-02-16

1075  Əziz (16-02-2011) Salam! menim 1062 nomreli sualimi cavablandirmishdiniz.Cinayət Prosessual Məcəlləsinin 102.2-ci maddəsinə əsasən cinayət prosesində zərər çəkmiş şəxsin, mülki iddiaçının və ya mülki cavabdehin nümayəndəsi qismində müvafiq şəxs tərəfindən verilmiş və notariat qaydasında təsdiq edilmiş etibarnaməsi olan vəkillər və digər şəxslər iştirak edə bilərlər. Mülki iddiaçı və ya mülki cavabdeh qismində hüquqi şəxsin nümayəndəsi kimi müvafiq hüquqi şəxsin rəhbəri də vəsiqə təqdim etməklə cinayət prosesində iştirak etməyə buraxıla bilər.Bu maddədən belə anlaşılır ki, hüquqi şəxs yalnız mülki iddiaçı qismində cinayət prosesində iştirak edə bilər. Maddənin birinci cümləsində qeyd olunan zərər çəkmiş şəxs kimi yalnız fiziki şəxslər iştirak edə bilər, çünki notariat qaydasında təsdiq edilmiş etibarnamə yalnız fiziki şəxslər tərəfindən verilə bilir. Hüquqi şəxslərdə etibarnaməni notariat qaydasında deyil, müəssisənin rəhbərinin imzası və möhürü ilə etibarnamə nümayəndəyə verilir.Aydınlıq gətirin

Salam.

Etibarnamə ilə bağlı münasibətlər Mülki Məcəllənin müddəaları ilə tənzimlənir. Belə ki, həmin Məcəllənin 362.5-ci maddəsinə əsasən hüquqi şəxs adından etibarnamə onun rəhbərinin və ya nizamnaməsi ilə buna vəkil edilmiş digər şəxsin imzası ilə, həmin təşkilatın möhürü vurulmaqla verilir.

Sualınıza görə təşəkkür edirik.

2011-02-16

1076  Ceyhun (17-02-2011) Salam Dejure. İşçi müvafiq iş yerində ümumilikdə 7 ilə yaxın işləyirsə ancaq, faktiki olaraq bir vəzifədə işləməsinin 1 ili tamam olmayıbsa, işçi attestasiyaya düşürmü? Əvvəlcədən təşəkkür edirəm.

Salam.

Əmək Məcəlləsinin 66-cı maddəsinin 7-ci abzasına əsasən bir vəzifədə (peşədə) faktik olaraq bir ildən az müddətdə çalışan işçilərin attestasiyası keçirilmir.

Sualınıza görə təşəkkür edirik.

2011-02-21

1077  Bahruz (17-02-2011) Salam. İxrac Nəzarəti haqqında qanunda göstərilmiş müvafiq icra hakimiyyetlərinin açıqlanmasını zəhmət olmasa yerləşdirərdiniz

Salam.

Bunun üçün  \"İxrac nəzarəti haqqında\" Azərbaycan Respublikası Qanununun tətbiq edilməsi barədə Prezidentin Fərmanı ilə tanış olmalısınız. 

Sualınıza görə təşəkkür edirik.

2011-02-21

1078  Adil (18-02-2011) salam de jure! Sualım \"avto cərimələr\" ilə bağlıdır: Məni maraqlandırır, məsələn: maddə 151(1) cəriməsi 15-dan -20 manatadək, və yaxud 151(2), 20-dan -40 manatadək + 3 bal, və ilə axır... Sual: məsəlcün götürək, Maddə 151(1)-ini pozan sürücülərinhansına 15 manat cərimə, və yaxud hansına 20 manat cərimə yazılmalıdır? qabaqcadan teşekkür edirik! 

Salam.

İnzibati Xətalar Məcəlləsinin 32.2-ci maddəsinə əsasən fiziki və ya vəzifəli şəxslər barəsində inzibati tənbeh tətbiq edilərkən xətanın xarakteri, inzibati xəta törədən şəxsin şəxsiyyəti, onun təqsirinin dərəcəsi, əmlak vəziyyəti, habelə məsuliyyəti yüngülləşdirən və ağırlaşdıran hallar nəzərə alınır.

Misal üçün əgər siz birinci dəfə hüquq pozuntusuna yol vermisiniz və həmin pozuntunun ictimai təhlükəsi azdır, onda minimum cərimə tətbiq edilə bilər. Cərimənin məbləğini müəyyən etmək müvafiq qurumların səlahiyyətidir, əgər hesab edirsinizsə həmin cərimmə əsassızdır məhkəməyə müraciət edə bilərsiniz.

Sualınıza görə təşəkkür edirik.

2011-02-21

1079  Azer (18-02-2011) Ali məhkəmə qərarının icra müddəti nə qədərdir?

Salam.

Mülki Prosessual Məcəlləsinin 419.4-cü maddəsinə əsasən (əgər mülki işdirsə) qərar qəbul edildiyi andan qüvvəyə minir.

İcra müddəti İcra haqqında Qanunun 12, 13-cü maddələrinə əsasən həyata keçirilir. 

Sualınıza görə təşəkkür edirik.

2011-02-21

1080  Bahruz (18-02-2011) Salam. İXM. bilmək istəyirəm hal hazırda fiziki,vəzifəli və hüquqi şəxslərdən alınan inzibati cərimənin miqdarı maksimum nə qədərdir?

Salam.

İnzibati Xətalar Məcəlləsinin 25.4-cü maddəsinə əsasən manatla hesablanan və inzibati xətalara görə fiziki şəxslərdən alınan inzibati cərimənin miqdarı üç min manatdan, vəzifəli şəxslərdən alınan inzibati cərimənin miqdarı on min manatdan, hüquqi şəxslərdən alınan inzibati cərimənin miqdarı əlli min manatdan artıq ola bilməz

Sualınıza görə təşəkkür edirik.

2011-02-21

1081  Oktay (19-02-2011) Salam, hörmətli hüquqşünaslar.Sizdən bir məsəslə ilı bağlı məsləhət almaq istərdim.Mən 2004-2008-ci illərdə dövlət universitetlərindən birində əyani bakalavr və Yanvar 2009-Yanvar 2011-ci illərdə əyani magistr təhsil alnmışam.2006-ci ildən indiyə qədər neft sənayesində-dənizdə çalışıram.Əmək kitabçamda da 2006-ci ildən staj yazılır. qeyri-adi və bir tərəfdən də qeyri-qanunilik olmasını etiraf edirəm. Amma mən dövlət idarəıərindən birinə CV gondərmək istəyirəm.Yalnız yuxarıda qeyd etdiyim məsələyə görə risk edə bilmirəm.Zəhmət olmasa bu sahədə mənə mümkün ola bilən bir variant yazın.Öncədən təşəkkürümü bildiriəm.

Salam.

İlk öncə bildirməlisiniz ki, göstərdiyiniz məsələdə harda qeyri-qanuniliyi görürsünüz? Yəni əyani oxuyarkən necə işləyə bilmisiniz? Bəli qəribədir.

Amma qeyri-qanuni deyil. Bu məsələ artıq işçinin və işəgötürənin arasında razılaşmalarla həll olunur. 

Sualınıza görə təşəkkür edirik.

2011-02-21

1083  Bahruz (19-02-2011) Salam. İnzibati qaydada tutma bildiyiniz kimi DİN, MTN, DSX, MN tərəfindən həyata keçirilir. Bəs Dövlət Miqrasiya Xidmətini necə bu siyahıya aid etmək olar?

Salam.

Bəli. Aid etmək olar. 

Bunun üçün \"Azərbaycan Respublikasının İnzibati Xətalar Məcəlləsinin təsdiq edilməsi, qüvvəyə minməsi və bununla bağlı hüquqi tənzimləmə məsələləri haqqında\" Azərbaycan Respublikası Qanununun tətbiq edilməsi barədə Prezidentin Fərmanının 2.39, 2.40, 2.53, 2.54 bəndlərinə nəzər yetirmək lazımdır. 

Sualınıza görə təşəkkür edirik.

2011-02-21

1084  Kerim (20-02-2011) Salam, neve nenesinin mulkiyyetinden mecburi payi varmi? Yoxdursa orada yasamaq huququ varmi(eger orada qeydiyyatdadirsa)?

Salam.

Mülki Məcəllənin 1159.1.3-cü maddəsinə əsasən sonuncuların nəvələri, nəticələri və uşaqları o halda qanun üzrə vərəsə sayılırlar ki, mirasın açıldığı vaxt miras qoyanın vərəsələri olacaq valideynləri sağ olmasın. Onlar qanun üzrə vərəsəlik zamanı onların ölmüş valideyninə çatası paydan bərabər miras alırlar.

Qeydiyyat ilə bağlı məsələləri məhkəmə qaydasında daşınmaz əmlakın mülkiyyətçisi ilə həll edə bilərsiniz.

2011-02-21

1085  Bahruz (20-02-2011) Salam. Azərbaycan Respublikası Cinayət Məcəlləsi maddə 331.3, 341.1 dair Plenumun qərarları, şərhi, məqalə və.s bu kimi materiallar göndərmayinizi xahiş edirəm.

Salam.

Bu cür materiallar təmənnasız təqdim olunmur. 

Sualınıza görə təşəkkür edirik.

2011-02-21

1086  Gulya (20-02-2011) salam \"dovletlerin umumi menafeyi\" ne demekdir?

Salam.

Baxmayaraq ki, qanunvericilikdə dövlətin ümumi manafeləri anlayışı dəqiq göstərilməyib. Özümüz aşağıdakı kimi bu anlayışı başa düşürük.

Dövlətin ümumi manafeləri - həmin dövlət tərəfindən, həmin dövrdə  iqtisadi və qeopolitik, mədəniyyət-tarixi əlaqələri ilə, təhlükəsizliyini təmin etmək zərurəti ilə, əhalinin daxili və xarici təhkükədən, ekoloji  fəlakətlərdən qorunması ilə  müəyyən edilən dövlətin dərk edilmiş ehtiyaclarıdır.

Bu qədər.

2011-02-21

1087  Gulya (20-02-2011) salam. eger hansisa dovlet hamiliqla qebul olunmus beynelxalq ohdelikleri pozarsa onda onun baresinde hansi orqan vasitesi ile hansi tedbirler gorulur?

Salam.

Müxtəlif təşkiltlar var (BMT, Avropa Birliyi və s.) bu dövlətin yerləşməsindən, daxil olduğu birliklərdən də asılı ola bilər. Tədbirlər də müxtəlif ola bilər iqtisadi (embarqo), silahlı daxil olma (ən son zərurət kimi) və s.

Sualınıza görə təşəkkür edirik.

2011-02-21

1088  Ceyhun (21-02-2011) Salam Dejure. İşçi müvafiq iş yerində ümumilikdə 7 ilə yaxın işləyirsə ancaq, faktiki olaraq bir vəzifədə işləməsinin 1 ili tamam olmayıbsa, işçi attestasiyaya düşürmü? Əvvəlcədən təşəkkür edirəm.

Salam.

Sual - 1076

Məsləhətxananın 1076-cı sualında bu sual cavablandırılmışdır.

Bu qədər.

 2011-02-21

1089  Bahruz (21-02-2011) Salam. İnzibati xəta haqqında protokol hansı halda tərtib edilmir? Bura \"İnzibati xətalar haqqında işlər üzrə icraat prokuror tərəfindən başlandıqda\" aid etmək olar yoxsa bu bənd cıxarılıb? əvvəlcədən təşəkkür edirəm

Salam.

Qarışıq və qeyri aydın sualdır. Lakın bildirməliyik ki, İnzibati Xətalar Məcəlləsinin 412.1-ci maddəsinə əsasən törədilmiş inzibati xətaya görə inzibati tənbeh növü kimi xəbərdarlıq tətbiq edildikdə və ya inzibati cərimənin miqdarı iyirmi manatdan artıq olmadıqda, inzibati xəta haqqında protokol tərtib edilmir. 

Sualınıza görə təşəkkür edirik.

2011-02-21

1090  Narmina (21-02-2011) salam. Eger iscinin adi qeydiyyatda varsa ve onun maasina gol cekilib mudiriyyet alirsa..bir sozle evveller \"myortvie dushi\"adlanirdi..buna gore mudiri hansi ceza ve ya mesulliyyet gozleyir....evvelceden oz minnetdarligimi bildirirem..

Salam.

Əgər sübutlar varsa bu hərəkətlərə görə cinayət məsuliyyətinə də cəlb olunm mümkündür. Cinayət Məcəlləsinin 9-cu bölməsinə  (hüquqi tövsifdən asılı olaraq - Mənimsəmə və ya israf etmə, dələduzluq, Aldatma və ya etibardan sui-istifadə etmə yolu ilə əmlak ziyanı vurma və s.) nəzər yetirin. Əgər faktı təsdiq edən sübutlar mövcuddursa hüquq mühafizə orqanlarına müraciət edə bilərsiniz.

Sualınıza görə təşəkkür edirik.

2011-02-21

1093  Ceyhun (22-02-2011) Uşağa qulluqla əlaqədar sosial məzuniyyətdə (uşağın 3 yaşı tamam olması ilə əlaqədar) olan işçi, hamiləliyə və doğuşa görə məzuniyyətə (2 –ci uşaqla əlaqədar) çıxa bilərmi və buna görə müəyyən edilmiş müavinət ödənilməlidirmi? Bu təqdirdə işçiyə 1-ci uşağa qulluqla əlaqədar qismən ödənişli müavinatın yerdə qalan hissəsi ödənilirmi? Əvvəlcədən təşəkkür edirəm. 

Salam.

Bu sual Məsləhətxananın 977-ci, 981-ci suallarında cavablandırılmışdır. 

Aztəminatlı əhalinin sosial müdafiəsinin gücləndirilməsi tədbirləri barədə Prezidentin Fərmanında müvafiq müavinətlərin məbləği də göstərilib.

Sualınıza görə təşəkkür edirik.

2011-02-26

. 

1092  Oktay (22-02-2011) Salam, hörmətli hüquqşünaslar.Sizi yenidən narahat etdiyim üçün üzr istəyirəm.Sadəcə 1081 No-li sualıma mını lazım olan cavabı almadığım üçün sualımı daha konkretləşdirmək istəyirəm. Bilmək istərdim ki, əgər mən hər hansi dövlət idarəsinə CV versəm mənim diplomum və ya əmək kitabcam etibarsız sayıla bilərmi? Və yaxud mənə hər hansı bir problem yarana biərmi? Qabaqcadan təşəkkürümü bildirirəm.

Salam.

Diplomu və ya əmək kitabçasını etibarsız sayılması üçün əsas yoxdur.

Bu qədər.

2011-02-26

1094  Bahruz (22-02-2011) sual 1085. qeyd etdiyim materialları sizdən necə təmannnalı götürə bilərəm? bahruz_007@mail.ru

Salam.

Hal-hazırda hüquq firmasının yaradılması ilə bağlı tədbirlər görülür.

Ona görə də qeyd etdiyiniz məsələ bir-neçə ay uzana bilər. Bu barədə saytda məlumat yerləşdiriləcək.

Üzrlü hesab edin.

Sual birbaşa cavablandırılır.

12011-02-22 15:18:312011-02-26 00:00:00Tornado88.151.192.200bahruz_007@mail.ru101070000000-00-00 00:00:00727]]] 1095  Bahruz (23-02-2011) Salam. Mümkünsə güzgülü statistika haqqında məlumat verərdiniz

Salam.

Adətən güzgülü statistika dedikdə ölkənin xarici ticarət partnyorları üzrə BVF-nin (Beynəlxalq Valyuta Fondu) göstəriciləri ilə gömrük statistikanın tutuşdurulma (müqayisə) təhlili başa düşülür.

Sualınıza görə təşəkkür edirik.

2011-02-26

1096  Kamran (23-02-2011) Salam! \"Erde olan qadinin vetendashligi haqqinda Konvensiyaya qoshulmaq barede 31.05.1996-ci il tarixli AR-nin Qanunu muraciet eden shexsler uchun hansi sadeleshdirilmish hallari nezerde tutur. Vetendashliq uchun muraciet etmish shexslere Dovlet Miqrasiya Xidmetinin eseslandirilmamish imtina mektubu hansi huquqi neticelere sebeb ola biler? Teshekkur edirem.

Salam.

İlk öncə həmin Ərdə olan qadının vətəndaşlığı haqqında Konvensiya ilə daha ətraflı tanış olmaq lazımdır. 

Belə ki, həmin Konvensiyanın 3-cü maddəsinə əsasən Sazişə gələ hər bir dövlət razılaşır ki, onun hər hansı bir vətəndaşının arvadı olan əcnəbi, öz xahişi ilə, xüsusi asanlaşdırılmış naturalizasiya qaydasında ərinin vətəndaşlığını qəbul edə bilər. Belə vətəndaşlıq dövlət təhlükəsizliyinin və kütləvi asayişin mənafeyi xatirinə qoyulmuş məhdudiyyət obyekti ola bilər.

Eyni zamanda Azərbaycan Respublikasının vətəndaşlığı haqqında Qanunun 26-cı maddəsinə əsasən qanunla Azərbaycan Respublikasının beynəlxalq müqavilələri arasında ziddiyyət yaranarsa, həmin müqavilələr tətbiq edilir.

Buna görə də əgər müvafiq dövlət qurumu imtina cavabı veribsə bununla əlaqədar məhkəməyə müraciət edə bilərsiniz.

Sualınıza görə təşəkkür edirik.

2011-02-26

1097  Rehman (23-02-2011) Hormetli huquqsunaslar! Dovlet reyestr xidmetinde muvafiq icra hakimiyyetinin(XDS) qerarini qebul etmeyerek tikintinin istismara verilmesi aktini teleb edirler. Onlar oz etirazlarini NK-nin 2008-ci ilde verilmis hansisa qerari ile esaslandirirlar. Menim bildiyime gore qanunun geriye quvvesi yoxdur. 15 il bundan evvel tikilmis ve uzun illerdir istifade olunan obyekte bu qerarin tetbiq edilmesi qanuna uygundurmu? Cox sag olun.

Salam.

Yəqin ki, «Azərbaycan Respublikasının Fövqəladə Hallar Nazirliyi tərəfindən tikinti sahəsində dövlət nəzarətinin mərhələlərlə həyata keçirilməsi Qaydaları»nın təsdiq edilməsi barədə NK qərarını nəzərdə tuturlar.

Əgər həmin qurumun rəsmi cavabı varsa və bu cavab sizi qane etmir müvafiq qaydada məhkəməyə müraciət edə bilərsiniz.

Doğrudur, Konstitusiyanın 149.5-ci maddəsinə əsasən fiziki və hüquqi şəxslərin hüquqi vəziyyətini yaxşılaşdıran, hüquq məsuliyyətini aradan qaldıran və ya yüngülləşdirən normativ hüquqi aktların qüvvəsi geriyə şamil edilir.

Sualınıza görə təşəkkür edirik.

2011-02-26

1098  Yalçın (24-02-2011) Salam hormetli vekiller. 15 gun qabaq Raf markali mikroavtobus almisam. Generalniy dovernus ile almisam. Masin Baki nomresidir. Men ozum rayonda yasayiram. Masini rayonda DYP qeydiyyatdan keciren zaman melum oldu ki, masinin kuzasinda olan bilkasi yoxdur. DYP mene bildirdiler ki, masin Baki seriyasi olduqu ucin bilkani yalniz Respublika DYP almaq olar. Gerek erize ile muraciet edesen ki, masinin bilkasi itib. Masin ozude mutleq Bakiya getmelidir. Bilkasi ve qeydiyyati olmadiqi ucin masinla rayondan Bakiya getmek olmaz. Yolda masini DYP emekdaslari ala bilerler. Cunki masini elimden almisdilar ve masini tanisliqla oradan cixartmisam. Masini aldiqim sexs ne masini geri qaytarib pulumu verir, nede bilkani duzeltdirmeye boyun olur. Deyir ki get haraya isteyirsen sikayet ele. Xais edirem deyesiniz ki, men ne cur hereket etmeliyem. Qanun kimin terefindedir.

Salam.

Qanun qanuna riayət edənlərin tərəfindədir.

Qanunvericiliyə uyğun olaraq etibarnamə ilə hansı bir əşya alınmır və etibarnamə ümumiyyətlə mülkiyyət hüququnu vermir. Etibarnamə verən şəxs qanuna uyğun olaraq hər an həmin etibarnaməyə xitam verə bilər və bu etibarnamə etibarsız hesab ediləcək. Çalışın nəqliyyat vasitəsini alqı-satqı müqaviləsi əsasında rəsmiləşdirin və üzərində mülkiyyət hüququnu əldə edin. Əgər şəxs hansı bir malı (o cümlədən nəqliyyat vasitəsini)  müqavilə şərtlərinə zidd satın alırsa buna görə müvafiq qaydada məsuliyyətə cəlb oluna bilər.

Sualınıza görə təşəkkür edirik.

2011-02-26

1099  Xəzər (25-02-2011) Salam. Əgər bir şəxs 2 il müddətinə azadlıqdan məhrum edilmişsə (az agir cinayətlə) və cəzanın 10 ayını çəkib qalan hissəni daha yüngül cəza ilə əvəz edilərək məntəqə tipli çəza çəkmə müəssiəsində çəkib qurtararsa onun uzərindən məhkumluğu nə vaxt odənilmiş olur?

Salam.

Cinayət Məcəlləsinin 77-ci maddəsinə əsasən böyük ictimai təhlükə törətməyən və ya az ağır cinayət törətməyə görə müəyyən müddətə azadlıqdan məhrum etmə növündə cəza çəkən şəxsin cəzasını çəkdiyi dövrdə davranışını nəzərə alaraq, məhkəmə cəzanın çəkilməmiş hissəsini daha yüngül cəza növü ilə əvəz edə bilər. Bu halda şəxs tamamilə və ya qismən əlavə cəzadan da azad edilə bilər.

Cəzanın çəkilməmiş hissəsinin daha yüngül cəza növü ilə əvəz edilməsi, cəza müddətinin ən azı üçdə bir hissəsi çəkildikdən sonra tətbiq edilə bilər.

Bundan başqa həmin Məcəllənin 83-cü maddəsi ilə tanış olmalısınız:

Maddə 83.

83.1. Cinayət törətməyə görə məhkum edilmiş şəxs məhkəmənin ittiham hökmü qanuni qüvvəyə mindiyi gündən məhkumluğun götürüldüyü və ya ödənildiyi günə qədər məhkum olunmuş hesab edilir. Cinayətlərin residivi zamanı və cəza təyin edilərkən bu Məcəlləyə uyğun olaraq məhkumluq nəzərə alınır.

83.2. Cəzadan azad edilmiş şəxs məhkumluğu olmayan hesab edilir. 

83.3. Aşağıdakı hallarda:

83.3.1. şərti məhkum edilmiş şəxslər barəsində — sınaq müddəti başa çatdıqda;

83.3.2. azadlıqdan məhrum etməyə nisbətən daha yüngül cəzaya məhkum edilmiş şəxslər barəsində — onlar cəzanı çəkib qurtardıqları gündən bir il keçdikdə;

83.3.3. böyük ictimai təhlükə törətməyən və ya az ağır cinayət törətməyə görə azadlıqdan məhrum etməyə məhkum edilmiş şəxslər barəsində — onlar cəzanı çəkib qurtardıqları gündən üç il keçdikdə;

83.3.4. ağır cinayət törətməyə görə azadlıqdan məhrum etməyə məhkum edilmiş şəxslər barəsində — onlar cəzanı çəkib qurtardıqları gündən altı il keçdikdə;

83.3.5. xüsusilə ağır cinayət törətməyə görə məhkum edilmiş şəxslər barəsində — onlar cəzanı çəkib qurtardıqları gündən səkkiz il keçdikdə məhkumluq ödənilmiş hesab olunur.

83.4. Məhkum edilmiş şəxs qanunla müəyyən edilmiş qaydada vaxtından əvvəl cəza çəkməkdən azad edildikdə və yaxud cəzanın çəkilməmiş hissəsi daha yüngül cəza növü ilə əvəz edildikdə, məhkumluğun ödənilməsi müddəti əsas və əlavə cəzanı çəkməkdən azad edildiyi vaxtdan hesablanır. 

83.5. Şəxs cəzanı çəkib qurtardıqdan sonra nümunəvi davranışı ilə islah olunduğunu sübut edərsə, məhkəmə həmin şəxsin vəsatəti əsasında məhkumluğu vaxtından əvvəl onun üzərindən götürə bilər.

83.6. Məhkumluğun ödənilməsi və ya götürülməsi məhkumluqla bağlı olan bütün hüquqi nəticələri ləğv edir.

Sualınıza görə təşəkkür edirik.

2011-02-26

1100  Arif (25-02-2011) Salam. Azərsu səhmdar cəmiyyətinin işçiləri bizdən 1997 ci ildən bu gunə kimi olan borcu tələb edirlər. Mən bilmək istəyirəmki onların 1997 ci ildən bu gunə kimi olan borcu istəməyi hansı qanunvericiliyə uygundur. Əgər uygundursa hansı normativ aktda uygundur. Qanunsuzdu sa onda bizə komək edin ki, biz hüquqlarımızı bərpa edək.

Salam.

Əgər borcunuz varsa deməli həmin qurumun səlahiyyətli şəxsləri tərəfindən tələb etməyə əsas var. 

Xatırladaq ki, Mülki Məcəllənin 373.1-ci maddəsinə əsasən ümumi iddia müddəti on il təşkil edir.

Sualınıza görə təşəkkür edirik.

2011-02-26

1101  Ceyhun (25-02-2011) Maddə 104. İstirahət günləri 3. Hər dəfə qan və ya qan komponentlərini pulsuz (əvəzsiz) verən donorlara orta əmək haqqı saxlanılmaqla əlavə istirahət günü verilir. Həmin istirahət günü donorun arzusu ilə onun illik məzuniyyətinə əlavə edilə və ya il ərzində istənilən vaxtda istifadə edilə bilər. Əgər qan vermə qeyri iş gününə təsadüf edərsə...?

Salam.

Əmək Məcəlləsinin 179-cu (bənd \"j\") və 104.3-cü maddələrində göstərilmir ki, bu iş günü və ya qeyri-iş günü olmalıdır. Buna görə də həftənin günündən asılı olmayaraq Məcəllənin müddəaları rəhbər tutulmalıdır.

Sualınıza görə təşəkkür edirik.

2011-02-27

1102  Anar (25-02-2011) MMC-nin dövlət vergi organına 20 000 Azn migdarında ƏDV borcu yaranıbsa, yaranan zamandan 2 ildən çox müddət keçibsə həmən MMC-nin təsischi direktoru cinayət məsuliyyəti daşıyırmı? daşıyırsa hansı formada?

Salam.

Cinayət Məcəlləsinin 213.1-ci maddəsinə əsasən xeyli miqdarda vergiləri və ya məcburi dövlət sosial sığorta haqlarını ödəməkdən yayınma - üç ilədək müddətə müəyyən vəzifə tutma və ya müəyyən fəaliyyətlə məşğul olma hüququndan məhrum edilməklə və ya edilməməklə min manatdan iki min manatadək miqdarda cərimə və ya iki ilədək müddətə islah işləri və ya üç ilədək müddətə azadlıqdan məhrum etmə ilə cəzalandırılır.

213.2. Eyni əməllər:
213.2.1. mütəşəkkil dəstə tərəfindən törədildikdə;
213.2.2. külli miqdarda törədildikdə - üç ilədək müddətə müəyyən vəzifə tutma və ya müəyyən fəaliyyətlə məşğul olma hüququndan məhrum edilməklə və ya edilməməklə üç ildən yeddi ilədək müddətə azadlıqdan məhrumetmə ilə cəzalandırılır.

Qeyd:
1. Bu maddədə \"xeyli miqdar” dedikdə, iki min manatdan əlli min manatadək olan məbləğ, \"külli miqdar\" dedikdə isə əlli min manatdan yuxarı olan məbləğ başa düşülür.
2. Bu Məcəllənin 213.1-ci və 213.2-ci maddələrində nəzərdə tutulan əməlləri ilk dəfə törətmiş şəxs cinayət nəticəsində vurulmuş ziyanı tamamilə ödədikdə cinayət məsuliyyətindən azad olunur.

Təsisçi qanunvericiliyə uyğun olaraq məsuliyyəti olmamalıdır (MMC-nin təşkilati-hüquqi forması Məhdud Məsuliyyətli Cəmiyyət deməkdir). Mülki Məcəllənin 87-ci maddəsinə əsasən Məhdud məsuliyyətli cəmiyyətin iştirakçıları onun öhdəlikləri üzrə məsuliyyət daşımır və cəmiyyətin fəaliyyəti ilə bağlı zərər üçün qoyduqları mayaların dəyəri həddində risk daşıyırlar.

Əgər təsisçi həm də direktordursa və məbləğ 2 mini keçibsə bu artıq xeyli miqdarda yayınmadır və cinayət məsuliyyətə cəlb olunması üçün müvafiq əsaslar var.

Sualınıza görə təşəkkür edirik.

2011-02-27

1103  Ehtibar (28-02-2011) Hərbi qulluqçuların istifadə etmədiyi məzuniyyətə görə pul kompensasiyası nə qədərdir?

Salam.

Hərbi qulluqçulara məzuniyyətə görə kompensasiya «Hərbi xidmətkeçmə haqqında» Əsasnamənin 121-ci bəndinə əsasən verilir. 

Sualınıza görə təşəkkür edirik.

2011-02-28

1105  Gulya (28-02-2011) salam. Eger sexs yetkinlik yasina catmayan sexsi cinayet etmeye celb ederek onun vasitesile adam oldururse, onda o hem qesden adam oldurmeye, hemde yetkinlik yasina catmayan sexsi cinayetkar fealiyyete celb etdiyine gore mesuliyyete celb olunur? bes bu zaman yetkinlik yasina catmayan sexsi cinayet fealiyyetine celb etmesi agirlasdirici hal kim ceza teyininde nezere alinir?

Salam.

Yetkinlik yaşına çatmayanı cinayətkar fəaliyyətə cəlb etmə Cinayət Məcəlləsinin (170-ci maddə) ayrıca maddəsidir və digər cinayətlərlə yanaşı törədildikdə həmin Məcəllənin 66-cı maddəsi (Cinayətlərin məcmusu üzrə cəzanın təyin edilməsi) nəzərə alınmalıdır.

Sualınıza görə təşəkkür edirik.

2011-02-28

1106  Emin (01-03-2011) Salam. Mən maraqlanmaq istəyirəm ki, A.R. Mülki Məcəlləsinin 228.1, 228.2-ci maddələrin tələblərinə görə yaşayış binasının tərkib hissəsindən istifadə hüququqnun əmələ gəlməsi, həyata keçirilməsi şərtləri və xitamı mülkiyyətçi ilə notariat qaydasında təsdiqlənən yazılı razılaşma yoxdursa, lakin buna baxmayaraq şəxs yaşayış sahəsinə 01.09.2000-ci ildən sonra qeydiyyata düşübsə, həmin şəxsin MM-nin 228.2 maddəsində nəzərdə tutulan kompensasiya almaq hüququ varmı?

Salam.

Həmən məsələ ilə əlaqədar  Konstitusiya Məhkəməsinin bəzi qərarları ilə tanış olmaq məqsədəuyöundur.

• Azərbaycan Respublikasının Mülki Məcəlləsinin 228-ci maddəsinin və Mənzil Məcəlləsinin 123-cü maddəsinin birinci hissəsinin şərh edilməsinə dair Konstitusiya Məhkəməsinin Qərarı
• Azərbaycan Respublikası Mülki Məcəlləsinin 228.5-ci maddəsinə dair Konstitusiya Məhkəməsinin Qərarı

Sualınıza görə təşəkkür edirik.

2011-03-05

1107  Gulya (02-03-2011) Salam. sexs 2-ci sexsin qardasini oldureceyi barede ona hede qorxu gelerek ticaret ortaqlari olan 3-cu sexsi oldurmeye razi salir, lakin sonra hemin hede qorxu gelen sexs emelinden pesman olaraq polise muraciet edir. ancaq gec olur cunki artiq 2-ci sexs ticaret ortaqlarini xususi amansizliqla qetle yetirir. Mehkeme ise baxarken hemin hede qorxu gelen sexse ceza teyin ederken onun polise melumat vermesini yungulesdirici hal kimi nezere alacaqmi? almayacasa niye almayacaq?

Salam.

Cinayət Məcəlləsinin 30.2-ci maddəsinə əsasən cinayəti başa çatdırmaqdan könüllü olaraq qəti imtina edən şəxs cinayət məsuliyyətinə cəlb olunmur.

Sualınıza görə təşəkkür edirik.

2011-03-05

1108  Gulya (02-03-2011) salam sexs yaxin qohumunu onun cinayet toretdiyini polise xeber verdiyine gore yaxin qohumunu oldurmek qenaetine gelir ve bu meqsedle balta alaraq evinde gizledir.ve gece vaxti qonsusunun evinin penceresinden daxil olmaqla yatdigi yerde onu oldurmeyi planlasdiraraq nerdivani evvelce cepere yaxin bir yere qoyur lakin huquq muhafize orqanlari onun bu niyyetinden xeber tutaraq hebs edirler.teqsirini boynuna almamasina baxmayaraq ona 7 il muddetinde azadliqdan mehrumetme novunde ceza verirler. lakin onun mudafiecisi hokmden sikayet vererek ona qanuna zidd olaraq yuxari ceza teyin edildiyini bildirir mudafieci telebinde haqlidirmi? ve niye ?

Salam.

Deyəsən siz kazusları (ali məktəbdə verilən) bizim üzərimizdə tətbiq edirsiniz :).

Cinayət Məcəlləsinin 28-ci maddəsinə əsasən cinayət törətmək üçün vasitə və ya alət axtarma, əldə etmə və ya hazırlama, yaxud cinayət törətmək üçün başqaları ilə əlaqəyə girmə, sövdələşmə və yaxud cinayət törətmək üçün qəsdən başqa cür şərait yaratma zamanı cinayət şəxsin iradəsindən asılı olmayaraq başa çatdırılmamışdırsa, belə əməllər cinayətə hazırlıq hesab olunur.

Yalnız ağır və xüsusilə ağır cinayətlərin törədilməsinə yönəlmiş hazırlıq cinayət məsuliyyətinə səbəb olur (görünür ki ağır cinayətdir).

Bu qədər.

2011-03-05

1109  Gulya (02-03-2011) Pakistan vetendasi 2001-ci ilde Azerbaycan dovlet neft akademiyasina daxil olmus orada tehsil almisdir.2002-ci ilde telebe yoldasi ile nikaha girir. 2005 -ci ilde cinayet toretdiyine gore 22.3 cu madde ile teqsirlendirilen sexse 3 il muddetine azadliqdan mehrum etme ve azerbaycanin terefdar cixdigi beynelxalq muqavilelerde basqa hal nezerde tutulmadigindan AR sinin hududlarindan kenara mecburi cixarma cezasi teyin edilir. O ise qanunun ona Azerbaycan respublikasinin hududlarindan kenara mecburi cixarma cezasi verilmesine imkan vermediyini bildirerek hokmden sikayet vererek bu cezanin legvini teleb edir o telebinde haqlidirmi? ve niye?

Salam.

Cinayət Məcəlləsinin 42.0.9-cu maddəsində Azərbaycan Respublikasının hüdudlarından kənara məcburi çıxarma cəza növü göstərilib. 

Lakın həmin müddəanın tətbiqi üçün həmin Məcəllənin 52-ci maddəsi ilə tanış olmaq lazımdır. Həmçinin bu cəza növü əsas  deyil, əlavə cəza hesab edilir (maddə 43.3).

Sualınıza görə təşəkkür edirik.

2011-03-05

1110  Elibaba (03-03-2011) Salam aleykum! Men Rusiya Fedarasiyasinda oxuyub 2007-ci ilde aldigim sururuculuk vesiqesini, deyisdirmek ucun Gence seh. DYP-ne muraciet etdim. Nezeri imtahandan kecdim, indi ise menden 200 manat pul teleb edirler ki, onsuzda tecrubi intahani vere bilmeyeceksen pul ver canini qurtar. Men indi hara muraciet edib, vesiqe almaq haqqimi teleb ede bilerem?

Salam.

Əgər səlahiyyətli şəxslər  korrupsiya halarına yol verirsə bu barədə Azərbaycan Rеspublikasının Kоrrupsiyaya qarşı mübarizə üzrə Kоmissiyasına müraciət etməyiniz məqsədəuyğundur. Həmçinin DİN-nin yuxarı orqanlarına və prokurorluöa müraciət edə bilərsiniz (yazılı şəkildə). Çalışın öz mövqenizi əsaslandırın və sübutları təqdim edin. Əgər korrupsiya halı müəyyən edilsə vəzifəli şəxslər hökmən məsuliyyətə cəlb olunacaqlar.

Sualınıza görə təşəkkür edirik.

2011-03-05

1111  Mətləb (03-03-2011) babam 1990-da vefat edib, babam da nenem de vesiyyename buraxib notariusda ki, onlarin evlerini nevesine vesiyyet edib 1 nevesine. nenem yasayir hele ki, onlarin heyatda 6 ovladlari var, ayri ayri yerde qeydiyyatdadirlar.nenem oldukden sonra ev nece bolunecek ve evvelki vesiyyetnameler tetbiq olunurmu, olunursa hansi qanunla, yeni SSRIdeki, yoxsa muasir?

Salam.

Qeyd etdiyiniz münasibətlər  Mülki Məcəllə (10-cu bölmə) ilə tənzimlənir.  Əgər vəsiyyətnamə varsa miras vəsiyyət üzrə vərəsəyə keçir. 

Buna baxmayaraq həmin Məcəllənin 1193-cü maddəsinə əsasən vəsiyyət edənin uşaqlarının, valideynlərinin və arvadının (ərinin) vəsiyyətnamənin məzmunundan asılı olmayaraq mirasda məcburi payı vardır. Bu pay qanun üzrə vərəsəlik zamanı onlara çatası payın yarısını (məcburi pay) təşkil etməlidir.

Sualınıza görə təşəkkür edirik.

2011-03-05

1112  Amil (03-03-2011) Salam mənim torpağımın bələdiyyə sərəncamı və etibarnaməsi var, amma ev tikilib 1,5 sotda mən ona sənəd(kupça) ala bilərəmmi 1,5 sotda ev tikmək olarmı sağ olun

Salam.

Əlbəttə ki, əgər rəsmiləşdirilməni qanunvericiliyə uyğun olaraq müvafiq tədbirləri görsəniz. Bunun üçün Daşınmaz əmlakın dövlət reyestri haqqında Qanunun 8 və 9-cu maddələrini rəhbər tutmalısınız.

Sualınıza görə təşəkkür edirik.

2011-03-07

1113  Yunus (04-03-2011) Salam! Vətəndaş hərbi məhkəmədə təzminat tələb etmək hüququ qazanmışdır. Bu hüquq müddətlidirmi? Yoxsa istənilən vaxt ərzində bu hüquqdan istifadə edə bilər.Müddətlidirsə nə qədər müddətə hüquqi qüvvəsi var.

Salam.

Əgər tələb etmək hüququnuz yaranıbsa Mülki Məcəllənin 373-cü maddəsini rəhbər tuta bilərsiniz (Ümumi iddia müddəti on il təşkil edir). 

Sualınıza görə təşəkkür edirik.

2011-03-07

1114  Gulbala (04-03-2011) əgər hökm qüvvəyə minibsə ondan kasasiya şikayəti verilə bilərmi?

Salam.

Cinayət Prosessual Məcəlləsinin 407.2-ci maddəsinə əsasən apellyasiya instansiyası məhkəməsinin yekun qərarı elan olunduğu andan dərhal sonra qanuni qüvvəyə minir.

Həmçinin CPM-nin 408.1-ci maddəsinə əsasən kassasiya şikayəti və ya kassasiya protesti bu Məcəllədə nəzərdə tutulmuş qaydada və hallarda məhkəmənin aşağıdakı hökm və qərarlarından verilə bilər:

• apellyasiya instansiyası məhkəmələri tərəfindən çıxarılmış hökm və qərarlardan;
• andlı iclasçıların iştirakı ilə birinci instansiya məhkəməsi tərəfindən çıxarılmış hökmlərdən.

Sualınıza görə təşəkkür edirik.

2011-03-07

1115  Rufus (05-03-2011) Bildiyimə görə avtomobili baş etibarnamə(gendoverrost) ilə idarə edən şəxs onu öz adına rəsmiləşdirə bilməz. Sualım bu hal Mülkü Məcəllənin hansı maddəsi ilə tənzimlənir? Təşəkkürlər

Salam.

Etibarnamə birtərəfli əqd hesab edilir (Mülki Məcəllənin 362-366-cı maddələri). Etibarnamə - bir şəxsin üçüncü şəxslər qarşısında təmsilçilik üçün başqa şəxsə verdiyi vəkalət sayılır. Və mülkiyyət hüququn yaranmasını təsdiq etmir. Mülkiyyət hüququnu əldə etmək üçün   müqavilələr vasitəsilə həyata keçirilir (bağışlanma, alqı-satqı).

Sualınıza görə təşəkkür edirik.

2011-03-07

1116  Bahruz (05-03-2011) Salam. Fərdi əmək mübahisələrinə iddia müddəti nə qədərdir və hansı müddətdə baxılır?

Salam.

Əmək Məcəlləsinin 296-cı maddəsinə nəzər yetirin.

Maddə 296. Fərdi əmək mübahisələrinin həllində iddia müddətləri

1. Bu Məcəllənin 294-cü maddəsinin ikinci hissəsində nəzərdə tutulmuş fərdi əmək mübahisələrinə baxan orqana, işçi hüququnun pozulduğunu aşkar etdiyi gündən etibarən 3 təqvim ayı ərzində müraciət edə bilər.

2. Bu maddənin birinci hissəsində göstərilən haldan başqa qalan bütün hallarda fərdi əmək mübahisəsinin həll edilməsi üçün işçi hüququnun pozulduğunu aşkar etdiyi gündən etibarən 1 təqvim ayı ərzində məhkəməyə müraciət edə bilər.

4. Hüququnun pozulmasının aşkar edildiyi gün, işçiyə müvafiq əmrin, (sərəncamın, qərarın), əmək kitabçasının, haqq-hesab sənədlərinin (kitabçasının, vərəqəsinin, çekinin) verildiyi, həmçinin əmək müqaviləsinin bu Məcəllədə nəzərdə tutulmuş şərtlərinin işəgötürən tərəfindən müvafiq qaydada sənədləşdirilmədən bilə-bilə qəsdən pozulduğu gündür. İşçilərin həyatına və sağlamlığına vurulmuş zərərin ödənilməsi haqqında tələblərə iddia müddəti şamil edilmir.

5. Pul və digər əmlak tələbləri ilə əlaqədar, həmçinin ziyan vurulmaqla bağlı yaranmış əmək mübahisələrinin həlli üçün işçi, hüququnun pozulduğunu aşkar etdiyi gündən etibarən 1 il ərzində məhkəməyə müraciət edə bilər.

6. İşəgötürən bu Məcəllə ilə müəyyən edilmiş hallarda işçiyə qarşı iddia ərizəsi ilə məhkəməyə hüquqlarının və qanuni mənafelərinin pozulduğu gündən 1 təqvim ayı müddətində, ona maddi ziyan vurulması məsələləri ilə əlaqədar isə ziyanın vurulmasını aşkar etdiyi gündən 1 il müddətində müraciət edə bilər.

7. Bu maddədə göstərilən müddətlər üzürlü səbəblərdən – iddiaçının xəstələnməsi, ezamiyyətdə, yaşayış yerindən kənarda məzuniyyətdə olması, yaxın qohumunun ölməsi və digər obyektiv hallarla bağlı səbəblərdən ötürülərsə, fərdi əmək mübahisəsinə baxan orqan buraxılmış müddəti bərpa edərək mübahisəyə mahiyyəti üzrə baxa bilər.

Qeyd: Bu maddənin altıncı hissəsində iddiaçının «yaxın qohumu» dedikdə, işçinin atası, anası, babası, nənəsi, əri (arvadı), uşaqları, bacıları, qardaşları, qudaları, ərinin (arvadının) valideynləri, qardaşları, bacıları başa düşülməlidir. İşçinin digər qohumlarının vəfatı ilə əlaqədar iddia müddətinin ötürülməsini hakim üzürlü hal hesab edə bilər.

Sualınıza görə təşəkkür edirik.

2011-03-07

1117  Elibaba (08-03-2011) Salam! Men etibarname (qeneral daverennostla) aldigim avtomobili oz adima nece kecire bilerem? Eger avtomobiln evvelki sahibini tapmaq mumkun deyilse.

Salam.

Əgər həmin baş etibarnamə ilə sizə onu satmaq hüququ verilibsə Etibarnamənin bu maddəsindən istifadə edib faydalana bilərsiniz. Əks təqdirdə nəqliyyat vasitəsini alqı-satqı yolu ilə mülkiyyətinizə keçirə bilərsiniz.

Sualınıza görə təşəkkür edirik.

2011-03-12

1118  Kamran (08-03-2011) Hormetli huquqshunaslari salamlayiram! Sizden xahish edirem bir meselede mene yardimchi olasiniz. MPM-nin 82.3-cu maddesine esasen, bir mülki iş üzrə qanuni qüvvəyə minmiş məhkəmə qətnaməsi ilə müəyyən edilmiş faktlar həmin işdə iştirak edən şəxslər tərəfindən başqa məhkəmə prosesində mübahisələndirilmir və yenidən sübut edilmir. Mehkeme bashqa iddia predmeti uzre kechirilen diger mulki prosesde, subut kimi teqdim edilmish qanuni quvveye minmish qetnameni mubahiselendirmish ve orada gosterilen hallara esaasen qetnamede gosterilenlere zidd olan qerar qebul etmishdir. Sualim beledir. AR Konstitusiya Mehkemesi MPM-nin 82-ci maddesi ile elaqedar hansi hallari Konstitusiyaya uygun olmayan hesab etmishdir? Umumiyyetle bele bir presedente, AR Konstitusiyasina uygun olmayan hesab edilmish huquq normasina esasen qebul edilmish qerar demek olarmi? Murekkeb suala dolgun cavab vereceyinize emin oldugum uchun evvelceden Sizlere minnetdarligimi bildirirem.

Salam.

Əgər məhkəmə MPM-nin 82.3 maddəsinin müddalarını (82.3. Bir mülki iş üzrə qanuni qüvvəyə minmiş məhkəmə qətnaməsi ilə müəyyən edilmiş faktlar həmin işdə iştirak edən şəxslər tərəfindən başqa məhkəmə prosesində mübahisələndirilmir və yenidən sübut edilmir) pozmuşdur və müvafiq məhkəmə aktı qəbul etmişdir Siz yuxarı instansiya məhkəməsinə şikayət edə bilərsiniz (əvvəlcə apellyasiya, daha sonra kassasiya). Həmçinin əgər bu fakt təsdiq olunsa eyni zamanda hakimin hərəkətlərindən Məhkəmə_hüquq Şurasına da müraciət edə bilərsiniz.

Sualınıza görə təşəkkür edirik.

2011-03-12

1119  Qiyash (09-03-2011) İşçi illik məzuniyyətə çıxan zaman əgər ilin ortasından vəzifə artımı olubsa bu hal verilən əmrdə yazılmalıdır yoxsa ehtiyac yoxdur?

Salam.

Məzuniyyət əmrində bu məsələni qeyd etməyə ehtiyac yoxdur. Sadəcə məzuniyyətlərin günləri hesablanır və mühasibatlıq həmin günlərə uyğun olaraq hesablaşmalar aparır.

Bu qədər.

2011-03-12

1120  Elibaba (10-03-2011) Yeni anadan olmus usaga dogum haqqinda sehadetname almaq ucun hansi senetler toplamaq ve ne qeder dovlet rusumu odemek lazimdir? Qeyd edim ki, usaq artiq doqquz ayliqdir. Sag olun!

Salam.

Vətəndaşlıq vəziyyəti aktlarının dövlət qeydiyyatı Qaydasının 2-ci paraqrafına əsasən doğumun qeydə alınması üçün aşağıdakı sənədlər təqdim edilməlidir:

1. valideynlərin şəxsiyyətini təsdiq edən sənədlər;
2. valideynlərin nikah haqqında şəhadətnaməsi;
3. doğum faktını, vaxtını və yerini təsdiq edən tibb müəssisəsindən sənəd;
4. uşaq tibb müəssisəsindən kənarda doğulduqda, doğuma kömək göstərmiş və ya doğuşdan sonra valideynlərin müraciət etdiyi həkimin verdiyi sənəd;
5. uşaq ölü doğulubsa, onun ödü doğulması barədə həkimin verdiyi sənəd;
6. uşaq, ana tibb müəssisəsindən çıxmamışdan əvvəl ölübsə, doğum və ölüm barədə həkimin verdiyi sənəd;
7. valideynlərindən biri, yaxud hər ikisi əcnəbi və ya vətəndaşlığı olmayan şəxs olduqda onların Azərbaycan Respublikasında yaşayış yeri üzrə qeydiyyatda olması barədə sənəd.

Dövlət rüsumu haqqında Qanunun 13-cü maddəsinə əsasən doğumun  qeydə alınması və bu barədə ilkin şəhadətnamələrin verilməsi üçün dövlət rüsumu ödənilmir.

Sualınıza görə təşəkkür edirik.

2011-03-12

1121  Omar (10-03-2011) Salam. Men etibarname (generalni) ile idare etdiyim avtomobili atama bagishlaya bilerem? Eger bileremse bunun prosedurasi nedir? Bu zaman avtomobil bagishlanan shexsin mulkiyyetine kechirmi? Evvelceden teshekkur edirem.

Salam.

Əgər etibarnamə ilə bu hüquq sizə verilibsə notariat qaydada həmin müqaviləni təsdiqləmək imkanınız var. 

Sualınıza görə təşəkkür edirik.

2011-03-12

1123  Kamran (12-03-2011) Salam! 1118-ci suali cavablandirdiginiza gore Size teshekkur edirem. Problem ondan ibaretdir ki, mehkemenin qanuni quvveye minmish qetnamesini subut kimi birinci instansiya mehkemesine teqidim edilmish ve sonraki iddia ikinci qetname ile temin olunmushdur. Lakin, apellyasiya instansiyasi gorunmemish qanunsuzluq ederek, qanuni qwvveye minmish qetnamede gosterilen hallara yeniden \"huquqi qiymet\" vermish ve birinci instansiya mehkemesinin artiq ikinci olan qanuni ve esasli qetnamesini legv etmishdir. Kassasiya instansiyasinda, Mulki Kollegiyanin terkibine MPM-19.2.1. ve 19.2.3-cu, Mehkemeler ve hakimler haqqinda AR Qanununun 16 maddesine esasen verilmish etiraz temin edilmeyerek, qanunsuz terkibde ishe baxilaraq, apellyasiya instansiyasinin qetnamesini deyeshdirmeden saxlamishdir. Qarshida elave kassasiya qaydasinda muraciet etmek ve kassasiya qerarlarinin legv edilmesi uchun esaslari mueyyenleshdirmek meqsedile, bele bir sualla Size muraciet etmeli oldum. Hemreyliyinize umud besleyirem.

Salam.

Sual - 1118

Aydındır. Hələ qabaqda iki instaniya var (əlavə kassasiya və konstitusiya məhkəməsi), ola bilsin ki, Avropa İnsan Məhkəməsidə (əgər işin mahiyəti uyğun gəlirsə).

İşinizdə uğurlar. Əgər verdiyiniz  məlumat həqiqətə uyğundursa fikrimizcə prosessual pozuntulara yol verilmə faktı mövcuddur..

Bu qədər.

2011-03-13

1124  Vaqif (13-03-2011) Salam. Mən atamın yaşlı əmisiylə qalır, ona qulluq edirəm. O öz evin və əşyaların mənim adıma keçirmək istəyir. Bunun üçün mənə hansı sənədlər lazımdır və hansı yerlərə müraciət etməliyəm. Həmçinin bunu həll etmək üçün mənə hüquqşunas lazımdırmı yoxsa özümdə həll edə bilərəm? Əgər hüquqşunas lazım olsa köməkliyiniz çata bilərmi? Cavaba görə minnətdaram çox kömək etmiş olacaqsınız. Sağ olun.

Salam.

Həmin şəxslə renta müqaviləsini də bağlaya bilərsiniz. Həmin renta müqaviləsi notariat qaydada təsdiq olunmalıdır və daşınmaz əmlakın dövlət reyestr xidmətində qeydiyyatda keçməlidir. Tərəfimizdən göstərilən xidmətlər təmənnalıdır.

Sualınıza görə təşəkkür edirik.

2011-03-15

1125  Bahruz (13-03-2011) Salam. Azərbaycanın ucqar rayonlarının birində günün tələbinə əsasən yeni avtovağzal tikilməsi üçün hara müraciət etmək lazımdır? Bunun üçün hansı sənədlərin lazım olmasını və həmin sənədlərin necə tərtib olunması barədə məlumat verməyinizi xahiş edirəm. Mümkündürsə tərtib olunacaq sənədlərin nüsxəsini bizə göndərərdiniz. Əvvəlcədən təşəkkür edirəm

Salam.

Bu cür obyektlərin tikilməsi aidiyyəti dövlət qurumların səlahiyyətindədir. Bunun üçün müvafiq instansiyalardan torpağın ayrılması və tikintinin aparılması üçün icazələr olmalıdır. 

Sualınıza görə təşəkkür edirik.

