“İnzibati prosesdə müxtəlif iddia növlərinin yoxlanılması” mövzusunda seminar

Məlum olduğu kimi, Almaniya Beynəlxalq Əməkdaşlıq Cəmiyyətinin (GİZ) “Cənubi Qafqazda Avropa standartlarına hüquqi yaxınlaşmanın dəstəklənməsi” regional proqramının 2019-cu il fəaliyyət planına uyğun olaraq, Azərbaycan Respublikası Vəkillər Kollegiyası ilə əməkdaşlıq çərçivəsində silsilə təlimlər keçirilməkdədir.

Bu təlimlərin davamı olaraq 22.02.2019-cu il tarixdə vəkillər üçün “İnzibati prosesdə müxtəlif iddia növlərinin yoxlanılması” mövzusunda seminar keçirilmişdir. “Park Inn” mehmanxanasında baş tutan seminarda Vəkillər Kollegiyasının 20 üzvü iştirak etmişdir.
 
Qeyd edək ki, ekspert qismində inzibati hüquq üzrə təlimçilərdən olan Bakı Apellyasiya Məhkəməsinin hakimi Rafael Eyvazov və Azərbaycan Respublikası Vəkillər Kollegiyasının üzvü Elçin Usub tərəfindən aparılan seminarda “Mübahisələndirmə barədə iddia və onun yoxlanılması”, “İnzibati prosesdə məcburetmə barədə iddia və onun yoxlanılması” və s. mövzular tədris olunmuş və bu mövzular üzrə fikir mübadiləsi aparılmışdır.

Gələcəkdə Vəkillər Kollegiyası üzvləri üçün bu kimi tədbirlərin davamlı şəkildə keçirilməsi nəzərdə tutulmuşdur.

http://www.barassociation.az/