Azərbaycanda Gender-Əsaslı Zorakılıq Qurbanlarının Müdafiəsi üçün Gənc Hüquqşünaslar Şəbəkəsi

Gender-əsaslı zorakılığının qurbanlarına hüquqi xidmət haqqında praktiki hüquq təlimlərində iştirak etmək və ardınca gələn mentorluq proqramı vasitəsiylə bilik və bacarıqlarını daha da inkişaf ettirmək istəyən hüquqşünasların

NƏZƏRİNƏ

İsveçin “Qadınlardan Qadınlara” Təşkilatının (Kvinna till Kvinna) maliyyə yardımı və ABŞ Təhsilli Azərbaycan Məzunları İctimai Birliyinin (AAA)  texniki dəstəyi və Şəms Mustafayevanın rəhbərliyi ilə “Azərbaycanda Gender-Əsaslı Zorakılığın Qurbanlarının Müdafiəsi üçün Gənc Hüquqşünaslar Şəbəkəsi” layihəsinin icrasına başlanmışdı.

Layihənin əsas məqsədi, gender-əsaslı zorakılığın qarşısının alınması və qurbanlara hüquqi xidmətin göstərilməsi üçün gənc hüquqşünasların mobilləşdirilməsidir.

Bu layihə çərçivəsində:

a) gənc hüquqşünaslar üçün silsilə intensiv praktiki hüquq təlimlər   keçiriləcək;

b) mentorluq vasitəsiylə iştirakçıların bilik və bacarıqlarının artırılmasına dəstək veriləcək

c) qurbanlara könüllü hüquqi xidmətin göstərilməsi üçün hüquqşünaslar şəbəkəsi yaradılacaq;

İntensiv və praktiki hüquq təlimlərində əhatə olunacaq əsas mövzular:

• Gender-əsaslı zorakılıq
• Gender-əsaslı zorakılıqla mübarizə sahəsində qanunvericilik bazası
• Gender-əsaslı zorakılıq qurbanları və potensial qurbanlara hüquqi yardım göstərilən zamanı nəzərə alınmalı məqamlar (konfidensiallıq, insan hüquqları, şəxsin şərəf və ləyaqətə hörmət, təxirəsalınmadan və s.)
• Ərizə, şikayət və vəsatətlərin hazırlanması
• Məhkəmədə iştirak, prosessual qayda və tələblər
• İctimai çıxış, məhkəmə çıxışı/nitq qabiliyyəti
• Liderlik bacarıqları və s.

Layihədə iştirak etmək istəyən gənc hüquqşünaslara dair tələblər:

• Hüquq və ya beynəlxalq hüquq fakültəsinin 3-cü və ya 4-cü kurs tələbəsi və ya bu ixtisaslar üzrə təhsilini yeni bitirmiş;
• Məişət zorakılığı ilə bağlı milli qanunvericilik haqqında dolğun məlumata malik olmaq;
• Gender-əsaslı zorakılığın qarşısının alınması və qurbanların hüquqlarının müdafiəsi sahəsində könüllü işləmək istəyi;
• Komandada işləmək bacarığı.

Silsilə praktiki hüquq təlimlərində və mentorluq proqramında iştirak edib, gender-əsaslı zorakılıq qurbanlarına könüllü hüquqi xidmətin göstərilməsində iştirak etmək istəyən gənc hüquqşünaslar CV- lərini (Azərbaycan və ya ingilis dilində) Ərizə Forması ilə birgə “GBV üzrə ixtisasartırma” başlığı ilə gbvazerbaijan@gmail.com elektron ünvanına göndər bilərlər.

Ərizə forması linki:  http://aaa.org.az/content/kvinna-project-application-form-networking-you...

Yalnız seçilmiş namizədlərlə əlaqə saxlanılacaqdı.

Müraciət üçün son tarix: 05 dekabr 2016-cı il