2011-03-15

1126  Bahruz (13-03-2011) Salam. Dövlət Qulluğu haqıında qanunun 8-ci maddəsi və digər maddələrində göstərilən “müvafiq icra hakimiyyəti” orqanlarının açıqlamasını istəyirəm.

Salam.

Məsləhətxananın 597-ci sualına nəzər yetirin.

Sualınıza görə təşəkkür edirik.

2011-03-15

1127  Ceyhun (14-03-2011) Salam De Jure, Sazişlə müqavilənin hüquqi fərqi nədir, mümkünsə əsaslarla izah verərdiz. Əvvəlcədən təşəkkür edirəm.

Salam.

Adətən fərqlənmə müqavilə və əqd arasında olur. Mülki Məcəllənin 324.2-ci maddəsinə əsasən əqdlər birtərəfli və müqavilə şəklində (ikitərəfli və ya çoxtərəfli) ola bilər. Əqd daha geniş alayışdır (misal üçün birtərəfli ola bilər). Mİsal üçün hər bir halda müqavilə əqddir, lakın əqd müqavilə olmaya da bilər (misal üçün: etibarnamə və s.)

Saziş çox vaxt müqavilə ilə eyni məna verir qanunvericilikdə anlayışı verilmir (ona görə də onların arasında fərq qoymaq səhv mövqe olardı). 

Sualınıza görə təşəkkür edirik.

2011-03-15

1128  Yunus (14-03-2011) Salam! Evimizda dədə-babadan qalma köhna tufəng var idi. Onunla quş ovlamağa getmishdim.Bizi tutub cərimələdilar qanunsuz quş ovuna görə carimani ödəmişik. İndi isə qanunsuz of tüfəngi saxladığımıza görə bizi iki min manat cərimə edirlər! Qanunvericilikdə bu nəzərdə tutulurmu?

Salam.

Xidməti və mülki silah haqqında Qanuna əsasən mülki silah — özünümüdafiə, ov və idmanla məşğul olma üçün nəzərdə tutulmuş silahdır. Ov silahı — vəhşi heyvanların və quşların ovlanması üçün nəzərdə tutulmuş yivli və ya yivsiz lüləli odlu, soyuq, o cümlədən soyuq atıcı və pnevmatik silahdır.

İnzibati Xətalar Məcəlləsinin 346-cı maddəsinə əsasən:

Azərbaycan Respublikası müvafiq icra hakimiyyəti orqanlarından xüsusi icazə almış şəxslər tərəfindən mülki silahın və onun üçün döyüş sursatının saxlanılması, daşınması və ya satılması qaydalarının pozulmasına görə - 

• silah və döyüş sursatı ödənişlə alınmaqla və ya alınmamaqla iyirmi beş manatdan otuz beş manatadək miqdarda cərimə edilir.

 Azərbaycan Respublikası müvafiq icra hakimiyyəti orqanından xüsusi icazə almamış şəxslər tərəfindən mülki silahın və onun üçün döyüş sursatının əldə edilməsi, saxlanılması, daşınması, başqa şəxslərə verilməsi və ya satılmasına görə - 

• silah və döyüş sursatı ödənişlə alınmaqla və ya müsadirə edilməklə otuz manatdan qırx manatadək miqdarda cərimə edilir

Sualınıza görə təşəkkür edirik.

2011-03-15

1129  Fərahim (15-03-2011) Hörmətli hüquqşünas qardaşlar! \"De Yure istifadəçilərinin\" yığıncağı hansı vaxta keçirilmişdir?

Salam.

Artıq 12 mart tarixində tədbir keçirilmişdir.

Yeni görüş hələ planlaşdırılmayıb.

Sualınıza görə təşəkkür edirik.

2011-03-15

1130  Ceyhun (16-03-2011) Salam De Jure, Kompyuter vasitəsilə aparılan hər hansı bir işin qeydiyyatı rəsmi qeydiyyat hesab edilirmi? Yəni aparılan həmin qeydiyyat lazımi qaydada tikilib səhifələnmirsə, qaytanlanıb rəsmi möhürlənmirsə, bu yalnız elektron formada həyata keçirilirsə bu qanuni baxımdan düzgündürmü?Təşəkkür edirəm. 

Salam.

Vətəndaşların müraciətlərinə baxılması qaydası haqqında Qanunun 7-ci maddəsinə əsasən dövlət hakimiyyəti orqanları müraciətlərin qəbul edilməsi və cavablandırılması işini elektron formada həyata keçirə bilər.

Həmin üsul ilə cavablandırma eyni hüquqi qüvvəyə malikdir. Həmçinin sübut edilməsi də (zəruri halda) mümkündür, çünki dövlət qurumunun rəsmi e-poçtundan göndərilibsə sizin e-poçtunuzda əks olunmalıdır (e-poçt ünvanları unikaldır və yalnız həmin quruma aiddir).

Sualınıza görə təşəkkür edirik.

2011-03-19

1131  Ceyhun (17-03-2011) Salam De Jure, Belə bir deyim var ki, “işçi təşkilatda müqavilə əsasında işləyir, ancaq həmin təşkilatın ştatnı işçisi deyil”. Sualım belədir: Müvafiq təşkilatda müqavilə ilə işləyən işçi mütləq təşkilatın ştat siayhısına daxil edilməlidirmi? Yoxsa işçi təşkilatın ştat siyahısına daxil olmamış belə müqavilə əsasında işləyə bilər? Əvvəlcədən minnətdaram. 

Salam.

Ştat çədvəli - hüquqi şəxsin hesabat formasıdır və onun  təşkilati strukturunu, bölmələrin adlarını, işçilərin sayını və onların əmək haqqlarını əks etdirən sənəddir. Həmin ştat cədvəli müvafiq qaydada təsdiq olunur (təşkilatın rəhbərliyi tərəfindən) və onun əsasında müvafiq orqanlarının qarşısında məsuliyyət daşıyır (çünki həmin cədvəldə təşkilatın xərcləri əks olunur). İşçinin əmək haqqısı xərclərə aiddir, ona görə də işçi təyin olunrkən ştat cədvəlində boş vakansiya olub-olmamasını müəyyən etmək lazımdır, əgər yoxdursa yeni ştat açmaq lazımdır. 

Sualınıza görə təşəkkür edirik.

2011-03-19

1133  Faxraddin (17-03-2011) salam. iki firma arasında bağlanmış müqaviləyə əsasən onların mülkiyyətinə aid olan əmlakın alqı-satqısı həyata keçirilmişdir. Hər iki tərəf mülkün qanuni sahibidir, lakin onlar həmin mülkiyyətin altındakı torpaqı özəlləşdirməyiblər, icarəyə götürüblər. Bu halda alqı-satqı qanunidir?

Salam.

Daşınmaz əmlakın dövlət reyestri haqqında Qanunun 1-ci maddəsinə əsasən torpaqla möhkəm bağlı olub təyinatına tənasübsüz (hədsiz) zərər vurulmadan yerinin dəyişdirilməsi mümkün olmayan bütün əşyalar, o cümlədən binalar, qurğular, yaşayış və qeyri-yaşayış sahələri, fərdi yaşayış və bağ evləri, meşələr və çoxillik əkmələr, əmlak kompleksi kimi müəssisələr daşınmaz əmlak hesab olunur. Və onun üzərində mülkiyyət hüququn qeydiyyatı ayrıca həyata keçirilə bilər.

Qeyd etdiyiniz müqaviləni qeyri-qanuni hesab etməsi üçün əsas yoxdur.

Sualınıza görə təşəkkür edirik.

2011-03-19

1134  Camal (19-03-2011) Salam! Prosessual müddəti bitmiş qətnamədən Apellyasiya şikayəti vermək olarmı? Artıq 3 ildir ki Müddət bitmişdir,amma apellyasiya şikayəti vermək üçün əsaslar var və vətəndaş qəbul olunmuş qətnamədən indi də zərər çəkir. Bu haqda hara müraciət etməlidir? sağ olun!

Salam.

Əgər bu qədər müddət keçmişdirsə onun məhkəmə tərəfindən baxılması müraəkkəbdir. Lakın hər bir halda müraciət edə bilərsiniz. Qətnamə qanuni qüvvəyə minibsə siz MPM-nin 45-ci fəslini rəhbər tutmalısınız və əsaslarınız varsa qanuni qüvvəyə minmiş məhkəmə aktlarına yeni açılmış hallar üzrə yenidən baxılmasını xahiş edə bilərsiniz.

Sualınıza görə təşəkkür edirik.

2011-03-20

1135  Beyrek (19-03-2011 ) salam. 2008-ci N adlı bir qadin S adlı şexsi aldadaraq hemin şexsin anasının adına olan ev senedlerini goturmüş və ona demişdir ki, men kredit alım her ay sene de \"pay\" vererem. kreditin vaxti qurtardiqdan sonra senedini qaytararam demişdir. S adlı şexsin Bakida olmasından istifadə edərək hemen N adlı firildaqçı qadın S adlı şəxsin psixi cəhətdən xəstə olan anasını aldadılaraq banka aparmış (17 yaşlı nəvəsi ilə birlikdə) kredit muqaviləsində ikinci zamin kimi ona qol çəkdirmiş onun adına olan ev sənədlərini girov qoyulmuşdur.elə həmin bankda 85 yaşlı psixi cəhətden xəstə qadinin adına saxta haradasa işlədiyi barədə sənəd duzeltmişdir bank terefinden. ancaq qadinin psixi cəhətden xəstə olmasi barəde rəy mualicə olunduğu xəstəxanadadir. qadin 2009-cu ilde vəfat etmişdir. hal-hazırki vaxta qeder ev sənədləri geri qaytarmamışdır. evin senedlerini (kupçasını) necə geri qaytarmaq olar?

Salam.

Mürəkkəb məsələdir.

Lakın hər bir halda hüquqmühafizə orqanlarına qeyd edilən əməllərdə cinayət tərkibin olub-olmamasına dair araşdırılmanın aparılması ilə bağlı müraciət edə bilərsiniz.

Ətraflı məsləhət üçün işin materialları ilə tanış olmaq zəruridir.

Sualınıza görə təşəkkür edirik.

 2011-03-20

1136  Yunus (22-03-2011) Sualımızı cavablandirdiğınıza görə çox saq olun! Lənkəran Regional ekologiya idarəsi işsiz, günəmuzd işləyən, iki uşaq atası, yaşayış yeri olmayan bir vətəndaşı ov tüfəngi ilə iki ədəd CÜrə cinsinə məxsus quş ovladığına görə: Az. Respub.Prezidentinin 29 avqust 389 saylı fərmanına əsasən 357.0.3, 361 və 111.2 - \"Ov qaydalarının kobud şəkildə pozulmasına (Lazımi icazə olmadan və ya qadağan edilmiş yerlərdə, yaxud qadağan olunmuş müddətdə, qadağan edilmiş alətlərlə və üsullarla ov edilməsinə) görə\" -maddəsini rəhbər tutaraq qərara alıb ki Astara rayonunun Kolatan kəndində yaşayan Əliyev Rövşən Şahvəli oğlu fiziki şəxs qismində 1000 (bir min) manat məbləğində cərimə edilsin - bu qərar nə dərəcədə doğrudur. Özu də bu vətəndaş ilk dəfə cərimələnir. Heç bir güzəşt yoxdurmu!Xahiş edirəm cavablandırın.

Salam.

Sual - 1128

İnzibati Xətalər Məcəlləsinin 111.2-ci maddəsində (Balıq ehtiyatlarının mühafizəsi və ov qaydalarının pozulması) aşağıdakılar göstərilir:

111.2. Ov qaydalarının kobud şəkildə pozulmasına (lazımi icazə olmadan və ya qadağan edilmiş yerlərdə, yaxud qadağan olunmuş müddətlərdə, qadağan edilmiş alətlərlə və ya üsullarla ov edilməsinə), habelə digər ov qaydalarının müntəzəm pozulmasına görə -

• inzibati xətanın törədilməsində alət və ya inzibati xətanın bilavasitə obyekti olmuş predmetlər müsadirə edilməklə və ya müsadirə edilməməklə min manatdan iki min manatadək miqdarda cərimə edilir, yaxud altı aydan iki ilədək müddətə ov hüququ məhdudlaşdırılır

İXM-nin 357-ci və 361-ci maddələrdə isə müvafiq orqanların İnzibati xətalar haqqında işlərə baxılma səlahiyyəti barədə qeyd edilir.

Buna görə də həmin dövlət qurumun qərarından məhkəməyə bir ay müddətində şikayət edə bilərsiniz. Əgər hesab edirsinizsə hüquq pozuntusunun tərkibi yoxdursa həmin qərarın ləğv edilməsini tələb edə bilərsiniz. Əgər pozuntunun tərkibi varsa məhkəmədən bu cəriməni azaldmağı xahiş edə bilərsiniz.

Sualınıza görə təşəkkür edirik.

2011-03-24

1137  Yunus (23-03-2011) Salam! Mən əslən azərbaycanliyam! 30 ildir Rusiyada yaşayıram. Ata-baba həyətimizdə mənə çatan 6 sot torpaq sahəsi var. Butun bacı-qardaşlarımız bunu yazılı surətdə təsdiqləyirlər. Mən Rusiya vətəndaşıyam. Həmin torpaqda ev tikmək istəyirəm! Deyirlər ki sən xarici ölkə vətəndaşı olduğun üçün torpaq sənin adına sənədləşə bilməz. Rusiya vətəndaşlığından imtina etsəm uzun illər şimalda işlədiyim üçün qazandığım imtiyazları itirə bilərəm. Mən nə etməliyəm, Qabaqcadan minnəydarlığımı bildirirəm.

Salam.

Düzdür Torpaq islahatı haqqında Qanunun 4-cü maddəsinə əsasən əcnəbilər və vətəndaşlığı olmayan şəxslər, xarici hüquqi şəxslər, beynəlxalq birliklər və təşkilatlar, habelə xarici dövlətlər Azərbaycan Respublikasında torpaq sahələrini yalnız icarə hüququ əsasında əldə edə bilərlər. 

Əgər Azərbaycan vətəndaşı deyilsinizsə torpaq mülkiyyətçisi ola bilməzsiniz. Bu hüquqları əldə etmək üçün Azərbaycan vətəndaşlığını əldə etməlisiniz və digər ölkənin vətəndaşlığından imtina etməlisiniz. Yaxud torpaq sahədən imtina edib yaxın qohumlarınız xeyrinə verə bilərsiniz (və ya müvafiq qaydada digər əmlakla əvəzləşdirə bilərsiniz). 

Sualınıza görə təşəkkür edirik.

2011-03-24

1138  Yunus (23-03-2011) mən xarici pasport götürmürmuşəm. Ondan bir neçə dəfə İrana getmək məqsədi ilə istifadə etmişəm. İndi İzrailə getmək istəyirəm.Oradan mənə bildirdilər ki İran gömrük məntəqəsinin peçatı vurulmuş pasportu olan insanlara İzraildə müvəqqəti yaşadığı dövrdə iş verilmir. İndi mən pasportu neyləyim. Pasportu dəyişərkən cərimə ödəməliyəmmi?

Salam.

Bu normalar xarici dövlətin daxili siyasətidir və pasportu dəyişib-dəyişilməməsindən asılı olmayaraq ola bilsin yenə də oların qeydiyyat bazasında barənizdə məlumat saxlanılacaq. Pasportu dəyişərkən (əgər əsaslar varsa) heç bir cərimə ödənilmir. Sadəcə müvafiq rüsumlar ödənilir.

Bu qədər.

2011-03-24

1139  Faxraddin (26-03-2011) Salam. İcarəyə götürülmüş torpaq sahələri üzərindəki şəxsi mülklərin alqı-satqısı həyata keçirilmişdir. Həmin alqı-satqı müqaviləsi də notarial qaydada təsdiqini tapmışdır. Alınan şəxsi mülkiyyətin altındakı torpaq sahəsi satılan şəxsi mülkiyyətin torpaq sahəsindən böyük (142.8 kv.m) olduğu üçün, alqı satqıdan sonra ərazi genişlənmişdir. Alqı-satqı müqaviləsi əsasında yaranmış həmin artıq torpaq sahəsinə faktiki sahibliyimiz qanunsuzdurmu? Eger beledise, həmin artıq torpaq sahəsini yenidən icarəyə götürmək üçün hansı orqana müraciət etməliyik? Artıq torpaq sahəsi əvvəl icarəyə götürdüyümüz sahəyə əlavə olaraq icarəmizə veriləcək? Bu proses nece olmalıdı?

Salam.

İlk öncə yerli icra hakimiyyətinə və daşınmaz əmlakın dövlət reyestr xidmətinə müraciət edin. Əlavə torpağın mülkiyyətçisini müəyyən edin. Daha sonra ümumi qaydada və mülkiyyətçinin razılığı əsasında icarə müqaviləsini bağlıya bilərsiniz.

Sualınıza görə təşəkkür edirik.

2011-03-27

1140  Azər (26-03-2011) Salam mən həyat yoldaşımla 2001-ci ildə ailə qurmuşam. O Gürcüstan vətəndaşı olub. 2003-cü ildə ona Azərbaycan Respublikasının Şəxsiyyət vəsiqəsi və xarici Pasport verilib. Həmin sənədlə dəfələrlə Gürcüstana gedib gəlib. 2007-ci ildə sərhəd buraxılış məntəqəsində sənədin düzgün olmadığı bildirilərək sərhədi keçməyə icazə verməyiblər. Həmin sənədin verildiyi idarəyə göndəriblər. Orada mənim yoldaşımın qeydiyyatının düzgün olmadığını söyləyirlər. Mən nə etməliyəm ki, sənəd düzgün olsun.

Salam.

Əgər qaye etdiiyiniz sənədlər qanuna uyğun əldə olunubsa heç bir problem olmamalıdır. Müvafiq qaydada DİN-ə və Dövlət Miqrasiya Xidmətinə müraciət edə bilərsiniz və məsələni araşdırmağını tələb edə bilərsiniz. Eyni zamanda məsələ ilə əlaqədar məhkəməyə də müraciət edə bilərsiniz.  

Sualınıza görə təşəkkür edirik.

2011-03-27

1141  Omar (28-03-2011) Salam. Soyadini deyisdirmek ucun ne etmeliyem? Dovlet rusumu ne qederdir?

Salam.

Oxşar sualları dəfələrlə cavablandırmışıq (Məsləhətxananın 843, 782-ci sualları).

Bununla bağlı vətəndaşlıq vəziyyəti aktlarının dövlət qeydiyyatı orqanlarına və ya məhkəməyə müraciət etməlisiniz (əgər birinci halda alınmadısa). Daha ərtaflı Azərbaycan Respublikası Ailə Məcəlləsinin tətbiqi ilə əlaqədar bəzi normativ-hüquqi aktların təsdiq edilməsi haqqında Nazirlər Kabinetinin qərarından məlumat ala bilərsiniz.

Dövlət rüsumu haqqında Qanunun 12.3-cü maddəsinə əsasən soyadın, adın və ata adının dəyişdirilməsininqeydə alınması üçün 3 manat dövlət rüsumu verilir.

Sualınıza görə təşəkkr edirik.

2011-03-29

1142  Vaqif (28-03-2011) Salam. Men yeni aile qurmusam. Sexsiyyet vesiqelerini deyismek lazim geldiyi ucun yeni evli yazilari ucun ikimizde sexsiyyeti yenilemeliyik. Yoldasimi oz qeydiyyatima yada oldugum unvana qeyd etdirmek istiyirem. Men qeydiyyatsiz vetendaslarin qeydiyyata dusmesi qanuna esasen qeydiyyata dusmusem. Amma menim yoldasimin qeydiyyati oldugu ucun yeni rayon qeydiyyati o gedib orda deyismelidir sexsiyyet vesiqesini. Mene pasport sobesinde dediler ki, mumkun deyil yoldasdin oz qeydiyyatinda qalacaq, o vaxta qeder ki, menim oz yasayis yerim olsun. Bunun basqa bir cixis yolu varmi. Biz ikimizde eyni qeydiyyatda olaq deye. Tesekkurler.

Salam.

İkinizin bir yerdə qeydiyyatda olmağınız nə qədər əhəmiyyətli olduğunu müəyyən etməlisiniz. Yaşayış yerinin sahibinin razılığı olmasa həmin yerə qeydiyyatda olmaq mümkün olmayacaq. Əgər həyat yoldaşınızın yaşayış yeri varsa onun olduğu yerə qeydiyyata düşə bilərsiniz. Əks təqdirdə ayrı-ayrı qeydiyyatda qalacaqsınız.

Sualınıza görə təşəkkür edirik.

2011-03-29

1143  Narmina (28-03-2011) salam. is yerimizde bir nece saheler birlesir ve struktur deyisiklikleri gozlenilir. Tamamile yeni bir departament yaradilir. Bununla elaqedar hamiya isden cixmaq ucun erize yazdirirlar ve yeni qurum yaranandan sonra yeniden ise qebul erizesi yazilmasina soz verirler.bu cox inanilmaz bir vede oldugu ucun sizden meslehet almaq isterdim. Huquqi baximdan oz xosumuzla erize yazilmasi duzgundurmu ve sonra yeniden ise qebul olunmasam ne etmetliyem. Bele hallar cox olub.sonradan ise qebul etmirler ki oz xosunuzla erize yazilib. Sizin meslehetiniz ne olacaq. Evvelceden minnetdarligimi bildirirem.

Salam.

Təəssüflər olsun ki, bu cür praktika işəgötürənlər tərəfindən istifadə olunur və işçi öz istəyi ilə işdən azad olunursa (ərizə yazmaqla), bu işəgötürəni bir çox mənfi hallardan qoruyur. Əgər yeni departament yaradılırsa bunun üçün digər struktur qurumunun ştatını ixtisar edilməsi barədə əmr hazırlanır və işçilərin vəzifələri müvafiq qaydada dəyişilir. Həmçinin məsələ ondadır ki, ixtisar olunma işəgötürən üçün faydalı deyil, çünki işçi işdən çıxarıldığı gündən yeni işə düzələn günədək ikinci və üçüncü aylar üçün orta əmək haqqı ödənilir (Əmək Məcəlləsi maddə 77). Ona görə də hər bir halda işdən çıxmaq niyyətiniz yoxdursa ərizəni yazmaq məqsədəuyğun deyil.

Sualınıza görə təşəkkür edirik.

2011-03-30

1144  Ceyhun (29-03-2011) Salam De Jure, İlk növbədə sualı (1130) cavablandırdığınıza görə sizə öz minnətdarlığımı bildirirəm. Ancaq qeyd etməliyəm ki, cavabınızda suala tam aydınlıq gətirilməmişdir. Sualım vətəndaşların müraciətlərinin qəbul edilməsi və cavablandırılması barədə deyil. İdarə və təşkilatlarda, müvafiq işin qeydiyatının aparılması üçün müəyyən qaydada tikilib səhifələnən, qaytanlanan və imzalanıb möhürlənən jurnallardakı (qeydiyyat jurnalı) qeydiyyat işinin kompyüter vasitəsilə aparılmasının nə dərəcədə qanuni olub olmaması barədədir. Mümkünsə suala aydınlıq gətirərdiz. Əvvəlcədən minnətdaram.

Salam.

Əgər dövlət qurumlarının kargüzarlıq işini nəzərdə tutursunuzsa Dövlət hakimiyyəti orqanlarında, idarə, təşkilat və müəssisələrində kargüzarlığın aparılmasına dair Təlimatı rəhbər tutmalısınız. 

Digər qurumlara (kommesiya və ya qeyri-kommersiya təşkilatlara) bu təlimatın aidiyyəti yoxdur və onlar kargüzarlığı öz mülahizələrinə əsasən həyata keçirirlər. 

Bu qədər.

2011-03-30

1145  Kəmalə (29-03-2011) Qeyyumluq ve himaye orqani hansi qanunvericiliye esasen ushaqla yashamayan valideyini onun terbiyyesine celb ede biler? Bu istiqametde o hansi tedbirleri gormelidir?

Salam.

Ailə Məcəlləsinin 58-ci maddəsinə əasən valideynlər uşaqlarını tərbiyə etmək hüququna malikdirlər və uşaqlarını tərbiyə etməyə borcludurlar. Valideynlər uşaqlarının tərbiyəsinə, sağlamlığına və onların psixi, fiziki, mənəvi inkişafına görə məsuliyyət daşıyırlar.

Məsələ ilə əlaqədar Azərbaycan Respublikasının Ailə, Qadın və Uşaq Problemləri üzrə Dövlət Komitəsinə və ya məhkəməyə müraciət edə bilərsiniz. Lakın əgər valideyn qəsdlə uşağın tərbiyəsində iştirak etmirsə bununla bağlı məcburi tədbirlərin köməyi şübhə doğurur.

Sualınıza görə təşəkkür edirik.

2011-03-30

1146  Natiq (29-03-2011) Salam. Bir nece kredit borcum mehkeme qerari ile icraciya gonderilib. Hec bir emlakim ve is yerim yoxdur. Borcumu hisse hisse odeye bileremmi? Nece hisseye boldure bilerem ve bununcun ne etmeliyem? Icraci bolmekden imtina edir. Mebleg 6000 manatdir. Tesekkurler

Salam.

Mülki Prosessual Məcəllənin 231-ci maddəsinə əsasən işə baxmış hakim, işdə iştirak edən şəxslərin ərizəsi üzrə tərəflərin əmlak vəziyyətinə və digər hallara əsasən qətnamənin icrasına möhlət verməyə və ya qətnaməni hissə-hissə icra etdirməyə, habelə onun icra üsulunu və qaydasını dəyişdirməyə haqlıdır.

Bununla bağlı məhkəməyə ərizə ilə müraciət etməlisiniz.

2011-03-30

1147  Natiq (29-03-2011) Salam, Anamla Atam bosanib anamin soyadina kecmek ucun ne etmeliym?

Salam.

Əgər 18 yaşınız varsa Siz soyadının dəyişdirilməsi ilə əlaqədar məhkəməyə ərizə ilə müraciət etməlisiniz. Həmçinin Azərbaycan Respublikası Ailə Məcəlləsinin tətbiqi ilə əlaqədar bəzi normativ-hüquqi aktların təsdiq edilməsi haqqında Nazirlər Kabinetinin qərarını və Mülki Məcəllənin 26-cı maddəsini rəhbər tutmalısınız.

Sualınıza görə təşəkkür edirik.

2011-03-30

1148  Eldaniz (30-03-2011) Salam, Mən Ramanı qəsəbəsi 2-ci sahə adlanan ərazidə yaşayıram lakin yaşadığım küçənin hec bir adı yoxdur. Ümumi sahənin adı var. Küçəyə ad verilməsi üçün hara müraciət etməliyəm? Müraciət forması necədir? Əvvəldən Minnətdarlığımı bildirirəm.

Salam.

Bununla bağlı siz və həmin küçədə yaşayan digər vətəndaşlar kütləvi şəkildə ərizəni imzalamaqla yerli icra hakimiyyətinə müraciət edə bilərsiniz (təklif kimi küçənin ehtimal adını da qeyd edə bilərsiniz).

Sualınıza görə təşəkkür edirik.

2011-03-31

1149  Samir (30-03-2011) Əvvəla salam. Sualım belədir: 1 ildir ki, evliyəm. Yoldaşım hələ də atası evində qeydiyyatdadır. Mənim Bakıdakı şəxsi adıma olan ünvana onun qeydiyyata düşməsi üçün pasport qeydiyyatı şöbəsinə hansı sənədləri təqdim etməliyəm? Bunun üçün dövlət rüsumu nə qədərdir? Təşəkkürlər.

Salam.

Yaşayış yeri dəyişilərkən Yaşayış yeri və olduğu yer üzrə qeydiyyat haqqında Qanunun 5-ci maddəsinə əsasən vətəndaş aşağıdakı tədbirlər görməlidir və sənədlər müvafiq orqana təqdim etməlidir:

Yaşayış yerini dəyişdirmiş vətəndaş yeni yaşayış yerinə gəldikdən sonra 10 gündən gec olmayaraq qeydiyyata alınması üçün müvafiq dövlət orqanına müraciət etməlidir. Müvafiq dövlət orqanı vətəndaşı dərhal qeydə almalı və ona 10 gün ərzində \"Azərbaycan Respublikası vətəndaşının şəxsiyyət vəsiqəsi haqqında\" Azərbaycan Respublikası Qanununa müvafiq olaraq şəxsiyyət vəsiqəsi verməlidir. Yaşayış yeri üzrə qeydiyyata alınmaq üçün vətəndaş ərizə-anketlə birlikdə aşağıdakı sənədləri təqdim etməlidir:

1. şəxsiyyət vəsiqəsi və ya doğum haqqında şəhadətnamə;
2. yaşayış sahəsinə köçmək üçün əsas verən sənəd (mülkiyyət hüququnun dövlət qeydiyyatına alınması haqqında daşınmaz əmlakın dövlət reyestrindən çıxarış, order, icarə və ya kirayə müqaviləsi, yaxud Azərbaycan Respublikası qanunvericiliyində nəzərdə tutulmuş başqa sənəd) və ya vətəndaşa yaşayış sahəsi verən şəxsin ərizəsi.

Dövlət rüsumu haqqında Qanunun 14.5-ci maddəsinə əsasən yaşayış yeri, ailə vəziyyəti və hərbi vəzifəsi dəyişdikdə şəxsiyyət vəsiqəsinin dəyişdirilməsinə görə dövlət rüsumu - 2 manat təşkil edir.

Sualınıza görə təşəkkür edirik.

2011-03-31

1150  Seymur (31-03-2011) salam Vətəndaşlar 25-35-50 yaşına çatdıqda şəxsiyyət vəsiqəsini dəyişərkən hansı sənətlər lazımdır, hansı sənətlər natarusda təsdiq olunmalıdır və dövlət düsumu neçədir

Salam.

Bu suala məsləhətxanada dəfələrlə cavablandırılıb.

Sonuncu dəfə 1149-cu sualda cavablandırılmışdır.

Xahiş edirik nəzərə alasınız.

2011-03-31

1151  Xəzər (31-03-2011) Salam. Dövlət Notariat kontorlarına sənəd aparıriq əsli ilə düzdur təsdiq etmək üçün, deyirlər bu sənədlərdə gerbli möhür yoxdur bunu təsdiq edə bilmərik. Bu məsələ barədə hansı qanunvericilikdən məlumat ala bilərəm. Cox sag olun.

Salam.

Notariat hərəkətlərinin aparılması qaydaları haqqında Təlimatın 24-cü maddəsinə əsasən pozuntu və qaralaması olan, təsdiq edilməmiş əlavələri olan sənədlərin, zədələndiyinə görə mətninin oxunması mümkün olmayan, yaxud karandaşla yazılmış sənədlərin notariat hərəkətlərinin aparılması üçün qəbul edilməsi qadağandır.

Əgər bir neçə vərəqdə ifadə olunmuş sənədlər nömrələnməmiş, qaytanlanmamış, vəzifəli şəxsin imzası ilə və sənədi verən idarənin, müəssisəsinin və təşkilatın möhürü ilə təsdiq edilməmişsə, bu sənədlər də qəbul edilmir.

Sualınıza görə təşəkkür edirik.

2011-04-01

1152  Elşən (31-03-2011) Salam Hörmətli DeJure! 07.03.2008 tarixdə Bilgəh Bələdiyəsi ilə bizim aramızda torpağın alqı-satqısına dair akt bağlanmışdır. Akt-da Torpaq şöbəsinin tarix, imzası və möhür yeri olmasına baxmayaraq bunların heç birisi yoxdur. Əlavə olaraq torpaq sahəsinin mülkiyyətə keçməsi haqda qərar, Döv.Torp. və Xər. Kom.-nə, Rayon İH-nə, Bakı ŞİH memarlıq və Şəhərsalma idarəsinə, məktublar da var. Həmin sahədə artıq ev də tikilib. Bələdiyyənin bu aktı qanunauyğundurmu? Və sənədləşməni nədən və haradan başlamaq lazımdır?

Salam.

Məsələnin dəqiqləşdirilməsinə ehtiyac var. Belə ki, \"Akt-da Torpaq şöbəsinin tarix, imzası və möhür yeri olmasına baxmayaraq bunların heç birisi yoxdur\" ifadəsi  ziddiyyətlidir. Əgər bələdiyyə tərəfindən pozuntular yol verilibsə və bunu təsdiq edən sənədlər varsa bununla bağlı məhkəməyə və digər hüquq mühafizə orqanlarına müraciət etməyiniz məqsədəuyğundur.

Sualınıza görə təşəkkür edirik.

2011-04-01

1154  Sahrab (31-03-2011) Salam. Xahiş edirəm deyin, əmək stajına əyani təhsil dövrü daxil elirmi? Təşəkkürlr.

Salam.

 Əgər şəxs əyani şöbəsində oxuyursa onun xüsusi iş rejimində işləməsi mümkündür (axşam vaxtı işdən sonra) və oxuduğu vaxtla ziddiyət yaratmamalıdır (hər bir halda bu məsələni işəgötürənlə razılaşdırmalıdır). Əmək stajı işə girdiyi gündən hesablanır (və əmək kitabçasında əksə olunur.).

Sualınıza görə təşəkkür edirik.

2011-04-01

1155  Elşən (01-04-2011) Hörmətli DeJure! 1152 №-li sualimda, onu demək istəyirəm ki, Alqı-Satqı blankında torpaq şöbəsinin tarixi, imzası və möhür yeri olmasına baxmayaraq bu akt torpaq komitəsində təsdiqini tapmayıb. Aktın torpaq komitəsində qeydidyyatı, təsdiqi və torpağın kadastr planının tərtib edilməsi kimin vəzifəsidir? Kadastr planının hazırlanması üçün, müraciət forması, prosesual müddətləri, rüsumları hansı qanunvericlik aktları ilə tənzimlənir. Cavabınıza görə təşəkkür edirəm!

Salam.

Sual - 1152

Oxşar suallar Məsləhətxanada cavablandırımışdır. Ətraflı məlumat almaq üçün Məsləhətxananın 1, 5, 18, 23, 40, 222, 240, 679, 720 suallarına diqqət yetirin.

Mübahisə mövcuddursa məhkəmə qaydasında həll olunması məqsədəuyğundur.

Bu qədər.

2011-04-02

1156  İsmayil (02-04-2011) Salam!!! Sizden iki sey sorusmaq isteyirem. Cavab verseniz cox memnun olaram.1. Atam yanvar ayinda vefat edib. Tezelikce de qiz ovladim dunyaya gelib. Usaga atamin adini soyad kimi vermek isteyirem. Bu mumkundurmu? Dogum haqqinda sehadetname almaq ucun getmisdim. Dediler ki, bu mumken deyil. Milli Meclisin bele qerari yoxdur. Dogrudanmi beledir?2. Atam texminen 30-40 il dovlet isinde isleyib. Bu iller erzinde tebii ki, maasindan gelir vergisi ve s. tutulub. Atam bu ilin yanvar ayinda qefilden isde olarken 62 yasinda infarkdan dunyasini deyisib. Onun adindan anam teqaud ala biler? Xatirladim ki, anam teqaudcu deyil. Onceden size tesekkurumu bildirirem!!!

Salam.

1. Əgər siz öz soyadınızı dəyişdirsəniz onda uşağın da soyadını dəyişdirə bilərsiniz. Ailə Məcəlləsinin 53.3-cü maddəsinə əsasən uşağın soyadı, bir qayda olaraq, valideynlərin soyadı ilə müəyyən edilir. Uşağın valideynlərinin soyadları müxtəlif olduqda uşağa valideynlərin razılığı ilə atanın və ya ananın soyadı verilir.

2. Bununla bağlı Əmək pensiyaları haqqında Qanunun 18-ci maddəsi (Ailə başçısını itirməyə görə əmək pensiyasının məbləği) ilə tanış olmalısınız.

Sualınıza görə təşəkkür edirik.

2011-04-02

1157  Elibala (03-04-2011) Salam! Azerbaycan Respublikasinda xarici pasport almaq ucun qanunla hansi yas heddi nezerde tutulmusdur? Yeni 17 yasi tamam olmamis sexsin xarici pasport almaq huququ varmi? Allah razi olsun!

Salam. 

Ölkədən getmək, ölkəyə gəlmək və pasportlar haqqında Qanunun 3-cü maddəsinə əsasən pasport 18 yaşına çatmış müstəsna hallarda isə təhsil almaq, beynəlxalq tədbirlərdə iştirak etmək, müalicə olunmaq və ya daimi yaşamaq üçün xaricə gedən 18 yaşına çatmamış Azərbaycan Respublikası vətəndaşına bu Qanunla müəyyən edilmiş qaydada verilir və bütün ölkələrə getmək  üçün etibarlıdır.

Sualınıza görə təşəkkür edirik.

2011-04-04

1158  İsmail (04-04-2011) Bir daha salam!!! Bir sualim da var. Atam rehmete gedenden sonra avtomobili qalib. Aile uzvlerini ora-bura aparmaq ucun basqa masinimiz da yoxdur. Onu aile uzvlerinden birinin adina saldirmaq isteyirik. Amma deyirler ki, 6 ay gozlemelisen. Yani dogurdan masin 6 ay sahibsiz qalmalidir? Tesekkurler!!!

Salam.

Əksinə altı ay ərzində mirası qəbul etmək üçün müraciət etməlisiniz (notariaus və ya məhkəməyə). Çünki Mülki Məcəllənin 1246-cı maddəsinə əsasən vərəsə vərəsəliyə çağırıldığını bildiyi və ya bilməli olduğu gündən üç ay ərzində mirası qəbul edə bilər. Miras açıldığı gündən altı ay keçdikdən sonra mirasın qəbuluna yol verilmir.

Sualınıza görə təşəkkür edirik.

2011-04-04

1159  Ceyhun (04-04-2011) Salam. Müəssisə daxilində \"başqa işə keçmə\" və ya \"yerdəyişmə\" haqqında müqavilə formasını necə tapa bilərəm? mümkünsə elektron mənbə verin

Salam.

Yerdəyişmə müqaviləsi olmur. Öncə əmr qəbul olunur (yerdəyişmə ilə bağlı). Əgər əmək funksiyaları tamamilə fərqlidirsə (misal üçün sürücü vəzifəsindən şöbə rəisi vəzifəsinə keçirilərkən) yeni müqavilə bağlanılır. Əgər funksiyalar oxşardırsa Əmək Kontraktına əlavə olunmuş Əlavə Raılaşma bağlanmaqla da kifayətlənmək olar.  Əlavə Razılaşma bu halda Kontraktın tərkib hissəsi hesab olunur.

Sualınıza görə təşəkkür edirik.

2011-04-04

1160  Dayaq (04-04-2011) Salam Masazir Belediyyesinden ehtiyatda olan herbi qulluqcuya verilen bir pay torpaq sahesi nece sot olmalidir.

Salam.

\"Bələdiyyə torpaqlarının ayrılmasına dair sənədlərin hazırlanması və razılaşdırılması qaydaları haqqında\" Əsasnamənin 2-ci bəndinə əsasən xüsusi mülkiyyətə verilən bələdiyyə torpaqlarının ölçüsü müvafiq inzibati ərazi vahidi üzrə adambaşına düşən orta torpaq norması, yerli şərait, əhalinin sıxlığı, torpaq ehtiyatlarının miqdarı və bu məqsədlə yaxın dövr üçün tələbat nəzərə alınmaqla bələdiyyə tərəfindən \"Bələdiyyə torpaqlarının idarə edilməsi haqqında\" Azərbaycan Respublikası Qanununun 8.0.1-8.0.6-cı maddələrinə uyğun olaraq müəyyən edilir.

Bələdiyyə torpaqlarının idarə edilməsi haqqında Qanunun 8-ci bəndi aşağıda göstərilib:

8.0. Xüsusi mülkiyyətə verilən torpaq sahələrinin normaları müvafiq inzibati-ərazi vahidi üzrə adambaşına düşən orta torpaq norması, yerli şərait, əhalinin sıxlığı, torpaq ehtiyatlarının miqdarı və bu məqsədlə yaxın dövr üçün tələbat nəzərə alınmaqla aşağıdakı hədlər daxilində bələdiyyələr tərəfindən müəyyən edilir:

8.0.1. fərdi yaşayış evlərinin tikintisi üçün Bakı şəhərində tətbiq edilən 1-4-cü zonalar üzrə - 0,04 hektaradək, 5-8-ci zonalar üzrə - 0,05 hektaradək, 9-12-ci zonalar üzrə - 0,06 hektaradək, Naxçıvan, Gəncə, Sumqayıt, Şirvan, Mingəçevir, Naftalan, Xankəndi, Şəki və Yevlax şəhərlərində - 0,07 hektaradək, digər rayon mərkəzlərində -0,08 hektaradək, qəsəbə və kəndlərdə - 0,12 hektaradək; 

8.0.2. fərdi bağ evlərinin tikintisi üçün - 0,12 hektaradək;

8.0.3. kənd təsərrüfatı məqsədləri üçün inzibati-ərazi vahidi üzrə adambaşına düşən orta torpaq normasının kənd təsərrüfatına az yararlı torpaqlardan - 500 mislinədək; yararsız torpaqlardan - 600 mislinədək;

8.0.4. sənaye, nəqliyyat, rabitə və digər istehsal, ticarət, ictimai-iaşə, xidmət, digər obyektlərin, habelə fərdi və kooperativ qarajların, inzibati və çoxmənzilli çoxmərtəbəli binaların tikintisi üçün - layihə sənədləri ilə tələb olunan ölçüdə;

Sualınıza görə təşəkkür edirik.

2011-04-04

1161  Dayaq (04-04-2011) Valideyn 3 bacidislama yolu ile bir ovladinin adina bagislama yolu ile mulki verirse valideyn olenden sonra mulk ovladlar arasinda bolunmelidirmi? Bolunmeliderse hansi qanuna istinadan?

Salam.

Mülki Məcəllənin 667.1-ci maddəsinə əsasən fəaliyyət qabiliyyətli şəxs öz əmlakına dair bağışlama yolu ilə o halda sərəncam verə bilər ki, həmin əmlak ər-arvadın ümumi mülkiyyəti və ya vərəsəlik hüququ ilə məhdudlaşmış olmasın.

Mübahisə yarandığı anda məhkəməyə müraciət edə bilərsiniz. İstinad Mülki Məcəllə.

Sualınıza görə təşəkkür edirik.

2011-04-04

1163  Cahid (05-04-2011) Salam. Xahish edirem cavbalandirasiniz: Menim ashagidaki madde ile suruculuk vesiqem alinib, mehkemeye gonderilib:151.5.inzibati Məcəllənin 151.1-151.3-cü maddələrində nəzərdə tutulmuş xətalar nəticəsində zərər çəkən şəxsə maddi zərər vurulmasına görə 100 manatdan 140 manatadək miqdarda cərimə edilir .... Sualim:1.Menden qarshi teref shikayetchi deyilse, meni mehkemede ne gozleyir? 2. Ne uchun cerime Yol polisinde yox, mehkemede odenilmelidir?Bu bashdan teshekkurler

Salam.

İnzibati Xətalar Məcəlləsinin 360.1 maddələsinə əsasən 151.5-ci maddəsində nəzərdə tutulmuş inzibati xəta haqqında işə rayon (şəhər) məhkəmələr ibaxırlar.

Əgər zərər çəkmiş şəxsin şikayət etmirsə bu hal məhkəmə tərəfindən yüngülləşdirici hal kimi qiymətləndirilə bilər. Həmçinin vurulmuş zərərin əvəzinin könüllü surətdə ödəmisinizsə İXM-nin 33.1.2-ci maddəsinə istinad edərkən tanbehin yüngülləşdirilməsini xahiş edə bilərsiniz.

Sualınıza görə təşəkkür edirik.

2011-04-06

1164  Kamran (05-04-2011) Salam! Xahiş edirəm bildirəsiniz: Birinci instansiya məhkəməsinin qətnaməsi elan ediləndən sonra cavabdeh tərəfə hansı müddətə göndərilməlidir(verilməlidir)? Qanunvericiliyin bu məsələ ilə bağlı tələbi hansı normativ hüquqi aktda öz əksini tapmışdır? Təşəkkür edirəm.

Salam.

Mülki Prosessual Məcəllənin 227.2-ci və  227.3-cü maddələrinə əsasən müstəsna hallarda, xüsusilə mürəkkəb işlər üzrə qətnamənin nəticə hissəsi elan edildikdən sonra əsaslandırılmış qətnamənin tərtib edilməsi 10 gün müddətinədək başa çatdırılmalıdır. Bu halda məhkəmə qətnamənin nəticə hissəsinin elan olunduğu gün onun təsdiq olunmuş surətini işdə iştirak edən şəxslərə rəsmi qaydada verməlidir. Sədrlik edən eyni zamanda işdə iştirak edən şəxslərin əsaslandırılmış qətnaməni nə vaxt ala biləcəklərini elan edir. 

Məhkəmənin qətnaməsi işdə iştirak edən şəxslərə tərtib edildikdən sonra 3 gün ərzində rəsmi qaydada verilməlidir.

Sualınıza görə təşəkkür edirik.

2011-04-06

1165  Natiq (06-04-2011) Salam. Cox sag olun suallara verdiyiniz cavablara gore.Bir sualim var.Birinci instansiya mehkemesi serhedden kecmemek barede qerar cixarib. Men de apelyasiyyaya sikayet vermisem. Is apelyasiyadadir. Quvveye minmemis bu qerari icraci icra edib. Hakim deyir ki duz etmeyib icraci amma bir tedbir de gormur. Men neyneyim? Icracidan ve hakimden kime sikayet ede bilerem? Tesekkurler.

Salam.

İcra məmurları haqqında, İcra haqqında, Məhkəmə-Hüquq Şurası haqqında Qanunlara əsasən siz həm icra məmurların, həm hakimlərin hərəkətlərindən şikayət edə bilərsiniz. Unutmayın ki, şikayətiniz əsaslı olmalıdır.

Sualınıza görə təşəkkür edirik.

2011-04-06

1166  Elşən (07-04-2011) Nigahın pozulması və eləcədə cehiz əşyaları tələbini bir yerdə iddia qaldırmaq olarmı?

Salam.

Mülki Prosessual  Məcəlləsinin 169.3-cü maddəsinə əsasən hakim həmin məhkəmənin icraatında eyni tərəflərin iştirak etdiyi eyni növlü bir neçə işin, yaxud bir iddiaçının müxtəlif cavabdehlərə, yaxud müxtəlif iddiaçıların eyni cavabdehə iddiaları üzrə bir neçə işin olduğunu müəyyən etdikdə, bu işlərin birləşdirilməsini məqsədəmüvafiq hesab edərsə, onları birlikdə baxılmaq üçün bir icraatda birləşdirməyə haqlıdır.

Sualınıza görə təşəkkür edirik.

2011-04-11

1167  Kamran (07-04-2011) Salam! Belə bir sualı cavablandırmağınızı xahiş edirəm. Fəaliyyətdə olan kommersiya mağazası şəxsi mülkiyyət kimi dövlət qeydiyyatına alınaraq qeydiyyat vəsiqəsi verilmişdir. Dövlət Reyestr Xidmətinə mağaza üçün yeni texniki pasport və çıxarışın verilməsi üçün müraciət olunmuşdur. Xidmətin cavab məktubunda bildirilir ki, mağazanın öıçülərində 15 kv.m artırma olduğundan yeni çıxarış hazırkı vəziyyətdə verilə bilməz, binanın bir hissəsi, yəni \"qanunsuz zəbtetmə\", söküləndən sonra müraciət edərsiniz. Əmlak üzərində heç bir mübahisə yoxdur. Daşınmaz əmlakın dövlət reyestri haqqında Qanunda da bununla bağlı hər hansı qadağanedici maddə yoxdur. Artıq dövlət qeydiyyatı aparılmış əmlaka yeni çıxarışın verilməsindən imtina üçün bu əsasdırmı? Təşəkkür edirəm.

Salam.

Hesab edirik ki, məsələ mübahisəlidir ona görə də bütün mövcud olan sənədləri toplayıb məhkəməyə müraciət edə bilərsiniz. Həmçinin əlavə məsləhət almaq üçün bizim firmaya (De Jure hüquq firması) müraciət edə bilərsiniz. Hüquqi məsləhətlər ödənişlidir (işin məhkəmə qaydasında aparılasından əlavə).

Sualınıza görə təşəkkür edirik.

2011-04-11

1168  Samir (08-04-2011) Salam. 1149-cu sualda cavablandırdınız ki, Yaşayış yerini dəyişdirmiş vətəndaş yeni yaşayış yerinə gəldikdən sonra 10 gündən gec olmayaraq qeydiyyata alınması üçün müvafiq dövlət orqanına müraciət etməlidir. Sualım belədir ki, əgər yaşayış yerinə gəldikdən sonra 1 il ərzində müvafiq dövlət orqanına müraciət edilməyibsə, bununla bağlı hər hansısa cərimə tətbiq olunurmu? Əgər olunursa məbləğ nə qədərdir?Çox sağolun.

Salam.

Sual - 1149

Inzibati Xətalar Məcəlləsinin 327-ci maddəsinə əsasən fiziki şəxslərin yaşayış yeri və olduğu yer üzrə qeydiyyatdan keçməməsinə, yaxud qeydiyyata alma və qeydiyyatdan çıxma qaydalarına əməl etməməsinə görə -

• xəbərdarlıq edilir və ya beş manatdan on beş manatadək miqdarda cərimə edilir.

Həmçinin əlavə məsləhət almaq üçün bizim firmaya (De Jure hüquq firması) müraciət edə bilərsiniz. Hüquqi məsləhətlər ödənişlidir (işin məhkəmə qaydasında aparılmasından əlavə).

Sualınıza görə təşəkkür edirik.

2011-04-11

1169  Kerim (08-04-2011) Salam, unvanli sosial yardim kimlere verilir?

Salam.

Oxşar suallar Məsləhətxanada ətraflı cavablandırılmışdır (suallar: 964, 916, 612, 533, 303, 274, ) 

Həmiçinin biz siz məsləhət görərdik ki, qanunvericliklə özünüz tanış olasınız və dövlət qurumlarına müraciət edərkən həmin aktların çap versiyaları sizdə olsun ki, öz hüquqlarınızı qoruya biləsiniz. Aşağıdakı normativ aktlara diqqət yetirin:

• \"Sosial yardımın alınması üçün müraciət edilməsi, onun təyin olunması, verilməsi və verilməsindən imtina edilməsi Qaydaları\"nın və \"Ailənin orta aylıq gəlirinin hesablanması Qaydası\"nın təsdiq edilməsi haqqında\" Azərbaycan Respublikası Nazirlər Kabinetinin 2006-cı il 2 fevral tarixli 32 nömrəli Qərarı
• “Sosial yardımın alınması üçün şəxsi yardımçı təsərrüfatdan əldə olunan gəlirlərin hesablanması Qaydası” nın təsdiq edilməsi haqqında Nazirlər Kabinetinin Qərarı
• Ünvanlı dövlət sosial yardımı haqqında Qanun

Sualınıza görə təşəkkür edirik.

2011-04-11

1170  Natiq (2011-04-11) Salamlar. Ali mehkemenin qerari nece muddetden sonra quvveye minir? Tesekkurler.

Salam.

Mülki Prosessual  Məcəlləsinin 419.4-ci maddəsinə əsasən  kassasiya instansiyası məhkəməsinin Qərarı qəbul edildiyi andan qüvvəyə minir.

Həmçinin əlavə məsləhət almaq üçün bizim firmaya (De Jure hüquq firması) müraciət edə bilərsiniz.

Yaxud hüquq üzrə treninqlərdə iştirak edə bilərsiniz.

Bütün xidmətlər ödənişlidir.

Sualınıza görə təşəkkür edirik

2011-04-11

1171  Zamiq (08-04-2011) Salam! bela bir sualim var, men xezine axtaran shirket acmaq isteyirem yeni qedimden torpaga bastirilan xezineni deyirem. Azerbaycan qanun vericiliyinde icaze varmi bele bir shirket acmaga? varsada nece ve ne esaslarda olmalidi? onceden teshekkurler edirem!!!

Salam.

Əgər qanunla qadağan edilməyibsə deməli bu cür fəaliyyətə icazə var.

Həmçinin əlavə məsləhət almaq üçün bizim firmaya (De Jure hüquq firması) müraciət edə bilərsiniz.

Yaxud hüquq üzrə treninqlərdə iştirak edə bilərsiniz.

Bütün xidmətlər ödənişlidir.

Sualınıza görə təşəkkür edirik

2011-04-11

1172  Sahrab (09-04-2011) Salam Hörmətli DeJure! Mən 1154-cü sualla bilmək istəyirdim ki, əyani təhsil dövrü ümumiyyətlə əmək stajına daxil edilirmi(Yəni Əmək məcəlləsinin 116-cı maddəsində göstərilən əlavələrə görə, həm də əmək pensiyasına görə).Təşəkkürlər.

Salam.

Əgər işləmirsinizsə bu dövr əmək stajına daxil edilmir.

 

Həmçinin əlavə məsləhət almaq üçün bizim firmaya (De Jure hüquq firması) müraciət edə bilərsiniz.

Yaxud hüquq üzrə treninqlərdə iştirak edə bilərsiniz.

Bütün xidmətlər ödənişlidir.

