Komanda

Samara Dövlət İqtisad Universitetinin hüquq fakultəsini 2003-cü ildə fərqlənmə ilə bitirib. Kompüter cinayətləri, nou-hau, bank sirri, hüquq fəlsəfəsi üzrə bir-neçə elmi məqalələri var. Müxtəlif illərdə dövlət (MKSİF) və kommersiya strukturlarında (BCT, ANS, AAC, OZ-AK, Veyseloğlu və s.) hüquqşünas və hüquq struktur bölmənin rəhbəri vəzifələrində çalışıb (15 ildən artıq). Strasburq (Fransa), Kardif (Böyük Britaniya) şəhərlərində peşə və idarəetmə təhsilini təkmilləşdirib. 2020-ci ildə London Beynəlxalq Biznes Məktəbinin Beynəlxalq Biznes Hüququ bölməsini fərqlənmə ilə bitirib. Netty Milli İnternet Mükafatının Təşkilat Komitəsinin sədr müavinidir. http://dejure.az  veb resursunun təsisçisidir. De Jure hüquq firmasının həmtəsisçisi və idarəedici partnyorudur. Ailəlidir, iki övladı var.

E-poçt: dejure@dejure.az

Social şəbəkələrdə:

• Linkedin

Bakı Dövlət Universitetinin hüquq fakültəsinin məzunudur. ABŞ-ın İnternyus Təşkilatının “Media hüququ Kursu”nu, Avropa Şurasının “Avropa Məhkəməsində İnsan Haqlarının Müdafiəsi”, Fridrix Nouman Fondunun “Korrupsiya ilə mübarizənin strateji planlaması”, Almaniya Texniki Əməkdaşlıq Cəmiyyətinin “Jurnalistlərin hüquqi maarifləndirilməsi”, “İnzibati qanunvericliklə bağlı maarıfləndirmə”, Amerika Hüquqşunaslar Assosiasiyasının vəkillik kurslarını bitirib. ABŞ-da “Alternetiv Media” və “Medianın böhtandan müdafiəsi” kursları keçib. Müxtəlif vaxtlarda peşəkar jurnalistika ilə məşğul olub. Hüquqçuların, jurnalistlərin, sivil toplum qurumları fəallarının maarifləndirilməsi, informasiya azadlığının inkişafı, media qanunvericiliyinin inkişaf etdirilməsi, ifadə azadlığına dair strateji məhkəmə çəkişmələrinin hazırlanması ilə bağlı bir neçə layihəyə rəhbərlik edib. “Gün işığı bələdçisi” və “Media etikası” kitablarının həmmüəllifidir. De Jure təşəbbüs qrupunun üzvüdür. İkinci Qarabağ müharibəsində iştirak etmiş "Cəbrayılın azad olunmasına görə” və "Füzulinin azad olunmasına görə” medalları ilə təltif edilmişdir. Ailəlidir, üç övladı var.

Mob: 050 3727116

Email: dejure@dejure.az