Xanım və tapança (Kazus)

1932-ci ildə Maykl adlı məşuqunun  qətlində təqsirləndirilən  kübar dairələrinə mənsub gözəlçə 26 yaşlı Elvira Barni  Londonun Old Beyli məhkəməsinin qarşısında çıxdı. Müdafiənin tərəfi Patrik Qastinqs şəxsində müttəhimi dindirildikdən sonra bədbəxt hadisə versiyasını irəli sürdü. Guya ki, o öz məşuqunu qısqanırdı və ona xox gəlmək üçün intihar edəcəyini bildirdi. Maykl ondan tapançanı almaq istəyəndə mübarizə baş verdi və - atəş səsi!!!  İttihamçı tərəfindən çıxış edən tüfəngsaz-ekspert Robert Çerçil müttəhim xanımın mövqeyini təkzib edərək israr edirdi ki, həmin tapança ən təhlükəsiz tapançadır. Ona görə ki, bu tapançadan atəş açmaq üçün böyük qol qüvvəti tələb olunur. Buna görə də, tapançanın özü-özünə atəş açması iddiası tamamilə əsassızdır. Ekspertin çarpaz dindirilməsini apararkən Patrik Qastinqs zarafatyana maddi sübutla (tapança) ilə oynayırdı və əziyyətsiz onun tətiyinə basırdı, və tapançanın çaxmağı onun danışıq taktına səs çıxarırdı. Çaxmağın hər dəfə səsi gəldikcə andlılara aydın olurdu ki, ekspert səhv edir və tapançadan atəş açmaq asandır. Məhkəmənin bəraət hökmü vəkilin əziyyətini mükafatlandırdı. Sonradan o, uzun müddət öz barmağını sağaldırdı.