Sualınıza görə təşəkkür edirik

2011-04-11

 

1173  Fəxrəddin (09-04-2011) Salam. Xahiş edirəm sualıma aydınlıq gətirəsiniz: Hal-hazırda fəliyyət göstərən hüquqi şəxsin (firmanın) başqa bir yerdə fəaliyyət göstərən istehsalat obyekti var. Ancaq həmin obyekt firmanın balansında deyil, yenicə tikintisi başa çatmışdır və fəaliyyətə yenicə başlamışdır. Həmin obyekti qanuniləşdirmək üçün nə etməli? Həmin obyekti firmanın əlavə vəsaiti kimi qeydiyyata almaq üçün nə etmək lazımdır? Bunun üçün hansı orqanlara hansı sənədlərlə müraciət etmək lazımdır? Bu qeydiyyatı firmadaxili əmrlə və ya müqavilə ilə rəsmiləşdirmək olarmi, əgər olarsa, bu nece olmalıdır. Əvvəlcədən təşəkkürümü bildirirəm.

Salam.

Həmin obyekti müxtəlif cür rəsmiləşdirə bilərsiniz. Həm ayrıca hüquqi şəxs açmaqla, həm həmin hüquqi şəxsin filialı kimi də rəsmiləşdirə bilərsiniz.

Həmçinin əlavə məsləhət almaq üçün bizim firmaya (De Jure hüquq firması) müraciət edə bilərsiniz.

Yaxud hüquq üzrə treninqlərdə iştirak edə bilərsiniz.

Bütün xidmətlər ödənişlidir.

Sualınıza görə təşəkkür edirik

2011-04-11

1174  Seymur (09-04-2011) Salam mən iddia ərizəsi üçün zərər verən şəxsin yaşadığı yerdən arayış ala bilmirəm xahiş edirəm mənə deyərdiz mən zərər vuran şəxsin yaşadığı yerdən arayışı necə ala bilərəm?

Salam.

MAPS xidmətinə müraciət edə bilərsiniz

 

Həmçinin əlavə məsləhət almaq üçün bizim firmaya (De Jure hüquq firması) müraciət edə bilərsiniz.

Yaxud hüquq üzrə treninqlərdə iştirak edə bilərsiniz.

Bütün xidmətlər ödənişlidir.

Sualınıza görə təşəkkür edirik

2011-04-11

 

1175  Yunus (10-04-2011) Salam.Manim bir qohumum 2004-cü ildə staja görə təqaüdə çıxıb.30 illik əmək stajından yalnız 26 il götürülüb. O vaxtdan təqaüdünə əlavə olunmayıb. Yaşa görə təqaüdə çıxsa da heç bir əlavə edilmir. Bu qanunauyğundurmu?

Salam.

Sosial sığorta haqqında Qanunu rəhbər tutmalısınız.

Həmçinin əlavə məsləhət almaq üçün bizim firmaya (De Jure hüquq firması) müraciət edə bilərsiniz. 

Yaxud hüquq üzrə treninqlərdə iştirak edə bilərsiniz.

Bütün xidmətlər ödənişlidir.

Sualınıza görə təşəkkür edirik.

2011-04-11

1176  Gulya (11-04-2011) salam, beynelxalq huquqda erazilerden ve serhedlerin mueyyen olunmasindan behs olunarken bir sira anlayislar gosterilir, kontinental şelf, müstesna iqtisadi zona, farvater, anklavlar, tarixi körfezler, liman suları bunların ne demekdir? Hansi menbede izahı gosterilir?

Salam.

Bu anlayışlar müxtəlif qanunlarda öz əksini tapmışdır (bəziləri). Misal üçün:

Dəniz limanı — xüsusi ərazidə və akvatoriyada yerləşən və ticarət gəmiçiliyi məqsədi ilə istifadə olunan gəmilərə və sərnişinlərə xidmət  göstərilməsi, yüklər ilə əməliyyatların aparılması və dəniz limanlarında həyata keçirilən digər xidmətlərin göstərilməsi üçün nəzərdə tutulan  qurğular kompleksi (Ticarət Gəmiçiliyi Məcəlləsi).

Xüsusi iqtisadi zona - sahibkarlıq fəaliyyətinin həyata keçirilməsi üçün xüsusi hüquqi rejimin tətbiq edildiyi Azərbaycan Respublikası ərazisinin məhdud hissəsi (Xüsusi iqtisadi zonalar haqqında Qanun)/

Həmçinin əlavə məsləhət almaq üçün bizim firmaya (De Jure hüquq firması) müraciət edə bilərsiniz.

Yaxud hüquq üzrə treninqlərdə iştirak edə bilərsiniz.

Bütün xidmətlər ödənişlidir.

 2011-04-11

1177  Azər (11-04-2011) Salam.Mənim adıma bankda ev krediti var. Kredit mənim adıma olsada bu mənim keçmiş müdürümün evidir. O hal-hazırda həmin mənzildə yaşamır və krediti ödəməkdən imtina edir. Kreditin müddəti 6 aydır bitib. Məni nə gözləyir və mən bu problemi necə həll edim. Çox sagolun.

Salam.

Belə başa düşmək olar ki, kredit girov ilə təmin olunub, yəni  daşınmaz əmlak girovdursa buna görə əlavə ipoteka müqaviləsi olmalıdır. Əgər belədirsə, kredit vaxtında qaytarılmadığı təqdirdə bank daşınmaz əmlaka tutmanı yönəldəcək. Əgər daşınmaz əmlakın məbləği kreditin məbləğini örtməsə tutma digər əmlakınıza yönəldiləcək.

Həmçinin əlavə məsləhət almaq üçün bizim firmaya (De Jure hüquq firması) müraciət edə bilərsiniz. 

Yaxud hüquq üzrə treninqlərdə iştirak edə bilərsiniz. 

Bütün xidmətlər ödənişlidir.

Sualınıza görə təşəkkür edirik.

2011-04-12

1178  Hafiz (12-04-2011) Salam size bir sualim var men mehkemeye ozum vekilsiz iddia qaldira bilerem?Mumkundurse nece mene melutmat veresiz evelceden tesekur edirem

Salam.

Bəli özünüzdə məhkəmədə iddia qaldıra bilərsiniz. Bunun üçün qüvvədə olan qanunvericiliyi rəhbər tutmalısınız (misal üçün: mülki iş ilə bağlı Mülki Prosessual Məcəlləni). Həmçinin apellyasiya instansiyasında vəkilsiz iştirak edə bilərsiniz. Lakın kassasiya və ondan yuxarı instansiyalarda (konstitusiya məhkəməsi istisna olmaqla) vəkilsiz iştirakınız mümkün deyil. 

Həmçinin əlavə məsləhət almaq üçün bizim firmaya (De Jure hüquq firması) müraciət edə bilərsiniz. 

Yaxud hüquq üzrə treninqlərdə iştirak edə bilərsiniz. 

Bütün xidmətlər ödənişlidir. 

Sualınıza görə təşəkkür edirik.

2011-04-15

1179  Reshid (12-04-2011) atam 1 ci qrup əlildir. təqaüdü ona dövlət müəssisəsi ödəyir. atamdan təqaüd alarkən bank tərəfindən 1% vergi tutulur. Bu vergi atamdan ya təqaüdü göndərəndən tutulmalıdır.

Salam.

Bu məsələni aydınlaşdırmaq lazımdır. Əgər dövlət qurumu və bank arasında müqavilə varsa bu faizi dövlət ödəyir (və bu vergi deyil, bu əməliyyat xərcləridir). Əgər bu cür müqavilə yoxdursa bu faizi bank sizdən tutmağa haqlıdır. Ola bilsin siz təqaüdü alarkən başqa bankın bankomatından çıxartmısınız. Məsələni dəqiqləşdirin.

Həmçinin əlavə məsləhət almaq üçün bizim firmaya (De Jure hüquq firması) müraciət edə bilərsiniz. 

Yaxud hüquq üzrə treninqlərdə iştirak edə bilərsiniz. 

Bütün xidmətlər ödənişlidir. 

Sualınıza görə təşəkkür edirik.

2011-04-15

1180  Resul (13-04-2011) Salam! Man 03 mart 2007-ci ildə ipoteka ilə ev almışam! Həmin vaxtı evin texniki pasportun almamışam! Ev girovdadır ama mən texniki pasportun almaq isteyirem! Menimde çıxarışım notariusda qalıb alqı-satqıdan sonra! Mandan ise çıxarışın əslin isteyirler! Belə halda neyləmək lazımdır?

Salam.

Bununla bağlı banka müraciət etməlisiniz və o sizə rəsmi icazə verməlidiri, sonra bankın nümayəndəsinin iştirakı ilə həmin çıxarış ilə müvafiq hərəkətlər edə bilərsiniz. Əgər daşınmaz əmlakla hansı bir hərəkətlər edilirsə ipoteka götürdüyünüz bankın iştirakı mütləqdir.

Həmçinin əlavə məsləhət almaq üçün bizim firmaya (De Jure hüquq firması) müraciət edə bilərsiniz. 

Yaxud hüquq üzrə treninqlərdə iştirak edə bilərsiniz. 

Bütün xidmətlər ödənişlidir. 

Sualınıza görə təşəkkür edirik!

 2011-04-15

1181  Xəzər (14-04-2011) Salam. Mənin belə bir sualim var. Vətəndaş 06.08.2009-cu il də həbs edilərək 2 il müddətndə azadlıqda məhrum edilib yungül cinayətlə (ilk məhkumluğu). 09.06.2010-cu ildə cəzasını daha yungül cəza ilə əvəz edərək cəzasənən qalan hissəsini məntəqə tipli cəzaçəkmə müəssisəsində çəkmək üçün məhkəmə qərar çıxarıb. 17.12.2010-cu uk də isə mətəqədə tipli çəzaçəkmə müəssiəsindən cəzası daha da yungül cəza ilə əvəz edilərək cəzasının qalan hissəsini şərti olaraq çəkmək qərarı verilib. Bu vətəndaşın məhkumluğu nə vaxt ödənilmiş saylır. Münkünsə ayın tarixi ilə yazın.Cox sag olun.

Salam.

Cinayət Məcəlləsinin 83.3.3-cü maddəsinə əsasən  böyük ictimai təhlükə törətməyən və ya az ağır cinayət törətməyə görə azadlıqdan məhrum etməyə məhkum edilmiş şəxslər barəsində — onlar cəzanı çəkib qurtardıqları gündən üç il keçdikdə məhkumluq ödənilmiş hesab olunur.

Məhkumluğun ödənilmə müddəti cəza müddətin faktiki keçmiş müddətindən, məhkum edilmiş şəxsin əsas və əlavə cəza növlərinin cəza çəkməsindən azad olduğu andan hesablanır.

Həmçinin əlavə məsləhət almaq üçün bizim firmaya (De Jure hüquq firması) müraciət edə bilərsiniz. 

Yaxud hüquq üzrə treninqlərdə iştirak edə bilərsiniz. 

Bütün xidmətlər ödənişlidir. 

Sualınıza görə təşəkkür edirik!

2011-04-15 1182  Samir (14-04-2011) Salam. Sürücülük vəsiqəmi 2006-cı ildə Naxçıvan MR-də almışam. 2010-cu ildən isə qeydiyyatımı Bakı şəhərinə dəyişdirmişəm. Sürücülük vəsiqəsinin vaxtı bitəndə onu yenidən Nax.MR-dən yoxsa Bakıdan almalıyam? Təşəkkürlər.

Salam.

Mexaniki nəqliyyat vasitələrinin və onların qoşqularının müəyyən edilmiş qaydada dövlət qeydiyyatından keçirilməsi və dövlət qeydiyyatı üzrə uçota alınması haqqında Əsasnamənin və Nəqliyyat vasitəsinin özgəninkiləşdirilməsi və girov qoyulması qaydasının 2.2-ci bəndinə əsasən fiziki şəxslərin nəqliyyat vasitələri onların daimi, yaxud müvəqqəti (daimi qeydiyyat olmadıqda) yaşayış yeri üzrə qeydiyyata alınır.

Həmçinin əlavə məsləhət almaq üçün bizim firmaya (De Jure hüquq firması) müraciət edə bilərsiniz. 

Yaxud hüquq üzrə treninqlərdə iştirak edə bilərsiniz. 

Bütün xidmətlər ödənişlidir. 

Sualınıza görə təşəkkür edirik!

 2011-04-15

1183  Bahruz (15-04-2011) Salam. dövlət qulluqçusu pensiya yaşına çatmasına görə könüllü işdən çıxdıqda ona hansı məbləğdə birdəfəlik haqq verilir?

Salam.

Dövlət qulluğu haqqında Qanunun 33.2-ci dövlət qulluqçusu müvafiq qanunvericiliyə uyğun olaraq pensiya yaşına çatmasına görə öz arzusu ilə dövlət qulluğundan çıxdıqda, ona qanunvericiliyə uyğun olaraq digər pensiya növünün təyin edilməsindən asılı olmayaraq, ümumi qaydada hesablanmış aylıq pensiyasının 6 misli məbləğində birdəfəlik haqq verilir və bu məbləğdən vergi tutulmur.

Həmçinin əlavə məsləhət almaq üçün bizim firmaya (De Jure hüquq firması) müraciət edə bilərsiniz. 

Yaxud hüquq üzrə treninqlərdə iştirak edə bilərsiniz. 

Bütün xidmətlər ödənişlidir. 

Sualınıza görə təşəkkür edirik!

 2011-04-15

1184  Bahruz (15-04-2011) Azərbaycan Respublikası Vergilər Nazirliyi Azərbaycan Respublikasının hansı hakimiyyət qoluna aiddir?

Salam.

Vergilər Nazirliyi icra hakimiyyəti qoluna aiddir (Konstitusiyanın 99 və 119-cu maddəslərinə diqqət yetirin). 

Həmçinin əlavə məsləhət almaq üçün bizim firmaya (De Jure hüquq firması) müraciət edə bilərsiniz. 

Yaxud hüquq üzrə treninqlərdə iştirak edə bilərsiniz. 

Bütün xidmətlər ödənişlidir. 

Sualınıza görə təşəkkür edirik!

 2011-04-15

1185  Bahruz (15-04-2011) Salam. Dövlət büdcəsinin və icmal büdcəsinin gəlirlərinin və xərclərinin o cümlədən büdcədənkənar dövlət fondlarının auditi kim tərəfindən həyata keçirilir?

Salam.

Siz deyəsən testləri bizim üzrimizdə yoxlayırsınız. 

Hesablama Palatası haqqında Qanunun 2-ci maddəsinə əsasən Azərbaycan Respublikası Hesablama Palatası dövlət büdcəsinin və icmal büdcəsinin gəlirlərinin və xərclərinin, o cümlədən büdcədənkənar dövlət fondlarının auditini qanunvericiliyə uyğun olaraq aparır.

Həmçinin əlavə məsləhət almaq üçün bizim firmaya (De Jure hüquq firması) müraciət edə bilərsiniz. 

Yaxud hüquq üzrə treninqlərdə iştirak edə bilərsiniz. 

Bütün xidmətlər ödənişlidir. 

Sualınıza görə təşəkkür edirik!

1186  Bahruz (15-04-2011) Salam. Büdcə kəsiri dedikdə nə başa düşülür?

Salam.

Büdcə sistemi haqqında Qanunun 1.1.8-ci maddəsinə əsasən  büdcə kəsiri (defisit) - büdcə xərclərinin gəlirlərlə təmin olunmayan məbləğidir.

Sualınıza görə təşəkkür edirik.

2011-04-15

1187  Adil (16-04-2011) Salam.30 il əmək stajı olan (1967-97-ci il) və 1985-89 illər üçün orta aylıq əmək haqq 300 manat olan 20.11.2009-cu ildə yaşa görə pensiyaya çıxan şəxsin pensiyasının hesablanma qaydası və hansı normativ aktla tənzimlənməsini və əgər mümkünsə hansı məbləğdə pensiya düşməsini cavablandırmağızı Sizdən xahiş edirəm. Təşəkkürlər.

Salam.

Oxşar suallar Məsləhətxanada dəfələrlə cavablandırılmışdır (Suallar: 1012, 917, 906 və s)

Təəssüflər olsun, amma sadə alınmayacaq. Çünki bu sahədə qanunvericilik mürəkkəbdir və iri həcmlidir. Həmçinin pensiyaların növündən asılı olaraq onların hesablanma qaydası da fərqlənir.

Misal üçün:

Yaşa görə əmək pensiyasının yığım hissəsinin məbləği bütün hallarda bu Qanunun 7-ci maddəsində göstərilmiş yaş həddinə uyğun olaraq aşağıdakı düsturla müəyyən edilir:

YH=PYK/T, burada:

YH - yaşa görə əmək pensiyasının yığım hissəsidir;

PYK- sığortaolunanın fərdi hesabının yığım hissəsində yaşa görə əmək pensiyasının təyin olunduğu tarixə toplanmış pensiya kapitalıdır;

T - gözlənilən pensiya ödənişi müddətinin aylarının sayıdır.

10.4. Yaşa görə əmək pensiyasının məbləği aşağıdakı düsturla müəyyən edilir:

P=BH+SH+YH, burada:

P- yaşa görə əmək pensiyasıdır;

BH - yaşa görə əmək pensiyasının baza hissəsidir;

SH - yaşa görə əmək pensiyasının sığorta hissəsidir;

YH - yaşa görə əmək pensiyasının yığım hissəsidir.

Əgər bu məsələ sizi doğrudanda maraqlandırırsa aşağıdakı normativ aktlarla tanış olun:

• \"Əmək pensiyaları haqqında\" Azərbaycan Respublikası Qanununun qüvvəyə mindiyi günədək qüvvədə olmuş qanunvericilik üzrə təyin edilmiş əmək pensiyalarının yenidən hesablanması Qaydaları
• Əmək pensiyaları haqqında Qanun

Amma ən optimal variant DSMF-ə yazılı müraciət etməkdir.

Həmçinin əlavə məsləhət almaq üçün bizim firmaya (De Jure hüquq firması) müraciət edə bilərsiniz. 

Yaxud hüquq üzrə treninqlərdə iştirak edə bilərsiniz. 

Bütün xidmətlər ödənişlidir. 

Sualınıza görə təşəkkür edirik!

 2011-04-18

1188  Bahruz (17-04-2011) Salam. İnvestisiya fəaliyyətinin maliyyələşdirmə mənbələri hansılardır?

Salam.

İnvestisiya fəaliyyəti haqqında  Qanunun 9-cu maddəsinə əsasən:

İnvestisiya fəaliyyəti aşağıdakı mənbələrdən maliyyələşdirilə bilər:

• investorun özünün maddi və intellektual sərvətləri, maliyyə vəsaiti və təsərrüfatdaxili ehtiyatları (mənfəət, amortizasiya ayırmaları, fiziki və hüquqi şəxslərin pul yığımları, əmanətləri, qəza və təbii fəlakət nəticəsində dəymiş ziyanın ödənilməsi üçün sığorta orqanlarının müvafiq ödənişləri və s);
• investorun borc maliyyə vəsaiti (bank və büdcə kreditləri, istiqrazlar və digər vəsait);
• investorun cəlb edilmiş maliyyə vəsaiti (əmək kollektivlərinin, vətəndaşların, hüquqi şəxslərin payları və digər haqları, səhmlərin satışından əldə edilən vəsait);
• büdcədən və büdcədənkənar fondlardan investisiya məqsədli təxsisatlar;
• xarici investisiya;
• müəssisələrin, təşkilatların və vətəndaşların əvəzsiz və xeyriyyə haqları, ianələr və s.

Zərurət yarandıqda investisiya fəaliyyətini həyata keçirmək məqsədilə müvafiq investisiya fondları və digər təsisatları yaradıla bilər.

Bu qədər.

2011-04-18

1189  Bahruz (17-04-2011) Subvensiya nədir?

Salam.

Büdcə sistemi haqqında Qanunun 1.1.16-cı maddəsinə əsasən subvensiya - məqsədli maliyyələşdirmənin həyata keçirilməsi üçün dövlət büdcəsindən Naxçıvan Muxtar Respublikasının büdcəsinə və yerli büdcələrə verilən, lakin həmin məqsəd üçün və ya müəyyən edilmiş müddətdə istifadə edilmədikdə geri qaytarılan maliyyə vəsaiti.

Bu qədər.

2011-04-18

1190  Bahruz (17-04-2011)Sekvestr dedikdə nə başa düşülür?

Salam.

Büdcə sistemi haqqında Qanunun 1.1.19-cu maddəsinə əsasən sekvestr - dövlət büdcəsi, Naxçıvan Muxtar Respublikasının büdcəsi və yerli büdcələrin , həmçinin dövlət büdcəsinin kəsirinin (defisitin) maliyyələşmə mənbələri üzrə daxilolmalar yerinə yetirilmədikdə, müdafiə olunmuş xərc maddələri istisna olmaqla, büdcə ilinin qalan ayları üzrə xərclərin müəyyən olunmuş qaydada ixtisarı

Bu qədər

2011-04-18

1191  Bahruz (17-04-2011) Salam. Hüquqi şəxslərin dövlət qeydiyyatı və dövlət reyestri məsələləri üzrə müəyyən edilmiş müddətlər hanı qaydada hesablanır?

Bahruz (17-04-2011)

Salam.

De Jure portalından sui-istifadə etdiniz üçün sizin iştirakınız portalda məhdudlaşır.

Bir şəxs tərəfindən bir gün ərzində bu qədər sualların verilməsi şübhə doğurur.

Nəzərinizə çatdırırıq ki,  əvvələr Məsləhətxana pulsuz olmuşdur. Lakın sualların artması ilə ilə əlaqədar və bu cür sui-istifadələrə görə Məsləhətxanada sual vermə məhdudlaşdırılmışdır.

Lakın onu da qeyd etməliyik ki, əgər bu sualların cavablandırılması sizə vacibdirsə bunu ödənişli şəkildə həyata keçirə bilərik.

Həmçinin əlavə məsləhət almaq üçün bizim firmaya (De Jure hüquq firması) müraciət edə bilərsiniz.

Bu qədər.

2011-04-18

1192  Bahruz (17-04-2011) Salam. Kassir ştatı olmayan kicik müəssisələrdə həmin vəzifəni kim yerinə yetirir?

Salam.

De Jure portalından sui-istifadə etdiniz üçün sizin iştirakınız portalda məhdudlaşır.

Bir şəxs tərəfindən bir gün ərzində bu qədər sualların verilməsi şübhə doğurur.

Nəzərinizə çatdırırıq ki,  əvvələr Məsləhətxana pulsuz olmuşdur. Lakın sualların artması ilə ilə əlaqədar və bu cür sui-istifadələrə görə Məsləhətxanada sual vermə məhdudlaşdırılmışdır.

Lakın onu da qeyd etməliyik ki, əgər bu sualların cavablandırılması sizə vacibdirsə bunu ödənişli şəkildə həyata keçirə bilərik.

Həmçinin əlavə məsləhət almaq üçün bizim firmaya (De Jure hüquq firması) müraciət edə bilərsiniz.

Bu qədər.

2011-04-18

1193  Bahruz (17-04-2011) Salam. Suallara cavab verdiyiniz üçün hüc bilmirəm size nece tehekkur edir. Minnetdaram. sualim beledir. Dövlət qeydiyyatının ərazi aidiyyəti hansı meyar əsasında müəyyan edilir?

Salam.

De Jure portalından sui-istifadə etdiniz üçün sizin iştirakınız portalda məhdudlaşır.

Bir şəxs tərəfindən bir gün ərzində bu qədər sualların verilməsi şübhə doğurur.

Nəzərinizə çatdırırıq ki,  əvvələr Məsləhətxana pulsuz olmuşdur. Lakın sualların artması ilə ilə əlaqədar və bu cür sui-istifadələrə görə Məsləhətxanada sual vermə məhdudlaşdırılmışdır.

Lakın onu da qeyd etməliyik ki, əgər bu sualların cavablandırılması sizə vacibdirsə bunu ödənişli şəkildə həyata keçirə bilərik.

Həmçinin əlavə məsləhət almaq üçün bizim firmaya (De Jure hüquq firması) müraciət edə bilərsiniz.

Bu qədər.

2011-04-18

1194  Bahruz (17-04-2011) Salam. Hüquqi şəxsin yaradılması növündə əməliyyat-axtarış tədbirinin tətbiqinə hansı halda yol verilir?

Salam.

De Jure portalından sui-istifadə etdiniz üçün sizin iştirakınız portalda məhdudlaşır.

Bir şəxs tərəfindən bir gün ərzində bu qədər sualların verilməsi şübhə doğurur.

Nəzərinizə çatdırırıq ki,  əvvələr Məsləhətxana pulsuz olmuşdur. Lakın sualların artması ilə ilə əlaqədar və bu cür sui-istifadələrə görə Məsləhətxanada sual vermə məhdudlaşdırılmışdır.

Lakın onu da qeyd etməliyik ki, əgər bu sualların cavablandırılması sizə vacibdirsə bunu ödənişli şəkildə həyata keçirə bilərik.

Həmçinin əlavə məsləhət almaq üçün bizim firmaya (De Jure hüquq firması) müraciət edə bilərsiniz.

Bu qədər.

2011-04-18

1195  Bahruz (17-04-2011) Salam. Sualim beledir? hansi halda aile kendli teserrufati sahibkarliq fəaliyyetinin subyekti kimi fealiyyet göstərir və hansı halda aile kendli təsərrufati ləğv edilir?

Salam.

De Jure portalından sui-istifadə etdiniz üçün sizin iştirakınız portalda məhdudlaşır.

Bir şəxs tərəfindən bir gün ərzində bu qədər sualların verilməsi şübhə doğurur.

Nəzərinizə çatdırırıq ki,  əvvələr Məsləhətxana pulsuz olmuşdur. Lakın sualların artması ilə ilə əlaqədar və bu cür sui-istifadələrə görə Məsləhətxanada sual vermə məhdudlaşdırılmışdır.

Lakın onu da qeyd etməliyik ki, əgər bu sualların cavablandırılması sizə vacibdirsə bunu ödənişli şəkildə həyata keçirə bilərik.

Həmçinin əlavə məsləhət almaq üçün bizim firmaya (De Jure hüquq firması) müraciət edə bilərsiniz.

Bu qədər.

2011-04-18

1196  Bahruz (17-04-2011) Salam. Torpaq xarici dövlətlərin fiziki və hüquqi şəxslərinin mülkiyyətinə hansı qaydada keçə bilər?

Salam.

De Jure portalından sui-istifadə etdiniz üçün sizin iştirakınız portalda məhdudlaşır.

Bir şəxs tərəfindən bir gün ərzində bu qədər sualların verilməsi şübhə doğurur.

Nəzərinizə çatdırırıq ki,  əvvələr Məsləhətxana pulsuz olmuşdur. Lakın sualların artması ilə ilə əlaqədar və bu cür sui-istifadələrə görə Məsləhətxanada sual vermə məhdudlaşdırılmışdır.

Lakın onu da qeyd etməliyik ki, əgər bu sualların cavablandırılması sizə vacibdirsə bunu ödənişli şəkildə həyata keçirə bilərik.

Həmçinin əlavə məsləhət almaq üçün bizim firmaya (De Jure hüquq firması) müraciət edə bilərsiniz.

Bu qədər.

2011-04-18

1197  Kerim (18-04-2011) Salam, mulkiyyetcinin icazesi olmadan, bu evde qeydiyyatda olan onun qizi yeni dogulmis ovladini bu eve qeydiyyata sala bilermi?

Salam.

Vətəndaşın yaşayış yeri üzrə qeydiyyata alınması Yaşayış yeri və olduğu yer üzrə qeydiyyat haqqında  Qanunun 5-ci maddəsində göstərilib. Mülkiyyətçinin razılığı olmadan heç kim həmin yaşayış yeri üzrə qeydiyyata alına bilməz (məhkəmə qətnaməsi olmasa).

Həmçinin əlavə məsləhət almaq üçün bizim firmaya (De Jure hüquq firması) müraciət edə bilərsiniz. 

Yaxud hüquq üzrə treninqlərdə iştirak edə bilərsiniz. 

Bütün xidmətlər ödənişlidir. 

Sualınıza görə təşəkkür edirik!

 2011-04-18

1201  Xəzər (19-04-2011) Salam. Mən masinimda gizli video kamera quraşdirmaq istəyirəm. Buna icazə var.

Salam.

Biz yaknız onu deyə bilərik ki, qadağa yoxdur. Lakın nəzərə almalısınız ki, Mülki Prosessual Məcəlləsinin 95.2-ci maddəsinə əsasən qanunla icazə verilən hallardan başqa, gizli yolla əldə edilmiş səs və ya video yazılardan sübut kimi istifadə oluna bilməz.

Eyni zamanda əgər sizin hüquqlarınız pozulursa sizin sübubutları toplamaq hüququnuz var. Ona görə də videoçəkilişi açıq həyata keçirə bilərsiniz.

Sualınıza görə təşəkkür edirik.

2011-04-20

1198  Samir (18-04-2011 ) Salam. 1182 saylı sualımın cavablandırılmasında bir şeyi dəqiqləşdirmək istəyirəm. Sürücülük vəsiqəm var, ama maşınım yoxdur. Əgər sürücülük vəsiqəsinin vaxtı bitənə qədər avtomaşınım olmasa, vəsiqənin vaxtı bitəndə onu aldığım yerdən yoxsa indi qeydiyyatda olduğum yerdən almalıyam? Bir daha xatırladım ki, vəsiqəni alanda Naxçıvan MR-də qeydiyyatda idim hal-hazırda Bakı qeydiyyatındayam.Təşəkkürlər.

Salam.

Sual - 1182

Sürücülük vəsiqəsinin alınması avtonəqliyyat vasitəsinin alınması ilə bağlı deyil 

Yol hərəkəti haqqında Qanunun 34-cü maddəsinə əsasən sürücülük vəsiqəsi hər hansı şəxsin nəqliyyat vasitələrini idarə etmək hüququnu təsdiq edən sənəddir. Yəni bu vəsiqə idarə etmək hüququ ilə bağlıdır (nəqliyyat vasitəsi etibarnamə ilə də idarə oluna bilər).  Qeydiyyatda bağlı məsələni artıq aydınlaşdırmışıq.

Sualınıza görə təşəkkür edirik.

2011-04-18

1199  Bahruz (18-04-2011) Salam Hörmətli dejure emekdaşları. burda şübhə doguran mesele nedir ki bu qeder bunu şişirdirsiz? 10-sual yazmişam hec birinə cavab verməmisiz və üstəlik deyirsiz ki sui-istifadədir. hec olmasa 2-3 suala cavab verseydiz onda deye bilerdizki menim bir günlük limitim dolub. heç onu da etmemisiz. Bu heç de siz terefden obyektiv olmadi. Təşəkkür edirəm

Salam.

Obyektiv olmaq üçün sizin 1188, 1189, 1190 suallarınız cavablandırdı. Bundan sonra məhz sizə qarşı məhdudiyyətlər qoyulur. Həftə ərzində 3 (üç) sual verə bilərsiniz. Bu həftə limitiniz tükəndi.

Xahış edirik üzrlü hesab edin, lakın zəhmətimizə də hörmətlə yanaşın.

2011-04-18

1200  Kamran (18-04-2011) Salam! 1997-ci il aprelin 11-də Lissabon şəhərində Azərbaycan Respublikası tərəfindən imzalanmış «Avropa regionunda ali təhsil sahəsində ixtisasların tanınması haqqında» Konvensiya (30.09.1997-ci ildə ratifikasiya edilmişdir) ilə necə tanış olmaq olar? Təşəkkür edirəm.

Salam.

Avropa regionunda ali təhsil sahəsində ixtisasların tanınması haqqında Konvensiyanın təsdiq edilməsi barədə Qanunla və Konvensiya ilə tanış ola bilərsiniz

.2011-04-20

1202  Eldəniz (19-04-2011) Salam. Əgər ev 2008-ci ildə satılıbsa və rəsmi olaraq alıcının mülkiyyətinə keçibsə, amma evdə qeydiyyatda olanlar indiyə kimi qeydiyyatdan çıxmayıbsa nə etmək lazımdır?Təşəkkürlər !!!

Salam.

Bubunla bağlı məhkənəyə müraciət edə bilərsiniz və həmin şəxsləri qeydiyyatdan çıxara bilərsiniz (Yaşayış yeri və olduğu yer üzrə qeydiyyat haqqında Qanunun 5-ci maddəsinə əsasən).

Həmçinin əlavə məsləhət almaq üçün bizim firmaya (De Jure hüquq firması) müraciət edə bilərsiniz. 

Yaxud hüquq üzrə treninqlərdə iştirak edə bilərsiniz. 

Bütün xidmətlər ödənişlidir. 

Sualınıza görə təşəkkür edirik!

2011-04-20

1203  Canpolad (19-04-2011) Salam hörmətli De jure əməkdaşları. AR Torpaqların Dövlət Ehtiyacları üçün alınması haqqında qanunun 7.5 bəndinə əsasən daşınmaz əmlaka görə kompensasiya düşürmü?

Salam.

Torpaqların dövlət ehtiyacları üçün alınması haqqında Qanunun 7.4-cü maddəsinə əsasən həmin Qanunun 7.3.1-7.3.4-cü maddələrində nəzərdə tutulmuş kateqoriyalara aid olan şəxslər bu Qanunun müddəalarına əsasən itirdikləri torpaqla bağlı kompensasiya və digər yardımlarla təmin edilirlər.

Həmin Qanunun 7.5-ci maddəsinə əsasən bu Qanunun 7.3.5-ci maddəsində nəzərdə tutulmuş kateqoriyaya aid olan şəxslər daşınmaz əmlak istisna olmaqla, yalnız onların köçürülməsi ilə bağlı yardımla və köçürülmə zamanı həmin şəxslərin daşınar əmlakına vurulmuş zərərin ödənilməsinə yönəlmiş yardımlarla təmin edilirlər.

Kompensasiya yalnız 7.3.1-7.3.4-cü maddələrində göstərilən hallarda verilir. 

Həmçinin əlavə məsləhət almaq üçün bizim firmaya (De Jure hüquq firması) müraciət edə bilərsiniz. 

Yaxud hüquq üzrə treninqlərdə iştirak edə bilərsiniz. 

Bütün xidmətlər ödənişlidir. 

Sualınıza görə təşəkkür edirik!

2011-04-20

1205  Canpolad (19-04-2011) Salam. Xahiş edirəm Torpaqların dövlət qeydiyyatları üçün alınması haqqında qanunun 7.3.4 bəndi kimlərə şamil edilə biləcəyini izah edəsiniz!

Salam.

Bunun üçün Mülki Məcəllənin 178-ci maddəsi (Daşınmaz əmlaka mülkiyyət hüququnun əldə edilməsi) ilə tanış olmağınız məsləhətdir. 

Belə ki, Məcəllənin 178.5-ci maddəsinə əsasən əgər daşınmaz əmlakın dövlət reyestrində əsassız qeydə alınmış mülkiyyətçi qeydəalmanın əsassız olduğunu bilməyərək, torpaq sahəsinə 10 il ərzində fasiləsiz və etirazsız sahiblik etmişsə, həmin şəxs bu torpaq sahəsinin mülkiyyətçisi sayılır.

Həmçinin əlavə məsləhət almaq üçün bizim firmaya (De Jure hüquq firması) müraciət edə bilərsiniz. 

Yaxud hüquq üzrə treninqlərdə iştirak edə bilərsiniz. 

Bütün xidmətlər ödənişlidir. 

Sualınıza görə təşəkkür edirik!

2011-04-20

1206  Agamir (19-04-2011) Salam. Teqsirlendirilen shexsin mudafie huququna dair Ali mehkemenin ve ya Konstitusiya mehkemesinin plenum qerarini gondermeyinizi xahish edirem.

Salam.

Ola bilsin ki, bu qərar sizə kömək edə bilər. Təqsirləndirilən şəxslər barəsində həbs qətimkan tədbirinin seçilməsi ilə bağlı  təqdimatlara baxılarkən məhkəmələr tərəfindən qanunvericiliyin tətbiqi təcrübəsi haqqında Qərar.

Sualınıza görə təşəkkür edirik.

2011-04-20

1208  Seymur (20-04-2011) Salam bilmək isdəyirəmki zərərin əvəzinin ödənilməsi üçün iddia ərizəsi verərkən zərər vuran şəxsin yaşadığı yerdən arayışı vacibdir? təşəkkür.

Salam.

Mülki Prosessual Məcəllənin 149.2.2-ci maddəsinə əsasən  işdə iştirak edən şəxslərin adları, onların poçt ünvanları iddia ərizəsində göstərilməlidir. 

Əks təqdirdə həmin Məcəllənin 259.0.12-ci maddəsinə əsasən ərizə bu Məcəllənin 149-cu maddəsində nəzərdə tutulmuş tələblər göstərilmədən, eləcə də bu Məcəllənin 150.0.1—150.0.3-cü maddələrində göstərilən sənədlər əlavə edilmədən verildikdə, iddiaçı hakim tərəfindən müəyyən edilmiş müddətdə işin mahiyyəti üzrə baxılmasına və həll edilməsinə maneçilik törədən həmin nöqsanları aradan qaldırmadıqda məhkəmə  ərizəni baxılmamış saxlayır.

Məhkəməyə müraciət etməkdən əvvəl MAPS xidməti vasitəsilə cavabdehin ünvanını öyrənmək məqsədəuyğundur.

Həmçinin əlavə məsləhət almaq üçün bizim firmaya (De Jure hüquq firması) müraciət edə bilərsiniz. 

Yaxud hüquq üzrə treninqlərdə iştirak edə bilərsiniz. 

Bütün xidmətlər ödənişlidir. 

Sualınıza görə təşəkkür edirik!

2011-04-21

1209  Ceyhun (21-04-2011) Salam Dejure.az. DYP müfəttişləri hansı hallarda nəqliyyat vasitələri sürücülərindən törətdiyi müvafiq inzibati xəta ilə əlaqədar sürücülük vəsiqəsini götürə bilər? Bu məsələ hansı hüquqi normalarla tənzimlənir? Əvvəlcədən təşəkkür edirəm. 

Salam.

Azərbaycan Respublikası Daxili İşlər Nazirliyinin yol patrul xidməti əməkdaşlarının sosial müdafiəsinin gücləndirilməsi və yol hərəkətinin tənzimlənməsi sahəsində bəzi tədbirlər haqqında Fərmanın 3-cü bəndinə əsasən  yol hərəkəti qaydalarının pozulması ilə əlaqədar inzibati xəta törətmiş şəxslərdən sürücülük vəsiqələrinin yalnız Azərbaycan Respublikasının İnzibati Xətalar Məcəlləsində nəzərdə tutulmuş hallarda götürülməsini təmin edilməsi Daxili İşlər Nazirliyinə tapşırmışdır.

Belə ki, Inzibati Xətalar Məcəlləsinin 404.2-ci maddəsinə əsasən sürücü tərəfindən nəqliyyat vasitəsini idarəetmə hüququnun məhdudlaşdırılması növündə inzibati tənbehin tətbiq edilməsini nəzərdə tutan xətalar törədildikdə inzibati xəta haqqında iş üzrə qərar çıxarılanadək sürücülük vəsiqəsi, gəmiçinin və ya pilotun şəhadətnaməsi götürülür və həmin şəxslərə nəqliyyat vasitəsini müvəqqəti idarə etmək hüququ verən sənəd verilir.

Nəqliyyat vasitələrini idarə etmə hüququn  məhdudlaşdırılması İXM-nin 151.4, 151.5 152-1.3., 152-1.4 maddələri ilə nəzərdə tutulub.

Həmçinin əlavə məsləhət almaq üçün bizim firmaya (De Jure hüquq firması) müraciət edə bilərsiniz. 

Yaxud hüquq üzrə treninqlərdə iştirak edə bilərsiniz. 

Bütün xidmətlər ödənişlidir. 

Sualınıza görə təşəkkür edirik!

2011-04-22

1210  Ceyhun (22-04-2011) Salam Dejure,Yol hərəkəti qaydalarının pozulmasına görə nəqliyyat vasitəsinin sürücüsü cərimə olunarkən DYP əməkdaşı tərəfindən inzibati xəta haqqında protokol tərtib edildikdən sonra sürücüyə cərimənin ödənişi ilə əlaqədar təsdiqedici müvafiq sənəd (mədaxil qəbzi və s.) verilməlidirmi? Əvvəlcədən təşəkkür edirəm.

Salam.

Yol hərəkətinin təhlükəsizliyi tədbirlərinin təbliğinə dair Dövlət Yol Polisinin fəaliyyəti haqqında Təlimatın 2.12-ci maddəsinə əsasən qanunla yerində cərimə müəyyən edilmiş xətalardan hər hansı birini və ya bir neçəsini törətmiş şəxs daha ciddi xətaya görə tətbiq edilən inzibati tənbehlə razıdırsa və cəriməni yerində ödəyirsə, bu halda protokol tərtib olunmadan qaydanı pozan şəxs cərimə olunur və bu barədə ona kötüyündə imza edilməklə qəbz verilir ( İX-2).

Həmçinin əlavə məsləhət almaq üçün bizim firmaya (De Jure hüquq firması) müraciət edə bilərsiniz. 

Yaxud hüquq üzrə treninqlərdə iştirak edə bilərsiniz. 

Bütün xidmətlər ödənişlidir. 

Sualınıza görə təşəkkür edirik!

2011-04-22

1211  Kamran (22-04-2011) Salam! Əlavə kassasiya şikayəti verilərkən dövlət rüsumu ödənilməlidirmi? Təşəkkür edirəm.

Salam.

Mülki Prosessual Məcəllənin 425-ci maddəsinə əsasən təqdimat, protest və şikayət bu Məcəllənin 407-ci maddəsində nəzərdə tutulmuş tələblərə uyğun olmalıdır.

Həmçinin əlavə məsləhət almaq üçün bizim firmaya (De Jure hüquq firması) müraciət edə bilərsiniz. 

Yaxud hüquq üzrə treninqlərdə iştirak edə bilərsiniz. 

Bütün xidmətlər ödənişlidir. 

Sualınıza görə təşəkkür edirik!

 2011-04-22

1212  Gunay (22-04-2011) Salam. Men yeni tikili binadan menzil almaq isteyirem. Senedlewdirme muqavile esasinda olacagi bildirilib. Xerci 1000 azn olacagi deyilib. Bu prosess notariusda olur? Bu prosess barede etrafli melumat isterdim. Muqavilede en esas neye fikir vermek lazimdi?

Salam.

Əvvəlcədən məsələ ilə bağlı bildirməliyik ki, EHTİYATLI OLUN.

Çünki son zamanlar yeni tikilən binalarda olan yaşayış yerlərin alınması ilə əlaqədar vətəndaşlar əziyyətlər çəkir. Çalışın şəxsin etibarlığını yoxlayın. Mənzilin üzərində mülkiyyət hüququ təsdiq edən sənəd olsa daha yaxşı olar (daşınmaz əmlakın dövlət reyestindən Çıxarış). Müqavilədə ödəniş şərtlərinə, müddətlərə, məsuliyyətə aid olan şərtlərə xüsusilə diqqət yetirin.  Rüsumlar Dövlət rüsumu haqqında Qanunun 26-cı maddəsində göstərilib.

Həmçinin əlavə məsləhət almaq üçün bizim firmaya (De Jure hüquq firması) müraciət edə bilərsiniz. 

Yaxud hüquq üzrə treninqlərdə iştirak edə bilərsiniz. 

Bütün xidmətlər ödənişlidir. 

Sualınıza görə təşəkkür edirik!

2011-04-22

1213  Ramiz (23-04-2011) Salam. Evdə üç qardaş yaşayirş Ev özəlləşdirilərkən (yeni özəlləşdirilir) mən (qardaşlardan biri) həmin evin ayri-ayri hissələrə bölünərək özəlləşdirilməsini tələb edə bilərəmmi? Bunun üçün hansi hüquqi qaydalara əməl etməli və sənədlər toplamalayiam? Öncədən cox sag olun.

Salam.

Həmin əmlak birgə mülkiyyət kimi də qeydiyyata alına bilər; bərabər paylarla (Mülki Məcəllənin 191, 222, 223 və s.). Daha sonra razılığa gəldiyiniz təqdirdə həmin əmlakı satıb bərabər pylara bölə bilərsiniz. Bununla bağlı daşınmaz əmlak reyestr xidmətinə və digər dövlət qurumlarına müraciət edərkən həmin əmlak paylı mülkiyyət olduğunu bildirməlisiniz.

Həmçinin əlavə məsləhət almaq üçün bizim firmaya (De Jure hüquq firması) müraciət edə bilərsiniz. 

Yaxud hüquq üzrə treninqlərdə iştirak edə bilərsiniz. 

Bütün xidmətlər ödənişlidir. 

Sualınıza görə təşəkkür edirik!

 2011-04-25

1214  Kamran (23-04-2011) Salam! 1211-ci suala verdiyiniz cavaba görə çox sağ olun. Lakin mənim sualım apellyasiya və ya kassasiya şikayəti deyil, əlavə kassasiya şikayəti üçün ödənilməli olan rüsum ilə əlaqədardır. Mənim bildiyimə görə qanunda birbaşa bununla əlaqədar dövlət rüsumu nəzərdə tutulmur. Fikirləşirəm ki, elə olmuş olsaydı, onda vəkilin orderi kassasiya şikayətində mülki işə əlavə olduğu üçün, əlavə kassasiya şikayətində vəkilin yeni orderi tələb edilməzdi. Xahiş edirəm bu məsələyə münasibət bildirəsiniz. Təşəkkür edirəm.

Salam.

Sual - 1211 (dəyişdirilmişdir)

Qeyri-dəqiq cavablandırmaya görə üzr istəyirik.

Sualı dəqiqləşdirmək üçün De Jure təşəbbüs qrupunun daha təcrübəli hüquqşünaslarına müraciət etməli olduq.

Qanunvericilikdə bununla bağlı dəqiq məlumat olmadığına görə məhkəmə praktikasında əlavə kassasiyada qaydasında müraciət edərkən rüsum ödənilmir.

Həmçinin əlavə məsləhət almaq üçün bizim firmaya (De Jure hüquq firması) müraciət edə bilərsiniz. 

Yaxud hüquq üzrə treninqlərdə iştirak edə bilərsiniz. 

Bütün xidmətlər ödənişlidir. 

Sualınıza görə təşəkkür edirik!

 2011-04-25

1215  Rakif (23-04-2011) evvelceden tesekkurumu bildirirem. men baq 12 sot baq sahemi ozellesdirmek ucun aid olan idareye senedlerimi teqdim etmisem. baq sahesinde olcu isleri aparilib ve sahe 15 sottur. qanun yolu ile o artiq gelen 3 sotu da senedlesdire bileremmi?

Salam.

Əgər əsas verici sənədlər varsa edə bilərsiniz (hər bir halda mübahisə yarandığı təqdirdə məsələni məhkəmə vasitəsilə həll edə bilərsiniz).

Həmçinin əlavə məsləhət almaq üçün bizim firmaya (De Jure hüquq firması) müraciət edə bilərsiniz. 

Yaxud hüquq üzrə treninqlərdə iştirak edə bilərsiniz. 

Bütün xidmətlər ödənişlidir. 

Sualınıza görə təşəkkür edirik!

 2011-04-25

1216  Rehman (24-04-2011) Salam, De Jure! Sizden xahis edirem Avropa Insan Haqlari Mehkemesine erize formasi gonderesiniz (Word proqramina uygun). Evvelceden minnetdarliq edirem.

Salam.

Həmin ərizənin forması: AVROPA İNSAN HÜQÜQLARI MƏHKƏMƏSİNƏ ƏRİZƏ

Həmçinin əlavə məsləhət almaq üçün bizim firmaya (De Jure hüquq firması) müraciət edə bilərsiniz. 

Yaxud hüquq üzrə treninqlərdə iştirak edə bilərsiniz. 

Bütün xidmətlər ödənişlidir. 

Sualınıza görə təşəkkür edirik!

 2011-04-25

1217  Ceyhun (25-04-2011) Salam Dejure, işəgötürən işçi ilə müddətli əmək müqaviləsi bağlayırsa (6 aylıq) əmək müqaviləsinin müddətinin bitməsi ilə əlaqədar müqaviləni birtərəfli qaydada ləğv edə bilər? Müqavilənin müddətinin bitməsi istisna olmaqla işəgötürənin əlində başqa heç bir əsas yoxdur, işçi üzərinə düşən əmək funksiyalarını tam yerinə yetirir, nizam-intizamlı və s. öz sahəsində bacarıqlı peşəkar işçidir, işəgötürən sadəcə bu vəziyyətdən sui-istifadə edərək işçini vəzifədən azad edir. Əmək qanunvericiliyinə görə bu vəziyyətdə işəgötürən işçini vəzifədən kənarlaşdırmağa haqqı var? Əvvəlcədən minnətaram.

Salam.

Əmək Məcəlləsinin 68-ci maddəsinə əsasən əmək müqaviləsinin müddətinin qurtarması Əmək müqaviləsinə xitam verilməsinin əsaslarından biridir. Əmək Müqaviləsi 6 aylıq müddətinə bağlanılarkən hər iki tərəfin razılığı ilə bağlanmışdır. Əgər əvvəlcədən bu şərtlər müzakirə olunubsa və razılaşdırılıbsa işəgötürən haqlıdır.

Həmçinin əlavə məsləhət almaq üçün bizim firmaya (De Jure hüquq firması) müraciət edə bilərsiniz. 

Yaxud hüquq üzrə treninqlərdə iştirak edə bilərsiniz.

Bütün xidmətlər ödənişlidir. 

Sualınıza görə təşəkkür edirik!

 2011-04-25

1218  Ceyhun (25-04-2011) Salam Dejure, Uşağa qulluqla əlaqədar məzuniyyətdə olan işçi (məzuniyyəti bitməyib) hamiləliyə və doğuşa görə məzuniyyətə (analıq məzuniyyəti) çıxmaq üçün ilk növbədə işə qayıtmaq və daha sonra analıq məzuniyyəti ilə əlaqədar işəgötürənə ərizə ilə müraciət etməli, yoxsa heç bir ərizə yazılmadan yalnız xəstəlik vərəqəsi işəgötürənə təqdim oluna bilər? Bu vəziyyətdə hansı qanunauyğun hərəkətlər həyata keçirilməlidir? Əvvəlcədən təşəkkür edirəm.

Salam.

Əmək Məcəlləsinin 126-cı maddəsinə əsasən iki aylığadək yaşında uşağı övladlığa götürən, yaxud övladlığa götürmədən böyüdən qadınlar doğuşdan sonra müəyyən edilmiş 56 günlük sosial məzuniyyətdən, həmçinin bu Məcəllənin 117-ci maddəsi ilə müəyyən edilmiş əlavə və 127-ci maddəsində nəzərdə tutulmuşqismən ödənişli məzuniyyətlərdən istifadə etmək hüququna malikdirlər.

Həmçinin əlavə məsləhət almaq üçün bizim firmaya (De Jure hüquq firması) müraciət edə bilərsiniz. 

Yaxud hüquq üzrə treninqlərdə iştirak edə bilərsiniz. 

Bütün xidmətlər ödənişlidir. 

Sualınıza görə təşəkkür edirik!

 2011-04-25

1219  Sahrab (25-04-2011) Salam!!! Xahiş edirəm deyin Bakı mənzillərində komunal xərclər nə qədərdir və bu hansı normativ aktlarla tənzimlənir? Komunal xərclərdən başqa illik ödənclər varmı??? Təşəkkürlər...

Salam.

Bunun üçün aşağıdakı normativ aktlarla tanış olmalısınız:

• “Azərsu” Səhmdar Cəmiyyətinin sudan istifadə və tullantı sularının axıdılması xidmətləri üzrə istehlakçı qruplarının tariflərinin və təsnifatının təsdiq edilməsi barədə Tarif Şurasının qərarı
• Azərbaycan Respublikasında dövlət və ictimai mənzil fondu evlərində yaşayış sahəsindən istifadə haqqı (mənzil haqqı) və mənzil-kommunal xidmətlərinə görə tariflərin təsdiq edilməsi haqqında Nazirlər Kabinetinin qərarı

Həmçinin əlavə məsləhət almaq üçün bizim firmaya (De Jure hüquq firması) müraciət edə bilərsiniz. 

Yaxud hüquq üzrə treninqlərdə iştirak edə bilərsiniz. 

Bütün xidmətlər ödənişlidir. 

Sualınıza görə təşəkkür edirik!

 2011-04-25

1220  Seymur (25-04-2011) Salam iddia ərizəsini məktubla göndərərkən zərər çəkmiş şəxsin şəxsiyyət vəsiqəsinin sürəti notariusda təstiqlənməsi mütləqdirmi? Təşəkkür!

Salam.

Əgər iddia ərizəsidirsə onda işdə iddiaçı və cavabdeh olmalıdır (zərərçəkmiş şəxs mülki prosesdə olmur, əgər bu mülki prosesdirsə). İddiaçı isə cavabdehin yerləşməsi barədə məhkəməyə məlumat verməlidir (adətən MAPS-dan arayış). Mülki Prosessual Məcəllənin 149-cu maddəsinə diqqət yetirin.

Həmçinin əlavə məsləhət almaq üçün bizim firmaya (De Jure hüquq firması) müraciət edə bilərsiniz.

Yaxud hüquq üzrə treninqlərdə iştirak edə bilərsiniz.

Bütün xidmətlər ödənişlidir.

Sualınıza görə təşəkkür edirik!

2011-05-01

1221  Eldəniz (27-04-2011) Salam. Əgər evi satan anda həmin ünvanda daha əvvəlki sakinlər (keçmiş) qeydiyyatdan hələ də çıxmayıbsa (artıq 3 il ke4ib) alqı-satqı əməliyyatının aparılması üçün həmin şəxslərin razılıq ərizəsi lazımdır? Öncədən təşəkkürlər!!!

