| Başlıq | İzahı |
|---|---|
| Alğı-satqı müqaviləsi | Alğı-satqı müqaviləsinə görə satıcı əşyanı alıcının mülkiyyətinə verməyi, alıcı isə əşyanı qəbul edib əvəzində müəyyənləşdirilmiş pul məbləğini (qiyməti) ödəməyi öhdəsinə götürür. |
| Alimentlər | Alimentlər - (lat. alimentum — qidalanma, saxlama) — ər-arvad, valideynlər və uşaqlar tərəfindən saxlaması və dolandırılması üçün qanunvericiliyə uyğun olaraq məcburi şəkildə bir-birinə ödənilən vəsaitlər. |
| Alternativ enerji | Alternativ enerji - karbohidrogen yanacağının istilik və elektrik enerjisinə çevrilməsindən alınan enerjidən başqa, digər mənbələr (bərpa olunan mənbələr) əsasında istehsal olunan bütün növ istilik və elektrik enerjisi |
| Andlı iclasçı | Andlı iclasçı — qanunvericiliklə müəyyən edilmiş qaydada andlı iclasçılar siyahısına daxil edilmiş, qanunla nəzərdə tutulmuş qaydalar üzrə seçilmiş və ədalət mühakiməsinin həyata keçirilməsində iştirak etmək üçün məhkəməyə çağırılmış şəxsdir |
| Apatrid | Apatrid (Lat. apatris və qədim yunan ἄπολις, həmçinin vətəndaşlığı olmayan şəxs) — hansı bir ölkəyə aid vətəndaşlığı olmayan və ya hansı bir vətəndaşlığa mənsubiyyətini təsdiq edən sübutları olmayan fiziki şəxsdir. Azərbaycan qanunvericiliyinə uyğun olaraq: Vətəndaşlığı olmayan şəxslər - Azərbaycan Respublikasının vətəndaşı olmayan və başqa dövlətin vətəndaşlığına mənsub olmayan şəxslərdir. |
| Aralıq inzibati akt | Aralıq inzibati akt - konkret icraatın təşkili və həyata keçirilməsi ilə bağlı inzibati orqan tərəfindən qəbul edilən akt |
| Audit | Audit — əmtəə istehsalı və satışı, xidmət göstərilməsi və iş görülməsi ilə məşğul olan təsərrüfat subyektlərində mühasibat uçotunun dəqiq və dürüst aparılmasının, mühasibat və maliyyə hesabat-larının müstəqil yoxlanılmasıdır |
| Auditor xidməti | Təsərrüfat subyektlərində müqavilə əsasında maliyyə-təsərrüfat fəaliyyəti sahəsində yoxlama, ekspertiza, təhlil aparmaq və yazılı rəy vermək, mühasibat uçotu qurmaq, hesabat göstəricilərinin dürüstlüyünü təsdiq etmək və auditorun peşə fəaliyyətinə (auditor təşkilatının nizamnamə məqsədlərinə) uyğun olaraq maliyyə-təsərrüfat münasibətləri sahəsində digər xidmətləri göstərmək auditor xidməti hesab edilir. |
| Azadlığın məhdudlaşdırılması | Azadlığın məhdudlaşdırılması ittiham hökmü çıxarılanadək on səkkiz yaşı tamam olmuş məhkumların cəmiyyətdən təcrid olunmadan, lakin nəzarət altında xüsusi müəssisələrdə saxlanılmasından ibarətdir. |
| Abolisiya | Abolisiya - qanunun, qərarın ləğvi. |
| Antisipasiya | Antisipasiya (лат. anticipatio) - borc öhdəliyi üzrə pulun vaxtından əvvəl ödənilməsi. |
Education - This is a contributing Drupal Theme
Design by WeebPal.
Design by WeebPal.