Salam.

Həmin şəxsləri qeydiyyatdan çıxarılması məqsədəuyğundur (məhkəmə vasitəsilə). Çünki sonradan bununla bağlı problemlər yaşana bilər qanunvericiliyin kolliziyaları ilə bağlıdır).

Həmçinin əlavə məsləhət almaq üçün bizim firmaya (De Jure hüquq firması) müraciət edə bilərsiniz.

Yaxud hüquq üzrə treninqlərdə iştirak edə bilərsiniz.

Bütün xidmətlər ödənişlidir.

Sualınıza görə təşəkkür edirik!

2011-05-01

1222  Telman (27-04-2011) Salam 1965-ci ildən həyətimdə əlavə artirmam var, onu neçə sənədləşdirə bilərəm və hansi sənədlər lazimdir

Salam.

Əgər həmin sahə kənar şəxslərin mülkiyyətində deyilsə bununla bağlı daşınmaz əmlakın reyestr xidmətinə və ya məhkəməyə müraciət edə bilərsiniz və mülkiyyət hüququnuzu tanıtdıra bilərsiniz.

Həmçinin əlavə məsləhət almaq üçün bizim firmaya (De Jure hüquq firması) müraciət edə bilərsiniz.

Yaxud hüquq üzrə treninqlərdə iştirak edə bilərsiniz.

Bütün xidmətlər ödənişlidir.

Sualınıza görə təşəkkür edirik!

2011-05-01

1223  Agamir (27-04-2011) Salam Çox Hörmətli Dejure Əməkdaşları.Sualım belədir: Alqı-satqı üçün Forma-1 deyilən arayış nə üçündür və bu arayış olmadan alqı-satqı baş tuta bilərmi?

Salam.

Daşınmaz əmlakın dövlət reyestri haqqında Qanunun 9.4-cu maddəsinə əsasən daşınmaz əmlak üzərində hüquqların məhdudlaşdırılmasının (yüklülüyünün) (daşınmaz əmlak üzərində hüquqların məhdudlaşdırılmasına (yüklülüyünə) dair dövlət reyestrindən arayış - Forma 1), dövlət qeydiyyatı həmin daşınmaz əmlak üzərində əvvəl yaranmış hüquqların dövlət reyestrində qeydiyyata alındığı təqdirdə aparılır.

Dövlət rüsumu haqqında Qanunun 26.6-cı maddəsinə əsasən daşınmaz əmlak üzərində hüquqların məhdudlaşdırılmasına (yüklülüyünə) dair dövlət reyestrindən arayışın verilməsinə görə - 10 manat rüsum tutulur.

Həmçinin əlavə məsləhət almaq üçün bizim firmaya (De Jure hüquq firması) müraciət edə bilərsiniz.

Yaxud hüquq üzrə treninqlərdə iştirak edə bilərsiniz.

Bütün xidmətlər ödənişlidir.

Sualınıza görə təşəkkür edirik!

2011-05-01

1224  Seymur (27-04-2011) salam sizin komekliyinizle bilmek isderdim ki yasayis yerine yaxin mesafede afdomabille adam vurulub ve ciddi xesaret alinib 21 gunden artiqdir ki xesdaxanada yatir qezani toreden sexs ziyan ve zerer cekmisin ne maddi nede menevi xerclerinden evvelce boyun olub ve sonra boyun qacirdiqi halda hansi mesuliyete celb olunur xais edirem bu barede etrafli cavablandirasiniz onceden cox saq olun.

Salam.

Ətraflı cavablandırması üçün işin halları ilə tanış olmaq lazımdır. Belə ki, həmin əməllərə görə şəxs həm inzibati, həm cinayət məsuliyyətinə cəlb oluna bilər. Bundan başqa maddi və mənəvi zərərin ödənilməsi ilə bağlı mülki qaydada iddia qalldıra bilərsiniz.

Həmçinin əlavə məsləhət almaq üçün bizim firmaya (De Jure hüquq firması) müraciət edə bilərsiniz.

Yaxud hüquq üzrə treninqlərdə iştirak edə bilərsiniz.

Bütün xidmətlər ödənişlidir.

Sualınıza görə təşəkkür edirik!

2011-05-01

1225  Elnur (28-04-2011) Salam Zehmet olmasa mene bir meselede komeklik gosteresiniz. Men 05.04.2011-ci il tarixinde internet-provayderlerin birinden ADSL modem+1 ayliq pulsuz internet almisham(2MB/s ) . 13.04.2011-ci il tarixinde nomrede internet aktiv olub, lakin suret max 0.1MB/s olub. Bununla elaqedar olaraq bir nece defe firma ile elaqe saxlamisham. lakin hech bir komeklik gostermeyibler. 19.04.2011ci il tarixinde ise internet xidmeti tam dayandirilib. 26.04.2011-ci il tarixinde ise MODEMI qaytarmaq ucun firmaya muraciet etdim. lakin onlar modemi qaytaqmaq istemediler ve ancaq eve verilen internetin dayandirilmasi ile mene komeklik ede bileceklerini dediler. Xahish edirem bu meselede ne edeceyimi mene deyesiniz.

Salam.

Əgər hesab edirsinizsə istehlakçı hüquqlarınız pozulub bununla bağlı məhkəməyə müraciət edə bilərsiniz və hüquqlarınızı bərpa edə bilərsiniz (lakın müvafiq sübutlarınız olmalıdır).

Həmçinin əlavə məsləhət almaq üçün bizim firmaya (De Jure hüquq firması) müraciət edə bilərsiniz.

Yaxud hüquq üzrə treninqlərdə iştirak edə bilərsiniz.

Bütün xidmətlər ödənişlidir.

Sualınıza görə təşəkkür edirik!

2011-05-01

1226  Fuad (28-04-2011) Salam, Xahish edirem mehkemeye iddi erizesinin yazilish formasini izah edesiniz

Salam.

Mülki Prosessual Məcəllənin 149-cu maddəsi ilə tanış olmağınız məsləhətdir.

Həmçinin əlavə məsləhət almaq üçün bizim firmaya (De Jure hüquq firması) müraciət edə bilərsiniz.

Yaxud hüquq üzrə treninqlərdə iştirak edə bilərsiniz.

Bütün xidmətlər ödənişlidir.

Sualınıza görə təşəkkür edirik!

2011-05-01

1227  Natiq (28-04-2011) Salamlar. VVAQ in soyadi deyismesinden imtina etmesi ile elaqedar 2 sayli Inzibati Iqtisad mehkemesine iddia qaldirmagimiz meslehet olunub.Bu iddianin konkret yazilis formasi varmi?. Tesekkurler.

Salam.

Bəli bununla bağlı məhkəməyə müraciət edə bilərsiniz. Ərizə formaların hazırlanması ödənişlidir.

Həmçinin əlavə məsləhət almaq üçün bizim firmaya (De Jure hüquq firması) müraciət edə bilərsiniz.

Yaxud hüquq üzrə treninqlərdə iştirak edə bilərsiniz.

Bütün xidmətlər ödənişlidir.

Sualınıza görə təşəkkür edirik!

2011-05-01

1228  Əzizə (29-04-2011) Salam xais edirem bilmek isderdim ki, meni aftomobil ciddi zerbe vurduqu halda ve men xesdexanada 21 gunnen artiq yatdiqim halda sol ayaq canaqimda cartlaq olduqu halda uzum tamam zedelenmis veziyyetde mustendiqe izahat verende mene zede vereni baqislamisdim yalniz o halda ki.menim maddi ve menevi ziyanimin xercini ödemek serti ile zerer veren sexs buna hemen razi oldu ve sonradan bildim ki mustentiq mennen izahat alib imza atdirdi ancaq zerer veren sexsden izahat almayib menim bu halda yeniden erizem ve yeniden sikayet etmek huququna ne derecede haqqim var qeyd etmek isdeyirem ki hele xesdaxanadan cixmamisam hekim nezareti altindayam cok saq olun

Salam.

Bununla bağlı həm prokurorluğa, həm məhkəməyə müraciət edə bilərsiniz. Hesab edirik ki, iş üzrə səlahiyyətli şəxslər məsuliyyətə cəlb oluna bilər.

Həmçinin əlavə məsləhət almaq üçün bizim firmaya (De Jure hüquq firması) müraciət edə bilərsiniz.

Yaxud hüquq üzrə treninqlərdə iştirak edə bilərsiniz.

Bütün xidmətlər ödənişlidir.

Sualınıza görə təşəkkür edirik!

2011-05-01

1229  Tarana (30-04-2011) dini deyisen soyadi deyise biler?

Salam.

Mülki Məcəllənin 26.4-ci maddəsinə əsasən fiziki şəxsin qanunla müəyyənləşdirilmiş qaydada öz adını dəyişdirmək ixtiyarı vardır. Fiziki şəxsin adını dəyişdirməsi, onun əvvəlki adı ilə əldə etdiyi hüquq və vəzifələrə xitam vermir və ya bunları dəyişdirmir. Fiziki şəxs adını dəyişdirməsi barədə öz borclularına və kreditorlarına məlumat verməlidir və adının dəyişməsi barədə həmin şəxslərdə məlumatın olmamasının doğurduğu nəticələrin riskini daşıyır. Adını dəyişdirmiş fiziki şəxsin ixtiyarı vardır ki, əvvəlki adına rəsmiləşdirilmiş sənədlərdə öz hesabına müvafiq dəyişikliklər aparılmasını tələb etsin.

Həmçinin əlavə məsləhət almaq üçün bizim firmaya (De Jure hüquq firması) müraciət edə bilərsiniz.

Yaxud hüquq üzrə treninqlərdə iştirak edə bilərsiniz.

Bütün xidmətlər ödənişlidir.

Sualınıza görə təşəkkür edirik!

2011-05-01

1230  Bahruz (01-05-2011) Salam Çox Hörmətli Dejure Əməkdaşları. siz meni yazdigim suali tam aydin cavablandirmadiz. maddeden sitat getirmisiz. suali birde yaziram xahish edirem sualima cavab yazin. Alqı-satqı üçün Forma-1 deyilən arayış nə üçündür və bu arayış olmadan alqı-satqı baş tuta bilərmi?

Salam.

Sual - 1223

Cavabı diqqətlə oxuyun. \"....daşınmaz əmlak üzərində hüquqların məhdudlaşdırılmasının (yüklülüyünün), dövlət qeydiyyatı həmin daşınmaz əmlak üzərində əvvəl yaranmış hüquqların dövlət reyestrində qeydiyyata alındığı təqdirdə aparılır.\"

Yəni həmin yüklülük müəyyən edilməsə daşınmaz əmlakın qeydiyyatı mümkün olmayacaq (Misal üçün: müəyyən oluna bilər ki, həmin daşınmaz əmlak ipotekadadır və ya başqa mülkiyyətçi başqa bir şəxsdir və s.). Buna görə də bu Forma-1 olmadan daşınmaz əmlak digər şəxsdən o biri şəxsin mülkiyyətinə keçə bilməz.

Həmçinin əlavə məsləhət almaq üçün bizim firmaya (De Jure hüquq firması) müraciət edə bilərsiniz. 

Yaxud hüquq üzrə treninqlərdə iştirak edə bilərsiniz. 

Bütün xidmətlər ödənişlidir. 

Sualınıza görə təşəkkür edirik!

2011-05-02

1231  Ceyhun (02-05-2011) salam. Peşə, vəzifə fəhlə və qulluqçuların tarif sorğu kitabçalarında \"dəmirçi\" və \"qaynaqçı\" peşələri barədə məlumat tapa bilmədim. xahiş edirəm kömək edəsiniz

Salam.

 Tikinti, quraşdırma və təmir-tikinti bölməsinə daxil olan qulluqçu vəzifələrin əlifba sırası ilə adları və dərəcələr diapazonun (QULLUQÇU VƏZİFƏLƏRİNİN VAHİD TARİF-İXTİSAS SORĞU KİTABÇASI HİSSƏ-3) 1-ci paraqrafında baş qaynaqçı ixtisasın xüsusiyyətləri göstərilib.
 Tikinti, quraşdırma və təmir-tikinti işləri bölməsi üzrə fəhlə peşələri və işlərin vahid tarif-ixtisas sorğu kitabçasının (Hissə - 3) 282-ci paraqrafında metalkəsici və dəmirçi-presləyici avadanlıqların quraşdırıcısı ixtisasın xüsusiyyətləri göstərilib.
Ola bilsin kömək edə bildik.

 

Həmçinin əlavə məsləhət almaq üçün bizim firmaya (De Jure hüquq firması) müraciət edə bilərsiniz. 

Yaxud hüquq üzrə treninqlərdə iştirak edə bilərsiniz. 

Bütün xidmətlər ödənişlidir. 

Sualınıza görə təşəkkür edirik!

2011-05-03

1232  Vasif (02-05-2011) Salam. Əgər qadın boşanma ərizəsi yazıb boşanma tələbində olubsa o nə vaxt aliment almalıdır. Yəni boşanma haqqında ərizə yazılan gündən sonra, yoxsa hansı vaxt bunu bilmək istəyirəm. Və bir də məhkəmə ərəfəsində ər xaricə qaça bilərmi? Əvvəlcədən təşəkkürümü bildirirəm.

Salam.

Əgər iddiaçı (arvad) ərizədə aliment tələbi qoyubsa onda həmin qətnamədə alimentin miqdarı, onun tutma tarixi və digər şərtlər göstərilir. Ər hara istəsə qaça bilər amma bu onu aliment öhdəliyindən azad etmir.

Həmçinin əlavə məsləhət almaq üçün bizim firmaya (De Jure hüquq firması) müraciət edə bilərsiniz. 

Yaxud hüquq üzrə treninqlərdə iştirak edə bilərsiniz. 

Bütün xidmətlər ödənişlidir. 

Sualınıza görə təşəkkür edirik!

 2011-05-03

1233  Ceyhun (04-05-2011) Salam. 1231 nömrəli sualıma verdiyiniz cavabla əlaqədar e-qanun.az saytında axtarış apardım heç bir nəticə vermədi. metalkəsici və dəmirçi-presləyici avadanlıqların quraşdırıcısı ixtisası ilə dəmirçi peşəsi eyni sayıla bilər?

Salam.

Sual - 1231

Bizim saytımızda da qeyd olunan linkləri sıxarkən bu normativ aktları əldə edə bilərsiniz. Diqqətlə baxın. Dəmir-presləyici dəmirçi ilə eyni ixtisas sayılmasa, onların xüsusiyyətləri oxşardır.

Həmçinin əlavə məsləhət almaq üçün bizim firmaya (De Jure hüquq firması) müraciət edə bilərsiniz. 

Yaxud hüquq üzrə treninqlərdə iştirak edə bilərsiniz. 

Bütün xidmətlər ödənişlidir. 

Sualınıza görə təşəkkür edirik!

1234  Camal (04-05-2011) Salam! Birgə nigah dövründə avtomabil almışam. Amma maşın etibarnamə ilə mənim aımdadır. Maşının texpasportu başqasının adındadır. İddiaçı maşının birgə nigah dövründə alındığı üçün onun tələbinə dair iddia qaldırmışdır. Bu nə dərəcədə döğrudur? Maşın mənim mülkiyyətimdə deyil axı? Mülki Məcəllənin 152.8 maddəsinə əsasən mən etibarnamə ilə mülkiyyətçi sayıla bilərəmmi? İddiaçının iddiası əsassızdırmı? Zəhmət olmasa cavablandırın! Çox sağ olun!

Salam.

Əgər başqa şəxsin mülkiyyətindərisə onda məhkəmə bu iddianı rədd etməlidir. Lakın məhkəmə araşdırmanı zamanı müəyyən edilsə ki, həmin əmlak faktiki olaraq sizin mülkiyyətindədir və alqı-satqı vasitəsilə əldə olunub, onda məhkəmə fərqli qətnamə də qəbul edə bilər. Sizə etibarnamə verən şəxs məhkəməyə dəvət olunacaq və nə cür nəqliyyat vasitəsini sizə verdiyini deyəcək (nəzərə alınmalıdır ki, yalan ifadələrə görə cinayət məsuliyyətinə cəlb oluna bilər).

Sualınıza görə təşəkkür edirik.

2011-05-05

1235  Rasul (05-05-2011) Salam! Man beş mərtəbəli evin birinci mərtəbəsində yaşayiram!Şimal künc olduğu üçün evin divarları qaralır! Mənzilin eyvanı ise yoxdur!Manim sualım odur ki. eyvan artırmaq üçün qanunı yollar var və hansılardır? Təbii ki qeyri qanuni eyvanı olanlar çoxdur və nedense onlara göz yumurlar. mənə isə deyirler ki İcradan icazə al! Cavaba göre əvvəlcədn öz təşəkkürimi bildirirem! Hörmətlə Rəsul !

Salam.

Azərbaycan Respublikası Mənzil Məcəlləsinin 4-cü fəslində yaşayış sahəsinin yenidən qurulması və yenidən planlaşdırılması hüquqnuz nəzərdə tutulub. Həmin hərəkətləri yerinə yetirmək üçün müvafiq dövlət orqanı ilə razılaşdırmalısınız (yerli icra orqanı) və onların bu barədə qərarı olmalıdır.

Həmçinin əlavə məsləhət almaq üçün bizim firmaya (De Jure hüquq firması) müraciət edə bilərsiniz. 

Yaxud hüquq üzrə treninqlərdə iştirak edə bilərsiniz. 

Bütün xidmətlər ödənişlidir. 

Sualınıza görə təşəkkür edirik!

 2011-05-05

1236  Xəzər (06-05-2011) Salam. Zəhmət olmasa deyin: müqavilə və əqdin nə fərqi var?

Salam.

Mülki Məcəllənin 324.1-ci maddəsinə əsasən əqd mülki hüquq münasibətinin əmələ gəlməsinə, dəyişdirilməsinə və ya xitamına yönəldilmiş birtərəfli, ikitərəfli və ya çoxtərəfli iradə ifadəsidir.

İki və daha çox tərəfli əqd müqavilə adlandırılır. Əqd daha gehiş anlayışdır. Müqavilə hər zaman əqddir. Lakın əqd hər zaman müqavilə ola bilməz (Misal üçün birtərəfli əqd Etibarnamə ola bilər).

Həmçinin əlavə məsləhət almaq üçün bizim firmaya (De Jure hüquq firması) müraciət edə bilərsiniz. 

Yaxud hüquq üzrə treninqlərdə iştirak edə bilərsiniz. 

Bütün xidmətlər ödənişlidir. 

Sualınıza görə təşəkkür edirik!

 2011-05-08

1237  Rehman (06-05-2011) Salam, hormetli De Jure! Bilmek isterdim zebt olunmush torpaq sahesini auksiondan kenar almaq olarmi? Umumiyyetle bele torpaqlarin belediyyelerden satin alinmasinda hansi tecrubeden ve ya huquq normasindan istifade olunur? Deyilenlere gore bele olduqda, mubahise yoxdursa, torpaq sahesi zebt edene teklif olunur. Chox sag olun.

Salam.

Məsələ ilə əlaqədar ətraflı məlumat almaq üçün aşağıdakı normativ aktlarla tanış olmağınız məqsədəuyğundur:

• Bələdiyyə torpaqlarının idarə edilməsi haqqında Qanun
• Bələdiyyə torpaqlarının ayrılmasına dair sənədlərin hazırlanması və razılaşdırılması qaydaları haqqında Əsasnamənin təsdiq edilməsi barədə Qanun

Həmçinin əlavə məsləhət almaq üçün bizim firmaya (De Jure hüquq firması) müraciət edə bilərsiniz. 

Yaxud hüquq üzrə treninqlərdə iştirak edə bilərsiniz. 

Bütün xidmətlər ödənişlidir. 

Sualınıza görə təşəkkür edirik!

 2011-05-09

1238  İlqar (06-05-2011) Salam Dejure. İddiaçı öz ərizəsini geri götürsə(tərəflər razılığa gəlsə)cavabdeh tərəfin üzərində cinayət faktı qalırmı? Sağ olun.

Salam.

Əgər cinayət tərkibi yoxdursa və Cİnayət Prosessual Məcəlləsi ilə həmin məsələ aidiyyəti hüquq mühafizə orqanlarının səlahiyyətinə aid edilmirsə məhkəmə tərəflərin razılığını nəzərə alıb icraaata xitam verilə bilər.

Həmçinin əlavə məsləhət almaq üçün bizim firmaya (De Jure hüquq firması) müraciət edə bilərsiniz. 

Yaxud hüquq üzrə treninqlərdə iştirak edə bilərsiniz. 

Bütün xidmətlər ödənişlidir. 

Sualınıza görə təşəkkür edirik!

 2011-05-09

1239  Kamran (07-05-2011) Salam! Torpağın mülkiyyətə verilməsinə dair Şəhadətnamədə, mülkiyyət sahibinin ailə üzvlərinin siyahısı düzgün verilməmişdir(mülkiyyətə aidiyyəti olmayan şəxslərin adları siyahıda göstərilmişdir). Dövlət Torpaq və Xəritəçəkmə Komitəsi tərəfindən düzəlişin aparılması üçün Məhkəmə aktı tələb edilir. Sizdən xahiş edirəm ki, Şəhadətnamənin yenidən işlənməsi məqsədilə, əsaslandırılmış iddia qaldırmaq üçün ərizə forması göndərəsiniz. Çox təşəkkür edirəm.

Salam.

Ərizə formaları portalın bu bölməsində yerləşdirilib. Digər hüquqi xidmətlər isə ödənişlidir. 

Həmçinin əlavə məsləhət almaq üçün bizim firmaya (De Jure hüquq firması) müraciət edə bilərsiniz. 

Yaxud hüquq üzrə treninqlərdə iştirak edə bilərsiniz. 

Bütün xidmətlər ödənişlidir. 

Sualınıza görə təşəkkür edirik!

2011-05-10

1240  Naza (08-05-2011) Men 12 ildir hech bir senedi olmayan menzilde yashayiram, xahish edirem deyin,o menzili men oz adima ozelleshdire bileremmi? (menzilin hech bir yerde qeydiyyati yoxdur, avariynidir)

Salam.

Mülki Məcəllənin 178.5-ci maddəsinə əsasən əgər daşınmaz əmlakın dövlət reyestrində əsassız qeydə alınmış mülkiyyətçi qeydəalmanın əsassız olduğunu bilməyərək, torpaq sahəsinə 10 il ərzində fasiləsiz və etirazsız sahiblik etmişsə, həmin şəxs bu torpaq sahəsinin mülkiyyətçisi sayılır.

Lakın buna dair məhkəməyə sübut təqdim etməlisiniz. 

Həmçinin əlavə məsləhət almaq üçün bizim firmaya (De Jure hüquq firması) müraciət edə bilərsiniz. 

Yaxud hüquq üzrə treninqlərdə iştirak edə bilərsiniz. 

Bütün xidmətlər ödənişlidir. 

Sualınıza görə təşəkkür edirik!

2011-05-10

1241  Naza (08-05-2011) Salam. Xahish edirem deyin, Bakida xarici vetendashin evi oldugda, eyer o vefat ederse, ev kime qalar? ev kupchalidir, teshekkur edirem

Salam.

Aidiyyəti orqanlar (notariat və s.) həmin əcnəbinin yaxın qohumlarına xəbər verilməlidir, ki onlar vərəsəlik hüququndan istifadə etsinlər və ya vəsiyyətnamə varsa miras vəsiyyət üzrə şəxsə verilməlidir. Əgər bu mümkün olmadıqda Mülki Məcəllənin 1165.1-ci maddəsinə uyğun olaraq əgər nə qanun üzrə, nə də vəsiyyət üzrə vərəsə yoxdursa və ya vərəsələrdən heç biri mirası qəbul etməmişdirsə, yaxud bütün vərəsələr vərəsəlik hüququndan məhrum edilmişdirsə, vərəsələri olmayan əmlak dövlətə keçir; əgər miras qoyan şəxs qocalar, əlillər və sağlamlıq imkanları məhdud uşaqlar üçün müəssisələrin, müalicə, tərbiyə və sosial təminat müəssisələrinin təminatında olmuşdursa, onların mülkiyyətinə keçir.

Həmçinin əlavə məsləhət almaq üçün bizim firmaya (De Jure hüquq firması) müraciət edə bilərsiniz. 

Yaxud hüquq üzrə treninqlərdə iştirak edə bilərsiniz. 

Bütün xidmətlər ödənişlidir. 

Sualınıza görə təşəkkür edirik!

 2011-05-10

1242  Rovsen (21:05:22) salam. menim atam 1998-ci il ilde sehheti ile elaqedar 3-cy qrup ellillik almisdi. 1 ilin tamaminda atamin tekidi ile elillik legv edilmisdir. bu kecen 13 ilde atamin sehhetinde hec bir irelileyis olmamisdir. o yeniden elillik ala bilermi? ve bunun ucun hara ve hansi senedlerle muraciet etmek lazimdir? tesekkur

Salam.

Hər bir halda bu hüquq onda var. Səhhətinə dair aidiyyəti sənədlər toplayıb ərizə ilə sosial müdafiə fonduna müraciət etməlisiniz.

Həmçinin əlavə məsləhət almaq üçün bizim firmaya (De Jure hüquq firması) müraciət edə bilərsiniz.

Yaxud hüquq üzrə treninqlərdə iştirak edə bilərsiniz.

Bütün xidmətlər ödənişlidir.

Sualınıza görə təşəkkür edirik!

2011-05-10

1243  Kamran (10-05-2011) Salam! 1239-cu suala cavabda göstərilən linkdə axtarılan mövzuda ərizə forması tapa bilmədim. Sizdən xahiş edirəm belə müraciət ilə əlaqdəar ərizə yazılmasına istiqamət verəsiniz. Təşəkkür edirəm.

Salam.

Bunun üçün aidiyyəti qanunvericiliklə tanış olmalısınız, o cümlədən Mülki Prosessual və Mülki Məcəllələrlə.

Bütün digər xidmətlər ödənişlidir.

Xahiş edirik nəzərə alasınız.

2011-05-10

1244  Agamir (2011-05-10) Salam. belə bir sualla rastlaşmışıq. Cavabını tapa bilmirik. \"Vəkillik fəaliyyətinin müstəsna dairəsinə aid edilən hallar hansılardır?\" evvəlcədən təşəkkür edirik.

Salam.

Vəkillər və vəkillik fəaliyyəti haqqında Qanunun 4-2-ci maddəsinə əsasən cinayət işləri üzrə şübhəli və ya təqsirləndirilən şəxsin müdafiəsi, mülki işlər üzrə kassasiya (əlavə kassasiya) şikayəti və ya məhkəmə aktına yeni açılmış hallar üzrə yenidən baxılması haqqında ərizə vermiş şəxsin Azərbaycan Respublikası Ali Məhkəməsində təmsil edilməsi, habelə hüquq və azadlıqlarının pozulması ilə bağlı şikayət vermiş ərizəsinin Azərbaycan Respublikası Konstitusiya Məhkəməsində təmsil edilməsi vəkillik fəaliyyətinin müstəsna dairəsidir.

Həmçinin əlavə məsləhət almaq üçün bizim firmaya (De Jure hüquq firması) müraciət edə bilərsiniz. 

Yaxud hüquq üzrə treninqlərdə iştirak edə bilərsiniz. 

Bütün xidmətlər ödənişlidir. 

Sualınıza görə təşəkkür edirik!

2011-05-10

1245  Xəyalə (10-05-2011) Hörmətli De Jure, A.R. Əmək Məcəlləsinin 114.6 (Əmək məzuniyyəti dövrünə təsadüf edən iş günü hesab olunmayan bayram günləri məzuniyyətin təqvim günlərinə daxil edilmir və ödənilmir) maddəsi əməkdaşların məzuniyyət və əmək haqqlarını hesablayarkən sual doğurur Sualımı konkret misal üzərində izah etmək istəyirəm. Məsələn: A işçi iyun ayında tam işləyir və bayram günlərini qeyri-iş günü kimi keçirir.Bu hal onun əmək haqqısında təsir etmir. B işçi isə 14-30 iyun tarixlərində məzuniyyətdə olur və 2 qeyri-iş gününü 1,2 iyul tarixlərində bayram günlərinin əvəzi olaraq istifadə edir. Lakin B işçi digər əməkdaşlar kimi 2 qeyri-iş günü hüququndan istifadə etdikdə ona qanuna uyğun olaraq məzuniyyət haqqı ödənilmir. Sözügedən qeyri-iş günləri əməkdaşın öz hesabına olur,yəni həmin günlərə görə əməkdaşa heç əmək haqqı da ödənilmir. Sual: Misalda göstərilmiş əlavə iki gün iyul ayında əməkdaşın orta aylıq əmək haqqına təsir edəcəkmi? Bu günlər üçün əmək/h-nın ödənməsi qanuna ziddirmi? Təşəkkür edirəm

Salam.

Özünüz qeyd etdiyiniz kimi Əmək Məcəlləsinin 114.6-cı maddəsinə əsasən əmək məzuniyyəti dövrünə təsadüf edən iş günü hesab olunmayan bayram günləri məzuniyyətin təqvim günlərinə daxil edilmir və ödənilmir. Bu müddəa özü izah edir. 

Yəni məzuniyyətin təqvim günlərinə daxil edilmir, misal üçün işçiyə 21 gün məzuniyyət verdikdə və bu müddət ərzində 2 bayram günü düşdükdə ümumi 23 gün məzuniyyət təqdim edilməlidir (bayram günləri daxil edilmir). Belə ki, burda heç bir ziddiyyət yoxdur, sadəcə yanaşma fərqli idi.

Həmçinin əlavə məsləhət almaq üçün bizim firmaya (De Jure hüquq firması) müraciət edə bilərsiniz. 

Yaxud hüquq üzrə treninqlərdə iştirak edə bilərsiniz. 

Bütün xidmətlər ödənişlidir. 

Sualınıza görə təşəkkür edirik!

1246  Seymur (10-05-2011) Salam mən qardaşımla eyni unvanda yaşayırıq qardaşım öz maşınını mənə sürmək üçün etibarnamə verdikdə mən onu qeydiyyata saldırmalıyam? texpasportdakı ünvan men qeydiyatda olduğum ünvandır.

Salam.

Bu suala Məsləhətxananın 986-cı maddəsində cavablandırmışıq. Bəli qeydiyyatdan keçirilməlidir.

İnzibati Xətalar Məcəlləsinin 154.1maddəsinə əsasən nəqliyyat vasitələrinin sahibləri və ya sürücüləri tərəfindən müəyyən edilmiş qaydada və müddətdə nəqliyyat vasitəsinin dövlət qeydiyyatından və texniki baxışdan keçirməməyə və ya dövlət qeydiyyatından keçirilmiş nəqliyyat vasitəsi icarə müqaviləsi, etibarnamə əsasında başqa şəxsə verildikdə onu təkrar dövlət qeydiyyatından keçirməməyə, yaxud nəqliyyat vasitəsinin geri qaytarılması barədə öhdəçiliyə əməl etməməyə, eləcə də nəqliyyat vasitəsinin özgəninkiləşdirilməsinin rəsmiləşdirilməsi və ya girov qoyulması qaydalarının pozulmasına görə

—       fiziki şəxslər otuz manat miqdarında, vəzifəli şəxslər qırx manatdan yetmiş manatadək miqdarda cərimə edilir.

Sualınıza görə təşəkkür edirik.

2011-05-11

1247  Kerim (11-05-2011) Salam, ahilliga gore muavinetin meblegi ne qeder nezerde tutulub?

Salam.

Aztəminatlı əhalinin sosial müdafiəsinin gücləndirilməsi tədbirləri barədə Fərmana uyğun olaraq yaşa görə müavinət - 50 manat təşkil edir.

Həmçinin əlavə məsləhət almaq üçün bizim firmaya (De Jure hüquq firması) müraciət edə bilərsiniz. 

Yaxud hüquq üzrə treninqlərdə iştirak edə bilərsiniz. 

Bütün xidmətlər ödənişlidir. 

Sualınıza görə təşəkkür edirik!

 2011-05-12

1248  Ceyhun (11-05-2011) Salam. Məni gecə vaxtı və növbəli iş rejimində işləyən işçilərin əməyinin ödənilməsi qaydaları barədə sənədlər maraqlandırır. Zəhmət olmasa bu barədə olan sənədlərə məni istiqamətləndirəsiniz.

Salam.

Gecə vaxtı yerinə yetirilən iş, habelə çoxnövbəli iş rejiminə görə əmək haqqı həddinin müəyyən edilməsi barədə Nazirlər Kabinetinin Qərarını rəhbər tutun.

Həmçinin əlavə məsləhət almaq üçün bizim firmaya (De Jure hüquq firması) müraciət edə bilərsiniz. 

Yaxud hüquq üzrə treninqlərdə iştirak edə bilərsiniz. 

Bütün xidmətlər ödənişlidir. 

Sualınıza görə təşəkkür edirik!

2011-05-12

1249  Agamir (11-05-2011) Salam. bilmək istəyirəm Azərbaycan Respublikasının 1995-ci ildə qəbul edilmiş Konstitusiyasına neçə dəfə dəyişiklik edilib?

Salam.

Aşağıdakıları nəzərə alın:

1. 21 iyun 2002-ci il tarixli Azərbaycan Respublikası Konstitusiya Məhkəməsinin Qərarı («Azərbaycan» qəzeti 22 iyun 2002-ci il, № 140); Azərbaycan Respublikası Mərkəzi Seçki Komissiyasının 29 avqust 2002-ci il tarixli 99/372 nömrəli Qərarı («Azərbaycan» qəzeti 19 iyun 2002-ci il, № 216)

2. 1 avqust 2003-cü il tarixli Azərbaycan Respublikası Konstitusiya Məhkəməsinin Qərarı («Azərbaycan» qəzeti, 03 avqust 2002-ci il, № 176 Azərbaycan Respublikası KonstitusiyaMəhkəməsinin Məlumatı  3/2003)

3. 21 iyun 2005-ci il tarixli Azərbaycan Respublikası Konstitusiya Məhkəməsinin Qərarı («Azərbaycan» qəzeti, 22 oktyabr 2002-ci il, № 245 Azərbaycan Respublikası Konstitusiya Məhkəməsinin Məlumatı  1/2006)

4. 13 dekabr 2005-ci il tarixli 7-IIIKQD nömrəli Azərbaycan Respublikası Konstitusiya Qanunu (“Azərbaycan” qəzeti  15 dekabr 2005-ci il, № 290, Azərbaycan Respublikasının Qanunvericilik Toplusu, 2005-ci il, № 12, maddə 1078)

5. 24 dekabr 2008-ci il tarixli Azərbaycan Respublikası Konstitusiya Məhkəməsinin Qərarı («Azərbaycan» qəzeti 25 dekabr 2008-ci il, № 288); 30 mart 2009-cu il tarixli 19/86 nömrəli Azərbaycan Respublikası Mərkəzi Seçki (Referendum) Komissiyasının Qərarı (“Azərbaycan” qəzeti  31 mart 2009-cu il, № 66, Azərbaycan Respublikasının Qanunvericilik Toplusu, 2009-cu il, № 03, maddə 158,)

Həmçinin əlavə məsləhət almaq üçün bizim firmaya (De Jure hüquq firması) müraciət edə bilərsiniz. 

Yaxud hüquq üzrə treninqlərdə iştirak edə bilərsiniz. 

Bütün xidmətlər ödənişlidir. 

Sualınıza görə təşəkkür edirik!

 2011-05-12

1250  Nərminə (15-05-2011) salam. televiziya vasitesiile elan edilmishdir ki sovet dovrunde ali mektebleri bitirenler-magistr adini dashiyirlar...ishe qebul zamani muvafiq bolmede magistr yazmaga ixtiyarim varmi...1986 ci ilde Baki Dovlet Universitetini bitirmishem evvelcedem oz minnetdarligimi bildirirem..

Salam.

Təhsil haqqında Qanunun 1.0.35-ci  magistr - magistraturanı bitirmiş şəхslərə verilən ali elmi-iхtisas dərəcəsidir. Müvafiq ali təhsil pilləsini əldə etmiş şəxslər aiodiyyəti üzrə fəaliyyət göstərə bilərlər. Qanunun 22.3-cü maddəsinə əsasən bakalavriat təhsil səviyyəsində tam orta təhsil və orta iхtisas təhsili bazasında ayrı-ayrı ixtisasların təhsil prоqramları üzrə geniş prоfilli ali təhsilli mütəхəssislər hazırlanır. Bakalavriat təhsili başa çatmış ali təhsildir. Bakalavriatı bitirən məzunlara «bakalavr» ali peşə-ixtisas dərəcəsi verilir. Bakalavriat təhsili almış məzunların əmək fəaliyyəti sahəsi elmi tədqiqat və ali təhsil müəssisələrində elmi-pedaqоji fəaliyyət istisna оlmaqla, bütün digər sahələri əhatə edir.

Həmin Qanunun 22.4-cü maddəsinə əsasən isə magistratura təhsili ixtisaslaşmalar üzrə hər hansı iхtisas sahəsinin elmi tədqiqat və ya peşəkar məqsədlər üçün daha dərindən öyrənilməsini nəzərdə tutur və məzunlara peşəkar fəaliyyətlə, elmi tədqiqat və elmi-pedaqоji işlərlə məşğul оlmaq hüququ verir.

Qanun qüvvəyə minənədək ali məktəbdə 5 il (əyani) oxuyan şəxslər mütəxəssis dərəcəsini alırdılar və öx təhsilini aspiranturda (hazırda doktoranturada) davam etdirə bilərdilər. Buna görə görə də mütəxəssis dərəcəsini alanlar magistr dərəcəsinə bərabərdir (məhz, elmi tədqiqat və elmi-pedaqоji işlərlə məşğul оlmaq hüquqları olduğu üçün).

Həmçinin əlavə məsləhət almaq üçün bizim firmaya (De Jure hüquq firması) müraciət edə bilərsiniz. 

Yaxud hüquq üzrə treninqlərdə iştirak edə bilərsiniz. 

Bütün xidmətlər ödənişlidir. 

Sualınıza görə təşəkkür edirik!

2011-05-16

1251  Nərminə (15-05-2011) salam... ailede uc neferik-yodashim men ve oglum-telebedir...yoldashim ishlemir...evvel ailede her adam bashina minimum emek haqqindan az pul dushurduse aile elave pul alirdi..bilmek isterdim indi bu qanun quvvededirmi ve hansi shertlerle...cavabiniz ucun evvelceden minnetdaram..

Salam.

Bununla bağlı Məşğulluq haqqında Qanunla tanış olmağlınız məsləhətdir. Əgər şəxs işsizdirsə, o müvafiq məşğulluq idarəsinə müraciət etməlidir və iş ilə təmin olunmasa təsdiq olunmuş təqaüdün minimum məbləği onun üçün müəyyən olunmalıdır.

Həmçinin əlavə məsləhət almaq üçün bizim firmaya (De Jure hüquq firması) müraciət edə bilərsiniz. 

Yaxud hüquq üzrə treninqlərdə iştirak edə bilərsiniz. 

Bütün xidmətlər ödənişlidir. 

Sualınıza görə təşəkkür edirik!

2011-05-16

1252  Bahruz (2011-05-15) Salam. 22 yanvar 1993-cü il Mülki,ailə və cinayət işləri üzrə hüquqi yardım və hüquqi münasibətlər haqqında (Minsk) Konvensiyasını necə əldə edə bilərəm? Əvvəlcədən təşəkkür edirəm.

Salam.

Milli Məclisin Qərarı ilə Azərbaycan Respublikası Müstəqil Dövlətlər Birliyinin iştirakçısı olan dövlətlərin «Mülki, ailə və cinayət işləri üzrə hüquq münasibətləri və hüquqi yardım haqqında» 1993-cü il yanvarın 22-də Minsk şəhərində bağladığı Konvensiyaya qoşulmuşdur. 

Həmçinin əlavə məsləhət almaq üçün bizim firmaya (De Jure hüquq firması) müraciət edə bilərsiniz. 

Yaxud hüquq üzrə treninqlərdə iştirak edə bilərsiniz. 

Bütün xidmətlər ödənişlidir. 

Sualınıza görə təşəkkür edirik!

 2011-05-16

1253  Xəzər (16-05-2011) Salam. Zəhmət olmasa deyin: 1. əqd və müqavilənin nə fərqi var, 2. zərər və ziyanın nə fərqi var?

Salam.

Sual - 1236.

Sizin sualınıza qismən cavab verilmişdir (Əqd və müqavilə barədə). Ziyan və zərər oxşar anlayışlardır. Və çox vaxt onları fərqləndirmirlər. Lakın əslində nəzəri baxımdan bir az fərq var. Belə ki, ziyanın nəticəsində zərər yaranır (maddi və ya mənəvi). Misal üçün bir şəxs o biri şəxsin nəqliyyat vasitəsinə ziyan vurdu (əzdi və s.) və bunun nəticəsində ikinci şəxsin ziyanın nəticəsində dəymiş zərərin əvəzini tələb etmək hüququ var.

Mülki Məcəllənin 21.2-ci maddəsinə əsasən zərər dedikdə, hüququ pozulmuş şəxsin pozulmuş hüququnu bərpa etmək üçün çəkdiyi və ya çəkməli olduğu xərclər, əmlakından məhrum olması və ya əmlakının zədələnməsi (real zərər), habelə hüququ pozulmasaydı, həmin şəxsin adi mülki dövriyyə şəraitində əldə edəcəyi gəlirlər (əldən çıxmış fayda) başa düşülür.

Həmçinin əlavə məsləhət almaq üçün bizim firmaya (De Jure hüquq firması) müraciət edə bilərsiniz.

Yaxud hüquq üzrə treninqlərdə iştirak edə bilərsiniz.

Bütün xidmətlər ödənişlidir.

Sualınıza görə təşəkkür edirik!

2011-05-16

1254  Anar (16-05-2011) Salam,əvvəlcədən edəcəyiniz köməyə görə sizə minnətdarliğımı bildirirəm.Zəhmət olmasa açıqlayardınız :Mən özümə məxsus ford markalı yük avtomobilimlə hərəkət etdiyim zamançmənim solumda hərəkət edən toyota markalı yük avtomobili qəflətən manevr ederek sağa dönmə əməlıyyatı yerinə yetirmış və nəticədə mənim avtomobilim sol tərəfdən əzilərək maddi ziyana məruz qalmışam.Qəzanı törədən avtomobilin sürücüsü dərhal hadisə yerini tərk etmiş və sonda təkidlərimiz sayəsində polis əməkdaşları tərəfindən hadısə yerinə cəlb edilmişdir.Bilmək istədiyim odurki,hadisə yerindən yayınmış avtomobili sonradan hadisə yerinə gətirərək necə sxem cəkib protokol tərtib etmək olar,Birdə zərərçəkən mən olduğum halda mənım avtomobilim nə qədər müddətdə cərimə meydançasinda qalmalı,heç bir qayda pozuntusuna yol vermediyim halda mənim avtomobilimi meydançadan çıxarmama görə hansısa qanunvericiliyə uyğun olaraq cərimə ödəməliyəmmi və nə qədər?

Salam.

İlk öncə səlahiyyətli şəxs (polis əməkdaşı) tərəfindən tərtib edildiyi protokol ilə tanış olmaq lazımdır və hansı pozuntuya görə sizi məsuliyyətə cəlb olunmasını müəyyən etmək lazımdır. Əgər həmin şəxs sui-istifadəyə yol veribsə onun hərəkətlərindən şikayət etmək olar. Eyni zamanda həmin protokoldan və onun əsasında qəbul olunmuş qərardan məhkəməyə şikayət edə bilərsiniz. Əgər nəqliyyat vasitəsini  cərimə medyançasına aparılıbsa bunun üçün vacib səbəblər olmalıdır. 

Həmçinin əlavə məsləhət almaq üçün bizim firmaya (De Jure hüquq firması) müraciət edə bilərsiniz. 

Yaxud hüquq üzrə treninqlərdə iştirak edə bilərsiniz. 

Bütün xidmətlər ödənişlidir. 

Sualınıza görə təşəkkür edirik! 

 2011-05-17

1255  Niki (18-05-2011) Salam! Dövlət satınalmalar haqqında müqavilə nümunəsinə əlavələr etmək olar yoxsa dövlət tərəfindən təsdiq edimiş müqavilə forması olduğu üçün əlavələrin edilməsi qeyri mümkündür?

Salam.

Həmin müqaviləsi ona görə də təsdiq olunub ki, aidiyyəti qurumlar bu formadan dəyişikliksiz istifadə etsinlər (yoxsa sərbəst forma tətbiq olunardı). Lakın əgər həmin numunənin bəzi müddəalaırı tətbiq olunmursa, onda həmin müddaların qarşısında \"tətbiq olunmu sözləri əlavə oluna bilər\" (formanı və maddələrin sayını saxlamaq şərtilə). Misal üçün 16. Submüqavilələr hər zaman tətbiq olunmur və 10. Ehtiyat hissələri mövcud olmayanda və s.

Həmçinin əlavə məsləhət almaq üçün bizim firmaya (De Jure hüquq firması) müraciət edə bilərsiniz. 

Yaxud hüquq üzrə treninqlərdə iştirak edə bilərsiniz. 

Bütün xidmətlər ödənişlidir. 

Sualınıza görə təşəkkür edirik!

2011-05-18

1256  Rəsul (18-05-2011) Salam! Hormetli hüquqşunaslar! Bu saytin oldugu ucun sizə təşşəkkür ediram! Bir sual ilə sizə müraciət etmək istərdim! Qonşu qanunsuz tikili edim! 1 otaqlini 2 otaqli mənzilə cevirib va zirzami əlavə edib! Bu zirzəminin qapısı bizim yataq otagın penceresine cixir! Ev yiyəsidə orani qanunsuz kirayə verdiyi ücün bizi narahat edir! Bu ozbaşnalıqı aradan qaldırmaq ücün hansı tədbirlər görülməlidir? Cavab görə cox sağolun! Hörmətlə Rəsul müəlləm!

Salam.

İlk öncə qanunsuz tikili olduğunu sübut etməlisiniz. Əgər bu fakt sübut olunsa onda həmin tikili sökülə bilər. Bununla bağlı yerli icra hakimiyyət və hüquqmühafizə orqanlarına müraciət etməyiniz məqsədəuyğundur.

Həmçinin əlavə məsləhət almaq üçün bizim firmaya (De Jure hüquq firması) müraciət edə bilərsiniz. 

Yaxud hüquq üzrə treninqlərdə iştirak edə bilərsiniz. 

Bütün xidmətlər ödənişlidir. 

Sualınıza görə təşəkkür edirik!

 2011-05-19

1257  Reshadet (19-05-2011) Salam bagishlayin narahat edirem, amma bir sual meni cox dushundurur: Elektron biznesdə vergi olmalıdırmı? Eger olmalidirsa, verginin odenilmesi qaydalarini da qeyd etseniz memnun olardim... Onceden teshekkurler.

Salam.

Əgər gəlir əldə edirsinizsə onda mütləq vergi ödəməlisiniz. Gəlirinizin məbləğindən asılı olaraq verginin dərəcəsi də müəyyən olunur. Bunun üçün fərdi sahibkar (fiziki şəxs) və ya hüquqi şəxs qismində vergi orqanlarında qeydiyyatdan keçməlisiniz. Əgər gəlir ildə 90 000 manat məbləğindən azdırsa 4% sadələşdirilmiş vergi ödəyicisi kimi qeydiyyata alınırsınız, əgər bu məbləğdən çoxdursa 18% ƏDV ödəyicisi kimi.

Gəlir bank hesabınıza (və ya nağd) daxil olarkən ondan ödəniş tapşırığı əsasında və ya birbaşa vergi orqanlarına ödəyirsiniz.

Həmçinin əlavə məsləhət almaq üçün bizim firmaya (De Jure hüquq firması) müraciət edə bilərsiniz. 

Yaxud hüquq üzrə treninqlərdə iştirak edə bilərsiniz. 

Bütün xidmətlər ödənişlidir. 

Sualınıza görə təşəkkür edirik!

 2011-05-19

1258  Kerim (19-05-2011) Salam, vesiyyet uzre mulke verese teyin etmek ucun senedi nece tertib etmek lazimdir?Bu barede melumat vermeyinizi xahis edirem.

Salam.

Bu cür suallar çox olduğu üçün ayrıca bölmə açılmışdır -  Vərəsəlik hüququ haqqında şəhadətnamələrin verilməsi

Həmçinin əlavə məsləhət almaq üçün bizim firmaya (De Jure hüquq firması) müraciət edə bilərsiniz. 

Yaxud hüquq üzrə treninqlərdə iştirak edə bilərsiniz.

 Bütün xidmətlər ödənişlidir. 

Sualınıza görə təşəkkür edirik!

 2011-05-19

1259  Yaqub (20-05-2011) salam. 1.sırf \"hüquq stajı\" verən vəzifələr hansılardır və ya onları necə müəyyən etmək olar?2. Ali hüquq təhsili tələb edən vəzifələrdə (ehtiyyac olduğu təqdirdə) qiyabi ali hüquq təhsilinin (ikinci təhsil) neçənci kursundan işləmək olar? öncədən təşəkkürlər.

Salam.

1. Hüquqşünas ixtisası üzrə vəzifələr kifayət qədər çoxdur və onların sadalanması əhəmiyyətsizdir (vəkilin köməkçisi, müstəntiq, prokurorun köməkçisi, hüquq məsləhətçi, hüquq məsələlər üzrə ekspert, hüquqçu və s.). Bu elə vəzifələrdir ki, öz funsiyalarını yerinə yetirməsi üçün hüquqi təhsil tələb olunur. 

2. Bu artıq işəgötürənlə olan razılaşmadan asılıdır. Əgər həmin iş üzrə hüquq üzrə iş təcrübəsi və tam hüquqi təhsil tələb edilmir hansı kursda oxudumağınız əhəmiyyət kəsb etmir.

Bu qədər.

2011-05-21

1260  Yaqub (20-05-2011) salam. mövcud müvafiq qanunvericiliyə görə təqaüdçü baba öz nəvəsini valideyinlərinin razılığı ilə övladlığa (qəyyumluğ) götürə bilərmi?

Salam.

Öz valideynləri ola-ola baba tərəfdən övladlığa götürülməsi məsələsi təəccüb doğurur. Bunun üçün həmin uşağın valideynləri öz valideynlik hüquqlarından məhkəmə qaydasında məhrum edilməlidir (bu isə çox mürəkkəb məsələdir).

Həmçinin əlavə məsləhət almaq üçün bizim firmaya (De Jure hüquq firması) müraciət edə bilərsiniz. 

Yaxud hüquq üzrə treninqlərdə iştirak edə bilərsiniz. 

Bütün xidmətlər ödənişlidir. 

Sualınıza görə təşəkkür edirik!

2011-05-21

1261  Vasif (20-05-2011) Salam.Mən universitetin son kursunda oxuyuram.Yerli hərbi komissarlığımızdan mənə çağırış gəldi.Hərbi komissiyadan keçdikdə həkim mənə sənin gözün zəifdir dedi və səni bu gözlə hərbi xidmətə göndərmək olmaz dedi.Lakin komissar təkrar bakıya göndərərək Göz Klinikasından keçməyimi bildirdi.Göz klinikasında isə mənim yararlı olduğumu bildirdilər. Hansının haqlı olduğumu bilməyim üçün xahiş edirəm ki, mənə köməklik edəsiniz. Hansı zəflik dərəcəsinin hərbi xidmətə yararsız olduğunu hansısa bir qaynaqdan öyrənə bilərəm? Əsgərlikdən qorxmuram amma gözlə də zaraaft olmaz.

Salam.

Əgər məsələni mübahisələndirmək istəyirsiniz Hərbi-həkim ekspertizası haqqında Əsasnamə ilə tanış olmalısınız (paraqraf 29). Daha sonra aidiyyəti üzrə şikayət edə bilərsiniz.

Bu qədər.

2011-05-21

1262  Sahrab (23-05-2011) Salam! Zəhmət olmasa deyin, hal-hazırda ölkəmizdə gözətçilər haqqında (mühafözə yox, qapıda duran və yaxud gecələr hər hansı obyekti qoruyan pensioner insanlar üçün)hər hansı normativ akt mövcuddurmu??? Təşəkkürlər.

Salam.

FƏHLƏ PEŞƏLƏRİ VƏ İŞLƏRİN VAHİD TARİF-İXTİSAS SORĞU KİTABÇASInın (hissə 1) 46-cı paraqrafa diqqət yetirin 

46. GÖZƏTÇİ

İşin xüsusiyyəti.

2-ci dərəcə

Rəhbərliyin nümayəndəsi və ya növbəni təhvil verən gözətçi ilə birlikdə qorunan obyektdə qıfıl və başqa bağlayıcı qurğuların, damğanın, yanğına qarşı inventarın olmasını, siqnalizasiyanı, telefonun sazlığını, işıqlanmanın olmasını təmin edir. Obyekti qorumaq üçün təhvil aldığı vaxt nasazlıqlar üzə çıxarsa - sındırılmış qapı, pəncərə, qıfıl, damğanın və ya möhürün və s. olmaması haqqında - özünün tabe olduğu şəxsə, rəhbərliyin nümayəndəsinə və polis şöbəsinin növbətçisinə xəbər verir və polis nümayəndəsi gələnə qədər izin qorunmasını təmin edir. Obyektdə yanğın baş verdikdə həyəcan siqnalının verilməsi, yanğın söndürənlərin və polis şöbəsinin növbətçisinin xəbərdar edilməsi, yanğın söndürülməsi üçün tədbirlərin görülməsi. Müəssisə, idarə, təşkilatın girəcəyində növbə çəkdikdə işlərin, müştərilərin, nəqliyyatın müəssisə, idarə, təşkilatın ərazisinə və lazımi sənədlər təqdim etdikdən sonra geri buraxılmasına nəzarət. Faktiki yüklənmiş yükün sənədlərlə tutuş-durulması, darvazanın açılıb bağlanması. Jurnalda qeydlər aparmaqla növbənin qəbul edilməsi və təhvil verilməsi. Giriş-çıxış sahəsini lazımi sanitariya vəziyyətində saxlanılması.

Bilməlidir: buraxılış rejiminə aid təlimat və əsasnamələri, müəssisə, idarə və təşkilatlara gediş-gəliş vəsiqələrinə, qiymətli materialları çıxarmaq üçün buraxılış vərəqələrinə imza çəkib icazə verən şəxslərin imza nümunəsini, daimi və müvəqqəti buraxılış vərəqələrinin nümunələrini, obyektlərin qorunma təlimatlarını və qaydasını, qorunan obyektlərin sərhədini, rəhbərliyin nümayəndəsinin və polis şöbəsi növbətçisinin telefon nömrələrini.

Həmçinin əlavə məsləhət almaq üçün bizim firmaya (De Jure hüquq firması) müraciət edə bilərsiniz. 

Yaxud hüquq üzrə treninqlərdə iştirak edə bilərsiniz. 

Bütün xidmətlər ödənişlidir. 

Sualınıza görə təşəkkür edirik! 

2011-05-25

1263  Kamran (23-05-2011) Salam! Dövlət Reyestr Xidmetinden mülkiyyətə qeydiyyatdan çıxarış verilməsi üçün 30 AZN, texniki pasporta görə 50 AZN dövlət rüsumu ödənilmişıdir. Sənədlər hazır olduqdan sonra, əlavə 32 AZN xidmət haqqı tələb olunur. Belə tələb qanunidirmi? Çox təşəkkür edirəm.

Salam.

Əgər bu ödəniş qanunvericiliklə nəzərdə tutulmayıbsa və əvəzinə sizə heç bir qəbz verilmirsə bu tələb qeyri-qanunidir. 

Sualınıza görə təşəkkür edirik!

2011-05-25

1264  Ceyhun (24-05-2011) Salam, Nəqliyyat vasitəsinə üzərində sərəncam və s. hərəkətləri həyata keçirməyə hüquq verən baş etibarnamə (30 illik) ilə həmin nəqliyyat vasitəsi necə özkəninkiləşdirilə (başqasının adına) bilər? Əvvəlcədən təşəkkür edirəm. 

Salam.

Həmin etibarnamədə Sizə verilən bütün hüquqlar göstərilib. Əgər sizin başqa şəxsə satmaq hüququnuz göstərilibsə deməli bu hüquqdan faydalana bilərsiniz.  Əgər sizin yalnız idarə etmək hüququnuz göstərilibsə onda həmin nəqliyyat vasitəsinin özgəninkəlişdirməsi yalnız onun mülkiyyətçinin iştirakı ilə mümkündür.

Həmçinin əlavə məsləhət almaq üçün bizim firmaya (De Jure hüquq firması) müraciət edə bilərsiniz. 

Yaxud hüquq üzrə treninqlərdə iştirak edə bilərsiniz.

 Bütün xidmətlər ödənişlidir. 

Sualınıza görə təşəkkür edirik!

2011-05-25

1265  Rehman (26-05-2011) Salam hormetli huquqsunaslar. Bele bir sualla Size muraciet etmek isteyirem. Konstitusiya Mehkemesine, butun instansiyalari kecdikden sonra, apellyasiya ve onunla bagli ali mehkemenin qerarindan sikayet vermek olarmi, yoxsa tekce kassasiya ve elave kassasiya sikayetlerinin neticesi uzre muraciet etmek lazimdir? Minnetdarliq edirem.

Salam.

Konstitusiya Məhkəməsi haqqında Qanunun 34.4-cü maddəsinə əsasən Konstitusiya Məhkəməsinə şikayət bir qayda olaraq aşağıdakı hallarda verilə bilər:

• məhkəmə aktından şikayət vermək hüququndan tam istifadə edildikdən sonra axırıncı məhkəmə instansiyasının qərarının (Azərbaycan Respublikası Ali Məhkəməsinin qərarının) qüvvəyə mindiyi andan altı ay müddətində; 
• ərizəçinin məhkəməyə müraciət etmək hüququnun pozulduğu andan üç ay müddətində.

Həmçinin, Qanunun 34.5-ci maddəsinə əsasən hüquq və azadlıqların pozulması nəticəsində ərizəçiyə ağır və bərpaedilməz zərərin vurulmasının digər məhkəmələr vasitəsi ilə qarşısının alınması mümkün olmadıqda şikayət bilavasitə Konstitusiya Məhkəməsinə verilə bilər.

Həmçinin əlavə məsləhət almaq üçün bizim firmaya (De Jure hüquq firması) müraciət edə bilərsiniz. 

Yaxud hüquq üzrə treninqlərdə iştirak edə bilərsiniz. 

Bütün xidmətlər ödənişlidir. 

Sualınıza görə təşəkkür edirik!

 2011-05-27

1266  Ceyhun (26-05-2011) Salam Dejure, 1.İctimai əsaslarla işləyən işçi barəsində əmək kitabçasında müvafiq qeydin aparılması nə dərəcədə qanunidir?2. Vaxtilə işçinin işdə müəyyən vəzifəyə qəbul edilməsi barədə əmri düzgün verilməyibsə və bu barədə qeyd artıq əmək kitabçasında aparılıbsa əmrdə və əmək kitabçasında düzəlişlər hansı yolla aparılmalıdır? Əvvəlcədən təşəkkür edirəm. 

Salam.

1. Şəxs ictimai əsaslarla işləyirsə, belə başa süşülür ki, təmənnasız çalışır. Lakın əmək münasibətlərində vacib şərt əmək müqaviləsinin olmasıdır. Əmək müqaviləsində isə əsas şərtlərdən biri əmək haqqıdır (və bundan irəli gəlir müvafiq vergi və rüsumların ödənilməsi; DSMF və s.). Ona görə də qanuni deyil.

2. Əmək kitabçasında düzəlişlər İşçilərin əmək kitabçasının forması və onun tərtibi Qaydalarının 3.5-ci maddəsinə əsasən hayata keçirilir. Və həmin düzəlişləri edərkən işəgötürən tərəfindən aidiyyəti əmr ilə rəsmiləşdirilməsi məqsədəuyğundur (və həmin əmrindən çıxarış əmək kitabçasına əlavə olunmalıdır). Səhvlər aradan qaldırarkən və  düzəlişlər aparılarkən səhv yazının yanında \"qeyd edilən yazı etibarsız sayılır\" və düzgün yazı əlavə olunur (həmçinin yeni əmrin nömrəsi də yazılır).

Həmçinin əlavə məsləhət almaq üçün bizim firmaya (De Jure hüquq firması) müraciət edə bilərsiniz. 

Yaxud hüquq üzrə treninqlərdə iştirak edə bilərsiniz. 

Bütün xidmətlər ödənişlidir. 

Sualınıza görə təşəkkür edirik!

 2011-05-27

1267  Elmira (26-05-2011) Salam. Hovsanda 5 sot torpaqda 3 otaqli evim var.Senedleri:1. 99 illik etibarname (qen.doverennost).2. Ev sahibinin yaxinlarinin raziliqi haqqinda sened.3. Tex.pasport. (Amma duzu \'tex.pasport\' nece olur bilmirem, 1-ci defedi gorurem) Senedin evvelinde menim adim, daha sonra ise torpaqin ve evin yerleshdiyi yeri ve olculeri gosteren sxem var. Sened hem kend soveti, hem de belediyye terefinden imzalanib ve pecat vurulub. Senedin tarixi: 29.04.2011.4. 2008-den beri vergilerin odenilmesi haqqinda qebz.Indi suallarim beledir: Cixarish almaq ucun bu senedler kifayetdirmi? Daha hansi senedler lazim olacaq?Cixarish almaq ucun ne etmeliyem?Hara muraciet etmeliyem?Teshekkur edirem.

Salam.

Daşınmaz əmlakın dövlət reyestri haqqında Qanunun 8 və 10-cu maddələri ilə tanış olmalısınız. Ola bilsin daşınmaz əmlak hələ özəlləşdirilməyib, buna görə də öncə dövlət əmlak komitəsinə müraciət etməyiniz məqsədəuyğundur, daha sonra həmin sənədlərlə daşınmaz əmlakın dövlət reyestr xidmətinə müraciət etməli olacaqsınız.

Həmçinin əlavə məsləhət almaq üçün bizim firmaya (De Jure hüquq firması) müraciət edə bilərsiniz. 

Yaxud hüquq üzrə treninqlərdə iştirak edə bilərsiniz. 

Bütün xidmətlər ödənişlidir. 

Sualınıza görə təşəkkür edirik!

 2011-05-27

1268  Mühasib (26-05-2011) Salam, sualım belədir. Doğuşdan sonra 3 il(36 ay) uşağa pul ödənir (18 ay 20 AZN, 18 ay 10 AZN). Əgər 26 ay sonra ikinci uşaq dünyaya gələrsə birinci uşağa verilən 10 AZN dayandırılırmı? Xahiş edirəm cavabın əsaslandığı məcəllənin maddəsini də göstərəsiniz.

Salam.

Sosial müavinətlər haqqında Qanunun 10.2-ci maddəsinə əsasən həmin Qanunun 7.0.12-ci, 9.1.4.1-ci, 9.1.4.2-ci, 9.1.6-cı, 9.1.7:ci və 9.1.9-cu maddələrində nəzərdə tutulmuş müavinətlər hər bir uşaq üçün təyin edilir.

Həmçinin əlavə məsləhət almaq üçün bizim firmaya (De Jure hüquq firması) müraciət edə bilərsiniz. 

Yaxud hüquq üzrə treninqlərdə iştirak edə bilərsiniz. 

Bütün xidmətlər ödənişlidir. 

Sualınıza görə təşəkkür edirik!

 2011-05-27

1269  Mühasib (26-05-2011) Sual: Təmirlə əlaqədar yollarda müvəqqəti qoyulmuş sürəti məhdudlaşdıran işarənin təsir güvvəsi har kimidir? (Təmir yerindən sonra heç bir işarə qoyulmayıb və təmir olunan yol qurtardıqdan 8 km sonra sağa yol ayrılır)

Salam.

Mümkünsə doğru adınızı qeyd edin. Müraciəti mürəkkəbləşdirir.

Yol hərəkəti haqqında Qanunun 69.VII.5) maddəsinə əsasən  yeri dəyişdirilə bilən dayaqlarda qurulmuş müvəqqəti yol nişanlarının və nişanlanma xətlərinin mənaları bir-birinə zidd gəldikdə, sürücülər yol nişanlarını əsas tutmalıdırlar.

Həmçinin Avtomobil yollarının layihələşdirilməsi, tikintisi, yenidən qurulması, təmiri və avtomobil yollarının qəbul edilməsi zamanı müayinənin, yoxlamanın və sınağın keçirilməsi Qaydalarının 3.7-ci bəndinə əsasən yolda təmir işləri aparılarkən hərəkətin təhlükəsizliyinin təmin edilməsi üzrə zəruri tədbirlər yerinə yetirilməlidir. Bu məqsədlə iş görüləcək sahədə qabaqcadan müvəqqəti yol işarələri, siqnal svetoforları, çəpərləmə, istiqamətləndirici qurğular quraşdırılmalıdır. Yolun hərəkət hissəsi müvəqqəti nişanlanmalı və zəruri hallarda təmir olunan sahədə dolama yol tikilməlidir.

Məsələ ilə bağlı yuxarı instansiyalara şikayət edə bilərsiniz.

Həmçinin əlavə məsləhət almaq üçün bizim firmaya (De Jure hüquq firması) müraciət edə bilərsiniz. 

Yaxud hüquq üzrə treninqlərdə iştirak edə bilərsiniz. 

Bütün xidmətlər ödənişlidir. 

Sualınıza görə təşəkkür edirik!

1270  Kerim (27-05-2011) Salam, arvad erinden miras aparirmi? Yani,mulkiyyet payi apara bilermi?

Salam.

Mülki Məcəllənin 1159-cu maddəsinə əsasən arvad (ər) birinci növbəli qanun üzrə vərəsələrə aiddir. Bəli bilər.

Həmçinin əlavə məsləhət almaq üçün bizim firmaya (De Jure hüquq firması) müraciət edə bilərsiniz. 

Yaxud hüquq üzrə treninqlərdə iştirak edə bilərsiniz. 

Bütün xidmətlər ödənişlidir. 

Sualınıza görə təşəkkür edirik!

 2011-05-27

1271  Gulya (27-05-2011) Salam, Sahelerarasi idareetme deyende ne nezerde tutulur? Bununla hansi orqan mesgul olur? Bununla bagli hansisa qanun varmi?

Salam.

İdarəetmə bir neçə fəaliyyət sahəni əhatə etdikdə sahələrarası idarəetmədir. Misal üçün bir çox fəaliyyət sahəsi var: təhsil, mədəniyyət, tibb, hərbi, istehsalat və s. Belə ki, ayrı ayrı qurumlara bir neçə fəaliyyət sahəsi üzrə idarəetmə həvalə edilə bilər. Qanunvericilikdə bu ifadənin dəqi anlayışı yoxdur.

2011-05-27

1272  Nigar (28-05-2011) Salam! Sualım beledir; Əgər müəssisədə ştat vahidi üzrə yer yoxdursa və həmin işçiyə ehtiyac yaranıbsa işəgötürən işçini işə qəbul edə bilərmi? Ştat vahidinin olması müəssisə üçün nə dərəcədə önəmlidir və hər hansı bir təlimatla tənzimlənirmi? Qeyd etmək lazımdır ki Əmək qanunvericiliyində bu haqqda geniş məlumat verilməmişdir.

Salam.

Müəssisənin Ştat cədvəli əgər özəl şirkətdirsə təsisçilər tərəfindən (adətən təsdiq olunur) və ya dövlət orqanıdırsa aidiyyəti yuxarı instaniyası ilə. Baxmayaraq ki, əmək qanunvericiliklə tam tənzimlənmir bu cədvəl önəmlidir və müəssənin rəhbəri bu cədvəli rəhbər tutmalıdır. Əgər əlavə ştat vahidin əlavə olunması zəruridirsə təsisçilərə və ya yuxarı dövlət orqanına müraciət etməyiniz məqsədəuyğundur. Planlaşdırılmamış xərclər sonradan problemlər yarada bilər.

Həmçinin əlavə məsləhət almaq üçün bizim firmaya (De Jure hüquq firması) müraciət edə bilərsiniz. 

Yaxud hüquq üzrə treninqlərdə iştirak edə bilərsiniz. 

Bütün xidmətlər ödənişlidir. 

Sualınıza görə təşəkkür edirik!

 2011-05-29

1273  Yunus (28-05-2011) Salam! İki uşağını atmış ata uzun illərdən sonra məhkəmənin qərarı ilə iki uşaq üçün ayda 80 manat aliment ödəməyə məhkum edilmişdir. Aradan iki ay keçməsinə baxmayaraq alimenti ödəmir! Onu necə məcbu r etmək olar!

Salam.

Əgər işləyirsə onun iş yerinə icra vərəqəni göndərməklə məcbur etmək olar, həmçinin onun əmlakına yönəldmək olar. Ümumiyyətlə isə bu cür məsələr mürəkkəbdir. Və elə olur ki, bu cür şəxslərin rəsmi qazanc yeri olmur. Və bir müddət keçdikdən sonra həmin şəxsi valideynlik hüququndan məhrum etmək olar.

Həmçinin əlavə məsləhət almaq üçün bizim firmaya (De Jure hüquq firması) müraciət edə bilərsiniz. 

Yaxud hüquq üzrə treninqlərdə iştirak edə bilərsiniz. 

Bütün xidmətlər ödənişlidir. 

Sualınıza görə təşəkkür edirik!

 2011-05-29

1274  Vusal (31-05-2011) Salam. Xarici şirkətlərdə neçə faiz yerli işçi olmalıdır? Yəni balans necə olmalıdır? Bu barədə hansı qanunvericilikdə məlumat verilir? Əvvəlcədən təşəkkürümü bildirirəm.

Salam.

Əmək Məcəlləsinin 5.1-ci maddəsinə əsasən Azərbaycan Respublikasının xarici dövlətlərlə, beynəlxalq təşkilatlarla bağladığı müqavilələrində başqa hal nəzərdə tutulmayıbsa, bu Məcəllə müvafiq xarici dövlətlərin, onların fiziki və hüquqi şəxslərinin, beynəlxalq təşkilatların, eləcə də vətəndaşlığı olmayan şəxslərin Azərbaycan Respublikasında təsis etdikləri və qanunvericilikdə nəzərdə tutulmuş qaydada dövlət qeydiyyatına alınıb, fəaliyyət göstərən iş yerlərində heç bir şərt qoyulmadan tətbiq edilir.

Konkret məhdudlaşdırma olmasa da belə, həmin Məcəllənin 14.2-ci maddəsinə əsasən dövlət, iş qüvvəsindən səmərəli istifadə olunmasını təmin etmək, Azərbaycan Respublikası Konstitusiyasının 35-ci maddəsinin VIII hissəsinə müvafiq olaraq işsizliyin aradan qaldırılması məqsədi ilə vətəndaşların peşəkarlıq səviyyəsini, əmək vərdişlərini, çoxillik təcrübəsini nəzərə almaqla müvafiq ixtisaslar, sənətlər, peşələr üzrə ölkədə mövcud olan işçi qüvvəsindən istifadə olunmadan xariciölkələrdən əsassız olaraq mütəxəssislərin işə cəlb olunmasının qarşısının alınmasını, işsizlik, əhalinin məşğulluğu və miqrasiyasıməsələlərini tənzimləyir.

Bundan başqa 13.4-cü maddəsinə əsasən işəgötürənlər əcnəbiləri və vətəndaşlığı olmayan şəxsləri, onlara qanunvericiliklə müəyyən olunmuş qaydada Azərbaycan Respublikasının ərazisində haqqı ödənilən əmək fəaliyyətini həyata keçirmələri üçün fərdi icazə verildikdən sonra işə cəlb edə bilərlər.

Həmçinin əlavə məsləhət almaq üçün bizim firmaya (De Jure hüquq firması) müraciət edə bilərsiniz. 

Yaxud hüquq üzrə treninqlərdə iştirak edə bilərsiniz. 

Bütün xidmətlər ödənişlidir. 

Sualınıza görə təşəkkür edirik!

 2011-05-31

1275  Yunus (31-05-2011) Salam! 4 il altı ay əskərlik etmiş insan sonradan miestamiya xəstəliyinə düçar olub. Hal-hazırda xəstəliyə görə təqaüdə çıxır. Ona deyirlər ki sənin stajın yoxdur. Ona sosial pensiya təyin etmək istəyirlər. Onun hərbi xidmət müddəti ona staj hesab oluna bilərmi?

Salam.

Əgər hərbi qulluqçu olmusunuzsa Hərbi qulluqçuların statusu haqqında Qanun ilə tanış olmaq məqsədəuyğundur. Xüsusilə 13 və 15 maddələri ilə. 

Həmçinin əlavə məsləhət almaq üçün bizim firmaya (De Jure hüquq firması) müraciət edə bilərsiniz. 

Yaxud hüquq üzrə treninqlərdə iştirak edə bilərsiniz. 

Bütün xidmətlər ödənişlidir. 

Sualınıza görə təşəkkür edirik!

 2011-06-03

1276  Ceyhun (01-06-2011) Salam, Komisyon haqları (vergisi) dedikdə nə başa düşülməlidir? Əvvəlcədən təşəkkür edirəm.

Salam.

Adətən banklar tərəfindən tutulan agent-vasitəçilik haqlarıdır (müəyyən əməliyyatların həyata keçirilməsi üçün faiz və s.). Həmçinin komissiya müqaviləsi ilə nəzərdə tutulan haqq.

Həmçinin əlavə məsləhət almaq üçün bizim firmaya (De Jure hüquq firması) müraciət edə bilərsiniz. 

Yaxud hüquq üzrə treninqlərdə iştirak edə bilərsiniz. 

Bütün xidmətlər ödənişlidir. 

Sualınıza görə təşəkkür edirik!

 2011-06-03

1277  Vuqar (01-06-2011) Salam Hormetli \"Dejure\" huquq firmasinin emekdashlari. Menim Sovet vaxtinnan Emanet bankinda pulum ve bu pulun muqabilinde cek kitabcasi varimdi. Hemen kitabcani basqa ada kecirtmek ucun hansi procedurlari kecmek lazimdir??? Bu yalniz notarial qaydada olur yoxsa bankin ishtiraki vacibdir??? Əvvəlcədən təşəkkürümü bildirirem.

Salam.

Əvvala bildirmək istəyərdik ki, sovet vaxtından qalan bu pulların müqaəddaratı hələ də müəyyən deyil. Əgər həmin pul vəsaitini digər şəxsə bağışlamaq və yasatmaq istəyirsinizsə onda müqavilə bğlamaqla məsələni həll etmək olar. Müqavilə notariat qaydada təsdiqləndə məqsədəuyğundur.

Həmçinin əlavə məsləhət almaq üçün bizim firmaya (De Jure hüquq firması) müraciət edə bilərsiniz. 

Yaxud hüquq üzrə treninqlərdə iştirak edə bilərsiniz. 

Bütün xidmətlər ödənişlidir. 

Sualınıza görə təşəkkür edirik!

 2011-06-03

1278  Zaur (02-06-2011) salam meni maraqlandiran bir sual var isterdim komek edesiniz. herbi qulluga cagiris vereqesinde- poveskada yazilan tarixde getmeyib bir nece gun sonra getsek buna herbi qanunvericilik imkan verir yoxsa cinayet isi acilir?

Salam.

Vaxtında getməyiniz məqsədəuyğundur. Hər bir halda ayın 20-dək vaxtınız var.

Həmçinin əlavə məsləhət almaq üçün bizim firmaya (De Jure hüquq firması) müraciət edə bilərsiniz. 

Yaxud hüquq üzrə treninqlərdə iştirak edə bilərsiniz.

Bütün xidmətlər ödənişlidir. 

Sualınıza görə təşəkkür edirik!

 2011-06-03

1279  Faxraddin (03-06-2011) Salam De Jure! Bir məsələdə köməyinizə ehtiyacım var. Bilmək istiyirəm bir hüquqi şəxs bir ərazidən, bir şəhərdən başqa şəhərə köçür, ünvan dəyişir. Bu halda hüquqi şəxsi, firmanı yeni ünvanda qeydə almaq və ya ünvanını dəqiqləşdirmək üçün hansı hərəkətlər etmək lazımdır, hansı orqanlara, hansı sənədlərlə müaraciət etmək lazımdır? Əvvəlcədən minnetdarlığımı bildirirəm!

Salam.

Əgər kommersiya hüquqi şəxsdirsə vergi orqanlarına müraciət etməlisiniz.

Hansı sənədlərin təqdim olunması isə pullu xidmətlərimizə aid olduğundan məlumat verməyimiz mümkün olmayacaq.

Həmçinin əlavə məsləhət almaq üçün bizim firmaya (De Jure hüquq firması) müraciət edə bilərsiniz. 

Yaxud hüquq üzrə treninqlərdə iştirak edə bilərsiniz. 

Bütün xidmətlər ödənişlidir. 

Sualınıza görə təşəkkür edirik!

 2011-06-05

1280  Vasif (03-06-2011) SALAM MƏN BİLMƏK İSTƏYİRƏM MƏNİM MƏHKƏMƏ QƏRARI İLƏ 2 İL ŞƏRTİ İŞ ALDIĞIM ÜÇÜN HƏRBİ MXİDMƏTDƏN MÖHLƏT HÜQUQUM VAR. BU İL ALİ MƏKTƏBƏ SƏNƏD VERMƏK ÜCÜN SƏNƏD TOPLADİM LAKİN HƏBİ KOMİSARLIQ HƏRBİ XİDMƏTDƏN MÖHLƏT HÜQUQUN TƏSDİQ EDƏN SƏNƏDİ MƏNƏ MAY AYINDA VERMƏDİ SƏNƏD QƏBULU BİTDİKDƏN SONRA VERDİ KOMİSAR MƏNDƏN POLİS İDARƏSİNDƏN VƏ MƏHKƏMƏ İCRA QRUPUNDAN ONA SƏNƏD GƏTİRMƏMİ TƏLƏB ETDİ MƏHKƏMƏ İCRA QRUPU İSƏ BELƏ BİR SƏNƏDİ VERƏ BİLMƏRİK DEDİ KOMİSAR MAY AYİ BİTƏN KİMİ İYUN AYİNİN BİRİ GUN ORTADAN SONRA SAAT BEŞ TAMAMDA MƏNİM PRİPİSNOYUMU TƏSDİQLƏDİ ƏVVƏL TƏLƏB ETDİYİ SƏNƏDLƏR OLMADAN .ÜSTƏLİKDƏ BU QANUNSUZ SƏNƏD TƏLƏB ETMƏSİNİ MƏNƏ ƏLAVƏ BİR ARAYIŞ VERƏRƏK BURƏDƏ TƏSDİQLƏDİKİ HƏQİQƏTƏNDƏ MƏHKƏMƏ İCRA QRUPUNDAN LAZİMİ SƏNƏD GƏTİRMƏDİYİ ÜÇÜN HƏRBİ MÖHLƏT HÜQUQUNU TƏSDİQ EDƏN SƏNƏDİ BİLƏRƏKDƏN LƏNGİTMİŞİK. KOMİSARLIQDA MƏNİM İKİ İL SƏRTİ CƏZA ALMAQİM HAQDA MƏHKƏMƏ QƏRARI OLDUĞU HALDA ƏSASSIZ SƏNƏD TƏLƏB ETDİYİ ÜÇÜN MƏN KOMİSARLIĞI MƏHKƏMƏYƏ VERƏ BİLƏRƏMMİ?

Salam.

Bəli. Məsələ mübahisələndirilə bilər. Məhkəməyə müraciət edə bilərsiniz.

Həmçinin əlavə məsləhət almaq üçün bizim firmaya (De Jure hüquq firması) müraciət edə bilərsiniz. 

Yaxud hüquq üzrə treninqlərdə iştirak edə bilərsiniz. 

Bütün xidmətlər ödənişlidir. 

Sualınıza görə təşəkkür edirik!

 2011-06-05

1281  Yunus (05-06-2011) Salam! Xahiş edirəm bu məsələni aydınlaşdırmaqda mənə kömək edəsiniz! Əgər hər hansı bir qadının ərə gedənə qədər 6 sot həəyətyanı torpaq sahəsi olubsa həmin torpaq sahəsini başqasına notariat qaydada verməsi üçün ondan başqasının da imzası tələb olunurmu?

Salam.

Öncə sübut olunmalıdır ki, həmin əmlak nikahdan əvvəl əldə olunub. Daha sonra müvafiq əməliyyatlar həyata keçirmək. Adətən şəxs evlidirsə onun həyat yoldaşının razılığı da tələb olunur.

Həmçinin əlavə məsləhət almaq üçün bizim firmaya (De Jure hüquq firması) müraciət edə bilərsiniz. 

Yaxud hüquq üzrə treninqlərdə iştirak edə bilərsiniz. 

Bütün xidmətlər ödənişlidir. 

Sualınıza görə təşəkkür edirik!

2011-06-05

1282  Natiq (06-06-2011) Salamlar. Kisi nigah baglayerken qadinin soyadini ozune goture bilermi? Tesekkurler.

Salam.

Bəli.

Ailə Məcəlləsinin 30.1-ci maddəsinə əsasən  ər-arvad öz arzuları ilə onlardan birinin soyadını özləri üçün ümumi soyad seçə, yaxud onlardan hər biri nikahdan əvvəlki soyadını saxlaya və ya öz ərinin (arvadının) soyadını öz soyadı ilə birləşdirə bilər.

Sualınıza görə təşəkkür edirik.

2011-06-07

1283  Hokume (07-06-2011) Men hamileyem.Ishde ixtisar aparilir. Menden bir vezife yuxarida olan ishchinin shtati baglanibsa ve onun emek muqavilesi legv oluna bilmezse onun yerleshdirilmesi uchun menim daha ashagi vezifeye kechirilmeyimin esasi varmi?

Salam.

Əmək Məcəllənin 70-ci maddəsi ilə müəyyən edilmiş əsaslarla (İşəgötürən tərəfindən əmək müqaviləsinin ləğv edilməsinin əsasları) hamilə, habelə üç yaşınadək uşağı olan qadınların əmək müqaviləsinin ləğv edilməsi qadağandır (maddə 79). Yerdəyişmə sizin razılığınızla həyata keçirməlidir və vəzifə maaşı saxlanılmalıdır.

Həmçinin əlavə məsləhət almaq üçün bizim firmaya (De Jure hüquq firması) müraciət edə bilərsiniz. 

Yaxud hüquq üzrə treninqlərdə iştirak edə bilərsiniz. 

Bütün xidmətlər ödənişlidir. 

Sualınıza görə təşəkkür edirik!

2011-06-07

 

1284  Eldəniz (11-06-2011) Salam. Aldığım evdə daha əvvəlki mülkiyyətçinin ailə üzvləri qeydiyyatda qalıblar. Özləri qeydiyyatdan çıxmağı gecikdirirlər, mən onları necə qeydiyyatdan çıxara bilərəm? Mümkünsə bütün variantları izah etməyinizi xahiş edirəm. Öncədən Təşəkkürlər!!!

Salam.

Şəxsin yaşayış yeri üzrə qeydiyyatdan çıxarılmasının bütün halları Yaşayış yeri və olduğu yer üzrə qeydiyyat haqqında Qanunun 9-cu maddəsində göstərilib. Sizin variantınızda gözləmək məqsədəuyğundur (1 və 2 ay) ola bilsin ki, əvvəlki mülkiyyətçi hələ də yeni yaşayış üzrə qeydiyyata alınmayıb. Əgər ağlabatan müddətdə qeydiyyatdan çıxmasa məhkəmə vasitəsilə çıxarda bilərsiniz.

Həmçinin əlavə məsləhət almaq üçün bizim firmaya (De Jure hüquq firması) müraciət edə bilərsiniz. 

Yaxud hüquq üzrə treninqlərdə iştirak edə bilərsiniz. 

Bütün xidmətlər ödənişlidir. 

Sualınıza görə təşəkkür edirik!

 2011-06-13

1285  Kerim (11-06-2011) Salam, qanunvericilikde ovladliqdan mehrum etme maddesi nezerde tutulubmu?

Salam.

Valideynlik hüquqlarından məhrumetmə nəzərdə tutulub (Ailə Məcəlləsi maddə 64).

Həmçinin əlavə məsləhət almaq üçün bizim firmaya (De Jure hüquq firması) müraciət edə bilərsiniz. 

Yaxud hüquq üzrə treninqlərdə iştirak edə bilərsiniz. 

Bütün xidmətlər ödənişlidir. 

Sualınıza görə təşəkkür edirik!

2011-06-13

1286  Eldəniz (11-06-2011) Salam. Əgər evdə qeydiyyatda olan keçmiş sakin notariat kontorunda razılıq ərizəsində evin \"satılmasına etiraz etmirəm\" yazıbsa bu evin satılıb, satıldıqdan sonra isə ipotekaya qoyulmasına əsas ola bilməz?

Salam.

Satıldıqdan sonra və həmin daşınmaz əmlaka mülkiyyət hüquqları dövlət qeydiyyatından keçdikdən sonra, həmin əmlakın müqəddaratı onun mülkiyyətçisindən asılıdır. İstəsə ipoteka qoyar, istəsə başqa əməliyyatlar keçirər (Mülki Məcəllə 152-ci maddə).

Həmçinin əlavə məsləhət almaq üçün bizim firmaya (De Jure hüquq firması) müraciət edə bilərsiniz. 

Yaxud hüquq üzrə treninqlərdə iştirak edə bilərsiniz. 

Bütün xidmətlər ödənişlidir. 

Sualınıza görə təşəkkür edirik!

 2011-06-13

1287  Seymur (11-06-2011) Salam mən Şəmkir rayon Məhkəməsinə 1 ay bundan qabaq İdda ərizəsi vermişəm bu günə kimi məhkəmədən bir xəbər yoxdur xahiş edirəm mənə deyerdiz məhkəmə mənim işimə baxmaq üçün nə edim?

Salam.

Həmin rayon məhkəməsinin dəftərxanası ilə əlaqə saxlayın (Şəmkir Rayon Məhkəməsi). Ola bilsin obyektiv səbəblər var (misal üçün, hakim məzuniyyətə çıxıb, iddia ərizəniz geri qaytarılıb və s.). Mülki Prosessual  Məcəlləsinin 172.1-ci maddəsinə əsasən ərizə məhkəməyə daxil olduğu vaxtdan sonra 3 aydan gec olmayan müddətdə işə baxılmalı və həmin işin həllinə dair qətnamə və ya qərardad çıxarılmalıdır.

Həmçinin əlavə məsləhət almaq üçün bizim firmaya (De Jure hüquq firması) müraciət edə bilərsiniz. 

Yaxud hüquq üzrə treninqlərdə iştirak edə bilərsiniz. 

Bütün xidmətlər ödənişlidir. 

Sualınıza görə təşəkkür edirik!

 2011-06-13

1288  Ceyhun (13-06-2011) Salam. Əgər bir işçiyə digərinin məzuniyyətdə olduğu dövr üçün əvəzetmə həvalə olunarsa və məzuniyyət dövrü xəstəlik vərəqəsinə əsasən uzanarsa həvalə dövrü ə/h zamanı necə hesablanmalıdır?(xəstəlik dövrü həvalə dövrünə daxildirmi?)

Salam.

Əmək Məcəlləsinin 162-ci maddəsinə əsasən özünün əmək funksiyasını yerinə yetirməklə yanaşı müəyyən səbəbdən müvəqqəti işə çıxmayan işçini əvəz edən işçiyə, əvəz edilən işçinin tarif (vəzifə) maaşı ilə onun maaşı arsındakı fərq ödənilir.  Əvəz edilən işçinin tarif (vəzifə) maaşı əvəz edən işçinin maaşı ilə eyni və ya ondan az olduqda isə əmək haqqına əlavə müəyyən edilib verilir. Bu əlavə işçinin və işgötürənin qarşılıqlı razılığı ilə müəyyən edilir.

Həmçinin həmin Məcəllənin 61-ci maddəsi nəzərə alınmalıdır. Əgər işçi üzrlü səbəbdən işə gəlmirsə müvafiq əmrlə müddəti uzadılmaqla siz həmin vəzifədə işləyə bilərsiniz. Əmək haqqının miqdarı yuxarıdakı maddələrdə göstərilib.

Həmçinin əlavə məsləhət almaq üçün bizim firmaya (De Jure hüquq firması) müraciət edə bilərsiniz. 

Yaxud hüquq üzrə treninqlərdə iştirak edə bilərsiniz. 

Bütün xidmətlər ödənişlidir. 

Sualınıza görə təşəkkür edirik!

 2011-06-13

1289  Ceyhun (14-06-2011) 1288-də göstərirsiniz ki, müvafiq əmrlə müddət uzadılmalıdır. məgər xəstəlik dövrü məzuniyyət müddəti daxilində olarsa məzuniyyət müddəti avtomatik olaraq xəstəlik vərəqəsindəki müddət qədər uzanmır? əlavə əmrə ehtiyac varmı?

Salam.

Sual - 1288.

Həmən müddət ərzində digər şəxsi də müvəqqəti təyin olunması da ola bilər (müəssisənin imkanlarından asılıdır). Müddətlər birləşdirilsə də xəstəlik üzrə və məzuniyyət üzrə hesablanma fərqlənir. Buna görə də ayrı-ayrı əmrlərlə həyata keçirməyə məqsədəuyğundur.

Bu qədər.

2011-06-14

1290  Ceyhun (14-06-2011) Salam Dejure, Nömrəli aktlar tərtib olunarkən yalnışlığa yol verilərək düzgün yazılmazsa yenisini yazmaq üçün hansı hərəkətlər həyata keçirilməlidir? Düzgün yazılmamış akt ləğv edilməlidirmi, ləğv edilməlidirsə necə? Əvvəlcədən təşəkkür edirəm.

Salam.

Əgər ardıcıllıq pozulubsa. Misal üçün 61,  62, 63. Və 62, 61 arasında hansı bir başqa əmr olmalı idi 61/1 nömrəsi qoymaq mümkündür. Amma çalşmaq lazımdır ki, bu üsullardan  o qədərdə istifadə etməyin. 

Həmçinin əlavə məsləhət almaq üçün bizim firmaya (De Jure hüquq firması) müraciət edə bilərsiniz. 

Yaxud hüquq üzrə treninqlərdə iştirak edə bilərsiniz. 

Bütün xidmətlər ödənişlidir. 

Sualınıza görə təşəkkür edirik!

 2011-06-14

1291  Yaqub (14-06-2011) salam hörmətli de jure. 1.hansı ölkədə hansı prezident inpiçment yolu ilə vəzifədən uzaqlaşdırılıb?

Salam.

Misal üçün Litva Respublikasının Prezidenti Rolandas Paksas 2004-cü ildə impiçment yolu ilə vəzifəsindən kənarlaşdırılmışdır.

Daha sonra İndoneziya Respublikasının Prezidenti Abdurrahman ad-Daxil Vahid 1999-cu ildə impiçment nəticəsində vəzifəsindən azad olunmuşdur.

Bu qədər.

2011-06-15

1292  Sahrab (16-06-2011) Salam çox hörmətli Dejure. Xahiş edirəm köməklik göstərəsiniz, mən Rusiyada (orada da oxumuşam)2004-cü ildə sürücülük vəsiqəsi almışam, hal-hazırda 5 ildir ki, həmişəlik vətənə qayıtmışam. Deyilənə görə bu sürücülük vəsiqəsi ilə artıq burada avtomobilin idarəsinə icazə verilmir. Bu belədirmi və bu hansı normativ aktlarla tənzimlənir. Əvvəlcədən öz dərin minnətdarlığımı bildirirəm.

Salam.

Yol hərəkəti haqqında Qanunun 34-cü maddəsinə əsasən xarici dövlətlərin səlahiyyətli orqanları tərəfindən beynəlxalq standartlara uyğun verilmiş və etibarlıq müddəti qurtarmamışsürücülük vəsiqələri də Azərbaycan Respublikasının ərazisində qüvvədədir.

Həmçinin əlavə məsləhət almaq üçün bizim firmaya (De Jure hüquq firması) müraciət edə bilərsiniz. 

Yaxud hüquq üzrə treninqlərdə iştirak edə bilərsiniz. 

Bütün xidmətlər ödənişlidir. 

Sualınıza görə təşəkkür edirik!

2011-06-16

1293  Oktay (16-06-2011) Salam hörmətli hüquqşünaslar.Mənim Abşeron rayon Digah qəsəbəsində 6 sot sahə daxilində 90 m2 ölçüdə evim var.Əlimdə olan sənədlər: Abşeron icra hakimiyyətinin fərdi ev tikintisinə icazə sərəncamı və arxivdən cixarış.Bilmək istərdim mənə evi və torpağı sənədləşdirməklə tam qanuni şəklə salmaq üçün daha hansi sənədləri topl amaqçhansı etaplardan keçmək və hansı rüsumları ödəmək lazımdır. Qabaqcadan təşəkkürümü bildirirəm.

Salam.

Bunun üçün Daşınmaz əmlakın dövlət reyestri haqqında Qanunun 8 və 10-cu maddələrilə tanış olmalısınız. Daha sonra topladığınız sənədlərlə Daşınmaz Əmlakın Dövlət Reyestr Xidmətinə müraciət etməlisiniz.

Rüsumlar  Dövlət rüsumu haqqında Qanunun 26-cı maddəsində göstərilib. 

Həmçinin əlavə məsləhət almaq üçün bizim firmaya (De Jure hüquq firması) müraciət edə bilərsiniz. 

Yaxud hüquq üzrə treninqlərdə iştirak edə bilərsiniz. 

Bütün xidmətlər ödənişlidir. 

Sualınıza görə təşəkkür edirik!

 2011-06-17

1295  Emil (16-06-2011) добрый день.в прошлом я гражданин Азербайджана, ныне России. какой штраф должен заплатить пробыв в Азербайджане год без регистрации? есть ли разница в размере штрафов для бывших граждан Азербайджана (у которых здесь близкие родственники. у меня здесь мать и отец.)и других иностранцев? спасибо за сайт.

Салам.

В соответствии со ст. 330 КоАП Азербайджана если вы находитесь на территории Азербайджана незаконно и без регистрации наказывается штрафом от 300 до 400 манат. Для граждан некоторых стран (в соответствии с международными, двусторонними договорами) разрешается находится на территории Азербайджана 1 месяц без регистрации (в том числе и Россия). Но для того что бы находится на территории Азербайджана до 3 месяцев нужно зарегистрироваться органах внутренних дел по месту жительства, от 3 месяцев и выше слудует обращаться в миграционную службу.

И вам спасибо.

2011-06-17

1296  Xəzər (17-06-2011 ) Salam. Yol-nəqliyyat haidsəsi baş verib. Bu hadisənin baş verməsinə səbəb olan təqsirkar şəxs barəsində tərtib edilmiş inzaibati xəta protokollari və digər sənədlər baxilması ucun təqsirkar şəxsin qeydiyyatda olduğu yerin məhkəməsinə göndərilir. Bu qaydani, yəni işin Yol Patrul Xidməti və ya Polis idarəsi tərəfindən məhkəməyə göndərməli olması hansi qanunvericiliklə tənzimlənir. Əvvəlcədən minnətdaram.

Salam.

Bu pozuntu hansı maddə ilə tövsif olunmasından asılıdır. Belə ki, Inzibati Xətalar Məcəlləsinin 360.1-ci maddəsinə əsasən rayon (şəhər) məhkəmələri bu Məcəllənin 39-50-3, 52, 52-1.1, 53-4.1, 53-5, 60-63, 63-1, 68-1, 68-3, 68-4, 69, 72, 88-3, 90.3, 101, 101-1, 102.0.2, 102.0.3, 102.0.5, 106, 111, 119-1.2, 123-1, 131.2, 144, 150-5.1, 151.5, 152.4, 152-1.4, 152-2.2, 152-2.3, 153.6, 154.2, 154.3, 154.5, 155.4, 155.7, 169, 170, 173, 175, 180-189, 199-204, 205, 221.5, 223, 223-10, 224, 228-1, 229, 233, 237, 240-1.1, 240-1.2, 253-1 (auditorun peşə məsuliyyətinin icbari sığortasına münasibətdə), 258-260, 261.1, 278, 282, 284-287, 292, 293, 293-1, 296, 296-1, 299, 300, 301, 305, 307-1, 309-315, 315-1, 317.1, 323.1, 324-2, 324-3, 324-4, 324-5, 324-6, 326-1, 326-3, 326-4.1, 326-4.2, 326-5, 332, 333, 335, 336-1, 338, 346, 347, 348-1, 348-3 (monitorinqdə iştirak edən digər şəxslərə münasibətdə), 348-4, 348-5, 351 və 353.1-ci maddələrində nəzərdə tutulmuş inzibati xətalar haqqında işlərə baxırlar.

Həmçinin əlavə məsləhət almaq üçün bizim firmaya (De Jure hüquq firması) müraciət edə bilərsiniz. 

Yaxud hüquq üzrə treninqlərdə iştirak edə bilərsiniz. 

Bütün xidmətlər ödənişlidir. 

Sualınıza görə təşəkkür edirik!

 2011-06-17

1297  Rehman (19-06-2011) Salam! Xahiş edirəm məsləhət verəsiniz. Şəxsi mülkiyyətdə olan 70 kv.m. kommersiya mağazasında aptek fəaliyyəti yaratmaq istəyirəm. Bilmək istəyirəm ki, xüsusi razılıq almaqdan ötrü nə qədər dövlət rüsum ödənilməli və daha hansı şərtlərə əməl olunmalıdır? Çox sağ olun.

Salam.

Əczaçılıq fəaliyyəti ilə məşğul olmaq üçün Azərbaycan Respublikasının Səhiyyə Nazirliyindən lisenziya (icazə) almalısınız. Dövlət rüsumu - 5500 manat təşkil edir.

Ətraflı məlumat Bəzi fəaliyyət növlərinə xüsusi razılıq (lisenziya) verilməsi qaydalarının təkmilləşdirilməsi haqqında Prezidentin Fərmanında əldə edə bilərsiniz.

Həmçinin əlavə məsləhət almaq üçün bizim firmaya (De Jure hüquq firması) müraciət edə bilərsiniz. 

Yaxud hüquq üzrə treninqlərdə iştirak edə bilərsiniz. 

Bütün xidmətlər ödənişlidir. 

Sualınıza görə təşəkkür edirik!

 2011-06-22

1298  Ziyad (22-06-2011) Məhkəmə baxışı zamanı borclu vəfat etdiyi üçün MPM-ə əsasən icraat dayandırılmışdır. Bilmək istərdim ki, iddiaçı tərəfindən Borclu fiziki şəxsin hüquqi varisi hansı formada müəyyən edilməlidir. bunun üçün hansı quruma müraciət edilməlidir. Qeyd edim ki, varislər bu işi könüllü şəkildə icra etmək istəmirlər.

Salam.

Bunu məhkəmə müəyyən etməlidir. Bununla bağlı məhkəməyə müraciət etməlisiniz və Mülki Məcəllənin 1306-cı maddəyə istinad etməlisiniz (Vərəsələrin kreditorlar qarşısında məsuliyyəti).

Həmçinin əlavə məsləhət almaq üçün bizim firmaya (De Jure hüquq firması) müraciət edə bilərsiniz. 

Yaxud hüquq üzrə treninqlərdə iştirak edə bilərsiniz. 

Bütün xidmətlər ödənişlidir. 

Sualınıza görə təşəkkür edirik!

 2011-06-23

1299  Vusal (23-06-2011) Salam xahis edirem cavablandirasiniz. Men qezet tesis etmisem reklam veren sirketlerle muqavile baglamaq lazimdi bunun ucun hansi muqavile formasindan istifade edilir. Bu barede mene etrafli komek etmeyinizi xahis edirem.

Salam.

Bu tərəflərin razılığından asılıdır. Misal üçün Reklam məhsulun təchizi, alğı-satqı müqaviləsi, reklam xidmətləri müqaviləsi bağlanıla bilər. Bu cür xidmətlər ödənişli olduğu üçün (müqavilənin tərtibi və s.) məsləxətxana vasitəsilə cavablandırılmır.

Həmçinin əlavə məsləhət almaq üçün bizim firmaya (De Jure hüquq firması) müraciət edə bilərsiniz. 

Yaxud hüquq üzrə treninqlərdə iştirak edə bilərsiniz. 

Bütün xidmətlər ödənişlidir. 

Sualınıza görə təşəkkür edirik!

 2011-06-23

1300  Vusal (23-06-2011) salam men qazet tesis etmisem. İse goturduyum adamlara ayliq maasi kart vasitesile vermek isteyirem bunun ucun ne etmeliyem? xahis edirem mene komek edin.

Salam.

Bunun üçün xidmət göstərən bankınız və bank hesabınız  olmalıdır. Həmin banka müraciət etməlisiniz və kartın verilməsini xahiş etməlisiniz. Ümumilikdə isə  mühasib təyin etməyiniz məqsədəuyğundur.

Həmçinin əlavə məsləhət almaq üçün bizim firmaya (De Jure hüquq firması) müraciət edə bilərsiniz. 

Yaxud hüquq üzrə treninqlərdə iştirak edə bilərsiniz. 

Bütün xidmətlər ödənişlidir. 

Sualınıza görə təşəkkür edirik!

 2011-06-23

1301  Sevinc (24-06-2011) salam. Men bilmek isteyirem görüm vətəndaş nigahı ne demkdi? men bu haqda geniş müelumatı hardan ala bilerem?

Salam.

Danışıqda bu heç yerdə qeydiyyata alınmayan bir nikahdır (amma luğətdə adətən müvafiq dövlət orqanında qeydiyyata alınan lakın dini qaydada rəsmiləşdirməyən nikahdır).

Sualınıza görə təşəkkür edirik.

 2011-06-27

1302  Sevinc (24-06-2011) Aile qurmamış qadin yeni nigahi olmayan qadin uşaq evinden övladlıqa uşaq götürü biler? Ya uşaq doğa biler?

Salam.

Uşaq doğmaq üşün heç bir məhduudiyyət yoxdur. Övladlığa götürmək üçün yerli icra hakimiyyəti orqanının qəyyumlaq və himayəçilik struktur bölməsinə müraciət etməyiniz məqsədəuyğundur.

Sualınıza görə təşəkkür edirik.

2011-06-27

1303  Seymur (26-06-2011) Salam məhkəmədə Hakim menim xeyrimə qerar qəbul eledi qərara görə Zərər verən şəxs mənə vurduğu zərəri 4 ay müddətinə ödəməlidir Zərər vuran şəxs bununla razılaşıb və imzalayıb.Əgər Zərər verən şəxs Məhkəməmim verdiyi qərarı saymayıb mənə vurduğu ziyanı ödəməkdən imtina eləsə onu nə gözləyir? və mən kimə müraciət etməliyəm?

Salam.

Əgər o öz öhdəliklərini yerinə yetirməsə onu əvvəlcə Inzibati Xətalar Məcəlləsinin 313-1-ci maddəsi ilə sonradan isə Cinayət Məcəlləsinin 306-cı maddəsi ilə məsuliyyətə cəlb oluna bilər.

Həmçinin əlavə məsləhət almaq üçün bizim firmaya (De Jure hüquq firması) müraciət edə bilərsiniz. 

Yaxud hüquq üzrə treninqlərdə iştirak edə bilərsiniz. 

Bütün xidmətlər ödənişlidir. 

Sualınıza görə təşəkkür edirik!

 2011-06-27

1304  Rasim (01-07-2011) Salam...Magistraturaya qebul olmus sexslerin sened qebulu iyulun 5-15-dekdir.Herbi cagirisda ise meni iyulun 2-ne yaziblar...Bilmek isterrimd ki,qanunda nece mueyyen olunub,mene senedleri Universitete vermeye mohlet verilir ya yox...Bir de,menim ayin necesine kimi komissarliga getmemek huququm var?

Salam.

Bunun üçün 

Azərbaycan Respublikası vətəndaşlarının 2011-ci il iyulun 1-dən 30-dək həqiqi hərbi xidmətə çağırılması və müddətli həqiqi hərbi xidmət hərbi qulluqçularının ehtiyata buraxılması haqqında  Azərbaycan Respublikasının Prezidentinin 26 may 2011-ci il tarixli 431 №-li Fərmanının 1-ci bəndi ilə tanış olmağınız məsləhətdir.

Belə ki:

1.  1993-cü ildə doğulmuş və çağırış gününədək (həmin gün də daxil olmaqla) 18 yaşı tamam olmuş, habelə 1976-1992-ci illərdə doğulmuş, yaşı 35-dək olan, respublikanın Silahlı Qüvvələrində və qanunvericilikdə nəzərdə tutulmuş digər silahlı birləşmələrdə hərbi xidmətə çağırışdan möhlət hüququ olmayan Azərbaycan Respublikası vətəndaşları 2011-ci il iyulun 1-dən 30-dək həqiqi hərbi xidmətə çağırılsınlar.

Deməli, iyulun 30-dək vaxtınız var, amma hər bir halda komissarlığa vaxtında gəlməyiniz məqsədəuyğundur (vərəqdə göstərilən tarix).

Sualınıza görə təşəkkür edirik.

2011-07-02

1305  Vusal (02-07-2011) Salam hormetli huquqsunas xahis edirem cavablandirin: men bir nece sirketle oz qezetimde reklam yerlesdirmek ucun muqavile baglamaq isteyirem hemin muqavileni natarius tesdiq etmelidirmi?

Salam.

Mülki Məcəllədə hansı müqavilələr notariat qaydada təsdiq olunmalı müqavilələr göstərilib (adətən bu daşınmaz əmlak üzrə əqdlərdir). Bu müqavilə üçün notariat qaydada  təsdiqin məcburliyi göstərilməyib. Lakın onu da nəzərə alın ki, notariat qaydada təsdiq olunmuş müqavilələr icra vərəqəsi ilə eyni qüvvədədir.

Həmçinin əlavə məsləhət almaq üçün bizim firmaya (De Jure hüquq firması) müraciət edə bilərsiniz. 

Yaxud hüquq üzrə treninqlərdə iştirak edə bilərsiniz. 

Bütün xidmətlər ödənişlidir. 

Sualınıza görə təşəkkür edirik!

 2011-07-04

1306  Vusal (02-07-2011) emek muqavileleri de natariat qaydasinda tesdiq edilmelidirmi? xahis edirem cavablandirin.

Salam.

Xeyr əmək müqavilələri üçün notariat qaydasında təsdiq tələb olunmur. İşəgötrən şirkətin imza və möhürü kifayətdir.

Həmçinin əlavə məsləhət almaq üçün bizim firmaya (De Jure hüquq firması) müraciət edə bilərsiniz. 

Yaxud hüquq üzrə treninqlərdə iştirak edə bilərsiniz. 

Bütün xidmətlər ödənişlidir. 

Sualınıza görə təşəkkür edirik!

 2011-07-04

1307  Kerim (03-07-2011) Salam, vesiyyet uzre ovladlardan bir neferini mulke verese teyin etdikde,diger ovladlarin raziligi lazimdir?

Salam.

Xeyr. Vəsiyyətnaməni şəxsən vəsiyyət edən tərtib etməlidir (Mülki Məcəllənin 1168-ci maddəsi)  və digər şəxslərin razılığı tələb olunmur.

Həmçinin əlavə məsləhət almaq üçün bizim firmaya (De Jure hüquq firması) müraciət edə bilərsiniz. 

Yaxud hüquq üzrə treninqlərdə iştirak edə bilərsiniz. 

Bütün xidmətlər ödənişlidir. 

Sualınıza görə təşəkkür edirik! 

 2011-07-04

1308  Vusal (04-07-2011) Shexsin 7 ovladi olub. 1987-ci ilde emlakini 4 ovladina beraber suretde vesiyyet edib. Hemin shexs 1991-ci ilde vefat edib. Hemin emlakda diger 3 ovladin payi var? Ve yaxud hemin emlak erle-arvadin birge nikah dovrunde elde edilibse diger 3 ovladin payi var? Evvelceden teshekkurler.

Salam.

Bəli həmin övladların (vərəsələrin) həmin mirasda məcburi payı almaq hüququ var. Lakın vəsiyyət üzrə vərəsələr olduğu üçün həmin məcburi payın miqdarı azaldıla bilər. İş üzrə mübahisə varsa məhkəmə qaydasında həll olunmalıdır. Mülki Məcəllənin 10-cu bölməsi rəhbər tutulmalıdır.

Həmçinin əlavə məsləhət almaq üçün bizim firmaya (De Jure hüquq firması) müraciət edə bilərsiniz. 

Yaxud hüquq üzrə treninqlərdə iştirak edə bilərsiniz. 

Bütün xidmətlər ödənişlidir. 

Sualınıza görə təşəkkür edirik!

2011-07-07

1309  Kerim (05-07-2011) Salam, valideyn ovladlarindan her hansi birini mulkune vereselik huququndan(mecbui paydan)mehrum ede bilermi?

Salam.

Bəli. Mülki Məcəllənin 1203-cü maddəsinə əsasən bu mümkündür. Belə ki, məcburi pay almaq hüququndan məhrumetmə, ümumiyyətlə, vərəsəlik hüququndan məhrumetməyə səbəb olan hallar olduqda mümkündür. Məcburi pay almaq hüququndan məhrumetməni miras qoyan hələ öz sağlığında məhkəməyə müraciət etmək yolu ilə həyata keçirə bilər. Məcburi pay almaq hüququndan məhrumetmə barəsində məhkəmənin çıxardığı qərar mirasın açıldığı andan qüvvədə olur. Miras qoyanın hələ öz sağlığında məhkəməyə müraciət etdiyi, lakin qərarın onun ölümündən sonra qəbul edildiyi halda da bu cür nəticə baş verir.

Həmçinin əlavə məsləhət almaq üçün bizim firmaya (De Jure hüquq firması) müraciət edə bilərsiniz. 

Yaxud hüquq üzrə treninqlərdə iştirak edə bilərsiniz. 

Bütün xidmətlər ödənişlidir. 

Sualınıza görə təşəkkür edirik!

2011-07-07

1310  Ceyhun (06-07-2011) Salam Dejure, Hal-hazırda Azərbaycan Respublikasının vətəndaşlarına soyadlarının sonluqlarının və adların verilməsi hansı normativ sənədlə tənzimlənir? Soyadın sonluğunda “ov” və yaxud “ova” sonluğunu saxlamaq mümkündürmü? Əvvəlcədən təşəkkür edirəm.

Salam.

Bəli mümkündür. Ətraflı məlumat üçün “Adın, ata adının və soyadın verilməsi və dəyişdirilməsi Qaydaları”nın təsdiq edilməsi barədə Nazirlər Kabinetinin qərarı ilə və Azərbaycan Respublikası vətəndaşlarının soyadlarının dövlət dilinə uyğunlaşdırılması haqqında Qanun ilə tanış olmalısınız.

Həmçinin əlavə məsləhət almaq üçün bizim firmaya (De Jure hüquq firması) müraciət edə bilərsiniz. 

Yaxud hüquq üzrə treninqlərdə iştirak edə bilərsiniz. 

Bütün xidmətlər ödənişlidir. 

Sualınıza görə təşəkkür edirik!

 2011-07-07

1311  Rehman(06-07-2011) Salam! Bele bir sualla Sizi narahat edirem. Inzibati Iqtisadi Mehkemelerde iddia erizesi ile elaqedar hakim qanunvericiliye gore konkret hansi hallarda ve hansi meselenin helli ucun serencam qebul edir. Cox tesekkur edirem.

Salam.

Nunun üçün İnzibati Prosessual Məcəlləsinin 47.1, 49.1.4, 49.1.5 maddələrinə diqqət yetirməlisiniz.

Həmçinin əlavə məsləhət almaq üçün bizim firmaya (De Jure hüquq firması) müraciət edə bilərsiniz. 

Yaxud hüquq üzrə treninqlərdə iştirak edə bilərsiniz. 

Bütün xidmətlər ödənişlidir. 

Sualınıza görə təşəkkür edirik!

 2011-07-07

1312  Eldəniz (06-07-2011) Salam. Qeydiyyatda olan sakini pasport qeydiyyat şöbəsi qeydiyyatdan çıxara bilərmi (məhkəməsiz)? Köməyinizə görə öncədən təşəkkür edirəm.

Salam.

Bunun üçün Yaşayış yeri və olduğu yer üzrə qeydiyyat haqqında Qanunun 9-cu maddəsinə diqqət yetirməlisiniz. Əgər şəxs özü yaşayış yerini dəyişdirirsə o halda mümkün olar bilər. Əgər mübahisə varsa, onda məhkəməsiz bunu həll etmək mürəkkəbdir.

Həmçinin əlavə məsləhət almaq üçün bizim firmaya (De Jure hüquq firması) müraciət edə bilərsiniz. 

Yaxud hüquq üzrə treninqlərdə iştirak edə bilərsiniz. 

Bütün xidmətlər ödənişlidir. 

Sualınıza görə təşəkkür edirik!

 2011-07-07

1313  Gulya (10-07-2011) salam, babamin 57 yasi var ve 30 dan cox is staji var, hal-hazirda islemir, ona teqaud dusurmu?

Salam.

Əmək pensiyaları haqqında Qanunun 7-ci maddəsinə əsasən 62 yaşına çatmış kişilərin və 57 yaşına çatmış qadınların azı 12 il sığorta stajı olduqda (bu Qanunun qüvvəyə mindiyi günədək yaşa görə əmək pensiyası təyin edilmiş şəxslər istisna olmaqla) yaşa görə əmək pensiyası hüququ vardır.

Qeyd: Bu Qanunun 7-ci maddəsində nəzərdə tutulmuş kişilərin yaş həddi 2010-cu il yanvarın 1-dən başlayaraq 2012-ci ilin yanvarın 1-dək, qadınların yaş həddi 2010-cu ilin yanvarın 1-dən başlayaraq 2016-cı ilin yanvarın 1-dək hər il altı ay artırılır.

Həmçinin əlavə məsləhət almaq üçün bizim firmaya (De Jure hüquq firması) müraciət edə bilərsiniz. 

Yaxud hüquq üzrə treninqlərdə iştirak edə bilərsiniz. 

Bütün xidmətlər ödənişlidir. 

Sualınıza görə təşəkkür edirik!

2011-07-11

1315  Huseyn (11-07-2011) ZEHMET OLMASA MENE KOMEK EDESIZ BIR WEXS VAR GEDIB BIZDEN WIKAYET EDIRKI SIZ MENEN 8000 ABW DOLLARI GOTUMUSUZ HAL BU KI ELE WEY YOXDU QOHUMU MENNEN 15 IL EVVEL 19500 DOLLAR APARIB INDI MENE WER ATIRLAR ELDE HEC BIR SUBUT YOXDU AMA HAKIM SENI TUTULACAGINI SOYLEYIR INDI MEN NE EDIM KI MENI TEQSIRLENDIRILEN WEXS KIMI GORMESINLER CUNKI HEC BIR GUNAHIM YOXDU

Salam.

Əgər təqsiriniz yoxdursa sizi məsuliyyətə cəlb edə bilməzlər. Sübutlar yoxdursa narahat olmağa dəyməz. Əgər öz təqsirsizliyinə əminsiniz prokurorluğa müraciət edə bilərsiniz.

Həmçinin əlavə məsləhət almaq üçün bizim firmaya (De Jure hüquq firması) müraciət edə bilərsiniz. 

Yaxud hüquq üzrə treninqlərdə iştirak edə bilərsiniz. 

Bütün xidmətlər ödənişlidir. 

Sualınıza görə təşəkkür edirik!

 2011-07-13

1316  Namik (12-07-2011) Salam hormetli Dejure kollektivi bele bir sualla narahat edirem sizleri.Mehkeme qetname çixarib müeyyen mebleğin önenilbesi barede (birdefelik),sonra hemin qetname deyişdirilib mahiyetce hemin mebleğdir sadece deyekçi \"A\" və \"B\" den 3 il birdefelik alınaraq sonra yetkinlik yaşına çatanadek her ay \"N\" mebleğ ödenilsin. Sadece olaraq sual doğuran meqam odur ki, bezileri (icracılar)\"A\" və \"B\" den tutulan mebleği müşderek, bezileri ise her birinden ayrıca başa düşür. Bele olan halda men ne etmeliyem? İcracilar son qerar qebul etmiş orqana (Apellasiya instansiyasina) açıqlama almaq üçün menden ərize aldilar. Cavabiniza göre teşekkürler.

Salam.

Sözün düzü sualınız məsələyə aydınlıq gətirmədi. Çalışın sualı daha dəqiqləşdirin və mümkünsə qanunvericilik normalarına əsaslanın.

Həmçinin əlavə məsləhət almaq üçün bizim firmaya (De Jure hüquq firması) müraciət edə bilərsiniz. 

Yaxud hüquq üzrə treninqlərdə iştirak edə bilərsiniz. 

Bütün xidmətlər ödənişlidir. 

Sualınıza görə təşəkkür edirik!

 2011-07-13

1317  Namik (12-07-2011) Birde bele bir sualim olacaq. Mehkeme qerarın icra etmediyine göre CM 306.1 maddesi ile ittiham olunan şexse borcunu ödemediyine göre mebleğin emlakına yönedilmesi üçün mehkemeye mülki qaydada müraciet ede bilerem mi?

Salam.

CM-nə əsasən məsuliyyətə cəlb etmə qeyd etdiyiniz məsələ ilə bağlı deyil. Əgər şəxsin sizə borcu varsa mülki məhkəmə icraatı qaydasında borcun ödənilməsini tələb edə bilərsiniz və iddianın təmini kimi tutmanı əmlaka yönəldə bilərsiniz. 

Həmçinin əlavə məsləhət almaq üçün bizim firmaya (De Jure hüquq firması) müraciət edə bilərsiniz. 

Yaxud hüquq üzrə treninqlərdə iştirak edə bilərsiniz. 

Bütün xidmətlər ödənişlidir. 

Sualınıza görə təşəkkür edirik!

 2011-07-13

1318  Kerim (13-07-2011) Salam, valideyn hansi hallarda ovladini vereselik huququndan(mecburi paydan)mehrum ede biler?

Salam.

Mülki Məcəllənin 1137, 1139-cu maddələrinə nəzər yetirməyiniz məqsədəuyğundur.

Həmçinin əlavə məsləhət almaq üçün bizim firmaya (De Jure hüquq firması) müraciət edə bilərsiniz. 

Yaxud hüquq üzrə treninqlərdə iştirak edə bilərsiniz. 

Bütün xidmətlər ödənişlidir. 

Sualınıza görə təşəkkür edirik!

 2011-07-13

1319  Namik (13-07-2011) 1316 ci suala dair deqiqleşdirim ki mülki iş üzre iki cavabdehden birdefelik olaraq 25 min tutulması qet edilir.(cavabdehlerden biri borcunu tam ödeyir, 2-ci borclu yarısını). Sonra mehz iddiaci terefinden kasasiya şikayeti verilir, şikayet qismen temin edilib yeniden apellasiya mehkemesine gonderilir, sonuncu qetname deyişdirilir ve hemin cavabdehlerden üç il nezere almaqla 4320 man birdefelik saonra ise uşağın yetkinlik yaşına çatana dek her ay 120 man verilmesi qet edilir. Cavabdehlerden biri evvelki qetnameye gore qismen ödediyi mebleği qeri teleb ede biler? Bele olan halda icra nece heyata keçirilir

Salam.

Maraqlı işdir, amma görünür ki, iş materialları ilə tanış olmayınca bununla bağlı birmənalı cavab vermək mürəkkəbdir. Hər bir halda mübahisəli məsələdir və məhkəmə tərəfindən həll edilməlidir. 

Sualınıza görə təşəkkür edirik.

2011-07-14

1320  Fidan (13-07-2011) salam. Yeqinki meni xatirlayarsiniz.yene o movzuda size muraciet etmek isterdim.bizde gelin cixib gedende hamile idi. Sonra usaq olanda qardasima xeber verilmemisdi hardasa 10 gunden sonra bildik ki usaq olub biz onlari mehkemeye vere bilerikki usaq olanda atasina xeber etmiyibler.

Salam.

Məhkəmədə hansı tələbi qoymağınız ortaya çıxacaq. Misal üçün məhkəməyə iddia verdiniz, daha sonra cavabdehdən hansı hərəkətləri etməyə və ya etməməyə tələb edəcəksiniz.

Sualınıza görə təşəkkür edirik!

2011-07-14

1321  Fidan (13-07-2011) birde sualim odur ki qizin ailesinde ter atasi isleyir. evdede anasi, atasi? qiz ozu? bacisi ve qardasi var birde usaqda ama bizim ailede anam ve qardasim dovlet isinde mense yeni baci ozelde isdiyirem biz usaqi saxlamaq ucun yeni madiyyat cehetden mehkeme vasitesi ile bu usulla ala bilerik

Salam.

Əgər uşağın saxlanmasından söhbət gedirsə, bildirməliyik ki, uşaq çox vaxt (məhkəmə qətnaməsi ilə) ana ilə birlikdə qalır (qanunda istisnaları nəzərə almaqla).

Sualınıza görə təşəkkür edirik!

2011-07-14

1322  Ayaz (14-07-2011) Salam. Menim masinimi vurulmasi neticesinde 5 min manat mebleqinde ziyana dusmusem. Inzabiti mehkemede hemin ise baxilib ve zerervuranin teqsiri subuta yetirilib. Teqsirkar sexs masini bas etibarname ile idare edib. Indi ise hemin sexs vurduqu ziyani odemediyine gore dusduyum zererin evezinin odenilmesi ucun mulki iddia qaldiraraq mehkemeye muraciet etmek isteyirem. Lakin teqsirkarin adina hec bir emlak ve diger gelir menbeyi de yoxdur. Sualim bundan ibaretdir: 1. Mehkeme ziyanin odenilmesi haqqinda qerar cixardiqda teqsirkarin veziyyeti nezere alinaraq ziyan nece odenilecek? 2. Masin mulkiyyetinde olan sexs, yeni bas etibarname verenin gosterilen halda her hansi mesuliyyeti varmi, yeni ziyanin odenilmesi barede telebi etibarname verene de qarsi yoneltmeliyemmi?

Salam.

Avtomobilin mülkiyyətçisini də işə ikinci cavabdeh kimi cəlb edə bilərsiniz. Əgər şəxsin heç bir əlakı yoxdur və məhkəmə qətnaməsini icra etməkdən boyun qaçırsa onu əvvəlcə inzibati, daha sonra cinayət məsuliyyətinə cəlb edə bilərlər.

Həmçinin əlavə məsləhət almaq üçün bizim firmaya (De Jure hüquq firması) müraciət edə bilərsiniz.

Yaxud hüquq üzrə treninqlərdə iştirak edə bilərsiniz. 

Bütün xidmətlər ödənişlidir.

Sualınıza görə təşəkkür edirik!

 2011-07-14

1323  Emil (15-07-2011) Salam. Fiziki şəxslər tərəfindən müşayiət olunan baqajda və əl yükündə keçirilən malların, Azərbaycan Respublikasının qüvvədə olan gömrük qanunvericiliyi ilə həmin malların gömrük ödənişləri alınmadan keçirilməsinə yol verilən miqdarı və dəyəri nə gədərdir?

Salam.

Bunun üçün Fiziki şəxslər tərəfindən istehsal və kommersiya məqsədləri üçün nəzərdə tutulmayan malların Azərbaycan Respublikasının gömrük sərhədindən sadələşdirilmiş və güzəştli qaydada keçirilməsinə dair Təlimat ilə tanış olmalısınız.

Sualınıza görə təşəkkür edirik.

2011-07-17

1324  Seymur (19-07-2011) Salam bilьək isdəyirəmki mənə dəymiş 240 manat ziyanın əvəzinin ödənilməsi üçün verilən iddia ərizəsinə nə qədər dövlət rüsumu ödəməliyəm?

Salam.

Dövlət rüsumu haqqında qanunun 8.2.1-ci maddəsinə əsasən iddia qiyməti 110 manatdan çox olduqda dövlət rüsumu 20 manat təşkil edir.

Sualınıza görə təşəkkür edirik.

2011-07-20

1325  seymur (22-07-2011) salam Azərbaycan vətandaşı Bakıdan hal-hazırda Rusiyada yaşayan Rusiya vətəndaşını öz mobil telefonu ilə hədələyərək və sosiaı şəbəkələrdə onun şəkillərini fotoshopda montaj ederek qoymaqla onu şantaj edir. Rusiya vətəndaşı nece onu Bakida polise ve ya huquq orqanlarina şikayet ede biler? (şəkillər və smslər subut kimi saxlanılıb). TƏŞƏKKÜR

Salam.

Yalnız həmin şəxsin yaşadığı ölkə üzrə məhkəməyə və digər hüquq mühafizə orqanlarına müraciət edə bilərsiniz. Həmin sosial şəbəkələrin idarə edən şəxlərə müraciət etməyiniz daha məqsədəuyğun olardı.

Sualınıza görə təəkkr edirik.

2011-07-23

1326  Sahrab (22-07-2011) Salam. Xahiş edirəm deyin, əgər mən Sovet dönəmində Russiyanın Şimalda 10 il işləmişəm (Крайний Север, Приравненые к нему, hələ pensiyaya çıxmamışam....Bunun pensiyaya dəxli olacaqmı??? Təşəkkürlər.....

Salam.

\"Güzəştli şərtlərlə yaşa görə əmək pensiyası hüququ verən istehsalatların, peşələrin, vəzifələrin və göstəricilərin Siyahısı\"nın təsdiq edilməsi barədə Qərar ilə tanış olmağınız məqsədəuyğundur.

Həmçinin əlavə məsləhət almaq üçün bizim firmaya (De Jure hüquq firması) müraciət edə bilərsiniz. 

Yaxud hüquq üzrə treninqlərdə iştirak edə bilərsiniz. 

Bütün xidmətlər ödənişlidir. 

Sualınıza görə təşəkkür edirik!

 2011-07-23

1327  Emil (24-07-2011) Salam. Fiziki şəxslər tərəfindən müşayiət olunan baqajda və əl yükündə keçirilən malların, Azərbaycan Respublikasının qüvvədə olan gömrük qanunvericiliyi ilə həmin malların gömrük ödənişləri alınmadan keçirilməsinə yol verilən miqdarı və dəyəri nə gədərdir?

Salam.

Bu suala Məsləhətxananın 1323-ci sualında cavablandırmışıq.

Bu qədər.

2011-07-26

1328  Rehman (26-07-2011) Hörmətli hüquqşünasları salamlayıram. Xahiş edirəm ki, aşağıdakı suala Konstitusiya Məhkəməsinə müraciətdə təcrübəsi olan vəkillər münasibət bildirsinlər. Konstitusiyanın müvafiq maddələri ilə əsaslandırılaraq, Konstitusiya Məhkəməsinə Ali Məhkəmənin qərarlarından şikayət edilmişdir. Konstitusiya Məhkəməsi şikayətdə göstərilən dəlillərin işin faktiki halları ilə bağlı olduğunu əsas gətirərək, şikayət ərizəsini icraata qəbul etməmişdir. Məlumdur ki, onsuz da Ali Məhkəmənin MK-ı işin faktiki hallarını araşdırmır, yalnız maddi və prosessual hüquq normalarının düzgün tətbiq edilib-edilməməsini yoxlayır. Şikayətin predmeti işin faktiki hallarının yoxlanılması deyil, Ali Məhkəmənin MK-ı tərəfindən prosessual hüquq normalarının kobud surətdə pozulması faktı olmuşdur. Belə olduğu halda, vətəndaş Konstitusiya Məhkəməsinə müraciət edərkən, hansı halları əsas götürməlidir ki, belə səmərəsiz hüquqi münasibətlə üzləşməsin? Təşəkkür edirəm.

Salam.

Konsyitusiya Məhkəməsinə müraciət edərkən bir çox məsələlər nəzərə alımalıdır. Belə ki, Konstitusiya Məhkəməsi haqqında Qanunun 34.4.1-ci maddəsinə uyğun olaraq məhkəmə aktından şikayət vermək hüququndan tam istifadə edilməsi; şikayət axırıncı instansiya məhkəməsinin qərarının qüvvəyə mindiyi andan 6 ay müddətində   verilməsi.

Daha sonra Konstitusiyasının 71, 130-cu maddəsinin V hissəsinə və Konstitusiya Məhkəməsi haqqında Qanunun 31-ci və 34-cü maddələrinə, həmçinin həmin Qanunun 60, 66.4, maddələrinə diqqət yetirməlidir.

Həmçinin əlavə məsləhət almaq üçün bizim firmaya (De Jure hüquq firması) müraciət edə bilərsiniz. 

Yaxud hüquq üzrə treninqlərdə iştirak edə bilərsiniz. 

Bütün xidmətlər ödənişlidir. 

Sualınıza görə təşəkkür edirik!

 2011-07-27

1329  Narmina (26-07-2011) salam, yasli ana gizi ile iki otagli menzilde yasayir. Menzil gizin adindadir. Yola getmedikleri ucun ana menzili bolmek isteyir. Kupcani, isiq su qaz saygaclarini. Xais edirem etrafli bir melumat vererdiz neden baslayib ve ne etmelidir yasli gadin. Cox guman ki ev sahibi yani gizi buna razi olmayacaq. Lakin basga cixis yolu yoxdur. Evvelceden minnetdarligimi bildirirem.

Salam.

Əgər tərəflər razılığa gələ bilməsələr hər bir halda məsələ məhkəmə tərəfindən həll olunmalıdır. Əgər daşınmaz əmlakın naturda bölünməsi mümkün olmasa, həmin əmlak hərrac yolu ilə satılmaqla əldə edilən məbləğ tərəflər arasında bölünəcək (apylara mütanasib). Əgər mülkiyyətçi bir nəfərdirsə o, digər şəxsə kompensasiya verməklə onun payın ala bilər (həmin yaşayış sahəsindən istifadə hüququ varsa). 

Həmçinin əlavə məsləhət almaq üçün bizim firmaya (De Jure hüquq firması) müraciət edə bilərsiniz. 

Yaxud hüquq üzrə treninqlərdə iştirak edə bilərsiniz. 

Bütün xidmətlər ödənişlidir. 

Sualınıza görə təşəkkür edirik!

 2011-07-27

1330  Ceyhun (28-07-2011) Salam Dejure, İş yerində ştatdan kənar işçilərlə hansı müqavilə bağlanmalıdır? Mümkünsə müqavilənin nümunəvi formasını əlavə edin. Əvvəlcədən təşəkkür edirəm. 

Salam.

Bu işəgötürənin mülahizəsindən asılıdır. Həm podrat müqaviləsi ola bilər, həm xidmətlərin göstərilməsi üzrə müqavilə ola bilər (görülən işlərdən asılıdır). Həmçinin vergini ödəmək öhdəliyi kimin üzrinə qoyulması da vacibdir (əgər fərdi sahibkar ilə bağlanırsa onda fərqli olur).

Müqavilə nüsxəsi ödənişli xidmmətlərə aiddir.

Həmçinin əlavə məsləhət almaq üçün bizim firmaya (De Jure hüquq firması) müraciət edə bilərsiniz. 

Yaxud hüquq üzrə treninqlərdə iştirak edə bilərsiniz. 

Bütün xidmətlər ödənişlidir. 

Sualınıza görə təşəkkür edirik!

 2011-07-28

1331  NArmina (28-07-2011) salam dejure, 1992-94 cu illerde ailenin tek evladi -oglanlar (eger baci ve qardasi yoxdursa)herbi xidmetden azad olurdular.bilmek isterdim bu qanun hal hazirda quvvededirmi?ve ya buna oxsar bir istisna hallari varmi?evvelceden minnetdarligimi bildirirem

Salam.

Azərbaycan Respublikasında hərbi xidmətə çağırışın əsasları haqqında Qanunun IV-cü fəslinə əsasən (MÜDDƏTLİ HƏQİQİ HƏRBİ XİDMƏTƏ ÇAĞIRIŞA MÖHLƏT VERİLMƏSİ VƏ ÇAĞIRIŞDAN AZADETMƏ):

Maddə 16. Çağırışa möhlət verilməsi

Müddətli həqiqi hərbi xidmətə çağırışa möhlət ailə vəziyyətinə, sağlamlıq vəziyyətinə görə, təhsili davam etdirmək üçün, deputatlıq fəaliyyəti ilə əlaqədar olaraq verilir.

Müddətli həqiqi hərbi xidmətə çağırışa möhlət rayon, şəhər, şəhərdə rayon çağırış komissiyasının qərarı ilə verilir. Həmin məsələdə komissiya yalnız bu Qanunu rəhbər tutur.

Möhlət almaq üçün əsasları itirmiş çağırışçılar, habelə möhlət hüququ olmayan və ya çağırışdan azad edilmək üçün bu Qanunda nəzərdə tutulmuş əsasları olmayan, müxtəlif səbəblərə görə müəyyən edilmiş müddətlərdə müddətli həqiqi hərbi xidmətə çağırılmamış şəxslər 35 yaşına çatanadək növbəti çağırış keçirilərkən xidmətə çağırılmalıdırlar.

Maddə 17. Ailə vəziyyətinə görə çağırışa möhlət verilməsi

Ailə vəziyyətinə görə həqiqi hərbi xidmətə çağırışdan möhlət himayəsində aşağıdakı şəxslər olan çağırışçılara verilir:

1) birinci qrup əlil olan ata və ya ana, onlarla birlikdə və ya ayrılıqda yaşamalarından asılı olmayaraq, onları saxlamalı olan başqa övladları olmadıqda;

(Çıxarılıb)

2) hərbi xidmətə çağırılanadək doğulmuş üç və daha çox uşağı olan, yaxud birinci və qrup əlil olan arvad;

3) səkkiz yaşınadək üç və ya daha çox uşağı olan ana;

4) 18 yaşınadək və yaxud yaşları 18-dən yuxarı, lakin birinci və qrup əlil olan qardaş və ya bacı, onları saxlamaq imkanına malik başqa şəxslər olmadıqda.

Çağırışçılara ailə vəziyyətinə görə hərbi xidmətə çağırışdan möhlət 35 yaşa qədər verilir. Bu yaşa qədər çağırışdan möhlət hüququnu itirməmiş şəxslər dinc dövrdə müddətli həqiqi hərbi xidmətdən azad olunurlar və ehtiyata keçirilirlər.

Maddə 18. Səhhətə görə çağırışa möhlət verilməsi

Tibbi müayinə zamanı həqiqi hərbi xidmətə müvəqqəti yararsız sayılmış şəxslərə çağırışdan səhhətə görə möhlət verilir.

Səhhətə görə çağırışdan möhlət üç il müddətinədək, hər dəfə bir ildən artıq olmamaq şərti ilə verilə bilər. Üç ildən sonra, səhhətinin vəziyyətindən asılı olaraq, möhlət almış çağırışçılar ya həqiqi hərbi xidmətə çağırılırlar, ya da hərbi xidmətə tam yararsız hesab olunaraq hərbi uçotdan çıxarılırlar, yaxud da 35 yaşına çatana qədər müntəzəm ardıcıllıqla təkrarən tibbi müayinədən keçərək ehtiyata keçirilirlər. Bu yaşa çatmamış ehtiyatda olan şəxslər, təkrar ciddi müayinə zamanı dinc dövrdə həqiqi hərbi xidmətə yararlı hesab olunarlarsa, ümumi əsaslarla həqiqi hərbi xidmətə çağırılırlar.

Maddə 19. Təhsili davam etdirmək üçün çağırışa möhlət verilməsi

Ümumtəhsil məktəblərini bitirdikdən sonra mülkiyyət formasından asılı olmayaraq dövlət qeydiyyatından keçmiş və xüsusi razılıq (lisenziya) almış təhsil müəssisələrində və onların filiallarında təhsilini davam etdirmək üçün aşağıdakı çağırışçılara möhlət yalnız bir dəfə verilir.

a) orta ümumtəhsil məktəblərində əyani və ya axşam orta təhsil alan, 20 yaşınadək çağırışçılara;

b) peşə təhsili müəssilərində təhsil alan, bu məktəblərədaxil olana qədər orta təhsil almamış 20 yaşınadək çağırışçılara;

v) orta ixtisas məktəblərində təhsil alan, bu məktəblərə daxil olana qədər orta təhsil almamış 22 yaşınadək çağırışçılara;

q) dövlət, qanunvericiliklə müəyyən olunmuş qaydada dövlət qeydiyyatından keçmiş və xüsusi razılıq (lisenziya) almış qeyri-dövlət ali təhsil müəssisələrinin əyani formada ali təhsilin birinci - bakalavr (ali tibbi təhsil üçün, o cümlədən internatura) pilləsində təhsil alan tələbələrinə və xarici ölkələrdə əyani formada ali təhsil alan tələbələrə — təhsilini bitirənədək. Ali təhsil müəssisələrindən xaric edilmiş şəxslər çağırışdan möhlət hüquqlarını itirirlər və ümumi əsaslarla həqiqi hərbi xidmətə çağırılırlar;

(çıxarılıb)

Təhsilini davam etdirmək üçün çağırışdan möhlət almış, həmçinin müxtəlif səbəblərə görə qanunvericiliklə müəyyən edilmiş müddətdə həqiqi hərbi xidmətə çağırılmamış çağırışçılar 35 yaşına çatanadək həqiqi hərbi xidmətə çağırılırlar.

Maddə 20. Deputatlıq fəaliyyəti ilə əlaqədar olaraq çağırışa möhlət verilməsi

Xalq deputatları sırasından çağırışçıların deputatlıq səlahiyyəti dövründə deputatlıq fəaliyyəti ilə əlaqədar çağırışına möhlət verilir.

Maddə 21. Müddətli həqiqi hərbi xidmətə çağırışdan azadetmə və müddətli həqiqi hərbi xidmətə çağırılmayan vətəndaşlar

Dinc dövrdə aşağıdakı çağırışçılar sırasından vətəndaşlar müddətli həqiqi hərbi xidmətə çağırışdan azad edilirlər:

a) elmlər namizədi, elmlər doktoru elmi dərəcəsi olan vətəndaşlar;

b) səhhətinə görə dinc dövrdə həqiqi hərbi xidmətə yararsız, müharibə dövründə məhdud yararlı, yaxud hərbi uçotdan çıxarılmaqla həqiqi hərbi xidmətə yararsız sayılmış çağırışçılar;

v) alternativ xidmət (əmək mükəlləfiyyəti) keçməyə göndərilmiş çağırışçılar;

q) 35 yaşı tamam olanadək müxtəlif səbəblər üzündən müddətli həqiqi hərbi və ya alternativ xidmət keçməmiş çağırışçılar;

ğ) ağır və ya xüsusilə ağır cinayət törətdiklərinə görə azadlıqdan məhrum etmə növündə cəzaya məhkum olunmuş vətəndaşlar;

d) Azərbaycan Respublikasında (habelə keçmiş SSRİ-də) həqiqi hərbi xidmət keçmiş vətəndaşlar.

e) Azərbaycan Respublikasının İnsan hüquqları üzrə müvəkkili (ombudsman).

Aşağıdakı şəxslər müddətli həqiqi hərbi xidmətə çağırılmırlar:

a) ictimai işlər, islah işləri, azadlığın məhdudlaşdırılması və azadlıqdan məhrum etmə növündə cəza çəkən vətəndaşlar;

b) əvvəllər törətdiyi cinayətə görə məhkumluğu üzərindən götürülməmiş, yaxud məhkumluğu ödənilməmiş vətəndaşlar;

v) barəsində olan cinayət işi üzrə təhqiqat və ya istintaq aparılan, yaxud barəsində olan cinayət işinə məhkəmədə baxılan vətəndaşlar.

1332  Narmina (28-07-2011) salam. Esitdiyimize gore magistraturaya daxil olanlara(azerbaycanda ve ya xarici olkede) herbi xidmetden mohlet verilir. Bu qanun quvvededirmi? ve ne vaxtdan?

Salam.

Azərbaycan Respublikasında hərbi xidmətə çağırışın əsasları haqqında Qanunun 19-cu maddəsinə əsasən 

Ümumtəhsil məktəblərini bitirdikdən sonra mülkiyyət formasından asılı olmayaraq dövlət qeydiyyatından keçmiş və xüsusi razılıq (lisenziya) almış təhsil müəssisələrində və onların filiallarında təhsilini davam etdirmək üçün aşağıdakı çağırışçılara möhlət yalnız bir dəfə verilir.

a) orta ümumtəhsil məktəblərində əyani və ya axşam orta təhsil alan, 20 yaşınadək çağırışçılara;

b) peşə təhsili müəssilərində təhsil alan, bu məktəblərədaxil olana qədər orta təhsil almamış 20 yaşınadək çağırışçılara;

v) orta ixtisas məktəblərində təhsil alan, bu məktəblərə daxil olana qədər orta təhsil almamış 22 yaşınadək çağırışçılara;

q) dövlət, qanunvericiliklə müəyyən olunmuş qaydada dövlət qeydiyyatından keçmiş və xüsusi razılıq (lisenziya) almış qeyri-dövlət ali təhsil müəssisələrinin əyani formada ali təhsilin birinci - bakalavr (ali tibbi təhsil üçün, o cümlədən internatura) pilləsində təhsil alan tələbələrinə və xarici ölkələrdə əyani formada ali təhsil alan tələbələrə — təhsilini bitirənədək. Ali təhsil müəssisələrindən xaric edilmiş şəxslər çağırışdan möhlət hüquqlarını itirirlər və ümumi əsaslarla həqiqi hərbi xidmətə çağırılırlar;

Təhsilini davam etdirmək üçün çağırışdan möhlət almış, həmçinin müxtəlif səbəblərə görə qanunvericiliklə müəyyən edilmiş müddətdə həqiqi hərbi xidmətə çağırılmamış çağırışçılar 35 yaşına çatanadək həqiqi hərbi xidmətə çağırılırlar.

Yani yalnız bakalavr pilləsi üçün nəzərdə tutulub.

1333  Rehman (30-07-2011) Salam! 1328-ci sualla bağlı cavabınıza görə çox təşəkkür edirəm. Təkcə mənim üçün qaranlıq qalan Konstitusiya Məhkəməsi haqqında qanunun 71-ci maddəsinin digər göstərdiyiniz maddələrlə əlaqəsi oldu. Bu başqa maddənin əvəzinə texniki səhv olaraq göstərilə bilərdimi? Təşəkkür edirəm.

Salam.

Bəli texniki səhvdir. Konstitusiyanın 71-ci maddəsi kimi qiymətləndirin.

Sualınıza görə təşəkkür edirik.

2011-08-01

1334  Emin (03-08-2011) Salam. menim islediyim muessisede ele olub ki, biz hardasa 3 ay fasilesiz olaraq 10 saatliq is rejiminde islemisik. lakin emek haqqi hesablananda ayliq nora saatlardan artiq islenmis saatlarin pulu adi qaydada odenilmis (halbuki əlavə saatlar ikiqat odenilmelidir) və is qurtarandan sonra bizi odenishsiz evezgune gonderibler. Hemde evezgunleri teqvim gunu ile deyil, is gunu ile hesablayirlar. Bu cur hesabla 3 ay fasilesiz ise 4 aydan cox evezgunde olmusuq. Sonradan bu cur haqsizliga etiraz edenlerin coxlugunu gorub guya evezgunlerin odenileceyini dediler. Burda yeniden saxtakarliga yol verdiler. Meselen 2010-cu il ucun hesablanmis evezgunlerden istifade etdiyimiz evezgunleri cixandan sonra yerde qalan evezgunlerin odenileceyini dediler.Hesablananda melum oldu ki.bu cur hesabatla hec kime odenis dushmur.Halbuki islediyimiz artiq saatlarin pulu adi qaydada odenilib ve elave saatlara gore bizi odenishsiz evezgune gonderibler. Xahis edirem bize huquqi yardim edesiniz ne derecede dogrudur bu.

Salam.

Hesab edirik ki, çoxlu sayda hüquq pozuntular baş vermişdir. Bununla bağlı Əmək Müfəttişiliyinə müraciət etməyiniz məqsədəuyğundur. 

Həmçinin əlavə məsləhət almaq üçün bizim firmaya (De Jure hüquq firması) müraciət edə bilərsiniz. 

Yaxud hüquq üzrə treninqlərdə iştirak edə bilərsiniz. 

Bütün xidmətlər ödənişlidir. 

Sualınıza görə təşəkkür edirik!

 2011-08-03

1335  Kamran (04-08-2011) Salam! Məhkəmə fərdi mənzil tikintisi üçün bələdiyyənin ayırdığı torpaq üzərində mülkiyyət hüququnun tanınması ilə əlaqədar qətnamə qəbul etmişdir. Torpaq şöbəsi, məhkəmə qətnaməsinə verilən icra vərəqindən sonra rayon XDS-nin keçmiş qərarı əsasında digər vətəndaşın adına Şəhadətnamə hazırlayaraq, qətnaməni icra etməyəcəyini bildirir. Şəhadətnamə dövlət qeydiyyatından keçməmiş və məhkəmə baxışında da təqdim olunmamışdır. Belə olan halda hansı qərar hüquqi cəhətdən daha üstündür? Təşəkkür edirəm.

Salam.

Məhkəmə qətnaməsi üstündür. Əgər dövlət qurumun əlavə sübutları varsa və məhkəmənin qətnaməsi ilə razı deyilsə müvafiq qaydada şikayət edə bilər.

Sualınıza görə təşəkkür edirik.

2011-08-04

1336  Rovshan (04-08-2011) Salam.Mən Xətai rayonunda 1970-ci ildən yaşayıram.2005-ci ildə mənim hasarıma bitişik olan mənzilə Yaqubov N. adlı qonşu gəldi. Bu yaxınlarda həmin qonşu özbaşına olaraq hasarımı və əl damımın arxasını yarıya qədər sökmüşdür. Hal-hazırda hasarımı və əl damımın arxa hissəsini özbaşına sökən Yaqubov N. barədə hara müraciət etməliyəm ki, sökdüklərini yerinə bərpa etsin.

Salam.

Bununla bağlı məhkəməyə müraciət edə bilərsiniz və zərərin əvəzini ödəməyini tələb edə bilərsiniz. 

Sualınıza görə təşəkkür edirik.

2011-08-05

1337  Orxan (08-08-2011) Salam, xahiş edirəm cavab verəsiniz, əgər işçinin əmək müqaviləsinin müddəti bitmişdirsə, bu müddəti iş bitiminə qədər necə uzatmaq olar?

Salam.

Bunun üçün müqavilənin müddətin uzadılması ilə bağlı işəgötürənin əmri (həmçinin, müqaviləyə Əlavə - müqavilənin müddətin uzadılması ilə bağlı) olmalıdır. 

Sualınıza görə təşəkkür edirik.

2011-08-09

1338  Samir (08-08-2011) Salamlar. Belə bir sualım var. Hal-hazırda işləyən bir işçini pensiya yaşına çatdığına görə işdən çıxarırlarsa (təqaüdə göndərirlərsə) həmin şəxsə işlədiyi iş yerindən kompensasiya ödənilməlidirmi? Əgər ödənilməlidirsə, bu nə qədər olmalıdır?

Salam.

İşçi ümumi qaydada işdən azad olunur. Əgər istifadə edilməmiş məzuniyyət günləri varsa, yalznız buna görə kompensasiya ödənilməlidir (Əmək Məcəlləsi maddə 135).

Sualınıza görə təşəkkür edirik.

2011-08-09

1339  Metanet (09-08-2011) Salamlar. Beləbir sualım var. Əgər evdə qeydiyyatda olanların xəbəri olmadan digəri kredit arayışıyla bağışlanma edə bilərmi? Bu qanuni ola bilər?

Salam.

Bağışlanma mülkiyyətçi tərəfindən həyata keçirilir. Lakın əgər həmin yaşayış yerində digər şəxslər qeydiyyata alınıbsa, bununla bağlı onların da yazılı razılığı olmalıdır. Əks təqdirdə məhkəmədə məsələni mübahisələndirə bilərsiniz.

Sualınıza görə təşəkkür edirik.

2011-08-09

1340  Namik (11-08-2011) Salam. Bele bir sualım var. Azərbaycanda ikili vətəndaşlığı olan şexs şexsiyyət vəsiqəsi ala bilər? Ala bilərsə hansı senedleri teqdim etmelidir

Salam.

Azərbaycan qanunvericiliyi ikili vətəndaşlığı qəbul etmir. Amma eyni zamanda heç kim Azərbaycan vətəndaşlığından məhrum edilə bilməz (Azərbaycan Respublikasının vətəndaşlığı haqqında Qanunun 2-ci maddəsi). Buna görə də əgər Azərbaycan vətəndaşıdırsa adi qaydada sənədləri təqdim etməlidir (Azərbaycan Respublikası vətəndaşının şəxsiyyət vəsiqəsi haqqında Qanuna uyğun olaraq).

Sualınıza görə təşəkkür edirik.

2011-08-11

1341  Sahrab (15-08-2011) Salam. Əgər işçinin görmə qabiliyyəti(peşə xəstəliyi deyil,fiziki qüsur)80%-ə qədər itiribsə və o öz işinin öhdsindən gələ bilmirsə, onu işdən azad etəımək olarmı? Təşəkkürlər.

Salam.

Əmək Məcəlləsinin 74.1-ci maddəsinin \"c\" bəndinə əsasən qanunvericiliklə daha uzun müddət müəyyən edilməyibsə, əmək qabiliyyətinin fasiləsiz olaraq altı aydan çox müddətə tam itirilməsi ilə əlaqədar işçi əmək funksiyasını yerinəyetirə bilmədikdə tərəflərin iradəsindən və ya istəyindən asılı olmayaraq əmək müqaviləsinə xitam verilir.

Lakın əgər müəssisədə daha yüngül iş şəraiti varsa onda həmin Məcəllənin 231-ci maddəsinə əsasən səhhətinə görə daha yüngül işdə işləməyə ehtiyacı olan işçiləri işəgötürən onların razılığı ilə tibbi rəyə uyğun olaraq daha yüngül müvafiq işə müvəqqəti və ya daimi keçirməyə borcludur. 

Sualınıza görə təşəkkür edirik.

2011-08-15

1342  Salam! Notariuslarda vəsiyyətnamə tərtib etmək üçün müvafiq forma mövcuddur. Xahiş edirəm bildirəsiniz, ucqar kəndlərdə icra nümayəndəsi vəsiyyətnaməni təsdiqləyərsə, gələcəkdə qanuni hesab edilərmi? Əgər qanuni hesab edilərsə, vəsiyyətnamə tərtib edilərkən hansı hallara diqqət yetirmək lazımdır? Təşəkkür edirəm.

Salam.

Bu bölmədə (Vərəsəlik hüququ haqqında şəhadətnamələrin verilməsi) qeyd etdiyiniz məsələ ilə bağlı ətraflı yazılıb.

SUalınıza görə təşəkkür edirik.

2011-08-15

1343  Kamran (16-08-2011) Salam. 1342-ci sualla bağlı Sizi təkrar narahat etməyimi üzrlü hesab etməyinizi xahiş edirəm. Cavabınızda göstərdiyiniz linkdə heç bir məlumat verilməmişdir. Aydınlıq gətirmiş olsaydınız çox minnətdar olardım. Çox sağ olun.

Salam.

Aydınlaşdırırıq.

Mülki Məcəllənin 1179-ci maddəsində daha asan və sadə bu məsələyə aydınlıq gətirir. Belə ki, Vəsiyyətnamə yazılı formada tərtib edilməlidir. Həm də notariat formasında və ya bunsuz yazılı vəsiyyətnaməyə yol verilir. Notariat forması tələb edir ki, vəsiyyətnaməni vəsiyyət edən tərtib etsin və imzalasın, notarius, notariusun olmadığı yerlərdə isə yerli özünüidarə orqanı təsdiqləsin.

Sualınıza görə təşəkkür edirik.

2011-08-16

1344  Natiq (16-08-2011) Salamlar. Bir adam haqda DIN Mapsdan informasiya almaq ucun esas olmalidirmi muraciete? Bu nece mueyyenlesir? Nece sorgu yollaya bilerem? Ve atasinin adini da bilmek mecburidirmi. Tesekkurler.

Salam.

Adətən hansı bir şəxs barədə məlumat aldıqda səbəb olmalıdır (misal üçün, məhkəmə işi ilə əlaqədar və s.). Şəxsin tam adı göstərilməsi məqsədəuyğundur. 

Sualınıza görə təşəkkür edirik.

2011-08-17

1345  Terlan (17-08-2011) Salam. Men bir şirketde işleyirem. İndi hemin iş yerinden oz raziligimla emek müqavileme xitam verirem. Yeni işden cixiram. 1 (bir) ay bundan qabaq mezuniyyete cixmaq baresinde erize vermişdim ve meni mezuniyyete buraxmirdilar. bir haldaki qanuni oldugu halda. Lakin indi men artiq hemin iş yerini terk edirem ve sualimsa beledir mene mezuniyyete gore pul odemelidirlermi? Cunki kecen ay vaxtim idi mezuniyyete cixmaq. Amma cixartmadilar. Onceden teşekkur edirem. Hormetle Terlan.

Salam.

Bəli. Əgər məzuniyyətinizdən istifadə etməmisinizsə buna görə kompensasiya almalısınız (Əmək Məcəlləsinin 135-ci maddəsi).

Sualınıza görə təşəkkür edirik.

2011-08-17

1346  Namik (19-08-2011) Salam hörmetli dejure kollektivi, bele bir sualım olacaq borclunun uzun müddetli aylıq pul ödemelidir. Men mehkemeden indeksasiya olunmasını teleb ede bilerem, eger he hansı esasla, evvelceden sağ olun.

Salam.

Həmin məsələdə indeksasiya ifadəsini istifadə edilməsi bir az düzgün deyil. Bu halda dəbbə pulun hesablanması və zərərin əvəzinin ödənilməsi daha məqsədəuyğun olar (Mülki Məcəllənin 450, 460, 461-467 maddələri). 

Həmçinin əlavə məsləhət almaq üçün bizim firmaya (De Jure hüquq firması) müraciət edə bilərsiniz.

Bütün xidmətlər ödənişlidir. 

Sualınıza görə təşəkkür edirik!

 2011-08-20

1347  Melahet (20-08-2011) Salam Dejure kollektivi! Sizi bele bir sualla mureciet edirem. Gulaye adli bir ovlad 70 yaşli xeste ata-anani mulke yiyelenmekden otru boşatdirdi. Atanı polis şöbəsnə verdi ki, onun haqqında cinayət işi qaldırın. -heç nə sübuta yermadi rədd edildi. Ata haqsizliga dozmedi rehmete getdi. Hemin qiz şikayet verdi ki atam ekskumasiya olmalidir. Guya gelin, qardaşi öldürüb. Baxımsızlıqdan ölüm həddinə çatdırılıb. Cinayət işi açıldı. Ekskumasiya oldu. Lakin rayon prokuroroluğuna ekskumasiyanın cavabı gəldi yəni o dediyi yerini almadı. Atanın başını bədənindən ayıran hökümlü qıza neç bir cinayət işi açılmadı. Qəbirdən 3 aylıq atanın meyidi çıxarılıb, başı bədəndən ayrılıb ruhu narat edilibsə, cinayət yerini tapmayıbsa, belə övladın cəzasız qalması düzdürmü və hansı qanuna uyğundur?

Salam.

Bu cür hərəkətləri təəssüflə qarşılıya bilərik. Lakın həmin şəxsin əməllərində cinayət tərkibi yoxdur, yalnız əxlaq baxımından çox təəccübləndirici haldır.

Sualınıza görə təəkkür edirik.

2011-08-22

1348  Rehman (21-08-2011) Salam. Gecəniz xeyir olsun. Mənə iş stajı faktının müəyyən edilməsi barədə ərizənin forması ıazımdı. Mümkünsə mənə bunu göndərin yaxud necə tapmaqım haqqında qısa bir məlumat verin. Qabaqcadan minnətdarlığımı bildirirəm.

Salam.

Ola bilsin ki, stajı müəyyən edən arayış nəzərdə tutudunuz. Hansı ki, şirkət (müəssisə) tərəfindən verilir. 

Aşağıda göstərilənlərə diqqət yetirin:

A R A Y I Ş

Verilir, Flankəs Flankəsov Flankəs oğluna, ondan  ötrü  ki,  o,  həqiqətən 09.07.2007-ci il tarixindən «Şirkətin adı» MMC-də işləyir. Hal-hazırda, o, Flan Departamentin mütəxəssis vəzifəsini tutur. Ştat Cədvəlinə uyğun olaraq, aylıq vəzifə maaşı 327,00  (üç yüz iyirmi yeddi) manat məbləğ təşkil edir.

Arayış, ________________________________təqdim  edilmək  üçün,  verilir.

SUalınıza görə təşəkkür edirik.

2011-08-22

1349  Mehman (24-08-2011) Salam dəyərli hüquqşünaslar! Sualım bundan ibarətdir. 21 il bundan öncə (1990) bir mənzil almışıq. Evin əsas sənədi order idi. 2010-cu ildə ev üçün kupça düzəltdirmək istədikdə, məlum oldu ki, orderdə yalnız imza var, möhür yoxdur (əvvəllər buna heç fikir verməmişdik). Möhür vurulması tələbi ilə Rayon İcra Hakimiyyətinə müraciət etdik, onlar bizə bu işin yalnız məhkəmə ilə həll olunacağını bildirdilər. Bu evdə evi alandan indiyədək, 5 ailə üzvüm ilə birlikdə daimi qeydiyyatdayıq və ev alınandan indiyədək burada yaşayırıq. Bu müddət ərzində ev ilə bağlı bütün kommunal ödənişlər tam ödənilib. Evin heç bir başqa mübahisəli tərəfi yoxdur (evə başqa heç kimin iddiası yoxdur). Arxiv İdarəsində ev ilə bağlı və orderin aid olduğu müvafiq sərəncamla bağlı heç bir məlumat yoxdur. Onu da bildirim ki, belə orderlə mənzil həmin dövrdə başqa şəxslərə də verilib. Bilmək istərdim ki, bu məsələdə qanun kimin tərəfindədir? Bu mənzilin orderinə möhür vurulmalıdırmı?

Salam.

Bəli çöhür vurulmalıdır. Lakın müvafiq icra hakimiyyəti orqanı bundan imtina edirsə məhkəmə qaydasında bu məsələni həll edə bilərsiniz. Və məhkəmə müvafiq hərəkətləri etməyə dövlət orqanını məcbur edə bilər.

Sualınıza görə təşəkkür edirik.

2011-08-25

1350  Samir (26-08-2011) Salam hörmətli hüquqşünaslar. Sualım belədir: Sürücülük vəsiqəmin müddəti bu yaxınlarda bitəcək. Vəsiqənin dəyişdirilməsi üçün hansı sənədlər tələb olunur və nə qədər məbləğdə dövlət rüsumu ödənilməlidir? Vəsiqənin dəyişdirilməsi üçün yenidən imtahan verilməlidir? Çox sağolun.

Salam.

Avtomotonəqliyyat vasitələrini və onların qoşqularını idarə etmək hüququ verən sürücülük vəsiqəsi almaq istəyən şəxslərdən imtahanların qəbul edilməsi, sürücülük vəsiqələrinin verilməsi və dəyişdirilməsi qaydaları haqqında Təlimatın 6-cı paraqrafına diqqət yetirin.

6.1. Sürücülük vəsiqəsinin dəyişdirilməsi üçün aşağıdakı hallar əsas sayılır:

• - etibarlılıq müddətinin qurtarması;
• - sahibinin soyadı, adı və atasının adının dəyişdirilməsi;
• - yazılarında dəqiqsizlik müəyyən edilməsi;
• - yararsız hala düşməsi;
• - itirilməsi;
• - yeni nümunəli vəsiqələrin tətbiqi nəticəsində ölkədə sürücülük vəsiqələrinin dəyişdirilməsi.

6.2. Sürücülük vəsiqəsinin dəyişdirilməsi vəsiqə sahibinin bu Təlimata 6 saylı əlavəyə uyğun formada ərizəsi, müvafiq kateqoriyalı nəqliyyat vasitələrinin idarə edilməsinə yararlılığı barədə tibbi arayış və şəxsiyyəti təsdiq edən sənəd əsasında QİM-də imtahansız, əvvəllər malik olduğu kateqoriyalar saxlanılmaqla bir gün ərzində həyata keçirilir. Bu hal Azərbaycan Respublikası vətəndaşlarının keçmiş SSRİ nümunəli sürücülük vəsiqələrinə də şamil edilir.

Dövlət rüsumu haqqında Qanunun 18.65.5-ci maddəsinə əsasən sürücülük vəsiqəsinin verilməsi - 15 manat təşkil edir.

Sualınıza görə təşəkkür edirik.

 2011-08-26

1351  Elşad (26-08-2011) Salam, Mülki Məcəllənin 53-cü maddəsində qeyd olunan \"Nümayəndəlik\" ifadəsi ilə Vergi Məcəlləsinin 13.2.39.3-cü maddəsində işlədilən daimi nümayəndəlik anlayışları eyni məna kesb edir yoxsa fərqli fərqli anlayışlardır?

Salam.

Həmin məcəllələrin tənzimlədiyi sahələr fərqlənir. Bunun üçün Məcəllələrin əvvəlinə baxın (maddə 1). Buna görə də onları eyniləşdirmək, fikrimizcə düzgün olmaz. Həmçinin MM-də yalnız nümayəndəlik və filiallardan qeyd edilir. Lakın VM \"struktur bölmələri və ya digər ayrıca bölmələri\" ifadəsi işlədilir (bu şöbələr  və s. ola bilər).

Sualınıza görə təşəkkür edirik.

2011-08-26

1352  Rəsul (26-08-2011) Salam! Sizdən xahiş edirəm ki, bir sualıma cavab verəsiniz. Bizim ev beşmərtəbəli binanın 1-ci mərtəbəsində yerləşdiyi üçün bilmək istərdim ki, yol, müxtəlif kommunikasiya qurğuları və s. obektler binadan və bizim pəncərədən nə qədər məsafədən keçməlidir, o cümlədən müxtəlif tikintilər hansı məsafədə tikilməlidir! Əvvəlcədən öz təşəkkürimi bildirirəm!

Salam.

Bunun üçün Tikinti işlərinin təşkili, aparılması və tikintisi başa çatmış obyektlərin istismara qəbulu Qaydaları ilə tanış olmağınız daha məqsədə uyğundur.

Sualınıza görə təşəkkür edirik.

2011-08-27

1353  Kamran (27-08-2011) Salam. Hörmətli hüquqşünaslar, 18 yaşı tamam olmamış övlada mülkiyyət bağışlamaq olarmı? Qanunvericilikdə belə hal üçün əlaqədar təşkilatlar (notarius, reyestr xidməti və s.) mülkiyyət sahibinə hansı tələblər irəli sürə bilər?

Salam.

Bunun üçün Mülki Məcəllənin 28-30-ci maddələri ilə tanış olmaq məqsədəuyğundur. Və sizə hər şey aydın olacaq.

Sualınıza görə təşəkkür edirik.

2011-08-27

1354  Rehman (27-08-2011) Salam, hörmetli hüquqşünaslar! Belə bir ciddi vəziyyət yaranmışdır. Mülki işlə əlaqədar bütün səmərəli hüquqi müdafiə vasitələri tükənmişdir. İndi məlum olmuşdur ki, apellyasiya şikayətini və məhkəmədə təmsil olunmaq üçün etibarnaməni səlahiyyəti çatmayan şəxs imzalamışdır. Buna görə qanunvericilikdə cinayət məsuliyyəti (AR CM mad.294 və 310) nəzərdə tutulur. Belə olan halda, artıq başa çatmış Məhkəməyə təqdim edilmiş sənədlərdə imzaların saxta olduğunu təsdiq etmək məqsədilə texniki ekspertizanın keçirilməsi üçün kimə müraciət olunmalıdır? Minnətdarlıq edirəm.

Salam.

Ekspertizanın keçirilməsi ilə bağlı məhkəmədə vəsatət qaldırılır və məhkəmə bu vəsatəti əsaslı hesab etdiyi təqdirdə müvafiq qərardad qəbul edir (Mülki Prosessual  Məcəlləsinin 87.2-ci maddəsi).

Sualınıza görə təşəkkür edirik.

2011-08-27

1355  Hafiz (27-08-2011) salam atamin 48 il pedeqoji starji var 146 manat pensya alirdi xahis edirem mene cavab veresiz bunu nece hesablamaq lazimdir ve indiki gunde texmini nece manat ola biler

Salam.

Oxşar suallar Məsləhətxanada dəfələrlə cavablandırılmışdır (Suallar: 1118, 1012, 917, 906 və s)

Təəssüflər olsun, amma sadə alınmayacaq. Çünki bu sahədə qanunvericilik mürəkkəbdir və iri həcmlidir. Həmçinin pensiyaların növündən asılı olaraq onların hesablanma qaydası da fərqlənir.

Misal üçün:

Yaşa görə əmək pensiyasının yığım hissəsinin məbləği bütün hallarda bu Qanunun 7-ci maddəsində göstərilmiş yaş həddinə uyğun olaraq aşağıdakı düsturla müəyyən edilir:

YH=PYK/T, burada:

YH - yaşa görə əmək pensiyasının yığım hissəsidir;

PYK- sığortaolunanın fərdi hesabının yığım hissəsində yaşa görə əmək pensiyasının təyin olunduğu tarixə toplanmış pensiya kapitalıdır;

T - gözlənilən pensiya ödənişi müddətinin aylarının sayıdır.

10.4. Yaşa görə əmək pensiyasının məbləği aşağıdakı düsturla müəyyən edilir:

P=BH+SH+YH, burada:

P- yaşa görə əmək pensiyasıdır;

BH - yaşa görə əmək pensiyasının baza hissəsidir;

SH - yaşa görə əmək pensiyasının sığorta hissəsidir;

YH - yaşa görə əmək pensiyasının yığım hissəsidir.

Əgər bu məsələ sizi doğrudanda maraqlandırırsa aşağıdakı normativ aktlarla tanış olun:

• \"Əmək pensiyaları haqqında\" Azərbaycan Respublikası Qanununun qüvvəyə mindiyi günədək qüvvədə olmuş qanunvericilik üzrə təyin edilmiş əmək pensiyalarının yenidən hesablanması Qaydaları
• Əmək pensiyaları haqqında Qanun

Amma ən optimal variant DSMF-ə yazılı müraciət etməkdir.

Həmçinin əlavə məsləhət almaq üçün bizim firmaya (De Jure hüquq firması) müraciət edə bilərsiniz.

Yaxud hüquq üzrə treninqlərdə iştirak edə bilərsiniz.

Bütün xidmətlər ödənişlidir.

Sualınıza görə təşəkkür edirik!

2011-08-28

1356  Rehman (28-08-2011) Salam! 1354-cü sualla əlaqədar əlavə olaraq bildirmək istəyirəm ki, hal-hazırda cinayət əməlləri hesab edilən faktlar artıq bütün məhkəmə instansiyaları mülki işə baxdıqdan sonra məlum olmuşdur. Sualım da onunla əlaqədar idi ki, belə olan halda, mülki işdə olan sənədlərlə bağlı ekspertizanın keçirilməsi üçün hansı addımlar atılmalıdır? Bilmək istəyirəm ki, Baş Prokurorluğa bu məsələ ilə bağlı müraciət olunarsa, müsbət nəticə ola bilərmi, yoxsa məmurların özbaşınalıq etdiklərinə görə talehin hökmü ilə barışmaq lazımdır? Təşəkkür edirəm.

Salam.

Sual - 1354.

Siz bunu öz vəkiliniz vasitəsilə də edə bilərsiniz (əgər varsa), hər bir halda əgər sübutlarınız varsa və haqlısınız axıracan mübarizəni aparın.

Sualınıza görə təşəkkür edirik.

2011-08-28

1357  Orxan (31-08-2011) salam. sualim beledir. Bir nefere etibarname verilir. Ve tapshirilmish emlak barede butun huquqlardan istifade etmek orda oz eksini tapir. bilmek isterdim ki bele etibarnameyle menzil satilarken evde qeydiyyatda olanin raziligi lazimdirmi? Eger qeydiyyatda olan etibarname veren tek ozudurse? Xaish edirem bu suala cavab veresiniz.

Salam.

Hər bir halda etibarnaməni əmlakın mülkiyyətçisi verməlidir (Mülki Məcəllə maddə 362). Əgər əmlak bir-neçə şəxsin mülkiyyətindədirsə hər bir şəxs (mülkiyyətçi) etibarnamədə göstərilməlidir (etibarnamə bir-neçə adam tərəfindən bir nəfərə də verilə bilər). Etibarnamə əmlaka mülkiyyət hüquqlarını vermir, ona görə də mülkiyyətçi olmayan şəxslərin razılığı tələb olunmur.

Sualınıza görə təşəkkür edirik.

2011-08-31

1358  Ceyhun (02-09-2011) Salam. Xəstəlik vəsiqəsinin hesablanmasnda qeyri iş günləri (istirahət günləri) üçün ə/h hesablanır?

Salam.

Xəstəlik vərəqələrinin verilməsi və müalicə-sağlamlıq məqsədlərinə ödənişlərin təyin edilməsi və verilməsi qaydalarının təsdiqi haqqında Qərar  ilə tanış olmaq məqsədəuyğundur. Əmək qabiliyyətinin bərpası üçün də verilən məzuniyyətlər iş günü ilə hesablanır (Əmək Məcəlləsinin 16-cı fəsli).

Sualınıza görə təşəkkür edirik.

2011-09-06

1359  Mushfiq (03-09-2011) salam. evvela bu saytin yaranmasinda emeyi olan her kese oz tewekkurumu bildirirem! sualim beledi: Men yeni aile qurmuwam. ozum Bakida qeydiyatdayam, yoldawimsa Gence weherinde. onu Baki weh-e nece qey-a salmaliyam?(hem soyadi deyiwilsin, hem de evli sozu yazilsin vesiqesinde) xatirladiram ki, nikahimiz var.

Salam.

Siz yaşayış yerinin dəyişilməsi ilə bağlı Yaşayış yeri və olduğu yer üzrə qeydiyyat haqqında Qanunun 5-ci maddəsinin müddəalarını rəhbər tutmalısınız.  Bunun üçün dövlət rüsumu (2 man), yaşayış sahəsinin yiyəsinin razılıq ərizəsi, Çıxarışın surəti (yaşayış sahəsinə dair) və formanı doldurmaq lazımdır (pasport qeydiyyat idarəsində). Ailə vəziyyəti ilə əlaqədar nikah haqqında şəhadətnamə təqdim etməlisiniz (soyadın dəyişilməsi elə onun əsasında həyata keçirilir). Azərbaycan Respublikası vətəndaşının şəxsiyyət vəsiqəsi haqqında Qanuna da nəzər yetirin.

Sualınıza görə təşəkkür edirik.

2011-09-06

1360  Bahruz (05-09-2011) Salam Hormətli Dejure Emekdaşları. 1980-ci ilin əmək məcəlləsini əldə etməyimə kömək etməyinizi xahiş edirəm

Salam.

Bunun üçün Milli Məclisin struktur bölmələrinə müraciət etməyiniz məqsədəuyğundur.

Yalnız aşağıdakı Məcəlləni təklif edə bilərik:

КОДЕКС ЗАКОНОВ О ТРУДЕ РСФСР

Sualınıza görə təşəkkür edirik.

2011-09-06

1361  Rehman (05-09-2011) Salam! Azərbaycan Respublikasının qanunlarına görə, istər bizim vətəndaşlar, istərsə də əcnəbilər vizasız beynəlxalq razılaşma olan ölkənin ərazisinə daxil ola və orada daimi yaşaya bilərlər. Mülkiyyət sahibi icazə verdiyi halda, yaxud əcnəbilərin Azərbaycan Respublikasının ərazisində əldə etdikləri şəxsi mülkiyyəti olan evlərinə daimi pasport qeydiyyatına alınmasına görə müraciət etmiş şəxslərə miqrasiya xidməti tərəfindən icazə verilməsindən imtina üçün qanunvericilikdə hansı hallar nəzərdə tutulmuşdur? Çox təşəkkür edirəm.

Salam.

Ümumilikdə bu sahə bir çox normativ aktları əhatə edir. Amma ilk öncə Ölkədən getmək, ölkəyə gəlmək və pasportlar haqqında Qanun (12 və 15-ci maddələr) və “Ölkədən getmək, ölkəyə gəlmək və pasportlar haqqında” Azərbaycan Respublikası Qanununun tətbiqi haqqında” Əsasnamənin və “Azərbaycan Respublikası vətəndaşının şəxsiyyət vəsiqəsi haqqında” Azərbaycan Respublikası Qanununun tətbiqi haqqında” Əsasnamənin təsdiq edilməsi barədə Milli Məclisin  Qərarı ilə tanış olmağınız məqsədəuyğundur. Hər bir halda həm əcnəbi, həm bizim vətəndaşlar qanunları bilməlidir, çünki onda mövqeləri daha əsaslı olur.

Sualınıza görə təşəkkür edirik.

2011-09-06

1362  Namik (06-09-2011) Salam hörmetli Dejure. Bir nece il mezuniyyete çıxmayan işçi sonradan işden öz xayişi (ve ya işden çixarılarsa) rusca desek \"rascet\" alarkən mezuniyyete çıxmadığı mebleğide hesablanır? Evvelceden çox sağ olun.

Salam.

Bəli.

Əmək Məcəlləsinin 83.2-ci maddəsi:

Əmək müqaviləsinə xitam verilməsi barədə işəgötürənin əmri (sərəncamı, qərarı) onun tərəfindən imzalanmalı və müəssisənin möhürü ilə təsdiqlənməlidir. Bu əmrin surəti, işçinin əmək kitabçası və işəgötürənin son haqq-hesabı (istifadə edilməmiş əmək məzuniyyətinə görə pul əvəzi, işçiyə ödənilməli əmək haqqı və digər ödəmələr) ilə birlikdəsonuncu iş günü işçiyə verilməlidir.

Sualınıza görə təşəkkür edirik.

2011-09-06

1363  Ceyhun (06-09-2011) \"Əmək qabiliyyətinin bərpası üçün də verilən məzuniyyətlər iş günü ilə hesablanır (Əmək Məcəlləsinin 16-cı fəsli).\" 16-cı fəsildə belə bir məna daşıyan cümlə yoxdur.

Salam.

Daha dəqiq olmaq üçün.

Məcburi dövlət sosial sığortası üzrə ödəmələrin və əmək qabiliyyətini müvəqqəti itirmiş işçilərə sığortaedənin vəsaiti hesabına ödənilən müavinətin hesablanması və ödənilməsi haqqında Əsasnamənin 12-ci maddəsinə əsasən növbəti məzuniyyət (əsas və yaxud əlavə məzuniyyət) zamanı xəstəlik və ya zədə nəticəsində əmək qabiliyyətinin müvəqqəti itirilməsinə görə müavinət, təqdim olunmuş xəstəlik vərəqəsinə əsasən işçinin əmək qabiliyyətini itirdiyi iş günləri üçün verilir.

Sualınıza görə təşəkkür edirik.

2011-09-06

1364  Bahruz (06-09-2011) Salam. Apellyasiya Məhkəməsinin hökmü ilə şəxs bəraət almış və hökm qanuni qüvvəyə minmişdir. Şəxs ona dəymiş maddi və mənəvi zərərə görə necə və hansı qaydada hara müraciət etməlidir? Ümumiyyətlə bu mexanizm qaydada bizə ətraflı məlumat verməyinizi xahiş edirik. Əvvəlcədən öz təşəkkürümüü bildiririk!

Bahruz

Cinayət-Prosessual Məcəllənin 48.4, 58.2, 181 (Mülki iddia vermək hüququ olan şəxslər) maddələrini və Mülki Məcəllənin 21-ci maddəsini əsas tutaraq məhkəməyə müraciət etməklə öz hüquqlarınızı bərpa edib maddi və mənəvi zərərin əvəzinin ödənilməsini tələb edə bilərsiniz.

Həmçinin əlavə məsləhət almaq üçün bizim firmaya (De Jure hüquq firması) müraciət edə bilərsiniz. 

Yaxud hüquq üzrə treninqlərdə iştirak edə bilərsiniz. 

Bütün xidmətlər ödənişlidir. 

Sualınıza görə təşəkkür edirik!

2011-09-10

1365  Sahrab (08-09-2011) Salam çox hörmətli Dejure. Xahiş edirəm köməklik göstərəsiniz, mənim qardaşım (1954 təvəllüd)Rusiyada 20 ildən artıq işləyib(hal-hazırda işləyir).Bu dövrün 7,5 ilini Şimalda(Крайний Северь) fəaliyyət göstərib. Bu (7,5 il) dövr onun vaxtından əvvəl pensiyaya şıxmasına səbəb olə bilərmi? Və bunun üçün nə etmək lazımdır? Vəya hansı qanunvericiliklə tənzimlənir? Əvvəlcədən öz dərin minnətdarlığımı bildirirəm.

Salam.

Sual-1326.

Bu sualınız Məsləhətxananın  1326-cı sualında cavablandırılmışdır.

Sualınıza görə təşəkkür edirik.

2011-09-10

1366  Muşfiq (09-09-2011) Salam. mən 1359-cu sualla baglı soruşmaq istəyirəm. deməli mən Gəncə şəhərinə getmədən yoldaşımın həm şəxsiyyət vəsiqəsini (soyadı dəyişmək və ŞV-də \"evli\" sözünü yazdımaq) dəyişə, həm də Bakıya qeydiyyata sala bilərəm?

Salam.

Sual - 1359

Yoldaşınız özü bunu etməlidir. Siz sadəcə onun yanında bu məsələdə iştirak edə bilərsiniz. 

Sualınıza görə təşəkkür edirik.

2011-09-10

1367  Bahruz (11-09-2011) Salam. Evdar qadın 4 usaq böyüdüb heddi buluğa çatdırmışsa və özünün 50 yaşı tamam olubsa pensiya almaq hüququna malikdirmi? Əgər malikdirsə hara müraciət etməli və hansı sənədlər təqdim olunmalıdır. Çox xahiş edirik sualımıza ətraflı cavab verin çünki cox vacib məsələdir.əvvəlcədən təşəkkür edirik!

Salam.

Əvvəlki qanunda bu müddəa var idi, amma soradan yığışdırıldı. Hal-hazırda Əmək pensiyaları haqqında Qanunun 8-ci maddəsinə əsasən beş və daha çox uşaq doğub onları səkkiz yaşınadək tərbiyə etmiş və azı 10 il sığorta stajı olan qadınların həmin Qanunun 7-ci maddəsinə uyğun olaraq müəyyən olunmuş yaş həddi hər uşağa görə 1 il azaldılmaqla yaşa görə əmək pensiyası hüququ vardır.

Sualınıza görə təşəkkür edirik.

2011-09-19

1368  Rehman (15-09-2011) Salam! Hörmətli De Jure, Sizə iki sualla müraciət etmək istəyirəm. Torpaq islahatları keçirildikdən sonra, kəndlərdə vətəndaşlara kənd təsərrüfatına yararlı sahələrdən pay torpaqları şəxsi mülkiyyətə verilmişdir. İndi bildirilir ki, həmin torpaqlardan başqa kommersiya təyinatı üçün istifadə oluna bilməz (misal üçün kərpic zavodu, yaxud quşçuluq təsərrüfatı və s. yaradıla bilməz.). Belə bir qanunverici akt varmı? İkinci sualım isə belədir. Eşitmişəm ki, yeni qanunvericiliyə görə şəxsi mülkiyyət olan torpaq sahəsində tikinti aparılması üçün İcra Hakimiyyətindən icazə sərəncamı almaq lazım deyil. Xahiş edirəm belə bir müvafiq Fərman verilmişdirsə məlumat verəsiniz. Təşəkkür edirəm.

Salam.

Sualları çalışın bir bir verin. Onların birinə cavab veririk.

Torpaq Məcəlləsinin 9.2-ci maddəsinə əsasən məqsədli təyinatına və hüquqi rejiminə uyğun olaraq, Azərbaycan Respublikasının torpaqları aşağıdakı kateqoriyalara bölünür:

• kənd təsərrüfatı təyinatlı torpaqlar;
• yaşayış məntəqələrinin (şəhərlərin, qəsəbələrin və kənd yaşayış məntəqələrinin) torpaqları;
• sənaye, nəqliyyat, rabitə, müdafiə və digər təyinatlı torpaqlar;
• xüsusi qorunan ərazilərin torpaqları;
• meşə fondu torpaqları;
• su fondu torpaqları;
• ehtiyat fondu torpaqları.

Həmin Məcəllənin 11-ci maddəsinə əsasən torpaq sahələrinin məhdudiyyətli istifadəsi — torpaq sahəsindən onun məqsədli təyinatı, habelə müəyyən edilmiş məhdudiyyətlər və öhdəliklər nəzərə alınmaqla istifadədir. Torpaq sahəsinin məhdudiyyətli istifadəsinin özbaşına dəyişdirilməsinə yol verilmir.

Ona görə də torpaq verilərkən, torpağa dair sənəddə onun təyinatı göstərilməlidir və həmin təyinatına görə də onu istifadə etməlisiniz.

Həmçinin əlavə məsləhət almaq üçün bizim firmaya (De Jure hüquq firması) müraciət edə bilərsiniz. 

Yaxud hüquq üzrə treninqlərdə iştirak edə bilərsiniz. 

Bütün xidmətlər ödənişlidir. 

Sualınıza görə təşəkkür edirik!

 2011-09-19

1369  Deniz (15-09-2011) Boşandıqdan sonra iddiaçı teref her hansı iddia ile yenidən məhkəməyə müraciət edə bilərmi; mülk iddiası və s.kimi?

Salam.

Bəli mümkündür. Misal üçün əmlakın bölünməsi, alimentin tutulması və s.

Həmçinin əlavə məsləhət almaq üçün bizim firmaya (De Jure hüquq firması) müraciət edə bilərsiniz. 

Yaxud hüquq üzrə treninqlərdə iştirak edə bilərsiniz. 

Bütün xidmətlər ödənişlidir. 

Sualınıza görə təşəkkür edirik!

 2011-09-19

1370  Bahruz (18-09-2011) Salam. Azərbaycan Respublikası Elmlər Akademiyasının Akademiki sağlığında aldığı təqaüddən əlavə digər titullarına görə aldığı məvacibi o vəfat etdikdən sonra onun həyat yoldaşı ala bilərmi? Bu qanunvericiliyin hansı norması ilə tənzimlənir?

Salam.

Bunun üçün Əmək pensiyaları haqqında Qanunun 18-ci maddəsini rəhbər tutmalısınız:

18. Ailə başçısını itirməyə görə əmək pensiyasının məbləği

18.1.     Ailə başçısını itirməyə görə əmək pensiyasının baza hissəsinin məbləği hər iki valideynini itirmiş uşaqların və vəfat etmiş tənha ananın uşaqlarının hər biri üçün, habelə vəfat etmiş ailə başçısının bir ailə üzvü olduqda və ya bu Qanunun 14.1-ci maddəsinə əsasən pensiya hüququ olan bir ailə üzvü qaldıqda həmin şəxs üçün yaşa görə əmək pensiyasının baza hissəsinin 100 faizi məbləğində, digər ailə üzvlərinin hər biri üçün isə yaşa görə əmək pensiyasının baza hissəsinin 50 faizi məbləğində hesablanır.

18.2.     Ailə başçısını itirməyə görə əmək pensiyasının sığorta hissəsinin
əmək qabiliyyəti olmayan ailə üzvlərinin hər birinə düşən məbləği bu Qanunun 13.3-cü maddəsində nəzərdə tutulmuş əlilliyə görə əmək pensiyasının sığorta hissəsinin hesablanması mexanizminə uyğun olaraq hesablanmış məbləğin əmək qabiliyyəti olmayan ailə üzvlərinin sayına bölünməsi yolu ilə müəyyənləşdirilir.

18.3.     Vəfat etmiş ailə başçısı yaşa və ya əlilliyə görə əmək pensiyaçısı olmuşdursa, ailə üzvləri üçün ailə başçısını itirməyə görə əmək pensiyasının sığorta hissəsinin məbləği vəfat etmiş ailə başçısına təyin edilmiş yaşa və ya əlilliyə görə əmək pensiyasının sığorta hissəsinin əmək qabiliyyətli olmayan ailə üzvlərinin sayma nisbəti şəklində müəyyənləşdirilir.

18.4.     Ailə başçısını itirməyə görə əmək pensiyasının məbləği bu Qanunun 18.1-18.3-cü maddələrinə uyğun olaraq hesablanmış ailə başçısını itirməyə görə əmək pensiyasının baza hissəsinin və ailə başçısını itirməyə görə əmək pensiyasının sığorta hissəsinin məbləğlərinin cəminə bərabərdir.

18.5.     Vəfat etmiş sığortaolunanın və əmək pensiyasının yığım hissəsi təyin olunmamış əmək pensiyaçısının fərdi hesabının yığım hissəsində olan vəsaitlər qanunvericiliyə uyğun qaydada onun varisləri arasında bərabər bölünür.

18.6.     Sığortaolunanın və ya əmək pensiyasının yığım hissəsi təyin olunmamış əmək pensiyaçısının varisləri olmadıqda, onun fərdi hesabının yığım hissəsində olan vəsaitlər və əmək pensiyasının yığım hissəsi üzrə alınmamış vəsaitlər müvafiq icra hakimiyyəti orqanının büdcəsinin gəlirlərinə aid edilir.

Sualınıza görə təşəkkür edirik.

2011-09-19

1371  Telman (18-09-2011) salam menim evimin altinda 21m qarajim var men orada cexol sexi aciram.vergiden voinim de var men hansi qaydada vergi ve s.odemeliyem

Salam.

Vergi Nazirliyin vergi ödəmə nöqtələri var. Əgər bununla bağlı çətinlik çəkirsiniz 195 nömrəsinə zəng edib dəqiqləşdirə bilərsiniz və yaxud VÖEN aldığınız yerdən bu məlumatı ala bilərsiniz. Həmçinin bank vasitəsilə ödəniş tapşırığa yolu ilə vergiləri ödəyə bilərsiniz.

Sualınıza görə təşəkkür edirik.

2011-09-19

1372  Səbuhi (24-09-2011) \"Azərbaycan Respublikasının məhkəmə sisteminin təkmilləşdirilməsi ilə bağlı bəzi tədbirlər və “Məhkəmələr və hakimlər haqqında” və “Məhkəmə-Hüquq Şurası haqqında” Azərbaycan Respublikasının qanunlarına dəyişikliklər və əlavələr edilməsi barədə” Azərbaycan Respublikasının 2010-cu il 22 iyun tarixli 1043-IIIQD nömrəli Qanununun tətbiq edilməsi haqqında Azərbaycan Respublikası Prezidentinin Fərmanı(15 iyul 2010-cu il.)\" Bu fərmani nəzərə alıb saytda \"Hakimlər\" bölməsində dəyişiklər etməyinizi xahiş edirəm...

Salam.

Təklifinizə görə təşəkkür edirik.

İmkan dairəsində çalışarıq bunu həyata keçirək.

2011-09-26

1373  İsmayıl (26-09-2011) Salam, uşaq Azərbaycanda qeyri-rəsmi nikahdan anadan olub, hazirda 11 yaşı var və Bakı şəhərində orta məktəbdə oxuyur, atadan qalan yalnız doğum şəhadətnaməsindəki adıdır. Ana Gürcüstan vətəndaşıdır, orda da yaşayır, lakin uşağın Bakıda yaşamasını və Azərbaycan vətəndaşı olması üçün himayəyə vermək istəyir. Hazırda uşağın qeydiyyatı yoxdur, himayəçilik uşağın qeydiyyata alınması və gələcəkdə vətəndaşlıq alması üçün düzgündürmü, yoxsa bunun nəticəsi olmayacaq, başqa qanuni yol varsa necə etmək olar uşağın mənafeyi üçün, əvvəlcədən təşəkkürlər

Salam.

Bu artıq valideynlərdən asılıdır. Əgər atası Azərbaycan vətəndaşıdırsa ilk növbədə atılıq müəyyən edilməlidir (məhkəmə qaydasında), əgər uşaq Azərbaycanda doğulubsa və atası Azərbaycan vətəndaşıdırsa onda məsələ asanlaşır.

Azərbaycan Respublikası Konstitusiyasının 52-ci maddəsinə görə, Azərbaycan dövlətinə mənsub olan, onunla siyasi və hüquqi bağlılığı,  habelə qarşılıqlı hüquq və vəzifələri olan şəxs Azərbaycan Respublikasının vətəndaşıdır. Azərbaycan Respublikasının ərazisində və ya  Azərbaycan Respublikasının vətəndaşlarından doğulmuş şəxs Azərbaycan Respublikasının vətəndaşıdır. Valideynlərindən biri Azərbaycan  Respublikasının vətəndaşı olan şəxs Azərbaycan Respublikasının vətəndaşıdır.

Sualınıza görə təşəkkür edirik.

2011-09-28

1374  Kamran (27-09-2011) Salam! Müvafiq icra hakimiyyətinin qərarlarından İnzibati-İqtisadi Məhkəmələrə iddia ərizəsi ilə müraciət olunarkən dövlət rüsumu ödənilməlidirmi? Təşəkkür edirəm.

Salam.

Dövlət rüsumu haqqında Qanunun 9.1.12-ci maddəsinə əsasən inzibati hüquq münasibətlərindən əmələ gələn işlər üzrə – vətəndaş, inzibati orqanlar və vəzifəli şəxslər dövlət rüsumu ödəməkdən azad olunurlar.

Sualınıza görə təşəkkür edirik.

2011-09-28

1375  Sahrab (29-09-2011) Salam çox hörmətli Dejure. Xahiş edirəm köməklik göstərəsiniz. Bir necə ildir ki,ASC-nin direktoru(səhmlərin 28%-ə malikdir) MM-nin 107-1 maddısini pozur və Ümumi yığıncaq çağırmaqdan imtina edir. Biz 52%-dən çox səhmləri olanlar onu məcbur edə bilmirik. Nə etməli? Əvvəlcədən öz təşəkkürümüzü bildiririk.

Salam.

Mülki Məcəllənin həmin maddəsinə əsasən cəmiyyətin direktorlar şurasının (müşahidə şurasının) və təftiş komissiyasının üzvlərini (müfəttişi) seçmək və onların səlahiyyətlərinə vaxtından əvvəl xitam vermək Səhmdarların ümumi yığıncağının məstəsna səlahiyyətinə aiddir. Bundan faydalana bilərsiniz. Həmçinin mübahisə yarandıqda məhkəmə qaydasında həll edə bilərsiniz (Nizamnamə də nəzərə alınmalıdır).

SUalınıza görə təşəkkür edirik.

2011-09-30

1376  Rasmiyya (29-09-2011) Salam. Menim qardashim oglu pasport alacaq. Onun indiki soyadi Memmedlidir. Pasport alarken o soyadini deyisherek Baxshi etmek isteyir. (Baxshi bizim babalarimizin soyadidir). Bu soyadla elagedar bizde hech bir sened-subut yoxdur. Bilmek isterdim ki, bele olan halda soyadi deyishdirmek mumkundurmu?

Salam.

Soyadın sonluqları dəyişilərkən adətən pasport-qeydiyyat idarəsinə mrciət etmək kifayətdir. Lakın soyadın tam dəyişilməsi üçün ilk nöövbədə VVAQa və daha sonra məhkəməyə müraciət etməyiniz daha məqsədəuyğundur.

Sualınıza görə təşəkkür edirik.

2011-09-30

1377  Azada (30-09-2011) Salam hörmətli hüquqşünaslar. Menim sualım bank işi ilə əlaqədardır. Bir şirkət yerli bank vasitəsilə harici bankdakı hesaba pul köçürür. 3 gündən sonra məlum olur ki, pul köçürülməyib. Sonra məlum olur ki, xarici bankın hesablari bloka düşüb. Müraciət olunsa da indiyə kimi köçürülən pul geri qaytarılmayıb. Nə etməli? MM-dən başqa hansı qanunvericiliyi tətbiq etmək olar? Əvvəlcədən minnətdaram.

Salam.

Əgər bu xarici bankın təqsiri ucbatından baş veribsə onda həmin bankış yerləşdiyi ölkənin qanunvericiliyi tətbiq edilməlidir və həmin ölkənin Mərkəzi Bankına və banklar assosiasiyasına müraciət etməyiniz məqsədəuyğundur (əgər həmin bankın rəhbərliyi sizə məlumat vermirsə).

Sualınıza görə təşəkkür edirik.

2011-09-30

1378  Metanet (03-10-2011) Salam hər vaxtınız xeyr olsun! Sizə belə bir sualla müraciət edirəm. Bizim mülki işlə bağlı 2 ayrı-ayrı məhkəmə prosesimiz var. 1-ci məhkəmədə bizim təqdim elədiyimiz heç bir sübuta, şahidlərimizin dindirilməsində heç nəyə qanuni qiymət verilmədi. Qarşı tərəfin xeyrinə qərar çıxarıldı. Qarşı tərəf çıxanda özü etiraf etdi ki, pulum var verdim, işi uddum, hər şeyi pul həll edir. qanun yox. Dedikləri ilə məhkəmənin gedişatı üst-üstə düşdü. Ona görə də 2-ci məhkəməyə çəkiliş aparmaq üçün vəsatət verəcəyəm. çəkiliş ilə məhkəmə prosesi getsə mənə elə gəlir ki, saxtakarlığa, rüşvətxorluğa yol verilməz. Bizə çəkilişə icazə verməyə bilərlərmi? Hansı qanuna, hansı əsasa görə? Minnətdaram.

Salam.

Vəsatəti vermək məsələsinə çatdıqda, verə bilərsiniz, amma məhkəmə vəsatəti təmin etməyə də bilər, əgər lüzümsuz hesab etsə. Çalışın iş üzrə sübutlarınızı təqdim edin. Rüşvətə dair sübutlarınız varsa bununla bağlı Məhkəmə-Hüquq Şurasına müraciət Hər bir hlda apellyasiya instansiyasında öz mövqeyinizi sübutlarla əsaslandırın və digər tərəfin sözlərinə o qədər də əhəmiyyət verməyin.

Sualınıza görə təşəkkür edirik.

2011-10-07

1379  Ceyhun (04-10-2011) Salam. Yaşayış binasındakı mənzil(özəlləşdirilmiş) əmlak vergisinə cəlb olunurmu? olunursa necə hesablanır? kimə ödənməlidir?

Salam.

Vergi Məcəlləsinin 197.1.1-ci maddəsinə əsasən rezident və qeyri-rezident fiziki şəxslərin xüsusi mülkiyyətində olan və Azərbaycan Respublikasının ərazisində yerləşən tikililərin və ya onların hissələrinin (bundan sonra bina adlandırılacaq), həmçinin yerindən və istifadə edilib-edilməməsindən asılı olmayaraq rezident fiziki şəxslərə məxsus su və hava nəqliyyatı vasitələri vergitutma obyekti sayılır (13-cü fəsil Əmlak Vergisi).

Fiziki şəxslərin mülkiyyətində olan binaların inventar dəyərinin hesablanması Qaydası isə digər suallarınıza cavab verir.

Sualınıza görə təşəkkür edirik.

2011-10-07

1380  Ceyhun (05-10-2011) 1379-cu sualın cavabında bu verginin kimə ödənməsi barədə cavab yoxdur.(bizdən bələdiyyə tələb edir. Əgər mənzilə bu vergi aiddirsə bəs onda MİS-nə ödənilən \"ev pulu\" (kommunal və xidmət pulu xaric kvadrata görə hesablanır) nə üçündür? belə çıxır ki, bir obyekt iki dəfə vergiyə cəlb olunur. bu nə dərəcədə doğrudur? Diqqətinizə görə minnətdaram.

Salam.

Binalar üzrə əmlak vergisinin hesablanması Qaydalarına diqqət yetirsəniz məlum olacaq ki, həmin vergi hansı halda tətbiq olunur və hansı qurum tərəfindən həyata keçirilir.  Qeyd etdiyiniz \"ev pulu\" isə Azərbaycan Respublikasında dövlət və ictimai mənzil fondu evlərində yaşayış sahəsindən istifadə haqqı (mənzil haqqı) və mənzil-kommunal xidmətlərinə görə tariflərin təsdiq edilməsi haqqında Nazirlər Kabinetinin Qərarı ilə tənzimlənir və əmlak vergisinə aid deyil.

Sualınıza görə təşəkkür edirik.

2011-10-05

1381  İsmayıl (05-10-2011) iddia ərizəsi məhkəmədə iddiaçı tərəfindən baxılmamış saxlanırsa, hansı müddətə kimi yenidən həmin ərizəyə baxılması üçün müraciət etmək olar.

Salam.

Bunun üçün müddət nəzərdə tutulmayıb. Məhkəmə qərardadında (iddianın qaytarılması ilə bağlı) göstərilməlidir ki, iddia ərizəsində nöqsanlar aradan qaldırdıqdan sonra yenidən müraciət edə bilərsiniz.

Həmçinin əlavə məsləhət almaq üçün bizim firmaya (De Jure hüquq firması) müraciət edə bilərsiniz. 

Yaxud hüquq üzrə treninqlərdə iştirak edə bilərsiniz. 

Bütün xidmətlər ödənişlidir. 

Sualınıza görə təşəkkür edirik!

 2011-10-05

1382  Sahrab (06-10-2011) Salam çox hörmətli De Jure. İşçi iş ili ərzində məzuniyyətə çıxmaq istəmirsə işəgötürən onu məcbur edə bilərmi? Məzuniyyətə çıxmaq məcburi xarakter daşıyır? Əvvəlcədən öz dərin minnətdarlığımı bildirirəm.

Salam.

Məcbur edə bilməz. Hər bir halda qanunvericilik bunu nəzərdə tutmayıb.

Sualınıza görə təşəkkür edirik.

2011-10-06

1383  Rasul (06-10-2011) Salam! Sizdən xahiş edirəm! İpoteka krediti ilə alınmış mənzilin vətəndaş tərəfindən qanunvericilik əsasında satılması və yaxud eyni ipoteka kreditinin məbləği ilə digər girov mənzili ilə dəyişdirilməsi ilə bağlı məsəsləyə aydınliq gətirəsiniz! Bu müraciyətə əsas səbəb ipoteka krediti ilə alınmış evimin şimal künclükdə yerləşməsi ilə əlaqədar mənzilin payız və qış aylarında nəmliyin və soyuqun olması səbəbindən dəyişmək istəyimdir. Bu mənzili mən həmin dövrdə imkanıma uyğun almışdım! Cavab görə təşşəkür edirəm!

Salam.

Daşınmaz əmlakı satmaq istəyirsinizsə bununla bağlı bankdan sadəcə razılığınız almalısınız. Əsas odur ki, alan şəxs də buna razılıq verməlidir.

Sualınıza görə təşəkkür edirik.

Həmçinin əlavə məsləhət almaq üçün bizim firmaya (De Jure hüquq firması) müraciət edə bilərsiniz. 

Yaxud hüquq üzrə treninqlərdə iştirak edə bilərsiniz. 

Bütün xidmətlər ödənişlidir. 

Sualınıza görə təşəkkür edirik!

 2011-10-06

1384  ROVSHEN (07-10-2011) Salam sizden xais edirem ki vereceyim suaala mene komek edesiniz bilmek isdeyirem ki usaqlarimi baxcaya qoymusam ve baxcada usaqlarin yemeyi verilmir bir nece sebeb getiriller ki, yemek catmir ve ya yemek verilmir ancaq baxcaya gelen produktu aftomobilden bosaldarken herdefe valideyinler gorur biz bu barede ne etmeli ve hara muraciyyet elemeliyik diqqetinize gore minnetdariq.

Salam.

Bununla bağlı dərhal prokurorluğa və Təhsil Nazirliyinə müraciət etməlisiniz və həmin baxçanın məsuliyyətə cəlb olunmasını xahiş edin. Mütləq. Çalışın şikayəti kütləvi şəkildə imzalayın (valideynlərin hamısı).

Sualınıza görə çox sağ olun.

2011-10-09

1387  Səbuhi (11-10-2011) Salam hörmətli hüquqşunaslar. Mən may ayında Qafqaz Lizinq ilə kredit müqaviləsi baglayıb Hyundai-Azərbaycandan(dərnəguldə yerləşən) 2007 model işlənmiş Hyundai Sonata maşını almışam və maşını aldığım gündən maşında ciddi problemlər olub. Maşının beyni xarab oldugu üçün xaricdən yeni beyin getirildi və maşına quraşdırıldı. lakin maşının probləmləri bitmək bilmir. Mən bu maşını geri qaytara bilərəmmi?? Cunki Hyundai.az saytında göstərilibki işlənmiş maşınlar sertifitaklaşdırılir və müştəriyə problemi olmadan satılır. Mən bazardan daha etibarlı olsun diyə Hyundai-Azərbaycandan maşın aldimki daha etibalı olsun, lakin maşın cox problemli maşın oldu.....Cavabınıza gorə indidən təşəkkurlər

Salam.

Məsələ mübahisəlidir. Nəqliyyat vasitəsi satılarkən siz yəqin ki, təhvil-təslim aktı imzalanmalı idiniz və maşını saz vəziyyətdə götürülməsini təsdiq etməli idiniz. Yox əgə belə təhvil-təslim yoxdur və sizdə sübutlar var ki, həmin nöqsanlar maşını aldığınız zaman var idi, və bundan xəbəriniz yox idi satan şəxs qarşısında iddia qaldıra bilərsiniz və zərərin əvəzini ödəməyə tələb edə bilərsiniz.

Sualınıza görə təşəkkür edirik.

2011-10-11

1386  Natiq (10-10-2011) Salamlar. Bir polis bölməsində, şikayət verməyə gedən xanıma və onun yanındakı oğlana nalayiq sözlər deyilib.Bundan ötürü hara müraciət edilməlidir? Polis işçiləri dedikləri sözləri boyunlarına almırsa bu müraciətin faydası olacaqmı? Təşəkkürlər.

Salam/

Məsələ ilə bağlı DİN-nin rəhbərliyinə və prokurorluğa müraciət edin. Sübutlarınız yoxdursa (şahid ifadələri, audio, video yazılar və s) sübut etmək əlbəttə ki, çətin olacaq, amma əgər varsa lap boyunlarına almasalar da məsuliyyətə cəlb oluna bilərlər.

Sualınıza görə təşəkkür edirik.

2011-10-10

1388  Gulya (14-10-2011) salam, qanun ile qanun quvveli akt arasinda hansi ferq var?

Salam.

Qanun qüvvəli akt elə qanun özüdür. Çünki qanun ali qüvvəyə malik olan aktdır. 

Sualınıza görə təşəkkür edirik.

2011-10-17

1389  Kamran (14-10-2011) Salam, hörmətli hüquqşunaslar. Bir məsələ ilə əlaqədar Sizdən məsləhət almaq istəyirəm. Birinci instansiya məhkəməsinin qətnaməsindən apellyasiya şikayəti verilməsi üçün mülki işdə olan sənədlərdən çıxarışlar etmək lazımdır. Hakim sənədlərin surətlərini möhürlə təsdiqləməkdən imtina edir. Lakin özü proses zamanı iddiaçı tərəfdən sənədlərin əslini(və ya notarial qaydada təsdiq olunmuş surətlərini) tələb edərək mülki işə əlavə etmişdir. Sualım belədir ki, mülki işdən çıxarışlar edilərkən, tərəf tələb edirsə, Məhkəmə onları təsdiq etməlidirmi? Hakim öz mövqeyini heç bir qanunla əsaslandırmır. Əvvəlcədən təşəkkür edirəm.

Salam.

Hakim öz mövqeini əsaslandıra bilər sadəcə lazım bilməyib. Məhkəmə hansı bir çıxarışları möhürlə təsdiqlənməli qeyil (əgər bu müvafiq məhkəmə atı deyilsə). Əgər prosesin iştirakçısısınız (misal üçün nümayəndə) onda iş üzrə sənədlərlə tanış olmaq və onların surətlərini əldə etmək hüququnuz var. Qanunvericilikdə göstərilməyən tələbləri siz irəli sürə bilmərsiniz.

Sualınıza görə təşəkkür edirik.

2011-10-17

1390  Rasul (15-10-2011) Salam Sizdən xahiş edirəm yaşayış binaların zirzəmilərinin icarəyə götürülməsi barədə və ilkin olaraq həmin zirzəminin üstündə olan mənzildə yaşayan vətandaşlara təklif olunması ve məxsus olub olmamasi barədə məlumat verəsiniz! Təşəkkür edirəm!

Salam.

Mənzil Məcəlləsinin 35-ci maddəsinə diqqət yetirin:

Maddə 35. Çoxmənzilli binanın sahə mülkiyyətçilərinin ümumi əmlakına mülkiyyət hüququ

35.1. Yaşayış binasının tərkib hissəsinin mülkiyyətçilərinə həmin binada mənzillərin hissəsi olmayan və binada birdən artıq sahəyə xidmət etmək üçün nəzərdə tutulan obyektlər (o cümlədən, mənzillərarası pilləkən meydançaları, pilləkənlər, liftlər, lift şaxtası və ya digər şaxtalar, dəhlizlər, texniki mərtəbələr, çardaqlar, mühəndis qurğuları olan zirzəmilər, həmin binada birdən artıq sahəyə xidmət edən avadanlıq (texniki zirzəmi), habelə binanın daşıyıcı və daşıyıcı olmayan konstruksiyalarını ayıran dam örtükləri, binada sahələrin daxilində və onların hüdudlarından kənarda yerləşən və birdən artıq sahəyə xidmət edən mexaniki, elektrik, sanitar-texniki və digər avadanlıq, yaşıllaşdırma və abadlaşdırma elementləri də daxil olmaqla binanın yerləşdiyi torpaq sahəsi, binaya xidmət etmək, onun istismarı və abadlaşdırılması üçün nəzərdə tutulmuş həmin torpaq sahəsində yerləşən obyektlər) (bundan sonra - çoxmənzilli binanın ümumi əmlakı) ümumi paylı mülkiyyət hüququ ilə mülkiyyətçilərə məxsusdur. Çoxmənzilli binanın yerləşdiyi torpaq sahəsinin sərhədi və ölçüləri torpaq qanunvericiliyinin və şəhərsalma fəaliyyəti haqqında qanunvericiliyin tələbləri nəzərə alınmaqla müəyyən edilir.

Əgər zirzəmi üzrə mülkiyyət hüququnu əldə etmək istəyirsinizsə qonşuların razılığını almalısınız, daha sonra müvafiq dövlət orqanlarına müraciət etməklə öz mülkiyyət hüquqlarınızı tanıtdıra bilərsiniz.

Sualınıza görə təşəkkür edirik.

2011-10-17

1391  Elibaba (16-10-2011) Salam! Mehkeme prossesinde sahidlik emek subut sayilirmi?

Salam.

Mülki Prosessual Məcəllənin 76-cı maddəsinə əsasən Tərəflərin tələb və etirazlarını əsaslandıran halların və işi düzgün həll etmək üçün əhəmiyyəti olan başqa halların mövcud olduğunu və ya olmadığını məhkəmə müəyyən edərkən bu Məcəllədə və başqa qanunlarda müəyyən olunmuş qaydada əldə etdiyi məlumatlar sübutlar hesab olunur. Bu məlumatlar yazılı və maddi sübutlarla, ekspertlərin rəyləri ilə, yerində müayinə keçirməklə, səs və video yazıları ilə, şahidlərin ifadələri ilə, işdə iştirak edən şəxslərin izahatları ilə müəyyən edilir. MPM-nin 104-cü maddəsində (Şahid ifadələri) bu barədə daha ətraflı qeyd edilir.

Sualınıza görə təşəkkür edirik.

2011-10-17

1392  Elibaba (16-10-2011) Salam! Ovladimin artiq 2 yasi var, lakin onun hele de dogum sehadetnamesi yoxdur. Sebeb de yoldasimla menim resmi nigahimizin olmamasidir. Bilmek isterdim ki, men ne vaxt sehadetname alasi olsam cerime odemeliyemmi ve mueyyen yas heddinden sonra sehadetname verilmeye bilermi?

Salam.

İnzibati Xətalar Məcəlləsinin 326-4-cü maddəsinə əsasən:

326-4.1. Tibb müəssisəsi tərəfindən doğum haqqında məlumatın müvafiq icra hakimiyyəti orqanına dərhal ötürülməməsinə və ya düzgün olmayan məlumatın ötürülməsinə görə — vəzifəli şəxslər yüz manatdan üç yüz manatadək miqdarda cərimə edilir.
326-4.2. Doğum haqqında məlumatın müvafiq icra hakimiyyəti orqanı tərəfindən müvafiq informasiya sisteminə ötürülməməsinə və ya düzgün olmayan məlumatın ötürülməsinə görə — vəzifəli şəxslər yüz manatdan üç yüz manatadək miqdarda cərimə edilir.
326-4.3. Üzrlü səbəblər olmadan valideynlər tərəfindən doğumun qeydə alınması üçün qanunvericiliklə müəyyən edilmiş müddətdə müraciət olunmamasına görə — xəbərdarlıq edilir və ya on manat miqdarında cərimə edilir.

Əgər günah dövlət qurumların üzərindədirsə onlar cavab verəcəklər, əgər sizdədirsə siz. Nikahın olub olmaması doğum haqqında şəhadətnamənin verilməsinə aidiyyəti yoxdur. Məsləhət görürük ki, yuxarı instansiyalara şikayət edəsiniz.

Sualınıza görə təşəkkür edirik.

2011-10-17

1393  Samir (17-10-2011) Salam. Belə bir sualım var. Azərbaycanda yerli şirkətlərdən birində işləyən və eyni zamanda xarici ölkədə virtual (online) olaraq təhsil alan şəxs (işçi) təhsil məzuniyyəti tələb edə bilərmi? Buna əmək qanunvericiliyi imkan verir? Təşəkkürlər.

Salam.

Qanun bunu qadağan etmir (Əmək Məcəlləsi maddə 124). Hər bir halda şəxs təhsil məzuniyyətə çıxmaq üçün sübutlar təqdim etməlidir (təhsil müəssisəsindən arayış). 

Sualınıza görə təşəkkür edirik.

2011-10-17

1394  Samir (17-10-2011) Sualım belədir: 9 ildir övlad olmadığına görə boşanmaq qərarına gələn ər və arvad 1-1-ndən nəsə tələb edə bilərmi? Qeyd edim ki, kişinin adına hər hansısa mülk, ev yoxdur. Yaşadıqları ev oğlanın atasının adınadır.

Salam.

Uşaqların olub-olmamasından asılı olmayaraq ər-ərvad birgə təsərrüfat aparır və nigah dövrü ərzində əldə olunan əmlak aralarında bərabər bölünməlidir. Əmlak yoxdursa deməli bölünməli heç bir şey yoxdur. Amma əgər varsa və gizlənilirsə məhkəmə bunu nəzərə alacaq.

Sualınıza görə təşəkkür edirik.

2011-10-17

1395  Fuadın adından (17-10-2011) Salam. Ərim verdi boşamaga ərizə. Bizdə 2 yaşdı uşaq var, mənim qeydiyatım onun evindədi. Boşamagdan sonra qanunan mənzil uşaga düşür? İndi mən nə sənət yıgmalıyam ki məhkəməyə hazır olum?

Salam.

İlk növbədə uşaqların saxlanması üçün aliment ödəməli olacaqdır. Daha sonra uşaqlar əlbəttə ki, vərəsələr kimi atasının mülkiyyətində məcburi payları vardır. Əgər mənzil üzrə mülkiyyət hüquqları ərinizə məxsusdursa həmin əmlakın yarısına iddia edə bilərsiniz. 

Daha ətraflı məlumat (hansı sənədlər tələb olunur və s) bizim Firmaya yaxınlaşarkən ala bilərsiniz.

 

Ünvan:	Bakı şəh., Nizami küçəsi 86, m.2 (\"Landmark\"ın yanı) Köhnə dəyirman
Tel/faks:	+994-12-4939017
Mob:	+994-55-7121462  +994-50-3291594
E-poçt:	dejure@dejure.az ramil@dejure.az mahir@dejure.az
Skype	ramil.gachayev

1396  Saadat (18-10-2011) Salam. Qeydiyyatdan 5 ildir keçməmiş evdə yaşayıram köhnə evi satandan sonra evi alan qeydiyyatdan çıxmağımı tələb edir. yeni binaya pasport şöbəsi qeydiyyata ğötürmür məhkəmə qərarı tələb edir. evı alan məhkəməyə müraciət etmək istəmir. Mən ailəmi hara qeydiyyata sala bilərəm.

Salam.

Hesab edirik ki, məsələ mübahisəldir. Hər bir halda sənədləri toplayıb məhkəməyə müraciət etməyiniz məqsədəuyğundur.

Sualınıza görə təşəkkür edirik.

2011-10-18

1397  Seymur (21-10-2011) 1 və 2 qurup əlillərə dövlət qulluğunda işləməyə icazə verilirmi?

Salam/

Bəli, əgər vəzifə funksiyalarını yerinə yetirə bilirsinizsə. Həmçinin buna görə əlavə müavinətlər də ala bilərsiniz.

Sualınıza görə təşəkkür edirik.

2011-10-21

1398  Vuqar (25-10-2011) Salam. Mən Xətai rayonunda qeydiyyatdayam.Lakin yoldaşım Abşeron rayonunda qeydiyyatdadır.Biz 6 aydır ailə qurmuşuq.Bilmək istərdim ki,yoldaşım Abşeron rayonundan qeydiyyatdan çıxıb mənim üzərimə qeydiyyata düşə bilərmi və bunun üçün nə etməliyəm?

Salam.

Yaşayış yeri və olduğu yer üzrə qeydiyyat haqqında Qanunun 5-ci maddəsinə əsasən:

Vətəndaşa ilk dəfə Azərbaycan Respublikası vətəndaşının şəxsiyyət vəsiqəsi verilərkən o, yaşayış yeri üzrə qeydiyyata alınır.

Yaşayış yerini dəyişdirmiş vətəndaş yeni yaşayış yerinə gəldikdən sonra 10 gündən gec olmayaraq qeydiyyata alınması üçün müvafiq dövlət orqanına müraciət etməlidir. Müvafiq dövlət orqanı vətəndaşı dərhal qeydə almalı və ona 10 gün ərzində \"Azərbaycan Respublikası vətəndaşının şəxsiyyət vəsiqəsi haqqında\" Azərbaycan Respublikası Qanununa müvafiq olaraq şəxsiyyət vəsiqəsi verməlidir. Yaşayış yeri üzrə qeydiyyata alınmaq üçün vətəndaş ərizə-anketlə birlikdə aşağıdakı sənədləri təqdim etməlidir:

1) şəxsiyyət vəsiqəsi və ya doğum haqqında şəhadətnamə;

2) yaşayış sahəsinə köçmək üçün əsas verən sənəd (mülkiyyət hüququnun dövlət qeydiyyatına alınması haqqında daşınmaz əmlakın dövlət reyestrindən çıxarış, order, icarə və ya kirayə müqaviləsi, yaxud Azərbaycan Respublikası qanunvericiliyində nəzərdə tutulmuş başqa sənəd) və ya vətəndaşa yaşayış sahəsi verən şəxsin ərizəsi.

Yəni həyat yoldaşınız  yaşadığınız yer üzrə pasport-qeydiyyat idarəsinə müraciət etməlidir siz isə qeydiyyata alınması barədə razılıq ərizəsini notariat qaydada təsdiq edib, həmin orqana verməlisiniz. Dövlət rüsumu 2 manat.

Sualınıza görə təşəkkür edirik.

2011-10-25

1399  Sahrab (26-10-2011) Salam hörmətli Dejure. Xahiş edirəm deyin bir işçi istehsalatda xəsarət alıb və ona həmin müəssisə tərəfindən təyin (TSEK)olunan qədər müavinət(yəni əmək haqqnın 80%-i) ödənilir. Müəssisə onunla bağlanan müqaviləyə ƏM-nin 74-cü maddəsinin 1-ci hissəsinin \"c\" bəndi ilə (və ya başqa maddə) xitam verməlidir? Yoxsa ləğv oluna bilməz? Təşəkkürlər.

Salam.

Əmək Məcəlləsinin 74-cü maddəsinin Qeyd hissəsinə  diqqət yetirin.

Qeyd: Əmək qabiliyyətinin tam itirilməsi müvafiq icra hakimiyyəti orqanının rəyi ilə müəyyən edilir. Əmək qabiliyyətinin tam itirilməsi dedikdə, müvafiq icra hakimiyyəti orqanının qərarı ilə işçiyə müvafiq dərəcədən əlillik qrupu və ya 18 yaşınadək sağlamlıq imkanlarının məhdudluğu müəyyən edilməklə ən azı bir il müddətinə əmək qabiliyyətsiz hesab edilməsi başa düşülməlidir. Əmək qabiliyyətinin 6 aydan az müddətə müvəqqəti itirilməsi əmək müqaviləsinə xitam verilməsi üçün əsas ola bilməz. Əmək qabiliyyətini müvəqqəti itirmiş işçilərin iş yeri və vəzifəsi saxlanılmaqla, onlara ilk 14 gün üçün müvafiq icra hakimiyyəti orqanı tərəfindən müəyyən olunmuş qaydada və miqdarda işəgötürənin vəsaiti, qalan günlər üçün isə məcburi dövlət sosial sığorta haqları hesabına müavinət ödənilir. Əmək qabiliyyətini bir ildən çox olmayan müddətə qismən itirmiş işçilər üçün isə müvafiq icra hakimiyyəti orqanının rəyi nəzərə alınır.

Bundan başqa həmin Məcəllənin 79-cu maddəsinin 1-ci bəndin 3-cü hissəsinə əsasən əmək qabiliyyətini müvəqqəti itirən işçilərin əmək müqaviləsinin ləğv olunması qadağandır. 

Əgər qanunvericiliyin tələblərinə riayət olunmursa yuxarı orqanlara və məhkəməyə müraciət edə bilərsiniz.

Sualınıza görə təşəkkür edirik.

2011-10-28

1400  Vuqar (27-10-2011) Salam.Mən Xətai rayonunda qeydiyyatdayam. Şəxsiyyət vəsiqəsini alarkən mən subay idim. İndi isə evliyəm. Bu halda mən şəxsiyyət vəsiqəsini dəyişməliyəm. Bunun üçün hansı sənədləri toplamalıyam və hara təqdim etməliyəm?

Salam.

Azərbaycan Respublikası vətəndaşının şəxsiyyət vəsiqəsi haqqında Qanunun 4-cü maddəsinə əsasən 25, 35, 50 yaşına çatdıqda və ya vətəndaşın soyadı, adı, atasının adı, yaşayış yeri, ailə vəziyyəti, hərbi vəzifəsi dəyişildikdə və ya onun şəxsiyyət vəsiqəsində olan yazılar təhrif edildikdə, şəxsiyyət vəsiqəsi yararsız hala düşdükdə və ya itdikdə vətəndaş bu maddənin birinci hissəsində nəzərdə tutulmuş qaydada şəxsiyyət vəsiqəsini sadalanan hallardan biri baş verdikdən sonra bir ay ərzində dəyişdirməlidir.

“Yaşayış yeri və olduğu yer üzrə qeydiyyat haqqında” Azərbaycan Respublikası Qanununun tətbiqi haqqında Əsasnamənin müddəalarını da əsas götürməlisiniz.

Bunun üçün nikah haqqında şəhadətnamənin surətini (lazım olduqda müvafiq qaydada təsdiq olunmuş), ərizə anketi, dövlət rüsumunu (2 manat) pasport-qeydiyyat idarəsinə təqdim etməlisiniz.

Sualınıza görə təşəkkür edirik.

2011-10-28

1401  Elibaba (28-10-2011) Salam! Gerbli kagiz (yeni firma kagizi)uzerinde yazilmis arayisa mohur vurulmasi vacibdirmi?

Salam.

Möhür vurulması lazımdırsa vurulmalıdır (belə ki, rəngli arayışı kənar şəxslərdə ev şəraitində çıxarda bilər). Buna görə də arayışı  tələb edən qurumlar özünü sığortalamaq üçün arayışa möhür vurulmasını tələb edirlər (xüsusilə şəxsin maaşı və digər gəlirləri əks etdirən arayışdırsa).

Sualınıza görə təşəkkür edirik.

2011-10-28

1402  Elibaba (28-10-2011) Salam! Eger resmi nigah yoxdursa, yeni dogulmus usaga dogum haqqinda sehadetname alanda usaq kimin soyadini dasimalidir? Bu cur meseleleri nizamliyan Azerbaycan qanunvericiliyinde hansisa bir qanun nezerde tutulubmu?

Salam.

Bəli bu münasibətləri tənzimləyən qanunvericilik mövcuddur. Bu mövzu geniş olduğu üçün ayrıca blok açmağa məcbur olduq: Doğumun qeydə alınması

Tanış ola bilərsiniz. Sualınıza görə təşəkkür edirik.

2011-10-28

1403  Sahrab (29-10-2011) Salam hörmətli Dejure. Sizdən çox xahiş edirəm, 1399-cu sulımda mən işəgötürən adından sizə müraciət edirəm. Bu suala heç kim konkret cavab verə bilmir. Mənə lazımdır ki, həmin istehsalat xəsarəti alan şəxslə əmək müqaviləsinə ƏM-nin 74-cü maddəsinin 1-ci hissəsinin \"c\" bəndi ilə xitam verə bilərikmi. Zərəçəkən artıq 1,5 ildir ki, 80% əmək haqqını alır və tələb olunana qədər alacaq.. Ancaq müəssisədə o işçinin yerinə işçi lazımdır.

Salam.

Əmək Qanunvericiliyinə əsasən olar. Amma şirkət üçün bu əsasla işçini işdən çıxartmaq məqsədəuyğun deyil. Bu məqsədlə də icbari sığorta qanunvericiliyi qəbul edilib ki, şirkətlər öz məsuliyyətini sığortalaya bilsin. Çalışın məsələni danışıqlar yolu ilə ilə qanunvericilik çərçivəsində həll edin.

Sualınıza görə təşəkkür edirik.

2011-10-31

1404  Ulvi (30-10-2011) Salam. Yeni təsdiq olunmuş qanuna əsasən bundan sonra yerli özünü idarə etmə orqanları (bələdiyyələr) tərəfindən qəbul edilmiş inzibati aktların məcburi qaydada icrası ücün birbaşa icra məmuruna ünvanlanacaq. yaxşı bəs deyək ki vətəndaş yerli vergilərdən yayınır konkret ödəmir, ona ödəməli olduğu verginin məbləğinin bildirişidə verilib, ödəməyəcəyi təqdirdə məsuliyyətə cəlb olunacağı haqda xəbərdarlıqda təqdim olunub. Lakin burda bir şeyi xahiş edərdimki bildirəsiz, o son üç ildə az miqdarda yığılıb qalan yerli vergi və ödənişləri inzibati xətanın bilavasitə obyekti qəbul edib, vətəndaşı İnzibati Xətalar məcəlləsinin 246 maddəsinə əsasən cərmələməyib daha sonra icra məmuruna inzibati aktı təqdim etmək olarmı? birdə xahiş edirəm bildirəsiz o cərimələnən zaman, vergini ödəmək istəməyən vətəndaşın maddi durumu nəzərə nə formada alınmalıdır, yəni hansı təbəqəni hansı faizlə cərmələməye daha məqsədə uyğun olardı.Əvvəlcədən təşəkkürümü bildirirəm.

Salam.

Siz verdiyiniz suala qanunverici cavab verməlidir. Bir çox ölkələrdə vətəndaşlar öz qazancına görə cərimələnir. Biz də bu fərq yalnız hüquqi və fiziki şəxslər arasındadır (və vəzifəli şəxslər). Bu məsələ məhkəmə tərəfindən həll olunur adətən və məhkəmə şəxsin maddi, ailə durumunu, həmçinin digər nuansları nəzərə alaraq qərar qəbul edir (hətta məsuliyyətdən azad edə də bilər). \"Cərimələyib daha sonra inzibati aktı təqdim etmək\"....bunu təssəvvür etmək çətindir. Əgər şəxs məsuliyyətə cəlb olunursa onun barəsində mütləq müvafiq akt tərtib edilməlidir (prtokol və qərar) və aktda müvafiq olaraq İXM-nin maddəsi, cərimənin məbləği və s. məlumat göstərilməlidir.

Sualınıza görə təşəkkür edirik.

2011-10-31

1405  Ceyhun (04-11-2011) Hörmətli Dejure, Rusiya dövlət universitetinin müvafiq ixtisası üzrə ali təhsil haqqında diplomunun ölkəmizdə hüquqi qüvvəsinin olub olmaması hansı müvafiq orqan tərəfindən tanınmalı və yaxud təsdiq edilməlidir? Bu məsələ hansı qanunvericiliklə həll edilir? Əvvəlcədən təşəkkür edirəm. 

Salam.

Bu məsələnin həll olunmasında səlahiyyətli qurum Təhsil Nazirliyidir. İlk növbədə Xarici dövlətlərin ali təhsil sahəsində ixtisaslarının tanınması və ekvivalentliyinin müəyyən edilməsi (nostrifikasiyası) Q A Y D A L A R I ilə tanış olmağınız məsləhət bilirik. Xüsusilə Rusiya bağlı bilidiririk ki, Azərbaycan Respublikası Hökuməti və Rusiya Federasiyası Hökuməti arasında təhsil, elmi dərəcə və elmi adlar haqqında sənədlərin qarşılıqlı tanınması sahəsində əməkdaşlıq haqqında Saziş mövcuddur. Lakın bizim Təhsil Naziriliyi diplom tanınarkən  bu sazişi adətən nəzərə almır. Pozuntu olsa da belə təəssüflə bunu qeyd etməliyik.

Sualınıza görə təşəkkür edirik.

2011-11-07

1406  Kamran (07-11-2011) Salam. Dövlət hakimiyyəti orqanlarında kargüzarlıq xidmeti müvafiq Təlimata əsasən təşkil olunur. Bəs onda, kommersiya hüquqi şəxsləri (misal üçün MMC-lər) kargüzarlıq işinin təşkilində hansı hüquq normasını əsas tutmalıdırlar? Təşəkkür edirəm.

Salam.

Kommersiya hüquqi şəxslər öz kargüzarlığını öz mülahizələrinə əsasən təşkil edirlər. Bu kargüzarlıq ola da bilər olmaya da bilər. Çünki daxili sənədləşməyə (əgər hüquqi əhəmiyyəti yoxdursa) dövlət nəzarət etmir. 

Sualınıza görə təşəkkür edirik.

2011-11-08

1407  Fuadın vasitəsilə (07-11-2011) Здравствуйте. Я нахожусь в состоянии бракоразводного процесса с мужем.Он настаивает на том, чтобы я подала заявление об увольнении с работы, хотя в данный период я нахожусь в декретном отпуске до 10 января 2013 года. Это главная причина по которой он хочет со мной развестись. Я боюсь это сделать, потому что считаю, что у меня могут отобрать права на ребенка, потому что я не смогу его содержать не имея работы. Следующий вопрос: мы проживаем с мужем и ребенком в двухкомнатной квартире, где все и прописаны. Квартира приобретена мужем до брака. Где должны проживать мы (я и мой сын), после развода? Как я знаю, нам положено проживание в данной квартире. Но муж утверждает, что после суда мне с ребенком ничего не полагается, и в течение трех месяцев я должна освободить эту квартиру.

Здравствуйте!

Работать или не работать это ваш выбор. Отобрать права на ребенка он также не может. С кем будет оставаться ребенок решает суд, обычно суд принимает сторону матери (тем более если он малолетний). Для содержания ребенка суд назначает алименты (при этом нужно подать исковое заявление). На счет квартиры тоже ошибается, вы можете подать иск и потребовать раздел имущества в любом случае (зависит от того сколько лет проживаете) и как минимум требовать регистрации по данному месту жительства.

Спасибо за вопрос.

2011-11-08

1408  Roman (08-11-2011) Salam. Belə bir hüquqi məsləhətxana yaratdığınızçün Sizə öz təşəkkürümü bildirirəm. Mənim sualım belədir: Hərbi mükəlləfiyyətli olmaq nə deməkdir və şəxsiyyət vəsiqəsinin arxa tərəfində əks olunmuş \"hərbi vəzifə\" anlayışı nəyi ifadə edir?. Əvvəlcədən təşəkkürlər!.

Salam.

Hərbi mükəlləfiyyətli dedikdə dövlətin Silahlı Qüvvələrinin ehtiyatında olan şəxs başa düşülür. 

Sualınıza görə təşəkkür edirik.

2011-11-09

1409  Vuqar (11-11-2011) Salam hörmətli Dejure. Qonşu mənim hasarımı özbaşına yarıya qədər söküb. Mən bu barədə məhkəmədə iddia qaldırmaq istəyirəm. Lakin mənim və qonşum qanunsuz tikililərdə yaşayırıq. Amma bələdiyyədən inventerlaşma sənədi və Jekdən plan sxem var. Amma qonşunun heç bir sənədi hətta yaşadığı mənzilə qeydiyyatıda yoxdur. Belə olan halda mən məhkəmədə necə iddia qaldıra bilərəm?

Salam.

Daha məqsədəuyğğun olar ki, qonşu ilə danışıqlar yolu ilə məsələni həll edəsiniz. Yox əgər danışıqlar heç bir nəticəyə gətirib çıxarmır, onda əlbəttə ki, məhkəməyə müraciət edib pozulmuş hüquqlarınızı bərpa edə bilərsiniz. Torpaq üzrə hüquqlarınızı çalışın qanunvericiliyə uyğun olaraq rəsmiləşdirin və aidiyyəti qurumlara müraciət edin (torpaq və xəritəçəkmə komitəsi, daşınmaz əmlak üzrə dövlət reyestr xidməti). 

Sualınıza görə təşəkkür edirik.

2011-11-12

1410  Nəsimi (16-11-2011) Salam. Mən yaşadığım şəhərdə həyətyanı torpaq sahəsi almaq üçün nə etməliyəm?

Salam.

Torpağın mülkiyyətçisi ilə alqı-satqı müqaviləsini bağlamalısınız (notariat qaydada) və müvafiq qaydada rəsmiləşdirməlisiniz (DƏDRX-də qeydiyyat). Sualınızından elə təsəvvür yranır ki, həyatyani torpaq kimə məxsus olduğunu bilmirsiniz. Əgər belədirsə bununla bağlı bələdiyəyə, yerli icra hakimiyyətinə və DƏDRX-in yerli qurumuna sorğu ilə müraciət etməlisiniz.

Sualınıza görə təşəkkür edirik.

2011-11-16

1411  Rehman (16-11-2011) Salam. Məhkəmələr haqqında məlumat səhifəsində 2 saylı Bakı İnzibati-İqtisadi Məhkəmə ilə əlaqə saxlanılması üçün telefon nömrələri verilməmişdir. Artıq 1 aydan çoxdur ki, iddia ərizəsi Məhkəməyə daxil olmasına baxmayaraq, nəticəsi barədə məlumat əldə edə bilmirəm. Sizdən xahiş edirəm ki, Məhkəmənin katibliyi ilə əlaqə saxlamaq üçün telefon nömrəsini də məlumata əlavə edəsiniz. Çox sağ olun.

Salam.

Məlumat yeniləndi. Faydalana bilərsiniz.

1412  Nesimi (17-11-2011) Salam. Mən bir nəfərin ofisini icarəyə götürmək istəyirəm. Ofis o vətəndaşa mərhum ata-anasından qalıb. Həmin şəxs ailənin tək övladıdır. Ofisin yeganə sənədi isə həmin oğlanın atasının adına Əmlak Komitəsi tərəfindən verilmiş özəlləşdirmə şəhadətnaməsidir. Həmin oğlanla aramızda icarə müqaviləsi bağlamaqçün notariusa müraciət etdik. orda dedilər ki, ilk növbədə oğlanın adına vərəsəlik qaydası ilə ofis keçməlidir. Lakin həmin şəxsin atasının vəfatından 6 aydan çox müddət keçdiyi üçün vərəsəlik məhkəmə tərəfindən müəyyənləşdirilməlidir. Bu isə uzun vaxt tələb edir. Belə olduqda mən onunla icarə müqaviləsini bu prosedurlar olmadan necə bağlaya bilərəm? Əvvəlcədən təşəkkürümü bildirirəm.

Salam.

İcarə müqaviləsini öz aranızda bağlaya bilərsiniz. Notariat qaydada onun təsdiqi üçün zərurət yoxdur. Yalnız əgər müqavilə 11 aydan çox müüdətə bağlanırsa onda tələb olunur (Daşınmaz əmlakın dövlət reyestri haqqında Qanunun 19-cu maddəsi), onda da həmin hüquq daşınmaz əmlakın dövlət qeydiyyatına alınmalıdır.

 Sualınıza görə təşəkkür edirik.

2011-11-17

1413  Narmina (18-11-2011) salam. men iki emeliyyat kecirmisem-1991 ci ilde Kesar-dunyaya usaq gelib ve bu ay agir emeliyyat kecirmisem-daxilde olan qadin orqanlarim xaric olunub. bilmek isterdim mene ikinci qrup elillik dusurmu. Xahis edirem ikinci qrupa aid olan maddeleri mene gonderesiz. ve isin gedisatini izah edesiz. evvelceden tesekkur edirem

Salam.

Bunun üçün Əlilliyin müəyyən olunması meyarlarına dair Əsasnamənin müddəalarına diqqət yetirməlisiniz və xəstəliyin (travma) xüsusiyyətindən (adından) asılı olaraq əlilliyin dərəcəsini müəyyən edə bilərsiniz.

Sualınıza görə təşəkkür edirik.

2011-11-18

1414  Beyrek (18-11-2011) bayram gunleri ucun isciye emek haqqi hesablanirmi?

Salam.

Əmək Məcəlləsinin 164 maddəsinə əsasən istirahət, səsvermə, iş günü hesab edilməyən bayram günləri və ümumxalq hüzn günü görülən işə görə əməkhaqqı aşağıdakı kimi ödənilir:

• əməyin vaxtamuzd ödənilmə sistemində gündəlik tarif maaşının iki mislindən aşağı olmamaqla;
• əməyin işəmuzd ödənilmə sistemində ikiqat işəmuzd qiymətlərindən aşağı olmamaqla;
• aylıq maaş alan işçilərə iş aylıq iş vaxtı norması çərçivəsində görülmüşsə, maaşdan əlavə gündəlik vəzifə maaşı məbləğindən aşağı olmamaqla, əgər iş aylıq iş vaxtı normasından artıq vaxtda görülmüşsə, maaşdan əlavə gündəlik vəzifə maaşının ikiqat məbləğindən aşağı olmamaqla.

2. İstirahət, səsvermə, iş günü hesab edilməyən bayram günləri və ümumxalq hüzn günü işləmiş işçinin arzusu ilə ona əməkhaqqı əvəzinə başqa istirahət günü verilə bilər.

Sualınıza görə təşəkkür edirik.

2011-11-18

1415  Narmina (22-11-2011) salam. ozum internetde tapa bilmediyim ucun xahis edirem ” Azərbaycan Respublikası Prezidentinin 1997-ci il 5 iyun tarixli, 595 nömrəli Fərmanini mene gonderesiniz.

Salam.

“Əlillərin sosial müdafiəsi haqqında” Azərbaycan Respublikası Qanununda dəyişikliklər edilməsi barədə” Azərbaycan Respublikası Qanununun tətbiq edilməsi haqqında AZƏRBAYCAN RESPUBLİKASI PREZİDENTİNİN FƏRMANI.

Bu qədər.

2011-11-23

1416  Nesimi (23-11-2011) Salam. Doğum haqqında şəhadətnamədə doğulduğu yer dedikdə uşağın anadan olduğu doğum evinin yerləşdiyi yer nəzərdə tutulur, yoxsa uşağın valideynlərinin daimi qeydiyyatda olub yaşadıqları yer? Məsələn bir ailə Zərdabda yaşayır, ananı doğuş üçün Göyçay Doğum Evinə aparırlar və uşaq orda doğulur. Belə halda uşağın metrikasına doğulduğu yer kimi Zərdab yazılmalıdır, yoxsa Göyçay?

Salam.

Bu hüquqi bloku diqqətləoxuyun. Doğumun dövlət qeydiyyatı uşağın doğulduğu yerdə və ya valideynlərin, yaxud onlardan birinin yaşadığı yerdə qeydiyyat şöbəsi, konsulluq idarəsi və icra hakimiyyətinin nümayəndəliyi tərəfindən aparılır. Uşağın doğulmasının qeydə alındığı yerdən asılı olmayaraq doğum haqqında akt qeydində və doğum haqqında şəhadətnamədə uşağın doğulduğu yer kimi onun doğum yeri göstərilir.

Uşaq xarici ölkələrin ərazisində də doğula bilər. Bunu əsas tutaraq uşaq gələcəkdə həmin ölkənin vətəndaşı da ola bilər (misal kimi: ABŞ-nın ərazisində doğulan uşaq gələcəkdə həmin ölkənin vətəndaşı və hətta Prezidenti də ola bilər).

Sualınıza görə təşəkkür edirik.

2011-11-25

1417  Elvin (25-11-2011) Salam, eger menzil girov kimi banka qoyularsa ve bankdan mueyyen meblegde pul goturulerse, o zaman menzilde qeydiyyatda olan az yashli ushagin raziligi uchun qeyyumluq ve himayedarliq komissiyasinin raziliginin olmasi mecburidirmi hemin muqavilede? yeni azyasli usagin huququ nece tenzimlenmelidir? ve ya adi kechen komissiyanin raziligi olmasa muqavilenin baglamasi qanunidirmi? bilmek isterdim ki, bu hansi mecelle ile tenzimlenir? onceden minnetdaram

Salam.

Əgər valideynləri yoxdursa uşaqların hüquqları müvafiq qəyyümluq və himayəçilik orqanı ilə qorunur.

Sualınıza görə təşəkkür edirik.

2011-11-25

1418  Nesimi (01-12-2011) Salam. Şəxsiyyət vəsiqəsinin vaxtı bitdikdə dəyişdirilməsi üçün rüsum 2 manatdır. Bu halda şəxsiyyət vəsiqəsinin yenisi ilə əvəz olunması maksimum neçə gün çəkməlidir? Bəs bu proses vətəndaşən istəyi ilə təcili həyata keçirilsə onda rüsum nə qədər olmalıdır?

Salam.

Azərbaycan Respublikası vətəndaşının şəxsiyyət vəsiqəsi haqqında Qanunun 4-cü maddəsinə əsasən şəxsiyyət vəsiqəsi Azərbaycan Respublikasının hər bir vətəndaşının və ya onun qanuni nümayəndəsinin ərizəsi, doğum şəhadətnaməsi, 16 yaşına çatmış vətəndaşın fotoşəkli, dövlət rüsumunun ödənilməsi barədə qəbz və zəruri hallarda Azərbaycan Respublikasının vətəndaşlığını təsdiq edən sənədlər əsasında, yaşadığı yerin müvafiq dövlət orqanları tərəfindən vətəndaşın və ya onun qanuni nümayəndəsinin müraciətindən ən geci 10 gün keçənədək verilir.

Sualınıza görə təşəkkür edirik.

2011-12-05

1419  Nesimi (01-12-2011) Qeydiyyat Şöbəsindən subaylıq arayışının verilməsi üçün hansı sənədlər təqdim edilməlidir, proses maksimum neçə gün çəkir və nə qədər rüsum və nə qədər xidmət haqqı ödənilməlidir?

Salam

Dövlət rüsumu haqqında Qanunun 16.3.7-ci maddəsinə əsasən xarici ölkələrin VVAQ orqanları tərəfindən nigahın qeydə alınması məqsədilə subaylıq haqqında arayışın verilməsinə görə 20 ABŞ dolları dövlət rüsumu  verilməlidir.

Sualınıza görə təşəkkür edirik.

2011-12-05

1420  Nesimi (01-12-2011) MMC-nin möhür və ştampı itdikdə MMC-nin direktoru hansı addımları atmalıdır? Əvvəlcədən təşəkkürlər

Salam.

Həmin əşyaların itirilməsi barədə qazetdə elan verməlidir və onların etibarsız olduğunu qeyd etməlidir. Daha sonra vergi orqanlarına müraciət etməlidir və onların cavabı əsasında yeni möhür sifariş etməlidir. Yeni möhürdə \"D\" hərfi əlavə olunur (yəni dublikat).

Sualınıza görə təşəkkür edirik.

Nəzərinizə çatdırırıq ki, Siz gün ərzində həddindən artıq çox sual verdiniz. Sizin sual vermə hüququnuz məhdudlaşdırılacaq.

2011-12-05

1421  Nesimi (01-12-2011) Xahiş edirəm mənə Azərbaycan SSR-in və SSRİ-nin konstitusiyalarını göndərəsiniz

Salam.

Bu cür xidmətlər ödənişlidir.

2011-12-05

1422  Ulvi (02-12-2011) Salam.Cinayət Məcəlləsinin 74-cü maddəsində nəzərdə tutulmuş \"şəraitin dəyişməsi\" ifadəsində nə nəzərdə tutulur? Əvvəlcədən minnətdarlığımı bildirirəm.

Salam

Şəraitin dəyişilməsi müxtəlif halları nəzərdə tuta bilər. Misal üçün sosial-istisadi şəraitin dəyişilməsi. Misal üçün bir çox əməllərə görə əvvəllər məsuliyyət tutulurdu (spekulyasiya, homoseksuallıq və s.). Və bu şəraitin dəyişilməsi nəticəsində əməl artıq ictimai təhlükə daşımır. Həmçinin məişətdə nümunəvi davranışda şəraitin dəyişilməsi kimi də qəbul oluna bilər.

Sualınıza görə təşəkkür edirik.

2011-12-05

1423  Cəlil (02-12-2011) Salam! 1999-cu ildə notarial qaydada müqavilə ilə ev alqı-satqısı etmişik və qeydiyyat vəsiqəsi almışam. Lakin bu yaxınlarda məlum olub ki, evin keçmiş sahibi pasport qeydiyyatından çıxmayıb və hal hazırda onun xarici dövlətdə və ya dicər bir yerdə olması barədə heç bir məlumatım yoxdur.Onun qeydiyyatdan çıxarılması üçün mən ən sadə variantdan başlayaraq hansı hərəkətləri edə bilərəm? Xahiş edirəm bu barədə məni ətraflı məlumatlandırasınız.Əvvəlcədən minnətdarlığımı bildirirəm.

Salam.

Bunun ən sadə və yeganə  variantı məhkəməyə iddia ilə müraciət etmək və həmin şəxsin qeydiyyatdan çıxarmaq.

Sualınıza görə təşəkkür edirik.

2011-12-05

1424  Sahrab (02-12-2011) Salam. xahiş edirəm deyin, müəssisədə işçilərin sayının və ya ştatların ixtisarı qanunla necə aparılmalıdır??? Təşəkkürlər.

Salam.

Bunun üçün şirkətin müvafiq əmri tərtib edilir, hansı ki, ixtisarı əsaslandırmalıdır. İxtisar Əmək Məccələsinin müddəalarına zidd olmamalıdır.

Sualınıza görə təşəkkür edirik.

2011-12-05

1425  Nurlan (02-12-2011) Salam. Mən nəvəmi vəsiyyət üzrə vərəsə təyin etmək üçün nə etməliyəm? Eyni zamanda Vərəsəlik üzrə sərəncam və Vərəsəlik hüququ haqqında şəhadətnaməni almağ üçün hansı prosedurları keçməliyik. Əvvəlcədən təşəkkür edirəm.

Salam.

Bu mövzu ilə əlaqədar ayrıca hüquqi blok yaratmışıq. Tanış ola bilərsiniz (Vərəsəlik hüququ haqqında şəhadətnamələrin verilməsi).

Sualınıza görə təşəkkür edirik.

2011-12-05

1426  Tarana (02-12-2011) Salam! 20.10.1991-ci il tarixində qanuni nikaha daxil olmuşam. Həyat yoldaşımın qeydiyyatda olduğu mənzilə gəlin getsəmdə, orada qeydiyyata alınmadım. 19.02.1993-cü ildə qızımız anadan oldu. 1997-ci ildə müəyyən səbəblərdən boşanma ərizəsi ilə məhkəməyə müraciət etdim. 05.12.1997-ci il tarixində valideynlərim tərəfindən mənə 1 otağlı mənzil alındı. 16.04.1998-ci il tarixində məhkəmənin boşanma haqqında qərarı çıxdı. 02.02.2010-cu il tarixində keçmiş həyat yoldaşım qızını öz evinə qeydiyyata saldı(atasının vəfatından sonra). Onu bildirmək istəyirəm ki, hal hazırda qeydiyyatda 3 nəfərdi(nənə, ata, qızım). Keçmiş həyat yoldaşım evlidir(rəsmi və ya qeyri-rəsmi, bilmirəm). Suallarım: 1. Qızımın qeydiyyatda olduğu mənzil hal-hazırda dövlət planına əsasən sökülmək üzrədi.Bu halda qızıma ayrıca pay veriləcəkmi? Evin sahibi nənədir. 2.Mənim evim bizim ortaq mülkiyətimiz sayılırmı? 3.Qızımın atası tərəfindən ev qeydiyyatından çıxarılması mümkündürmü? və hansı halda mümkündür?

Salam.

Əgər mübahisə yaransa. Həmin mübahisə məhkəmə qaydasında həll olunmalıdır.

Ətraflı məsləhət üçün De Jure hüquq firmasına müraciət edə  bilərsiniz.

2011-12-05

1427  İsmayıl (04-12-2011) Salam. Dövlət müəssisəsində çalışan işçi fərdi avtomobilini iş tapşırıqları yerinə yetirmək üçün istifadə edirsə buna ğörə yanacaq ayrılması üçün hansı hüquqi mexanizm olmalıdır.

Salam.

Bunun üçün rəhbərliyin müvafiq əmri olunmalıdır və yanacaq limiti işçi üçün müəyyən edilməlidir.

Sualınıza görə təşəkkür edirik.

2011-12-05

1429  Ulvi (05-12-2011) Salam. Müstəntiq və ya təhqiqatçı istintaq dövründə haqqında həbslə əlaqədar olmayan qəti imkan tədbiri, məsələn başqa yerə getməmək haqqında iltizam qəti imkan tədbiri seçilmiş şübhəli şəxsin və yaxud təqsirləndirilən şəxsin şəxsiyyətini təsdiq edən sənədin əslini alıb özündə saxlaya bilərmi? Faktiki olaraq alırlar, vətəndaşın şəxsiyyət vəsiqəsi və pasportu bir də məhkəmədən sonra özünə qaytarılır. Əvvəlcədən təşəkkürlər

Salam.

Bu hüquq pozuntusudur. Və bununla bağlı həm məhkəməyə, həm yuxarı instansiya hüquq mühafizə orqanlarına müraciət edə bilərsiniz.

Sualınıza görə təşəkkür edirik.

05-12-2011

1430  Adil (05-12-2011) Salam!sualim belədir:Səbinə adlı bir qiz \"3 ay bundan əvvəl\" ərə getmiş və qanuni nigahla, amma yaşayış qeydiyyatı isə anası evində qalmışdır!indi o \"remete\" getmiş ve ər yox, məhz qızın ata-ana evindenden son menzile yola salınıb!və onun \"defn merasimi və hüzr mərasimi\" de ata - anası evinde verilir! indi məlum olub ki səbinə sığorta şirkətində özünü sığortalanıbmış və ölümü ilə əlaqədar sığorta şirkəti ona 15.000 manat sıqorta pulu ayırıb!sual belədir!bu Səbinə adlı qızın sıqorta puluna kimlər yiyə dura bilər?Ər, yoxsa Səbinənin ata -anası?Çavaba görə əvvəlcədəən minnətdarlıqımızı bildiririk!

Salam.

Sığorta müqaviləsinə diqqət yetirməlisiniz. Orda əks olunub. Mübahisə yarandıqda məhkəmə qaydasında həll olunmalıdır.

Sualınıza görə təşəkküür edirik.

05-12-2011

1431  Kamran (06-12-2011) Salam. Belə bir vəziyyət yaranmışdır. Bələdiyyə 2005-ci il tarixli qərarı ilə kommersiya məqsədilə 30 kv.m torpaq satmış və həmin sahədə sənədləşmə tam başa çatmadan obyekt tikilmişdir. Məhkəmənin bu ilki qətnaməsi ilə torpaq sahəsi mülkiyyət kimi tanınmışdır. Reyestr xidmətindən bələdiyyə qərarından başqa alqı-satqı aktı tələb edilir. İndiki bələdiyyə həmin aktı verməkdən imtina edir. Bələdiyyə məhkəmə tərəfindən tanınmış qərara indi alqı satqı aktı verməyə bilərmi? Çox mürəkkəb məsələdir, diqqət ayırdığınıza görə təşəkkür edirəm.

Salam.

Bəli. Elə yazılandan görsənir ki, mürəkkəbdir. Hər bir halda məhkəmə aktını əsas tutun. Əgər məhkəmə şəxsin mülkiyyət hüququnu tanıyıbsa onun icrası mütləqdir bütün dövlət orqanları üçün (əgər müvafiq qaydada şikayət olunmasa).

Sualınıza görə təşəkkür edirik.

 2011-12-07

1432  Təranə (06.12.2011) Ezamiyyətlər haqqında qanun və ya təlimat varmı

Salam.

Əlbəttə ki, var. Ezamiyyə xərclərinin normaları haqqında Nazirlər Kabinetinin Qərarı (№ 14), İşçilərin Ezamiyyə Qaydaları.

Sualınıza görə təşəkkür edirik.

2011-12-07

1433  Aysu (07-12-2011) salam men ozum huquqsunasam ve mehkemede isleyiyem indi analiq mezuniyyetindeyem . amma evde olarken men vekiliye hazirlasmaq isteyirem ve onunla baqli testsler elde etmek isteyirem mene hemin testleri nece elde etmek barede melumat vere bilseniz cox minnatdar olaram size,

Salam.

Çətin ki, bu cür testlər açıq satışda ola bilər. Amma De Jure hüquq firması bir çox testlərin hazırlanması ilə məşğuldur. Əgər marağınız olsa müraciət edə bilərsiniz.

Sualınıza görə təşəkkür edirik.

2011-12-08

1434  Soltan (07-12-2011) Salam. Mən 2-ci qrup Qarabağ əlili və veteranıyam. Eyni zamanda Prezident təqaüdçüsüyəm. Rayonların birində idman məktəbində təsərrüfat müdiriyəm. Həyat yoldaşım da məktəbdənkənar müəssisələrin birində dərnək rəhbəridir. İki azyaşlı oğlumuz var. Böyüyün 10, kiçiyin isə 6 yaşı var. İndi işlədiyimiz təşkilatların hər ikisində ixtisar gedir. Bizim hər ikimizə ixtisara düşəcəyimizi deyirlər. Qanunla bizi ixtisara sala bilərlərmi? Əvvəlcədən təşəkkür edirəm

Salam.

İşçilərin ixtisarı zamanı mütləq qanunvericiliyin tələbləri yerinə yetirilməlidir. 

Əmək Məcəlləsinin 78 maddəsinə əsasən müvafiq hallarda işçilərin sayı azaldılarkən və ya ştatların ixtisarı həyata keçirilərkən müəyyən vəzifələr üzrə əmək funksiyasının icrası üçün tələb olunan ixtisasın (peşənin) və peşəkarlıq səviyyəsinin daha yüksəyinə malik olan işçilər işdə saxlanılır. İşçinin peşəkarlıq səviyyəsini işəgötürən müəyyən edir.

İşəgötürən ixtisasları (peşələri) və ya peşəkarlıq səviyyələri eyni olduqda aşağıdakı şəxslərin işdə saxlanmasına üstünlük verir:

• şəhid ailəsinin üzvlərinə;
• müharibə iştirakçılarına;
• əsgər və zabitlərin arvadlarına (ərlərinə);
• öhdəsində iki və daha çox 16 yaşınadək uşağı olanlara;
• həmin müəssisədə əmək şikəstliyi almış və ya peşə xəstəliyinə tutulmuşlara;
• məcburi köçkün, onlara bərabər tutulan şəxs və qaçqın statusu olan şəxslərə; 
• kollektiv müqavilələrdə və ya əmək müqavilələrində nəzərdə tutulan digər şəxslərə

Bundan başqa həmin Məcəllənin 77-ci maddəsinə əsasən işçilərin sayı azaldıqda və ya ştatları ixtisar olunduqda bu Məcəllənin 70-ci maddəsinin «b» bəndi ilə işəgötürən əmək müqaviləsini ləğv etməzdən azı iki ay əvvəl işçini rəsmi xəbərdar etməlidir. Xəbərdarlıq müddəti ərzində hər iş həftəsində əmək haqqı saxlanılmaqla iş axtarmağa imkan yaradılması məqsədi ilə işçi azı bir iş günü əmək funksiyasının icrasından azad edilir.
Əmək müqaviləsi bu Məcəllənin 70-ci maddəsinin «a» və «b» bəndləri ilə ləğv edilərkən işçilərə:

• orta əmək haqqından az olmamaqla işdənçıxarma müavinəti;
• işdən çıxarıldığı gündən yeni işə düzələn günədək ikinci və üçüncü aylar üçün orta əmək haqqı ödənilir.

Buna görə də ixtisar qarşısıalınmazdırsa, onun həyata keçirilməsi mümkündür, lakın sizin hüquqlarınız qanunvericiliklə qorunur.

2011-12-08

{jcomments on}

 

 

1435  Kərim (11-12-2011) Salam. coxusaqli analar hansi hallarda ve nece yasindan sonra muavinet ala bilerler?

Salam.

Sosial müavinətlər haqqında Qanuna əsasən 3 və daha çox uşaq doğub 8 yaşınadək tərbiyə etmiş, yaxud sağlamlıq imkanları məhdud övladını 8 yaşınadək tərbiyə etmiş 57 yaşına çatmış qadınlar müvafiq məbləğdə sosial müavinət alır. Əgər 57 yaşına çatmısınızsa Aztəminatlı əhalinin sosial müdafiəsinin gücləndirilməsi tədbirləri barədə Fərmana əsasən aylıq 50 manat müavinət almalısınız. 

Sualınıza görə təşəkkür edirik.

2011-12-12

1436  Elshen (13-12-2011) her hansi foto ile mesqul olan n sayli mektebin sagirdlerinden pul alib ki sizlerin vinetkanizi cixardacam amma 6 aydi hazir olmayib. behaneler edir.hemin yelebelerin sikayet etmek huququ varmi ne derecede?

Salam.

Bəli, istehlakçı hüququnuz pozulduğu üçün şikayət etmək hüququnuz var. Antiinhisar Siyasəti və İstehlakçıların Hüquqlarının Müdafiəsi Dövlət Xidmətinə və Vergilər Nazirliyinə.

Sualınıza görə təşəkkür edirik.

2011-12-14

1437  Elshen (14-12-2011) salam men huquqsunas kimi sirketde 3 aydir isleyirem.tecrubeli huquqsunaslardan meslehet almaq isteyirem.her hansi 1 sirketde huquqsunas vezifesinde islemek ucun esasen neleri bilmek hansi kitablardan istifade etmek daha duzgun olardi?

Salam.

Belə cavablandırmaq çətin olar. Çünki adətən işçilər fikirləşir ki, hüquqşünas hər şey bilməlidir, ən azı Azərbayac Respublikasının bütün qanunvericiliyini, bu isə təəssüf ki, o qədər də asan iş deyil. Öncə əsas istifadə olunan Məcələllərlə işləməyə öyrənin MPM, MM, ƏM, VM yeni qanunvericiliyi izləyin. Şirkətin fəaliyyət sahəsinə aid qanunvericilini öyrənin.

Sualınıza görə təşəkkür edirik.

2011-12-15

1438  1436 - Elshen (13-12-2011) her hansi foto ile mesqul olan n sayli mektebin sagirdlerinden pul alib ki sizlerin vinetkanizi cixardacam amma 6 aydi hazir olmayib. behaneler edir.hemin telebelerin sikayet etmek huququ varmi ne derecede?mene bu sual verilmisdi. CM-nin 178-ci madesinde deleduzluq haqqinda yazilib hemin madde men verdiyim sual ucun deyil?

Salam.

Sual -1436

Əgər əsaslandıra bilərsinizsə (venetkanın hazırlamamasına görə cinayət məsuliyyətinə cəlb etmək) hüquq mühafizə orqanlarına müraciət edə bilərsiniz. Lakın burda mübahisə  mülki münasibətlərdən yaranıb. Ona görə də çox güman ki, məhkəmə qaydasında həll olunmalıdır, həmçinin məhkəmə sübut kimi ödənişlərin həyata keçirilməsini təsdiq edən sənədləri də tələb edəcək, buna hazır olun.

Sualınıza görə təşəkkür edirik.

2011-12-15

1439  Vusal (16-12-2011) 16 yaşına çatmış Azərbaycan Respublikasının vətəndaşlarına şəxsiyyət vəsiqələrinin verilməsinə görə:üç iş günü müddətində verildikdə-5 manatüç iş günündən sonrakı müddətdə verildikdə 1 manatAzərbaycan Respublikasının vətəndaşları 25, 35, 50 yaşına çatdıqda, həmçinin onların soyadı, adı, atasının adı, yaşayış yeri, ailə vəziyyəti və hərbi vəzifəsi dəyişdikdə şəxsiyyət vəsiqəsinin dəyişdirilməsinə görə. 2 manatSual Mən Şəxsiyyət vəsiqəmi 25 yaşımım tamam olması ilə əlaqədər olaraq 3 iş gün müddədində dəyişdirmək istəyirəm. bilmək istəyirəm mənə hasi rusum tətbiq olunacaq.5 manat yoxsa 2 manat və yaxutda 5+2 manat? Əvvəlcədən sizə öz minnətdarlığımı bilirirəm.

Salam.

Dövlət rüsumu haqqında Qanuna əsasən:

14.3. Azərbaycan Respublikası vətəndaşının şəxsiyyət vəsiqəsinin verilməsinə və ya dəyişdirilməsinə görə:

 

• üç iş günü müddətində verildikdə və ya dəyişdirildikdə - 10 manat
• üç iş günündən sonrakı müddətdə verildikdə və ya dəyişdirildikdə - 1 manat dövlət rüsumu verilir.

Üç iş günü müddətində dəyişdirmək istəyirsinizsə 10 manat düövlət rüsumu ödəməlisiniz.

Sualınıza görə təşəkkür edirik.

2011-12-16

1440  Təranə (19.12.2011) məzuniyyətlər və xəstəlik vərəqələri haqqında hansı təlimatlar var

Salam.

Məzuniyyətlərlə bağlı Əmək Məcəlləsinin müddəlarına müraciət etməlisiniz. Ezamiyyə ilə bağlı əlavə olaraq Xəstəlik vərəqələrinin verilməsi və müalicə-sağlamlıq məqsədlərinə ödənişlərin təyin edilməsi və verilməsi qaydalarının təsdiqi haqqında Qərar ilə tanış olmalısınız.

Sualınıza görə təşəkkür edirik.

2011-12-20

1442  Gulya (20-12-2011) salam. vereselik huququndan mehrum edilmis sexsler mirasdan mecburi pay almaq huquqlarini saxlayirlarmi? he yoxsa yox?

Salam.

Bəli. Mülki Məcəllənin 1176-cı maddəsinə əsasən .vəsiyyət edən qanun üzrə vərəsələrdən birini, bir neçəsini və ya hamısını vəsiyyətnamə ilə mirasdan məhrum edə bilər və bunu əsaslandırmağa borclu deyildir. Vəsiyyətnamədə birbaşa göstərişlə mirasdan məhrum edilmiş şəxs vəsiyyətnaməyə daxil olmamış əmlak hissəsinə, vəsiyyət üzrə vərəsələrin mirası qəbul etməkdən imtina etdikləri halda da, qanun üzrə vərəsə ola bilməz.

Həmin Məcəllənin 1203-cü maddəsinə əsasən məcburi pay almaq hüququndan məhrumetmə, ümumiyyətlə, vərəsəlik hüququndan məhrumetməyə səbəb olan hallar olduqda mümkündür. Məcburi pay almaq hüququndan məhrumetməni miras qoyan hələ öz sağlığında məhkəməyə müraciət etmək yolu ilə həyata keçirə bilər. Məcburi pay almaq hüququndan məhrumetmə barəsində məhkəmənin çıxardığı qərar mirasın açıldığı andan qüvvədə olur. Miras qoyanın hələ öz sağlığında məhkəməyə müraciət etdiyi, lakin qərarın onun ölümündən sonra qəbul edildiyi halda da bu cür nəticə baş verir.

Sualınıza görə təşəkkür edirik.

2011-12-21

1443  Zəminə (23-12-2011) Salam, əsas vəsaitin qəbul aktı formasını və digər formaları harda tapmaq olar? Sağ olun

Salam.

Bu cür formalar ödəniş əsasında təqdim olunur.

2011-12-23

1444  Qasanov (25-12-2011) salam aleykum. Men 1-ci qrup elilem 55 azn pensiye aliram. 27 yasim var, ata-anam rehmete gedib. Atamin 28 illik stajini hesablayib mene pul olaraq vererlermi? Yani ki stajin her ilini 1.94 azn-e vuraraq pul olaraq menim almaq huququm varmi? Onu da deyim ki 18 yasimnan sora cixmisam pensiyeye. tesekkurler

Salam.

Şəraitiniz barədə DSMF-ə məlumt təqdim etməyiniz məqsədəuyğndur, aztəminatlı aid olduğunuz üçün sizə ünvanlı sosial yardım ayrıla bilər.

Sualınıza görə təşəkkür edirik.

2011-12-26

1445  Qasanov (26-12-2011) salam.sualima duzgun cvb ala bilmedim.Menim sualim odu ki,atamin stajini menim ustume yazalar ve atamin maasini men alam yani.2ci sual beledi.sizin saytda dsmf-nun filan rayon sobesine yazmaqa erize varmi?kopyalamaqa

Salam.

Sual - 1444.

Əmək pesiyaları haqqında Qanunun 1-ci maddəsinə əsasən əmək pensiyası həmçinin sığortaolunanlarin ölümü ilə əlaqədar onların ailə üzvlərinin itirdikləri gəlirlərin kompensasiyası məqsədilə vətəndaşlara aylıq pul ödənişidir. Ona görə də bu müddəaya əsaslanıb DSMF orqanlarına müraciət edə bilərsiniz. Ərizə sərbəst formada yazılır.

Bu qədər.

2011-12-27

1446  Vugar (27-12-2011) Salam! Mən 2007 ci ildə ailə qurmuşam Və yoldaşımın valideynlərinin evinə gəlin köçmüşəm.Qaynanamla yola getmədiyimə görə ailəmlə kirayədə yaşayırıq. Yoldaşım valideynlərinin evinə qeydiyatdadı məni isə qeydiyata salmayıblar. Qaynatam öz adına 3 otaqlı mənzil alıb və bizə verib. Nəzərinizə çatdırım ki yoldaşımın valideynlərinində yaşadığı evdə 3 otaqlıdı bundan başqa qaynamında adına 2 otaqlı mənzil var. Qaynanam indi məhkəmə yolu ilə evi bizdən almaq istəyir. Bu mümkündürmü və əks halda biz məhkəmə yolu ilə bu 3 evdən bizə düşən pay (əgər mümkündürsə ) ala bilərikmi?

Salam.

Daha dəqiq bilmək üçün əmlakın mülkiyyətçisi kim olduğunu müəyyən etmək lazımdır. Əgər mülkiyyətçi (Çıxarışda göstərilməlidir) qaynana və qaynatadırsa onda əlbəttə ki, əmlak onlara məxsusdur (nigah dövründə əldə edilmiş əmlak birgə əmlak hesab edilir), yox əgər mülkiyyətçi siz və ya həyat yoldaşınızdı onda əmlak sizin birgə mülkiyyətinizdir. 

Sualınıza görə təşəkkür edirik.

2011-12-27

1447  Qasanov (28-12-2011) Salam. Bir daha narahat ediyim ucun uzr isteyirem.Mene aid olsa bu maddeler aid ola bilerdi amma tam anlamadim. 14.1.1. vəfat etmiş və ya həlak olmuş şəxslərin ovladları:14.1.1.1. 18 yaşına зatmamış;14.1.1.2. 18 yaşına зatanadək sağlamlıq imkanlarının məhdudluğu mьəyyən olunmuş 18 yaşından yuxarı əlil; Menim ise 27 yasim var ve 20 yasimda elil olmusam, burda da 18-den asaqi yazilib. Xais edirem deqiq gosterin gorum menim huququm hansi benddi? Beri basdan tesekkur edirem

Salam.

Suallar - 1444, 1445

Onda həmin qanun sizə tətbiq olunmur.

Sualınıza görə təşəkkür edirik.

2011-12-29

1448  Hemid (28-12-2011) Salam bankdan kredit goturende, bank muwteriden xidmet haqqi tutur, bu ne derecede muvafir qanunlara uygundur?

Salam.

Bank kommersiya qurumudur, və öz qiymət siyasətini bazar iqtisadiyyatına uyğun olaraq həyata keçirir, həmçinin müştərilərlə münasibətləri onların razılığı ilə hayata keçirir. Xidmət haqların məbləğləri müxtəlif banklarda fərqli ola bilər.

Sualınıza görə təşəkkür edirik.

2011-12-29

1449  Hemid (29-12-2011) Salam banklarda, sifarischi ve icrachi, arasinda baglanan muqavile uzre iwleyen ischilere bonuslar, bayram paylari ve s. Odenishler shamil olunur -olunmur? Hormetle Hemid

Salam.

Əgər müqvilənin şərtlərində əks olunubsa əlbəttə ki şamil oluna bilər.

Sualınıza görə təşəkkür edirik.

2011-12-29

1450  Qasanov (01-01-2012) Salam yoldas vekil. Xais edirem mene elilliyin nece teyin olunmasi haqqinda qanunu gosteresiniz. Meselen,eyni zamanda gozden, qulaqdan ve boyrekden elil olan bir shexs oyrenmek isteyir ki mene bu 3-xesteliklere gore ayri-ayri pensiyenin verilmesi mumkundumu. Bu movzu haqqinda qanun lazimdi. saqolun

Salam.

Qeyd etdiyiniz münasibətləri qanun yox Nazirlər Kabinetinin Qərarı tənzimlətir - Əlilliyin müəyyən olunması meyarlarına dair Əsasnamənin təsdiq olunması haqqında Nazirlər Kabinetinin Qərarı.

Sualınıza görə təşəkkür edirik.